Haberler - Page 3 of 81 - ЦРО ДУМКЦРО ДУМК | Страница 3

Суббота

04

декабря

29
Ребиу'ль-ахир
1443 | 2021
Утр.6:31
Вос.7:55
Обед.12:39
Пол.14:44
Веч.17:13
Ноч.18:36
Времена намазов
Календарь 2021г

Намаз

Haberler - Page 3 of 81 - ЦРО ДУМК

Qırım Müftisiniñ Ocalar kününen hayırlavı

Опубликовано:

Ürmetli ocalar! Qırım Cumhuriyeti ve Sevastopol şeeri musulmanları diniy idaresi adından ve şahsen öz adımdan Sizni zenaat bayramıñıznen hayırlayım! Şu müim künde sizni aydın ve güzel bayram munasebetinen tebrikleyim! Siziñ zenaatıñız – ğayretleriñiz sayesinde bilgige sevgi aşlağan, yañı ilimlerni ögrenmege istek doğurğan bir meslek, bir ğonül alıdır. İlim ve bilgi – Yüce Rabbimiz tarafından berilgen bir nimettir, insaniyet ise, ileri ketmesi içün ocalarğa minnetdar olmalı. İslâm medeniyetinde oca zenaatı eñ müim ve büyüktir, çünki cemiyetniñ maneviyatı ocanen bağlı, onıñ tesiri bütün cemiyetni, milletni ve, atta, bütün dünyanı qavrap ala. Ocanıñ cemiyet ve Rabbimiz ögünde büyük mesülieti bar – talebelerine doğru bilgi bermek ve güzel, liyaqatlı nesilni terbiye etmektir. Men, oca zenaatını saylağan er kesge Rabbimizniñ rahmetini ve razılığını qazanmasını tileyim, maarif yolunda yapqan emekleri içün Allah olarnı mukâfatlandırsın. İnsan içün emeginiñ neticelerini körmek ve olarnen paylaşmaq – büyük bir bahttır! Allah Sizge qaviy sağlıq, qorantalarıñızğa amanlıq ve muabbetlik bersin, işiñizde muvafaqiyetler ve istidatlı talebeler nasip eylesin! Qırım Müftisi Hacı Emirali Ablayev

Qırım Müftiliginde daa bir “Elâl” sertifikatı berildi

Опубликовано:

Qırım Cumhuriyeti ve Sevastopol şeeri musulmanları diniy idaresinde "Shukur" ticariy markasınıñ vekiline elâllıq sertifikatı berildi. Elâllıq sertifikatsiya ve standartizatsiya vesiqası "Shukur" TM vekili Bucurova Sadet Sabriyevnağa Qırım Müftisiniñ muavini Ayder İsmailov tarafından taqdim etildi. O, cemiyetniñ eyiligi ve Yüce Rabbiniñ razılığı içün muvafaqiyetli çalışmalar tiledi. "Elâl" sertifikatı – Rabbimiz ögünde mesüliet ve insanlar içün hayırlısını yapmaq istegidir. Allah işiñizde yardımcı olsun", – dedi Ayder İsmailov. "Shukur" TM konditer mahsulatlarını ve tatlılıqlarnı azırlap sata: yüzüm qurusı ve şokoladlı keksler, mürebbeli boynuzlar, penirli haçapuri, baqlava, indistan baqlavası, çaq-çaq. "Shukur" TM-niñ istihsal atelyesi Aqmescit şeeri, Glinka, 55 adresi boyunca yerleşe. Qırım MDİ matbuat hızmeti

Qırım Müftiligi ocalar arasında Abdul Teyfuq adına futbol turnirine destek kösterdi (FOTO)

Опубликовано:

Aqmescitte umumtahsil mektepleriniñ ocaları arasında Sovetler Birliginiñ Qaramanı Abdul Teyfuq adına futbol turniri olıp keçti. Yarış Ocalar kününe bağışlanıp keçti. Futbol yarışı ötkerilmesiniñ teşebbüsçisi tarihçı, cemaat erbabı Asmanov Reşat Rasuloviç Qırım Cumhuriyeti ve Sevastopol şeeri musulmanları diniy idaresiniñ destegi ile teşkil etti. Turnir Qırım Cumhuriyetiniñ tahsil, ilim ve yaşlar nazirligi, Qırım medeniyet nazirligi ve Qırım Cumhuriyetiniñ futbol birleşmesiniñ qol tutuvı ile ötkerildi. Turnirde Aqmescit, Bağçasaray, Qarasuvbazar, Qurman, Krasnoperekopsk rayonlarınıñ ocaları iştirak etti. Yarış başlanmadan evel selâmlav sözünen Qırım Müftisiniñ muavini Ayder İsmailov çıqışta bulundı. O, yarış iştirakçilerini Ocalar kününen hayırlap, oca zenaatı er zaman eñ müim zenaatlardan biri olğanını ayrıca qayd etti. "Ulu Vatan cenkinde ocalar büyük isse qoşqanınen ğururlanam, bugün de biz Sovetler Birliginiñ qaramanı Abdul Teyfuqnı añamız. O da oca edi. Yaş nesilge vatanperverlikni, diniy degerlerni aşlamaq, qaramanlarımıznı populârlaştırmaq – bizim maqsadımızdır, ve biz, Qırım musulmanlarınıñ diniy idaresi olaraq, şu hayırlı işke öz issemizni qoşamız", – dedi Ayder İsmailov. Bundan da ğayrı, o, tedbirni teşkil etmege yardım etken er kesge ve şahsen Reşat Rasuloviç Asmanovğa teşebbüsi içün teşekkür bildirdi. İcadiy taqımlarnıñ iştiraginen olıp keçken qısqa kontsertten soñ turnir başlandı. Oyun eki meydanda keçirildi, taqımlar bir-birine kirişip, ardı-sıra gol urulacaq allarnı kösterdiler ve gollar urdılar. Turnirniñ neticesinde ğalipler belgilendi. Sovetler Birliginiñ qaramanı Abdul Teyfuq adına cumhuriyet turniriniñ ğalip taqımı – Qarasuvbazar rayonınıñ ocaları oldı. Ekinci yerni Qurman rayonınıñ ocaları, üçünci yerni Kezlev rayonınıñ ocaları qazandılar, dörtünci yerge ise, Canköy rayonınıñ ocaları nail oldı. "Bütün taqımlar yahşı azırlandı, oyun meraqlı oldı, er şey dostane müitte keçti. Bu güzel futbol yarışı oldı", – dedi Reşat Asmanov. Buña ilâve olaraq, o, Qırım Müftiligine destegi içün teşekkürini bildirdi. Abdul Teyfuq adına ocalar arasında futbol yarışı Qırım Cumhuriyeti futbol federatsiyasınıñ destegi ile bundan soñra er yıl keçirilecektir. İhtar: Abdul Teyfuq Amitoviç 1915 senesi Tavriya güberniyası Yalta uyezdiniñ Partenit köyünde, 1904-1905 seneleri olıp keçken rus-yapon cenki iştirakçisiniñ qorantasında dünyağa keldi. Milliyeti – qırımtatar. Partenitte sekiz yıllıq mektepni bitirgen soñ, 1935 senesi Yalta pedagogik tehnikumını yekünledi, soñra ise, 1939 senesi M.V. Frunze adına Qırım devlet pedagogika institutınıñ qırımtatar filologiyası fakultetinde tahsil aldı. 1937 senesinden başlap, oquşnen birlikte oca olıp çalıştı, Aluşta rayonında mektep müdiri ve mektep inspektorı edi. 1941 senesinden başlap, Ulu Vatan cenkinde iştirak etti. 1943 senesi dekabr 20 künü Sovetler Birliginiñ qaramanı unvanını aldı. 1945 senesiniñ mart ayında Lehistandaki uruşlarda elâk oldı. Qırım MDİ matbuat hızmeti [gallery link="file" columns="4" size="medium" ids="51622,51618,51616,51620,51614,51612,51610,51608,51606,51604,51602,51600,51598,51596,51594,51592,51590,51588,51586,51582,51580,51578,51576,51574,51572,51570,51568,51566,51564,51562,51560,51558,51556,51554,51552,51550,51548,51546,51526,51522,51520,51518,51504,51496,51498"]

Qarasuvbazarda et tükânları ağı “Elâl” sertifikatını aldı (FOTO)

Опубликовано:

Qarasuvbazarda "Mâsniçok" ("Qasapçıq") et tükânları ağı elâllıq sertifikatını aldı. İş adamı İdrisov Timur Serveroviçke Qırım Cumhuriyeti ve Sevastopol şeeri musulmanları diniy idaresiniñ sertifikatsiya ve standartizatsiya merkeziniñ vesiqasını Qırım Müftisi hacı Emirali Ablayev taqdim etti. O, iş adamına muvafaqiyetli çalışmalar, müşterilerniñ işançını ve yüksek hızmet seviyesini saqlamaqnı, insanlarnıñ eyiligi içün çalışmalar tiledi. "Elâl – Rabbimiz ögünde ve, neticede, insanlar ögünde büyük mesüliettir. İslâm qaideleri boyunca çalışmağa istegen iş adamlarnıñ sayısı artqanı pek quvandırıcı bir aldır, demek, Qırım elâl sanayısı inkişaf etken bölgeler sırasında özüne lâyıq degerli bir yerni alacaqtır", – dedi Müfti efendi. "Mâsniçok" elâl tükânlar ağı elâllıq qaideleri boyunca çalışa. Timur İdrisovnıñ sözlerine köre, tükânlar yañı şekilde çalışmağa planlaştıra, bunıñ içün tükânlarda yañı donatmalar qoyuldı, müşterilernen mahsus ögretilgen hadimler çalışacaq. Elâl et tükânları yarı azır et mahsulatlarını, steyklerni, kebaplıq etlerni teklif ete, ileride ise, islengen tavuq, qoy ve tuvar etinden delikatesler yapmaq planlaştırıla. Tükânlarğa et Qırım otlaqlarından yetip kele. Bundan da ğayrı, "Mâsniçok" elâl et tükânları ağı müşterilerine ufaq aş, mantı ve diger el hamur aşlarını, kolbasa mahsulatlarını, souslarnı, marinadlarnı, baharatlarnı, turşularnı teklif ete. "Mâsniçok" ağına kirgen tükânlar Qarasuvbazar şeerinde Lunaçarskogo soq, 45-b, "Dobrotsen" TM, N. Boyko soq., 19, ve şeerniñ merkezinde Kirova, 126 adresleri boyunca çalışa. Qırım MDİ matbuat hızmeti

“Napoleon” tortunı çıqarğan şirket “Elâl” sertifikatını aldı (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde iş adamı, konditer mahsulatlarınıñ istihsalcısı Şahiyeva Ölga İvanovnağa elâllıq sertifikatı berildi. Şirket "Napoleon" tortunı, biskvit tortlarını, büşe ve qurabiyelerni azırlap sata. İş adamına sertifikatını Qırım ve Sevastopol Müftisi hacı Emirali Ablayev taqdim etti. O, qayd etti ki, elâllıq qaideleri boyunca çalışqan iş adamlar eñ güzel şeyni – olarnıñ mahsulatlarını alğan insanlarnıñ işançını qazana. "İş adamlarnıñ elâllıq standartları boyunca çalışmaq istekleri bizni quvandıra, bu müşterilerge nisbeten mesülietniñ ve insanlarğa nisbeten ürmetniñ köstergiçidir". Qırım MDİ matbuat hızmeti

Aqmescit rayonında “Elâl” sertifikatlı aşaytlarnı satın almaq mümkün (FOTO)

Опубликовано:

Aqmescit rayonınıñ "Terekli" yerli din cemiyeti "Nur elyal tukyan" tükânı arqalı aşayt mahsulatlarınıñ satıluvı içün elâllıq sertifikatını aldı. Qırım Cumhuriyeti ve Sevastopol şeeri musulmanları diniy idaresiniñ "Elâl" sertifikatsiya ve standartizatsiya merkeziniñ sertifikatını Aqmescit rayonı Terek Eli köyüniñ imamı Enver Memetovğa Qırım Müftisi hacı Emirali Ablayev taqdim etti. Qırım Müftisi Enver Memetovğa insanlarnıñ eyiligi içün ve Allahnıñ razılığını qazanmaq içün çalışmaqlar tiledi. Tükânda kolbas mahsulatları, yarı azır mahsulatlar, tavuq eti, süt mahsulatları ve şarq tatlılıqları satıla. Qırım MDİ matbuat hızmeti

Aqmescitte elâl qavehanelerniñ sayısı arttı (FOTO)

Опубликовано:

Aqmescit sakinleri ve musafirleri arasında populâr olğan "Simurg" qavehanesi elâllıq sertifikatını aldı. Qırım Cumhuriyeti ve Sevastopol şeeri musulmanları diniy idaresiniñ "Elâl" sertifikatsiya ve standartizatsiya merkezi tarafından berilgen sertifikatnı qavehane vekili aldı. "Simurg" qavehanesi Aqmescit şeeri, Tihiy aralığı, 3 adresi boyunca yerleşe. Sertifikatnı Qırım Müftisiniñ muavini Ayder İsmailov taqdim etip, iş adamına insanlarnıñ eyiligi ve Allahnıñ razılığını qazanmaq içün muvafaqiyetli çalışmalar tiledi. "Simurg" qavehanesi musafirlerine birinci ve ekinci sıcaq aşlarnı, qavaltılıq aşlarnı, etli yemeklerni, et ve deñiz salatlarnı teklif ete. Qırım MDİ matbuat hızmeti

İslâm bugün: Qırım Federal Universitetinde talebelerniñ iştiraki ile “tögerek masa” ötkerildi (FOTO)

Опубликовано:

Qırım Cumhuriyeti ve Sevastopol şeeri Müftisiniñ muavini Ayder İsmailov "İslâm bugün" mevzusında "tögerek masanıñ" oturuşında iştirak etti. Tedbir 2021 senesi, sentâbr 23 künü V.İ. Vernadskiy adına Qırım Federal Universitetinde olıp keçti. Tedbirde Aqmescit şeer memuriyetiniñ vekilleri, V.İ. Vernadskiy adına QFU-niñ ocaları, felsefe fakulteti dinşınaslıq kafedrasınıñ talebeleri ve çeşit ekspertler iştirak ettiler. "Tögerek masanıñ" esnasında Ayder İsmailov Qırım Cumhuriyeti ve Sevastopol şeeri musulmanları diniy idaresiniñ ealiniñ diniy maarifi saasındaki faaliyeti ve diniy hadimlerniñ cumhuriyet bölgelerinde alıp barğan işleri aqqında tarif etti. "Müftilik işini daimiy alıp bara. Televideniyede ve radioda diniy maarif programmaları alıp barıla, gazeta ve jurnal derc etile. Qırım MDİ yanında balalar ve ösmürlernen din, urf-adet ve tuvğan tilniñ ögrenilüvi boyunca dersler keçirile. Bölgelerge imamlar içün cuma hutbelerini yollaymız ve ğayeviy işniñ ananeviy diniy añlayışta alıp barılmasına nezaret etemiz. İmamlarımız apishanelerni ziyaret ete, tahqiqattan keçken ve mahküm musulmanlar içün lektsiyalar ve seminarlar keçire. Bundan da ğayrı, camige kelgen musulmanlarnıñ havfsızlığını temin etmek içün ibadet yerleriniñ antiterroristik pasportları azırlanıp alına", – bildirdi Ayder İsmailov. Ayder İsmailov "sual-cevap" şekilinde destruktiv diniy aqımlarnıñ, hususan, Hizbu’t-tahrir fırqasınıñ (RF-da yasaq olunğan teşkilât) yıqıcı tesiri ve Müftilikniñ şu mevzuda mevamı, milliy medeniy mirasımızğa ait diniy binalarnıñ Qırım Müftiliginiñ mülkiyetine qaytarıluvı, halqlarara ve ümmet içindeki davalar, rezonans vaqialarnıñ aydınlatıluvı meselesinde kütleviy matbuat vastalarınıñ rolü, tsenzura, İslâmda qadınnıñ yeri aqqında tarif etti, ve ayrıca qayd etti ki, "İslâm qadınğa aqlarını ve er kişi sıfatında oña qorçalayıcısını berdi". Qazan ve Permde olıp keçken facialı vaqialar aqqında Ayder İsmailov qayd etti ki, bu cinayetler "Kolumbayn" submedeniyetiniñ tesiri altında yapılğan. Şu submedeniyet adını 1999 senesi Amerika Birleşken Ştatlarındaki Kolumbayn mektebinde ilk sefer şu mektepniñ talebeleri işbu mektepte oquğan diger talebelerge silâhlı ücüm yapqanlarından alğan. Onıñ içün yaşlarnıñ ğayeviy havfsızlığı boyunca yapılğan iş diniy ve tahsil teşkilâtlarınıñ faaliyetinde müim yer almaqta. Toplaşuv esnasında milletlerara ve dinlerara munasebetlerniñ eyileşüvi ve Aqmescit memuriyetiniñ Qırım Cumhuriyeti ve Sevastopol şeeri musulmanları diniy idaresi ile işbirligi boyunca meseleler muzakere etildi. Hususan, Milletlerara munasebetler şurasınıñ faaliyeti, kütleviy medeniy tedbirlerniñ ötkerilmesi, sportiv yarışlar ve hayriye aktsiyaları, ekstremizm ve terrorizmge qarşı yapılğan iş aqqında tarif etildi. "Tögerek masanıñ" soñunda teşkilâtçılar ve talebeler Ayder İsmailovğa suallerge tafsilâtlı cevaplar bergeni içün teşekkür bildirdiler. Qırım MDİ matbuat hızmeti [gallery link="file" columns="4" size="medium" ids="51353,51351,51349,51347,51345,51343"]

“Hanno Keysings” şirketi elâllıq sertifikatını aldı (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde "Hanno Keysings" şirketine elâllıq sertifikatı taqdim etildi. Kezlevde yerleşken şirket qoylarnıñ ve büyük baş ayvanlarnıñ içeklerinden et mahsulatları içün zar işlep çıqara. Sertifikatnı Qırım Müftisiniñ muavini Ayder İsmailov taqdim etti. O, iş adamına işlep çıqarğan mahsulatlarına nisbeten köstergen mesülieti içün teşekkür bildirip, cemiyetniñ eyiligi içün çalışmaqlar tiledi. Qırım Cumhuriyeti ve Sevastopol şeeri musulmanları diniy idaresiniñ "Elâl" sertifikatsiya ve standartizatsiya merkezi tarafından berilgen sertifikat bir yılğa taqdim etile, soñra ise, onı devam ettirmek mümkün. Qırım MDİ matbuat hızmeti

“Temiz” Qırım ticariy markası elâllıq sertifikatını aldı (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresiniñ "Elâl" sertifikatsiya ve standartizatsiya merkezi "Temiz" ticariy markasınıñ vekili, iş adamı Aliyev Marlen Seitâhyayeviçke elâllıq sertifikatını taqdim etti. "Temiz" şirketi kolbas mahsulatlarını ve delikateslerni azırlap sata. Hususan, ayvan ve quş etinden, yarı isli, çiy isli, çiy soluq kolbasa mahsulatları, ayvan ve quş etinden delikatesler istihmal etile. Qırım Cumhuriyeti ve Sevastopol şeeri musulmanları diniy idaresiniñ "Elâl" sertifikatsiya ve standartizatsiya merkeziniñ hadimleri şirkette mahsulatlarnıñ işlep çıqarıluvınıñ şaraiti, mahsus donatmanıñ işi ve binanıñ baqıluvı boyunca talimatnı keçirip, konsultativ yardımnı kösterdiler. QMDİ "Elâl" sertifikatsiya ve standartizatsiya merkezi tarafından qabul etilgen "Büyük baş ve kiçik baş ayvanlarnıñ soyuluvı qaideleri" yerine ketirilgen soñ, mezkür vesiqa iş adamına taqdim etildi. Sertifikat bir yıl devamında keçerlidir, bundan soñ onı devam ettirmek mümkün. Qırım MDİ matbuat hızmeti

Qırım Müftisi mahkümlerniñ ricası ile apishanege Quranlar teslim etti (FOTO)

Опубликовано:

Aqmescitniñ baş imamı, Qırım Cumhuriyeti ve Sevastopol şeeri Müftisiniñ QC ve Sevastopol şeeri boyunca ÜFSİN ile işbirlik boyunca yardımcısı Muhammed İslamov ve RF QC ve Sevastopol şeeri boyunca ÜFSİN başlığınıñ inanğanlar ile işniñ teşkil etilüvi boyunca yardımcısı protoiyerey Roman Tsurkan Aqmescitniñ tahqiqat izolâtorını ziyaret etip, mında dinlerara iş taqımınıñ Ural bölgesindeki Perm şeerinde yüz bergen facialı vaqiağa bağışlanğan acele muşavereni keçirdiler. Apishane ziyaretleri devamında imam ve protoiyerey mahkümlerge lektsiya oqudılar. "Biz, musulman ve ortodoks hristian diniy erbaplarınıñ temsilcileri olaraq, evel Qazanda, bu sefer ise, Permde esas faktorı radikalizm ve radikal ateizm olğan şu facialı vaqialarğa qıymet kestik. Cinayetni yapqan yaşlar iç bir dinni kütmey ediler, olar digerlerni yaşayıştan mahrum qaldırmaq aqqına saip olğanını sanğan radikal ateist edi. İnançsızlıq, yüreklerde dinniñ ve merhametlikniñ yoqluğı dehşetli cinayetlerge ketire bile", – dep, qayd etti Muhammed İslamov. Daa evel Qırım Müftiligine imamnen körüşmek isteginen muracaat etken mahkümlerniñ ricası üzre, Muhammed İslamov Qırım ve Sevastopol Müftisi hacı Emirali Ablayev adından olarğa Quran-ı Kerimniñ asıl metinnen rus tiline tercimesi olğan eki nushasını taqdim etti. "Biz mahkümlernen suhbetleştik, olarnıñ diniy mevzuda çoq sualleri toplandı, ümüt etem ki, Quran oquvı olarğa maneviy ceetten yañılanmağa ve doğru yolğa turmağa yardım eter", – dedi Muhammed İslamov. Buña ilâve olaraq, o, tedbirni teşkil etmege yardım etken Rusiyeniñ Qırım Cumhuriyeti ve Sevastopol şeeri boyunca FKU SİZO-1 başlığınıñ muavini Marat Safarovğa, Rusiyeniñ Qırım Cumhuriyeti ve Sevastopol şeeri boyunca FKU SİZO-1-da zanlılar, qabaatlanğanlar ve mahküm etilgenler ile terbiye işiniñ alıp barılması boyunca bölükniñ rehberi, içki hızmet mayorı Asan Mujdabayevğa, Rusiyede QC ve Sevastopol şeeri boyunca FKU SİZO-1-da zanlılar, qabaatlanğanlar ve mahküm etilgenler ile terbiye işiniñ alıp barılması boyunca bölükniñ rehberi vazifesini vaqıtınca icra etken Aleksey Bogdanovğa teşekkür bildirdi. Qırım MDİ matbuat hızmeti [gallery link="file" columns="4" size="medium" ids="51336,51334,51332,51330"]

“İlâhiyat tahsili – devletniñ maneviy inkişafınıñ temelidir”, – Esadullah Bairov (FOTO)

Опубликовано:

Qırım Cumhuriyeti ve Sevastopol şeeri Müftisiniñ muavini Esadullah Bairov "İlâhiyat tahsili: müşküller ve inkişaf perspektivaları" mevzusında Dağıstan Cumhuriyetiniñ paytahtı Mahaçqala şeerinde olıp keçken III Bütünrusiye ilmiy ameliy konferentsiyasınıñ oturışında iştirak etip, Qırım Müftisi hacı Emirali Ablayev adından selâmlav sözlerinen çıqışta bulundı. O, forum iştirakçilerine bölgeler arasında semereli çalışmalar ve muvafaqiyetli işbirlik tiledi. İlmiy tedbirde devlet akimiyet organlarınıñ temsilcileri, ilmiye ziyalıları, din ve cemaat erbapları, kütleviy matbuat vastaları iştirak ettiler. Oturış devamında Rusiyede ilâhiyat tahsiliniñ inkişafı boyunca aktual meseleler muzakere etildi, kelecek müddetke iş planı tizildi. Resmiy ziyareti devamında Bairov ananeviy şekilde Dağıstanda yaş musulman ve hristian ortodoks ilâhiyatçılarnıñ iştiraki ile keçirilgen yaş ilâhiyatçı forumını da ziyaret etti. Onıñ qayd etkenine köre, işbu forum yaş ilâhiyatçılarğa bugünki künde aktual olğan meselelerni muzakere etmek, işdeşlernen tanış olmaq ve kelecek işbirlik içün temel atmaq içün unikal imkân bere. "İlâhiyat tahsili – devletniñ maneviy ahlâqiy inkişafınıñ temelidir, ve, demek ki, cemiyetniñ havfsızlığı, ahlâqiy degerlerniñ, medeniy ananelerniñ ve vatanperverlikniñ saqlanıluvı ve pekitilüvidir", – dedi Esadullah Bairov. Bundan da ğayrı, forum çerçivesinde Qırım ve Sevastopol Müftisiniñ muavini yetekçi mütehassıslar Vâçeslav Polosin, Rafiq Muhametşin ve  İbragim İbragimov tarafından azırlanğan "Musulmanlarnıñ vatandaşlıq kimligi" oqutuv qullanmasınıñ taqdimnamesinde iştirak etti. "Rusiyeniñ bir qaç bölgesindeki İslâm oquv yurtları şu qullanmanen artıq tanış oldılar, eminim ki, yaqında o Qırımğa da kelecek. Qullanmanıñ maqsadı – daa çoq insan bilsin, seslensin ve kelecek işlerde iştirak etsin, islâmiy oquv yurtları da onı artıq öz işlerinde qullansın", – dedi Esadullah Bairov. Dağıstan ziyareti esnasında Esadullah Bairov forum musafirleri eyeti erkânında Mahaçqalada İsa peyğamber adına Diniy merkezniñ qurucılıq meydanını ve Muhammed peyğamber adına camini ziyaret etti. "Bugün Dağıstan, Rusiyeniñ bir çoq bölgesi kibi, musulman cemiyetiniñ barışıqlıq içinde inkişafınıñ örnegidir. Şu meselede cumhuriyet müftisi Ahmad hacı Abdullayeniñ ikmetli ve ölçüli faaliyeti ve, elbette ki, devlet organlarınıñ yapıcı mevamı, er ekisiniñ işbirlik içinde çalışmaları ğayet müimdir", – dedi Esadullah Bairov. Konferentsiya rezolütsiyanıñ qabul etilüvi ile yekünlendi. Qırım MDİ matbuat hızmeti [gallery link="file" columns="4" size="medium" ids="51314,51328,51326,51324,51322,51320,51318,51316"]