Haberler - Page 28 of 54 - ЦРО ДУМКЦРО ДУМК | Страница 28

Пн

25

мая

2
Шевваль
1441 | 2020
Утр.3:07
Вос.4:54
Обед.12:45
Пол.16:46
Веч.20:26
Ноч.22:13
Времена намазов
Календари 2020г

Намаз

Haberler - Page 28 of 54 - ЦРО ДУМК

Aqmescit unutılğan tarih saifelerini aça (FOTO)

Опубликовано:

Aqmescitte Krasnoarmeyskaya soqağında yerleşken 21-sanlı orta mektebiniñ toprağında qazma işleri neticesinde insan naaşları tapıldı. 1944 senesine qadar bu yerler "Yañı qırımtatar mezarlığı", dep adlandırılğandır. Mezarlıq yerine Qırım müsulmanları Diniy idaresiniñ hadimleri çıqtı. Malümat tasdıqlandı. Kommunikatsiya ağları içün qazılğan tranşeyalarda insan naaşları tapıldı. Mektep hadimleriniñ sözlerine köre, tapılma aqqında malümat politsiyağa berildi. Qırım Müftisiniñ muavini Ayder İsmailov mektep reberliginen bağlanıp, ilerideki adımlarnı muzakere etti. İyül 13 künü QMDİ, mektep memuriyeti, Aqmescit şeer memuriyeti ve Qırım müendislik ve pedagogika universiteti vekilleriniñ iştiraginen körüşüv keçirilecek. Malümat: Sabıq "Yañı tatar mezarlığı" Krasnoarmeyskaya, Kurtsovskaya, Jidkov ve Kozlov soqaqlarınıñ çatışmasında yerleşip, 13 ga topraqnı ala edi. Onıñ yerinde 21-sanlı orta mektep, bala bağçası ve evler qurulğandır. ("Aqmescit – tünevin ve bugün" saytından malümat) QMDİ matbuat hızmeti [gallery link="file" columns="4" size="medium" ids="18173,18171,18169,18167,18165,18163,18161,18159,18157,18155,18153,18151,18149,18147,18145,18143,18141"]

Qırım Müftiliginiñ vekili “Rasulev oquvlarında” iştirak etti (FOTO)

Опубликовано:

Qırım Müftisiniñ muavini Esadullah Bairov Çelâbinsk vilâyetiniñ Troitsk şeerinde olıp keçken "Rasulev oquvları: İslâm – Rusiyeniñ tarihı ve zemaneviy yaşayışında" VII Bütünrusiye ilmiy-ameliy konferentsiyasında iştirak etti. Forumda Rusiyeniñ Baş Müftisi Talgat Tacuddin ve Amman İslâm ilimleri halqara universitetiniñ professorı, Muhammed Peyğamberniñ neslinden Abdurrazzak Assaidi (İordaniya) iştirak etti. Olar ğayrıdan tiklenilgen "Rasuliya" medresesiniñ açıluvı merasiminde iştirak etti. Konferentsiyanıñ mevzusı – "Vaqıt bar ve biz sağ olğance, insanlarğa yahşılıq ve hayır yapmalımız", dep adlandırıldı. Bugün akimiyet vekilleri ve yerli musulmanlar arasında işbirlik alıp barıla. İslâm cemiyetiniñ temelini cenübiy Ural topraqlarından çıqqan tatarlar, başqırlar, qazahlar teşkil ete. İşbirlik, havfsızlıq ve terrorizm ile küreş sualleri – maruzalarnıñ esas mevzusı oldı. Bu sene "Rasulev oquvları" halqara ilmiy-ameliy konferentsiya statusını aldı. Tedbirde Yaqın Şarq, Merkeziy Asiya, SNG ve Rusiye regionlarından kelgen musafirler iştirak etti. QMDİ matbuat hızmeti (lentachel malümatları boyunca) [gallery link="file" columns="4" size="medium" ids="18081,18091,18089,18087,18085,18083"]

Qırım camilerinde bala meydançıqları açılacaq (FOTO)

Опубликовано:

Yaz tatili devamında Qırım camilerinde yaz meydançıqları açılacaq. Hususan, Boğurça qasabasında (Aqmescit) iyül 16-30 künleri meydançıq çalışacaq. Küçük-Özen köyünde (Aluşta) meydançıq avgust 2-20 künleri devamında açıq olacaq. Aqmescit rayonınıñ Gvardeyskoye qasabasında meydançıq iyül 16 künü çalışmağa başlacaq. 6-15 yaşındaki balalar qabul etile. Meydançıqnıñ programması boyunca bazarertesi, salı, çarşembe, cumaaqşamı künleri saat 09.00-12.00 İslâm dini temelleri dersleri ve Quran oquvı olacaq. Bundan da ğayrı, bala meydançığı Hoşkeldi qasabasında (Aqmescit) açılacaq. Dersler bazarertesi, çarşembe ve cuma künleri saat 11:00 başlanacaq. Yazlıq bala meydançıqlarınıñ programmasında İslâm dini tarihı, Peyğamberlerniñ ömüri, tarih, medeniyet, qırımtatarlarnıñ urf-adetleri mevcut. Bundan da ğayrı, balalarnı areketli oyunlar ve kezintiler bekley. Yazlıq gruppalarına yazılmaq içün yerli imamlarğa muracaat ete bilesiñiz. +7 978 047 2399 Enver Bakiyev, Hoşkeldi qasabası (Aqmescit) +7 978 040 5770 Bekir Adilov Boğurça qasabası (Aqmescit) ve Küçük-Özen (Aluşta). QMDİ matbuat hızmeti [gallery link="file" columns="4" size="medium" ids="18028,18032,18030"] [gallery link="file" columns="4" size="medium" ids="18063,18061,18059,18057,18055,18053,18051,18049,18047,18045,18043"] [gallery link="file" columns="4" size="medium" ids="18037,18041,18039"]

Qalay medresesinde balalar içün meydançıq açıldı (FOTO)

Опубликовано:

İslâm ilimleri Qalay medresesinde balalar içün yaz meydançığı açıldı. 7-12 yaşındaki 20 oğlan ve qız 10 kün devamında meydançıqnı ziyaret etecekler. Künlük lagerniñ programmasında areketli oyunlar, ekskursiyalar, meraqlı viktorinalar, İslâm temelleri dersleri ve Quran oquvı. Qırım müsulmanları Diniy İdaresiniñ maarif leyhasınıñ reberi Zeyneb Bairovanıñ sözlerine köre, programma em Qurannı oqumağa bilgen, em de arap elifbesini bilmegen balalarğa uyğun olur. "Oğlan ve qızlarnen medrese ocaları çalışacaq, balalar İslâm oquv yurtunıñ oğlan ve qız bölüklerinde bulunacaq. Bizim esas maqsadımız – balalarğa yaz tatillerni faydalı keçirmege yardım etmektir. Ebet, ana-babalar da raatlar, ocalar balalarnı baqacaq", – dep ayttı Zeyneb Bairova. Meydançıqnıñ açıluv tedbirinde balalarnı Qırım Müftisiniñ muavini Esadullah Bairov hayırladı ve Müftiniñ adından selâmlar aytıp, vaqıtnı faydanen keçirmege tiledi. Bundan da ğayrı, Qalay medresesiniñ müdiri Emir-Asan Ümerov balalarnı selâmlap, olarğa vaqıtnı coymayıp, bilgi hazinelerini arttırmağa tiledi. Musafirler ögünde "Emanet" studiyasınıñ küçük icracıları çıqışta bulundı. Tedbirniñ soñunda ise balalar içün kâğıt şousı teşkil olundı.   QMDİ matbuat hızmeti   [gallery link="file" columns="4" size="medium" ids="17753,17767,17765,17763,17761,17759,17757,17755"]      

Mesülietli hızmet içün Quranlar (FOTO)

Опубликовано:

Qırım Cümhuriyeti ve Sevastopol şeeriniñ ÜFSİN konvoirovaniye bölüginiñ temelinde cezalarnıñ yerine ketirüv sistemasınıñ qaravullar hızmeti Künü ve kinologiya hızmeti hadimleriniñ Künü qayd etildi. Bayram tedbirlerinde ÜFSİN idarecileri, Aqmescit şeeriniñ baş imamı Muhammed İslamov, Rusiye milliy gvardiyasınıñ 6917 arbiy bölüginiñ vekilleri, UİS veteranları, davet etilgen musafirler, ÜFSİN terkibiy bölükleri ve bağlı müessiselerniñ hadimleri iştirak etti. Tedbirniñ resmiy qısımını açıp, ÜFSİN başlığı içki hızmetiniñ general-mayorı Vadim Bulgakov kelgenlerni bayramnen hayırladı ve qaravullar bölügi daima hızmetke azır, mesülietli ve nizamlı olğanını qayd etti. Bundan da ğayrı, tedbir devamında hızmette kendisini yüksek seviyede köstergen Qırım Cümhuriyeti UİS hadimleri faqriy yarlıqlar ve qıymetli bahşışlar ile taqdirlendi. Muhammed İslamov ise, öz nevbetinde, Qırım Müftisi hacı Emirali Ablayev ve Qırım MDİ adından hızmet hadimlerini hayırladı. O, İslâm dinini kütken arbiylerge Quran kitaplarını bağışlap, hızmetni mesülietli ve muvafaqiyetli becermege tiledi. QMDİ matbuat hızmeti [gallery link="file" columns="4" size="medium" ids="17786,17784,17782,17780,17778,17776,17774"]

Aqmescitte Qırım müsulmanları Dniy idaresiniñ iştiraginen seminar olıp keçti (FOTO)

Опубликовано:

Aqmescitte "Müsulmanlar içün ruhiy meslâat: nazariye ve amelât temelleri" mevzusında bir sıra ilmiy-ameliy seminarlar keçirile. Seminarlar Qırımda "Müsulmanlarğa ruhiy destek Birleşmesi" NKO açıluvı çerçivesinde ötkerile. Seminarlar çerçivesinde "Diniy ekstremizmniñ  ruhiy sebepleri ve profilaktikası", "Destruktiv teşkilâtlarnıñ hususiyetleri. Tesiriniñ usulı", "Destruktiv teşkilâtlarğa oğrağan qorantalarğa ruhiy destek" ve diger mevzularda maruzalar oquldı. NKO "Müsulmanlarğa ruhiy destek" Birleşmesiniñ reisi Ölga Pavlovanıñ sözlerine köre, bu kibi seminarlar ruhiyatçılar, FSİN hadimleri, imamlar, medrese ocaları ve, umumen, müsulmanlarğa ruhiy meslâat köstergen ve diniy ekstremizm ile bağlı olğan insanlar içün keçirile. Ölga Pavlova:  "Bu işimizniñ müim bir qısımı, işimiz ise Rusiye Federatsiyasında  maneviy havsızlıq, dinlerara barışıq ile bağlıdır",- dep ayttı. "Dialog" (Kazan ş.) adlı İnformatsion-meslâat merkeziniñ mütehassısları ekstremistik maqaleler boyunca apske alınğan insanlar, olarnıñ qorantaları ve ekstremistik teşkilâtlardan çıqqanlar ile çalışa. Ölga Pavlovanıñ sözlerine köre, "Müsulmanlarğa ruhiy destek Birleşmesi" bu saa ile alâqalı olğan insanlarnıñ koordinatsiyası içün meydanğa ketirildi. Olarnıñ arasında ruhiyatçılar, ekimler, din erbapları, jurnalistler, ocalar, cemaat teşkilâtlarınıñ azalarıdır. "Umumen, biz müsulmanlarnıñ ruhiy sağlığı oğrunda çalışamız ve bizim faaliyetimiz ruhiy meslâat, tasil programmaları, edebiyatnıñ neşir etilüvi, ilmiy tedqiqatlar ve cemiyetimizde aktual olğan meselelerde tögerek masalarnıñ teşkil etilüvi, umumen, Rusiye müsulmanlarınıñ yaşayışı ile bağlı. Faaliyetimiz ise, ruhiy sağlığı yerinde olğan insanlarnıñ etrafı da aenkli olğanı etrafında qurula", - dep ayttı Ölga Pavlova. İyülniñ 3-nde "Müsulmanlarğa ruhiy meslâat Birleşmesi" teşkilâtı imamlar ve Qırım Cümhuriyeti medresesiniñ ocaları içün ihtisas yükseltüvi kursını keçirecek. Seminarnıñ mevzusı: "İslâmda destruktiv teşkilâtlar: hususiyetleri ve küreş usulları". "Müsulmanlarğa ruhiy destek Birleşmesiniñ" vekâletlikleri Tatarstan Cümhuriyeti, Başqortostan Cümhuriyeti ve Şimaliy Kavkaz Cümhuriyetlerinde faaliyet köstermekte. Birleşme yerlerde diniy teşkilâtlar ile çalışa. QMDİ matbuat hızmeti [gallery link="file" columns="4" size="medium" ids="17727,17743,17741,17739,17737,17735,17733,17731,17729"]

Qırım Müftisi cinayet qurbanlarınıñ qorantasına taziye bildirdi

Опубликовано:

Qırım Müftisi hacı Emirali Ablayev cinayet sebebinden elâk olğan qadın ve balanıñ ölümi sebebinden teren taziyeni bildirdi. 2018 senesi iyün 27 künü, aqşam, Aqmescit rayonında beden yaraları neticesinde elâk olğan 33 yaşındaki qadın ve pıçaq yaraları ile oğlan tapıldı. Oğlan hastahanege yollanıldı, amma tibbiy yardım kösterilse de, onı qurtarıp olamadılar. "Bu cinayet bizni şaşırttı. Qabaatsız insanlar öldi, bala… Olar öz evinde öldürildi. Elâk olğanlarnıñ qorantasına büyük yanıq keldi. Bu deşetli facia Qırım sakinleri içün büyük accıdır. Biz elâk olğanlarnıñ yaqınlarınıñ göñlüni alamız ve olarğa teren taziyemizni bildiremiz. Cinayetçiniñ qollarından elâk olğanlarnıñ ailelerine Allah sabır ve küç bersin. Qabaatsız ölgenlerge ise Allah cennet qapularını açsın. Allahtan keldik ve Allahqa qaytacamız". Qırım Müftisi vatandaşlarına muracaat etti: "Muqayt ve diqqatlı oluñız. İnsannıñ areketleri şübe doğursa ya da onıñ areketleri cemiyetke zarar ketirebilecegini körseñiz, mıtlaqa uquqqoruyıcı organlarına muracaat etiñiz. Vaqtında qabul etilgen qararlar evelden bilinmeycek neticelerniñ ögüni alabile. Yaqınlarıñızğa muqayt oluñız, balalarıñıznı diqqatsız qaldırmañız. Evleriñizde telüke doğuracaq er şeyniñ ögüni almağa tırışıñız". Allah epimizni qorusın.

Qırım Müftisi hacı Emirali Ablayev Erdogannı Türkiye Prezidenti vazifesine ğayrıdan saylanğanı munasebetinen hayırladı

Опубликовано:

Qırım Müftisi hacı Emirali Ablayev Türkiye Cümhuriyeti Prezidenti Recep Tayip Erdogannıñ adına hayırlav sözlerini yolladı. Türkiye Prezidenti cenapları Ürmetli Recep Tayip Erdogan Sayğılı Prezident Efendi! Qırım müsulmanları Diniy idaresi Sizni Türkiye Cümhuriyeti şerefli vazifesine saylanğanıñız munasebetinen can-yürekten hayırlay. Qırım Cümhuriyetiniñ müsulman Ümmeti ve şahsen öz adımdan Sizge çoq şerefli, mesül vazifeñizde muvafaqiyetler tiley, Türkiyeniñ qardaş milletine ise Siziñ yolbaşçılığıñızda abadanlıq tileymiz! 2018 senesi iyün 24 künü türk milleti bütün dünyağa egilmez iradesini ve öz mustaqilligini qorçalamaq azırlığını kösterdi. Türkiye problemler ve belâlarğa oğrap, dünyada barışıq, milletlerge ümüt tayançını kösterdi. Bu mürekkep yolda Siziñ muvafaqiyetiñiz içün duacı olıp, Siz müsulman idarecisi ve yolbaşçısı olğanıñızda eminmiz. Siz dünyağa İslâmnıñ ögretken milletseverlik ve adalet, insanseverlik nümünesini kösteresiñiz, alıp barğanıñız ikmetli ve basiretli siyasetiñiz ise Türkiyede tek güzel deñişmelerge siltem olıp, asırlıq Avrasiya birligi an-anelerini qaviyleştirecek. Biz Yüce Rabbimizge, Sizge küç ve bu yüksek vazifede muvafaqiyetler nasip etmesi içün, dua etemiz. Qırım Müftisi haci Emirali Ablayev

Aqmescit rayonında cami qurula (FOTO)

Опубликовано:

Aqmescit rayonınıñ Aktaçi-Kiyat köyünde caminiñ qurulıdı devam ete. 18 H 12 ölçüsindeki bina 30 sotka topraqta qurulmaqta. Al-azırda birinci qatnıñ divarları köterildi, seysmoquşaq yapıldı, yaqın zamanda ekinci qatnıñ qurulıvı planlaştırıla. Mında qadınlar içün balkon yerleşecek. Şimdi ise yerli musulmanlar cemaat namazlarını cami toprağında yerleşken muvaqqat binada keçireler. Diniy bina vetandaşlarımız bergen sadaqalarına qurulmaqta. Qurucılıq işlerini devam etmek içün maliyeviy destek kerek. Qırım Müftiligi vatandaşlarını lâqayd qalmayıp, hayır işke qoşulmağa davet ete. QMDİ matbuat hızmeti [gallery link="file" columns="4" size="medium" ids="17361,17377,17375,17373,17371,17369,17367,17365,17363"]

Sofiyevka üstünde minare (FOTO)

Опубликовано:

Aqmescit rayonınıñ Sofiyevka köyünde yerleşken cami yanında minare quruldı. Onıñ uzunlığı 30 m teşkil ete. Sofiyevka din cemiyetiniñ reisi Server Asanovnıñ sözlerine köre, minare qısqa müddet içinde – 22 künde qurulıp bitti. Onıñ qurucılığı içün Türkiyeden ustalar davet etildi. "Yazıq ki, Qırımda minare qurucılığını bilgen ustalar yoq. Ümüt etemiz ki, halqımız arasında böyle ustalar çıqacaq", - dep ayttı Server Asanov. O, qasabanıñ üstünde avia naqliyesiniñ uçqanı sebebinden minare qurulmazdan evel leyha bütün kelişme basamaqlarından keçti, şu cümleden, aeronavigatsiya hızmeti ile añlaşma yapılğanını ilâve etti. "Sultan-Serveri" camisiniñ qurulışı 2009 senesi başlandı, birinci namaz ise 2016 senesi qılındı. Cami vatandaşlarımıznıñ sadaqa paralarına quruldı. Diniy inşaat bir gektar topraq damartasında yerleşken. Onıñ territoriyasında imam evi bar, abdesthaneniñ qurulıvı planlaştırıla. Binağa bütün kommunikatsiyalar – qızdıruv, suv, yarıq – kirsetilgen. Bundan da ğayrı, "Sultan Serveri" territoriyasında bağ ve çiçeklik saçılğan. QMDİ matbuat hızmeti [gallery link="file" columns="4" size="medium" ids="17358,17356,17354,17352,17350,17348,17346,17344,17342,17340,17338,17336"]

Keriç civarındaki Canıköy qasabasında cami qurulacaq (FOTO)

Опубликовано:

Keriçte Qırım müsulmanları Diniy idaresiniñ vekilleri ve Keriç şeeri memuriyetiniñ milletlerara munasebetler, mülk ve topraq munasebetleri İdaresi bölüginiñ temsilcileri ile körüşüvni keçirdi. İş körüşüvinde Keriç imamı Marlen Acaripov da iştirak etti. Tedbir çerçivesinde Canıköy qasabasında qırımtatarlar toplu yaşağan yerde caminiñ quruluvı içün topraq damartasınıñ resmiyleştirilüvi meselesi muzakere etildi. Al-azırda Keriç şeeriniñ memuriyeti topraq damartasını tasdıqladı, kadastr pasportı berildi ve topraqnen ücretsiz qullanuv aqqında añlaşma azırlandı, yaqında añlaşma Qırım MDİ berilecek. Muşavere iştirakçileri cami qurulacaq yerge barıp, qasaba sakinlerini planlarnen ve caminiñ maketinen tanış ettiler. QMDİ matbuat hızmeti [gallery link="file" columns="4" size="medium" ids="17295,17293,17291,17289,17287"]

Mumaş köyünde Quran oquvı kursları açıla

Опубликовано:

Qarasuvbazar rayonınıñ Mumaş köyünde balalar ve qadınlar içün Quran kursları açıla. Dersler iyül 1 künü 2018 senesi başlanacaq ve er bazar künü keçirilecek. İstegenler davet etile. Yazılmaq içün telefon: +7 (978) 063-64-71‬   QMDİ matbuat hızmeti