Haberler - Page 56 of 78 - ЦРО ДУМКЦРО ДУМК | Страница 56

Вс

26

сентября

19
Сефер 
1443 | 2021
Утр.5:09
Вос.6:25
Обед.12:39
Пол.15:54
Веч.18:43
Ноч.19:59
Времена намазов
Календарь 2021г

Намаз

Haberler - Page 56 of 78 - ЦРО ДУМК

Aprelniñ 30-nı – mayısnıñ 1-ni bağlağan gece – Beraat gecesidir

Опубликовано:

2018 s. aprel 30 -  mayıs 1 gecesi, müsulmanlar Beraat gecesini qarşılay. Arap. "Leylât-ül-Baraat" – "Günahlarnıñ af etilüv gecesi". Beraat gecesi – fazileti boyunca Qadir gecesinden soñ ekinci yerde turmaqta. Qırım camilerinde Beraat gecesine bağışlanğan çeşit tedbirler keçirilecek. Qırım Müftisi haci Emirali Ablayev cümle müsulmanlarnı Beraat  gecesi ile hayırlay: "Bu gece Qırım müsulmanları keçmişlerniñ ruhuna dua bağışlaylar, Quran oquylar, ibadet eteler, Allahnıñ razılığını qazanmaq içün çeşit eyilikler ve hayriye işleri yapalar. Rabbimizden, dualarımıznıñ qabul etilüvini, epimizni günahlarımızdan ter-temiz etüvini, Ramazan ayını da birlik-beraberlikte sihhat-sağlıqta qarşılamamıznı tileyim". Beraat gecesi qamer Şaban ayınıñ 14-15-ni biri-birine bağlağan gece qayd etile. Hadislerde: "Allah mıtlaqa: "Menden af tilegen yoqmı? – Günahlarını bağışlayım. Menden rızıq istegen yoqmı? – Rızıq bereyim. Bir dertke oğrağan yoqmı? – Afiyet bereyim…" denile. QMDİ mutbuat hızmeti

Qırım, qaramannıñ qorantasını qıdıra

Опубликовано:

Qırım müsulmanları Diniy idaresine "Ötçizna" Qırım Cümhuriyetiniñ qıdıruv-vetanperver Birleşmesi cemat teşkilâtından tapılğan asker naaşi ve onıñ tuvğanlarınıñ qıdıruvı boyunca nevbetteki muracaat keldi. Esirlikten qaçqan leytenantnıñ taqdiri aqqında malümat qıdıramız. ALİ İset ( İsmet) (hatalar ola bile) – Qırım ASSR-de 1921 senesi doğdı, anası – Belousova, 7-nci aviapolk, avgust 5 künü 1944 senesi leytenant Lüdvigsburg ştalagından USA-Khaki-Fliegeruniform qaçıp ketti. Arbiy rutbesi: leytenant Qaçaqnıñ taqdiri aqqında malümat yoq. Soy adı  Ali, adı: İset (İsmet), Doğğan vaqıtı: 23.09.1921 s. Doğğan yeri — Krımskaya ASSR. Esirlikke 27.07.1941 senesi alındı. Esirlikniñ yeri - Mogilöv, lager v/pl. LÜftvaffe 2. Lagerdeki nomerası: 3876. Vetandaşımıznıñ taqdiri aqqında bilgenlerni Qırım Müftiligine, ya da +7 978 895 8393; +7918 203 8959  telefon nomeraları boyunca "Ötçizna" Qırım Cümhuriyetiniñ qıdıruv-vetanperver Birleşmesi cemaat teşkilâtı reberiniñ muavini Dzüba Natalyağa muracaat etmege rica etemiz. QMDİ matbuat hızmeti

Qırım Müftisi qurulğan Cuma camini ziyaret etti (FOTO)

Опубликовано:

Qırım Müftisi haci Emirali Ablayev iş ziyareti ile Aqmescitte qurulğan Cuma camide bulundı. Bugünki künge qadar memuriy binanıñ damı yapıldı, onıñ iç işleri al etile, müendis ağları qurula. Pencere konstuktsiyaları ketirildi, yaqın arada olarnıñ montajı yapılacaq. Cuma caminiñ binasında baş qubbe ve dört minareniñ yapılması üzerinde işler alıp barıla. Musafirhane qurula, diniy kompeksiniñ merkeziy kirişi ögünde yerleşecek büyük çeşme içün temel yapıldı. İş ziyareti çerçivesinde, Qırım Müftisine, işler evelden qabul etilgen müddet cedveli boyunca alıp barılğanı bildirildi. Hatırlatamız, Cuma caminiñ açıluvını 2019 senesi aprelniñ 21-nde  keçirmek niyet etile QMDİ matbuat hızmeti [gallery link="file" columns="4" size="medium" ids="14547,14545,14543,14541,14538,14534,14532,14536,14530,14528,14526,14524,14522,14520,14518,14516,14503,14500,14498,14492,14490,14473,14471,14469,14467,14465,14463,14461,14459,14457,14455,14453,14451,14449,14447,14445,14443"]

Qırım Müftisi islâm devletlerinden kelgen jurnalistler ile körüşti (FOTO)

Опубликовано:

Aqmescitte "Müsulman jurnalistleri tsivilizatsiyalar işbirliginiñ tarafdarlarıdır" IV Halqara müsulman forumınıñ iştirakçileri Qırım Müftisi haci Emirali Ablayev ile körüşti. Körüşüv Seit-Settar diniy kompleksinde olıp keçti. Tedbirde Rusiye DD deputatı Ruslan Balbek, milletlerara munasebetler ve sürgün etilgen vatandaşlarnıñ işleri boyunca Devlet komitetiniñ reisi Lenur Abduramanov, qırımtatar halq Şurasınıñ azaları ve cemaat teşkilâtlarınıñ vekilleri iştirak etti. Qırım Müftisi haci Emirali Ablayev jurnalistlerge selâmlav sözleri ile muracaat etti. O, forum iştirakçilerine Qırımğa, hususan, yarımada müsulmanlarına nisbeten kösterilgen büyük meraqları içün teşekkürler bildirip, Qırımğa seyahat aqqında kerçekni tarif etmege rica etti. Qırım Müftisi: "Soñki dört yıl devamında Qırım sakinleri, müsulmanlar, dinlerara munasebetler ve Qırımdaki vaziyet aqqında aytılğan yalannıñ şaatları oldıq. Siziñ dünyağa, dört yıl devamında Qırımda farqlı millet vekilleri ve farqlı dinlerge mensüp olağanlar arasındaki barışıq  saqlanıp qalğanı aqqında tarif etmeñizni isteymiz. Kelecegimiz barışıq içinde parlaq olmaq kerek", - dep ayttı. Bundan da ğayrı, Müfti, soñki 15 yıl devamında yarımadada peyda olğan kergin vaziyet aqqında tarif etti. Qırımğa radikal diniy aqıntılar kelgeni ve olarnen alıp barılğan küreş aqqında ayttı. "O vaqıt Qırımğa beş radikal diniy aqıntı keldi, Vahhabiylik, selefiylik, cihatlıq, Hizb ut-Tahrir ve habaş kibi aqıntılarnıñ tarafdarları peyda oldı. Biri-biri artından olar mustaqil diniy teşkilâtlar olaraq resmen qayd etilgen edi. Qırımda kendisini pek serbest tutıp, qırımtatar halqına büyük zarar ketirdiler. Atta 2014 senesi bizde diniy bayramlarnıñ bölünmesi olıp keçti. Amma bu müthiş vaqıtlar artta qaldı. Şimdi Qırım müsulmanları Diniy idaresi ilân etken Oraza ve Qurban bayramı künleri resmiy sayılmaqta. Bu ise diger aqıntılarğa kirli oyunlar keçmegeniniñ güzel köstergiçidir", - dep ayttıEmirali Ablayev. Körüşüv çerçivesinde Müfti jurnalistlerniñ suallerine cevap berdi. Hususan, Qırım müsulmanları ve İslâm dünyası arasındaki munasebetler, medeniy ve diniy saalardaki işbirlik aqqında sualler seslendirildi. "İşbirligimiz tek sözde qalmayıp, daa semereli olmalı. Müsulman devletlerinde stabillikni bozğanlarnı yahşı bilemiz, onıñ içün birlikte olmalımız. Tasil, bilgi, maarif – bizim umumiy küçümizdir. Tek böyle biz ekstremizm, tariqatçılıq, terrorizm ve Ğarpnıñ oyunlarına qarşılıq köstere bilecemiz", - dep qayd etti Müfti. Körüşüvniñ soñunda jurnalistler Qırım Müftisine teşekkürler bildirip, dünyada Qırım müsulmanları ve qırımtatarlar aqqında kerçekni bildirmege söz berdiler. Hatırlatamız, aprel 23-24 künleri Yalta şeerinde "Müsulman devletleriniñ jurnalistleri tsivilizatsiyalar işbirliginiñ tarafdarıdır" müsulman jurnalistleriniñ Halqara forumı olıp keçti. Tedbir teşkilâtçısı "Rusiye – islâm dünyası" strategik baqış gruppası oldı. Teşkilâtnıñ reisi Tatarstan Prezidenti Rustam Minnihanovdır. Forumda 22 devletten kelgen 50 jurnalist iştirak etti. QMDİ matbuat hızmeti [gallery link="file" columns="4" size="medium" ids="14423,14421,14419,14417,14415,14413,14411,14409"]  

Yaltada musulman jurnalistleriniñ forumı olıp keçti (FOTO)

Опубликовано:

Qırım Müftisiniñ muavini Esadullah Bairov "Müsulman jurnalistleri tsivilizatsiyalar işbirliginiñ tarafdarlarıdır" IV Halqara müsulman jurnalistleriniñ forumında iştirak etti. Forumnıñ teşkilâtçısı "Rusiye – islâm dünyası" strategik gruppasıdır, teşkilâtnıñ reisi ise Tatarstan Cumhuriyetiniñ başı Rustam Minnihanov. Tedbirde dünyanıñ 22 devletinden kelgen 50 jurnalist iştirak etti, şu cümleden, Rusiye, Birleşken Arap Emiratları, Bangladeş, Livan, Turkiye, Marokko, İran, İrak, Qazahistan, Qatar, Mısır, Türkiye, Tunis, Suriye, Bahreyn, Quveyt, İndoneziya, Özbekistan, Aljir, Yemen ve İordaniyadır. Tedbirniñ resmiy qısmı Tatarstan Cumhuriyetiniñ Prezidenti Rustam Minnihanov ve Qırım Cümhuriyetiniñ başı Sergey Aksönovnıñ selâmlav sözlerinden başlandı. İştirakçiler ögünde Rusiye Devlet Dumasınıñ deputatı Ruslan Balbek ve Qırım akimiyetiniñ vitse-premyeri, Rusiye Prezidenti yanında Qırımnıñ daimiy temsilcisi Georgiy Muradov çıqışta bulundılar. Forumda esas meseleler arasında Qırımda islâm ve müsulman diniy teşkilâtlarınıñ inkişafı, şu cümleden camiler ve diniy müessiselerniñ quruluvı meselesi baqıldı. Forum devamında iştirakçiler olar yaşağan devletlerde dinlerara munasebetler, Qırımda İslâm dininiñ çoq asırlıq inkişafına kendi noqtaiy nazarını beyan ettiler. Esadullah Bairovnıñ sözlerine köre, Forumnıñ aynı Qırımda ötkerilgeni ğayet emiyetlidir. "Biz Qırım müsulmanları aqqında yañlış malümatlar berilgenini sıq-sıq köremiz, onıñ içün yañlış fikirler de peyda ola. Qırım, müsulmanlar ve qırımtatarlar içün bugün jurnalistlerniñ kendileri kelip, vaziyetni şahsen ögrengeni pek müimdir. Eminim, olar ileride malümatnıñ doğru berilecegine öz issesini qoşacaqlar", - dep qayd etti Esadullah Bairov. Esadullah Bairov: "Biz, Qırım müsulmanları, islâm dünyasından kelgen jurnalistlernen ileride köpür qurulacağınıñ tarafdarımız", - dep ilâve etti. O, Litvaniya Cümhuriyetindeki Litvaniya islâm universitetine Qırım studentlerini oquvğa qabul etmege azır olğanını qayd etti.. Bundan da ğayrı, Forumda İslâm dininiñ populârlaştıruvı ve arbiy çatışuvlarnıñ peyda olmamasında KMV rolü muzakere etildi. Arap jurnalistleriniñ Birligi ise KMV qullanılğan propaganda, tecavuz ve dinlerara menfiy munasebetlerniñ tesirini qayd etti. Maruzada, "KMV milletlerge biri-biri aqqında tarif etmege yardım etmeli. Bir cemiyet diger cemiyetlerniñ qıymetleri ve medenitetlerini bilsin. Sayısı küçük olğan milletler büyük milletler içinde coyulmaması içün çalışmalımız. İşimiz barışıq ve dünyaseverlikten ibaret olmalı. Bu bizim esas vazifemizdir", - dep qayd etildi. İndoneziyadan kelgen jurnalistniñ bildirgenine köre, onıñ devletinde Qırım aqqında pek az bileler. "Men Qırımğa sevda oldım. Mında birinci kere keldim. Vetanğa qaytqan soñ, Qırım aqqında illâ eñ güzel sözler ile tarif etecem. Bunı, devletimdeki insanlar Qırım aqqında bilsinler, dep yapacam ve, elbette, turistik maqsad ile bağlı da faydalı olur", - dep ayttı o. Forumnıñ programması boyunca aprel 24 künü iştirakçiler Hanlar sarayı ve Aqmescitte qurulğan Cuma camini ziyaret ettiler. Bundan da ğayrı, aprelniñ 24-de Qırım Müftisi ile körüşüv  Aqmescitteki Seit-Settar diniy kompleksinde keçirildi. QMDİ matbuat hızmeti   [gallery link="file" columns="4" size="medium" ids="14308,14305,14303,14301,14299,14297"]

Saq rayonında ibadet inşaatları ve mezarlıqlar baş planğa kirsetilecek

Опубликовано:

Qırım müsulmanları Diniy idaresiniñ hadimleri Saq rayonınıñ territorial planında mezarlıqlar ve ibadet merkezleriniñ yerleşecek topraqlarınıñ  baqıluvı ve bu yerlerniñ Saq rayonınıñ territorial planında resmiy qayd etilüvi boyunca iş toplaşuvında iştirak ettiler. Toplaşuv Saq rayonı memuriyetiniñ başı Galina Miroşniçenkonıñ reberliginde keçirildi.  Körüşüvde rayonnıñ köy memuriyetleriniñ ve merkeziy diniy teşkilâtlarınıñ başları iştirak etti. Tedbir Qırım başlığı Sergey Aksönovnıñ avalesinen keçirildi. Muşavere iştirakçileri bir sıra suallerni baqıp çıqtılar, şu cümleden, Saq rayonı diniy teşkilâtlarınıñ mezarlıqlarnıñ yereleşecek topraqları ve şimdi çalışqan mezarlıqlar sıñırlarınıñ keñleştirilmesi boyunca muracaatları baqıldı. Galina Miroşniçenko, köy yerleriniñ baş planlarına deñişmeler kirsetilecekte, mezarlıqlar qurulacaq topraqlarnı da belgilemek kerek olğanını qayd etti. Tedbirniñ soñunda protokol qararları qabul etildi ve olarnıñ ömürge keçirilecek vaqıt sıñırları da belgilendi. QMDİ matbuat hızmeti

Qırımda “Ezan sedası” yarışı devam ete (FOTO)

Опубликовано:

Qırımda eñ güzel ezan oquyıcılarını belgilemek içün "Ezan sedası" yarışı devam ete. Birinci basamaqlar Qurman, Bağçasaray ve İslâm-Terek rayonında olıp keçti. Finalğa keçecek yigiit ve erkekler eki kategoriyağa bölüngendir: 6-16 yaşında ve 16-50 yaşında olğanlardır. Jüri terkibine İslâm ilimleri medresesiniñ ocaları, Qırım ve Sevastopol şeeri müsulmanları Diniy idaresiniñ hadimleri kirdi. Ezan oquvına bir qaç kriteriy boyunca qıymet kesile: doğru telâffuz (tecvid), aenklik ve yañğıravuqtır. Hatırlatamız, saylav turı aprel 5-29 künleri keçirilmekte. Yarışnıñ finalı Ramazan ayından soñ olıp keçecek. Eñ güzel ezan oquyıcılarını yüksek seviyeli jüri azaları seçip alacaq, ğaliplerni diplom, qıymetli bahşişlar ve para mukâfatı bekley. Tedbirniñ esas maqsadı – yaşlar arasında İslâmnıñ emirlerini darqatmaqtır. Qırım MDİ matbuat hızmeti [gallery link="file" columns="4" size="medium" ids="13876,13874,13872,13870,13868,13866,13864,13862,13860,13858,13856,13854,13852,13850,13848,13846,13844,13842,13840,13838,13836,13834,13832,13830,13828"] [gallery link="file" columns="4" size="medium" ids="13826,13824,13822,13820,13818,13816,13814,13812,13810,13808,13806,13804,13802,13800,13798,13796,13794,13792,13790,13788,13786,13784,13782,13780,13778,13776,13774,13772,13770,13768,13766,13764,13762,13760,13758,13756,13754,13752"] [gallery link="file" columns="4" size="medium" ids="13734,13700,13698,13696,13694,13692,13690,13688,13686,13684,13682,13680,13678,13676,13674,13672,13670,13668,13666,13664,13662,13660,13658,13656,13654,13652"]

Müsulmanlar içün muqaddes Şaban ayı başlandı

Опубликовано:

Qırım müsulmanlarınıñ Diniy idaresi müsulmanlarnı muqaddes Şaban ayınıñ başlanması ile hayırlay. Müsulman ay taqvimi boyunca Şaban sekinci aydır. Ondan soñ ise Ramazan ayı kelmekte. Şaban – temizlenüv vaqıtıdır. Bu aynıñ degerligi aqqında Muhammed Peyğamber (s.a.s.) böyle dedi: "Diger aylarğa köre, Şaban ayınıñ qıymeti, menim diger Peyğamberlerge nisbeten qıymetime teñ kelmekte". Şaban ayınıñ qıymeti – Beraat gecesidir. Hadislerge köre, bu gece pahıllıq, hased etmegen, ırımlamağan, içki içmegen, soy-soplarnen munasebetlerni bozmağan, ana-babasınıñ sözünden çıqmağan, zina etmegen, kendini diger insanlardan üstün tutmağan, fitne-fesat saçmağan müsulmanlarnıñ bütün günahları afu etile. Bundan da ğayrı, Şaban ayında Oraza tutmağa tevsiye etile. Bu ayda tutulğan Oraza vacip degil, amma müsulmanlarnı maddiy, beden ve maneviy ceetten Ramazan ayına azırlay. Hadislerde böyle deñile: "Şaban ayınıñ başında, ortasında ve soñunda üçer kün Oraza tutqanlarğa Allah yetmiş peyğamberge berilgen sevapnı berer, onıñ derecesi ise 70 yıl ibadet etken qulnıñ derecesine yeter. O, bu sene vefat etse, şehit olıp ketecek". "Şaban ayınıñ birinci ve soñki cumaaqşamı künleri oraza tutqan insannı Allah cennetke kirsetmege vade ete". Ürmetli vetandaşlarımız, dindaşlarımız! Bu ayda yapılğan bütün eyi işlerniñ sevapları qat-qat ziyade berile, olar maniasız qabul etile. Allah ibadetlerimizni qabul etsin. Qırım MDİ matbuat hızmeti

Aqmescitniñ yañı avalimanında namaz odası açıldı (FOTO)

Опубликовано:

Qırım Müftisiniñ yardımcısı Raim Ğafarov yañı avtovokzal komplesiniñ birinci yolcularınıñ qarşılav tedbirinde iştirak etti. Tedbir çerçivesinde jurnalistlerge namaz odasını kösterdiler. Mında müsulmanlar ibadetlerini yerine ketire bilecekler. "Biz mahsus namaz odalarını azırladıq. O, eki -  qadın ve erkek -  qısımlarına bölüngendir. Mında namaz qılmaq içün bütün kerekli şeyler bar – namazlıq, tespi, ayaqqap içün raflar ve eñ esası - muqaddes Quran kitabıdır. Namaz odasınıñ yanında abdesthane bar. Avianaqliye ile seyahat etken müsulmanlar mında diniy ibadetlerini yerine ketire bilecekler", - dep ayttı Raim Ğafarov. Raim oca, daa fevral ayında qurucı şirket ile namaz odasınıñ qurulması aqqında qarar alınğanını, Müftilik hadimleri bu yerge kelip, dünyanıñ er noqtasından Saudiya Arabistanınıñ Mekke şeerindeki muqaddes Kâbe tarafına baqqan Qıbla yöñelişini belgilegenini ilâve etti. Namaz odasınıñ yanında hristianlar içün ibadet odası yerleşkendir. Qırım MDİ matbuat hızmeti [gallery link="file" columns="4" size="medium" ids="14136,14134,14132,14130,14128,14126,14124,14122,14120,14118,14116,14114,14112,14110,14108,14106,14104,14102,14100,14098,14096"]

Qırımda “İrfan” adlı birinci islâm internet-radiosı açıldı (FOTO)

Опубликовано:

Aqmescitte Qırım müsulmanları Diniy idaresiniñ Qırımda birinci olğan islâm "İrfan" adlı internet-radiosınıñ taqdimi olıp keçti.  Teşkilâtçılarnıñ sözlerine köre, Qırım içün bu yañılıqtır, ve o, öz mühlislerini tapıp, internet-yayınlav ağında öz yerini tapar. Qırım Müftisi haci Emirali Ablayev radio hadimlerine muvafaqiyetler tiledi. "İnkişaf ve mükemmeleşüv – bizim esas maqsadımızdır. İnkişaf etmesek, milletimiz yoq olur. Bilgilerimizni kendimiz ve milletimizniñ inkişafına qullanmalımız. Unutmañız ki, biz er şeyni milletimizniñ, Vetanımıznıñ kelecegi içün yapamız", - dep qayd etti Qırım Müftisi. İnternet-radiosınıñ meydanğa ketirilmesi aqqındaki ğaye endi çoqtan peyda oldı. Bir yıl devamında köntentniñ şekillenmesi, teşkiliy ve tehnikiy iş devam etti. Radionıñ meydanğa ketirilüvi içün Qırım müsulmanları Diniy idaresiniñ taqımı çalıştı. Müftilik hadimleri bir sıra yayın ve rubrikalarnı azırladılar. Qırım Müftisiniñ muavini Esadullah Bairovnıñ teklif etken ğayesi ömürge keçirildi. "İrfan" radiosı dinimiz, müsulmanlarnıñ yaşayış tarzı aqqında tarif ete. Yayınlar qırımtatar ve rus tilinde çıqacaq. İleride ise cuma namazları, hutbeler, diniy tedbirlerden canlı yayınlar yapılacaq. Yayınlav cedvelinde aktual malümat, müsulman dünyasınıñ haberleri, Peyğamberimiz (s.a.s) ve sahebelerniñ ömüri aqqında rubrikalar, qırımtatar, arap, ingliz tili dersleri mevcut. Bundan da ğayrı, internet-radio seyahatlar, meraqlı faktlar, ilim ve tehnika saasındaki yañılıqlar aqqında tarif etecek. Mında ruhiyatçılarnıñ tevsiyeleri, balalar içün masallar, ilâhiler yañğıraycaq. "İrfan" radiosınıñ prezentatsiyasına Rusiye Devlet Dumasınıñ deputatı Ruslan Balbek, milletlerara munasebetler ve sürgün etilgen insanlarnıñ işleri boyunca Devlet Komitetiniñ reisi Lenur Abduramanov, Qırım müendislik ve pedagogika universitetiniñ ocaları, cemaat teşkilâtlarınıñ azaları ve Azov medresesiniñ ocaları ve talebeleri  qoşuldılar. Bayram devamında Qırımda nam qazanğan artist Rustem Memetov, yırcı Bekir Adilov ve Kebir caminiñ imamı Edem Lümanovnıñ icrasında ilâhiler yañğıradı. Musafirlerni "Emanet" bala ansabliniñ iştirakçileri ve Muhammed Peyğamberge (s.a.s) bağışlanğan şiirler yarışınıñ ğalipleri quvandırdı. Bundan da ğayrı, tedbir musafirleri sual-cevap yarışında iştirak etip, bahşiş qazandılar "İrfan" radiosını onlayn rejiminde Qırım Müftiliginiñ saytında ve mahsus ilâvede diñlemek mümkün. Qırım MDİ matbuat hızmeti [gallery link="file" columns="4" size="medium" ids="14048,14064,14068,14078,14090,14094,14092,14086,14084,14082,14080,14076,14074,14070,14072,14066,14056,14062,14060,14058,14054,14052,14050,14046"]

Qırımda Muhammed Peyğamberge (s.a.s) bağışlanğan şiirler yañğıradı (FOTO)

Опубликовано:

Aqmescitte balalar arasında Muhammed Peyğamberge (s.a.s.) bağışlanğan "Muhammed (aleyhi selâm) insanlarnıñ eñ güzeli —  lV" adlı şiirler yarışı olıp keçti. Tedbir Qırım ve Sevastopol müsulmanları Diniy idaresiniñ "Faydalı ilim" maarif leyhası tarafından teşkil etildi. Tedbirde Qırımnıñ farqlı köşelerinden kelgen 25 bala iştirak etti. Yarış eki basamaqtan ibaret oldı: birincisi 5-8 yaşlı balalar içün keçirildi, ekincisine ise 9-14 yaşlı balalar kirdi. Kenceler kategoriyasına kirgen iştirakçiler güzel neticelerge nail olıp, "Büllür" teşkilâtı tarafından "Seyircilerniñ sevgisi" nominatsiyasında bahşiş aldılar. Birinci yerni Aliye Akmollayeva aldı. Altı yaşlı qızçıq samokat qazandı. "Seyircilerniñ sevgisi" nominatsiyasında on yaşındaki Amina Resulova ğalip olıp çıqtı. Ekinci kategoriyadaki balalar da bilgiler ve merafetniñ yüksek seviyesini numayış ettiler. Birinci ve ekinci yerni eki tata-qardaş Rukiye ve Reyan Keleş aldılar, yaşları 12 ve 9-dır. Qızlar bahşış olaraq ayaqmaşina saibeleri oldılar. Üçünci yerge ise 14 yaşlı Fatma Capparova nail oldı.  "Muhammed (aleyhi selâm) insanlarnıñ eñ güzeli" yarışı QMDİ tarafından dörtünci kere ötkerilip, er senelik tedbir oldı. QMDİ matbuat hızmeti [gallery link="file" columns="4" size="medium" ids="14045,14043,14041,14039,14037,14035,14033,14031,14029,14027,14025,14023,14021,14019,14017,14015,14013,14011,14009,14007,14005,14003,14001,13999,13997,13995,13993,13991,13989,13987,13985,13983,13981,13979,13977,13975,13973,13971,13969,13967,13965,13963,13961,13959,13957,13955,13953,13951,13949,13947,13945,13943,13941,13939,13937"]  

Bağçasarayda “Terciman” gazetasınıñ 135-yıllığı qayd etildi

Опубликовано:

Qırım Müftisiniñ muavini Esadullah Bairov türk dünyasındaki eñ meşur "Terciman" gazetasınıñ 135-yıllığına bağışlanğan tedbirde iştirak etti. Tedbir teşkilâtçıları İsmail Gasprinskiy adına memorial müzeyi GBU RK "Bağçasaray tarihiy-medeniy ve arheologik müzey-qoruq" ve Qırım müendislik ve pedagogika universitetiniñ qırımtatar edebiyatı ve jurnalistika fakültetidir. "Terciman" gazetasınıñ birinci adımları, neşirde köterilgen mevzular, olarnıñ populârlığı, zemaneviy zamanda publitsistik ve ilmiy edebiyatnıñ inkişafı mevzusında maruzalar oquldı. "Ğayelerimiz pek çoq. Bugünki künde bir sıra devlet leyhaları ve sımarışları bar. Amma biz kendi menbaamız aqqında unutmamalımız. "Terciman" gazetasınıñ tarihına baqsaq, bilemiz ki, Gasprinskiy, dergini populârlaştırmaq içün yardımcılarnı celp etken edi. Bu işte gazetağa destek köstergen farqlı fondlar, vaqıflar iştirak etkendir. Bugünki künümizge baqsaq, ziyalılarğa destek bermege azır  olğan bir qaç fondnı bilemiz ve bu işte qol tutacaq yaşlar da bar. Qırım Müftiliginiñ teşebbüsinen meydanğa ketirilgen qırımtatar halqı Şurası öz esas yöñelişlerinden biri olaraq aynı müim esnaslarnıñ maddiy destegini seçip aldı", - dep ayttı Esadullah Bairov. Aprel 10 künü 1883 senesi "Terciman" gazetasınıñ birinci sanı dünya yüzüni kördi. O, Bağçasarayda belli maarif İsmail Gasprinskiy tarafından neşir etilgen. 30 yıl devamında "Terciman" Rusiyedeki türk dünyasınıñ yekâne basma neşiri olıp,  XIX soñu – XX as. başında siyasiy, içtimaiy, medeniy ve iqtisadiy ayatnı obyektiv olaraq aydınlatqandır. [gallery link="file" columns="4" size="medium" ids="13927,13925,13923,13921,13919,13917,13915,13913,13911,13909,13907,13905,13903,13901,13899"]