Haberler - Page 8 of 55 - ЦРО ДУМКЦРО ДУМК | Страница 8

Четверг

09

июля

18
Зуль-къаде
1441 | 2020
Утр.3:04
Вос.4:56
Обед.12:53
Пол.16:56
Веч.20:40
Ноч.22:32
Времена намазов
Календари 2020г

Намаз

Haberler - Page 8 of 55 - ЦРО ДУМК

Mordoviya paytahtında UİS müessiselerinde din erbaplarınıñ işi muzakere etildi (FOTO)

Опубликовано:

Qırım Müftisiniñ yardımcısı, Qırım MDİ diniy teşkilâtlar ile iş alıp baruv bölüginiñ reberi Raim Ğafarov, Mordoviya Cumhuriyetiniñ paytahtı Saransk şeerinde olıp keçken, FSİN ve merkeziy musulmanlar diniy idareleriniñ işbirligi boyunca iş taqımınıñ keñleştirilgen muzakerde iştirak etti. Tedbir, İslâm medeniyeti, ilimi ve tasiline destek köstergen Fond tarafından İslâm medeniyeti merkezi ve İslâm tasili boyunca Şuranen işbirlikte teşkil etildi. Cinaiy-icra etüv sistemasınıñ 2020 senesine qadar köntseptsiyası boyunca, mahküm etilgenlerniñ maneviy-ahlâqiy terbiyesinde, bundan da ğayrı,  azat olğan insanlarnen iş alıp baruvında,   diniy konfessiyalar potentsialınıñ daa faal qullanıluvı közde tutula. Fond faaliyetiniñ esas iş yöñelişlerinden biri – UİS müessiselerinde terrorizm ve ekstremizm ideologiyasına qarşı vazifesini eda etken musulman diniy teşkilâtlarına destek köstermektir. Al-azırda bu mesele,  İş taqımı tarafından işlep çıqarılğan ve musulman diniy idareleri tarafından tasdiqlanğan añlaşmalar çerçivesinde alıp barıla. Bu añlaşmalar mücibi, musulman din erbapları UİS müessiselerini muntazam sürette ziyaret etebileler. Mahküm etilgenlernen maneviy-ahlâqiy iş alıp barıla, maqsadı – qanun boyunca areket etüv tarzını terbiye etmek, qabaatnı añlamaq, İslâm dini etikası qaidelerine uyğun areket tarzını şekillendirmektir. Raim Ğafarovnıñ sözlerine köre, FSİN ile olğan işbirlik, koloniyalarda bulunğanlarğa büyük destek köstermege imkân bere. Raim Ğafarov: "Hatanı er kes yapabile, bazıda hatalarnıñ neticesi pek ağırdır. Maqsadımız – insanğa hatanı añlamağa yardım etmek ve onı doğru yolğa çağırmaqtır. Maneviy destek müim, bu meselede din erbaplarınıñ rolü ğayet büyüktir", - dep ayttı. İştirakçiler, FSİN vekilleri ve musulman din erbapları içün azırlanğan metodik qullanmalarnı muzakere etti. Musulman din erbapları arasından, UİS müessislerine barıp, ekstremizmge qarşı profilaktik işni alıp baracaq ekspertlerniñ azırlanuvı meselesi de baqıldı. QMDİ matbuat hızmeti [gallery link="file" columns="4" size="medium" ids="34928,34926,34924,34922,34920,34918,34916,34914,34912,34910,34908,34906"]

Aqmescitte ösmürler içün trening olıp keçti (FOTO)

Опубликовано:

"Faydalı ilim" medeniy-maarif merkezinde, Qırım musulmanları Diniy İdaresi ve musulmanlarğa ruhiy destek  kösterüv Assotsiatsiyası tarafından ösmür qızlar içün teşkil etilgen ruhiyat treningi olıp keçti. Tedbirde, yaşı 10-15 civarında olğan 15 qız iştirak etti. Treningniñ maqsadı – kommunikativ qabiliyetiniñ inkişafı, eminlik seviyesiniñ yükseltilüvi, insanlarnen işbirlik qurabilmek ve digerlerniñ ögünde çıqışta bulunmaq qorqusınıñ ögüni almaqtır. Treningni ruhiyatçı, Qırımda APPM azası Nadika İzmailova keçirdi. Onıñ sözlerine köre, balalar, çağdaşlarınen eminliknen qonuşmaq, kendi qabiliyetlerini muvafaqiyetnen inkişaf ettirmek içün ruhiy destekke muhtacdır. Nadika İzmailova: "Er bir balanıñ öz tabiatı bar. Bazı balalar açıq, qonuşmağa qorqmay, digerleriniñ ise utanıp çekinmek kibi çizgisi bardır. Amma er birine, öz küçlerine inanmaq, kendisini ögrenmek ve añlamaq, bütün insanlar farqlı olğanını  añlamaq ve qabul etmek içün destek kerek", - dep ayttı. Qırım MDİ ve musulmanlarğa ruhiy destek kösterüv Assotsiatsiyasınıñ işbirligi çerçivesinde, ösmürler içün bir sıra treninglerniñ keçirilüvi közde tutula. QMDİ matbuat hızmeti   [gallery link="file" columns="4" size="medium" ids="34849,34847,34845,34843,34841,34839"]

Mevlid gecesi qayd etildi (FOTO)

Опубликовано:

Qırım musulmanları "Mevlid gecesini" - Muhammed Peyğamberniñ (s.a.s.) bu dünyağa kelüvini qayd etti. Mevlidke bağışlanğan büyük diniy merasim, Aqmesciteki Seit-Settar külliyesinde olıp keçti. Musulmanlar, Quran, Mevlid oqudı, dua etti ve Peyğamberge (s.a.s.) salâvat ketirdi. "Mevlid gecesi" keçirilgen soñ,  qırımtatar ananeviy şerbeti ikram etildi. Mezkür tedbirler, Saq rayonı, Kezlev, Canköy, Or-Qapı ve cumhuriyetniñ diger şeerlerinde ve qasabalarında keçirildi. Merasim devamında, daima oqulğan dualardan ğayrı, Peyğamberge (s.a.s.) salâvat ketirile. İlâhiler cemaatnen birlikte maqamı ile oqula ve Peyğamberniñ (s.a.s.) ömüri aqqında subetler keçirile. Bu kün, adet üzre, soy-sop, qolum-qomşu, dost-eş ziyaret etile, fuqarelerge sadaqa berile. Musulman alimleriniñ bergen malümatlarına köre, Muhammed Peyğamber (s.a.s.) 571 senesi Rabi-ül-Evvel ayınıñ 12-nci künü, bazarertesi künü, tañ atqanda dünyağa keldi. QMDİ matbuat hızmeti [gallery link="file" columns="4" size="medium" ids="34827,34825,34823,34821,34819,34817,34815,34813,34811,34809,34807,34805,34803,34801,34799,34797,34795,34793,34791,34789,34787,34785,34783,34781,34779,34777,34775,34773,34771,34769,34767,34765,34763,34761,34759,34757,34755,34753,34751,34749,34747,34745,34743,34741,34739,34737,34735,34733,34731,34729,34727,34725,34723,34721,34719"]

Moskvada, Rusiye cemiyetinde migrantlarnıñ içtimaiy ve ruhiy adaptatsiyası muzakere etildi (FOTO)

Опубликовано:

Qırım Müftisiniñ yardımcısı Muhammed İslamov, Şeyh Muhammad Sadık Muhammad Yusuf adına,  "Rusiye cemiyetinde migrantlarnıñ içtimaiy ve ruhiy adaptatsiyası" mevzusındaki Birinci Halqara diniy-maarif Oquvlarında iştirak etti.  İştirakçiler, Orta Asiya cumhuriyetlerinden kelip, Rusiye Federatsiyasında yaşağan migrantlarnıñ içtimaiy, ruhiy, maneviy, medeniy ve uquqiy adaptatsiyasınıñ mehanizmlerini muzakere ettiler. Çıqışta bulunğanlar, Rusiyede migrantlarnıñ adaptatsiyası boyunca esas meseleler qayd etildi, qoyulğan vazifeler çezilüviniñ yolu ve imkânları işlenilip çıqarıldı, işniñ usulı, şekili ve yönelişi belgilendi. Muzakerelerniñ neticesinde, Rezolütsiyanıñ metinine kirsetilgen teklifler işlep çıqarıldı. Bu cümleden, musulman migrantlarına ruhiy destek, oqutuv, RF qanunlarınıñ ögrenilüvi, yañı zenaatlarnıñ menimsenilüvinde destek, islâm blogerleriniñ yardımı, milliy birleşmeler, elçihaneler, Rusiye Federatsiyası musulmanlarınıñ diniy idareleri ve  radikalizmniñ ögüni almaq meselelerinen meşğul olğan cemaat teşkilâtlarınıñ temsilcileri ile umumiy faaliyet kibi mevzular muzakere etildi. Qırım Müftisiniñ yardımcısı Muhammed İslamovnıñ sözlerine köre, Rezolütsiyada aks etilgen esas maddeler ve noqtalar, Qırımda da amelge keçirilmeli, çünki Qırımda da Orta Asiya cumhuriyetlerinden kelgen migrantlar bar. Muhammed İslamov: "Olar bizim dindaşlarımızdır ve olarğa, muayyen bir meselelerniñ çezilüvinde destek olmaq, eñ esası ise -  diniy ananelerge ve maneviy degerliklerge riayet etüvde yardımcı olmaq – bizim borcumızdır. Qırım musulmanları Diniy İdaresi buña ayrı diqqat ayıra. Camilerimizde, cuma namazında, Orta Asiya cumhuritlerinden kelgen musulmanlar da bar. Biz olarnıñ din saasındaki suallerine cevap bermege tırışamız", - dep qayd etti ve Moskvada keçirilgen forumda, migrantlar ile alâqalı bir çoq meselelerniñ çezilüvinde ve tekliflerniñ amelge keçirilüvinde uyğun yollar tapılğanını ilâve etti. Oquvlarda, devlet idareleri, vekâletlikleri ve hızmetleriniñ temsilcileri, musulman diniy idareleriniñ vekilleri, imamlar, teologlar, alimler, ruhiyatçılar, ekimler, jurnalistler, Rusiye Federatsiyasınıñ farqlı bölgelerindeki cemaat erbapları, Orta Asiya cumhuriyetlerindeki mütehassıslar iştirak etti. QMDİ matbuat hızmeti [gallery link="file" columns="4" size="medium" ids="34663,34677,34675,34673,34671,34669,34667,34665"]  

Çeber eller kursı

Опубликовано:

Aqmescitniñ Borçoqraq qasabasında qızlar içün çeber eller kursı teşkil etile.  Yaşı 10-15 civarında olğan qızlar davet etile. Programmada: — akril boyalar ile resim çızmaq; — kvilling dersleri; — biser ile çalışuv (ineler, terekler, çiçekler) — şeritlerden çiçekler yapmaq; — dekorativ zarf yapmaq; — fetr ile çalışuv. Dersler aftada bir kere keçirilecek. Malümat içün telefon nomerası: +7978 041 0226 QMDİ matbuat hızmeti

“Yaş mimar” yarışınıñ ğalibi belgilendi (FOTO)

Опубликовано:

Qırım musulmanları Diniy İdaresi tarafından ilân etilgen "Yaş mimar" adlı Bütün Qırım yarışınıñ neticeleri çıqarıldı. Yarış, bu sene iyül ayınıñ soñunda ilân etildi. Mütehassıslarnıñ diqqatına 20-den ziyade leyha taqdim etildi. Finalda iştirak etmek içün, dört leyha saylanıldı. İştirakçilerniñ vazifesi – caminiñ qurucılığında qırımtatar üslübinden faydalanıp, köntseptsiya ve mimariy-plan qararlarını işlep çıqarmaqtır. Umumen, yarışnıñ maqsadı – caminiñ eñ güzel eskiz leyhasını seçmek,  qırımtatar mimar usulını saqlamaq ve populârlaştırmaq, mimarlarnı ileride icadiy işke ilhamlandırmaqtır. Jüri terkibine Qırım Müftisiniñ muavini Ayder İsmailov, Qırım MDİ qurucılıq ve topraq bölüginiñ reberi Ervin Kerimov, GUP "Krımproyektrestavratsiya" temsilcisi Şükri Halilov, "İndustriya razvitiya" şirketiniñ reberi Enver Emiraciyev, Bağçasaray tarihiy-medeniy qoruq müzeyiniñ müdir muavini Rustem Eminov kirdiler. Finalğa çıqqan iştirakçiler öz cami eskizlerini taqdim ettiler. Yaş iştirakçilerniñ leyhaları, farqlı üslüpte – osmanlı, aq deñiz, yaqın şarq ve hay-tek üslübinde azırlandı. Er leyha, öz özgünliginen  ve ayırılıp turğan hususiy çizgiler ile meraq doğurdı. Final neticelerine köre, jüri azaları ğalipni belgiledi. Birincilikni mimar Alim Valitov aldı. Qırım Müftisi, Alim Valitovğa, Qırım musulmanları Diniy İdaresi ve Qırım hac-operatorı adından bahşış berdi – Mekke ve Medine topraqlarına küçük hacılıqqa (ümrege) yollanmanı ediye etti. Ekinci yer ve bahşış olaraq 3D printerni, cami leyhasını hay-tek üslübinde azırlağan Ahtem Mejmidinov qazandı. Üçünci yer ve lazer printerni dizayner Asan Nuriyev aldı. Jüri azalarınıñ fikirleri ve internet vastasınen rey berüvine köre, "Seyircilerniñ alğışı" nominatsiyasında Nuriye Seitveliyeva ğalip olıp çıqtı. V.İ. Vernadskiy adına Qırım federal universiteti qurucılıq ve mimarcılıq Akademiyasınıñ üçünci kurs studentine mahsus bahşış – qave-maşina berildi. Bahşışnı, Rusiye Federatsiyası Devlet Dumasınıñ deputatı Ruslan Balbek berdi. Qırım Müftisi: "Cami leyhalarınıñ qurucılığında tecribesi olğan istidatlı yaşlarnı körmege – büyük quvançtır. Bu ciddiy maneviy temel, bilgilerniñ timsalidir. Oquñız, milletimizniñ eyiligi oğrunda çalışıñız, siz kibi tasil körgen ve istidatlı yaşlar sayesinde milletimizniñ adı bütün dünyağa belli olsun. Biz ise daima sizge qol tutacaqmız", dep ayttı. Öz nevbetinde, Qırım Müftisiniñ muavini Ayder İsmailov, yaş mimarlarğa, iştirak etkenleri ve leyhalarnıñ güzel taqdimi içün teşekkürler bildirdi ve: "Eminim, bu camiler mıtlaqa Qırımnı yaraştıracaq ve bizim camilerimiz, öz güzelligi ve özgünligi ile dünyanıñ belli camilerinen bir sırada turacaq. İleride de istidatlı yaşlarnı tapmaq içün, biz, bu kibi yarışlarnı keçirmege niyetindemiz. Maqsadımız – bizde istidatlı ve progressiv, büyük potentsialnıñ saibi olğan yaşlar bar olğanını köstermek, sizni, yañı leyhalar ve mimarcılıq sanatında yañı derecelerge irişüviñizge, ileride bizni quvandırmañız içün ilhamladırmaqtır", dep ilâve etti. QMDİ matbuat hızmeti [gallery link="file" columns="4" size="medium" ids="34556,34554,34552,34550,34548,34546,34544,34542,34540,34538,34536,34534,34532,34530,34528,34526,34524,34522,34520,34518,34516,34514,34512,34510,34508,34506,34504,34502,34500,34498"]

Islâm Terek rayonınıñ köyünde cami qurulacaq (FOTO)

Опубликовано:

İslâm Terek rayonınıñ Babenkovo (Essen Eli) köyünde, cami qurulacaq yerde temel qoyuluvınıñ tantanalı merasimi olıp keçti. Tedbirde Qırım Müftisiniñ muavini Ayder İsmailov iştirak etti. Essen Eli köyüniñ musulman sakinleri, 30 yıl devamında topraqnıñ ayırıluvı içün ğayret kösterdiler.. Qararnıñ qabul etilüvi ep sozulğan. Yerli faaliyetçiler ve din cemiyetiniñ azaları, Qırım musulmanları Diniy İdaresiniñ destegi ile vesiqalarnı resmiyleştirdi, cami qurucılığı içün ruhset berildi ve kelecekte qurulacaq caminiñ temeli qoyuldı. Cami 250-300 insannı sığdırabilecek. Qurucılıq, yerli musulmanlar ve qomşu köylerdeki sakinlerniñ sadaqalarına keçirilmekte. Mında cuma namazına Kipçak (Kriniçki) ve Nayman (Abrikosovka) qomşu köyleriniñ musulmanları kelecek. Cami yanında,  İslâm  dini esasları ve qırımtatar tili kursları açmaq közde tutula. Müfti muavini Ayder İsmailov: "Balalar maneviy qıymetlerni daa teren añlaycaq. Bu degerlikler – medeniyetimizniñ, umumen, seadetniñ, Qırımnıñ bereketli topraqlarında muabbetlik ve eyilikniñ temelidir", dep qayd etti. Temel qoyuluvından evel qurban çalındı.  Ayder İsmailov dua oqudı ve toplanğanlarnı bu quvançlı, çoq beklenilgen vaqianen hayırladı. Tedbir yerli sakinler ve musafirler içün ziyafet yekünlendi. QMDİ matbuat hızmeti [gallery link="file" columns="4" size="medium" ids="34576,34574,34572,34570,34568,34566,34564,34562,34560,34558,34494,34492"]

“Menim ailem” kursınıñ II sezonı

Опубликовано:

Qırım musulmanları Diniy İdaresi, "Faydalı ilim" Bütün Qırım maarif leyhası çerçivesinde, Qırım Cumhuriyetinde musulmanlarğa ruhiy destek berüv Birleşmesiniñ regional vekâletligi ile birlikte, qadınlar içün "Menim ailem" kursınıñ II sezonınıñ açıluvı aqqında ilân ete. Programma 7 dersten ibaret, bir ay devam etecek. Mezkür müelliflik kursına İslâm dini esasları, ruhiyat, medeniyet ve diger ilimler kirdi. "Menim ailem" kursı, qoranta ayatını eyi tarafqa deñiştirmege, bu munasebetlerde öz yerini tapmağa, ömür arqadaşını daa yahşı añlamağa, ömür arqadaşı ile munasebetlerni bozmayıp, davalar ve narazılıqlarğa nisbeten daa eyi davranmağa, balalarnı terbiye etüvde ikmetli olmağa, ömür arqadaşı ile şahsiy munasebetlerni eyileştirmege istegenler içün çalışa.  Kursnıñ müellifi ve alıp barıcısı Bairova Zeyneb Muzafarovna — QMDİ "Faydalı ilim" Bütün Qırım maarif leyhasınıñ reberi, Qırım Cumhuriyeti boyunca musulmanlarğa ruhiy destek kösterüv Birleşmesi idaresiniñ azası, İslâm ruhiyatı Halqara Birleşmesiniñ Azasıdır. Tavsilâtlı malümat almaq ve kursqa yazılmaq içün telefon nomerası:+ 7978 863 9566. QMDİ matbuat hızmeti

Amethan Sultannıñ hatırası añıldı (FOTO)

Опубликовано:

Oktâbrniñ 25-de, Qırım paytahtınıñ sakinleri ve musafirleri, Sovetler Birliginiñ eki defa Qaramanı Amethan Sultannıñ adını taşığan meydanda, adı tarih saifelerinde yazılğan uçuvcı-qaramannıñ hatırasını añmaq içün toplaştı. Amethan Sultannıñ 99-yıllığına bağışlanğan tantanalı tedbirde, milletlerara munasebetler ve sürgün etilgen grajdanlarnıñ işleri boyunca Devlet komitetiniñ Reisi Lenur Abduramanov, Aqmescit şeer memuriyeti başınıñ muavini Yaqub Zeytullayev, QC Devlet Şurasınıñ deputatları, Aqmescit şeer şurası deputatlar korpusınıñ vekilleri, veteranlar, cemaat faaliyetçileri, diniy idarelerniñ temsilcileri, studentler ve talebeler iştirak etti. Tedbirniñ musafirleri ögünde, Qırım Müftisiniñ yardımcısı Raim Ğafarov çıqışta bulundı ve qırımtatar milletiniñ şanlı oğlunıñ ruhuna dua oqudı. Raim Ğafarov: "Amethan Sultan köklerde, yükseklerde çalıştı, öz qaramanlığını da yükseklikte köstergen edi. O, daima hatıramızda qalacaq", dep ayttı. Tedbir çerçivesinde, Aqmescit şeeriniñ eñ eyi icadiy taqımlarınıñ icrasında qırımtatar milliy yır ve nağmeleri yañğıradı ve Sovetler Birliginiñ eki defa Qaramanı Amethan Sultannıñ hatıra tahtası yanına güldesteler qoyuldı. Qırım paytahtında, Amethan Sultannıñ 100-yıllığına bağışlanğan bir sıra tedbirlerniñ keçirilüvi közde tutula. Eñ müim tedbirlerden biri – Aqmescitte abideniñ yerleştirilip açıluvıdır. Malümat: Sovetler Birliginiñ eki defa Qaramanı, ulu uçuvcı Amethan Sultan, 48 yıl evel, yañı reaktiv köçüriciniñ sınavı içün yapılğan Tu-16 uçqan laboratoriyasında sınav uçuvı devamında elâk oldı. Ulu Vatan cenki devamında, meşur uçuvcı 603 arbiy uçuvnı eda etti, 150 ava uruşını keçirdi, şahsen ve uçuv taqımlarınen beraber 49, şu cümleden, Qırım kökünde 6 uçaqnı urıp yıqtırdı. QMDİ matbuat hızmeti [gallery link="file" columns="4" size="medium" ids="34462,34460,34458,34456,34454,34452,34450,34448,34446,34444,34442,34440,34438,34436,34434,34432,34430,34428"]

“Halq medresesi” işini devam ete (FOTO)

Опубликовано:

Cürçi qasabasında, Qırım ve Sevastopol şeeri musulmanları diniy idaresiniñ "Halq medresesi" leyhası çerçivesinde nevbetteki ders olıp keçti. Umumen, Cürçi rayonında "Halq medresesi"ne 25 insan qatnay. Esasen, 40 yaşını keçken rayon köyleriniñ sakinleridir. Keçirilgen derste, İslâm uquqı magistri Ayder İsmailov, namaz qılınuvı boyunca ögretüv dersini keçirdi. İslâm ilâhiyatı magistri Raim Ğafarov, İslâm dini baqışında qırımtatar milletiniñ urf-adetleri aqqında ikâye etti. Al-azırda "Halq medresesi" Bağçasaray, Aqşeyh, Saq rayonlarında ve Kezlev şeerinde açıldı. İleride ise Qırımnıñ bütün rayonlarını qaplap almağa közde tutula.  Aqmescitte "Halq medresesi" dersleri, 2019 senesi yanvar ayında başlap, "Seit-Settar" külliyesinde keçirile. 50 ve 30 insandan ibaret olğan eki bölük çarşenbe ve cumaaqşamı künleri oquy. "Halq medresesi"ne 15 yaşını keçken yigiitler ve  erkekler qatnay. "Halq medrese"si kursınıñ programmasına, İslâm dini esaslarınıñ tolu kursı, arap elifbesi ve Quran oquvı, diniy merasimler ve qırımtatar milliy adetleriniñ ögrenilüvi kirmekte. Dersler bedava, qırımtatar tilinde keçirilmekte. "Halq medresesi" leyhasınıñ maqsadı – ileride, camilerde faaliyet köstere ve İslâm dini esasları boyunca dersler alıp barabilecek din saasındaki mütehassıslarnı azırlamaqtır. Oquvını yekünlegen mezunlarğa, diniy faaliyetni alıp barmağa aqqını tasdiqlaycaq sertifikat berilecek. QMDİ matbuat hızmeti [gallery link="file" columns="4" size="medium" ids="34403,34417,34415,34413,34411,34409,34407,34405"]

Qırım Müftisi “Küreş” yarışınıñ ğaliplerini tebrikledi (FOTO)

Опубликовано:

Qırım Müftisi hacı Emirali Ablayev, Küreş quşaq sport boyunca Qırım sportçılarını tebrikledi. Fahriy yarlıqlar ve bahşışlarnıñ taqdim etilüvinen bağlı tantanalı tedbir Qırım musulmanları diniy idaresinde olıp keçti. Körüşüvge, Mingerde (Tatarstan) olıp keçken Küreş quşaq yarışınıñ ğalipleri ve Başqortostan paytahtı Ufa şeerinde olıp keçken Köreş quşaq yarışınıñ Rusiye Kubogınıñ ğalipleri toplandı. 2019 senesi dünya çempionatında 42 devletten kelgen 230 iştirakçi arasında kümüşni Qırım sportçıları Marlen Seytumerov ve Azim Halilov qazandı, Rusiye Kubogınıñ yarışlarında eki kümüş ğalipleri  – Rustem Emirüseinov ve Emirali Osmanov olıp çıqtı ve tunç qazanğan üç çempion  – İzet Kadırov, Abkerim Yunusov ve Eyup Hurdade oldı. Qırım Müftisi hacı Emirali Ablayev sportçılarğa fahriy yarlıqlar ve qıymetli bahşışlarnı ediye etti. Bundan da ğayrı, kümüş medalleriniñ saipleri ananeviy bahşış – qoynı elde etti. Hayırlav sözünde, Qırım Müftisi, Qırım sportçılarınıñ ğayreti sayesinde, Küreş milliy sport çeşiti tek Rusiyede degil de, bütün dünyada populâr ola, dep qayd etti. Qırım Müftisi: "Siz çeşit sport meydanlarında çıqışta bulunğanda, bütün dünya, siz – Qırımdan kelgeniñizni ve qırımtatarlar olğanıñıznı bile. Ğalip unvanını şeref ile taşıñız, ileride büyük  ve keñ ömür yoluñız bar ve sizge, yalıñız siziñ sporttaki kelecegiñiz degil de, milletimizniñ sağlam ruhu bağlıdır. Sizge muvafaqiyetler ve yañı ğalebeler tileymiz. Qırım Müftiligi sizge er daim qol tutacaq", – dep ayttı.    Bundan da ğayrı, hayırlavlarğa, 1972 senesi Münhende olıp keçken Olimpiada çempionı, klassik küreş boyunca Sovetler Birligi sport ustası Rustem Kazakov qoşuldı. Çempion, sportçılarğa, yañı ğalebelerge irişmege ve yetişken nesil içün nümüne olmağa tiledi. Tantanalı tedbir çerçivesinde idmancı ocalar – İsmail İsmailov, Amit Ablâmitov, Bulat Ahmad ve Zair Appazov tebriklendi. Qırım Müftisi olarğa, semereli emekleri, professional muvafaqiyetler, Dünya Çempionatı ve Rusiye Kubogı içün Küreş yarışı boyunca sportçılarnıñ azırlanuvında faal iştirak etkenleri içün teşekkürler bildirdi. Ayrı teşekkürler, Köreş Qırım Federatsiyasınıñ Reisi, sport taqımınıñ reberi Enver Üseinovğa bildirildi. Enver Üseinov, Federatsiya adından, Qırım ve Sevastopol şeeri musulmanları diniy idaresine Qırım manzarasını aks etken resimni ediye etti. QMDİ matbuat hızmeti [gallery link="file" columns="4" size="medium" ids="34368,34366,34364,34362,34360,34358,34356,34354,34352,34350,34348,34346,34344,34342,34340,34338,34336,34334,34332,34330,34328,34326,34324,34322"]

Qırımda Ablâziz Veliyevniñ 80-yıllığı qayd etile (FOTO)

Опубликовано:

Qırım Müftisiniñ muavini Ayder İsmailov, Aqmescitte İ. Gasprinskiy adına kitaphanede olıp keçken, qırımtatar yazıcısı, şairi, jurnalist Ablâziz Veliyeniñ yubileyine bağışlanğan tantanalı tedbirde iştirak etti. Ablâziz Veliyevni doğğan künü ile hayırlamaq içün, meslekdeşleri ve dostları keldi. Bu  – Ablâziz Veliyeniñ icadını sevgen, degerlendirgen insanlardır. Yazıcığa çoq sıcaq sözler ve tilekler aytıldı. Ayder İsmailov, Ablâziz Veliyevge, Qırım Müftisi hacı Emirali Ablayev ve Qırım musulmanları diniy idaresiniñ hadimleri adından samimiy hayırlavlarnı bildirdi ve: "Allah Sizge sağlıq, uzun ömür bersin. İleride de işiñizniñ neticelerini körip quvanayıq. Biz Siziñ daa çoq icadıñıznı köreyik, qırımtatar halqı körsin, faydalansın. Balaçıqlarımız, öz tilini, medeniyetini, şiiriyetini, onıñ şırnıqlığını Siziñ eserleriñizde körsin. Bilsin, yüreklerine siñdirsin…", dep ayttı. Tedbir iştirakçileri, yazıcınıñ qırımtatar edebiyatına qoşqan büyük issesini ve bu eserler vatanperverlik duyğularınen tolu olıp, milliy edebiyatımıznıñ tarihında iz qaldıracağını qayd ettiler. Tedbir çerçivesinde, Ablâziz Veliyevniñ şiirleri yañğıradı. Bu şiirler rus, ukrain tillerine de tercime etildi. Şairniñ şiirlerine yazılğan yırlar icra etildi. Bundan da ğayrı, yazıcınıñ kitapları ve maqaleleriniñ sergisi teşkil etildi. Tedbir devamında şairniñ işdeşleri ve dostları, onıñ icadı ve milliy edebiyatımızdaki yeri aqqında ikâye ettiler. QMDİ matbuat hızmeti [gallery link="file" columns="4" size="medium" ids="34318,34316,34314,34312,34304,34302,34300,34298,34296,34294,34292,34290,34288,34286,34284,34282,34280,34278,34276,34274,34272,34270,34268"]