Haberler - Page 44 of 55 - ЦРО ДУМКЦРО ДУМК | Страница 44

Пн

13

июля

22
Зуль-къаде
1441 | 2020
Утр.3:09
Вос.4:59
Обед.12:54
Пол.16:56
Веч.20:38
Ноч.22:28
Времена намазов
Календари 2020г

Намаз

Haberler - Page 44 of 55 - ЦРО ДУМК

Qırım Müftisi rayon imamlarınen iş boyunca körüşti (FOTO)

Опубликовано:

Qırım müsülmanları Diniy İdaresinde rayon imamlarınıñ iştiraginen toplaşuv keçirildi. Diniy erbaplar öz qasaba ve şeerlerinde qarşılaşqan meseleler, eali arasında ötkerilgen maarif işleri aqqında tarif ettiler ve kelecek ayğa planlar belgilediler. Qırım Müftisi hacı Emirali Ablayev imamlarğa yerli akimiyet organları ile işbirlik qurmağa tevsiye etti. Qayd etkeni kibi, bütün meselelerni Müftiyat ve yerli akimiyet ile çezmek kerek. Qırım Müftisi muavini Ayder İsmailov Aqmescitte Qalğa-Sultan sarayı yerleşken tarihiy mekândaki vaziyetni aydınlattı. Şu yerde Müftiyat ve şahsen Müfti efendiniñ küçü ve desteginen qanunsız qurucılıq toqtatıldı. QMDİ din cemiyetleri ile iş alıp barğan bölükniñ reberi Raim Gafarov yarımada müsülmanları arasında çeşit aqıntılarnıñ darqalması, menfiy tesiri aqqında lektsiya oqudı. Soñra, Müftiyatnıñ sertifikatsiya ve standartizatsiya bölüginiñ hadimi Ridvan Maksudov "elâl" işhaneniñ tesis etilüvi boyunca malümat berdi. İmamlar daa çoq problemler aqqında, hususan topraq ve milletlerara munasebetleri meseleleri aqqında ikâye ettiler. Toplaşuvnıñ soñunda, iştirakçilerge yerli eali arasında darqatmaq içün "Hidayet" gazetası berildi. QMDİ MDT matbuat hızmeti [gallery link="file" columns="4" size="medium" ids="6773,6771,6769,6767,6765,6763,6761,6759,6757,6755,6753,6751,6749"]

Qırım Müftisi Qırımnıñ tarihiy yadikârlıqlarını saqlap qalmağa davet davet ete (FOTO)

Опубликовано:

Aqmescitte Orta asırlarda Kalğa Sultannıñ sarayı yerleşken yerde qurucılıq işleri toqtatıldı. Bunıñ aqqında iyülniñ 31-nde Qırım müendislik ve pedagogika universitetinde ötkerilgen tögerek masa devamında belli oldı. Tögerek masa RF Devlet Dumasınıñ deputatı Ruslan Balbekniñ teşebbüsinen teşkil etildi. Forumda Qırım arhiyeologiya İnstitutınıñ alimleri, tarihçılar, ülkeşınaslar, Aqmescit memuriyeti vekilleri,medeniy asabalıqnıñ qoruvı ve qurucılıq nezareti Hızmetiniñ hadimleri iştirak ettiler. QC devlet qurucılığı nezareti Hızmeti yolbaşçısı vazifesini eda etken Nariman İsayevniñ malümatına köre, şu topraq damartısı içün şirketniñ bütün kerekli vesiqaları bar. 10 sotka üç topraq damartısı  2014 senesinden evel ayırılğan, 2015-2016 seneleri devamında bu topraq damartıları resmiyleştirildi. Amma, qurucılıq alıp barmaq içün vesiqaları yoq. Bu sebepten, şimdiki vaqıtta inşaat işleri toqtatıldı, qurucılarğa qarşı memuriy protokol tizildi,  qurucılıqnı yasaq etken tenbiye berildi. Hatırlatamız, bundan evel Qırım Cumhuriyeti Yolbaşçısı Sergey Aksönov Qırım Müftisi hacı Emirali Ablayevniñ muracaatı ile teşkerüvni keçirmege avale etip, şu topraqlarda inşaat işlerini toqtatamağa emir etti. Nariman İsayev vade etkeni kibi, qurucılıq şirketi qararğa boysunmasa, inşaat viran etilecek. Vaziyetni öz nezareti astında tutqanını qayd etti. Şimdiki vaqıtta, qurucılıq işleri alıp barılmay, şirket qoranı bozmaq kerek. Qırım Müftisi hacı Emirali Ablayev bu vaziyetke ciddiy yanaşmağa rica etti. "Kalğa Sultan sarayı yerleşken topraqlar tarihiy yerler olğanını er kes bile. Bunıñ içün, tek bir ümütimiz sizsiñiz, bu topraqlarnı saqlap qalmalımız",  - dedi Müfti. Tögerek masa devamında Ruslan Balbek ileride ötkerilecek tedqiqiy işler içün bütün kerekli vesiqalarnı azırlap, nazirlik ve komitetlerge muracaatlar yollamağa teklif etti. Ruslan Balbekniñ aytqanına köre, mezkür tögerek masada boş laflar degil de, konstruktiv teklifler yañğıradı. İştirakçiler bu fikirge qoşulıp, bu tarihiy mekân tedqiq etilmegence, iç bir türlü qanun bozuluvlarğa yol bermemege añlaştılar.  "Arhiv vesiqaları ve spravkalarnıñ alınması yeterli degil. Qırımtatar halqı ve bütün Qırımğa ait yadikârlıqnıñ saqlavını teminleycek vesiqa kerek. Tarihiy-medeniy ekspertiza ve oña köre qarar lâzim", - dedi Balbek. Deputat añlatqanı kibi, Rusiye qanunlarına binaen azırlanğan vesiqa büyük adımlarnı yapmaq içün sebep olur. RF Prezidenti yanında milletlerara munasebetleri boyunca Şura azası Eskender Bilâlov bu vaziyet qırımtatar cemaatçılığı tarafından muzakere etilgenini qayd etti. "Sır degil ki, bu meselege siyasetni qarıştırmaq ıntıluvlar bar, amma, asılında bunda milliy faktor yoq. Men ertaraflama yardım köstermege azırım", - dedi Eskender Bilâlov. Tavrida Merkeziy müzeyiniñ müdiri Andrey Malgin bildirgeni kibi, Qırım paytahtınıñ orta asır tarihı kerekli seviyede ögrenilmedi. Bu sebepten, arheologik tedqiqatlar teşkil etilmeli. Malginniñ malümatına binaen, QC Cemaat palatası şeer yolbaşçısına muracaat etip, qurucılıqqa yol bermemege rica etti.  "Tögerek masa" devamında prokuraturağa yazmaq qararı alındı. Hatırlatamız, evelden bu topraqlarda inşaat işleri başlandı, qora qoyuldı ve eskavator çalıştı. Bu kibi vaziyet 2015 senesi endi  yüz bergen edi. O vaqıt Diniy İdare ve Cumhuriyet akimiyeti qarışıp, qurucılıqnı toqtattılar. Spravka:15-16 asırlarda şimdiki Vorovskiy soqağında, Aqmescitte kompleks yerleşe edi, onıñ terkibinde cami ve medrese, kütüphane ve qalğa –sultannıñ sarayı yerleşe edi. Qalğa –Sultan  - handan soñ, devlette birinci insan edi. Bu vazife 1486 senesi üçünci Qırım hanı Meñli hanı tarafından tesis etildi.   Er han tahtqa çıqqan soñ, qalğanı tayin ete edi. Bu vazifege ya hannıñ oğlu, ya ciyeni, ya da qardaşlarnıñ biri keçe edi. Qalğanıñ yaşağan şeeri – Aqmescit edi. Onıñ sarayı şimdiki "Moskva" musafirhanesi yanında yerleşken.   Saray 300 yıl turıp, viran etildi. 18-nci asırnıñ soñundan başlap, tarihiy kompleks yerinde bira azırlağan işhane çalışqan, soñra, bu yerde Vaysbordnıñ işhanesi çalıştı. Arheologik tedqiqatlar iç bir vaqıt keçirilmedi. QMDİ MDT matbuat hızmeti [gallery link="file" columns="4" size="medium" ids="6725,6723,6721,6719,6717,6715,6713,6711,6709,6707,6705,6703,6701,6699,6728,6730"]

Qırım Müftisi Qarasuvbazar civarında yüz bergen facia sebebinden taziye bildirdi

Опубликовано:

Qırım Müftisi hacı Emirali Ablayev Qırım müsülmanları adından Osman Nagaşnıñ qorantası ve yaqınlarına taziye bildirdi. O. Nagaşnıñ qorantası facialı qazağa oğradı. "Bu facia epimizni sarsıttı. Bir qorantada birden dört insan, olarnıñ arasında kiçkene bala elâk oldı. Biz epimiz yas tutıp, qoranta azalarına Allahtan küç ve salqın sabırlar tileymiz. Can yürekten teren taziye bildiremiz. Cümlemiz Allahtan keldik, ve Oña qaytarılacaqmız. Allah rahmet eylesin. Qırım Müftisi Hacı Emirali Ablayev QMDİ MDT matbuat hızmeti  

Qırım Müftisi İnguşetiya Cumhuriyetiniñ Yolbaşçısınen körüşti

Опубликовано:

Aqmescitteki "Seit-Settar" müsülman kompleksinde Qırım Müftisi hacı Emirali Ablayev İnguşetiya Cumhuriyetiniñ Yolbaşçısı Yunus-bek Yekvkurov ile körüşti. İş körüşüvinde RF Devlet Dumasınıñ deputatı Ruslan Balbek iştirak etti. Eki taraf vekilleri Qırımdaki vaziyetni muzakere ettiler, Qırım Müftisi Diniy İdareniñ faaliyeti aqqında tarif etti, maqsad, vazife ve ğayelerni aydınlattı. Bundan da ğayrı, hacı Emirali Ablayev Cuma caminiñ inşaatı aqqında malümat berdi. Yunus-bek Yevkurov öz nevbetinde İnguşetiya Cumhuriyetinde yaşağan müsülmanlarnıñ ayatı, yaşlar arasında alıp barılğan maarif işleri, qarşılaşqan meseleler aqqında añlattı. Qırım Müftisi musafirge - Kezlevdeki Han camini aks etken resim bağışladı. İnguşetiya Cumhuriyetiniñ yolbaşçısı "Ezan sedası" yarışınıñ taqdirlev merasiminde iştirak etti. O, Qırım Müftisine davet etkeni içün minnetdarlıq bildirdi ve bu ananeni devam ettirmege çağırdı. "Bu merasimde iştirak etkenime pek quvanam. Mında iç bir kimse birinci, ya ekinci, ya da üçünci degil. Er kes ğaliptir. Siyasetke dalmadan, qırımtatarlarnıñ ayatında er şey yahşı olacaq, dep aytacaq olam. Bizim halqımız da sürgün etilgen edi, biz 13 yıl ğurbetlikte yaşadıq, bir çoq meselelerimiz bar, amma, ep bir canlanmaq isteymiz, bunıñ içün er şey yapamız, yaşlarımız güzel olsun, qartlarımız çette qalmasın, Cumhuriyetimiz inkişaf etsin," - dedi Yunus –bek Yevkurov. İnguşetiya Cumhuriyetiniñ Yolbaşçısı ğaliplerge bahşışlar bağışladı. "Ezan sesi hoş olmaq kerek. Müsülmanlar, olarnı Allah davet etkenini bilmeliler…Ezan aenkli, dülber olıp, yüreklerge toqunmalı, onıñ içün bu soy tedbirler birden yöñelişni deñiştireler", - dedi Yevkurov. Bunıñnen beraber, Yunus-bek Yevkurov bildirgeni kibi, İnguşetiyada da bu kibi yarışnıñ ötkerilmesi, ve atta, imkânları sıñırlı olğan adamlar arasında keçirilmesi planlaştırıla. İnguşetiya Cumhuriyetiniñ Yolbaşçısı Yunus-bek Yevkurov Qırımğa Aqyar şeeri gübernatorı Dmitriy Ovsânnikov ve Qırım Cumhuriyeti Reisi Sergey Aksönovnıñ davetinen keldi. QMDİ MDT matbuat hızmeti [gallery link="file" columns="4" size="medium" ids="6612,6610,6608,6606,6604,6602,6600,6598,6596,6682,6680,6678,6676,6674,6672,6670,6668,6666"]

Qırımda ezannı eñ güzel şekilde oquğanlarnı  taqdirlediler

Опубликовано:

Qırımda ezannı eñ güzel şekilde oquğanlarnı  taqdirledilerAqmescitteki "Seit-Settar" müsülman kompleksinde "Ezan sedası" yarışınıñ finalı olıp keçti. Yekünleyici basamaqta 30-ğa yaqın iştirakçi yarışlaştı. Tedbirni Qırım ve Sevastopol müsülmanları Diniy İdaresi teşkil etti. Taqdirlev merasiminde Qırım Müftisi hacı Emirali Ablayev, İnguşetiya Cumhuriyetiniñ Yolbaşçısı Yunus-bek Yevkurov ve RF Devlet Dumasınıñ deputatı Ruslan Balbek iştirak ettiler.  Finalistler Qırımnıñ çeşit köy ve şeerlerinden keldiler. İştirakçiler arasında em üykenler, em de ösmürler bar edi. Olar, ezannı doğru, aenkli, tecvid ile oqumaq kerek ediler. Müftiyat hadimlerinden ibaret olğan jüri azaları üç ğalipni belgilediler. Böyleliknen, 1-nci yerni Seit-Yağya Ablâkimov, 2-nci yerni Said-Ahmad Asanov, 3-nci yerni ise, Server Şabanov qazandılar. Ğalebeni qazanğanlar qıymetli bahşış ve para mukâfatınen taqdirlendiler. Qalğanları da diqqatsız ve bahşışsız qalmadılar. Qırım Müftisi hacı Emirali Ablayev er iştirakçige ayrı teşekkürler bildirdi.  "Er biriñizniñ maşallası bar, böyle şekilde devam etiñiz. Biz ise, Qırım Müftiyatı olaraq, er niyet ve istekleriñizge qol tutacaqmız, yaşlarnıñ din ceetinden ilerilemesini destekleycekmiz", - dedi Müfti efendi. RF Devlet Dumasınıñ deputatı Ruslan Balbek Qırım Müftisi ve Diniy İdarege, konkurs teşkilâtçıları ve iştirakçilerine minnetdarlıq bildirdi. "Qırımda er vaqıt ezan yañğıraycağını körebilemiz",  - dep qayd etti Ruslan Balbek. Bunıñnen beraber, Ruslan Balbek bildirgeni kibi, 2015 senesi avgust ayında RF Prezidenti Vladimir Pütin ile olıp keçken körüşüvde Qırım Müftisi hacı Emirali Ablayev Cuma cami quruculığınıñ zarurlığını qayd etti, işte, bundan soñ, inşaat işleri başlandı. Taqdirlev merasiminden soñ, iştirakçi ve musafirler birlikte namaz qıldılar. Ezannıñ eñ eyi şekilde oquvı boyunca yarış Cumhuriyette birinci kere ötkerildi. Hatırlatamız, "Ezan sedası" yarışınıñ saylav basamaqları Aqmescit, Bağçasaray, Eski Qırım, Canköy, Or-Qapı, Qarasuvbazar, İslâm Terek, Qurman ve Aq-Şeyh rayonlarında keçirildi. Konkursta 200-ge yaqın insan iştirak etti. QMDİ MDT matbuat hızmeti [gallery link="file" columns="4" size="medium" ids="6686,6684,6664,6666,6670,6662,6660,6658,6656,6654,6652,6650,6648,6646,6644,6642,6640,6638,6636,6634,6632,6630,6628,6626,6624,6622,6620,6618,6616,6614"]    

Muvafaqiyetli nesil – muvafaqiyetli Cumhuriyet! (FOTO)

Опубликовано:

Curçı qasabasında "Men muvafaqiyetlim" adlı lager öz işini yekünledi. Onda, qomşu köylerden mektep talebeleri iştirak etti. Umumen 21 bala qatnaştı. Balalar maneviy- ahlâqiy degerliklerni aşlağan programma boyunca azırlanğan seminar, kvest-oyunlar, interaktiv derslerniñ yardımınen, liderlik qabiliyetlerini, kommunikativ alışqanlıqlarnı inkişaf ettiler. Lager iştirakçileri Bağçasaray şeerindeki "Hansaray" müzeyini, Mangup qaleni ziyaret ettiler. Şu tarihiy yerlerde Qırımnıñ tarihı, medeniyetinen tanış oldılar. Teşkilâtçılarnıñ bildirgenine köre, esas maqsat – İslâm dini esasında balalalarnıñ eñ eyi tabiat hususiyetlerini  uyandırmaq, maqsatlarnı doğru qoymaq, nutuq sanatını ögretmektir. Lagerni QMDİ MDT, "Halqara İslâm Missiyası", "Curçı" yerli cemaat teşkilâtı teşkil ettiler. Yaznıñ soñuna qadar bu  kibi lager daa bir kere ötkerilecegi beklenile. QMDİ MDT matbuat hızmeti [gallery link="file" columns="4" size="medium" ids="6386,6384,6382,6380,6378,6376,6374,6372,6370,6368,6366,6364,6362,6360,6358,6355,6353,6351,6349,6347,6345,6343,6341,6339,6337,6335,6333,6331,6329,6327,6325,6323"]  

«Merhametlik»ke qoşulıñız!

Опубликовано:

Qırım ve Sevastopol müsülmanları Diniy İdaresinde «Merhametlik 2017» hayriye aktsiyası olıp keçti. Yıl devamında 3. 085. 917 ruble toplanıldı. Sermiyalarnı hasta balalar ve muhtaclarnıñ qoranta azaları arasında taqsimlendi. Yıl devamında Müftiyatqa 200-den ziyade adam yardım sorap, muracaat etti. Acele yardımğa muhtac olğan vatandaşlarğa yardım bundan evelki aylarda berildi. Bugün ise, daa 185 adam sermiya aldı. Orta esapnen er qorantağa 5 biñden 30 biñ rublege qadar para berildi. Onkologiya hastalığına oğrağanlar 25-30 biñ ruble etrafından aldılar. Toplaşqanlar ögünde Qırım Müftisi hacı Emirali Ablayev çıqışta bulundı. O qayd etkeni kibi, ayatımızdaki bütün qıyınlıqlarnı tek birlik-beraberlikte yeñmek mümkün. «Yapqanımız, birlikte yapabilecek işlerniñ tek bir parçasıdır. Daa faal olsaq, balalarımıznı dünyanıñ eñ güzel hastahanelerinde tedaviylep olurmız. Çette qalmayıq, elimizden kelgeni qadar yardım eteyik. Biz, Diniy İdare olaraq yardım qolunı uzatmağa tırışamız. Qoşulıñız. İç bir kimse ağır vaziyette yañğız qalmasın», - dedi Qırım Müftisi. Qırım Müftiyatı «Merhametlik» aktsiyasını devam ete. 2009 senesinden başlap, şimdiki vaqıtqa qadar 14.089.779 ruble toplanıp, hasta balalarnıñ tedaviylenmesine berildi. Qırım Diniy İdaresi balalarğa yardım etmege davet ete. Merhametlik – insannı yükseltken, hayırlı işlerge sebepçi olğan bir duyğu. Keliñiz, merhametli olayıq. Adresimiz: Aqmescit ş., Kurçatov soq., 4 ya da yerli camilerniñ imamlarına muracaat etiñiz. QMDİ MDT matbuat hızmeti [gallery link="file" columns="4" size="medium" ids="6212,6210,6206,6204,6202,6200,6198,6196,6194,6192,6190,6188,6186,6184,6182,6180"]

İlerilemek maqsadınen…(FOTO)

Опубликовано:

Curçı qasabasında "Men muvafaqiyetlim" adlı yazlıq lageri açıldı. Lagerni QMDİ MDT, "Curçı" yerli müsülman cemiyeti, MCT "Halqara İslâm Missiyası" birlikte teşkil ettiler. Teşkilâtçılarnıñ bildirgenine köre, esas maqsat - yaşlarğa  İslâm temelleri ve degerlikleri esasında liderlik qabiliyetlerini, planlaştırmaq  usullarını, maqsatlarnıñ qoyulmasını, nutuq edebini ögretmek edi. Lagerniñ işinde Curçı, Upornoye, Pşeniçnoye, Stepnoye köylerinden 8-11 sınıflarda oquğan 25 talebe iştirak etmekte. Lager çerçivesinde seminarlar, interaktiv dersleri, kvest-oyunlarınıñ keçirilüvi közde tutula. Böyle şekilde ocalar iştirakçilerniñ liderlik ve kommunikativ alışqanlıqlarını yetiştirmege isteyler. Bunıñnen beraber, leyiha iştirakçileri içün Bağçasarayğa ekskursiya teşkil etilecek, balalar Qırımnıñ tarihınen tanış olacaq, biri-birinen yaqınca tanış olıp, eyi dostluq munasebetlerini pekitip olurlar. QMDİ MDT matbuat hızmeti [gallery link="file" columns="4" size="medium" ids="6154,6170,6168,6166,6164,6162,6160,6158,6156,6152,6150,6148,6146,6144"]

“Müsülman qadınları içün liderlik mektebi” – maqsatkâr qadınlarınıñ meydançığı (FOTO)

Опубликовано:

Eski Qırım şeerinde "Qadınlar içün liderlik mektebi" adlı üç künlük forum olıp keçti. Tedbir, QMDİ terkibinde çalışqan "Büllür" qadın-qızlar cemaat teşkilâtınıñ teşebbüsinen ötkerildi. Forumda Qırımnıñ çeşit şeerlerini temsil etken  tahminen 30 hanım iştirak etti. Üç kün devamında iştirakçiler trening, seminar, lektsiyalar, kvest ve subetlerde iştirak ettiler. Derslerni tecribeli din ocaları, maarif leyihalarınıñ reberleri, ruhiyatşınaslar, mühbirler, fıqıh boyunca ocalar, iqtisadiyatçılar alıp bardılar. Bundan da ğayrı, qadın-qızlar içün eglenceli-maarif programması taqdim etildi, sport yarışları, master-klass, şeer boyunca kezintiler, fotosessiya ve deñizge sefer  - bir kimseni lâqayd qaldırmadı. "Faydalı ilim" leyihasınıñ reberi Zeyneb Bairovanıñ bildirgenine köre, bu forum yañı ufuqlarnıñ açıluvı, tecribe paylaşuvı meydançığına,  bilgi aluv çoqrağına çevirildi. "Mektebimiz muvafaqiyet qazandı, bizge Qırımnıñ çeşit köşelerinden hanımlar keldi. Forumnıñ er iştirakçisi meraqlı ve faydalı bilgilerniñ saibidir. Ümüt etemiz ki, "mektebimiz" qızlarımızğa fayda ketirir, maqsad ve vazifelerni qoyıp, olarnı doğru çezmege yardım eter", - dedi Zeyneb oca. Soñunda "Müsülman qadınları içün liderlik mektebi"niñ iştirakçileri forum programmasını keçkeni aqqında sertifikat aldılar. QMDİ MDT matbuat hızmeti [gallery link="file" columns="4" size="medium" ids="6142,6140,6138,6136,6134,6132,6130,6128,6126,6124,6122,6120,6118,6116"]

Qırım Müftisi Rusiyeniñ Hacılıq-Missiyasınıñ 15-yıllığına bağışlanğan tedbirlerinde iştirak ete (FOTO)

Опубликовано:

Qırım Cumhuyeriyeti ve Sevastopol ş. Musulmanları Diniy İdaresi Qırım Müftisi haci Emirali Ablayev reberligindeki eyyeti, Dağıstan Cumhuriyetinde 2017 s. iyülniñ 14-15 künleri olıp keçken Rusiye Federatsiyasınıñ Hacılıq-Missiyasınıñ 15-yıllığına bağışlanğan tedbirlerinde iştirak ete. Tedbirde, Dağıstan Cumuhriyetiniñ Başlığı Abdulatipov, Saudiya Arabistannıñ elçisi, Rusiye Federatsiyasınıñ deputatı, Rusiye regionlarınıñ diniy liderleri, akimiyet vekilleri ve ilâh. iştirak etmekte.  Tantanalı tedbirler Mahaçkala şeerinde Dostluq Evinde keçirilmekte. İşbu tedbirler, icra etüv akimiyeti federal organları,  Rusiye subyektleri icra etüv akimiyeti, diniy İdareler ve Rusiyeniñ turistik şirket-operatorları, Rusiye müessiseleri ve Saudiya Arabistanı Qırallığı arasındaki sıq bağ-alâqası ve er yıllıq hacılıqnı teşkil etüv maqsadında keçirilmekte. Yubiley tedbirleriniñ ketişatında "Aziz yerlerniñ ziyareti – cemiyetniñ ahlâqiy sağlığını ğayrıdan tiklemektir. Dağıstan – ekstremizmge qarşıdır" adlı Bütünrusiye konferentsiyanıñ keçirilmesi  de közde tutula.             Rusiyeniñ Hacılıq-Missiyası 2002 s. Rusiyeniñ hacılıq işleri boyunca Şuranıñ meydanğa ketirilüvi ile faaliyet kösterip başladı. Rusiyeniñ Hacılıq-missiyası, turistik şirketlerniñ işlerini idare ete, şu şirket-operatorlarnıñ tarafından Rusiyeniñ hacılıq boyunca Şura qararlarınıñ  ve Rusiye-Saudiya arasındaki Protokolda qayd etilgen şartlarnıñ al etüvini   nezaret altında tuta. Hacılıq mevsiminde  Rusiye Hacılıq-missiyası azalarınıñ sayısı 200 insannı teşkil ete. Bular – hacılıq teşkilâtçıları, gruppalar reberleri, ekimler, gid ve tercimanlardır. Bu vaqıtta Saudiya Arabistanı Qırallığında Rusiyeniñ Hacılıq-Missiyasınıñ ştabı toqtamadan künde 24 saat devamında acele çalışıp,  Saudiya Arabistanı Qırallığınıñ ava limanlarında Rusiye hacılarınıñ kelüvi vaqtında nevbet tutalar, insanlarnıñ aşlamadan keçkenlerini, urbanıñ bir çeşitte olğanını ve individual hacılıq-şeadetnamesi (beyc) mevcut olğanını teşkereler.  Hacılıq-Missiyasınıñ reberleri SAQ-da Rusiyeden kelgen hacılarnıñ ketirilüvi ve Mina vadiysinde, Arafat  ve Muzdalif dağlarında yerleştirilüvine ve Camaratqa — taşnıñ atılğanı yerlerge barıluvına büyük diqqat ayıralar. Rusiyeniñ Hacılıq-Missiyası  Hacılıq işleri boyunca Nazirlik ile ve Ciddadaki Rusiyeniñ Baş Konsullığı ile sım-sıqı bağ-alâqada bulunmaqta.  Hacılıq boyunca Şuranıñ ve Hacılıq-Missiyasınıñ Rusiyeniñ diniy İdareleri ve Rusiyeniñ devlet akimiyeti ile umumiy faaliyeti neticesinde bir sıra qıyın olğan teşkil etüv meselelerini ve Rusiye musulmanlarınıñ muqaddes yerlerge baruvlarını yañı yüksek seviyege kötermege imkân berdi. Neticede, soñki yıllar devamında keçirilgen hacılıqqa qıymet keserek, Saudiya Arabistanı Qırallığınıñ hacılıq boyunca Nazirligi Rusiyedeki Hacılıq-Missiyası eñ yüksek seviyede faaliyet köstergenlerniñ sırasında bulunğanını qayd etti. QMDİ MDT matbuat-merkezi [gallery link="file" columns="4" size="medium" ids="5840,5838,5836,5834,5832,5830,5828,5826,5824,5822,5820,5818,5816,5814,5812,5810,5808,5806,5804,5802,5800,5798,5796,5794,5792,5790,5788,5786,5784,5782,5780,5778,5776,5774,5772,5770,5768"]

Qırım Müftisi Stavropol bölgesiniñ Müftisinen körüşti (ФОТО)

Опубликовано:

Qırım musulmanları Müftisi haci Emirali Ablayev Pâtigorsk ş.  Stavropol bölgesi musulmanlarınıñ Diniy İdaresini ziyaret eterek, Müftiy Muhammed haci Rahimov ile körüşti. Körüşüv çerçivesinde Qırım ve Stavropol Diniy İdarecileri, İdereniñ bulunğan yerinde qurucılıq işleri ile tanış oldılar. Müftiy M. Rahimov haci Emirali Ablayevge dostane körüşüv  içün teşekkürler bildirdi. Öz nevbetinde, Qırım Müftisi de sıcaq qabul etkenleri içün minnetdarlıq bildirerek, Qırım ve Stavropol bölgesiniñ musulmanları arasındaki bağ-alâqa ep qaviyleşmek kerek olğanını ayrıca qayd etti. QMDİ MDT matbuat -merkezi [gallery link="file" columns="4" size="medium" ids="5663,5661,5659,5657,5655,5653,5651,5649,5647,5645,5643,5641,5639,5637"]

Qırım musulmanları Müftisi Şimaliy Kavkazda Vekâletli Temsilci Oleg Belaventsev ile körüşti

Опубликовано:

Qırım musulmanlarınıñ Müftisi haci Emirali Ablayev, Stavropol bölgesine olğan ziyareti çerçivesinde, Rusiye Federatsiyasınıñ Şimaliy Kavkaz Federal Bölgesiniñ Daimiy Temsilcisi Öleg Belaventsev ile körüşti. Öleg Belaventsev, Qırım Müftisini Şimaliy Kavkaz terkibine kirgen cumhuriyetlerniñ medeniy, diniy ve milliy ananeleri ile tanış etti. Öz nevbetinde Qırım Müftisi Aqmescit şeerinde devam etken Cuma caminiñ inşaatı aqqında ikâye etti. Körüşüv neticesinde Öleg Belaventsev Qırımdaki musafirlerine ziyaretleri içün, teşekkürler bildirip, muvafaqiyetler tiledi. Haci Emirali Ablayev ise, öz tarafından, HH asırnıñ başlarında Rusiye İmperatorı II Nikolay bağışlağan sermiyası ile qurulğan, lâkin künümizge qadar saqlanıp qalmağan Qırım dragun alayınıñ "Valide şerif" camisini aks etken resim ediye etti. QMDİ MDT matbuat-merkezi [gallery link="file" columns="4" size="medium" ids="5720,5718"]