Haberler - Page 39 of 54 - ЦРО ДУМКЦРО ДУМК | Страница 39

Вс

31

мая

8
Шевваль
1441 | 2020
Утр.2:59
Вос.4:50
Обед.12:46
Пол.16:49
Веч.20:32
Ноч.22:23
Времена намазов
Календари 2020г

Намаз

Haberler - Page 39 of 54 - ЦРО ДУМК

Aqmescitte “Altın nesilni” saylaycaqlar

Опубликовано:

Noyabrniñ 1-nde Aqmescitte İslâm dinine bağışlanğan "Altın nesil" Bütün Qırım yarışınıñ finalı ötkerilecek.  Yarışqa 12 yaşından 16 yaşına qadar 10 iştirakçi qatılacaq. İştirakçiler  qırımtatar medeniyeti, İslâm dini ilimleriniñ 12 saasına ait bilgilerni numayış etecekler. Er biri bir qaç ay devamında talil etken İslâm tarihı boyunca saylağan ayrı mevzunı "qorçalaycaq". Çıqışlarnı din ocaları, ilâhiyatçılar, filologlar baqıp, qıymet kesecekler. Tedbirde din ocaları metodik qullanmalarnı taqdim etecekler, din mevzusında master-klass keçirecekler. "Emanet" icadiy studiyası kontsert kösterecek. Er kes davet etile. Tedbir noyabrniñ 1-nde saat 11:00- Aqmescit ş., Üçebnıy soq., 8 QMPU-nde keçirilecek. QMDİ MDT matbuat hızmeti

Qırım Müftiyatına Qırım yarımadası mevzusında qıymetli kapikler ediye etildi (FOTO)

Опубликовано:

Qırım müsülmanları Diniy İdaresine yarımadadaki müsülman yadikârlıqları resim etilgen kümüş kapikleri bahşış etildi. Kapikler üstünde Kebir cami (Aqmescit ş.), Cuma cami (Kezlev ş.), Özbek Han camisi (Eski Qırım ş.), Kiçik Quddus, Qaray Kilsesi, Büyük Cuma caminiñ leyihası (Aqmescit) aks etilgen. Bunıñnen beraber, kollektsiyada belli mütefekkir İsmail Gasprinskiyniñ portreti ile kapik  mevcut. Bu leyiha RNKB bankı, Qırım Müftiyatı ve RF DD deputatı Ruslan Balbekniñ işbirligi sayesinde ömürge keçirildi. Er kapikniñ tarihiy spravkası bar. Qırım Müftisi RNKB vekillerine teşekkürler bildirip, kapikler toplumı em maddiy, em maneviy ceetten degerli, dep ayttı, çünki, yarımadada yaşağan çeşit din ve millet vekilleriniñ medeniyetini teşviq ete. QMDİ MDT matbuat hızmeti [gallery link="file" columns="4" size="medium" ids="9606,9608,9614,9612,9610"]

Qırım Müftisi Moskvada Saudiya Arabistanı Qıralınıñ ziyareti munasebitenen ötkerilgen merasimde iştirak etti

Опубликовано:

Qırım Müftisi hacı Emirali Ablayev  RF PRezidenti Vladimir Pütinniñ daveti ile Saudiya Arabistanı Qıralı Salman Ben Abdel Aziza Al Saudnıñ ziyareti munasebetinen ötkerilgen mahsus merasimde iştirak etti. Tedbir Büyük Kreml sarayınıñ Aleksandr salanonında keçirildi. Qıral Rusiye Federatsiyasında olğan Diniy İdarelerniñ reberlerinen körüşmek niyetinde. Resmiy körüşüvler çerçivesinde diniy ekstremizmge qarşı tedbirler, Hacılıq kvotalarınıñ arttırıluvı aqqında söz yürütilecektir. Bunıñnen beraber, tasil, terbiye ve çeşit aqıntılarnıñ darqalmasına qarşı yapılacaq areketler muzakere etilecek. QMDİ MDT matbut hızmeti

Tatarstan Qırımda cami qurmağa yardım ete! (FOTO)

Опубликовано:

Oktâbrniñ 16-nda Bağçasaray rayonı Aci-Bulat köyünde qurulayatqan cami içün qurucılıq malzemeleri qabul etildi. Tatarstan Cumhuriyeti 26 pencere ve kiriş qapını hayriye yardımı olaraq Qırımğa yolladı. İleride, daa 80 tonna maden, odun, çeşit börüler ketirilecegi beklenile. Hayriye yardımı Aznakayev münitsipal tasiliniñ başı Marsel Şaydullinniñ desteginen yollanıldı. Bunıñnen beraber, Qırım Müftiyatı ve Bağçasaray rayon reberi Refat Derdarov öz isselerini qoştılar. Yükniñ qabul etüv tedbirinde Müfti muavini Ayder İsmailov iştirak etti. Tedbirniñ başında Ayder oca dua oqudı, caminiñ qurucılığında iştirak etken er keske qaviy iman, eminlik ve sabır tiledi. Ayder İsmailov Qırım Müftiyatı adından Tatarstanlı şeriklerge teşekkürler bildirdi ve cami köy müsülmanlarını birleştirecek, dep ümüt besledi. "Köyde yañı caminiñ inşaat etilmesi - bu, yerli müsülmanlar, din cemiyeti, Müftiyat ve Bağçasaray rayon memuriyetiniñ işbirligi sayesinde oldı. Tatarstanlı dostlarımızğa teşekkürler bildiremiz, Allah qat-qat qaytarsın", - dedi Ayder oca. Tatarstan Cumhuriyetiniñ vekili İlmir Kamaletdinov añlatqanı kibi, qurucılıq malzemelerniñ bir qısımı Bağçasaraydaki 6-ncı mikrorayondaki caminiñ azbarında iftarlar içün bir binanıñ inşaatında qullanacaq. Qayd etmek kerek ki, malzemelerniñ ketirilmesinde Tatarstan Cumhuriyetiniñ "MTZ-YelAZ" ticaret evi iştirak ete. Aci-Bulat köyüniñ din cemiyeti reisi Vladimir Mujdabayev añlatqanı kibi, ileride ibadethaneniñ damı deñiştirilecek ve qubbesi qoyulacaq. "Pencereler qoyulğan soñ, içinde işler yapılacaq. Bütün işlerni Yañı yılğa qadar yekünlemege isteymiz", - dedi Vladimir Mujdabayev. V. Mujdabayev Müftiyat ve Bağçasaray rayonı memuriyetine minnetdarlıq bildirdi. QMDİ MDT matbuat hızmeti [gallery link="file" columns="4" size="medium" ids="9439,9437,9435,9433,9431,9429,9427,9425,9423,9421,9419,9417,9415,9413,9411,9409,9407,9405,9403,9401,9399,9397,9395,9393,9391,9389,9387,9385,9383,9381,9379,9377,9375,9373"]

Qırımda yaş nesilniñ maneviy terbiyesi aqqında söz yürüttiler (FOTO)

Опубликовано:

Qırım Müftisiniñ muavini Esadullah Bairov Saq şeerinde ötkerilgen "Vmeste" adlı 2-nci Regional forumnıñ işinde iştirak etti. Forumnıñ esas maqsadı – yaşlarnıñ işbirligini inkişaf etmek, milletlerara ve dinlerara birdemlikniñ pekitilmesi içün fırsatlar açmaqtır. Forumnıñ ekinci sektsiyası "Yaş nesilniñ maneviy terbiyesi" mevzusına bağışlandı. Qırım Müftiyatı adından Esadullah Bairov çıqışta bulundı. Müfti muavini dinniñ emiyeti ve tutqan yerini añlattı. Bunıñnen beraber, insannıñ bu alemge kelip, eda etken vazifesi, ayat yolunıñ seçimi kibi felsefiy meselelerni köterdi. "Peyğamberimiz Muhammed (s.a.s) aytqanı kibi, eñ güzel miras – güzel terbiyedir", - dep hatırlattı E.Bairov. Em de, bugünki künde mevcut olğan artqaçlıqlarnı qayd etti. "Bazıda ana-babalar, evlâdına yüklegen mesüliet o qadar büyük ola ki, atta, büyükler buña dayanalmaylar. Balalarnıñ balalığı olmalı. Omuzlarındaki mesüliet ise, daa pekinmegen şahsiyetniñ ilerilemesine menfiy tesir etmek mümkün", - dedi Müfti muavini. E. Bairov Qırım Müftiyatınıñ faaliyeti ve maneviy-maarif işleri aqqında tarif etti. Sektsiyanıñ işinde pravoslav dini vekilleri iştirak ettiler. Forum eki kün çalıştı. QMDİ MDT matbuat hızmeti [gallery link="file" columns="4" size="medium" ids="9359,9357,9355,9353"]

Qırım Müftisi din ocalarınen körüşti (FOTO)

Опубликовано:

Qırım müsülmanları Diniy İdaresinde Qırım Müftisi hacı Emirali Ablayev din ocalarınen körüşüv keçirdi. Tedbirde bir çoq meseleler muzakere etildi: oquv planları, bilgilerge qıymet kesüv, yañı oquv qullanmalarınıñ neşir etilüvi ve ilâhre. Mektepteki tatil künleri devamında ötkerilmesi közde tutulğan "Altın nesil" bütün Qırım yarışınıñ finalına tedarik meselelerine büyük diqqat ayırıldı. Qırım Müftisi ocalarğa yapqan hızmetleri içün teşekkürler bildirdi ve ileride de maarif leyihalarına qol tutacağında işandırdı. "Maarif esas hızmetimizdir. Yaş nesilge daa çoq diqqat ayıracaqmız. Çünki bu, İslâm bilgileri oğrunda, cemaatımıznıñ gürlemesi maqsadında sarf etilgen bir emek", - dedi Müfti. Soñunda, Müfti efendi ocalarğa muvafaqiyetler tilep, diniy-maarif işleri tek eyilik ketirgenini qayd etti. QMDİ MDT matbuat hızmeti [gallery link="file" columns="4" size="medium" ids="9280,9278,9276,9274,9272,9270"]

Qırım Müftiyatında imamlarnıñ Ruslan Balbek ile körüşüv olıp keçti (FOTO)

Опубликовано:

Qırım Müftisi hacı Emirali Ablayev ve RF DD deputatı Ruslan Balbekniñ yerli regional imamlarnen ve Qırım rayonları ve şeer cemiyetleriniñ başlarınen körüşüv olıp keçti. Körüşüv devamında iştirakçiler eñ zarur ve mürekkep meselelerni köterdiler, bu cümleden, orta umumtasil mekteplerinde ve bala bağçalarında qırımtatar tiliniñ ögrenilmesi probleması da muzakere etildi. Ruslan Balbekniñ sözlerine köre, tilniñ teşviq etilip, mot olması eñ evelâ ealige bağlı. "Bir misal ketireyim, Aqmescit rayonında, rayon memuriyeti muavini Ruslan Yakubovnıñ teşebbüsinen, bala bağçalarınıñ birinde eki tilli gruppa açıldı, şu gruppağa em qırımtatar, em başqa halq vekilleriniñ ana-babaları balalarını kirsetmege tırışalar. Yani, ana-babalar evlâdları ana tilini bilmelerini isteyler ", - dedi R. Balbek. Yedi Quyu rayonınıñ imamı Rustem Memet  añlatqanı kibi, din cemiyeti ve yerli akimiyetniñ işbirligi sayesinde, Kalinovka köyüniñ yerli mektebinde qırımtatar tili ayrı bir fen olaraq ögrenile. Din erbapları müsülmanlarnıñ ayatı, rayonlarda ötkerilgen tedbir ve merasimler, meseleler etrafında söz yürüttiler. Hususan, ibadethanelerni resmiyleştirmek, kommunikatsiyalarnı keçirmek kibi problemalar eñ aktual olaraq qayd etildi. Seyitler rayonı din cemiyeti reisi Rustem Temirov bildirgeni kibi, şu qasabada cami olmağanı sebebinden müsülmanlar ibadetlerini yerine ketirip olamaylar. Rustem Temirov ya odanıñ satın alınması, ya da boş olıp turğan Medeniyet Eviniñ ibadethane sıfatında qullanmaq teklifinen bulundı. Bunıñnen beraber, sport salonını açmaq teklifi yañğıradı. R. Balbek bu meseleni nezaret astına almağa vade etti ve Müftinen beraber peyda olğan meselelerni çezmege söz berdi. QMDİ MDT matbuat hızmeti [gallery link="file" columns="4" size="medium" ids="9241,9239,9237,9235"]

Aq-Şeyh qasabasında İslâm dini kurslarınıñ talebelerine Quran berildi (FOTO)

Опубликовано:

Aq-Şeyh qasabasınıñ ibadethanesinde Quran Oquvı boyunca Kurslar yekünlenip, tantanalı merasim ötkerildi. Quran Kitaplarını 5 mezun bahşış olaraq qazandı. Bahşışlarnı Qırım Müftisi ve Diniy İdare adından qadınlarğa  rayon imamı Leman Abduramanov bağışladı. Şimdiki vaqıtta, Quran oquvı boyunca Kurslarğa qadınlar qabul etile. Aq-Şeyh qasabası. Dimitrov soq, 2 adresi boyunca muracaat etmek mümkün. Telefon: +7978 714 60 35. QMDİ MDT matbuat hızmeti [gallery link="file" columns="4" size="medium" ids="9257,9255,9253,9251,9249,9247,9245,9243"]

Qırım Müftiyatınıñ vekilleri müsülman teşkilâtlarınıñ 5-nci bütün Rusiye keñeşinde iştirak ettiler (FOTO)

Опубликовано:

Moskva şeerinde "Müsülman qorantalarında milliy ananeler" serlevalı 5-nci bütün Rusiye keñeşi olıp keçti. Tedbirde Rusiyeniñ 32 regiondan müsülman qadın-qızlar teşkilâtlarınıñ azaları, oca ve oquv yurtlarınıñ talebeleri iştirak ettiler. Qırım Cumhuriyetini Qırım Müftiyatınıñ "Faydalı ilim" leyihasınıñ reberi Zeyneb Bairova ve "Büllür" cemaat teşkilâtınıñ azası Niyara Canbazova temsil ettiler. Tedbir çerçivesinde hanımlar zemaneviy müsülman qorantalarda kütülgen ananelerni muzakere ettiler, şeriat ve dinge zıt kelmegen ananelerniñ birleşme tekliflerinen paylaştılar. Bunıñnen beraber, çeşit din vekilleriniñ evlenme tarzı ve biri-birine alışma tevsiyeleri seslendirildi. Çıqışta bulunğan Zeyneb Bairova qırımtatarlarnıñ urf-adetleri İslâm dini ile ne derecede bağlı olğanını añlattı. Tedbirde Sovet Birligi halqlarınıñ milliy kiyimleri numayış etildi. Kollektsiya müellifi Natalya Çörnıh bildirgeni kibi, olarnıñ episi dinge uyğun bir şekilde tikilgen. QMDİ MDT matbuat hızmeti [gallery link="file" columns="4" size="medium" ids="9228,9226,9224,9222,9220,9218,9216,9214,9212,9210,9208,9206,9204"]

Aqmescit rayonında Derviza bayramı qayd etildi (FOTO)

Опубликовано:

Qırım Müftisiniñ muavini Ayder İsmailov qırımtatar medeniyetine bağışlanğan "Derviza" bayramında iştirak etti. Merasim Aqmescit rayonı Sarabuz köyünde ötkerildi. Eñ başında Ayder İsmailov dua oqup, musafirlerge sağlıq, amanlıq, bol bereket tiledi. "Derviza  - Allah bergen bereket, eyiliklerge şükür etmek demektir. Er birimiz bunıñ qıymetini bilmelimiz. Biz, muqaddes topraqlarda yaşap, çalışamız, tuvğan mekânımızda, kelecek nesiller içün hızmet etemiz",  - dedi Ayder oca. Rayon sakinleri ve musafirleri içün şeñ kontsert, yarmalıq, master-klass taqdim etildi, balalar ise, oynap, eglendiler. Sarabuz köyüniñ sport meydanında em Aqmescit rayonı. Em de Qarasuvbazar, Saq rayonı, Aqmescit ve Kezlevden kelgen eñ eyi icadiy taqımlar kontsert programmasını numayış ettiler. Bu cümleden, Ukraina ve Tatarstanda nam qazanğan artist Server Kakuranıñ reberliginde "Qırım" ansambli bayramnı yaraştırdılar. Toplaşqanlar ögünde Aqmescit rayonı memuriyetiniñ yolbaşçısı İrini Boyko, Sarabuz qasabasınıñ reberi İgor Çiçkin, fahriy musafirler  - QC DŞ reis muavini Remzi İlyasov, RF Prezidenti yanında milletlerara munasebetleri boyunca Şuranıñ azası Eskender Bilâlov, milletlerara munasebetler boyunca Devlet komitetiniñ reisi Zaur Smirnov, "Yedinaya Rossiya" firqasınıñ yerli bölüginiñ kâtibi Aleksandr Milaşenko çıqışta bulunıp, hayırladılar. Bayramda Aqmescit rayonı ve başqa rayonlardan musafirler bulundılar. Esnafçı ve ustalar öz eser ve  işlerini numayış ettiler, bunıñnen beraber, köy hocalığı yarmalığı da çalıştı. Festival çerçivesinde erkekler ve ösmürler arasında Küreş sport çeşiti boyunca yarış teşkil etildi. Yarışta 2006, 2004, 2003, 2000 seneleri doğğan balalar ve 17 yaşından büyük erkekler, umumen 100 sportçı küçlerini sınap baqtılar. Ğalipler akimiyet vekilleri tarafından taqdirlendiler. "Eñ yaş iştirakçi", "Eñ güzel tehnika", "Ğalebege ıntılğan sportçı" nominatsiyalarında ğalip çıqqanlar Aqmescit rayonı memuriyeti reisi tarafından Kubok qazandılar. Absolüt kategoriyasında Perevalnoye köyünden Dilâver Baliç 1-nci yerge nail oldı. Sportçı mukâfat olaraq qoy aldı. Eñ kiçik musafirler içün attraktsionlar, at kezintileri, "ebru" sanatı boyunca master –klass keçirildi. Er iştirakçi bahşış aldı. Bayram adet üzre horan ile yekünlendi. Tedbirge tahminen 3 biñ insan qatıldı. Spravka: Derviza – bereket bayramıdır. Adetince, Derviza sentâbrniñ 22-nde qayd etile. Bu künge qadar tarlalarda bütün işler yekünlenip, bereket cıyıla edi. Soñunda ise, cemaat tarafından büyük bayram teşkil etile edi. Bayram duanen başlap, qurban ketirilip, yarmalıq, oyunlar, yarışlarnen yaraştırıla edi. Soñunda er kes horan oynadı. QMDİ MDT matbuat hızmeti (Aqmescit rayonı memuriyeti intsormatsion tehnologiyaları ve matbuat vastaları ile işbirlik bölüginiñ malümatına esaslanğan) [gallery link="file" columns="4" size="medium" ids="9112,9110,9108,9106,9104,9102,9100,9098,9096,9094,9092,9090"]

Aqmescitteki 1-sanlı ceza koloniyasında  diniy aqıntılar mevzusında lektsiya keçirildi (FOTO)

Опубликовано:

Aqmescitte 1 sanlı ceza koloniyasında ekstremistik teşkilâtlarnıñ cemiyetke olğan menfiy tesiri ile bağlı lektsiya keçirildi. Qırım Müftiyatı, Aqmescit ve Qırım Yeparhiyası, mahsus müessiselerni nezaret etken Prokuratura vekilleri koloniyada bulunğan vatandaşlarımız ögünde çıqışta bulundılar. Qırım Cumhuriyetiniñ Cezalarnı yerine ketirgen Federal hızmetniñ din işlerini idare etken yolbaşçı muavini Roman Tsurkan,  mahsus müessiselerni nezaret etken Prokurornıñ üyken yardımcısı Vitaliy Koşman ve Qırım Müftiyatınıñ mahkümler ile çalışqan baş mütehassıs Muhammed İslamov  maneviy ve ahlâqiy degerlikler, ekstremizmniñ menfiy tesiri ve aqibetleri aqqında söz yürüttiler. "Lektsiya devamında aqiqiy İslâm ve Pravoslav hristianlıqtan dininden uzaq turğan ve öz menfaatlarında çalışqan sektalarnıñ tesiri, olarğa qoşulıp, başqalarnı celp etüvi içün berilgen ceza aqqında añlattıq", - dedi Muhammed İslamov. İmamnıñ bildirgenine köre, mahküm etilgen vatandaşlarğa olarnıñ qoluna tüşken er türlü kitap ve malümat Müftiyat tarafından tasdiqlanması tevsiye etildi. Muhammed İslamovnıñ bildirgeni kibi, bu soy tedbirler maneviyat ceetinden faydalı olıp, radikal ğayelerniñ darqalmasına  izin bermey. QMDİ MDT matbuat hızmeti [gallery link="file" columns="4" size="medium" ids="9084,9082,9080,9078,9076"]

Cuma caminiñ qubbeleri tiklenecek (FOTO)

Опубликовано:

Aqmescitte Cuma caminiñ inşaatı devam ete. Şimdiki vaqıtta qurucılar qubbelerni yerleştireler. Leyiha boyunca binanıñ bir dane büyük, dört dane orta kölemde, daa 28 kiçik ve azbarında daa 24 qubbesi olacaq.     QMDİ MDT matbuat hızmeti [gallery link="file" columns="4" size="medium" ids="9066,9064,9062,9060,9058,9056,9054,9052,9050,9048,9046,9044,9042,9040,9038,9036"]