Haberler - Page 31 of 54 - ЦРО ДУМКЦРО ДУМК | Страница 31

Вс

31

мая

8
Шевваль
1441 | 2020
Утр.2:59
Вос.4:50
Обед.12:46
Пол.16:49
Веч.20:32
Ноч.22:23
Времена намазов
Календари 2020г

Намаз

Haberler - Page 31 of 54 - ЦРО ДУМК

“Yañı baar” balaları oquv yılınıñ soñunı qayd ettiler (FOTO)

Опубликовано:

Qırım müsulmanları Diniy idaresiniñ "Faydalı ilim" oqutuv-maarif merkezinde oquv yılınıñ soñu qayd etildi. "Yañı baar" diniy-maarif leyhasınıñ talebeleri birinci attestatlarını aldılar. Olarnıñ arasında 3-7 yaşlı balalar. "Yañı baar" leyhasınıñ ocaları talebelernen birlikte bayram programmasını azırladılar. Balalar mini-spektakllerde iştirak ettiler, Muhammed Peyğamber (s.a.s.) aqqında şiirler oqudılar ve Qurandan surelerni ayttılar! Muqaddes Kitapnı oqumağa ögrengen talebeler Qırım Müftisi adından bahşiş olaraq Qurannı aldılar. Quran oqumaq ögrengen talebelerniñ eñ küçügi 4 yaşındadır! Bundan da ğayrı, olarğa medaller, fahriy yarlıqlar ve bahşişlar berildi. Tedbir küçük müsulmanlar içün azırlanğan "küçük iftar"nen yekünlendi! Hatırlatamız, "Yañı baar" kursları 3-7 yaşlı balalar içün yaz tatilleri devamında da çalışa. Dersler er cumaertesi künü saat 10:00 ötkerilecek. Er künlük oquv yılı ise sentâbrde başlanacaq. QMDİ matbuat hızmeti [gallery link="file" columns="4" size="medium" ids="16090,16088,16086,16084,16082,16080,16078,16076"]

Suç işlemeye teşvik eden sebepler şoke etti, – Kırım Müftüsü Emirali Ablaev (VIDEO)

Опубликовано:

Kırım Müftüsü hacı Emirali ABLAYEV evine molotof kokteyli saldırı yapılmasıyla ilgili bunları belirtti: «Bir insana karşı, onun şerefine ve mülkiyetine karşı suç işlemeye teşebbüs edildiği vakit, Alemlerin Rabbine karşı suç işlenmiş demektir». Ayrıca Kırım Müftüsü faillerin gecenin karanlığından faydalandıklarını anlattı: «Gece vakti, yaklaşık olarak saat üçte, bir patlama sesi duyuldu ve pencereden bir parlaklık görüldü. Gençler sokakta fişek patlatıyorlar diye önemsemedik. Sabah işe giderken şişenin kırıntılarını ve yangın izlerini gördük, evimize «Molotof kokteyli» atıldığını anladık. Allah’tan, eve isabet eden şişeler tutuşmadı, çit üzerine düşenler tutuştu. Saldırganlar kayboldu. Sabah yangını görünce emniyete bildirdik». O, aynı şekilde, bu işi yapanların kimler tarafından bu suçu işlemeye teşvik edildiğini ve gerekçelerini öğrenince şoke olduğunu vurguladı. Bu gün Kırım’da Ukrayna Milletvekili yardımcısı tarafından oluşturulan bir çetenin faaliyeti FSB tarafından önlendiği belli oldu. FSB Halkla İlişkiler Merkezi hadise ile ilgili haber verdi. Yetkililerin açıklamasına göre, olayla ilgili Federal Güvenlik Servisi ile Rusya İçişleri Bakanlığının birlikte yürüttükleri soruşturma neticesinde Ukrayna Milletvekili Mustafa Cemilev’in yardımcısı Erol Veliyev tarafından oluşturulan ekstremist bir grubun faaliyeti açığa çıkarıldı. Bunlar, Rusya’da yasadışı olan Kırım Tatar Milli Meclisi ve onun reisi Refat Çubarov’un talimatı ve Ukrayna Güvenlik Servisinin desteği ile hareket ettikleri belirtildi. Ukrayna’nın Harkov ilinde oluşturulan bu çetede Erol Veliyev’in dışında eski boksörlerden A. Steşenko ve A. Tretyakov da vardı. «Temelinde siyasi düşmanlık olan ve Rusiye taraftarı Kırım tatarlarını korkutmak ve Kırım Cumhuriyetinde milletlerara gerginlik meydana getirmek için ekstremist bir grup teşkil edildi ve suç işlemeye planlaştırıldığı» merkezi tarafından bildirildi. Sanıklardan Aleksandr Steşenko şöyle anlattı: Bize Kırım müftüsünün evini yakma görevi verildi. Bu görevi bize Erol Veliyev (Ukrayna milletvekili Mustafa Cemilev’in yardımcısı) verdi. Bana ve Aleksandr Tretyakov’a. Biz arabaya oturduk ve hareket ettik. O (Erol Veliyev) bize bir ev gösterdi ve ‘burada Kırım müftüsü yaşıyor’ dedi. Evini ateşe vermemiz gerektiğini söyledi. Bunun için markete gidip iki şişe şarap getirmemiz gerektiğini söyledi. Ben kabul etmedim, çünkü suçsuz insanlar zarar görebilirdi. Başka olanağı yoktu, şişeleri kendileri aldılar ve gittiler evi yakmaya. Böylece, Ocak 2018 ekstremist yanlısı bir grup molotof kokteyli saldırı düzenleyerek Kırım Müftüsü Hacı Emirali Ablayev’in evini yakmaya çalıştılar. Buna benzer Kırım’da yapılacak her yıkıcı faaliyet için 500 dolardan vadedilmiş olduğu özel servis yetkilileri tarafından haber edildi.   Kırım Müslümanları Dini İdaresi Basın-Yayın Servisi [embed]https://www.youtube.com/watch?v=_wofvyoaP7k&feature=youtu.be[/embed]

Qırım camilerinde sürgünlik qurbanları añıldı (FOTO)

Опубликовано:

Mayısnıñ 18-nde Qırım camilerinde sürgünlik qurbanlarınıñ hatırasına dualar oquldı. Qırımnıñ merkeziy Kebir camisinde cuma namazı ve añma duasına 250 yaqın insan keldi. Cuma namazından evel "Yasin" suresi oquldı. Kelgenler 1944 s. mayıs 18 künü sürgünlik qurbanlarına dualar oqudılar. Cuma hutbesi qırımtatar halqınıñ bu qara künlerine bağışlanğandır. Qırım müsulmanlarınıñ Diniy lideri haci Emirali Ablayev, qırımtatar halqınıñ bu qara künleri milletniñ yüreginde daima qalacağı aqqında ayttı. "Biz er vaqıt dua oqıp, Allahqa merhumlarnıñ ruhları cennetli olmaları içün yalvaracamız. Bizim ana-babalarımız bu deşetli künlerni yaşadı, biz ise bunı unutmayıp, ömürimizniñ er künü milletimizniñ parlaq kelecegini adım-adım qurmalımız. Bu kibi facialar dünyanıñ iç bir yerinde bir vaqıt tekrarlanmasın", - dep ayttı Qırım Müftisi. Adet üzre qırımtatarlarğa sürgünliknen bağlı göñüldeşligini köstermek içün, Qırımnıñ diger konfessiyalarnıñ vekilleri kendi ibadethanelerinde dualar keçirdiler. QMDİ matbuat hızmeti [gallery link="file" columns="4" size="medium" ids="16024,16032,16030,16028,16026,16022,16020,16018,16016,16014,16012,16010,16008,16006,16004"]

Moskva şeerinde Qırım hacılıq-operatorınıñ ofisi açıldı (FOTO)

Опубликовано:

Moskva şeerinde  Qırım ve Sevastopol şeeri müsulmanları Diniy idaresiniñ "AVN-Tur" hacılıq-operatorınıñ ofisi açıldı. Açıluv merasiminde Qırım Müftisiniñ muavini Ayder İsmailov, QMDİ Hacılıqnıñ teşkil etilüvi bölüginiñ reberi Artur Reşitov, İslâm biznesi Halqara birleşmesiniñ Prezidenti Marat Kabayev, Moskvadaki qırımtatar cemiyetiniñ reisi Edem Ümerov ve azaları Kemal Raşidov, Midat Osmanov, Marlen Abdulminov iştirak ettiler. "AVN-Tur" ofisi Moskva şeeri, Orconikidze soqağı, 11 adresi boyunca yerleşe. Mında Moskva müsulmanları hacılıqnen bağlı olğan meselelerni çeze bileler. Hususan, Saudiya Arabistan Qırallığınıñ elçiliginde vizalarnıñ resmiyleştirilüvi sualleri ve ilâh. Ayder İsmailov Qırım Müftisiniñ adından musafirlerni ofisniñ açılması ile hayırlap, işlerinde muvafaqiyetler tiledi. Qırım Müftisiniñ muavini qayd etkenine köre, Qırım ve Sevastopol şeeri müsulmanları Diniy idaresi içün, bu ofisniñ Rusiye merkez şeerinde açıluvı – müim bir adımdır. Ayder İsmailov: "Moskvada Qırım hacılıq-operatorı elâl turizm, Qırımğa müsulman turistleriniñ celp etilüvi, yañı turistik marşrutlarnıñ quruluvı ile oğraşacaq. Bundan da ğayrı, hacılarnıñ Muqaddes topraqlarğa yol alması suallerini çezecek", - dep ayttı, ve Qırım ve Sevastopol müsulmanları Diniy idaresi, Rusiye hacılıq-missiyasınıñ azası olaraq hacılıq turlarını mustaqil tarzda teşkil ete bilecegini ilâve etti. Qırım Müftisiniñ muavini ofisniñ açılmasında destek köstergen Qırım başı Sergey Aksönovğa,  İslâm biznesi Halqara birleşmesiniñ Prezidenti Marat Kabayevge, Moskvada qırımtatar cemiyetiniñ azalarına teşekkürler bildirdi. QMDİ matbuat hızmeti [gallery link="file" columns="4" size="medium" ids="15937,15935,15933,15931,15929"]

Kebir camide birinci iftar olıp keçti (FOTO)

Опубликовано:

Ramazan ayınıñ birinci künü, mayısnıñ 16-sında, Aqmescitniñ merkeziy Kebir camisinde ilk iftar keçirildi. İftarğa 200 insan qoşuldı. Olarnıñ arasında müsulman devletlerinden kelgen  Qırım universitetleriniñ studentleri, yerli sakinler ve Aqmescit musafirleridir. Ezan sesi yañğırağan soñ, oraza tutqanlar aqşam namazını qıldılar. Ramazan ayı devamında hayriye iftarlarınıñ Kebir cami ve Qırımnıñ diger camilerinde ötkerilmesi planlaştırıla. Bundan da ğayrı, Qırım müsulmanları Diniy idaresi "Açıq yürekler" göñüllüler teşkilâtı ile birlikte uzaq yerleşken köylerde iftarlarnıñ keçirilmesi kibi leyhanı ömürge keçire. Muqaddes Ramazan ayı mayısnıñ 16-sında başlandı ve iyünniñ 14 qadar devam etecek. Oraza bayramı ise iyünniñ 15, 16 ve 17 künleri qayd etilecek. Ramazan ayı devamında müsulmanlar içün oraza tutmaq farzdır. Olar küneşniñ doğuvından batmasına qadar  suv ve aştan vazgeçeler. Orazanı yüklü ve balanı emizdirgen qadınlar, yedi yaşına yetmegen balalar, hasta ve esli başlı adamlar, yolcular tutmaybileler. QMDİ matbuat hızmeti [gallery link="file" columns="4" size="medium" ids="15925,15923,15921,15919,15917,15915,15913,15911,15909,15907,15905,15903,15901"]

Dünya müsulmanları Ramazan orazasını tutıp başladı (shema)

Опубликовано:

Bu sene Ramazan ayı mayıs 16 künü başlandı. Ramazan ayı 30 kün devam etecek. Demek, orazanıñ soñki künü iyünniñ 14 tüşe, Oraza bayramınıñ birinci künü ise – iyünniñ 15-dir. Bu künler Şeriat qaidelerine köre, belgilengendir. Ramazan ayı kökte ay körüngen kününden başlana. Bundan da ğayrı, 1966 senesinden başlap, farqlı konferentsiyalarda, ilmiy forumlar ve kongresslerde defalarca qayd etilgeni kibi, vaqıt farqı esaplanmaycaq. Ramazan dünyanıñ er angi noqtasından ay körüngeninen başlana. Yañı ay mayısnıñ 15 – mayısnıñ 16-sına avuşqan gecesi körügen edi. Birinci olıp onı cenübiy amerikalı qıtasınıñ sakinleri kördi. Olarda ay körüngende, Londrada saat 00:20, Berlinde 01:20, İstambulda 02:30, Mekkede ise saat 02:20 olğandır. Yani bu devletlerniñ müsulmanları Cenübiy Amerikada ay artıq körüngeni aqqında malümatnı suhurdan evel aldılar. Bu ise Oraza mayısnıñ 16-sında başlanğanınıñ köstergiçi oldı. Böyleliknen, bir sıra müsulman devletleri Cenübiy Amerikada ay körüngenini köz ögüne alıp, Orazanı mayısnıñ 16-sından başlap tutmaq kerek ediler. Peyğamberniñ (s.a.s.): "Orazanı ay körüngeninen başlañız, bayramnı ise ay körüngeninen (Şevval ayı) qayd etiñiz" hadisi ve Hakimniñ yollağan hadisine köre, Peyğamber (s.a.s.) sahradan kelgen bedeviyniñ yañı aynı körgeni aqqında sözlerine esaslanıp, orazanıñ başlanğanını ilân etti. Buña esaslanıp, Oraza mayısnıñ 17-sinde başlanğanı aqqında fikirler yañlış ve Qırım müsulmanları arasında fitnelerge yol aça. Müsulmanlar öz regionlarında çalışqan Diniy idareleriniñ qararlarına uymalılar. Diniy idarelerniñ fetva çıqarmaq aqqı bar. Çetelden kelgen anonim telefon ağlarına esaslanmaq mümkün degildir. Bu al müsulmanlarnıñ birligini bozabile. QMDİ matbuat hızmeti

2018 senesi Hacılıq vesiqalarınıñ qabul etilüvi devam ete

Опубликовано:

Qırım ve Sevastopol şeeri müsulmanları Diniy idaresiniñ "AVN-TUR" hacılıq operatorı hacılıqqa barmaq niyetlengenlerniñ vesiqalarını qabul etmekni devam ete. Diqqat! 2018 senesi mayısnıñ 16-sından başlap, Qırım Cumhuriyeti TİN migratsiya sualleri boyunca regional bölüklerinde çetel pasportlarnıñ resmiyleştirilüvi içün, hacılarğa "yeşil koridor" açıldı. Yani muracaat etken insanlarnıñ çetel pasportı ile bağlı olğan işler  acele sürette al etilecek. Hacılarnıñ aşlanuvı 2018 senesi iyün 18 – iyül 18 künleri 2-sanlı  poliklinikada, Aqmescit şeeri, Lermontov soqağı, 3-a adresi boyunca ötkerilecek. Qırım Müftiligi hacılıqqa barmaq istegenlerine çetel pasportlarını tezce yapmağa ricada buluna. Resmiyleştirilüvniñ soñki künü – 2018 senesi iyülniñ 1-dir. Tavsilâtlı malümat almaq içün Aqmescit şeeri, Çehov soqağı, 20 adresi boyunca ve +7978 0908 202 telefon vastası ile muracaat etmek mümkün. QMDİ matbuat hızmeti  

Qara-Quyu köyünde ibadethane açıldı (FOTO)

Опубликовано:

Yedi Quyu rayonınıñ Qara-quyu qasabasında ibadethane açıldı. Köyde 700 qırımtatar qorantası yaşay. Endiden soñ köy müsulmanları ve qomşu köylerniñ sakinleri diniy merasimlerni yañı binada keçire bileler. İbadethane qasabanıñ yañı soqağında, qırımtatarlar toplu yaşağan yerde yerleşe. İbadethaneni yerli sakin qurıp, cemaatqa bağışladı. Qırım Müftisi adından müsulmanlarnı Müfti yardımcısı Raim Ğafarov selâmladı. O, sakinlerni ibathaneniñ açıluvı ve keleyatqan Ramazan ayınen hayırladı. "İbadethaneniñ Ramazan ayınıñ arfesinde açıluvı – timsal kibidir. Allah işiñizni sevaplarğa yazdırsın", - dep ayttı Raim Ğafarov. Yedi Quyu rayonınıñ imamı Rustem Memetov köy sakinleri ve rayon, köy memuriyetine vesiqalarnıñ resmiyleştirilüvinde destek köstergenleri içün, teşekkürler bildirdi. Cami imamı Amet Dervişev ise, öz nevbetinde, Qırım müsulmanları Diniy idaresine minnetdarlığını bildirip, camige kelgen insanlarnıñ sayısı ep artacağına ümüt besledi. [gallery link="file" columns="4" size="medium" ids="15797,15795,15793,15791,15789,15787,15785,15783,15781,15779,15777,15775,15773,15771,15769,15767,15765,15763,15761,15759,15757,15755,15753,15751,15749,15747,15745,15743,15741,15739,15737,15735,15733,15731,15729"]

Ramazannı bekler eken! (FOTO)

Опубликовано:

Aqmescitte çoq balalı qorantalarnıñ balaları içün Ramazan ayına bağışlanğan bala bayramı olıp keçti. Tedbir Qırım ve Sevastopol müsulmanları Diniy idaresiniñ qoltutuvı ile "Büllür" müsulman qadınlarınıñ birleşmesi tarafından teşkil etildi. Qırq qadar çoq balalı qorantalarnıñ azaları olğan 80 bala Qırımnıñ farqlı köşelerinden keldi. Teşkilâtçılar meraqlı programmanı azırladılar. Balalarnı animatorlar eglendirdi, bundan da ğayrı, musafirlerni, Ernest Prtıhovnıñ reberliginde "Nesil" ansambliniñ oyuncıları öz çıqışlarınen ayrette qaldırdı. "Emanet" vokal taqımınıñ iştirakçileri ilâhiler ve anağa bağışlanğan türkü icra ettiler. Bayramnıñ soñunda balalarğa bahşişlar, ana-babalarğa ise Ramazan ayına ğıda torbaları  berildi. QMDİ matbuat hızmeti [gallery link="file" columns="4" size="medium" ids="15821,15819,15817,15815,15813,15811,15809,15807,15805,15803,15801,15799"]

Aqmeçitte islâm kursları talebelerine Quranlar berildi

Опубликовано:

Aqmeçit qasabasında qurulğan camide islâm kursları mezunlarına tantanalı sürette Quran taqdim etildi Muqaddes kitapnı qadın kurslarınıñ sekiz talebesi aldı. Olar yedi ay devamında arap elifbesini, Quran oquvını ve İslâm  dini temelini ögrendiler. Qırım Müftisi adından qadınlarnı Aqmeçit regional imamı Löman Abduramanov hayırlap, ileride de diniy bilgi almaq  ve buña yaş nesilni celp etmek tiledi. Hatırlatamız ki, QMDİ "Faydalı ilim" maarif leyhası Quran oqumaqnıñ tez ögrenilüvi kurslarına davet ete. Programma eki usulda ömürge keçirile. Birincisi – "Ramazan devamında Quran oquvı". Dersler aftada eki kere 2,5 saat devamında ötkerile.  Oqutuv künleri: cumaaqşamı künü saat 17:00 ve bazar künü saat 10:00. Kurs mayıs 20 – iyün 25 künleri devam etecek. Adres: Aqmescit ş., Kurçatov, 4 soqağı, QMDİ konferents-zalı. Yazılmaq içün telefon nomerası: +7 (978) 031-75-60. Ekinci usul "Faydalı yaz!". Dersler aftada bir kere, bazar künleri saat 10:00-da başlana. Adres: Aqmescit ş., Pobeda caddesi, 128, QMDİ "Faydalı ilim" medeniy-maarif Merkezi. Yazılmaq içün telefon nomerası: +7 (978) 014-51-63.  Kurs üç ay – mayısnıñ 20-sinden – avgustnıñ 20-sine qadar – devam etecek: QMDİ matbuat hızmeti [gallery link="file" columns="4" size="medium" ids="15850,15848"]

Qırım Cümhuriyetiniñ başı ve qırımtatar halqınıñ Şura azaları 18 mayıs ile bağlı olğan tedbirlerniñ keçirilüvini muzakere ettiler

Опубликовано:

Qırım Müftisi haci Emirali Ablayev, qırımtatar halqı Şurasınıñ erkânında, Qırım Cümhuriyetiniñ Başı Sergey Aksönov ile körüşti.  Toplaşuv devamında, mayısnıñ 18-de keçirilecek, Qırımdan sürgün etilgenlerniñ hatırasına bağışlanğan matem tedbirleriniñ keçirilüvi muzakere etildi. Böyleliknen, tedbirlerniñ çerçivesinde, mayısnıñ 18-de saat 9-da Qırımnıñ çeşit bölgelerinde qoyulğan hatıra işaretleri yanında güldestelerniñ qoyuluvı keçirilecek. Saat 11-de Qırım Cümhuriyeti Bağçasaray rayonınıñ "Süren" demiryol stantsiyası etafında tedbir – rekviyem ötkerilecek.  Qırımnıñ bütün camilerinde cuma namazı devamında sürgünlik devamında elâk olğanlarnıñ ruhları dua ile añılacaq.  Saat 21-de Aqmescitteki Lenin meydanında "Yüregiñde ateş yaq" adlı ananeviy hatıra tedbiri keçirilecek.  Bundan ğayrı, Cümhuriyet Başı Sergey Aksönov, stalin sürgünligine oğrağan qurbanlarnıñ hatırasını pravoslav ibadet evlerinde de añmaq tevsiye etti. Sergey Aksönov, din ve millet mensüpligine baqmadan, Qırımdan sürgün etilgen halqlar Hatıra kününiñ  büyük emiyetini qayd etti. Cümhuriyet Başlığı "Mayıs 18-niñ  – yalıñız qırımtatarlar içün degil, Qırım Cümhuriyeti ve Rusiye içün emiti büyüktir.  Adet üzre, akimiyet vekilleri bu matem tedbirlerinde daima iştirak eteler. Bu kün – sürgünlik qurbanları aileleriniñ azalarını, tanışlarını, yaqınlarını  añmaq imkân bere. Amma aynı zamanda bu kün – qırımtatar halqı medeniyetiniñ, ananeleriniñ  inikişaf etüv  yolundaki umumiy işbirligimizdir. Eñ esası şu ki, böyle şeylerniñ tekrarlanmasına yol iç bir vaqıt berilmesin", dep ilâve etti. QMDİ matbuat merkezi (foto) Qırım Cümhuriyeti Başlığınıñ informatsiya ve matbuat merkezi İdaresi [gallery link="file" columns="4" size="medium" ids="15827,15837,15835,15833,15831,15829"]  

«Hoş keldiñ, mübarek Ramazan!» bayramı balalarnı quvandırdı (FOTO)

Опубликовано:

Qırım ve Sevastopol şeeri müsulmanları Diniy İdaresiniñ erkânında faaliyet köstergen "Faydalı ilim" leyhası çerçivesinde "Hoş keldiñ, mubarek Ramazan!" adlı bayram keçirildi. Balalar, ösmürler ve ana-babalar içün tekşil etilgen  bu tantanalı tedbir endi ananeviy oldı ve üçünci sefer ötkerile. Teşkilâtçılar yüksek seviyedeki azırlıq kördi. Musafirler ögünde "Emanet" adlı taqım çıqışta bulundı. "Emanet" er kes ile birlikte özüniñ 1 –yıllıq küçük yubileyini qayd etti. Bu qısqa vaqıt devamında solist-balalar endi bir çoq şey ögrenip, ustalıq ile  ilâhi, yır ve şiir icra eteler, çeşit tedbir ve bayramlarda iştirak eteler, klip çekip azırlaylar. Keçirilgen bayramda "Nesil" oyun taqımınıñ oyuncıları (reber – Ernest Prtıhov) milliy ve milliy üslüpteki zemaneviy oyunlar taqdim etti. "Faydalı ilim" leyhasınıñ ve teşkilâtçılarnıñ reberi, İslâm dini esasları ocası Zeyneb Bairovanıñ aytqanına köre, esas maqsat – balalarğa "11 aynıñ Sultanı" -  Ramazan ayınıñ emiyetini, faziletini añlatıp, oña nisbeten sevgi  ve ilerideki hayatta da olarğa fayda ketirecek degerliklerni aşlamaqtır. Zeyneb Bairova: "Biz , ana-baba olaraq, elbette ki, balalırımızğa bu mevzuda kitap, ikâyeler, qıssalar oqup beremiz, subetler keçiremiz, kendimiz de ibadet meselesinde örnek olmaq tırışamız. Amma bu soy bayramlar balalarnı birleştire, olarğa bu muqaddes aynıñ quvançını ve tılsımlığını is etmek imkân asıl ete", dep qayd etti. "Faydalı ilim" ile endi daimiy sürette işbirlik yapqan "Pole çudes" adlı bala bayramınıñ Studiyası ,  unutılımaz teessurat ve hoş eglence kösterip, tedbirni yaraştırdı. Oğlan balaları içün keçirilgen armresling boyunca yarış da olarğa kendi küçü ve iradesini sınap baqmq imkân berdi.  Bundan ğayrı, teşkil etilgen küçük Planetariyde balalar uçqan yıldız ve çeşit renkli seyyarelerni körip oldı. Analarnıñ çoqusı qayd etkenlerine köre, bu bayramğa balalarını endi başından berli, üçünci kere alıp kele. Ve er sefer güzel ve hoş duyğular ile qayta. İlki kelgen ana-babalar ise, oqutuv-maarif Merkezinde em İslâm dini boyunca, em mektepke azırlıq dersleri de keçirilgenini bildiler. Olarğa ocalar tarafından kerekli tavsilâtlı malümat berildi. Bayram çerçivesinde milliy üslüpte el işi örnekleri sergisi keçirildi. Aynı zamanda, fes tikip azırlamaq ve çeşit renkli qurabye yapmaq kibi master-klass kösterildi. Küçük hanım efendilerniñ elleri ise qına resimleri ile bezetildi. Soñunda er keske bahşiş ve yarış ğaliplerine ediyeler  taqdim etildi. QMDİ matbuat-merkezi [gallery link="file" columns="4" size="medium" ids="15690,15688,15686,15684,15682,15680,15678,15676,15674,15672,15670,15668,15666,15664,15662,15660,15658,15656,15654,15652,15650,15648,15646,15644,15642,15640,15638,15636,15634,15632,15630,15628,15626,15624,15622,15620,15618,15616,15614,15612"]