Haberler - Page 29 of 54 - ЦРО ДУМКЦРО ДУМК | Страница 29

Вс

31

мая

8
Шевваль
1441 | 2020
Утр.2:59
Вос.4:50
Обед.12:46
Пол.16:49
Веч.20:32
Ноч.22:23
Времена намазов
Календари 2020г

Намаз

Haberler - Page 29 of 54 - ЦРО ДУМК

Keriç civarındaki Canıköy qasabasında cami qurulacaq (FOTO)

Опубликовано:

Keriçte Qırım müsulmanları Diniy idaresiniñ vekilleri ve Keriç şeeri memuriyetiniñ milletlerara munasebetler, mülk ve topraq munasebetleri İdaresi bölüginiñ temsilcileri ile körüşüvni keçirdi. İş körüşüvinde Keriç imamı Marlen Acaripov da iştirak etti. Tedbir çerçivesinde Canıköy qasabasında qırımtatarlar toplu yaşağan yerde caminiñ quruluvı içün topraq damartasınıñ resmiyleştirilüvi meselesi muzakere etildi. Al-azırda Keriç şeeriniñ memuriyeti topraq damartasını tasdıqladı, kadastr pasportı berildi ve topraqnen ücretsiz qullanuv aqqında añlaşma azırlandı, yaqında añlaşma Qırım MDİ berilecek. Muşavere iştirakçileri cami qurulacaq yerge barıp, qasaba sakinlerini planlarnen ve caminiñ maketinen tanış ettiler. QMDİ matbuat hızmeti [gallery link="file" columns="4" size="medium" ids="17295,17293,17291,17289,17287"]

Mumaş köyünde Quran oquvı kursları açıla

Опубликовано:

Qarasuvbazar rayonınıñ Mumaş köyünde balalar ve qadınlar içün Quran kursları açıla. Dersler iyül 1 künü 2018 senesi başlanacaq ve er bazar künü keçirilecek. İstegenler davet etile. Yazılmaq içün telefon: +7 (978) 063-64-71‬   QMDİ matbuat hızmeti

Müsulman din erbapları hatıra ve qaar Kününe bağışlanğan tedbirlerde iştirak etti (FOTO)

Опубликовано:

İyunniñ 22-sinde, cumaaqşamı künü, Aqmescitte hatıra ve qaar Kününe bağışlanğan tedbirler olıp keçti. Yu. Gagarin adına parkta belgisiz sayılğan arbiyniñ mezarlığı yanında Qırım akimiyetiniñ vekilleri, nazirliklerniñ hadimleri, veteranlar, mektep talebeleri, teşkilâtlar ve siyasiy birleşmelerniñ azaları, FVN (MÇS), İİN (MVD) hadimleri toplaştı. Tedbirde Aqmescit rayonınıñ imamı Raim Ğafarov iştirak etti. O, Qırım Müftisi hacı Emirali Ablayev adından kelgenlerni selâmladı ve dua oqudı. "Bugün epimiz içün qaar künü. 77 yıl evelsi sovet şeer ve köylerine bombalar atıldı, adiy insanlar can berdiler. Bu deşetli künler edi. Amma bizim halqımız dayandı ve ğalip çıqtı. Ölüm ve qayğı yollarından keçip, ğalebeni qazandı. Bugünki kün ise hatıramızda barışıqnıñ qadiri aqqında bir hatırlatma kibi qalacaq. Cenk - insannıñ ömürinde eñ deşetli şeylerden biridir. Ve biz evimizge cenk kelmesin, dep qollarımızdan kelgenini yapmalımız", - dep ayttı Raim Ğafarov. Bundan soñ iştirakçiler memorialğa çeçekler qoyıp, Ulu Vetan cenkinde elâk olğanlarnı sükünet daqqası ile añdılar. QMDİ matbuat hızmeti [gallery link="file" columns="4" size="medium" ids="17317,17315,17313,17311,17309,17307"]  

UFSİN bölüklerinde mahküm etilgen musulmanlar Oraza bayramını qayd ettiler

Опубликовано:

Oraza bayramınıñ qayd etilüvi munasebeti ile 1-sanlı taqiqat izolâtorı ve Rusiyeniñ Qırım ve Sevastopol şeerindeki 1-sanlı ÜFSİN tüzetüv cezahanesini Qırım Müftisiniñ Qırım ve Sevastopol şeeri boyunca cezalarnıñ yerine ketirilüvi Federal hızmeti ile işbirlik boyunca yardımcısı Muhammed İslamov ve onıñ yardımcısı İbraim Zinedinov ziyaret ettiler. Tüzetüv müessiselerinde ve taqiqat izolâtorlarında mabüslar ve hadimler içün bayram sofrası donatıldı. Ziyaret çerçivesinde Muhammed İslamov, Qırım Müftisi hacı Emirali Ablayev adından müsulmanlarğa selâmlar ayttı. Cezahane territoriyasında QMDİ destegi ile müsulmanlar tarafından qurulğan camide Muhammed İslamov namaznı keçirip, mabüslarğa sağlıq ve tezce azat etilip, evleri ve qorantalarına qaytmağa tiledi. Bundan da ğayrı, QMDİ hadimleri Keriçte yerleşken İK №2 ziyaret ettiler, mında mabüslarnı tatlılar ve diger ziyafetler ile siyladılar. Muhammed İslamov dua keçirip, diniy terrorizm ve ekstremiznen küreş aqqında lektsiya oqudı. Qırım müsulmanlar Diniy idaresi Qırım Cümhuriyeti ve Sevastopol şeeri boyunca UFSİN başı, general-mayor Vadim Bulgakovğa tedbirlerniñ keçirilmesinde destek köstergeni içün, teşekkürler bildire. QMDİ matbuat hızmeti

Qırım Müftisi Qarasuvbazardaki vandallıq areketlerine menfiy qıymet kesti (FOTO)

Опубликовано:

Qırım Müftisi hacı Emirali Ablayev Qasasuvbazarnıñ merkeziy camisinde olıp keçken vandallıq areketlerine eñ yüksek derecedeki menfiy qıymet kesti. Mında iyünniñ 18-19-na bağlağan gece caminiñ qorasında svastika resimi ve küfür sözler yazıldı. Müfti: "Müsulmanlar kendi camilerine muqaytlıqnen davranalar, bu kibi areketlerni cemiyette stabillikni bozmaq içün yapılğan provokatsiya, dep adlandırmaq mümkün. Soñki dört yıl devamında bu kibi provokatsiyalar yapılmadı. Devamlı sükünetten soñ bizni kene milletler ve dinlerara çatışması vaqıtına qaytarmaq isteyler. Bazı küçler Qırımdaki stabillikni bozmaq niyetindedir ve maqsadına yetmek içün, atta alçaq, pis yollarnı qullana. Amma yarımada sakinleri ikmet kösterip, bu kibi provokatsiyalarğa yol bermezler. Biz kendi milliy ve diniy qıymetlerimizni qorçalamağa niyetindemiz. Uquqqoruyıcı organlarğa muracaat etip, taqiqat işlerini yüksek seviyede keçirmege rica etemiz, qabaatlılar yaqın zamanda tapılıp, cezalandırılmalı", dep ayttı. QMDİ matbuat hızmeti [gallery link="file" columns="4" size="medium" ids="17248"]    

“Faydalı yaz” devam ete! (FOTO)

Опубликовано:

Qırım ve Sevastopol şeeri müsulmanları Diniy İdaresiniñ "Faydalı ilim" medeniy-maarif Merkeziniñ talebeleri oquv yılını yekünlep, sertifikatlar aldı. Bir yıl devamında 60-tan ziyade qadın Quran oquvı ve İslâm dini kurslarına qatnadı. Bugünki künge qadar olar Quran-ı Kerim oquvı, ibadet ve Peyğamberimizniñ (s.a.s.) sunneti aqqındaki bilgilerni menimsediler. Yaz mevsimi devamında dersler er bazar künü saat 10:00 - 13:00 ötkerilecek. İstegenler yaz ayları devamında da Qurannı oqumağa ögrenebile. "Faydalı yaz" gruppası avgustnıñ soñuna qadar çalışacaq. QMDİ matbuat hızmeti   [gallery link="file" columns="4" size="medium" ids="17244,17242,17240,17238,17236"]

Süyürtaş köyünde Oraza bayramı (FOTO)

Опубликовано:

Bağçasaray rayonınıñ Süyürtaş köyünde Oraza bayramı olıp keçti. Yağmurlı avağa baqmadan, bayramğa 100 insan qoşuldı. Qırım Müftisi ve Qırım müsulmanları Diniy İdaresi adından toplanğanlarnı Qırım Müftisiniñ muavini Ayder İsmailov hayırladı. "Yüce Rabbimiz dualarımız ve Ramazan ayı devamında yapqan hayır işlerimizni qabul etsin. Milletimiz dinge sarılğanını körmek pek hoş. Camige kelgen balalarnı körmege pek memnünmiz. Al-azırda Qırım boyunca camilerimiz açıla ve çalışa. Dinimizge sarılğan, Peyğamberimizniñ (s.a.s.) yolundan ketken, bugünki künge qadar yetmegen keçmişimizni ürmet etken yaşlarnıñ sayısı ep artmaqta. Milletimizniñ kelecegi bizim qollarımızda. Ve biz seçken yoldan bizim balalarımız de ketecek", - dep ayttı Ayder İsmailov. Bundan da ğayrı, o, bayram teşkilâtçılarına bayramnı teşkil etkenleri içün teşekkürler bildirdi. Bayram çerçivesinde balalar içün diniy mevzuğa viktorina keçirildi, Qırım müsulmanları Diniy İdaresiniñ "Emanet" icadiy bala studiyasınıñ iştirakçileri ilâhiler ile çıqışta bulundı. Cami ögündeki meydanda şişirme bayırçıq qoyuldı. Yağmur bitkeninen teşkilâtçılar musafirler içün tatlı sofralar donattılar. Bayramnıñ soñunda avağa yüzlernen ava topları yiberildi. QMDİ matbuat hızmeti [gallery link="file" columns="4" size="medium" ids="17225,17223,17221,17219,17217,17215,17213,17127,17124,17122,17120,17118,17116,17114,17112,17110,17108,17106,17104,17102,17100,17098,17096,17094,17092,17090,17088,17086,17084,17082,17080,17078,17076,17074,17072,17070,17068,17066"]

Qırım müsulmanları üç kün devamında Oraza bayramını qayd ettiler (FOTO)

Опубликовано:

Qırım müsulmanları kütleviy şekilde eñ büyük musulman bayramlarından biri olğan Oraza bayramını qayd ettiler. Tantanalı tedbirler Qırımnıñ farqlı köşelerinde olıp keçti. Hususan, büyük balalar içün bayram Bağçasaraydaki Orta camide ötkerildi. Teşkilâtçılar balalar ve ana-babalar içün meraqlı programma azırladılar: viktorinalar, kvestler, sport yarışları, küreş, armresling, attraktsionlar, batut ve hna qoyuv resimleri. Balalar bahşışlarnı aldılar. Bağçasaray rayonınıñ imamı Ramazan Asanovnıñ sözlerine köre, eñ esası yaş nesilge maneviy qıymetlerni, milletniñ urf adetlerini ve İslâm dinine sevgi aşlamaqtır. "Qırım Müftiligi, bizim din cemiyetimiz ve hayır-sadaqa bergenlerge teşkiliy meselelerde destek köstergenleri içün, büyük teşekkürler bildiremiz", - dep ayttı Ramazan Asanov.  Bayramda 150 insan iştirak etti. Adet üzre, musafirlerni tatlı bahşişlar ve ziyafetler beklegen edi. Saq şeeri camisinde keçirilgen bayramğa da çoq insan qoşuldı. Teşkilâtçılar balalarğa bilgi viktorinasını azırladı. Onıñ şartlarına köre, balalar şiiriy şekilde diniy tapmacalarğa cevap tapqan edi. Animatorlarnen birlikte balalar qırımtatar tilinde yırlarnı ögrendiler, yırladılar, şiirler ayttılar. Musafirler içün bayram sofrası donatıldı. Saq şeeriniñ imamı Mesfer Settarov Qırım MDİ, yerli din cemiyeti ve şeer memuriyetine bayramnıñ teşkil etilmesinde salmaqlı isseleri içün teşekkürler bildirdi. Bayram tedbirleri İslâm-Terek, Seitler, Aqşeyh ve Aqmescit rayonlarında olıp keçti. Oraza bayramı – müsulman taqviminiñ baş bayramlarından biri olıp, muqaddes Ramazan ayınıñ yekünlengenini temsil ete. Bu sene bayram iyün 15 künü başlandı. QMDİ matbuat hızmeti [gallery link="file" columns="4" size="medium" ids="17058,17056,17054,17052,17050,17048,17046,17044,17042,17031,17029,17027,17025"]

Qırım Müftisi hacı Emirali Ablayev bayram namazını keçirdi (FOTO)

Опубликовано:

Bugün, iyünni 15-nde, saba saat 05:31 bütün Qırım camilerinde Ramazan ayınıñ soñu ve Oraza bayramı kelgenine bağışlanğan bayram namazı ötkerildi. Bayram namazını Qırım Müftisi hacı Emirali Ablayev keçirdi. Kütleviy namaz medeniyet ve zenaat birligi Sarayınıñ zalında olıp keçti. Qırımnıñ çeşit köşelerinden kelgen 2 biñden ziyade insan Aqmescitte toplaştı. Yarımadanıñ uzaq rayonlarında yaşağanlar bayram namazına kelmege yetiştirmek içün, saba erte turıp, yolğa çıqtılar. Qırım Müftisi hacı Emirali Ablayev müsulmanlarnı büyük bayramnen hayırlap, barışıq, tınçlıq ve qorantalarda amanlıq olmasını tiledi. "Bu birlik bayramı, can ağırtıları unutılsın, araları bozuq olğanları barışsın, ayırılıqta olğanları qavuşsın, qartlarımız diqqatsız qalmasın, öksüzler bizim destegimizni duysınlar", - dep ayttı Müfti. Bayram namazı Qırımnıñ bütün camilerinde olıp keçti. Müsulmanlar Oraza bayramını üç kün devamında qayd etecekler. Bu künleri soy-soplar ve hasta olğan yaqınlarımıznı ziyaret etmek, balalarğa tatlı bahşışlar yapmaq kerektir. Malümat: İd Al-Fitr (qrt. Oraza bayramı) – müsulmanlarnıñ eñ müim bayramlarından biridir (Qurban bayramınen bir sırada). Oraza bayramını qayd etmek adeti Muhammed Peyğaberniñ (s.a.s) zamanında başlana (624 s.). Oraza bayramında afu soramaq, ana-babalarnı ziyaret etmek, sadaqa ya da bahşişlarnı ediye etmek, mezarlıqlarğa barıp, vefat etken soy-soplarnı ziyaret etmek kerektir. Adet üzre Oraza bayramı üç kün qayd etilmekte, bu sene bayram iyün 15-17 künleri olacaqtır. Yarımada ealisiniñ aman-aman 20% İslâm dinini küte. QMDİ matbuat hızmeti [gallery link="file" columns="4" size="medium" ids="17011,17009,17007,17005,17003,17001,16999,16997,16995,16993,16991,16989,16987,16985,16983,16981,16979,16977,16975,16973,16971,16969,16967,16965,16963,16961,16959,16957,16955,16953,16951,16949,16947,16945,16943,16941,16939,16937,16935,16933,16931,16929,16927,16925,16923,16921,16919"]

Qırımda eñ güzel Quran oquyıcısı saylandı (FOTO)

Опубликовано:

Aqmescitniñ merkeziy Kebir camisinde Bütünqırım Quran oquyıcısı yarışınıñ finalı olıp keçti. Yarışta yaşları 45-ten üyken olğan qadın ve erkişiler iştirak etti. Tedbir teşkilâtçıları Qırım ve Sevastopol şeeri müsulmanları Diniy idaresi ve AVN-tur (QMDİ) hacılıq-operatorıdır. Umumen, yarışta Qırımnıñ farqlı köşelerinden kelgen 60 insan iştirak etti. İştirakçiler yaşağan rayonlarda saylav turlarından keçip, finalğa çıqtılar. Jüri terkibine Qırım müsulmanları Diniy idaresiniñ hadimleri, imamlar, İslâm temelleri ocaları, Qalay İslâm ilimleri medresesiniñ ocaları kirdi. Yarış qaideleri – doğru oquv ve maqam, tecvid (Qurannıñ asıl manasını añlamağa yardım etken doğru oquvdır). Yarışnıñ neticesinde ğalebeni Bağçasaraydan kelgen Eldar Asanov qazandı. Qurannı oquğanda, Eldar Asanov bir qata bile keçirmedi. Onıñ sözlerine köre, tecvid qaideleri boyunca Quran oqumağa o üç yıl ögrendi. Kendi bilgilerini insanlarğa köstermege arz ete edi. Eldar Asanov yarışnıñ baş bahşişı hacılıqqa bedava yolculıqnı aldı. "Vetandaşlarım meni Quran oqumağa davet eteler. Quran oquğanda yüregim Allahqa sevgi ile tola. Hacılıqqa barmaq ve Muqaddes topraqlarnı körmek arzum yerine kelecek, inşAllah. Men bahtlım", - dep Eldar Asanov teessüratlarınen paylaştı. Ğalip ve iştirakçilerni Qırım Müftisi hacı Emirali Ablayev hayırladı. O, millet dinni ögrengeniniñ müimligini qayd etti. "Maqsadkârlığıñız, ğayretiñiz, kelecek nesillerge doğru yolnı köstergeniñiz içün, çoq sağ oluñız. Tasil ve diniy bilgiler – yüksek ahlâqlı milletniñ ayırılmaz qısmıdır. Bu diniy tiklenüv – büyük kelecekke bir adımdır", - dep ayttı Qırım Müftisi. Qırım müsulmanlarınıñ diniy lideri iştirakçilerge diplomlar ve Muqaddes Quran kitaplarını berdi, birinci üç yerni alğanları ise qıymetli bahşişlarğa nail oldılar. QMDİ matbuat hızmeti [gallery link="file" columns="4" size="medium" ids="16799,16797,16795,16793,16791,16789,16787,16785,16783,16781,16779,16777,16775,16773,16771,16769,16767,16765,16763,16761,16759,16757,16755,16753,16751,16749,16747,16745,16743,16741,16739,16737"]

Aqmescitte QMDİ Yuqarı Şurasınıñ toplaşuvı olıp keçti (FOTO)

Опубликовано:

2018 senesi sentâbr 10 künü Aqmescitte Qırım Müftisi hacı Emirali Ablayevniñ yolbaşçılığında Qırım ve Sevastopol şeeri müsulmanları Diniy İdaresi Yuqarı Şurasınıñ toplaşuvı olıp keçti. Muşavere çerçivesinde Şura azaları regional toplaşuvlarnıñ neticelerini muzakere ettiler. Mında yerli din cemiyetlerinden Qırım müsulmanları Qurultayına namzetler seçilip alındı. Bundan ğayrı, VI Qırım müsulmanları Qurultayınıñ teşkiliy sualleri muzakere etildi. Qurultayda Qırımnıñ er bir regionından 300-den ziyade namzet iştirak etecek. Hatırlatamız, esabat-saylav Qurultayı 2018 senesi oktâbrniñ 27-de Aqmescitte keçirilecek. Şuranıñ torplaşuvı devamında Qurban bayramında keçirilgen tedbirlerniñ neticeleri – hususan, dualar, qurban çalınuvı, muhtac olğan insanlarğa qurban etiniñ dağıtıluvı – çıqarıldı… Umumen, Diniy İdare, Qırım boyunca 43-ten ziyade bala bayramını ve farqlı tedbirlerni teşkil etti. Mezkür tedbirlerde ölgenlerniñ hatırası añıldı ve musafirlerge çeşit lezzetli yemekler ikram etildi. QMDİ matbuat hızmeti [gallery link="file" columns="4" size="medium" ids="20493,20491,20489,20487,20485,20483,20499,20497,20495"]

Qurannıñ eñ eyi oquyıcısı yarışınıñ finalı yaqınlaşa (FOTO)

Опубликовано:

Krasnoperekopsk şeerinde Qurannıñ eñ güzel oquyıcısı yarışınıñ saylav turı olıp keçti. Tedbirde rayon ve şeer sakinleri arasında 9 erkek ve 10 qadın iştirak etti. Yarışnıñ neticesinde finalğa altı insan keçti. Olar Quran oquyıcıları Bütünqırım yarışında iştirak etecekler. Final iyün 10 künü Aqmescitniñ merkeziy Kebir camisinde ötkerilecek. Hatırlatamız, Qırım ve Sevastopol şeeri müsulmanları Diniy İdaresi Qurannı alâ seviyede oquğanları arasında Bütünqırım yarışını keçire. Yarışta yaşları 45 yaşından üyken olğan erkekler ve qadınlar iştirak ete bileler. Yarışta iştirak etmek istegenler iyün 9 kününe qadar yaşağan yeriniñ imamına muracaat ete bileler. Finalistler qıymetli bahşişlar alacaq, baş bahşiş – hacılıqqa bedava yolculıqtır. QMDİ matbuat hızmeti [gallery link="file" columns="4" size="medium" ids="16600,16598,16596,16594,16592,16590,16588,16586,16584,16582,16580,16578,16576,16574,16572"]