Haberler - Page 4 of 84 - ЦРО ДУМКЦРО ДУМК | Страница 4

Вторник

18

января

15
Джумазие'ль-ахир 
1443 | 2022
Утр.6:44
Вос.8:06
Обед.12:59
Пол.15:11
Веч.17:41
Ноч.19:03
Времена намазов
Календарь 2022

Намаз

Haberler - Page 4 of 84 - ЦРО ДУМК

Qırım Müftiligi “Adınıñ qaytarıluvı” vatanperverlik leyhasında iştirak ete

Опубликовано:

"Adınıñ qaytarıluvı" halqara vatanperverlik leyhası çerçivesinde ekspertler taqımı Ulu vatan cenki iştirakçileri, Gitler Almaniyasınıñ sovet arbiy esirler içün kontslagerlerniñ mahbüsleri olğan qırımtatarlarnıñ cedvelini azırladı (1941-1945). //Leyhanıñ eksperti L. İ. Grigoryan (Moskva ş.), leyha rehberi Skvortsov G. P. (Abhaziya, g. Suhum) 1913 - 2021 seneleri. Menba: "Pamât naroda" ("Halq hatırası") portalı// Cedvelde 497 insan mevcut. Количество в списке — 497 человек

Qırım Müftiligi imamlar içün ihtisas yükseltüvi kurslarını devam ete (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresi imamları içün ihtisas yükseltüvi kurslarını keçirmege devam ete. Üç künlük seminar Krasnoperekopsk rayonınıñ Voinka köyünde başlandı, seminarda rayonnıñ diniy hadimleri iştirak ete. İhtisas yükseltüvi kursları Qırım Cumhuriyeti ve Sevastopol şeeri musulmanları diniy idaresiniñ diniy maarif programması çerçivesinde ve İslâm ilimi, medeniyeti ve tahsiline destek fondunıñ destegi ile keçirile. Kursnıñ programmasında lektsiyalar ve seminarlar mevcut. İmamlar "İman esasları", "İslâmda itiqadiy mezhepler", "İslâm aqaidiniñ aktual meseleleri" ve "Destruktiv diniy aqımlar: tarihı, peyda oluv sebepleri ve cemiyetke menfiy tesiri" mevzusında bir sıra lektsiyalar diñlediler. İmamlarnıñ ihtisas yükseltüvi programmasına Fevziy Yaqubov adına Qırım devlet müendislik ve pedagogika universitetiniñ professorları ve ocalarınıñ lektsiyaları da kirmekte. Umumen, ihtisas yükseltüvi kursunı Krasnoperekopsk rayonınıñ 20 imamı ziyaret etti. Kurslarnıñ maqsadı – imamlarnıñ diniy bilgi seviyesini yükseltmek, eali arasında İslâm maarifiniñ keyfiyetini eyileştirmek ve ekstremizmnen küreşmektir. Qırım MDİ imamları içün ihtisas yükseltüvi kursları artıq Aqmescitte, Canköyde ve Qarasuvbazar rayonında keçirildi. İleride epidemiologik vaziyetini köz ögüne alıp, maarif tedbirlerni cumhuriyetniñ daa bir qaç regionında keçirmek planlaştırıla. Qırım MDİ matbuat hızmeti [gallery link="file" columns="4" size="medium" ids="52025,52013,52011,52019,52023,52017"]

Qırım ve diger Rusiye bölgeleriniñ musulmanları ümrege barıp olacaq

Опубликовано:

Dekabr ayından başlap, Qırım ve Rusiyeniñ diger bölgeleri musulmanları eki yıllıq aralıqtan soñ kene ümrege barıp olacaqlar, çünki Saudiye Arabistanı Memleketiniñ ükümeti sıñırlav tedbirlerini tedricen yürürlikten qaldırmağa devam ete ve memleket ealisiniñ büyük bir qısımı artıq aşılanuvdan keçti. 2020 sene, fevral ayında Saudiye Arabistanı yıl boyunca eda etile bilgen ibadet olğan ümrege kelgen hacılar içün yollarnı vaqıtınca qapatqan edi. İyünde ise, çetel musulmanları içün hacılıq lâğu etildi. 2021 senesiniñ avgust ayından başlap, memlekette çetelden kelgen musulmanlarnı, Saudiye Arabistanı Memleketiniñ Saglıq Nazirligi tarafından tasdiq etilgen aşılav maddelerinden birinen aşılanuvı şartınen, qabul eteler. Rusiye aşılavları şu cedvelge daa kirmey. Amma çetelge turistik yolculıqqa barıp, anda Saudiye Arabistanında tasdiq etilgen aşılavlarnen aşılanğan ve munasip sertifikatı olğan vatandaşlar çoq. Şimdilik sadece mezkür vatandaşlar ümrege barıp olur. Bu Rusiye ve Qırım musulmanları içün güzel haber, çünki pandemiya sebebinden olğan sıñırlav artıq qısmen lâğu etildi. Saudiye akimiyeti bu vaqıt devamında hacılıq içün kelecek musulmanlarnı yüksek seviyede ve pandemiyağa şaraitinde kerekli havsızlıq normalarına uyğun şekilde qarşılamaq içün azırlana bildi. Şu normalar sırasına memleketke kirişniñ evelden qayd etilmesi, memleketke kirgende ve memleketten çıqqanda PTSR-testniñ olması, smartfonğa camilerge kirişni kontrol etken mahsus programmanıñ yüklenilmesi ve COVID19 hastalığına oğrağanlarnıñ hastahanege yatırtılması alı içün ilâve tibbiy sigortanıñ alınması. Qırımnıñ AVN-TUR hacılıq operatorı ümrege barmağa istegenlerniñ vesiqalarını qabul ete. Tafsilâtlı malümat içün avntour.ru saytına ya da nevbetteki telefonlarğa muracaat etiñiz: 8 800 5513130 8 978 0908202 8 925 7158485 Bundan evel TASS malümatına binayen, avgust ayında RF musulmanları diniy idaresi reisiniñ birinci muavini Ruşan Abbâsov bildirdi ki, RF MDİ Rusiye akimiyeti ile beraber Saudiye Arabistanı ükümetine Rusiyeniñ "Sputnik V" aşılamasını qabul etmesi, onen aşılanğan musulmanlarnıñ hacılıqqa bara bilmesi içün mektüpler yolladı. Al-ı azırda Saudiye Arabistanı Memleketi Pfizer-BioNTech, AstraZeneca, Moderna, Johnson&Johnson aşılamalarını qabul ete. Bunen beraber, biz yaqın zamanda sıñırlavlarnıñ lâğu etilmesi ve Qırım ile Rusiye musulmanları maniasız hacılıq ve ümrege içün yolğa çıqmaları içün dua etemiz. Qırım MDİ matbuat hızmeti  

Saq şeerindeki mektep-liseyde “Qırımtatarlarnıñ urf-adetleri” mevzusında ders keçirildi (FOTO)

Опубликовано:

Saq şeerindeki mektep-liseyniñ devlet oquv yurtunıñ oqutuvı qırımtatar tilinde alıp barılğan 5-a sınıfınıñ talebeleri "Ad qoyuluvı" tedbirini teşkil etip keçirdiler. Balağa ad qoyuluvı merasimi qırımtatar halqınıñ temel urf-adetlerinden biridir. Musafir olaraq mektep rehberligi merasimge Saq şeeri "Yañı cami" camisiniñ imamı Mesfer Settarovnı davet etti. Merasimde oqutuvı qırımtatar tilinde alıp barılğan 1-2 sınıf talebeleri de iştirak etti. "Mezkür tedbirniñ maqsadı – ocalar ve balalarğa bizim qırımtatar urf-adetimizni, medeniyetimizni köstermektir. Şu merasimniñ em diniy yönü bar, em de o milliy anane, qoranta bayramı, bir tantanadır", – qayd etti Mesfer Settarov. "Yañı cami"-niñ imamı bildirdi ki, oquv yılı devamında mektep-liseyde böyle tedbirler muntazam sürette keçirile, al-ı azırda ise, pandemiya sebebinden, tedbirlerniñ keçirilmesi sıñırlıdır. Qırım MDİ matbuat hızmeti [gallery link="file" columns="4" size="medium" ids="51973,51971,51969,51967,51965,51963"]

Qırım Müftisiniñ Milliy birlik künü munasebetinen hayırlavı!

Опубликовано:

Ürmetli vatandaşlar! Devlet bayramı – Milliy birlik künü munasebetinen samimiy hayırlavlarımnı qabul etiñiz! Qırım halqları içün birlik aqqında sözler pek müimdir, olar birdemlikni, vatanğa nisbeten samimiy ve büyük sevgini, urf-adetlerge nisbeten sayğını ve farqlı millet ve din vekilleri arasındaki qarşılıqlı ürmetni temsil ete. İşbu urf-adetlerni saqlamaq – ecdatlarımıznıñ vasiyetidir. Qırım er bir devirde milliy birlikniñ nümünesi olğan ve olmaqta. Yarımadanıñ tarihında milletlerara ve dinlerara konfliktler olmağan. Qırım bir kiçik topraq parçasında bir çoq halqnı toplap, aqqınen, bütün dünya içün unikal örnekni teşkil ete. Aynı maneviyat, dinge ve urf-adetke ürmet, qarşılıqlı sayğığa esaslanğan eyi qomşulıq devletimizni, cumhuriyetimizni ayırıp tura, ve ep ayırıp turğan. Er halq yarımadanıñ renkli mozaikasına öz issesini qoşa. Biz bunen ğururlanıp, kelecek nesillerge vatanımıznıñ zenginligini qorçalamağa ve arttırmağa vasiyet etemiz. Yüce Rabbimiz Quran-ı Kerimde böyle dey: "İnsanlar! Şübesiz, biz sizni bir erkek ve bir qadından yarattıq, sizni, bir-biriñizni tanımañız içün, halqlar ve qabileler ettik; Allah ögünde eñ ürmetliñiz – Allahqa eñ çoq sığınğanıñızdır" (Quran, 49:13). Allah Taalâğa dualarımız er birimizge, er bir qortantağa eyilik, qaviy sağlıq, havfsızlıq, halqlarnıñ ileride de güllemesi içün küç ve ikmet, birlik ve, yüzyıllap, qarşılıqlı sayğı ve eyilik içinde yaşav bermesi içündir. Qırım Müftisi hacı Emirali Ablayev

Mahkümler cami ile kilise etrafında güller saçtı (FOTO)

Опубликовано:

Milliy birlik künü arefesinde ve Dinlerara dialogı aftası çerçivesinde Qırım Müftisi hacı Emirali Ablayev Aqmescitteki № 1 tüzeltüv koloniyasına has sort güllerniñ fidanlarını yolladı. Tögerek masadan soñ dostane müitte fidanlarnı saçuv merasimi olıp keçti, tedbirde dinlerara taqımnıñ azaları, – Aqmescitniñ baş imamı, Qırım Müftisiniñ ÜFSİN ile işbirlik boyunca yardımcısı Muhammed İslamov, ÜFSİN-niñ inanğanlar ile işniñ teşkil etilüvi boyunca başlığınıñ yardımcısı, protoiyerey Roman Tsurkan, musulmanlardan ve ortodoks hristianlardan olğan mahkümler iştirak ettiler. "Çiçekler №1 TK saasında yerleşken cami etrafında ve Qırımlı Aziz Luka adına ortodoks kilisesiniñ ögünde saçıldı. Tedbir iştirakçilerine eñ güzel teessüratlar bağışladı, olar el-elge berip, eyi iş becerdiler. Güller ösip, mabedlerniñ etrafını yaraştırır", – dedi Muhammed İslamov. Yaqın zamanda Rusiye Prezidentiniñ Fermanı ile Qırım Cumhuriyeti ve Sevastopol şeeriniñ ÜFSİN-ine baqqan apishaneler koronavirus pandemiyası sebebinden ziyaretler içün qapatılacaq. Qırım MDİ matbuat hızmeti [gallery link="file" columns="4" size="medium" ids="51935,51933,51931,51929,51927"]

Qırım Müftisi Refat Çaylaqnıñ qorantasına taziye bildirdi

Опубликовано:

Qırım Müftisi hacı Emirali Ablayev şair, qırımtatar milliy areketiniñ veteranı ve cemaat erbabı Refat Çaylaqnıñ qorantası ve yaqınlarına taziye bildirdi. Refat Çaylaq 2021 senesi, oktâbr 29 künü, 89 yaşına kelip, bu faniy dünyanı terk etti. "Qırım Cumhuriyeti ve Sevastopol şeeri musulmanları diniy idaresi ve şahsen öz adımdan Refat Çaylaqnıñ ölümi sebebinen teren taziye bildirem. O, qırımtatar milletiniñ Vatanğa avdet areketiniñ eñ faal iştirakçilerden biri edi. Refat Çaylaq milletiniñ kelecegini candan qayğıra edi ve şu qayğıruvlar onıñ eserlerinde aks etildi. Refat Çaylaqnıñ eserleri vatanğa, tuvğan toprağına sevgi, yat ellerdeki yaşayışnıñ acı hatıraları ve içinden quvulğan evine qaytmaq arzusınen toludır. Soñki yıllarda Refat Çaylaqnıñ eñ büyük arzusı – milletimizniñ birleşüvi edi. O, tuvğan toprağımızda milletimizniñ ve vatanımıznıñ güllemesi içün yaşamağa ve çalışmağa çağıra edi. Onıñ adı er bir qırımtatarnıñ yüreginde qalacaq. Biz qorantasınıñ kederi qarşısında baş egemiz ve tuvğanlarına teren taziyemizni bildiremiz. Yüce Rabbimizden onıñ canına rahmet etmesini ve ebediy ayatta oña baht bağışlamasını niyaz etemiz. "Şübesiz, epimiz Allah içünmiz ve qaytuvımız Oñadır". Allah rahmet eylesin!" Qırım MDİ matbuat hızmeti

Qırım Müftiligi “Fıqıh ceetinden tasavvuf” kitabını derc etti (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde rusça "Tasavvuf çerez prizmu fikha" ("Fıqıh ceetinden tasavvuf") kitabı derc etildi. İşbu kitap professor, İslâm ilimleri doktorı Orhan Çekerniñ "Tasavvufi Meselelere Fıkhi Bakış" türkçe basılğan eseriniñ tercimesidir. Kitapta tasavvuf (sufiylik) ne olğanı, sufiyler kim olğanı, İslâmdaki tasavvufnıñ yeri añlatıla. Bunen bağlı olaraq, tasavvufnıñ devirimizdeki musulmanlarnıñ merağını çekken bir çoq meselesi açıqlana. Hususan, tasavvufnıñ temelleri ve peyda oluv sebepleri, zikr çeşitleri, rabita, tevessul, şefaat, ğayıp, basiret ve diger mevzular işlene. Kitap eñ keniş daire içün, İslâm dini, tasavvuf ve maneviy ilerilevnen meraqlanğan er kes içün qararlaştırılıp çıqarılğan. Sufiylikniñ musulman qırımtatar halqınıñ şekillenmesi ve saqlanılmasındaki büyük rolüne baqmadan, bugün onıñ şu rolü ve tasavvufnıñ maiyeti aqqında bilgenler az. Biz onı ğayrıdan tiklemek kerekmiz, çünki şekilde qalğan ibadet insannı asıl da manen terbiye etmey… Bunı bilgen çeşit radikal aqımlarnıñ vekilleri bar küçünen tasavvufnı bidat, yani soñradan uydurılğan ve İslâmnen iç alâqası olmağan bir inanç ve amel toplamı olaraq taqdim etmege tırışalar. Şu meseleni aydınlatmaq ve tasavvuf aqqındaki yañlış tasavurlarnıñ ögüni almaq içün mütehassıs alimlerge, olarnıñ eserlerine muracaat etmek kerek. Böyle eserlerniñ biri – professor, İslâm ilimleri doktorı Orhan Çeker tarafından telif etilgen "Tasavvufi Meselelere Fıkhi Bakış" kitabıdır. Oquyıcılarınıñ diqqatına şu kitapnıñ tercimesi "Tasavvuf çerez prizmu fikha" serlevası astında taqdim etile. Ümüt etemiz ki, populâr ve añlayışlı tarzda yazılğan ve tasavvufnı añlatqan şu eser oquyıcılarğa İslâm dinini daa obyektiv şekilde ögrenmege yardım eter. Qırım MDİ matbuat hızmeti [gallery link="file" columns="4" size="medium" ids="51940,51942"]

Qırım Müftisi Enver İbraim oğlu Noğaşevniñ qorantasına taziye bildirdi (FOTO)

Опубликовано:

Qırım Müftisi Qırım Cumhuriyeti ve Sevastopol şeeri musulmanları diniy idaresi adından hacı Enver İbraim oğlu Noğaşevniñ tuvğanları ve yaqınlarına taziye bildirdi. Enver Noğaşev 2021 senesi, oktâbr 25-te uzun sürgen hastalıqtan soñ bu dünyanı terk etti. Biz Enver İbraim oğlu Noğaşevni imanlı ve taqvalı insan olaraq bile edik. O, üyken nesilimizniñ yüksek tahsilli ve bilgili vekillerinden biri edi. Hacı Enver İbraim oğlu Noğaşev Qırımda İslâm dininiñ yañıdan gürlemesi ve tiklenmesi, qırımtatarlarnıñ medeniy, diniy ve milliy ananeleriniñ saqlanması içün bar küçünen çalışa edi. O, 17 yıl devamında Qırım Cumhuriyeti ve Sevastopol şeeri musulmanları diniy idaresinde çalışıp, dinimiz içün ğayret etken edi, soñki künlerine qadar o, Müftilikniñ sadıq destekçi edi. Onıñ qalemi astından bir qaç diniy mevzuda kitap çıqtı. Enver İbraim oğlu Noğaşevniñ dünyasını avuşması – bizler içün büyük bir ğayıptır. Qorantası ve yaqınlarına teren taziye bildiremiz. Yaqın insannı coymaq – qıyın bir imtiandır. Biz büyük keder içindemiz ve Allahqa dua etip, onıñ canına rahmet etmege ve onı cennet bağçalarına kirsetmege niyaz etemiz. Hacı Enver İbraim oğlu Noğaşev bu sene 71 yaşını toldurdı. Qırımda onıñ üç oğlu ve dört torunı yaşay. O, 2021 senesi, oktâbr 26 künü Yedi Quyu rayonınıñ Çoqul köyünde defin etildi. Allah rahmet eylesin. Şübesiz, epimiz Allah içünmiz ve qaytuvımız Oñadır! إِنَّا لِلّهِ وَإِنَّـا إِلَيْهِ رَاجِعونَ Qırım MDİ matbuat hızmeti [gallery link="file" columns="4" size="medium" ids="51890,51864,51870,51872,51874,51882,51876,51878,51866"]

Qırım Müftiligi apiske namazlıqlar yolladı (FOTO)

Опубликовано:

Qırım Müftisi hacı Emirali Ablayevniñ avalesi ile Aqmescitniñ baş imamı, Müftiniñ ÜFSİN ile işbirlik boyunca yardımcısı Muhammed İslamov Aqmescitteki tahqiqat izolâtorını ziyaret etti, mında şübeliler, cezalanğanlar ve mahkümlernen terbiye işi boyunca bölüginiñ rehberi, içki hızmet mayorı Asan Mujdabayevnen iş körüşüvi olıp keçti. Körüşüv çerçivesinde, Qırım Müftisiniñ avalesi ile, Muhammed İslamov İsâlm dinini kütken mahkümler ve tahqiqattan keçkenler içün namazlıqlar, taqiyeler ve tespihler teslim etti. "Al-ı azırdaki epidemiologik vaziyette havfsızlıq tedbirlerine riayet etmek kerek. Er bir musulmannıñ öz namazlığı olmalı. Şu sebepten Qırım Müftiligi şahsiy şekilde qullanılacaq namazlıqlar yolladı", – dep bildirdi Muhammed İslamov. Qırım Cumhuriyeti ve Sevastopol şeeri musulmanları diniy idaresi Qırım Cumhuriyeti ve Sevastopol şeeri boyunca ÜFSİN başlığı Vadim Bulgakov ve Aqmescit şeeri tahqiqat izolâtorınıñ başlığı Pötr Sinükovğa körüşüvniñ teşkil etilüvine destek köstergenleri içün teşekkür bildirdi. Qırım MDİ matbuat hızmeti [gallery link="file" columns="4" size="medium" ids="51897,51895,51893"]

Qarasuvbazarnıñ merkeziy camisinde oksigen kontsentratorları mevcut (FOTO)

Опубликовано:

Qarasuvbazar iş adamları koronavirus hastalığı sebebinden acele tedaviylenüvde muhtac olğan insanlar içün oksigen kontsentratorlarını satın aldı, olar Qarasuvbazarnıñ merkeziy camisinde bulunmaqta. Yerli din cemiyetiniñ başlığı Ablâkim Azizovnıñ sözlerine köre, Qarasuvbazarnıñ iş adamları ve yerli din cemiyet muhtac hastalarğa yardım etmege tırışalar. "Vaziyet pek ağır, insanlar qorantalarnen hastalana, belli olğanı kibi, virus oksigen yetişmemezligine sebe pola, hastalar nefes alıp olamay. Bizim iş adamlarımız ve cemaatımız muhtac hastalarğa yardım etmege tırışalar", – dedi Ablâkim Azizov. Oksigen kontsentratorları bedava olaraq acele yardım köstermek içün belli bir vaqıtqa berilecek. Nevbetteki adres boyunca muracaat etmek mümkün: Qarasuvbazar ş., Lunaçarskiy soq., 16, Refat Veliulla adına merkeziy cami. Telefon: +7978 215 2451 Ablâkim Azizov. Qırım MDİ matbuat hızmeti

Qırım milletlerara munasebetler boyunca devlet komitetinde diniy teşkilâtlarnıñ vekilleri ile antikovid tedbirleri muzakere etildi (FOTO)

Опубликовано:

Kezlev bölgesiniñ baş imamı Eskender Memetov Qırımnıñ diger dinler vekillerinen beraber diniy teşkilâtlarda ve müessiselerde antikovid tedbirlerniñ teşkil etilüvi boyunca muşaverede iştirak etti. Muşavere Milletlerara munasebetler boyunca devlet komitetinde onıñ başlığı Ayder Tippa reisliginde olıp keçti. İşbu iş toplaşuvı koronavirus infektsiyasınıñ profilaktikası boyunca devlet tevsiyeleriniñ bildirilmesi munasebetinen olıp keçti. Ayder Tippa Qırım cumhuriyetiniñ çeşit din vekillerine muracaat etip, ibadet yerlerine kelgen insanlarğa nevbetteki malümatnı yetkizmege rica etti. Qırım Cumhuriyeti Başlığınıñ 2021 senesi, oktâbr 20 tarihlı Fermanına esasen cumhuriyet saasında koronavirus infektsiyasınıñ darqalmaması içün yañı sıñırlanuvlar kirsetile. Din erbaplarına inanğanlarnı kütleviy tedbirlerni keçirmemege çağırmaq ve daimiy şekilde havflı virus hastalığı aqqında añlatuv işini alıp barmaq tevsiye etile. Cami, ibadethane, musulmanlarnıñ memuriy ve diniy tahsil müessiselerini ve teşkilâtlarnı ziyaret etkende, maskanı taqmaq, dezinfektsiya vastalarını qullanmaq, cemaat namazlarında ibadet etkenlerniñ aralarında 1,5 metrlik aralıq qaldırmaq, şahsiy namazlıqlarnen kelmek tevsiye etile. Qoltutuv ve quçaqlaşuvdan vazgeçmege, cenaze ve dua merasimleriniñ vaqıtını mükün olğanı qadar qısqartmaq rica etile. Bundan da ğayrı, özlerini ve etraftakilerni hastalıqtan qorçalamaq içün vatandaşlarğa aşılanuvdan keçmek tevsiye etildi. Farqlı tedbirler keçirilgende, Q-kod ya da keçirilgen kövid hastalığı aqqında sertifikatnı, yahut da aşılanuv keçirilemeycegi aqqında tibbiy red vesiqası taqdim etilmeli. Yaşı 65 ve daa ziyade olğan insanlarğa kütleviy tedbirlerden vazgeçmege ve izolâtsiyada qalmağa rica etile. Bundan da ğayrı, suvuqlanuv alâmetleri ve hronik hastalıqları olğan insanlarğa kütleviy merasimlerge qoşulmamaq tevsiye etile. Ferman pandemiya devirinde cumhuriyetniñ bütün saasında ükümdedir, onıñ ibadet etkenler tarafından ömürge keçirilmesi yerli diniy teşkilâtlarnıñ mesülietindedir. "İşbu hastalıqnıñ tez süratnen darqaluvını köz ögüne alınaraq, bu doğru bir qarardır. Bugün bizim vazifemiz – işbu tevsiyelerni qatiyen yerine ketirmektir", – dep, qayd etti Ayder Tippa. Dinlerniñ vekilleri işbu sıñırlanuvnıñ ve bugünki künde mezkür hastalıqnen küreş içün yekâne ve effektiv vasta olğan aşılanuvnıñ müimligini qayd ettiler. Hatırlatamız, Rusiye Prezidenti Vladimir Pütin koronavirus infektsiyasınıñ darqaluvını toqtatmaq maqsadınen raatlıq künleri aqqında fermanını imzaladı. Vesiqada: "2021 senesi, oktâbr 30 – noyabr 7 künlerini aylıqlarnıñ saqlanıluvı ile raatlıq künleri olaraq belgilemek", – dep, buyurıla. Akimiyetke şu devirde medeniyet ve sağlıqnı saqlav müessiseleriniñ iş rejimini belgilemek avale etildi. Halqqa açıq akimiyet müessiseleri, diger müessise ve teşkilâtlar işlerini temin etecek insanlarnıñ sayısını belgilemeli. Qırım MDİ matbuat hızmeti [gallery link="file" columns="4" size="medium" ids="51845,51847,51849"]