Haberler - Page 45 of 55 - ЦРО ДУМКЦРО ДУМК | Страница 45

Пн

13

июля

22
Зуль-къаде
1441 | 2020
Утр.3:09
Вос.4:59
Обед.12:54
Пол.16:56
Веч.20:38
Ноч.22:28
Времена намазов
Календари 2020г

Намаз

Haberler - Page 45 of 55 - ЦРО ДУМК

 Qırım musulmanlarınıñ Müftisi İnguşetiya Cumhuriyetiniñ paytahtını  – Magasnı ziyaret etti (FOTO)

Опубликовано:

Qırım musulmanlarınıñ Müftisi haci Emirali Ablayev, Qırım ve Sevastopol ş. Musulmanları Diniy İdaresiniñ Vekilligi terkbinde İnguşetiya Cumhuriyetini ziyaret etti. Qırım musulmanlarını "Nur" din medeniyeti inkişafı Merkeziniñ müdiri Magomedbaşir Albogaçiyev ve İdare hadimi Huseyn Mamilov qarşıladılar.  Qırımdan kelgen musafirler İnguşetiya Cumhuriyetiniñ eñ müim diqqatqa lâyıq olğan yerlerniñ biri – Hatıra ve Şan-Şüret Memorialı ile tanış oldılar. İnguş halqınıñ tantanalı, hatıra ve facialı künlerine bağışlanğan işbu kompleks boyunca kezinti ve tanıştıruv tekşil etildi. Mühterem musafirlerniñ şerefine mahsus azırlanğan üyle yemegi berildi. "Nur" Merkeziniñ müdiri Magomedbaşir Albogaçiyev, Qırım Müftisi haci Emirali Ablayevni keçken yubileyi ile hayırlap, Cumhuriyetteki bal türleriniñ episinden toplanğan bir  umumiy bal çeşitini taqdim etti. Öz tarafından Qırım Müftisi böyle sıcaq ve dostane qarşılav tekşil etkenleri içün teşekkürler bildirip, İnguşetiya Cumhuriyetiniñ başlıqlarını ve ealisini Cumhuriyetniñ meydanğa ketirilmesine  25 yıl toluvı munasebetinen hayırladı. Qırım Müftisi: "Biz, İnguşetiya Cumhuriyetini ziyaret etmek imkânından  ve böyle güzel insanlar ile tanış olğanımızdan baht duyamız. İnguş halqınıñ 1944 senesinden künümizge qadar olğan vaziyetine köz taşlasaq, bütün qıyınlıqlar yalıñız birlikte yeñilgenini körermiz. Cumhuriyetiñiz ep inkişaf ete. Ümüt etemiz ki, böyle de devam etecek. Elbette ki, bu – bütün inguş halqınıñ umumiy muvafaqiyeti ve yeñişidir", – dep qayd etti.  Haci Emirali Ablayev: "Yaradan insanğa milletiniñ eyiligi oğrunda hızmet etmek imkân nasip etse  – bu dünyada bundan ziyade baht olmaz", – diyerek, İnguşetiya Cumhuriyetiniñ devlet ve diniy yolbaşçılarına halqnıñ dostluq, tınçlıq, seadet menfaatını qorumaq işinde muvafaqiyetler tiledi. Körüşüvniñ soñunda Qırımdan musafirler ve olarnı qabul etken idareciler  beraberlikte dua etip, umumiy foto çektiler. Allah imanımıznı ve musulmanlar arasındaki munasebetni qaviyleştirsin. QMDİ MDT matbuat-merkezi

Qırım musulmanlarınıñ Müftisi Dağıstan Müftisi ile körüşti (FOTO)

Опубликовано:

Qırım Cumhuriyeti ve Sevastopol ş. musulmanlarınıñ Müftisi haci Emirali Ablayev Dağıstanğa iş ziyareti çerçivesinde Dağıstan Müftisi Ahmad haci Abdullayev ile körüşti. Mahaçkala şeerinde olıp keçken bu körüşüv devamında, eki taraftaki Diniy liderler biri-digerini öz Cumhuriyetindeki Diniy İdaresiniñ faaliyeti ile tanış eterek, qurulayatqan camiler, maarif işleri ve kelecekke olğan ümüt ve niyetleri aqqında ikâye ettiler. Aynı zamanda Dağıstan Müftisi Ahmad haci Abdullayev Qırım Müftisini keçken yubileyi ile hayırlap, bu körüşüv içün mahsus azırlanğan tort taqdim etti. Öz nevbetinde hac Emirali Ablayev, Aqmescit şeeriniñ eski qısmında yerleşken ve 1508 s. inşaat etilgen Kebir-cami camisiniñ aks etken resimni ediye etti. QMDİ MDT matbuat-hızmeti [gallery link="file" columns="4" size="medium" ids="5755,5753,5751,5749,5747,5745,5743,5741,5739,5737,5735,5733,5731,5729,5727,5725"]

Cuma cami asırlar devamında  turacaq (FOTO)

Опубликовано:

Qırım Müftisi hacı Emirali Ablayev Aqmescitte qurulayatqan Cuma Caminiñ inşaat meydançığını ziyaret etti. Şimdiki vaqıtta memuriyet binasınıñ içinde divarlar tiklenile, kommunikatsiyalar keçirile. Eñ yaqın vaqıtta qurucılar pencerelerni qoyıp, divar tışındaki abadanlaştıruvını yapacaqlar. Caminiñ minaresi ve qubbesi tiklenecek yerde opalubka qoyuldı. Aynı vaqıtta esas binanıñ divarları inşaat etile. Cuma Caminiñ qurucılığı belgilengen cedvel boyunca alıp barıla. Cuma Cami Aqmescitniñ suv anbarı  civarında qurula. Leyihağa köre, esas binanıñ 28 metr yükseklikte qubbesi, azbarında ise. şadırvan olacaq. Caminiñ ellişer metrlik 4 minaresi tiklenecek. QMDİ MDT matbuat hızmeti [gallery link="file" columns="4" size="medium" ids="5493,5491,5489,5487,5485,5483,5481,5479,5477,5475,5473,5471,5469,5467,5465,5463,5461,5459,5457,5455,5453,5451,5449,5447,5445,5443,5441,5439,5437"]  

Qırım din ocaları ihtissasını yükselteler (FOTO)

Опубликовано:

İlâm fıqıhı ve munasebetlerara psihologiyası: Qırımda din ocaları ihtissasını yükselteler. Tedbirde Qırım boyunca çalışqan 50-ge yaqın oca iştirak ete. Birinci künü ocalar Qırım Müftisi muavini, İslâm fıqıhı magistri Ayder İsmailov azırlağan İslâm fıqıhı usuliyeti boyunca lektsiya diñlediler. Tamam şu künü psiholognıñ çeşit tabiatlı adamlarnen çalışma yollarınen bağlı tevsiyelerini aldılar. Lektsiya devamında art-terapiya keçirildi. Ocalar içün internet qaynaqlarınıñ qullanuvı boyunca master-klass kösterildi. Boş vaqıtta ocalar sport yarışlarında iştirak ettiler. Kurslar çerçivesinde toplaşuv ötkerilip, ocalar balalar içün yazlıq meydançıqlarını teşkil etmek meselesini muzakere ettiler. Toplaşuvda İslâm esasları ögretilecek yazlıq programmasını azırlap, oña köre Qırımnıñ esas camilerinde ders bermek qararı alındı. QMDİ MDT matbuat hızmeti [gallery link="file" columns="4" size="medium" ids="5380,5378,5376,5374,5372,5370,5368,5366,5364,5362,5360,5358,5356,5354"]

Qırımda din erbapları içün trening keçirdiler

Опубликовано:

  Qırım müsülmanları Diniy İdaresiniñ teşebbüsi ile "Yerli imamnıñ içtimaiy faaliyeti" adlı trening ötkerildi. Esas maqsad – imamlarğa yerli eali ve din cemiyetlerinen bağ qurmaq içün yardım etmektir. Treningniñ kün tertibi Qırım Müftiyatı diniy tasil bölügi tarafından azırlandı. Bölükniñ mütehassısı Ruslan Abdullayevniñ fikirince, şimdiki vaqıtta yerli imamlarnıñ faal olmaları ğayet müimdir.  "Ösmürler ve yaşlar arasında maneviy-ahlâqiy degerliklerniñ qıymeti azalğanı alda din ocalarınıñ işi emiyetlidir. Bu cümleden, din cemiyetlerine yardım köstermek, em yaş, em üyken nesilniñ terbiyesi oğrunda emekniñ sarf etilmesi, Qırım sakinleriniñ maneviy seviyesini köterecek cemaat işine qoşuluvı birinci yerde tura", - dedi Ruslan Abdullayev. Derslerde Qırım Müftiyatınıñ yapqan işi ve terkibi aqqında tavsilâtlı malümat berildi. Muhammed Peyğamberimizniñ (s.a.v) elçilik missiyasına bağışlanğan lektsiya oquldı.  "Ümüt etemiz ki, bu tedbir sayesinde imamlar Qırım müsülmanları arasında tutqan yerini añlap, maqsad ve vazifelerini daa aydın körip olurlar", - dedi Ruslan Abdullayev. QMDİ MDT matbuat hızmeti

Qazanda Bulğar İslâm akademiyası açıldı

Опубликовано:

Qırım Müftisi muavini Esadullah Bairov Qazanda (Tataristan) ötkerilgen İslâm tasili boyunca Şuranıñ toplaşuvında iştirak etti. Tedbir çerçivesinde Bulğar islâm akademiyası taqdim etildi ve "Zemaneviy İslâm tasiliniñ aktual meseleleri" mevzusı altında ilmiy-ameliy konferentsiya olıp keçti. TC Prezidenti Apparatınıñ reberi Asgat Safarov birinci olıp iştirakilerge muracaat etti. O, Tataristannıñ Devlet mesleatçısı Mintimir Şaymiyev adından selâmlav sözlerini seslendirip, Bulğar İslâm akademiyasınıñ inşaatına yardım köstergen RF Prezidenti Vladimir Pütin ve TC Prezidenti Rustam Minnihanovğa teşekkürlerini bildirdi. Qayd etkeni kibi, akimiyet ve din erbapları arasındaki işbirlikniñ esas maqsadı - "ananeviy İslâm tasiliniñ inkişafıdır". Tataristannıñ Müftisi Kamil hazrat Samigullin hatırlatqanı kibi, bulğar topraqları daima bilgi merkezi edi. Toplaşuv devamında Bulğar İslâm akademiyası taqdim etildi. İştirakçilerge Tataristanda İslâm tasiliniñ inkişaf basamaqları, Bulğar İslâm akademiyasınıñ tarihı ve ilk neticeleri aqqında ikâye ettiler. Bugünki künde Rusiye İslâm institutı ile Bulğar akademiyasınıñ tasil ve ilim İdaresi tarafından fıqıh, aqaid, Quran ilimleri, iqtisad boyunca oquv programması azırlandı. Bunıñnen beraber, oquv yurtunıñ tehnikiy imkânları numayış etildi. Hususan, kabel ve planşetsiz çalışqan mültimedia kompleksi kösterildi. İştirakçilerniñ fikirince, Bulğar akademiyası ileri ketken, künümizge ait fetva çıqarğan müsülman alimleri içün ilim meydançığı olacaqtır. QMDİ MDT matbuat hızmeti [gallery link="file" columns="4" size="medium" ids="5347,5345,5343"]

Akmeçit rayonında çalışqan 10 imamğa iftar paketleri dağıtıldı

Опубликовано:

Akmeçit rayonında çalışqan köy imamlarına, muhtac olğan qorantalarğa hayriye yardım kösterildi. Rayon imamı Löman Abduramanovnıñ aytqanına köre, Yarılğaç, Kerleut, Tatar Çağaltay, Kirovskoye, Tabuldı As, Dört Saqal, Çegelek, Bel Avuz Qıpçaq, Qunan köylerinde yaşağan fuqare vatandaşlarğa urba ve ayaqqap berilecek. QMDİ MDT matbuat hızmeti

Qırım mahkümleri içün Oraza bayramı keçirildi

Опубликовано:

Qırımnıñ müstemleke müessiselerinde Oraza bayramı ötkerildi. Böyleliknen Aqmescitniñ 1 sanlı müstemlekesi ve SİZO-da, Keriçteki 2 sanlı müstemlekesinde bayram tedbirleri teşkil etildi. Qırım Müftiyatı hadimleri mahküm etilgen müsülman qardaşlarını bayramnen hayırladılar. Aqmescit şeeriniñ imamı Muhammed İslamov Qırım Müftisi hacı Emirali Ablayev adından hayırlav sözlerini bildirip, sağlıq tiledi. Mahküm etilgen vatandaşlar içün tatlı sofralar donatıldı. Qırım müsülmanları Diniy İdaresi tedbirni keçirmek içün destek köstergen Qırım Cumhuriyeti ve Aqyar boyunca ÜFSİN yolbaşçısı Vadim Bulgakov, 1 sanlı K yolbaşçısı Dmitriy Kranuhov, Aqmescit ş. taqiqat izolâtorı reberi Sergey Berejnoy ve Keriç ş. 2 sanlı koloniyasınıñ yolbaşçısı Aleksey Böbrikov ve QC ve Aqyarda din boyunca ÜFSİN reberi muavini Roman Tsurkanovğa teşekkürler bildire. QMDİ MDT matbuat hızmeti

Moskvada hacılarnıñ havfsızlığını muzakere ettiler

Опубликовано:

Qırım Müfiyatı hadimleri Acılıq devamında ekstremizmniñ ögüni aluv tedbirlerine bağışlanğan muşaverede iştirak ettiler. Tedbir Moskvada, milletler işleri boyunca Federal agentligi tarafından teşkil etildi. Forumda Rusiye Federatsiyası ÜKümetiniñ Apparat vekilleri, Rosturizm, Rusiye Acılıq –missiyası, Diniy Merkezler ve turistik operatorları hadimleri iştirak ettiler. Toplaşuvda eñ eyi antiterroristik dersleri ve olğan tecribe aqqında söz yürütildi, muqaddes mekânlarğa baracaq müsülmanlarnıñ şahsiy havfsızlığı mevzusı ayrıca muzakere etildi. Böyle etip, Saudiya Arabistanı oquv yurtları talebelerine rusiyeli müsülmanlarğa ders keçirmege imkân bermemek, hacılarnıñ sigorta meselesi, turistik operatorlarnıñ işi kibi problemalar baqıldı. Qırım Müftiyatı hadimleri, hacılar içün havfsızlıq qaideleri yazılğan mahsus ilânlar azırlamağa teklif ettiler. Bunıñnen beraber, Acılıq mevsimi arfesinde Qırım Diniy İdaresi hadimleri seminar keçirip, acılıqnıñ hususiyetleri aqqında tarif eteler. Şimdiki vaqıtta Acılıqqa barmağa niyetlengen müsülmanlarnıñ vesiqaları qabul etile. Adresimiz: Çehov soq., 20. Telefon: +7 978 0908 202. QMDİ MDT matbuat hızmeti

Ğalebege lâyıq bahşışlar! (FOTO)

Опубликовано:

Aqmescitte mental arifmetika boyunca Halqara Olimpiadasınıñ ğaliplerini taqdirlediler. Qırım müsülmanları Diniy İdaresinde Aqmescitteki İSMA adlı mektepniñ talebeleri  Eskender Paşayev, Maksim Romançuk ve Asan Asanovğa bahşışlar berildi. Ediyelerni Qırım Müftisi hacı Emirali Ablayev ve RF Devlet Dumasınıñ deputatı Ruslan Balbek taqdim ettiler. Hatırlatamız, arifmetika boyunca Halqara Olimpiada Qazahistannıñ Almatı şeerinde olıp keçti. Qırım vekilleri ğalipler sırasına kirdiler. Qırım Müftisi balalarnı, ana-babaları ve ocalarını hayırladı.  "Biñlerce iştirakçiler arasında bizim ufaçıq bir Qırımnıñ talebeleri eñ eyi olğanı içün ğurulanamız. Terbiye bergen ana-babalarğa, ocalarğa teşekkürler bildiremiz. Balalarğa ögretken şeylerniñ neticelerini ileride körebilecekmiz. Bu hayırlı işte iştirak etken, maddiy destek köstergen Ruslan Balbekke minnetdarlıq bildirem",  - dedi Müfti efendi. Ruslan Balbek öz nevbetinde oğlanlarğa bergen sözüni tutqanları içün teşekkürler bildirdi. "Ögümde aqiqiy aqay parçası – oğlan balaları tura. Balalar em menim, em bütün Qırımnıñ ümütlerini aqladılar. Biz istidatlı balalarğa destek köstermelimiz, olarnı teşviq etmelimiz. Er biriniñ qolunı alıp, daa bir kere "sağ ol"", - dedi Ruslan Balbek. Qayd etkeni kibi, ileride istidatlı balalarnı destekleycek mahsus Fond teşkil etilecek. İSMA mektebiniñ müdiri Elmaz İslâmova ve ana –babalar kösterilgen diqqat ve yardım içün Qırım Müftisi ve Ruslan Balbekke teşekkürler bildirdiler. Elmaz İslâmova añlatqanı kibi, yaz tatillerinden soñ, talebeler Bütündünya çempionatına azırlanacaqlar. Bu sefer taqım terkibine qızlar da kirecek.  "Pek ciddiy maqsad ve planlarımız bar, ğalebelerge ıntılmaq kerekmiz", - dedi Elmaz İslâmova. Balalar ise, kene de birinci olmaq  vade ettiler. QMDİ MDT matbuat hızmeti [gallery link="file" columns="4" size="medium" ids="5063,5061,5059,5057,5055,5053,5051,5049,5047,5039,5037,5035,5033,5031,5029,5027,5025,5023,5021,5019,5017,5015,5013,5011,5009,5007,5005,5003"]

Yañı camide Oraza bayramı! (FOTO)

Опубликовано:

Oraza bayramınıñ ekinci künü Aqmescit civarındaki Levadki köyündeki Qadir camisinde yerli sakinler içün bayram merasimi teşkil etildi. Yañı camide qayd etilgen birinci bayramnı yerli sakinler büyük eyecannen qarşılap aldılar. Bayram yüksek seviyede olıp keçti: "Nefes" ve "Nesil" taqımlarınıñ icrasında milliy oyunlar, "Emanet" icadiy gruppasınıñ çıqışları, İslâm dininiñ güzelligini aydınlatqan yarış ve viktorinalar bir kimseni lâqayd qaldırmadı. Balalar büyük isteknen iştirak ettiler, eñ faal iştirakçiler bahşışlar qazandılar. Bayramnıñ soñunda kâğıttan şou kösterildi. Musafirlerni lezzetli pilâvnen sıyladılar. Bayramda Qırım Müftisiniñ muavini Ayder İsmailov iştirak etti. O, dindaşlarğa quvanç tilep, yañı cami maneviy ve medeniy merkezge çevirilecegine ümüt besledi. Bu bayram er kesniñ hatırasında qalacağı iç şübe yoq, dep ayttı.  "Büllür" cemaat teşkilâtı "Emanet" gruppasınıñ reberi Reyane Mustafayeva, "İlham" ansmblniñ reberi Bekir Adilov, Boğurça qasabası Medeniyet Eviniñ müdiri Marlen Osmanov, "Nefes" ansamblniñ reberi Elvira Beşhadem, "Nesil" ansmablniñ ocası Ernest Prtıhov, balalar ve olarnıñ ana-babalarına teşekkürler bildire.  Destek köstrgen sponsorlar, yerli din cemiyeti, Qadir camisiniñ imamı Nişan ocağa ayrı minnetdarlıq bildirile. QMDİ MDT matbuat hızmeti [gallery link="file" columns="4" size="medium" ids="5001,4999,4997,4995,4993,4991,4989,4987,4985,4983,4981,4979,4977,4975,4973,4971,4969,4967,4965,4963,4961"]

Kökközde Oraza bayramı keçirildi

Опубликовано:

Kökkozniñ eski camisiniñ azbarında Oraza bayramı munasebetinen merasim teşkil etildi. Onda 70-ten ziyade adam iştirak etti. Ana-baba ve balaları içün yarışlar keçirildi, ğalipler bahşışlarnen taqdirlendi. Bundan da ğayrı, pazlnıñ toplavı boyunca yarış keçirildi. Balalar öz ellerinen yapqan işlerni numayış ettiler. Eñ soñunda animatorlar "Amentu" duasına keliştirip meşğuliyetlerni keçirdiler, şeñ oyunlar oynadılar. Bayram "Tım-tım" oyunınen yekünlendi. QMDİ MDT matbuat hızmeti [gallery link="file" columns="4" size="medium" ids="5177,5175,5173,5171,5169,5167,5165"]