Haberler - Page 48 of 55 - ЦРО ДУМКЦРО ДУМК | Страница 48

Пн

13

июля

22
Зуль-къаде
1441 | 2020
Утр.3:09
Вос.4:59
Обед.12:54
Пол.16:56
Веч.20:38
Ноч.22:28
Времена намазов
Календари 2020г

Намаз

Haberler - Page 48 of 55 - ЦРО ДУМК

Qırımda “Çatır Dağ seferi – 2017” aktsiyası teşkil etildi (FOTO)

Опубликовано:

Sürgünlik qurbanlarına bağışlanğan "Çatır Dağ seferi – 2017 " aktsiyası Qırımnıñ yaşlar teşkilâtları ve Qırım müsülmanları Diniy İdare tarafından teşkilâtlandırıldı. Seferge tahminen 2000 biñ adam qoşuldı. İştirakiler, yolğa çıqmazdan evel qırımtatar milliy marşını icra ettiler. Aqmescit rayonınıñ baş imamı Raim Ğafarov çıqışta bulunıp, dua oqup, Qırım Müftisi hacı Emirali Ablayevniñ selâmlarını bildirdi.  "Biz, Vatanğa avdet yolundan keçken ecdatlarımıznıñ hatırasına seferge çıqamız. Bugünki künni körmeyip, uzaq ğurbetlikte qalğan vatandaşlarımıznı añacaqmız. Allah rahmet eylesin. Vatanda yaşap, inkişaf etmege, tuvğan topraqnı sevmege küç bersin", - dedi Raim Gafarov.  Teşkilâtçılar yolda biri-birine yardım etmege rica ettiler.  Sefer künü avası güzel oldı. İştirakçiler, dağ –âylalarnı keçip, Çatır Dağınıñ töpesine qadar barıp çıqtılar. Yolda, vatanperverlik mevzusında milliy yırlar yañğıradı. Soñra, Kebir caminiñ imamı Edem Lümanov er kesni üyle namazına çağırdı.  "Bugünki tedbirimiz – birligimizniñ timsalidir. Birlik- ürmet, sevgi demektir. Etrafta duşman qıdırıp turmayıq, özümizden başlayıq. Özümizge çetten baqıp, yapqanlarımızğa qıymet keseyik. Quranda Rad suresiniñ 11-nci ayetinde şöyle aytıla: "Adam öz-özüni deñiştirmegence, Allah ta onıñ al-vaziyetini deñiştirmez"", - dedi Edem Lümanov.  Hatırlatamız, Çatır Dağğa sefer 2006 senesinden başlap, er yıl teşkil etile. Yaşlar toplanıp, böyle şekilde 1944 senesi elâk olğan semetdeşlerni añalar. QMDİ MDT matbuat hızmeti [gallery link="file" columns="4" size="medium" ids="2773,2771,2769,2767,2765,2763,2761,2759,2757,2755,2753,2751,2749,2747,2745,2743,2741,2739,2737,2735,2733,2731,2729,2727,2725,2723,2721,2719,2717,2715,2713,2711,2709,2707,2705,2703,2701,2699,2697,2695,2693,2691,2689"]

Qırım Müftiyatı fitir sadaqasınıñ miqdarını belgilediler

Опубликовано:

Mayıs 27 künü müsülmanlar içün muqaddes ay – Ramazan ayı başlana. Bir ay devamında müsülmanlar suv ve yemekten vazgeçeler.  Qırım müsümalmanları Diniy İdaresi er yıl iftarlarnı keçire. İftarlarnıñ teşkil etüvinde iştirak etmege istegenler Qırım Müftiyatına: Aqmescit ş., Kurçatov soq., 4 ya da +79787652070 (Ridvan Maksudov) ve +79781172617 (Edem Lümanov) nomeralı telefonlar vastasınen bağlana bileler.  Ramazan ayı devamında fitir sadaqası berile. Faqır-fuqare sırasına kirmegen er müsülman fitir sadaqasını bermek borclu. Bu sadaqa fuqareler arasında taqsimlene. Bu yıl er adam içün fitir sadaqasınıñ eñ az miqdarı 200 rubleni teşkil ete. QMDİ MDT matbuat hızmeti

Bağçasarayda camige ücüm ettiler (FOTO)

Опубликовано:

2017 senesi mayısnıñ 2-nde Bağçasaraynıñ "Han Çair Cami"sine ücüm etildi. Belgisiz şahıslar cami qapısını qırıp, içeride turğan dolaptan  Quran Kitaplarını alıp yırttılar, bundan soñ, muqaddes Kitapnı yaqacaq oldılar.Amma, bu vaqıt namaz qılmağa  kelgen müsülmanlarnıñ maşina sesini eşitip, Qurannıñ yırtılğan saifelerini dağıtıp qaçmağa yetiştirdiler. Bunıñ aqqında  "Vatan" yerli  din cemiyetiniñ reisi Rustem Sadredinovğa haber etildi. Qırım müsümalnları Diniy İdaresi öz nevbetinde İçki işler nazirligi ve yerli akimiyet organlarına muracaat etti. Cinayet yapılğan yerge rayon politsiyası bölüginiñ reberi ile politsiya hadimleri keldiler. Olar, vaqia şaatları ve yerli sakinlerni sorğuladılar. Cinaiy iş açıldı. Böyle etip, Qırım Müftiyatı vandallarnı yaqalamaq içün kerekli tedbirlerniñ alınmasını talap ete. Dindaşlarğa ise, daa da diqqatlı olıp, provokatsiyalarğa uymamağa, din cemiyetlerine  cami azbarlarında videokameralarnı  qoymağa, ibadethanelerni qorumağa rica ete. QMDİ MDT matbuat hızmeti [gallery link="file" columns="4" size="medium" ids="2667,2665,2663,2661,2659,2657,2655,2653,2651,2649"]

Qırımnıñ iş-adamları RUSSIA HALAL EXPO 2017 elâl mahsulat sergisine davet etileler

Опубликовано:

Elâl mahsulatnı azırlağan ve elâl hızmetlerni teklif etken Qırım iş-adamları RUSSIA HALAL EXPO 2017 "Elâl" mahsulat sergisine davet etileler. Tedbir Qazan şeerinde "Rusiye- İslâm alemi: KazanSummit 2017" 9-ncı Halqara iqtisadiyat sammiti çerçivesinde  mayıs 18-20 künleri arasında ötkerilecek. Qırım ve Sevastopol müsülmanları Diniy İdaresi ve teşkilâtçılar Qırım iş-adamlarına tedbirde iştirakçi ve musafir sıfatında iştirak etmege teklif eteler. Sergi "Elâl" sanayı saasınıñ inkişafına hızmet etmek maqsadınen teşkil etile.  Bunıñnen beraber, yerli işhanelerge destek köstermek ve çetelden yatırım, işhanelerni celp etmek içün çalışacaq. Tedbirde türlü-türlü mal taqdim etilecek. Bu cümleden, yemek, tibbiyet, sağlıq saqlav, moda, turizm, halq işletken mahsulatlardan nümünelerni körmek, çeşit işhane vekillerinen körüşip, devlet hadimleriniñ tevsiyelerini almaq, sualler bermek mümkün olacaq. Malümat içün telefon: +7 978 765 2070 QMDİ MDT matbuat hızmeti

“İslâm dini fıqhı noqta-i nazarından müsülmannıñ kendisini alıp baruv tarzı Tasnifi” mevzusındaki Seminar

Опубликовано:

2017 s. mayısnıñ 3-de Qırım müsülmanlarınıñ Diniy İdaresinde qadınlar içün "İslâm  dini fıqhı noqta-i nazarından müsülmannıñ kendisini alıp baruv tarzı Tasnifi" mevzusındaki Seminar keçirilecek. Bu mevzunı qadın-qızlarğa Qırım Müftisiniñ muavini, İslâm fıqhı magistri Ayder İsmailov añlatacaq. Seminar devamında  - er müsülman Allah, kendisi ve etraftakiler ögünde taşığan mesülieti aqqında tavsilâtlı şekilde tarif etilecek. Seminar mayısnıñ 3-nde saat 17:00-de Kurçatov soq., 4 (Kebir cami) adresi boyunca yerleşken Müftiyatnıñ üst qatındaki salonda ötkerilecek. Er angi yaşta olğan qadın ve qızlar davet etile. QMDİ MDT matbuat hızmeti

Aqyarda qadınlar içün İslâm Kursları açıla

Опубликовано:

Aqyar şeerinde yerleşken  "Aqyar Camisi"nde qadınlar içün İslâm temelleri ve Quran oquvı bünca kurslar açıla. Dersler er bazar künü, sat 10:00-dan 12:00-ge qadar Kulakov soq., 31 menzili boyunca "Aqyar Camisin"de olıp keçecek. Talebeler arap elifbesi, Quran oquvını menimseycekler, Aqaid boyunca bilgi alacaqlar, namaz, abdest, sunnet ve başqa müim şeylerni ögrenecekler. Derslerni Müftiyat terkibinde çalışqan Zera oca Habipova (Halilova) alıp baracaq. Qadın-qızlar davet etile. Malümat içün telefon: +7 978 754 0620 QMDİ MDT matbuat hızmeti

Aqyarda İ. Gasprinskiyge bağışlanğan konferentsiya yekünlendi (FOTO)

Опубликовано:

Aqyarda "İsmail Gasprinskiyniñ maarif faaliyeti ve Rusiyeniñ müsülman alemi" Halqara ilmiy-ameliy konferentsiya öz işini yekünledi. Tedbirde Rusiye, Özbekistan Cumhuriyeti, Türkiye, Estoniyadan davet etilgen devlet ve cemaat erbapları, alim ve tedqiqatçılar, aliy oquv yurtlarınıñ ocaları, müzey ve kütüphane hadimleri, din vekilleri iştirak ettiler. Yekünleyici Rezolütsiya qabul etilgen soñ, Qırım Müftisi hacı Emirali Ablayev iştirakçilerge salmaqlı iş içün minnetdarlıq bildirdi.  "Doğru fikirler seslendirildi, meraqlı malümat yañğıradı, aytılğanlarnıñ iç olmadım yarısını ömürge keçirip olsaq, büyük bir yeñişlerni elde etermiz, dep sayam. Biz ilim adamlarınen beraber ğayeleriñizge qol tutıp, olarnı ömürge keçirmege azırmız. Gasprinskiyniñ zamandaşları, din erbaplarınıñ hatalarını tekrarlamaycaqmız, aksine, alimlerimiz ile birlikte parlaq kelecegimizni qurıp, yañı nesil terbiyeleycekmiz", - dedi Qırım Müftisi. Soñunda, konferentsiya iştirakçileri ve teşkilâtçıları beraber resimge tüştiler. QMDİ MDT matbuat hızmeti [gallery link="file" columns="4" size="medium" ids="2613,2608,2606,2604"]

Qırım Müftisi İ.Gasprinskiy adına medalni Fevzi Yakubovğa bermege teklif etti

Опубликовано:

Qırım Müftisi hacı Emirali Ablayev İsmail Gasprinskiy adına medalni Qırım müendislik ve pedagogika universitetiniñ Fahriy prezidenti Fevzi Yakubovğa bermek teklifini seslendirdi. Bu künleri Aqyarda ötkerilgen "İsmail Gasprinskiyniñ maarif faaliyeti ve Rusiyeniñ müsülman alemi" Halqara ilmiy-ameliy konferentsiya iştirakçileri  mezkür teklifke bar ağızdan qol tuttılar. Hatırlatamız, Qırım Cumhuriyetinde ananeviy dinlerge destek, milletlerara ve dinlerara barışıqnıñ teminlevi içün İsmail Gasprinskiy adına medal tesis etildi Bunı aprelniñ 27-nde RF Devlet Dumasınıñ deputatı Ruslan Balbek ulu maarifçiniñ faaliyetine bağışlanğan Halqara ilmiy-ameliy konferentsiyada bildirdi. QMDİ MDT matbuat hızmeti

Qırımda dünyada birinci kere İsmail Gasprinskiy adına medal tesis etildi

Опубликовано:

Qırım Cumhuriyetinde ananeviy dinlerge destek, milletlerara ve dinlerara barışıqnıñ teminlevi içün İsmail Gasprinskiy adına medal tesis etildi. Bunı aprelniñ 27-nde RF Devlet Dumasınıñ deputatı Ruslan Balbek Aqyarda ötkerilgen "İsmail Gasprinskiyniñ maarif faaliyeti ve Rusiyeniñ müsülman dünyası" Halqara ilmiy-ameliy konferentsiya devamında  bildirdi. Deputatnıñ aytqanına köre, bu kibi medal tek Qırımda degil de, bütün dünyada birinci sayıla.  "Gasprinskiyniñ fikirince, milletlerniñ birleşüvi devletçilikniñ temelidir, tillerniñ farqlılığı ise, buña mania degil. Bu mukâfat çeşit din ve millet vekillerine brilecek", - dep ayttı Ruslan Balbek. Eñ yaqın vaqıtta medal aqqında qarar Qırım Cumhuriyeti Devlet Şurasınıñ toplaşuvında qabul etilecek. QMDİ MDT matbuat hızmeti

Aqyarda İsmail Gasprinskiyniñ 166 yıllığına bağışlanğan konferentsiya teşkil etildi (FOTO)

Опубликовано:

Bu künleri Aqyarda "İsmail Gasprinskiyniñ maarif faaliyeti ve Rusiyeniñ müsülman alemi" serlevası altında  Halqara ilmiy-ameliy konferentsiya ötkerile.  Konferentsiyada iştirak etmek içün, Rusiye Federatsiyası subyektleriniñ, Aqrusiye, Estoniya, Poloniya, Litvaniya, Romaniya ve Türkiye kibi Cumhuriyetlerniñ diniy vekilleri, bundan ğayrı, Rusiye, Türkiye, Özbekistan ve Azerbaycan alimleri teşrif buyurdılar. Forumda RF Devlet Dumasınıñ deputatı Ruslan Balbek, RF Prezidenti yanında milletlerara munasebetleri boyunca Şuranıñ azası Eskender Belâlov, QC milletlerara munasebetleri ve sürgün etilgen grajdanlarnıñ işleri boyunca Devlet komitetiniñ reis muavini Yuriy Kosmınin iştirak eteler. Tedbir duanen başlandı. Musafir ve iştirakçilerni Qırım Müftisi hacı Emirali Ablayev selâmlap, İslâm dini ve Peyğamberimizniñ (s.a.v) yolu ne qadar güzel olğanını köstermek içün küç ve ğayretlerini ayamamağa rica etti. "Bugün de bugün Gasprinskiyniñ ğayeleri er zamandan daa da aktualdir. Onıñ insanlarğa aşlağan insanseverlik çizgisi ilmiy ve edebiy eserlerinde is etile. Dünya öyle deñişti ki, Rusiyeniñ müsülman ümmeti ne içündir öz-özüni aqlamaq zorunda qaldı. İslâm  terrorizm degil, dep añlatmağa mecburmız. Lâkin bunı yapmamaq kerekmiz, ayatımıznıñ misalinde İslâmnıñ güzelligini numayış etmelimiz. Rusiye Prezidenti qayd etkeni kibi, Qırımda İslâm dini çoq asırlıq tarihqa saiptir, İslâm dini Rusiyede esas dinlerden biridir, biz epimiz onıñ inkişafı içün şaraitler yaratmalımız", - dedi Müfti. Bundan ğayrı, Peyğamberimizniñ (s.a.v) yolundan çevirmeyip, "ehli sunna vel cema" temellerinde qaviy turıp, cemaatnı şaşmalatqan aqıntılardan uzaq turmağa çağırdı. QMDİ MDT matbuat hızmeti [gallery link="file" columns="4" size="medium" ids="2554,2552,2550,2548,2546,2544,2542,2540,2538,2536,2534,2532,2530,2528"]

Aqyar şeerinde İsmail Gasprinskiyniñ 166-yıllığına bağışlanğan ilmiy-ameliy konferentsiya keçirilecek

Опубликовано:

2017 s. aprelniñ 27-28-de Aqyarda "İsmail Gasprinskiyniñ maarif faaliyeti ve Rusiyeniñ musulman alemi" serlevası altında ilmiy-ameliy konferentsiya keçirilecek. Konferentsiyada iştirak etmek içün, Rusiye Federatsiyası subyektleriniñ, Aqrusiye, Estoniya, Poloniya, Litvaniya, Romaniya ve Türkiye kibi Cumhuriyetlerniñ diniy liderleri, bundan ğayrı, Rusiye, Türkiye, Özbekistan ve Azerbaycan alimleri davet etildi. Konferentsiya teşkilâtçıları : Qırım Cumhuriyeti. Nazirler şurası, MDİ Qırım Cumhuriyeti ve Sevastopol ş. müsülmanlarınıñ Diniy İdaresi, "Bağçasaray, tarihiy-medeniy ve arheologik müzey-qoruğı",  QC DBİ "Qırımtatar medeniy- tarihiy mirası müzeyi", İ.Gasprinskiy adına Memorial müzeyi, İslâm medeniyeti, ilimi ve tasiline destek Fondıdır. Konferentsiyanıñ maqsadı: İ. Gasprinskiyniñ ayatınen bağlı tedqiqatlarnıñ aktualizatsiyası, maarifçiniñ ğaye ve faaliyetiniñ populârizatsiyası, 19-20-ncı asırlarda Qırım medeniyeti tarihı ve Rusiye müsülmanlarınıñ cemaat-siyasiy, iqtisadiy, içtimaiy ayatınınıñ aydınlatuvı. Forum çerçivesinde plenar toplaşuvlar ve ilmiy sektsiyalarnıñ çalışması közde tutula. Bunıñnen beraber, iştirakçiler Bağçasaraynâ ziyaret etip, İmail Gasprinskiy ve ömür arqadaşı Zuhra Akçurina kömülgen yerde dua oquycaqlar. İ. Gasprinskiy adına Memorial müzeyini kezinip, kitaplarnıñ taqdim merasiminde iştirak etecekler. Konferentsiya 2017 s. aprelniñ 27-28 künleri arasında Aqyar ş., "Akvamarin" musafirhanesi, Parkovaya, 11 menzili boyunca ötkerilecek. Merasim saat 10.00-da başlaycaq. İştirakçilerni aprelniñ 27-nde saat 9:00-da qayd etip başlaycaqlar. Matbuat vastalarınıñ akkredtatsiyası içün telefon:   +7 978 895 8393 QMDİ MDİ matbuat hızmeti

Qırımda Cuma caminiñ temeli qoyuldı (FOTO)

Опубликовано:

Qırım Müftisi hacı Emirali Ablayev Aqmescitte Cuma cami temeliniñ qoyuv merasiminde iştirak etti. Tantanalı merasimde Qırım yolbaşçısı, Qırım Cumhuriyeti Nazirler Şurasınıñ reisi Sergey Aksönov, RF Devlet Dumasınıñ deputatı Ruslan Balbek, milletlerara munasebetleri ve sürgün etilgen grajdanlarnıñ işleri boyunca Devlet komitetiniñ reisi Zaur Smirnov, Aqmescit ve Qırım mitropoliti Lazar, Aqmescit şeer şurasınıñ reisi Viktor Ageyev, Aqmescit memuriyeti reisi Gennadiy Baharev, RF Prezidenti yanında milletlerara munasebetler boyunca Şuranıñ azası Eskender Bilâlov ve başqaları iştirak ettiler. Tedbir Rusiye Prezidenti tarafından qırımtatar ve diger halqalarnıñ reabilitatsiyası aqqında fermannıñ imzalanmasına 3 yıl tolğanı munasebetinen teşkil etildi. Cami temeli qoyulmazdan evel Kebir caminiñ imamı Edem Lümanov dua oqudı. Qırım Müftisi hacı Emirali Ablayev ve RF Devlet Dumasınıñ deputatı Ruslan Balbek azırlanğan meydançıqqa betonnıñ qoyuvında iştirak ettiler. Caminiñ fundamenti içün oyqal bir qaç ay devamında qazıldı. Qurucılar gidroizolâtsiya keçirip, cami binasınıñ temel plitası içün armaturadan karkasnı azırladılar. Qurucı şirketiniñ vekilleri  yapılğan işler, hususiyetleri, planları aqqında añlattılar. Qırım Başı Sergey Aksönov Qırım müsülmanlarını bu munasebetnen hayırlap, eyilikler tiledi. "Birlikte daa büyük yeñişlerge irişirmiz. Cami ibadet merkezi olmaqnen beraber, cumhuriyetniñ yaraşığı olacaqtır", - dedi S. Aksönov. Qırım Müftisi er kesni qurucılıqnıñ nevbetteki basamağınen tebrikledi. Qayd etkeni kibi, yarımada müsülmanları bu künni çoqtan beklediler. "Allah sabırımız içün mukâfatlandırdı. Bu künlerde cmi temeli qoyulğanınıñ şaatımız, çeşit din vekilleri arasında dostluq munasebetleri pekingenini köremiz. Bundan evel Bağçasaray rayonı "Süren" Memorial kompleksi territoriyasında cami olacaq yerde kelecek nesille içün muracaat yazıp, kapsula qoyğan edik. Bu vaqia balalarımız ve kelecek nesiller  içün bir nümüne olacaqtır. Bugünde bugün Qırımnıñ pravoslav hristianları lideri yanında bulunıp, doğru yolda olğanımıznı añlaymız", - dedi Müfti ve Devlet reberi, Cumhuriyet reisine teşekkürler bildirdi. QMDİ MDT matbuat hızmeti [gallery link="file" columns="4" size="medium" ids="2506,2504,2502,2500,2498,2496,2494,2492,2490,2488,2486,2484,2482,2480,2478,2476,2474,2472,2470,2468,2466,2464,2462,2460,2458,2456,2454,2452,2450,2448,2446,2444,2442,2440,2438,2436,2434,2432,2430,2428,2426,2424,2422,2420,2418,2416,2414,2412,2410,2408,2406,2404,2402,2400,2398,2396,2394,2392,2390,2388,2386,2384,2382"]