Haberler - Page 4 of 54 - ЦРО ДУМКЦРО ДУМК | Страница 4

Суббота

30

мая

7
Шевваль
1441 | 2020
Утр.3:00
Вос.4:51
Обед.12:46
Пол.16:48
Веч.20:31
Ноч.22:21
Времена намазов
Календари 2020г

Намаз

Haberler - Page 4 of 54 - ЦРО ДУМК

Ufada 2020 senesi hacılığına azırlıqlar muzakere etildi (FOTO)

Опубликовано:

Qırım Müftisiniñ muavini Ayder İsmailov ve QMDİ-niñ AVN-TUR Qırım hac operatorınıñ müdiri Artur Reşitov 2020 senesi, fevral 13 künü Ufada olıp keçken hacılıq boyunca muşaverede iştirak ettiler. Muşavereni RF Federatsiya Şurası Reisiniñ muavini, Rusiye Akimiyetiniñ Diniy birleşmeler komissiyasınıñ Hacılıq işleri boyunca salahiyetli temsilcisi İlyas Umahanov alıp bardı. Muşavere çerçivesinde federal maqamlarnıñ, diniy idarelerniñ ve Rusiye hac missiyalarınıñ vekilleri Rusiye-saudiye protokolı çerçivesinde rusiyeli hacılarnıñ qabul etilüvi, olarğa Saudiye Arabistanı Qırallığında ve tranzit memleketlerde eyi şaraitlerniñ teşkil etilüvi kibi 2020 senesi hacılığına ait meselelerni muzakere ettiler. Hususan, Qırım Müftisiniñ muavini Ayder İsmailovnıñ sözlerine köre, Rusiye hac missiyası hac operatorlarına saudiye tarafı ile maddiy añlaşmalarnı vaqıtında eda etmege tevsiye etti, bundan da ğayrı, ayrı diqqat ealige dolandırıcılar tarafından sahte hızmetlerniñ kösterilüvine qarşı uquqoruyıcı organlarnıñ celp etilmesi meselesine diqqat ayırıldı. 2020 senesi Rusiye musulmanları içün hac kvotası 25 biñ yerni teşkil etti. Muşavere neticesinde Qırım musulmanları içün ayırılğan kvota keçken senege köre deñişmedi ve 600 yerni teşkil etti. 2020 senesi hacılıq mevsimi mayısnıñ 24-nde başlanacaq ve sentâbr 4 kününe qadar devam etecek. Bundan da ğayrı, yañılıqlar arasında saudiye tarafı kirsetken 300 real viza toplavı ve 100 real köleminde siğorta tölevidir. Bundan evel, hacılıqqa tekrar barğanlar içün 2000 real miqdarında tölev lâğu etildi. Naqliye hızmetleriniñ fiyatı deñişmedi, amma, aynı zamanda, istegenler içün aeroporttan musafirhanege qadar bagajnıñ tranziti hızmeti kirsetildi. Hacılıq Şurasınıñ Muşaveresini keçirüv çerçivesinde iştirakçiler Rusiye İslâm institutını ziyaret ettiler. Universitetniñ rektorı Artur Suleymanov musafirlerni oquv programması ve ceryanınen tanış etti. Ayder İsmailov ve Artur Reşitov Boşqortostan Cumhuriyetiniñ reberligini ve Rusiye Musulmanları Merkeziy Diniy İdaresine tedbirniñ teşkil etilüvi ve sıcaq qabul etüv içün teşekkürler bildirdiler. QMDİ matbuat hızmeti [gallery link="file" columns="4" size="medium" ids="37085,37087,37019,37017,37015"]

Canköy rayonında Quran oquvı kursları devam ete\ (FOTO)

Опубликовано:

Canköy rayonınıñ Pobednoye köyünde Quran oquvı kursları devam ete. Kurs ocası Eldar Acibekirovnıñ sözlerine köre, altı ay devamında yaşı 35-65 arasında olğan talebeler arap elifbesini ögrendi ve Quran oqumağa başladılar. Dersler er bazar künü keçirile. QMDİ matbuat hızmeti [gallery link="file" columns="4" size="medium" ids="36887,36885"]

Qırım Müftiliginiñ vekilleri cumhuriyetniñ çeşit bölgelerinde körüşüvler keçirdi (FOTO)

Опубликовано:

Qırım Müftisiniñ muavini Raim Ğafarov Saq rayonındaki Bağay (Suvorovo) köyüniñ sakinleri ile körüşti. Körüşüv çerçivesinde açıq rey berüv usulınen din cemiyeti meydanğa ketirildi ve yerli eali arasından mollalar tayin etildi. Bundan da ğayrı, Kezlevdeki İsmailbey qasabasınıñ camisinde Qırım Cumhuriyeti ve Sevastopol şeeri musulmanları diniy idaresiniñ mollası olaraq Marlen Abkairov tayin etildi ve oña bunı belgilegen vesiqa berildi. Bundan da ğayrı, "Halq medresesi" tasil programması çerçivesinde Raim Ğafarov Seyitler qasabasınıñ talebeleri ile subet keçirdi, bundan soñ, Seyitler rayonınıñ Razlivı, Uvarovka, Zorkino ve Ohotskoye köyleriniñ camilerini teşkerüv ile ziyaret etti. Rayon imamı ve rayon din cemiyetleriniñ reisinen Seyitler rayonında cami qurucılığı içün ayırılğan topraqnıñ Qırım musulmanları diniy idaresiniñ mülkiyetine keçirilüvi meselesini muzakere etti. QMDİ matbuat hızmeti [gallery link="file" columns="4" size="medium" ids="36896,36940,36938,36936,36934,36932,36930,36928,36926,36924,36922,36920,36918,36916,36914,36912,36910,36908,36906,36904,36902,36900,36898"]

Qırım hafızlarınıñ sayısı arttı! (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresiniñ Hacı İhsan adına Qalay islâmiy ilimler medresesiniñ hafizler bölügi talebesi Yahya İbragimov hafızlığını tamamlap, Quran-ı Kerimni bütünley ezberlegen Qırım hafızlarınıñ sırasına qoşuldı. Yaş hafiznı tantanalı taqdirlev merasimi Qurman qasabasında yerleşken Qalay medresesiniñ hafızlıq bölüginde olıp keçti. Yahya İbragimovnı şerefli hafız unvanınen Qırım Müftisiniñ muavinleri Esadullah Bairov ve Ayder İsmailov, Müftiyatnıñ malümat ve neşriyat bölükleriniñ reberi Emir-Asan Ümerov hayırladılar. Merasimde hafızlıq bölüginiñ reberi İlimdar Cambazov, medrese ocaları ve talebeleri, Yahya İbragimovnıñ soyları da iştirak ettiler. Namazdan soñ, Ayder İsmailov toplanğan er keni selâmlap, Qırım Müftisi hacı Emirali Ablayevniñ hayırlav sözlerini yetkizdi ve Qurannı ezberden ögrenilmesiniñ savabı aqqında tarif etti. "Cumhuriyetimizde Qurannı ezberden bilgenlerniñ arasına daa bir insannıñ qoşulması – quvançlı bir vaqiadır. Biz Yahyanen ğurur duyamız, ve yetişken bu derecede toqtalmamasını, bilgilerinen paylaşmasını ve etraftakiler içün güzel nümüne olmasını tileymiz. Quranda böyle buyurıla: "bilmegen olsañız, bilgenlerden sorañız", – dedi Ayder İsmailov. Yahya İbragimov ise, öz duyğularınen paylaştı. Onıñ sözlerine köre, Qurannı ezberlemek qolay degil edi, amma ecdatlarınıñ arzusını yerine ketirmek istegi oña küç bere edi. Talebe medresede oquşını devam etecek ve ögdeki sene devamında ezberlerini pekitecek. Merasim devamında talebelerge ediyeler berildi ve bayram sforası quruldı. Hafiz – Qurannıñ episini ezberlep, onı qorçalağan kimsedir. Peyğamberimiz (s.a.s.) vaqıtından berli musulmanlarda hafızlarnıñ derecesi ve itibarı büyüktir. QMDİ matbuat hızmeti [gallery link="file" columns="4" size="medium" ids="36870,36868,36866,36864,36862,36860,36858,36856,36854,36852,36850,36848,36846,36844,36842,36840,36838,36836,36834,36832,36830,36828,36826,36824,36822,36820,36818,36816,36814,36812"]

Qırım Müftiligi ve Rusiye musulmanlarınıñ merkeziy diniy idaresi işbirlik aqqında añlaşmanı imzaladılar

Опубликовано:

Qırım Cumhuriyeti ve Sevastopol şeeri musulmanları diniy idaresi ve Rusiye musulmanlarınıñ merkeziy diniy idaresi işbirlik aqqında añlaşmanı imzaladılar. Añlaşmağa köre, taraflar beraberce areket etip, cemiyette barışıqlıq ve muabbetlikni pekitmek, maneviy, medeniy, içtimaiy ve diger eki taraflama bağlarını inkişaf ettirmek, içtimaiy hayriye, merhametlik, maarif ve terbiye, hacılıqnıñ teşkil etüv ve "Elâl" sanayısınıñ inkişafı saalarında qarşlıqlı çalışmağa añlaştılar. QMDİ ve Rusiye MMDİ tarafından imzalanğan vesiqağa binayen, teşkilâtlar birlikte diniy, ilmiy ve diniy-maarif tedbirlerni keçirecek, aliy diniy oquv yurtlarında magistr kvotalarını taqdim etecek, tasil ve diniy maarif leyhalar üzerinde çalışacaq ve olarnı ömürge keçirecek, usuliyet tecribesi ve malümat ile paylaşacaq, bundan da ğayrı, muracaatlar ve beyanatlar ile çıqış yapacaq. QMDİ matbuat hızmeti

Qırım Müftiligi cumhuriyetniñ regionlarına yardım yolladı (FOTO)

Опубликовано:

Qırım Müftiliginde bölge imamlarınıñ Qırım Cumhuriyeti ve Sevastopol şeeri musulmanları diniy idaresiniñ reberligi ile iş körüşüvi olıp keçti. Körüşüv devamında imamlar bölge imamlarınıñ ve yerli din cemiyetleri reisleriniñ vazifelerini ve salahiyetlerini, qurucılıq ve topraqnen alâqalı meselelerni muzakere ettiler. Qırım Müftiligi regionlarğa muhtac, fuqare ve çoqbalalı qorantalarğa darqatılacaq gumanitar yardımnı, hususan, qışlıq üst urbalar ve ayaqaplarnı yolladı. Bundan da ğayrı, camiler ve ibadethanelerge kelgen esli başlı musulmanlar içün skemleler ve oquv sınıflarğa yerleştirilecek raleler yollanıldı. İş körüşüvi çerçivesinde Qırım musulmanları diniy idaresi Şurasınıñ toplaşuvı olıp keçti, mında Şura azaları teşkiliy suallerni muzakere ettiler. QMDİ matbuat hızmeti [gallery link="file" columns="4" size="medium" ids="36732,36730,36728,36726,36724,36722,36720,36718,36716,36714,36712,36710,36708,36706,36704,36702,36700,36698,36696"]

Qırım Cumhuriyeti ve Aqrusiye Cumhuriyetiniñ Müftileri işbirlik aqqında añlaşma imzaladılar

Опубликовано:

Qırım Cumhuriyeti ve Sevastopol şeeri musulmanları diniy idaresi ile Aqrusiye Cumhuriyetiniñ Musulman Diniy Birleşmesi işbirlik aqqında añlaşma imzaladılar. Añlaşmağa köre, taraflar ekstremizm ve radikalizmge qarşı turmaq, diniy maarif faaliyeti, yaşlarnı dinine, Vatanına ve milletine nisbeten sevgi duyğusınen terbiye etmek, hacılıqnı teşkil etmek ve "Elâl" sanayısınıñ inkişafı kibi saalarda işbirlik yapıp, beraber areket etecekleri aqqında añlaştılar. Qırım Cumhuriyeti ve Aqrusiye Cumhuriyetiniñ diniy müessiseleri arasında imzalanğan vesiqa taraflar arasında malümat ve tecribenen paylaşuvnı, diniy, ilmiy, diniy-maarif saalarında bir-birine destek berüvni, diniy-maarif ve maneviy-terbiyeviy programmalarnıñ ve derslik qullanmalarnıñ işlep çıqarılmasını közde tuta. Bundan da ğayrı, añlaşmağa tasil saasında tecribenen paylaşmaq ve studentlerniñ qarşılıqlı bir-birine yollanılması kirmekte. QMDİ matbuat hızmeti

Aqmescitte İslâmda qadınnıñ emiyeti muzakere etildi (FOTO)

Опубликовано:

Qırım musulmanları diniy idaresiniñ "Faydalı ilim" oqutuv-maarif merkezinde qadınlar içün "İslâmda qadınnıñ emiyeti ve qıymeti" mevzusında seminar olıp keçti. Tedbir fevral 1 künü qayd etilgen Bütündünya hicap kününe bağışlandı. Seminarda 50-den ziyade kişi iştirak etti. Olarnıñ ögünde oqutuv merkeziniñ ocaları çıqışta bulundı. İslâm temelleri ocası Seyare Memetova qadınnıñ qıymeti, Allah qadınnı güzel yaratqanınıñ sebebi, onıñ Allahqa nisbeten vazifeleri aqqında tarif etti. Din ocası Leylâ Ümerova tesettürniñ ne olğanını, maiyeti ve añlamını, musulman qadınnıñ kiyimi nasıl olmaq kerekligini, hicapnıñ qıymetini ve savabını añlattı. Zaynab Aliyeva qırımtatar milliy urbanı taqdim etken çıqışta bulundı. O, milliy kiyimniñ tarihını ve farqlı devirlerde onıñ nasıl deñişkenini añlatqan. Tedbirniñ soñunda seminar iştirakçilerine ediyeler berildi. QMDİ matbuat hızmeti [gallery link="file" columns="4" size="medium" ids="36678,36676"]

Aqmescitte Bütündünya hicap künü qayd etildi (FOTO)

Опубликовано:

Qırım musulmanları diniy idaresinde Bütündünya hicap kününe bağışlanğan tantanalı tedbir olıp keçti. Teşkilâtçılar musafirler içün meraqlı programma azırladılar. Merasimge 14 yaşından başlap, 70 yaşına qadar 50-ge yaqın qadın-qız keldi. Müftilikniñ konferentsiya zalında hicapnıñ tarihı añlatıldı, ilâhiyatçı ve ruhiyatçı Zeyneb Bairova hicapnıñ maqsadı ve er bir musulman qadınnıñ ömürinde ne qadar müim missiyanı teşkil etkeni aqqında tarif etti. Stilist Elmaz Ametova zemaneviy musulman qadınnıñ mükemmel garderobını şekillendirmesiniñ sırlarını açtı, musulman modası aleminde muvaffaq olğan qadın insta-blogerler aqqında tarif etti ve siyaset ile medeniyette taqdirge nail olğan musulman hanımlarnıñ misallerini ketirdi. Cemaat faaliyetçisi Niyara Beyt çıqışında qorantada, evde qadınnıñ estetik medeniyetiniñ müimligini qayd etti. "Hicabımnıñ ikâyesi" fleşmobı çerçivesinde Kezlev regionından kelgen bir musafir çıqışta bulundı, o, öz ikâyesini añlattı ve İslâm temellerini ögrenmege isteginde oña kösterilgen destek içün teşekkür bildirdi. Tedbir devamında qırımtatar milliy urbası ve qırımlı musulman qadınnıñ baş kiyiminiñ deñişmesi aqqında film kösterildi, şiirler aytıldı ve diniy muzıkalı eserler yañğıradı. Bütündünya hicap künü dünyada 2013 senesinden, Qırımda ise, 2016 senesinden başlap qayd etile. Er yıl içtimaiy ağlarda "Hicabımnıñ ikâyesi" adlı fleşmoblar keçirile, mında qadınlar öz ikâyelerinen paylaşa, farqlı yarışlar, master-klasslar, musulman modasınıñ ve kosmetika saasında elâl yañılıqlarnıñ numayışı ötkerile. Tedbir iştirakçileri ve musafirleri bayram sponsorları ve yardımcıları tarafından taqdim etilgen ediyelerni aldılar. Bahşışlar kosmetologiya hızmetler ve musulman kiyimlerini almaq içün sertifikatlardan ibaret edi. QMDİ matbuat hızmeti [gallery link="file" columns="4" size="medium" ids="36604,36612,36610,36614,36608,36606,36616,36618,36620,36622,36624,36626,36628,36630,36632,36634,36644,36642,36640,36636,36638,36602"]

Saudiye Arabistanı tekrar hacılıqqa barğanlarınıñ viza tölevini lâğu etti

Опубликовано:

Saudiye Arabistanı Qırallığınıñ Hacılıq işleri boyunca nazirligi tekrar hacılıqqa barğanlarınıñ viza tölevini lâğu etti. İşbu tölev 2015 senesi kirsetilgen edi. Hatırlatamız ki, tekrar hacılıqqa barğanlar, ilâve olaraq, 2000 saudiye realı (aman-aman $550) üstünden tölemek kerek edi. Bundan evel, 2019 senesiniñ küzünde nazirlik ümrege tekrar barğanlarnıñ ilâve tölevlerini lâğu etken etti. Lâkin, qayd etmeli ki, Saudiye Arabistanınıñ ükümeti, ilâve viza tölevini lâğu etmeknen bir sırada, hacılıqqa barğan er kesniñ vizası ve tibbiy sigortası içün töleviniñ miqdarı arttırıldı. Tafsilâtlı malümatnı nevbetteki telefonlar vastasınen ögrenmek mümkün: +7 (978) 09 08 202 +7 (925) 715 84 85, 8 (800) 551-31-30 (Rusiye içinde telefon açmaq bedava). Ya da QMDİ Qırım hacılıq operatorınıñ resmiy saytından: AVNTOUR.RU. QMDİ matbuat hızmeti

Qırım Müftiligi “Özüñni bil!” yañı treningge davet ete

Опубликовано:

Qırım Cumhuriyeti ve Sevastopol şeeri musulmanları diniy idaresiniñ "Altın nesil" gençler klubı 10-16 yaşlı qızlarnı "Özüñni bil!" treningler kursuna davet ete. Treninglerniñ teşkilâtçısı – Musulmanlarğa ruhiy destek birleşmesiniñ regional temsilciligidir. Kursnıñ maqsatları: - ösmürge özü aqqında bilgi qazandırmaq; - faal añnı ve irade qabiliyetleriniñ şekillenmesini teminlemek; - ösmürniñ maneviy dereceni yükseltmek; - ösmürniñ özüni añlaması ve ögrenmesi içün refleksiyanı inkişaf ettirmek; - icadiy qabiliyetlerniñ açılması içün şarait yaratmaq; - qonuşuv qabiliyetlerini mükemmelleştirmektir. Ösmürler taqımı ayda bir kere islâmiy ruhiyatçı beraberliginde tematik treninglerde iştirak etecek. Treninglerde farqlı tehnikalar qullanılacaq: * Ameliy vazifeler; * ART- terapiya; * Masal terapiyası. Kurs reberi – yüksek ihtisaslı ruhiyatçı Nadika İzmailova. Vazifeler öyle saylanıp tizildi ki, ösmür olarnıñ vastasınen özünde kendine işançnı, añlılıqnı, özüni bir şahsiyet olaraq tanımasını, etraftakilernen munasebetlerini añlı qurmasını, qararları mücibi üstüne mesüliet almaq becilikligini inkişaf ettire bilsin. "Özüñni bil!" treningi QMDİ erkânındaki "Faydalı ilim" leyhası çerçivesinde Musulmanlarğa ruhiy destek birleşmesiniñ destegi ile keçirilecek. Tafsilâtlı malümat ve yazıluv içün nevbetteki telefon vastası ile muracaat etmek mümkün: +7 (978) 047-09-14 (Viber; WhatsApp) QMDİ matbuat hızmeti

Qırım Müftisi Türkiyede zelzele qurbanlarınıñ yaqınlarına taziye bildirdi

Опубликовано:

Qırım Müftisi hacı Emirali Ablayev türk halqına, Türkiyeniñ Elâzığ vilâyetinde olıp keçken zelzeleniñ qurbanlarına teren taziye bildirdi. Türkiyede yüz bergen zelzelenen bağlı facia sebebinden teren taziyelerimizni bildiremiz. Qırım musulmanları insanlarnıñ elâk ve ğayıp oluvları haberi sebebinden büyük keder içindeler. Vefat etkenler içün Allahtan rahmet tileymiz. Yaralılarğa Rabbimiz acil şifalar bersin. Ülkeniñ sakinlerine baş sağlığı, sabır ve küç tileymiz. Daa evel qayd etilgenine köre, Türkiyeniñ şarqında yüz bergen küçlü zelzele neticesinde 22 insan vefat etti ve 1030 insan yaralandı. 6,8 ball küçündeki zelzeleniñ merkezi Elâzığ vilâyetiniñ Sivrice şeerine rastkeldi, facia cuma künü, saat 20.55 olıp keçti. Fevqulâde vaziyetler agentligi bergen malümatqa köre, tabiat faciası yerinde Türkiyeniñ 28 vilâyetinden kelgen 493 qurtarıcı taqımı çalışa. Mobil operatorları ise, Elâzığ ve Malatya vilâyetlerinde mobil ağınıñ bedava çalışacağını ilân ettiler. QMDİ matbuat hızmeti