Haberler - Page 26 of 55 - ЦРО ДУМКЦРО ДУМК | Страница 26

Четверг

09

июля

18
Зуль-къаде
1441 | 2020
Утр.3:04
Вос.4:56
Обед.12:53
Пол.16:56
Веч.20:40
Ноч.22:32
Времена намазов
Календари 2020г

Намаз

Haberler - Page 26 of 55 - ЦРО ДУМК

Qırım müsulmanları Qurultayınıñ iştirakçileri Keriç faciasında elâk olğanlarnıñ hatırasını añdılar (FOTO)

Опубликовано:

VI Qırım müsulmanları Qurultayınıñ iştirakçileri ve musafirleri Keriçte elâk olğanlarnıñ hatırasını añıp, olarnıñ qorantalarına teren taziyelerini bildirdiler. Qırım Müftisi hacı Emirali Ablayev müsulman Qurultayınıñ azaları adından oktâbr 17 künü Keriçteki köllecde yüz bergen facia sebebinden Keriç sakinlerine destek sözlerini ayttı. Qırım Müftisi: "Bu bizim içün büyük facia, yaşlar, ocalar elâk oldı. Elâk olğanlarnıñ tuvğanları ve dostlarına teren taziyelerimizni bildiremiz. Bu kibi facialar tekrarlanmasın", - dep ayttı. Hatırlatamız, oktâbr 27 künü Qırımtatar devlet akademik muzıkalı-drama teatrinde  Qırım musulmanlarınıñ VI esabat-saylav Qurultayı keçirildi. Davet etilgen 344 vekilden 308 insan qayd etildi. QMDİ matbuat hızmeti [gallery link="file" columns="4" size="medium" ids="21422,21436,21434,21430,21426,21418,21414"]

Qırım Devlet Şurasınıñ vitse-spikeri Qırım musulmanlarınıñ VI Qurultayınıñ iştirakçilerini hayırladı (FOTO)

Опубликовано:

QC Devlet Şurası Reisiniñ muavini Edip Gafarov Qırım müsulmanlarınıñ VI esabat-saylav Qurultayınıñ tantanalı açıluvı tedbirinde iştirak etti. Vitse-spiker QC DŞ Reisi Vladimir Konstantinov ve bütün QC Devlet Şurası deputatları adından selâmlav sözlerini seslendirdi. Selâmlav sözlerinde: "Bu Cümhuriyette İslâm dinini kütken insanlar içün ğayet müim bir kündir, çünki soñki beş yıl devamında yapılğan işlerniñ neticeleri çıqarıla ve ilerideki açılğan imkânlar qayd etile. Bundan da ğayrı, ögüñizde müim bir seçim – Qırım Müftisiniñ saylavları turmaqta", - dep aytıla. Edip Gafarov Qırım müsulmanlarınıñ VI Qurultayınıñ iştirakçilerine semereli çalışmalar, añlı olaraq saylav ve Qırım Cümhuriyetiniñ ealisi arasında ürmet ve añlavğa siltem berecek konkret neticelerge irişmekni tiledi. Hatırlatamız, oktâbr 27 künü Qırımtatar devlet akademik muzıkalı-drama teatrinde Qırım müsulmanlarınıñ VI esabat-saylav Qurultayı keçirildi. QMDİ matbuat hızmeti

Qırım Cümhuriyetiniñ Başı VI Qırım müsulmanları Qurultayınıñ iştirakçilerini selâmladı (FOTO)

Опубликовано:

Qırım Cümhuriyetiniñ Başı Sergey Aksönov VI Qırım müsulmanları Qurultayınıñ iştirakçilerini selâmladı. O, Qırım musulmanları Diniy idaresiniñ işini ayrıca qayd etti. Sergey Aksönov: "Bugün Rusiye, insanlar regionlarda nasıl yaşağanınen meraqlana. Müftilikten çoq muracaatlar kele. Er bir meseleniñ çezilüv yolları tapıla, sualler diqqatsız qalmay. Munasebetler meselesinde Qırım, Rusiyeniñ nümüneviy regionlarından birine çevirile. Fikirimce, er şey doğru yolda", - dep ayttı. Bundan da ğayrı, o, Qırım Başı yanındaki qırımtatar halqınıñ Şurası azalarına semereli çalışmaları içün teşekkürler bildirdi: "Dostlar, biz birliktemiz, Qırımnı qurmaq ve inkişaf etmek – umumiy borcumızdır". Qırım Başı Qurultay iştirakçilerine semereli ve muvafaqiyetli çalışmalar tiledi. Hatırlatamız, bugün, oktâbr 27 künü Qırımtatar devlet akademik muzıkalı-drama teatrinde Qırım musulmanlarınıñ VI  esabat-saylav Qurultayı keçirildi. QMDİ matbuat hızmeti [gallery link="file" columns="4" size="medium" ids="21386,21402,21388,21412,21392"]

Qırımda Yedi Quyu rayonı ve Keriç şeeriniñ imamı ile vedalaştılar (FOTO)

Опубликовано:

Qırım Müftisi hacı Emirali Ablayev ve Qırım müsulmanları Diniy İdaresi, Yedi Quyu rayonı ve Keriç şeeriniñ imamı Rustem Memetovnıñ qorantasına ve yaqınlarına, onıñ faniy dünyanı terk etkeni sebebinden teren taziye bildire. Rustem Memetov ağır hastalıq keçirdi. 61 yaşında edi. Biz onı imanlı ve dindar insan olaraq bile edik. O, Qırımda İslâm dinini ğayrıdan tiklemek ve pekitmek içün qollarından kelgenini yapa edi, tek faal diniy erbap degil de, çoq faal cemaat erbabı edi. "Rustem Memetovnıñ aramızdan ayırılağanı - bizim içün çoq büyük ğayıptır. 25 yıldan ziyade, o, dinimizniñ ğayrıdan tiklenilmesi içün çalışıp, Müftiligimizge büyük destek köstere edi. Rustem ağanıñ qorantası ve yaqınlarına teren taziyelerimizni bildiremiz. Yaqın insannı coymaq – bir imtiandır, Allah ondan sabır ile keçmege yardım etsin. Biz keder içindemiz. Allahtan, merhametlik ve Rustem ağamıznıñ ruhunı ebediylikte cennet bağçalarınen taqdirlemek tileymiz, dua etemiz. Amin". Epimiz Allahtan keldik ve Oña qaytarılacaqmız! [gallery link="file" columns="4" size="medium" ids="21279,21277,21274"]

Aqmescitniñ baş imamı “Qartlar evi”ni ziyaret etti (FOTO)

Опубликовано:

Aqmescitniñ baş imamı "Qartlar evi" ziyaret etti. Müessiseniñ müdiri Pakize Abhairova ile körüşüvniñ çerçivesinde "Qartlar evi"ne kösterilecek gumanitar yardım ile bağlı bir sıra sualler muzakere etildi. Bundan da ğayrı, Muhammed İslamov ve Pakize Abhairova yanğız qalğan qartlarnıñ cenazeleri kibi müim meseleni muzakere ettiler. Aqmescitniñ baş imamı aytqanına köre, bu mesele Müftilikniñ nezareti altında bulunmaqta ve Müftilik mezkür sualde yardım etecektir. Muhammed İslamov: "Qırım müsulmanları Diniy idaresi ve "Abdal" ritual müessisesi çette qalmaycaq, cenaze namazını keçirmek meselesinde teşkiliy işlerni boynumızğa almağa azırmız", dep ayttı. Bundan da ğayrı, o, "Qartlar evi"niñ reberligine, Diniy İdare vekilleri müessiseni ziyaret etmege devam eteceklerini işandırdı. Aqmescitniñ baş imamı: "Milletimiz arasında yanğız qalğan ve bu kibi yerde yaşamağa mecbur olğan qartlar bar olğanına inanmaq pek qıyın. Biz ileride de "Qartlar evi"ne destek kösterecekmiz ve qartlar özüni yanğız duymasın dep, elimizden kelgenini yapacaqmız", - dep ayttı. Muhammed İslamov, tek öz ana-babasına degil de, diger qartlarğa, esli başlı qomşularğa, tanışlarğa, zaten qartlar yanğız qalğanda, ürmet köstermek – er bir musulmannıñ borcudır, dep qayd etti. QMDİ matbuat hızmeti [gallery link="file" columns="4" size="medium" ids="21196,21194"]

Qırımda ezan oquyıcıları yarışınıñ finalı olıp keçti (FOTO)

Опубликовано:

Aqmescitte "Seit-Settar" müsulman kompleksinde ezannı eñ güzel şekilde oquğanlarnıñ arasında "Ezan sedası" yarışınıñ finalı olıp keçti. Yarışnıñ finalında Qırımnıñ farqlı şeer ve rayonlarından kelgen, saylav turından keçken 30 oquyıcı iştirak etti. Yarış, Qırım ve Sevastopol şeeri müsulmanları Diniy idaresi tarafından ekinci yıl ötkerilmekte. Jüri azası, Aqmescit merkeziy camisiniñ imamı Edem Lümanovnıñ bildirgenine köre, baa qoyuv şartları arasında doğru telâffüz, ses, maqam ve ses keskinligi kibi hususlarğa diqqat ayırıldı. Qayd etmeli ki, 31 finalist arasında on dörtü 16 yaşına yetmegen gençlerdir. Eñ küçük iştirakçi, altı yaşındaki İbragim Kurtametov bala kategoriyasında birinci yer qazandı. Aynı bu kategoriyada ekinci yerni Damir Canbazov, üçünci yer ise Bilâl Settarov elde ettiler. Qırım müsulmanları Diniy idaresiniñ hadimlerinden ibaret olğan jüriniñ qoyğan baalarına köre, büyükler kategoriyasında üçünci yerni Muhammed Zekeryayev aldı, ekinci yerge Ravşan Dihkanov nail oldı, üçünci yerni ise Büyük-Onlar qasabasınıñ sakini Talât Seytablayev qazandı. Ğalipler bahşışlar ve para mukâfatı, iştirakçilerniñ episi ise hatıra bahşişları ile taqdirlendi. Mukâfatlav merasiminde Qırım Müftisi hacı Emirali Ablayev iştirak etti. O, finalistlerni hayırlap, olarğa teşekkürlerini bildirdi ve bu kibi yarışlar Qırımda ezan daima yanğıracığına ümüt bergenini qayd etti. Qırım müsülmanları Müftisi: "Dinimiz – bizim eñ büyük baylığımızdır, bizim borcumız ise - yaş nesilge dinimizge sevgi aşlamaqtır. Bu -  merasimlerimizniñ esas maqsadı", - dep ayttı. Taqdirlev merasiminiñ soñunda tedbir iştirakçileri ve musafirleri cemaat namazını qıldılar. Hatırlatamız, "Ezan sedası" Bütünqırım yarışınıñ saylav basamaqları baarde Aqmescit, Bağçasaray, Eski Qırım, Canköy, Krasnoperekopsk, Qarasuvbazar şeerlerinde, İslâm - Terek, Qurman ve Aqmeçit rayonlarında  keçirildi. QMDİ matbuat hızmeti [gallery link="file" columns="4" size="medium" ids="21182,21180,21178,21176,21174,21172,21170,21168,21166,21164,21162,21160,21158,21156,21154,21152,21150,21148,21146,21144,21142,21140,21138,21136,21134,21132,21130,21128,21126,21124,21122,21120,21118,21116,21114,21112,21110,21108,21106,21104,21102,21100,21098,21096,21094,21092,21090,21088,21086,21084,21082,21080,21078,21076,21074,21072,21070,21068"]

Qırımda “Altın nesil-2018” seçip aldılar (FOTO)

Опубликовано:

Aqmescitte "Altın nesil-2018" islâm intellektual yarışınıñ finalı olıp keçti. Yarışta Qırımnıñ farqlı köşelerinden kelgen "Faydalı ilim" diniy leyhası kurslarınıñ 10 talebesi iştirak etti. Yarış Qırım ve Sevastopol şeeri müsulmanları Diniy idaresiniñ desteginen keçirildi. 35 bala öz regionında saylav basamağından keçip, Aqmescitke kelip, kursını ve ocalarını temsil ettiler. 8-15 yaşındaki balalar bir qaç turdan keçip, finalda İslâm ve qırımtatar medeniyeti boyunca bilgilerini numayış ettiler.  Finalda talebeler ögünde qıyın vazifeler qoyuldı: olar İslâmnıñ farqlı 12 saası boyunca suallerge cevap bermek kerek ediler. Olarnıñ arasında: Allahqa, Peyğamberlerge, meleklerge, ahiret kününe iman, Muhammed Peyğamberniñ (s.a.s.) ömüri aqqında bilgiler, islâm medeniyeti, qırımtatar medeniyeti, tarihı ve ilâhre. Yarış neticesinde ğalebe nevbetteki iştirakçiler qazandı: 1-inci yer – Mamutova Meryem – "Altın nesil" yarışınıñ ğalibi; 2-inci yer – Mujdabayeva Salsabil; 3-inci yer – Fatime Yusupova. Ğalipler ve yarışnıñ iştirakçilerini Qırım Müftisiniñ muavini Esadullah Bairov hayırladı. O, iştirakçilerge yeñişlerinde toqtalmayıp, ileride bilgilerini ömürge keçirmege tiledi. Yarış finalistleri ve ğalipleri sponsor olğan "Hicab" müsulman tükânları ağı adından qıymetli bahşışlar ile taqdirlendi. Yarışnı  QMDİ "Emanet" studiyasınıñ ansambli ilâhiler ile yaraştırdı. Yarış, Qırım ve Sevastopol şeeri müsulmanları Diniy idaresi tarafından "Faydalı ilim" leyhası çerçivesinde teşkil etildi. QMDİ matbuat hızmeti [gallery link="file" columns="4" size="medium" ids="21067,21065,21063,21061,21059,21057,21055,21053,21051,21049,21047,21045,21043,21041,21039,21037,21035,21033,21031,21029,21027,21025,21023,21021,21019,21017,21015,21013,21011,21009,21007,21005,21003"]

Moskvada hacılıq-2018 neticeleri çıqarıldı (FOTO)

Опубликовано:

RF Federatsiya Şurasında hacılıq-2018 neticeleri çıqarıldı ve kelecek senege olğan planlarğa bağışlanğan muşavere ötkerildi. Körüşüv, RF Akimiyetiniñ diniy teşkilâtlar sualleri boyunca Komissiyanıñ vekili, SF Reisiniñ muavini İlyas Umahanovnıñ reberliginde müsulman diniy idareleri ve medeniy merkezler, federal icra akimiyetiniñ vekilleri ile birlikte keçirildi. Muşavere iştirakçileri ögünde Qırım ve Sevastopol şeeri müsulmanları Diniy idaresiniñ hacılıqnıñ teşkil etilüvi boyunca tış alâqalar bölüginiñ reberi Artur Reşitov çıqışta bulundı. O, Qırım Müftisi haci Emirali Ablayev ve Qırım müsulmanları adından selâmlar yolladı ve Rusiye hacılıq missiyasına Qırım hacılarına 2018 senesi hacılıqnıñ teşkil etilüvinde destegi içün teşekkürler bildirdi. Artur Reşitov: "Bu sene "AVN-Tur" hacılıq-operatorı Qırım müsulmanları içün ilk sefer mustaqil şekilde hacılıqnı teşkil etti. Umumen, iş muvafaqiyetli olıp keçti. Hacılıq-operatorınıñ işinde qıyınlıqlar peyda olmadı, bütün areketler mahsus nazirlikler ve teşkilâtçılar, hususan, Rusiye hacılıq missiyası ile keliştirilip yapıldı, bütün mehanizmler problemsiz çalıştı", - dep ayttı. Muşavere çerçivesinde iştirakçiler bir sıra müim qararlar aldı. Hususan, hacılıq-2019 teşkil etilüvinde hacılarnıñ vesiqalarını keçken seferge köre, daa erte toplamağa başlaycaqlar. Bundan da ğayrı, akkreditatsiyadan keçken hacılıq-operatorlarınıñ cedveli Rusiye Hacılıq-missiyasınıñ saytında yerleştirilecek. İştirakçiler, Rusiye hacılıq-missiyasınıñ reberi Magomed Gamzayevniñ teşebbüsine qol tuttılar, 2019 senesi hacılar içün sertifikatlar azırlanacaq. Artur Reşitovnıñ sözlerine köre, bu müim qararlar insanlarnı qanundan tış çalışqan operatorlardan qorumaq içün qabul etildi. Artur Reşitov, Qırım Müftisi ve Qırım ve Sevastopol şeeri müsulmanları Diniy idaresi adından RF Akimiyetiniñ diniy teşkilâtlar sualleri boyunca Komissiyasınıñ vekili İlyas Umahanov, Rusiye hacılıq-missiyasınıñ reberi Magomed Gamzayev, Rusiye hacılıq-missiyası reberiniñ muavini Omarashabov Kurbandibirge teşekkür mektübini yolladı, bundan da ğayrı, bahşış olaraq "Qadıasker defterleri" kitabını (Qırım hanlığı zamanından uquqiy vesiqalar) ediye etti. 2019 senesiniñ hacılığına bağışlanğan birinci toplaşuvnıñ keçirilüvi bu seneniñ dekabr ayına planlaştırıldı. Muşaverede, kelecek sene hacılarnı, turoperatorlar ve Rusiye aviaşirketleriniñ iştiragi ile çarter reysleriniñ teşkil etilüvi muzakere etilecek. QMDİ matbuat hızmeti [gallery link="file" columns="4" size="medium" ids="20922,20920,20918,20916,20914,20912,20910,20908,20906,20904,20902,20900"]

Balalar içün qırımtatar tili!

Опубликовано:

Aqmescitte Qırım müsulmanları Diniy idaresiniñ "Faydalı ilim" tasil leyhası çerçivesinde qırımtatar tili kursları başlana! Kurslarğa farqlı yaştaki ve çeşit bilgi seviyesi olğan balalar qabul etile. Ocalar tarafından til ögrenilüvi boyunca meraqlı programma işlep çıqarıldı. Mında laqırdı etüv ameliyatı, grammatika qaideleriniñ ögrenilüvi, esap, bundan da ğayrı, qırımtatar tilinde mültfilmlerniñ seyir etilüvi kirmekte. Adresimiz: Aqmescit ş., Pobeda caddesi, 128, "Faydalı ilim" medeniy-maarif merkezi. Yazılmaq içün telefon: +79788354278 QMDİ matbuat hızmeti

İslâmnıñ muqaddes topraqlarında hacılıq ibadetini yerine ketirgen müsulmanlar Aqmescitke qaytıp keldi

Опубликовано:

98 insandan ibaret olğan Qırım hacılarınıñ soñki taqımı Aqmescitke qaytıp keldi. Aeroportta müsulmanlarnı Qırım Müftiligi ve "AVN-Tur" hacılıq-operatorınıñ hadimleri beklegen ediler. Olar dindaşlarnı hacılıqnı muvafaqiyetnen yekünlegenleri munasebetinen hayırladılar. Üç afta devamında Qırım müsulmanları dünyanıñ farqlı köşelerinden kelgen diger dindaşları ile birlikte büyük hacılıq merasimlerini yerine ketirdiler, islâm dünyası içün muqaddes sayılğan Mekke ve Medineniñ tarihiy mekânlarını ziyaret ettiler. Hacılar, hacılıqnıñ teşkil etilüv seviyesinden memnün qaldılar.  Olar yahşı mesken, güzel yemekler ve diger kerek olğan şeylernen temin etildi. Bu sene "AVN-TUR" hacılıq-operatorı hacılıqnı 600 müsulman içün teşkil etti. Müftilik tarafından taqım reberi vazifesini eda etken, Qırım Müftisiniñ yardımcısı Raim Ğafarovnıñ sözlerine köre, bütün hacılar sağ-selâmet evge qaytıp keldiler. Raim Ğafarov: "Müsulmanlarnıñ muqaddes yerlerinde bulunmaq – er kes içün büyük bir bahttır. Hacılıq şaraitlerinde hacılar çıdam, biri-birine nisbeten dostane munasebetler ve birlik kibi çizgilerni kösterdiler", - dep ayttı [gallery link="file" columns="4" size="medium" ids="20752,20750,20748,20746,20744,20742,20740,20738,20736,20734,20732,20730,20728,20726,20724"]  QMDİ matbuat hızmeti

Aqmeçitte islâm kursları talebelerine Quranlar berildi (FOTO)

Опубликовано:

Aqmeçitte Qırım müsulmanları Diniy İdaresiniñ "Faydalı ilim" leyhası çerçivesinde islâm kursları mezunlarına tantanalı müitte Quranlar berildi. Tedbirde üyken nesil ve balalar iştirak etti. Muqaddes Kitapnı ondan ziyade talebe aldı. Aqmeçit imamı Löman Abduramanovnıñ sözlerine köre, ileride kurslarnıñ talebeleri tecvid qaidelerini menimseycek ve Quran oquvını mükemmelleştirecektir.   [gallery link="file" columns="4" size="medium" ids="20542,20540,20538,20536,20534,20532"]

Mekkeden Qırımğa hacılarnıñ ekinci gruppası qaytıp keldi (FOTO)

Опубликовано:

49 insandan ibaret olğan hacılarnıñ ekinci taqımı Aqmescitke qaytıp keldi. Dört afta devamında Qırım müsulmanları diger dindaşları ile birlikte büyük hacılıqnıñ merasimlerini yerine ketirdiler, Mekke ve Medinede islâm dünyası içün müim olğan tarihiy mekânlarnı ziyaret ettiler. Hacılarnı qarşılağan QMDİ hadimleri olarnı hac ibadetini muvafaqiyetli eda etkenleri ve hayırlısı ile evge qaytqanlarınen hayırladı. "AVN-TUR" Qırım hacılıq-operatorınıñ meneceri İslâm Mecitovnıñ sözlerine köre, hacılar Vetanğa sağ-selâmet olıp qaytıp keldi. İslâm Mecitov: "Olar büyük teessüratlar içindedir. Elhamdulillâh, er şey güzel olıp keçti, hacılar muvafaqiyetnen evge qaytıp keldiler. Allah muqaddes topraqlarda oqulğan dualarını qabul etsin", – dep ayttı. Umumen, bu sene "AVN-TUR" hacılıq-operatorı hac ibadetini yerine ketirmek içün, 600 insan içün imkân açtı. QMDİ matbuat hızmeti [gallery link="file" columns="4" size="medium" ids="20481,20479,20477,20475,20473,20471,20469,20467,20465,20463,20461,20459,20457,20455,20453,20451,20449,20447,20445,20443,20441,20439,20437,20435,20433,20431,20429,20427,20425,20423,20421"]