Haberler - Page 34 of 54 - ЦРО ДУМКЦРО ДУМК | Страница 34

Вс

31

мая

8
Шевваль
1441 | 2020
Утр.2:59
Вос.4:50
Обед.12:46
Пол.16:49
Веч.20:32
Ноч.22:23
Времена намазов
Календари 2020г

Намаз

Haberler - Page 34 of 54 - ЦРО ДУМК

“Küneşli Qırım” sergisi – Qırım dülberliginiñ aksidir (FOTO)

Опубликовано:

Martnıñ 24-de Qırım ve Sevastopol şeeri müsulmanları Diniy İdaresiniñ sergiler salonında "Küneşli Qırım" adlandırılğan yaş ressam Lenur Velilâyev resimleriniñ sergisi açıldı.  Ekspozitsiyada 13 resim taqdim etilmekte. Resimlerniñ büyük qısımı – Qırım manzarasıdır: çeşit şeerlerniñ eski soqaqları, qırımtatar medeniyetiniñ, tarihınıñ, mimarcılığınıñ nümüneleridir. Sergi açıluvı ile Lenur Velilâyevni, Ukraina ve Qırımda nam qazanğan ressamlar Ramazan Üseinov ve eykeltraş Ayder Aliyev, Özbekistanda ve Qırımda nam qazanğan ressam Halil Memedlâyev hayırlap,  Lenur Velilâyevniñ işlerine yüksek derecede qıymet kestiler, oña yañı yeñişer ve ilerideki icadında muvafaqiyetler tilediler. Bundan ğayrı, Qırımtatar  medeniy-tarihiy miras müzeyiniñ ilmiy hadimi Zure Pinka öz hayırlav sözünde, eñ esası -  ressam tuvğan topraqta, Vatanda icat etkenini ve bunıñnen qırımtatar halqınıñ istidatlar hazinesine issesini qoşqanını ayrıca qayd etti. Sergi 2 afta devam etecek. Kiriş – serbest. Lenur Velilâyev 1987 s. iyunniñ 4-de dünyağa keldi. Kezlev şeerinde yaşay ve çalışa. Kezlevdeki ressamlıq bala mektebini, soñra N.S.Samokiş adına Qırım ressamlıq oquv yurtunda oqup, tasilini "Stankovaya jivopis" ("Molbertte yapılğan ve bir bütünlik olaraq qabul etilgen resim") mütehassıslıq bölüginde Harkov dizayn ve sanatlar bediy akademiyasında yekünledi. Ressamnıñ icat eserleri şahsiy kollektsiyalarda, müzeylerde, MDB (SNG) ve çeteldeki (AQŞ, İsveçre, Frenkistan, İngiltere, İordaniya, Özbekistan, Yunanistan ve ilâh.) galereyalarda saqlanıp turmaqta. QMDİ matbuat merkezi [gallery link="file" columns="4" size="medium" ids="13154,13152,13150,13148,13146,13144,13142,13140,13138,13136,13133,13131,13129,13127,13125,13123,13121,13119,13117,13115,13113,13111,13109,13107,13105,13103,13101,13099,13097,13095,13093,13091,13089,13087"]

Qırımda İsmail Gasprinskiyniñ hatırasını añdılar (FOTO)

Опубликовано:

Qırım ve Sevastopol şeeri müsulmanları Diniy İdaresiniñ vekilleri, qırımtatar maarifçisi, yazıcı, türkiy tilde ilk çıqqan "Terciman" gazetasınıñ naşiri İsmail Gasprinskiyniñ hatırasına bağışlanğan tedbirlerde iştirak ettiler. Aqmescit şeerinde Gasprinskiy abidesi yanında gülçemberler qoyuldı.  Tedbirde Cümhuriyet akimiyetiniñ, KMPU-ñ vekilleri, cemaat erbapları çıqışta bulundı. Aqmescit rayonınıñ imamı Raim Ğafarov nutuğını dua ile başladı ve zemaneviy devir, İsmail Gasprinskiy kibi şahıslarnıñ faaliyetine muhtac olğanını ayrıca qayd etti. Çünki maarifçiniñ er sözü ve adımı — kelecek nesillerge, öz tamırları, ananeleri ile ğıdalanğan yüksek seviyeli tasil ve bilgi saibi olğan cemiyetni qurmaq nasiatıdır. Malümat: İsmail Gasprinskiy 1851 s. martnıñ 21-de Qırımda, subay ailesinde dünyağa keldi. 1914 s. sentâbr ayında ise Bağçasarayda vefat etti ve Zıncırlı medrese etrafındaki yerde defn etildi. İ.Gasprinskiyge bağışlanğan abideler Aqmescit ve Bağçasaray şeerlerinde turmaqta. Ve adı Aqmecitteki soqaqlarından birine ve Cümhuriyet kütüphanesine berildi. QMDİ matbuat merkezi [gallery link="file" columns="4" size="medium" ids="13045,13043,13041,13039,13037,13035,13033,13031,13029,13027,13025,13023,13021,13019,13017,13015,13013,13011,13009,13007,13005,13003,13001,12999,12997,12995,12993,12991,12989,12987,12985,12983,12981"]

Müsulmanlar Reğaib gecesini qarşılaycaq

Опубликовано:

Bu yıl Reğaib gecesi martnıñ 22-23-ne bağlağan gecesine doğru kele. Qırımnıñ bütün camilerinde aqşam namazından soñ yatsı namazına qadar cemaat ile keçirilgen dua, ibadet ve Reğaib gecesiniñ manası, fazileti mevzusındaki subet şekilinde ötkerilecek. Bu gece yapılğan er ibadet içün qat-qat sevap yazıla. Aynı zamanda tövbe - istiğfar etile.  "Reğaib" sözü arap tilindeki kelime olıp, "ra-ga-ba" fiiline esaslana. "Bir şey istemek, arz etmek, sevap qazanmaq içün ğayret köstermek" manasına yaqındır. Reğaib gecesi — Muhammed Peyğamberimizniñ ( s.a.v.)   Abdullah ve Emine ana-babasınıñ nikâhları olıp keçkeni rivayet etile. Enes ibn Malik (r.a.) ikâye etkenine köre, Peyğamberimiz (s.a.v.) Receb ayı başlanğanda:  "Rabbim, Receb ve Şabannıñ bereketini ve Ramazanğa qadar yetişmekni nasip et", dep dua etken. Qayd etmeli ki, müsulmanlar Receb ayı devamında eki qutsal sayılğan gece — Reğaib ve Mirac — gecelerini qayd etecek. QMDİ matbuat merkezi

«Qader» (FOTO)

Опубликовано:

Bu serleva ile Qırım ve Sevastopol şeeri müsulmanları Diniy İdaresinde seminar ötkerildi. Alıp barıcı — Qırım Müftisiniñ muavini, mütehassıs ilâhiyatçı Bairov Asadullahtır. Mezkür seminar QMDİ yanında faaliyet köstergen "Faydalı ilim" leyhası çerçivesinde keirildi. Seminarnıñ İnternette on-layn translâtsiyası teşkil etildi. İştirakçilerniñ — qadın-qızlarnıñ – meraqlandırğan suallerini bermek, etraftaki hayatında yüz bergen çeşit vaqialarnıñ neticelerini talil etmek, mevzuğa dair mevhumlarnı doğru sürette añlamaq, "qader", "qaza", "nasip" meselelerini tavsilâtlıca aydınlatmaq imkânları oldı. Biz taqdirge tesir ete bilemizmi? Alğan qararlarımız — kendi irademizmi?... Mezkür mevzunıñ aktualligi ilerideki lekitsiyalarda da devam etmek kerekligini kösterdi. Hatırlatamız ki, İslâm dini esasları boyunca dersler qadın-qazlar içün er afta çarşenbe künleri saat 17.00 — 18.00 arasında Qırım Müftiligi binasınıñ konferents-salonında keçirilmekte (Kebir cami — Aqmescit ş., Kurçatov soqağı, 4). Derslerni din ocası Ayşe Duran alıp bara. Ayda bir kere ilâhiyatçı Zeyneb Bairova büyük lektsiya teşkil ete. Malümat içün telefon nomerası: + 7 978 0741847 QMDI matbuat hızmeti [gallery link="file" columns="4" size="medium" ids="13053,13051,13049,13047"]

Balalar alemi «Bismillâh»tan başlana!

Опубликовано:

Qırımda «Bismillâh» adlı bala şiirleri kitabı dünya yüzüni kördi. Müellif – Qırımda faaliyet köstergen din ocası, kiçik balalar ile çalışqan, kendisini yazıcı sıfatında da sınap baqqan Emine Asanovadır. Kitap Qırım ve Sevastopol şeeri müsulmanları Diniy İdaresiniñ destegi ile derc etildi. Kitap saifelerinde kiçik oquyıcılar, etraftaki dünyanıñ tılsımlığını ve güzelligini keşf etken eki qaraman ile tanış ola. Müellifniñ bildirgenine köre, dörtsatırlı misralarda ahlâqiy qıymetliklerniñ ve ruhiy zenginlikniñ ğayesi ifade etile. Emine Asanova: «Künümizde oqumağan ve yazmağan insannı tapmaq zor. Amma balağa ahlâqiy printsiplerni ve hayatı devamında lâzim olğan bilgi aşlamaq daa ziyade emiyetlidir. Ecadtlarımız bizge ikmetli ve teren manalı urf-adetlerni ve diniy ananelerni emanet ettiler. Bizim vazifesmiz ise -  olarnı ğayrıdan canlandırıp, yaş nesilge miras olaraq qaldırmaqtır», dep ayttı. Cıltı qattı, şekili keyfiyetli olğan işbu kitap 10 saifeden ibaret olıp, müellifniñ resimleri ile bezetilgen. "Bismillâh" bala kitabını Aqmescitteki Sevastopolskaya, 44 adresi boyunca yerleşken «TERCİMAN» kitap Evinde satın almaq mümkün. QMDİ matbuat merkezi

Üç aylar başlana

Опубликовано:

Martnıñ 18-de müsulmanlar içün 3 muqaddes ay  - Receb, Şaaban, Ramazan ayları - başlanmaqta. Bu vaqıtnı müsulmanlar oraza tutmaq, tövbe - istiğfar ketirmek, namaz qılmaq, Quran oqumaq kibi ibadetler ile, eyilik, hayırseverlik yapmaq kibi ve diger sevap işleri ile toldurmaq ğayret eteler. Receb ayı – tövbe ve ibadet etüv, Şaaban – sevgi ve hızmet etüv, Ramazan ise  - yaqınlaşuv ve bereket aylarıdır. Bu üç aynıñ birincisi – Receb ayıdır. Yüce Rabbiniñ qullarına olğan Rahmeti ve Lütfüdir. Receb – islâmiy taqvimge köre 7-ci aydır. 2018 s. Receb ayınıñ başlanuvı martnıñ 18-ne doğru kele. Bu ay aqqında Allah Resuliniñ (s.a.v.) hadislerinde: "Receb ayı – Rabbimizniñ ayıdır. Şerefi ve büyükligi ceetinden oña iç bir (diger) ay musaviy kelmez…». Receb ayınıñ ilk cuma gecesi – Reğaib gecesi adını taşıy. Bu yıl Reğaib gecesi martnıñ 22-ni -  23-ne bağlağan gecege teñ olıp kele. Bu gece dualar bol-bol qabul etile. Bu geceniñ daa bir añlamı – Peyğamberimizniñ (s.a.v.) Abdullah ve Amina ana-babasınıñ nikâhlanğan gecsidir. Bu mukaddes geceni ibadette, namazlar qılaraq, zikr etmek ve Quran-ı Kerimni oqumaq ile keçirmek kerektir. Fuqare ve yoqsullarğa yardım etmek, balalarnı sevindirmek, olarğa ediyeler bermek, ana-baba, soy-sop ile qonuşaraq vaqıt keçirmek de tevsiye etile. QMDİ matbuat merkezi

Quran oqumaqnı ögrenmek iç bir vaqıt keç degil (FOTO)

Опубликовано:

Aqmescitteki Qırım müsulmanları Diniy İdaresi yanında faaliyet köstergen "Faydalı ilim" oquv-maarif Merkezinde, Quran-ı Kerimni oqumaqnı ögrengenlerge tantanalı sürette Muqaddes Kitapnı ediye ettiler. Bir qaç ay devamında qadınlar arap tiliniñ elifbesini ve Quran oqumaqnıñ esas qaidelerini ögrendiler. Soñki sefer olıp keçken taqdim dersinde İslâm dini ocaları ve diger, parallel bölüklerniñ talebeleri bulunıp, ögrenciler tarafından kösterilgen bilgilerniñ şaatı oldı. Derslerge qatnağan eñ üyken talebe – 76 yaşındadır. O, bir hata qaçırmayıp, Quran oquvında yüksek seviyesini numayış etti. QMDİ matbuat merkezi [gallery link="file" columns="4" size="medium" ids="12940,12948,12946,12944,12942"]

Qırımda hafız yarışı keçirilecek

Опубликовано:

Qırım ve Sevastopol şeeri müsulmanları Diniy İdaresi Quran oquma BütünQırım yarışını ilân ete. Yarışta, erkekler ve 45 yaşından büyük olğan qadınlar iştirak ete bile. Saylav basamaqları Qırımnıñ çeşit taraflarında keçirilecek. Neticede, Qurannı eñ eyi seviyede oquğanlar seçilecek.  Yarışnıñ finalı Aqmescitte Kebir camide Ramazan ayınıñ 27 künü ötkerilecek. Finalğa çıqqanlar qıymetli ediyeler ile taqdirenilecek. Ğalipni ise -  acılıqqa bedava barmaq imkânı bekley. Yarış idarecisi – QMDİ-ñ tış alâqa ve acılıq işlerini teşkil etüv Bölüginiñ müdiri Artur Reşitovnıñ qayd etkenine köre, esas maqsat – müsulmanlarnı Muqaddes Kitapnı oqumaq teşviq etmektir. A.Reşitov: "Biz üyken nesilni mahsus seçtik. Bu insanlar Sovet Birligi devirinde doğıp östi, din ve Quran oqumaqnı ögrenmek imkânları yoq edi. Bugünki künde camilerimiz açıq, İslâm dini esaslarını  ve Quran-ı Kerimni oqumaqnı ögretken dersler teşkil etildi. Arzularnı kerçekleştirmek, yarış ğalibi olmaq ve acılıqqa barmaq fırsat açıla", dep qayd etti. Yarışta iştirak etmek istegenler yaşağan yerlerindeki imamğa muracaat ete bile. QMDİ matbuat merkezi

Qırımda rayon imamlarınıñ toplaşuvı olıp keçti (FOTO)

Опубликовано:

Qırım ve Sevastopol müsulmanları Diniy idaresinde Qırım Müftisi ve rayon imamlarınıñ er aylıq körüşüvi olıp keçti. İmamlar keçken ay devamında yapılğan işlerniñ esabatını berdi ve öglerinde turğan meselelerni muzakere ettiler. Hususan, Yaltadaki caminiñ (Ay-Vasil) topraq meselesidir. Bundan da ğayrı, imamlar yaş qırımtatarlarğa menfiy tesir etken ve milletimizni bölgen diniy teşkilâtlarnıñ faalleşkeni sebebinden raatsızlığını bildirdiler. Körüşüv çerçivesinde din erbaplarına yerli köy ve camilerniñ kütüphanelerini Qırım müsulmanları Diniy idaresi çıqarğan kitaplarınen toldurmağa tevsiye etildi. Qırım Müftisi hacı Emirali Ablayev öz nevbetinde imamlarğa qırımtatar milliy Şurası işini başlağanını ve Qırım Cumhuriyeti başlığınıñ yanında konsultativ Şura meydanğa ketirilgeni aqqında bildirdi. İmamlarnıñ iş toplaşuvında Rusiye Devlet Dumasınıñ deputatı Ruslan Balbek iştirak etti. O, Müftige qırımtatar halqı Şurasını toplağanı içün teşekkürler bildirdi. Bundan da ğayrı, din erbaplarına camiler yanında qurulğan ve qurulacaq sport meydançıqları aqqında tarif etti. Toplaşuv çerçivesinde imamlar topraq meselesi boyunca uquqiy konsultatsiyanı aldılar. [gallery link="file" columns="4" size="medium" ids="12805,12803,12801,12799,12797,12795,12793,12791,12789,12787,12785,12783,12781,12779"]

Qırım Müftiligi yanında uquqiy konsultatsiya açıldı

Опубликовано:

Qırım ve Sevastopol şeeri müsulmanları Diniy idaresi yanında "Yurt" adlı uquqiy konsultatsiya açıldı. Merkez, sürgün etilgen insanlarnıñ vetandaşlıq vesiqalarınıñ resmiyleştirilüvi, migratsion ve qayd etilüv vesiqalarnıñ resmiyleştirilüvi ve diger meselelerni çezecek. "Yurt" konsultativ-uquqiy merkezi Aqmescit şeeri, Çehov, 20 adresi boyunca yerleşe. Qabul etüv künleri: bazarertesi, salı, cumaaqşamı 9.00-13.00,  14.00-16.00 Malümat içün telefon: +7(978)041-45-78 e-mail: YurtCentre@gmail.com

“Altın nesil” dostlarını toplay (FOTO)

Опубликовано:

"Altın nesil" balalar klubı er aylıq toplaşuvını keçirdi. Tedbir Qırım ve Sevastopol şeeri müsulmanları Diniy idaresiniñ "Faydalı ilim" maarif leyhası çerçivesinde olıp keçti. Toplaşuvda keçken ay devamında yapılğan işlerniñ neticeleri çıqarıldı. İştirakçiler kelecek ay devamında yapacaq işlerni muzakere ettiler. Körüşüvde ocalar balalar ile birlikte "İslâmda merhametlik" mevzusını muzakere ettiler.  Bundan da ğayrı, evelden ilân etilgen, ayvanlarğa nisbeten merhametlik fotoyarışınıñ neticeleri çıqarıldı. Ğalebe Sureya Bairova ve Ayşe Velilâyeva qazandılar. Balalar klub reberlerinden onlayn yarışlarda faal iştirak etkenleri içün, bahşiş aldılar. Tedbirniñ soñunda balalar birlikte üyle yemegini ve tatlı sofra azırladılar. Umumen, körüşüvde 20 bala iştirak etti. Hatırlatamız, "Altın nesil" bala musulman internet-klubı genç musulmanlar içün faaliyet köstermekte. Onıñ esas maqsadı 10-16 yaşındaki gençler içün alternativ musulman qonuşuv meydanını qurmaqtır. Malümat içün telefon +79788639566. QMDİ MDT matbuat hızmeti [gallery link="file" columns="4" size="medium" ids="12769,12767,12765,12763,12761,12759,12757"]

Qırımtatar halqınıñ Şurası ilk nevbette eda etilecek vazifelerni seslendirdi (FOTO)

Опубликовано:

 Müftiy muavini Ayder İsmailov, qırımtatarlar Şurasınıñ azaları olğan Lemara Selendili ve Ayder Emirov ile, "Qırımtatar halqınıñ Şurası: vazifeleri ve yapılacaq işleri" matbuat konferentsiyasında iştirak etti.   Çıqışınıñ başında Ayder İsmailov, Qırım ve Sevastopol şeeri müsulmanları Diniy İdaresi tarafından, işbu Şuranı meydanğa ketirmek teşebbüsi aqqında tavsilâtlıca ikâye etti.    Ayder İsmailov: "İnsanlar, olarğa qıyın zamanda qol uzatqan, destek köstergen birilerini qıdıra. O sebepten biz, qırımtatar halqınıñ aqsaqalları, ziyalıları ile keçirilgen uzun muzakerelerden soñra, bu adımnı atmaq qararına keldik. Çeşit saalardaki professional mütehassıslar halqnıñ arz-ümütlerini diñlep, devlet organlarını haberdar etecekler, meselelerni çezmek maqsadınen muayyen bir çıqış yolu, tevsiyelerni bildirecekler", dep qayd etti.  Müftiy muavininiñ sözlerine binaen, Qırım Cümhuriyetiniñ başlığı Sergey Aksönovnıñ tarafından tasdiqlanğan, qırımtatarlarnıñ Konsultativ Şurası, sürgün etilgen halqlarnıñ reabilitatsiyası aqqıdaki Qanunnıñ amelde al etilecegi ile meşğul olacaq.  O: "Qırım başlığı yanındaki Konsultativ Şuranıñ erkânına kirgen mütehassıslarnıñ er biri, kendisi mesül saasında, mevcut olğan qanunlarnıñ, Qırımdaki yaşayış tarzına, şaraitine uyğun bir şekilde ömürge keçirmek içün tevsiyeler berecek ve lâzim olğan programmalarnı işlep çıqaracaqlar", dep ilâve etti.  Bundan da ğayrı, Şuranıñ faaliyeti, grajdanlarnıñ akimiyet organları ile eki taraflı munasebetlerini qolaylaştıracağı ayrıca qayd etildi. "İnsanlardan kelgen sualler belgilenecek. Dört yıl devamında biz çoqtan-çoq meseleler ile qarşılaştıq – olardan bazılarını al etip oldıq, bazıları üstünde ise çalışmamız devam etmekte. Yaqında, cemaat qabulhanesini açmaq fikrine keldik. O, şimdilik daa test rejiminde çalışa. İnsanlar muracaat eteler. Olarğa bedava şekilde – bu sualnen qayda ve kimge barmaq kerekligi aqqında malümat berile. Bunıñ ile biz bir temel qoyamız. Bizge muracaat etilgen meselelerniñ arhivini tizemiz", dep ilâve ayttı Ayder İsmailov.  Matbuat konferentsiyası devamında, Şuranıñ iş gruppası, Qırımnıñ okkupatsiyası devamında natsistler tarafından yaqılğan Qırım köyleri içün tazminat almaq maqsadınen adım-adım al etilecek iş ve vazifeler belgilegeni aydınlatıldı.  Ayder İsmailov: "Biz, belli bir yol kösterecek işni başladıq. Evel, işbirlik ve tedqiqatlar keçirgen adliyecilerni davet ettik. Bundan ğayrı, bu meselede dört bölük teşkil etecegimizge qarar berdik: tarihçılardan ve sotsiologdardan ibaret olğan arhiv bölügi, ekonomist ve adliyeciler bölükleri çalışacaq", dep bildirdi. – "O zamandaki arhivlerden bütün malümatnı toplamaq kerek. Tarihçılar ve sotsiologlar ise tarihiy malümatlarnı qaplap alğan umumiy vesiqanı azırlaycaq. Onıñ esasında ekonomistler maddiy, maneviy ve atta medeniy zararnıñ kölemini bildirecek. Çünki bu yıllar devamında camiler ve medereseler, kilseler ğayıp etildi. Biz yalıñız qırımtatar köylerinden bahs etmeymiz de… Soñra ise adliyeciler, elinde olğan işbu malümat ve raqamlar ile çeşit profil komitetler ve Rusiye Federatsiyasınıñ nazirlikleri ile bağ tutacaqlar, muzakereler keçirecekler ve, neticede, tazminat soralacaq tarafqa muacaat etecekler"…  Cian cenki yıllarında Qırımnıñ natsistler  okkupatsiyası neticesinde yüz bergen zarar içün Almaniyadan tazminatnı soramaq qararı, 2018 s fevralniñ 17-de keçirilgen Nevbetten tış Qırım müsulmanlarınıñ Qurultayında alındı.  Matbuat konferentsiyası devamında qırımtatarlarnıñ Şurası erkânındaki gumanitar bölükniñ işi aqqında da söz yürütildi. QFU-ñ qırımtatar filologiyası kafedrasınıñ professorı, filologiya ilimleri doktorı Lemara Selendiliniñ ikâye etkeni kibi: "Biz şimdi, keçken 30 yıl devamında bu saada çezilmegen ve al etilmegen meselelerni közden keçirip, ilerideki 10 yılğa bir plan qurmalımız. Neticede, halqımıznıñ, Rusiye cemaatçılığı sırasında lâyıq bir yer almaq yardım olur. Biz, Rusiye ealisiniñ büyük qısmı türkler teşkil etkenini bilemiz. Müsulmanlar – ağa-qardaşlarımızdır, añlaşılğan tilimizde laf etken insanlardır. Bizim esas maqsadımız – coyulmaq degil de, ögge adım atmaq ve qırımtatarlarnıñ problemlerini Rusiye Federatsiyasınıñ grajdanları ve halq olaraq, al etmektir". Professornıñ qayd etkenine köre, eñ müim vazife – tuvğan qırımtatar tiliniñ adetlerini saqlap qalmaqtan ve funktsiyalarını ğayrıdan tiklemekten ibarettir. Bu iş  - yaş nesilniñ omuzlarına tüşe.  Lemara Selendili: "Al-azırda vazifemiz - bizim istidatlı yaşlarımıznı emigratsiyadan qorumaq ve olar içün inkişaf etmek imkânını tapmaqtır. Yaşlarımızğa iş yerlerini tapmaq meselesinde yardım etmek pek müimdir. Elbette, til ve tasil aqqında söz yürüterek, yaşlar ile bağlı olğan siyasetni ve alıp barılgan yöñelişni de közde tutmalımız. Qırımda doğğan ve kendisini millet mensüpligi ile tanıtqan yaş nesilge ümütimiz büyüktir…", dep qayd etti .  Öz nevbetinde, Ayder Emirov, Şuranıñ akimiyet ile birlikte olğan işbirlik neticesinde, ayrı diqqatnı nege ayırmaq ve nasıl adımlar atmaq kerekligi aqqında bildirdi: "…Bu cümleden, Qırımtatar sanatı müzeyiniñ binası problemini al etmektir. Hadimler, aqılğa sığmağan şaraitte çalışmaqta. İ.Gasprinskiy adına kütüphaneniñ binasını da keñişletmek, çünki fond sayısı ep arta ve şimdiki binağa sığmay. Ana tili probleması ile bağlı eñ müim sayılğan ve halqnı ayaqta tutqan  - edebiyatnıñ inkişafı -  yoq derecededir. Şimdi biz buña ciddiy baqmalımız. Adımlardan biri – qabiliyetli yaşlarımıznı, Moskva şeerindeki Edebiyat institutınına kvota boyunca yollamaqtır. İleride ciddiy icat etken yazıcılarnı elde etermiz".  Matbuat konferentsiyası devamında spikerler, qırımtatarlarnıñ Cumhuriyetniñ cemaat-siyasiy ömürinde iştirak etüvine dair suallerge de cevap berdiler.  14 insandan ibaret olğan Qırımtatar halqınıñ Şurası, Aqmescitte 2018 s. fevralniñ 17-de keçirilgen Nevbetten tış Qırım müsulmanlarınıñ Qurultayında meydanğa ketirildi. Şura azaları açıq rey berüv neticesinde saylanıldı. Olarnıñ arasında  - Qırım Müftisi Emirali Ablayev, KMPU-ñ Prezidenti Fevzi Yaqubov, Olimpiya çempionı Rustem Kazakov, İnkerman (Aqyar ş.) hastahanesiniñ baş ekimi Gayde Degirmenci, filolog ve publitsist Ayder Emirov ve digerlerdir.     QMDİ MDT matbuat merkezi [gallery link="file" columns="4" size="medium" ids="12737,12739,12735,12733,12741"]