Haberler - Page 47 of 55 - ЦРО ДУМКЦРО ДУМК | Страница 47

Пн

13

июля

22
Зуль-къаде
1441 | 2020
Утр.3:09
Вос.4:59
Обед.12:54
Пол.16:56
Веч.20:38
Ноч.22:28
Времена намазов
Календари 2020г

Намаз

Haberler - Page 47 of 55 - ЦРО ДУМК

Qırım balaları çempion oldılar!

Опубликовано:

İsma adlı mental esap Mektebiniñ talebeleri Asan Asanov, Eskender Paşayev ve Maksim Romançuk Almata (Qazahistan) şeerinde olıp keçken Halqara olimpiadada ğalebe qazandılar. Qırım müsülmanları Diniy İdaresi balalarnı hayırlap, muvafaqiyetler tiledi. Hatırlatamız, mektep ocaları ve ana-babalar Qırım Müftiyatına, muracaat etip,  yardım soradılar. Kiçik talebelerni Qırım Müftiyatı ve RF Devlet Dumasınıñ deputatı Ruslan Balbekniñ destegi ile olimpiadağa yolladılar. Mental esap – unikal bir programma, onıñ yardımınen balalar qısqa vaqıt içinde saymağa ögreneler. Bunıñnen beraber, diqqat, mantıq ve aqıl imkânlarını inkişaf eteler. QMDDİ MDT matbuat hızmeti

Qırım Müftiyatı mini-futbol yarışında ğalebe qazandı (FOTO)

Опубликовано:

Qırım müsülmanları Diniy İdaresi diniy teşkilâtlar arasında ötkerilgen mini-futbol yarışında iştirak etti. Turnir Aqmescitniñ 2 sanlı mektebinde ötkerildi. Tedbir Aqmescitniñ 233 yıllığı munasebetinen teşkil etildi. Esas maqsad – dinlerara munasebetlerni pekitmek ve sağlam ayat tarzını populârlaştırmmaqtır. Ğalebe içün dört taqım: Aqmescit ve Qırım Yeparhiyası, Qırım ve Sevastopol müsülmanları Diniy İdaresiniñ "Müftiyat", Adventistı Sedmogo Dnâ Kilsesiniñ  "Adventa", Qırımnıñ Yeudey cemiyetiniñ "Makkabi" adlı taqımları yarışlaştılar.  "Müftiyat" taqımı finalğa keçip, yarıfinalda "Makkabi" taqımını 2:0 esabınen yeñdi. "Adventa" öz nevbetinde Aqmescit ve Qırım Yeparhiyası taqımınıñ qalesine bir top urıp, yeñdi.  Üçünci yer içün "Makkabi" ve Yeparhiya taqımları küreştiler. Müftiyat vekilleri "Adventa" ile yarışlaştılar. Mühlisler ve tarafdarlar meraqlı ve ciddiy oyun seyir ettiler. Birinci taym devamında "Adventa" bir top urdı, soñki daqiqalarda "Müftiyat" esapnı teñleştirdi – 1:1 oldı. Penaltiden soñra, "Müftiyatnıñ" qalecisi topnı yibermeyip, 3:2 esabınen ğalebe qazandı. Bu, "Müftiyat"nıñ birinci yeñişi oldı, oyuncılarğa kubok ve medaller berildi. "Müftiyat" taqımınıñ idmancısı Raim Gafarov qayd etti ki, taqımnıñ riqaipleri ğayet küçli edi. O, episi  oyuncılarğa teşekkürler bildirdi ve bu kibi yarışlar ananeviy olacağına işanç bildirdi. Hatırlatamız, böyle yarış birinci kere ötkerile. Yarışnıñ açılış merasiminde Aqmescit memuriyeti reisi Gennadiy Baharev, Aqmescit şeer şurasınıñ reis muavini Yelena Şapilova, Sankt-Peterburg ş. tış alâqaları boyunca Komitetniñ reis muavini Vâçeslav Kolganov iştirak ettiler. Şeer şurasınıñ reis muavini Yelena Şapilova: "Sport birleştire, dostluqnı qaviyleştire. Zanımca, turnir ananeviy yarışqa çevirilecek ve vatanperverlik, eyiqomşulıqnıñ nümünesi olur", - dep ayttı. QMDİ MDT matbuat hızmeti [gallery link="file" columns="4" size="medium" ids="3727,3725,3723,3721,3719,3717,3715,3713,3711,3709,3707,3705,3703,3701,3699,3697,3695,3693,3691,3689,3687,3685,3683,3681,3679,3677,3675,3673,3671,3669,3667,3665,3663,3661,3659,3657"]

Qırım Müftisi “Şatör Ramazana 2017” tedbirinde iştirak etti

Опубликовано:

Qırım Müftisi hacı Emirali Ablayev Moskva şeerinde "Şatör Ramazana 2017" tedbirleri çerçivesinde ötkerilgen Qırım Künü merasiminde iştirak etti. Qırım Müftisi öz çıqışında qayd etkeni kibi, "Ramazan çadırı" bir sofra başında çeşit millet vekillerini toplağan bir meydançıqtır. "Biz, qırımtatarlarğa, sizlernen bir arada olmaq, iftar yemegini paylaşmaq  - pek hoştır",  -dedi Müfti ve teşkilâtçılar Rusiye müftiler Şurasına teşekkürler bildirdi. Rusiye müftiler Şurasınıñ reis muavini Ruşan Abbâsov, öz nevbetinde Qırım Müftisine iştirak etkeni içün minnetlarlıq bildirip, bahşış ediye etti. Hacı Emirali Ablayev, tedbirde bulunğan faal qırımtatar yaşlarına muracaat etip, ecdatlarınıñ izinden ketip, üykenlerge nisbeten ürmet köstermege çağırdı. Hızmet yolunda küç, metanet ve küçlü irade tiledi. Qırım Müftisi er kesni Ramazan ayınen hayırladı ve bu muqaddes ay devamında qoyulñan maqsadlarğa irişmekni tiledi. Toplaşqanlar ögünde qırımtatar icadiy taqımları çıqışta bulundılar. Musafirlerge Qırım, qırımtatarar aqqında film kösterildi. Moskvada Qırım Künü merasimi Qırım ve Sevastopol müsülmanları Diniy İdaresi tarafından İslâm medeniyeti, ilimi ve tasiline destek Fondu yardımınen keçirildi. QMDİ MDT matbuat hızmeti [gallery link="file" columns="4" size="medium" ids="3745,3743,3741,3739,3737,3735,3733,3731"]

Müftiyat hadimleri “Salğır-baba” azizi yerleşken yerni tertipke ketirdiler

Опубликовано:

Qırım müsülmanları Diniy İdaresiniñ hadimleri Aqmescitte "Salğır - baba" azizi yerleşken yerde talaqa keçirdiler. Yıllar devamında Aqmescitniñ bu tarihiy qısımı harabe alda buluna. (more…)

Qırım Müftisiniñ Ramazan ayınıñ başlanuvı munasebetinen hayırlav sözleri

Опубликовано:

Sayğılı dindaşlar, ağa ve tatalar! Muqaddes Ramazan ayı keleyata! Bu - maneviy ceetinden arınuv, ömürge qıymet kesüv, çalışuv ve imannıñ pekitüv zamanıdır. (more…)

Qırım Müftiyatı cemaat içün iftarlarnı keçirmege davet ete

Опубликовано:

Qırım müsülmanları Diniy İdaresi er yıl iftarlarnı teşkil ete. Bu hayırlı işke qoşulmağa istegenler Qırım Diniy İdaresine (Aqmescit ş., Kurçatov soq., 4) muracaat ete bileler. Malümat içün telefon: +79787652070 Ridvan Maksudov, +79781172617 Edem Lümanov Muqaddes Ramazan ayı devamında cemaat içün keçirilgen iftarlar birlik-beraberlikni temsil ete.İftarlarnı bütünley ya da qısmen  azırlamaq mümkün. Yüce Rabbimiz "…fuqare, yetim ve esirlerge özü istegen yemekni bergen müsülmannı yüksek maqamlarğa kötere" (Quran, 76:8) QMDİ MDT matbuat hızmeti

Kebir camide Ramazanğa azırlıq kete (FOTO)

Опубликовано:

Aqmescitniñ merkeziy Kebir camisinde Ramazan ayı devamında ötkerilecek iftarlarğa azırlıq kete.  Birinci iftar ziyafeti mayınıñ 27-nde, Orazanıñ birinci künü berilecek. QMDİ MDT matbuat hızmeti [gallery link="file" columns="4" size="medium" ids="3297,3295,3293,3291,3289,3287"]

Aqmescitte “Hoş keldiñ, muqaddes Ramazan!” bala festivali ötkerildi (FOTO)

Опубликовано:

Qırım ve Sevastopol müsülmanları Diniy İdaresiniñ "Faydalı ilim" oquv –maarif merkezinde "Hoş keldiñ, muqaddes Ramazan!" adlı bayram teşkil etildi. Bayramnıñ teşkilâtçıları - "Büllür" Qırım müsülman qadınları Birligi, "Faydalı ilim" maarif leyihası, "Yañı baar" bala leyihasıdır. Festival çerçivesinde İslâm esasları kurslarınıñ talebelerine ediyeler berildi. Balalar Quran Kitaplarını ve çeşit bahşışlar qazandılar. Bayramda kontsert kösterildi. Balalar oynap, şiirler aytıp, yırladılar. Festivalde ebru sanatı, mehendi, nağış boyunca master-klass keçirildi. Qadınlar içün elâl  - kosmetika ve müsülman kiymleri sergisi çalıştı. İstegenler kerekli ve çeşit mevzuda kitap, kiçikler içün arap elifbesini ala bildiler. Balalar "Himiklerniñ numayışı" ve "Sabun köpügi kürreçikleri"ni büyük meraqnen seyir ettiler. Eksperiment ve fokuslarda iştirak ettiler.  "Hoş keldiñ, muqaddes Ramazan!" festivali em kiçiklerni, em üykenlerni topladı. Er kes can yürekten quvandı! Bayramnıñ soñunda salüt yañğıradı. Balalarnı pilâv ve tatlılıqlarnen sıyladılar. "Faydalı ilim" leyihasınıñ reberi Zeyneb Bairovanıñ aytqanına köre, bayram, merkezde oquv yılınıñ soñu ve tatillerniñ başlanması ile bağlı edi. Yazda ise, balalar içün lager çalışacaq. QMDİ MDT matbuat hızmeti [gallery link="file" columns="4" size="medium" ids="3169,3167,3165,3163,3161,3159,3157,3155,3153,3151,3149,3147,3145,3143,3141,3139,3137,3135"]

Mayıs 18 künü Qırımda dua merasimleri ötkerilecek

Опубликовано:

MDT "Qırım ve Sevastopol müsülmanları Diniy İdaresi" ilân ete! Mayısnıñ 18-nde Qırımnıñ bütün camilerinde sürgünlik qurbanlarına bağışlanğan dua merasimleri ötkerilecek. Dua üyle namazından soñ keçirilecek. Müsülmanlar, vahşiy sürgünlikke oğratılğan, Vatanğa qaytamayıp, ğurbelikte elâk olğan vatandaşlarnı añacaqlar. Dua merasimleri Qırımdan qırımtatar, yunan, ermeni, bulğar, alman ve başqa halqlarnıñ sürgünligine bağışlanğan tedbirler çerçivesinde ötkerilecek. Böyle etip, mayısnıñ 18-nde Lenin adına bulvarda yerleşken hatıra taşı, QFU-niñ Nebatat bağçası ve Qırım ve pedagogika universitetiniñ "Tiklenüv" kompleksine gülçemberler qoyulacaq. Şu künü saat 12:00-de Bağçasaray rayonı, "Süren" stantsiyasındaki memorial kompleksi yanında kontsert-rekviyem, aqşam ise, saat 20:00-de Lenin adına meydanda "Yüregiñde çıraq yaq" adlı aktsiya keçirilecek. Mayıs 18 künü – qırımtatar halqı içün matem bir kündir. 1944 senesi mayısnıñ 18-nde qırımtatarlarnı Orta Asiya ve Uralğa sürgün ettiler. Eki kün içinde 180 biñ qırımtatar Vatanından quvuldı. Bunıñ aqibetinde halqnıñ 46% elâk oldı. QMDİ MDT matbuat hızmeti

Saqta hayriye aktsiya ötkerildi (FOTO)

Опубликовано:

Saq şeerinde öksüz balalar ve ağır şaraitte ösken balalarğa bayram teşkil etildi. Tedbirni Qırım müsülmanları Diniy İdaresiniñ "Büllür" qadın – qızlar cemaat Birleşmesiniñ azaları azırladılar. Teşkilâtçılarnıñ teşebbüsini yerli cemaat destekledi. Balalarnıñ anaları ve terbiyecileri içün subet ötkerildi. Din ocası Ayşe Duran keleyatqan Ramazan ayı aqqında ikâye etti. Aktsiya iştirakçileri dostane munasebette vaqıt keçirip, öz ayat ikâyelerinen paylaştılar. Tedbirniñ soñunda balalarğa ediyeler bağışlandı, qorantalarğa maddiy yardım kösterildi ve "Yahşılıq qutusı"ndan aşayt mahsulatı darqatıldı. Er kes memnün qaldı. "Büllür" azaları Ayşe oca ve Lâtife ocağa, yerli cemaatqa ve emegi keçken er keske  minnetdarlıq bildireler. QMDİ MDT matbuat hızmeti [gallery link="file" columns="4" size="medium" ids="2892,2894,2896,2898,2900,2902,2904,2906,2908,2910,2912,2914,2916,2918,2920,2922,2924,2926,2928,2930,2932,2934,2936,2938,2940,2942,2944,2946,2948"]

Dağıstan müsülmanları Saq rayonında caminiñ qurucılığında iştirak ettiler (FOTO)

Опубликовано:

Dağıstan Cumhuriyetinden kelgen müsülmanları Saq rayonı Tuzlu köyündeki caminiñ qurucılığında iştirak ettiler. 20-den ziyade dağıstanlı usta üç afta devamında ibadethaneniñ damı ve qaba sılav işlerini yaptılar. Mayıs 12 künü işçiler vazifelerini yekünlediler. Yardım köstergen dindaşlarğa RF Prezidenti yanında milletlerara munasebetleri boyunca Şuranıñ azası Eskender Bilâlov, Qırım Müftisiniñ mesül kâtibi Ayder Acimambetov, yerli din cemaatınıñ vekilleri, yerli sakinler teşekkürler bildirdiler. Qırım Müftisi hacı Emirali Ablayevniñ adından çıqışta bulunğan Ayder Acimambetov, RF Cumhuriyetlerinden kelgen müsülmanlar tarafından yardım kösterilgenini ayırıca qayd etti. " Yardımıñız içün teren minnetdarlıq bildiremiz. Allah rizası içün yapılğan bir iş, Rabbimiz sevaplarğa yazdırsın", - dedi Ayder Acimambetov ve Dağıstan Cumhuriyeti Müftisi  Ahmad hacı Abdullayevge teşekkürler bildirdi. Qırım Müftiyatı tarafından qurucılarğa  teşekkürnameler berildi. "İnkişaf" Cemaat Teşkilâtınıñ reberi Eskender Bilâlov bahşışlar ediye etti. Tantanalı qısımdan soñ, sofralar donatıldı. Hatırlatamız, Tuzlu köyünde cami 2016 senesi inşaat etilip başlandı. Cami yerli din cemaatı, hayırsever insanlarnıñ parasına qurula. QMDİ MDT matbuat hızmeti [gallery link="file" columns="4" size="medium" ids="2886,2884,2882,2880,2878,2876,2874,2872,2870,2868,2866,2864,2862,2860,2858,2856,2854,2852,2850,2848,2846,2844,2842,2840,2838,2836,2834,2832,2830,2828,2826,2824,2822,2820,2818,2816,2814,2812,2810,2808,2806"]

“Faydalı ilim” Qırım hanlarınıñ paytahtını ziyaret etti (FOTO)

Опубликовано:

Qırım ve Sevastopol müsülmanları Diniy İdaresi yanında çalışqan "Faydalı ilim" medeniy – maarif merkeziniñ talebeleri Qırım hanlarınıñ paytahtı- Bağçasaray şeerini ziyaret ettiler. Leyiha ocaları talebeler içün ekskursiya programmasını tertip ettiler. Balalar Bağçasaraynıñ tarihiy qısımı "Salaçıq"ta yerleşken Zıncırlı medresede kezdiler. "Yañı baar" kursınıñ kiçik talebelerine Şarqiy Avropada eñ qadimiy oquv yurtu sayılğan Zıncırlı medreseniñ tarihı aqqında ikâye ettiler.  Soñra, balalar Hanlar sarayına bardılar. Şu yerde Hanlar sülâlesi yaşap, devletniñ küçü, adaletniñ merkezi, bütün Şarqiy Avropanıñ taqdirine tesir etken qararlar qabul etilgen edi. Ekskursiyanı alıp barğan mütehassıslar abideniñ müimligi, qırımtatarlarnıñ tarihında alğan yerini añlattılar.  Ekskursiya çerçivesinde kiçik balalar Miniatüra Bağçasını aylanıp çıqtılar ve Qırımnıñ cümle abide ve yadikârlıqlarını kördiler. Ayvanat bağçası ve oyun bağçası  - balalar içün eñ güzel sürpriz oldı. Soñunda, Orta Cami azbarında iştirakçilerni yemek ve tatlılıqlarnen sıyladılar. Ziyaret devmında balalar ögrengen dua ve zikirlerni oqudılar, camide beraber namaz qıldılar.  Ekskursiya Bağçasaraynıñ yerli din cemaatı, rayon imamı Ramazan Asanov ve Bağçasaray rayon şurası Refat Derdarovnıñ teşebüsinen keçirildi. QMDİ MDT matbuat hızmeti [gallery link="file" columns="4" size="medium" ids="2780,2782,2784,2786,2788,2790,2792,2794,2796,2798,2800"]