Haberler - Page 45 of 54 - ЦРО ДУМКЦРО ДУМК | Страница 45

Вс

31

мая

8
Шевваль
1441 | 2020
Утр.2:59
Вос.4:50
Обед.12:46
Пол.16:49
Веч.20:32
Ноч.22:23
Времена намазов
Календари 2020г

Намаз

Haberler - Page 45 of 54 - ЦРО ДУМК

Ğalebege lâyıq bahşışlar! (FOTO)

Опубликовано:

Aqmescitte mental arifmetika boyunca Halqara Olimpiadasınıñ ğaliplerini taqdirlediler. Qırım müsülmanları Diniy İdaresinde Aqmescitteki İSMA adlı mektepniñ talebeleri  Eskender Paşayev, Maksim Romançuk ve Asan Asanovğa bahşışlar berildi. Ediyelerni Qırım Müftisi hacı Emirali Ablayev ve RF Devlet Dumasınıñ deputatı Ruslan Balbek taqdim ettiler. Hatırlatamız, arifmetika boyunca Halqara Olimpiada Qazahistannıñ Almatı şeerinde olıp keçti. Qırım vekilleri ğalipler sırasına kirdiler. Qırım Müftisi balalarnı, ana-babaları ve ocalarını hayırladı.  "Biñlerce iştirakçiler arasında bizim ufaçıq bir Qırımnıñ talebeleri eñ eyi olğanı içün ğurulanamız. Terbiye bergen ana-babalarğa, ocalarğa teşekkürler bildiremiz. Balalarğa ögretken şeylerniñ neticelerini ileride körebilecekmiz. Bu hayırlı işte iştirak etken, maddiy destek köstergen Ruslan Balbekke minnetdarlıq bildirem",  - dedi Müfti efendi. Ruslan Balbek öz nevbetinde oğlanlarğa bergen sözüni tutqanları içün teşekkürler bildirdi. "Ögümde aqiqiy aqay parçası – oğlan balaları tura. Balalar em menim, em bütün Qırımnıñ ümütlerini aqladılar. Biz istidatlı balalarğa destek köstermelimiz, olarnı teşviq etmelimiz. Er biriniñ qolunı alıp, daa bir kere "sağ ol"", - dedi Ruslan Balbek. Qayd etkeni kibi, ileride istidatlı balalarnı destekleycek mahsus Fond teşkil etilecek. İSMA mektebiniñ müdiri Elmaz İslâmova ve ana –babalar kösterilgen diqqat ve yardım içün Qırım Müftisi ve Ruslan Balbekke teşekkürler bildirdiler. Elmaz İslâmova añlatqanı kibi, yaz tatillerinden soñ, talebeler Bütündünya çempionatına azırlanacaqlar. Bu sefer taqım terkibine qızlar da kirecek.  "Pek ciddiy maqsad ve planlarımız bar, ğalebelerge ıntılmaq kerekmiz", - dedi Elmaz İslâmova. Balalar ise, kene de birinci olmaq  vade ettiler. QMDİ MDT matbuat hızmeti [gallery link="file" columns="4" size="medium" ids="5063,5061,5059,5057,5055,5053,5051,5049,5047,5039,5037,5035,5033,5031,5029,5027,5025,5023,5021,5019,5017,5015,5013,5011,5009,5007,5005,5003"]

Yañı camide Oraza bayramı! (FOTO)

Опубликовано:

Oraza bayramınıñ ekinci künü Aqmescit civarındaki Levadki köyündeki Qadir camisinde yerli sakinler içün bayram merasimi teşkil etildi. Yañı camide qayd etilgen birinci bayramnı yerli sakinler büyük eyecannen qarşılap aldılar. Bayram yüksek seviyede olıp keçti: "Nefes" ve "Nesil" taqımlarınıñ icrasında milliy oyunlar, "Emanet" icadiy gruppasınıñ çıqışları, İslâm dininiñ güzelligini aydınlatqan yarış ve viktorinalar bir kimseni lâqayd qaldırmadı. Balalar büyük isteknen iştirak ettiler, eñ faal iştirakçiler bahşışlar qazandılar. Bayramnıñ soñunda kâğıttan şou kösterildi. Musafirlerni lezzetli pilâvnen sıyladılar. Bayramda Qırım Müftisiniñ muavini Ayder İsmailov iştirak etti. O, dindaşlarğa quvanç tilep, yañı cami maneviy ve medeniy merkezge çevirilecegine ümüt besledi. Bu bayram er kesniñ hatırasında qalacağı iç şübe yoq, dep ayttı.  "Büllür" cemaat teşkilâtı "Emanet" gruppasınıñ reberi Reyane Mustafayeva, "İlham" ansmblniñ reberi Bekir Adilov, Boğurça qasabası Medeniyet Eviniñ müdiri Marlen Osmanov, "Nefes" ansamblniñ reberi Elvira Beşhadem, "Nesil" ansmablniñ ocası Ernest Prtıhov, balalar ve olarnıñ ana-babalarına teşekkürler bildire.  Destek köstrgen sponsorlar, yerli din cemiyeti, Qadir camisiniñ imamı Nişan ocağa ayrı minnetdarlıq bildirile. QMDİ MDT matbuat hızmeti [gallery link="file" columns="4" size="medium" ids="5001,4999,4997,4995,4993,4991,4989,4987,4985,4983,4981,4979,4977,4975,4973,4971,4969,4967,4965,4963,4961"]

Kökközde Oraza bayramı keçirildi

Опубликовано:

Kökkozniñ eski camisiniñ azbarında Oraza bayramı munasebetinen merasim teşkil etildi. Onda 70-ten ziyade adam iştirak etti. Ana-baba ve balaları içün yarışlar keçirildi, ğalipler bahşışlarnen taqdirlendi. Bundan da ğayrı, pazlnıñ toplavı boyunca yarış keçirildi. Balalar öz ellerinen yapqan işlerni numayış ettiler. Eñ soñunda animatorlar "Amentu" duasına keliştirip meşğuliyetlerni keçirdiler, şeñ oyunlar oynadılar. Bayram "Tım-tım" oyunınen yekünlendi. QMDİ MDT matbuat hızmeti [gallery link="file" columns="4" size="medium" ids="5177,5175,5173,5171,5169,5167,5165"]

“Faydalı ilim” Oraza bayramını qarşıladı (FOTO)

Опубликовано:

Aqmescitniñ "Faydalı ilim" oquv – maarif merkezinde Oraza bayramı qayd etildi. Tedbir Qırım Müftiyatı terkibinde çalışqan "Büllür" cemaat teşkilâtı tarafından teşkil etildi. Programma çerçivesinde "Ateş" ve "Nesil" balalar taqımları, "Tebessüm" vokal ansambli ve "Emanet" gruppası çıqışta bulundılar. Çeşit türlü yarışlar, meraqlı oyunlar bayramnı yaraştırdılar. Balalarğa qoqlalar spektakli kösterildi, qırımtatar ameliy sanatı ve ünerleri sergisi  çalıştı. Teşkilâtçılar bayramnı meraqlı ve şeñ yapmağa tırıştılar. Eñ soñunda kâğıttan şou ve kürreçikler salütı numayış etildi. "Büllür" teşkilâtı iştirakçi ve musafirlerge minnetdarlıq bildire. QMDİ MDT matbuat hızmeti [gallery link="file" columns="4" size="medium" ids="5137,5135,5133,5131,5129,5127,5125,5123,5121,5119,5117,5115,5113,5111,5109,5107,5105,5103,5101,5099,5097,5095,5093,5091,5089,5087,5085,5083,5081,5079,5077,5075,5073,5071,5069"]

Saq şeerinde Oraza bayramını keñiş sürette qayd ettiler

Опубликовано:

Qırımda Ramazan ayınıñ yekünlevi munasebetinen qayd etilgen Oraza bayramı keñiş sürette ötkerildi Böyle etip, Saq şeeriniñ camisinde balalar içün bayram teşkil etildi. "İman nurları" leyihası çerçivesinde yerli "Yañı cami" camisinde "İnkişaf" cemaat teşkilâtı ve Saq şeeri memuriyetiniñ desteginen balalarğa unutılmaz duyğular bağışlandı. Balalar içün şou, qına qoyuv dersleri, ebru sanatından master-klass ve ilâhre. Çoqtan-çoq bahşışlar yapıldı  ve tolu sofralar donatıldı. QMDİ MDT matbuat hhızmeti [gallery link="file" columns="4" size="medium" ids="5163,5161,5159,5157,5155,5153,5151,5149,5147,5145,5143,5141"]

“Merhametlik” aktsiyası – beraberlikte yeñilgen dert ve facialar

Опубликовано:

Ramazan ayınıñ soñuna qadar bir qaç kün qaldı. Çok beklenilgen Oraza bayramı yaqınlaşa ve er allı-taqatlı müsülman ihtiyac olğan soy-sopu, qomşusı, hasta balalar ve qartlarnı tüşünmeli. İslâm dini er müsülmannı bu hayırlı ayda fitir sadaqasını berip, sevap qazanmağa teşviq ete. Fitir sadaqası ihtiyacı olğan  - fuqare, hasta, öksüzler arasında taqsimlene. Peyğamberimiz Muhammed Mustafa (s.a.v) fitirni bayram namazına qadar bermege tevsiye etti. Bu yıl Qırım Müftiyatı fitir sadaqasınıñ eñ azı - 200 ruble olaraq belgiledi. Bunıñnen beraber, "Merhametlik" aktsiyasına qoşulıp, sadaqalarnı hasta balaçıqlarğa bermege davet ete. Er kün paalı tedaviylevge muhtac olğan hastalarğa yardım qolunı uzatmaq yalvaruv – rica, çağıruvlarnen  rastkelemiz. Ağır vaziyette bulunğan ana-babalar olğan bütün küç ve mülküni sarf etip, cemaatqa muracaat etmek zorunda qalalar. Olarğa yardım etmek – boyun – borcumızdır. Qırım ve Sevastopol müsüslmanları Diniy idaresine aman-aman er kün muracaat etip, yardım soraylar. Ekseriyetine tedaviylev ve ilâclarnı almaq içün büyük para lâzim.  Qırım Müftiyatı  cemaatçılıq, iş-adamları, devlet hadimleri, siyasetçiler ve balalarımıznı qurtaracaq er kimge rica ete! Keliñiz, balalarımızğa ümüt bağışlayıq!  "Merhametlik" aktsiyası devam ete. Onıñ çerçivesinde 2009 senesinden başlap 2016 senesiniñ noyabr ayına qadar 12 mln. ruble toplandı. Bu paranınıñ büyük bir qısımı hasta balalarğa berildi. Olğan dert ve facia - yalıñız etraftakilerniñ degil. Er birimizge aittir. "Merhametlik"ke qoşulıñız! Sadaqañıznı Aqmescit ş.. Kurçatov soq., 4 adresi boyunca yerleşken Müftiyatqa ya da yerli imamlarğa bermek mümkün. QMDİ MDT matbuat hızmeti

Qara – Çaqmaq köyünde birinci iftar (FOTO)

Опубликовано:

İyunniñ 18-nde Qırım Müftiyatı ve "Açıq yürekler" taqımı birlikte Qara Çaqmaq köyünde birinci iftarnı keçirdiler. Tedbirniñ teşkiliy meselelerinde Qurman rayonınıñ baş imamı Arsen Yağlıyev ve Qara-Çaqmaq köyüniñ imamı Settar Aliyev faal iştirak ettiler. İş-adamları da öz isselerini qoştılar. İftarnı 100-den ziyade insan iştirak etti. Nevbetteki iftar Cürçi rayonınıñ Qurman qasabasında iyunniñ 21-nde ötkerilecek. QMDİ MDT matbuat hızmeti [gallery link="file" columns="4" size="medium" ids="4406,4404,4402,4400,4398,4396"]

Hapsihordan başlap Yüdendorfqa qadar iftarlar keçe (FOTO)

Опубликовано:

"Köyde birinci iftar" aktsiyası çerçivesinde iyunniñ 16-nda Qırımnıñ bir qaç köyünde iftarlar teşkil etildi. Aktsiya, Qırım Müftiyatı ve "Açıq yürekler" göñülliler taqımı tarafından ötkerile. Sudaq rayonı Hapsihor köyünde iftar yemegine 70 adam toplandı. Maddiy destekni yerli iş-adamları kösterdiler, iftar keçirmek içün qavehane binası teklif etildi, başqa faaller paranen yardım ettiler. Tamam şu künü Cürçi rayonınıñ Yüdendorf köyünde iftar olıp keçti. Aqşam yemegine 65 adam kelip oldı. QMDİ MDT matbuat hızmeti [gallery link="file" columns="4" size="medium" ids="4350,4348,4346,4344,4342,4340,4338,4336,4334,4332,4330,4328,4326,4324,4322,4320,4318,4316,4314"]

Qırımda “Köyde birinci iftar” aktsiyası devam ete (ФОТО)

Опубликовано:

İyunniñ 13-nde Qırım Müftiyatı ve "Açıq yürekler" taqımı tarafından teşkil etilgen daa eki iftar ötkerildi. Bu sefer göñülliler Yedi Quyu rayonı Batalnoye köyüne barıp keldiler. İftar cami azbarında keçirildi. Tahminen 130 adam iştirak etti. Yarış, viktorina ötkerilip, balalarğa bahşışlar berildi. Tamam şu künü Cürçi rayonı Sarı Baş köyünde iftar yemegi berildi.Tedbir yerli milliy mektepte keçirildi.  Yerli cemaat faal qol tuttı. Cemi olaraq 80 adam qatıldı. "Açıq yürekler" azaları ve Qırım Müftiyatı maddiy destek köstergen er keske, yerli cemaatçılıqqa teşekkürler bildire. Allah qabul etsin. QMDİ MDT matbuat hızmeti [gallery link="file" columns="4" size="medium" ids="4240,4238,4236,4234,4232,4230,4228,4226,4224,4222,4220,4218,4216,4214,4212,4210,4208,4206,4204,4202,4200,4198,4196,4194,4192,4190,4188,4186,4184,4182,4180,4178,4176,4174,4172,4170,4168,4166,4164,4162,4160,4158"]  

Qalay medresesiniñ mezunları yañı ayatqa adım attılar (ФОТО)

Опубликовано:

İyunniñ 11-nde Qırım Müftiyatınıñ terkibinde çalışqan Hacı İhsan adına İslâm ilimleri Qalay medresesiniñ erkek bölüginde mezunlar bayramı keçirildi. Tedbirni Qurandan sure oqup, açtılar. Bu yıl medreseni 6 oğlan bitirdi. 3 yıl devamında olar İslâm dininiñ esasları, Quran oquvı ve umutasil fenlerni ögrendiler. Tantanalı merasim devamında mezunlar keçken yılğa yekün çektiler, musafirlerge medreseniñ ayatı aqqında tarif ettiler, bilgi  ve qabiliyetlerini numayış ettiler. Soñunda, diplom ve fahriy yarlıqlar berildi. Medrese mezunlarını Qırım Müftisi hacı Emirali Ablayev kelip hayırladı. O, yaşlarğa tasilni devam ettirmege tilep, endiden soñ, halqnıñ ümütleri olarnen bağlı olğanını qayd etti. "E adam içün eyi tasil almaq müimdir. Din olsun, ilim olsun… Diniy tasil daa da müimdir. Peyğamberimizniñ yolundan, doğru yoldan ketmek, çeşit sektalarğa qoşulmamaq, tamırlarını, tilni bilmek emiyetlidir. Çünki, tilini bilmegen kimse quru, meyvasız terekke beñzer!", - dedi Müfti. İyunniñ 12-nde oquv yurtunıñ qadın-qızlar bölüginde mezunlar bayramı ötkerildi. Bu sene Qalay medresesini 9 qız tamamladı. Qızlarnı Qırım Müftisiniñ muavini Esadullah Bairov hayırladı. O, Qırım Müftisi hacı Emirali Ablayevniñ adından tebrik sözlerini seslendirdi ve mezunlarğa muvafaqiyetler tiledi. "Bu mezunlar Qırım içün yañı nefes kibidir, er biri öz regionında adamlarnı bilgige celp etecek, edep örnegi olacaq. Er mezun bilggi zekâtını berip, cemiyet içün faydalı olmalı", - dep qayd etti E.Bairov. Medrese mezunlarınınıñ başına "ilim tacı" kiydirildi, böyleliknen olar alğan bilgige köre yaşap, Allahqa hızmet etecekler.  "Faydalı ilim" leyihasınıñ reberi Zeyneb Bairovanıñ aytqanına köre, meznlar din ocaları sırasına kirip, Seyitler, Bağçasaray, Aqmescit rayonlarında çalışacaqlar. "Er mezun- bilgi hazinesi olıp, bilgilerinen paylaşmaq kerek, vatandaşlarğa dinni añlatıp, dinimizge sevgi aşlamalı", - dedi Zeyneb oca. Medrese mezunları musafirlerge mahsus programma azırladılar, İslâm degerliklerine bağışlanğan mahsus videolevhalar kösterdiler, qısqa sanalaştırmanı taqdim ettiler. QMDİ MDT matbuat hızmeti [gallery link="file" columns="4" size="medium" ids="4258,4256,4254,4252,4250,4248,4246,4244,4242"]

Qırımnıñ uzaq köyleri içün iftarlar keçirile

Опубликовано:

Bağçasaray rayonı Büyük-Süyren köyünde "Açıq yürekler" göñülliler teşkilâtı ve Qırım müsülmnları Diniy İdaresi teşkil etken  iftar keçirildi. İftar "Köyde birinci iftar" leyihası çerçivesinde ötkerildi. Tedbirde 100-den ziyade sakin iştirak etti.müsülmanlar dua oqup, teşkilâtçılarğa minnetdarlıq bildirdiler. Aktsiya devam ete. İyunniñ 9-nda Qarasuvbazar rayonı Appaq-Canköy köyü ve iyunniñ 11-de Canköy rayonı Maslovo köyünde teşkil etilecek. QMDİ MDT matbuat hızmeti [gallery link="file" columns="4" size="medium" ids="4023,4021,4019,4017,4015,4013,4011,4009,4007,4005,4003,4001,3999,3997,3995"]

Qırımnıñ uzaq köyleri içün iftarlar keçirile

Опубликовано:

Qurman rayonı Nekrasovo köyünde yerli cemaat içün iftar keçirildi. Tedbirni "Açıq yürekler" göñülliler teşkilâtı ve Qırım müsülmnları Diniy İdaresi teşkil ettiler.İftar "Köyde birinci iftar" leyihası çerçivesinde ötkerildi. Yerli sakinler davetke seslenip, aktsiyağa qoşuldılar. Tedbirde 100-den ziyade musafir iştirak etti. İhtiyarlarnen  beraber yaşlar ve balalar da keldiler. İftar devamında yerli sakinler jiteli Seyran Hırhara ve Lütfi Bekirov keçmişlerniñ ruhuna dua oqup, yaşlarnen din mevzusında subtleştiler. Köy imamı Arsen Yaglıyev vaaz keçirdi. Er kesni dinge sarılmağa, birlikni köstermege davet etti. Mezkür aktsiya devam etmekte. İftarlarnı teşkil etmege istegenler Qırım Müftiyatına kelsinler ya  göñülli Kurtveliyeva Niyara Yakubovna adına 2200 0202 0048 3073 nomeralı kartağa para yollay bileler. QMDİ MDT matbuat hızmeti