Haberler - Page 2 of 73 - ЦРО ДУМКЦРО ДУМК | Страница 2

Четверг

24

июня

14
Зуль-къаде
1442 | 2021
Утр.2:50
Вос.4:47
Обед.12:50
Пол.16:55
Веч.20:44
Ноч.22:41
Времена намазов
Календарь 2021г

Намаз

Haberler - Page 2 of 73 - ЦРО ДУМК

Qırımda Qalay medresesiniñ mezunlarına diplomlar berildi (FOTO)

Опубликовано:

İmam Maturidiy adına Qalay islâmiy ilimler medresesiniñ oğlanlar bölüginde tantanalı diplom taqdimi merasimi olıp keçti. Mezunlarnı hayırlamaq içün ana-babaları, medrese ocaları, yaqınları, dostları keldiler. Qırım Müftisi hacı Emirali Ablayev dört yigitke diniy tahsilni tamamlağanları aqqında vesiqalarını taqdim etti. O, mezunlarğa turmadan, inkişaf etmelerini tiledi, milleti ögünde olğan mesülietlerini unutmamalarını, endiden soñ olarğa büyük ümütler bağlanğanını hatırlattı. "İmam bilgili olmalı, ilim almağa tırışıñız, küçlü ve metanetli oluñız. Bilgileriñizni arttırıñız ve semetdeşleriñizniñ yaşayışına lâqayd qalmañız", – dep, tiledi Müfti efendi. Qırım Müftisiniñ muavini Ayder İsmailov da hayırlav sözlerinen çıqışta bulundı. O, qayd etti ki, medrese onıñ mezunları içün ekinci ev kibidir, ve mında daima peyda olğan suallerge cevap tapmaq mümkündir. "İslâmda istiqamet, doğru yol üzre olmaq pek müimdir, buña köre medresemizge İmam Maturidiyniñ adı berildi. Bu – Qırımda Ehl-i sunnetniñ esas mezheplerinden biri boyunca tahsil berilgeniniñ bir köstergiçidir. Kelecekteki ayatında er angi bir mesele bonca sualleri peyda olğan mezunımız er daim medreseniñ ocalarına, Müftiyatımıznıñ ilâhiyatçılarına muracaat etip, cevabını ala bilir. Ancaq şu şekilde biz ecdatlarımız yüzyıllar evelsi tapqan doğru yolda qala bilirmiz", – dedi Ayder İsmailov. Bundan da ğayrı, hayırlav sözlerinen medrese müdiri Edem Lümanov çıqışta bulundı. O, bugün mustaqil ömür yoluna çıqqan talebelerniñ eñ yaqında milletke fayda ketireceklerine eminlikni bildirdi. Qalay medresesiniñ ocalarına Qırım Cumhuriyeti ve Sevastopol şeeri musulmanları diniy idaresi adından teşekkürnameler berildi. Qırım MDİ matbuat hızmeti [gallery link="file" columns="4" size="medium" ids="48693,48643,48635,48679,48681,48691,48689,48687,48685,48683,48677,48675,48673,48671,48669,48667,48665,48663,48661,48659,48657,48645,48641,48639,48637,48627,48629,48631,48633,48625,48623,48621,48619,48617"]

Qırım Müftiliginiñ “Faydalı ilim” mektebinde tikiş kursu yekünlendi (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresiniñ "Faydalı ilim" oqutuv-maarif merkezinde tikiş kursunıñ neticeleri çıqarıldı. Tikiş kursunıñ 18 talebesi urbalarnıñ biçilmesi, tikişi ve tasarlanması boyunca temel bilgilerni menimsediler. Bayram tedbirinde iştirakçiler işlerini numayış etti. Kurs üç yarım ay devam etti. Bu vaqıt devamında qızlar temel bilgilerni alıp, qadın ve bala urbalarını tikmege ögrendiler. Tahsil planına esasen, kurs devamında er bir talebe birer etek, anter, bluza, ştan ve picak/palto tasarlap tikmek kerek edi. Büyütyun talebeler bu vazifeni becerdiler. Kurs mezunlarını "Faydalı ilim" oqutuv-maarif merkeziniñ tahsil işleri rehberi Safiye Qurtdede ve kurs ocası Leylâ Seitmemetova hayırladılar. Olar kurs talebelerine bilgilerini mükemmelleştirmekni ve olarnı faydanen qullanmaqnı tilediler. "Musulman qadını universaldir. O, ana, ev bikesi, qadın, çalışqan insan, aşçı, animatordır. Onıñ yapqan işleri ve bilgileri aqqında çoq aytmaq mümkün. Bizim tikiş kurslarımız sayesinde qadınlarnıñ olarğa fayda berecek ünerleri arttı", - dep, qayd etti teşkilâtçılar. Tedbir devamında mezunlar tikiş kurslarını yekünlegenleri aqqında sertifikatlar aldılar. Hatırlatamız, "Faydalı ilim" oqutuv-maarif merkezinde tikiş kursları er üç ayda bir başlatıla. Nevbetteki taqım 2021 senesi, iyül 1 künü oqup başlaycaq. Qırım MDİ matbuat hızmeti [gallery link="file" columns="4" size="medium" ids="48444,48442,48440,48438,48436,48434,48432,48430,48428,48426,48424,48422,48420,48418,48416,48414,48412,48410,48408,48406,48404,48402,48400,48398,48396,48394,48392,48390"]

Qırımda eñ güzel müezzinler belgilendi (FOTO)

Опубликовано:

Aqmescitte İmam-ı Azam Ebu Hanife camisinde "Ezan sedası" adlı bütünqırım müezzinler yarışınıñ finalı olıp keçti. Umumen, Qırımnıñ çeşit bölgelerinde olıp keçken saylav turlarında 120 insan iştirak etti, finalğa ise, 20 iştirakçi keçti. Finalistlerge mütehassıs jüri eyyeti qıymet kesti. Jüri eyyetine Qırım Müftisiniñ muavini Raim Ğafarov, Aqmescitniñ şeeriniñ baş imamı Muhammed İslamov, ilâhiyatçı Remzi Qurtdede, Qalay islâmiy ilimler medresesiniñ müdiri Edem Lümanov, Aqmescit rayonınıñ baş imamı Enver Baqiyev, İmam-ı Azam Ebu Hanife adına caminiñ imamı Bekir Adilov kirdiler. Ezanlarnıñ icrasına bir qaç kriteriy boyunca qıymet kesildi: doğru telâffuz, maqam, sesniñ gürligi, ifadeli oquv ve özüni sanada güzel tutuvdır. Tedbirniñ soñunda yarış ğalipleri taqdirlendi. Kiçik yaş taqımında: I yer – Halilov Eşref-kence (İslâm-Terek rayonı); II yer – İslâm İzeyev (Cürçi rayonı); III yer – Bekir Qadiraliyev (Aqmescit şeeri). Orta yaş kategoriyasında: I yer – İmran Ümerov (Aqmescit şeeri); II yer – İsmail Suleymanov (Qurman rayonı); III yer – Rasul Abdullayev (Canköy şeeri). Büyük yaş kategoriyasında: I yer – Server Şabanov (Aqmescit şeeri); II yer – Aziz Qarakaş (Bağçasaray şeeri); III yer – Rustem Aripov (Canköy şeeri) ve Mustafa Mustafayev (Aqmescit şeeri). Ğalipler ve iştirakçiler qıymetli bahşışlar ile taqdirlendi. Eñ güzel müezzinlerni Qırım ve Sevastopol Müftisi hacı Emirali Ablayev hayırladı. "Bizim arzumız ve maqsadımız – Qırımda daima ezan sesi yañğırasın. Ve biz ezannı oqumağa tırışqan insanlarğa destek köstermek kerekmiz", – dedi Müfti efendi. Qırım Cumhuriyeti ve Sevastopol şeeri musulmanları diniy idaresi Boğurça qasabasınıñ din cemiyeti ile birlikte iştirakçiler, tedbir musafirleri ve balalar içün meraqlı programmanı ve ziyafetni azırladılar. Qırım MDİ matbuat hızmeti [gallery link="file" columns="4" size="medium" ids="48601,48599,48597,48595,48593,48591,48589,48587,48585,48583,48581,48579,48577,48575,48573,48571,48569,48567,48565,48563,48561,48559,48557,48555,48553,48551,48549,48547,48545,48543,48541,48539,48537,48535,48533,48531,48529,48527,48525,48523,48521,48519,48517,48515,48513,48511,48509,48507,48505,48503,48501,48499,48497,48495,48493,48491,48489,48487,48485,48483,48481,48479,48477,48475,48473,48471,48469,48467,48465,48463,48461,48459,48457,48455,48453,48451,48449,48447,48603,48605,48607"]

Qırım Müftiligi Bulğarnıñ 1100-yıllığına bağışlanğan tedbirlerde iştirak etecek (FOTO)

Опубликовано:

Qırım Müftisi hacı Emirali Ablayev İtil boyu Bulğarnıñ İslâmnı qabul etmesiniñ 1100-yıllığı munasebetinen keçirilecek tedbirlerniñ teşkiliy komitetiniñ oturışında iştirak etti. Oturuş Bulğar şeerinde ananeviy "İzge Bolgar cıyenı" çerçivesinde Rusiye Federatsiyası Ükümeti Reisiniñ muavini Marat Husnullinniñ rehberliginde olıp keçti. 1100-yıllıqnı federal seviyede keçirmege planlaştırıla ve al-ı azırda ötkerilecek tedbirler cedveline teklifler qabul etile. Esas tedbirler Tatarstanda keçirilecek. Bundan da ğayrı, Moskvada ve Rusiyeniñ diger bölgelerinde tedbirlerniñ keçirilüvi planlaştırıla. Qırım Müftisi hacı Emirali Ablayev öz çıqışında qayd etti ki, işbu tarihiy vaqianıñ müimligini köz ögüne alıp, Qırım musulmanları diniy idaresi bayramnıñ teşkil etilüvinde faal iştirak etecek. Oturış neticesinde Marat Husnullin mesülietli şahıslar ögünde vazifelerini qoydı ve müftilerge bölgelerde çezilmegen meseleler boyunca tekliflerni seslendirmege ve olarnıñ çezilüvine destek köstermege çağırdı. Körüşüvde RF Prezidentiniñ diniy teşkilâtlar ile işbirlik boyunca departamentiniñ rehberi Yevgeniy Yeremin, Tatarstan Cumhuriyetiniñ Prezidenti Rustam Minnihanov, Tatarstan Cumhuriyetiniñ Devlet Mesleatçısı Mintimer Şaymiyev, TC baş naziriniñ muavini, Bütündünya tatarlar kongressi milliy şurasınıñ başlığı Vasil Şayhraziyev, TC Devlet Şurası başlığınıñ muavini Marat Ahmetov, nazirlikler ve idarelerniñ rehberleri iştirak ettiler. Diniy teşkilâtlarnı Rusiyeniñ aliy müftisi Talğat Tacuddin, Tatarstan Müftisi Kamil Samigullin, diger diniy erbaplar ve müftiler temsil ettiler. Qırım MDİ matbuat hızmeti [gallery link="file" columns="4" size="medium" ids="48306,48308,48310,48312,48314,48304,48302"]  

“Rabbimiz bizge bergen er şeyni saqlamaq”, – Qırım Müftisi “İzge Bolgar jıyenı” iştirakçileri ögünde çıqışta bulundı (FOTO)

Опубликовано:

Qırım Cumhuriyeti ve Sevastopol Müftisi hacı Emirali Ablayev er yıl keçirilgen "İzge Bolgar jıyenı" tedbirinde iştirak etti. Bu künleri Tatarstannıñ Spassk rayonındaki Bolğar qoruq-müzeyinde keçirilgen ananeviy tedbir İtil boyu qadim Bulğarnıñ İslâmnı qabul etmesine bağışlanğan. Tantanalı tedbirde toplanğanlar ögünde Qırım Müftisi çıqışta bulundı. O, Tatarstan Cumhuriyetiniñ akimiyetine ve din erbaplarına tarihiy tedbirde iştirak etmek imkânını yaratqanları içün teşekkür bildirdi. Bundan da ğayrı, o, qayd etti ki, Rabbimiz bizge bergen er şeyni saqlamaq kerek, ve ibadetnen dua etmek, dinni saqlap tiklemek imkânları içün şükür etmek kerek. "Yañı camiler qurula, inanğanlarnıñ maneviy ihtiyaclarını yerine ketirmek, milletlerniñ milliy özgünligini saqlamaq içün kerekli şaraitniñ yaratılmasına büyük diqqat ayırıla. Devletniñ müftilikleri, camileri ve  medreseleri ananeviy İslâm dininiñ saqlanıluvı, müminlerniñ diniy bilgilerini arttırmaq, olarnıñ tuvğan tilini ögrenip qullanması içün büyük iş yapalar. Ebet, çezilmegen daa çoq mesele bar, er birimizniñ vazifesi – diniy ayatta olğan meselelerniñ çezilüvi içün doğru yol tapmaqtır", – qayd etti Qırım Müftisi. Açılış merasiminden soñ iştirakçiler "Kiçik minare ve Hanlar türbesi" saasında dua oqudılar, soñra, vaqıtı kirgen soñ, Rusiye musulmanlarınıñ merkeziy diniy idaresiniñ reisi, Rusiyeniñ aliy Müftisi Talğat Tacudin imamlığında cemaat namazı keçirildi. Bayramda ananeviy ustalar yarmalığı çalışa. Tedbir programmasında qırımtatarlarnıñ ananeviy "küreş" sport çeşitine beñzegen küreş yarışı keçirile. İhtar: "İzge Bolgar jıyenı" Bulğarda 1989 senesinden başlap keçirile. Tedbirde Rusiyeniñ farqlı bölgelerinden ve çetelden kelgen musafirler, Tatarstan akimiyeti, diniy idarelerniñ vekilleri, rayonlarnıñ başlıqları, nazirlikler ve çeşit idarelerniñ rehberleri, Rusiye bölgeleriniñ müftileri iştirak ete. Qırım MDİ matbuat hızmeti [gallery link="file" columns="4" size="medium" ids="48293,48291,48289,48295,48297,48287"]

Qırım Müftisi Qazanda “Milliy özgünlik ve din” forumında iştirak ete (FOTO)

Опубликовано:

Qırım Müftisi hacı Emirali Ablayev Qazanda HI Bütünrusiye tatar din erbaplarınıñ forumında iştirak ete. "Milliy özgünlik ve din" forumında biñ eki yüz delegat, devletniñ farqlı köşelerinden kelgen din erbapları ve cemaat faaliyetçileri iştirak ete. Qırım Müftisi forumnıñ açılış oturuşında selâmlav sözlerinen çıqışta bulundı. O, forum iştirakçilerine muvafaqiyetli ve semereli çalışmalar tiledi. Qırım musulmanlarınıñ diniy yetekçisi qayd etti ki, qırımtatarlar içün diniy ve milliy mensübiyet bir-birinden ayırılmaz şeylerdir. "Dinimiz sayesinde biz bir gruppağa, sülâlege, milletke ve devletke mensübiyetimizni derk etemiz. Dinimiz milliy özgünlimizni çevrelegen ananelerimizni saqlap nesillerimizge yetkizmege yardım ete", – dedi Müftisi efendi. Bundan da ğayrı, o, Tatarstan Cumhuriyetiniñ Devlet Mesleatçısı Mintimer Şaymiyevge, Tatarstan Cumhuriyetiniñ prezidenti Rustam Minnihanovğa, Tatarstan Cumhuriyetiniñ Müftisi Kamil Samigullinge ve Bütündünya tatarlar kongressi Milliy Şurasınıñ başlığı Vasil Şayhraziyevge çoq milletli Tatarstanda milletlerara ve dinlerara añlayışnen dostane munasebetlerni saqlağanları içün teşekkürler bildirdi. Bundan da ğayrı, o, Qırım başlığı Sergey Aksönov şahsında Qırım Cumhuriyeti akimiyetiniñ işi sayesinde cumhuriyette milletlerara ve dinlerara çoqasırlıq dostane munasebetler saqlanğanını qayd etti. Bu senedeki forumnıñ şiarı tatar şairi Gabdulla Tuqaynıñ şiirinden alınğan: "İ tugan tel! Sindә bulgan iң elek kıylgan dogam…". Bundan da ğayrı, forumnıñ programması boyunca Tatarstannıñ Spassk rayonınıñ Bolğar şeerinde er yıl keçirilgen ananeviy "İzge Bolgar jıyenı" tedbiri keçirilecek. Hatırlatamız, 2021 senesi Tatarstanda tuvğan tiller ve milliy birlik yılı olaraq ilân etildi. Tatar din erbaplarınıñ birinci forumı Qazanda 2010 senesi, sentâbrde keçirildi. O zaman forumda Rusiyeniñ 40 bölgesinden 700-den ziyade din hadimi iştirak etti. Qırım MDİ matbuat hızmeti [gallery link="file" columns="4" size="medium" ids="48275,48273,48271,48269"]

Eski Qırımda balalar içün yaz meydançığı açıldı (FOTO)

Опубликовано:

Eski Qırım şeerinde, Özbek han camisinde İslâm temelleri kurslarınıñ talebeleri içün yazlıq meydançığı açıldı. Derslerni din ocası Zera Osmanova alıp bara. Tedbirde 6-13 yaş arasında 20 bala iştirak ete. Meydançıqnıñ programmasında İslâm temelleri dersleri, Quran oquvı, peyğamberlerniñ ayatını ögrenüv, tarihiy mevzularda suhbetler, farqlı master-klasslar, sport yarışları, kvestler, viktorinalar ve ziyaretler bar. Balalar artıq "Qırımtatarlarnıñ medeniyeti ve turmuşı" ev-müzeyini ziyaret ettiler. Anda olar bir asır evelsi yaşağan qırımtatarlarnıñ turmuşınen tanış oldılar. Ziyaretniñ maqsadı – milletimizniñ tarihı, urf-adeti ve ananelerinen tanış etmektir. Qırım MDİ matbuat hızmeti [gallery link="file" columns="4" size="medium" ids="48230,48240,48238,48236,48234,48232"]

Qırım MDİ-niñ din ocaları 2021 senesiniñ yazına planlarını muzakere ettiler (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde Qırım MDİ qadın din ocalarınıñ toplaşuvı olıp keçti. Ocalar yaz tatili devamında işleriniñ cedvelini muzakere ettiler. Hususan, cumhuriyetniñ bütün bölgelerinde qadınlar ve balalar içün yazlıq tahsil programmaları başlana. Balalar içün dersler, umumen, yazlıq meydançıqları şekilinde ötkerilecek. Programmada master-klasslar, oyunlar ve ziyaretler mevcut. Bundan da ğayrı, ocalar iyün 19-22 künleri Saq şeerinde keçirilecek "Rusiye ve İslâm medeniyetleriniñ qarşılıqlı tesiri: qoranta ve karyera" IX bütünrusiye musulman qadınlar teşkilâtları qurultayında iştirak etmek içün azırlıq programmasını muzakere ettiler. Buña ilâve olaraq, Qırımnıñ bir qaç bölgesinde yazda qadınlar içün tematik seminarlarnıñ keçirilmesi közde tutula. Al-ı azırda Qırım Cumhuriyeti ve Sevastopol şeeri musulmanları diniy idaresi erkânında 80 qadın-qız din ocası çalışa. Qırım MDİ matbuat hızmeti [gallery link="file" columns="4" size="medium" ids="48100,48098,48096,48094,48092"]

Qırım Müftiliginde rayon imamlarınıñ iş toplaşuvı olıp keçti (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde nevbetteki aylıq imamlar toplaşuvı olıp keçti. Adet üzre toplaşuv diniy seminardan başlandı. Lektsiyanı Qırım Müftisiniñ muavini Ayder İsmailov keçirdi. Fıqıh magistri "İman" mevzusını açıqladı. Toplaşuvda imamlar 2021 senesi, mayıs 23 künü yol qazası neticesinde bu dünyanı terk etken Qurman rayonınıñ baş imamı Arsen Yağlıyevniñ hatırasına dua oqudılar. Toplaşuv esnasında din erbapları keçken ayda rayonlarda yapılğan işleri içün esabat berdiler. Hususan, mubarek Ramazan ayı devamında keçirilgen hayriye aktsiyaları ve qırımtatar halqınıñ Qırımdan sürgün etilmesiniñ 77-yıllığı munasebetinen keçirilgen tedbirlerniñ neticesi çıqarıldı. Hatırlatamız, mayıs 18 künü Qırımnıñ bütün camilerinde halqımıznıñ vatanından zorbalıqnen sürgün etilmesiniñ qurbanları hatırasına dualar oquldı. Bundan da ğayrı, imamlar Qurban bayramına azırlıqnı, sadaqa ve yaz tatilinde rayonlarda İslâm temelleri kurslarınıñ keçirilüvi, bunıñ kibi diger meselelerni muzakere ettiler. Qırım Müftisi hacı Emirali Ablayev imamlarğa muvafaqiyetli çalışmalar tilep, COVID-19 hastalığınıñ darqalmaması içün añlatuv işlerini muntazam şekilde tekrarlap alıp barmalarını tevsiye etti. Qırım MDİ matbuat hızmeti [gallery link="file" columns="4" size="medium" ids="47962,47960,47958,47956,47954,47952,47948,47946,47944,47942,47940,47938,47936"]

Qırımda elâl mahsulat teklifleriniñ sayısı arta (FOTO)

Опубликовано:

Qırım Müftiliginde Qırım Cumhuriyeti ve Sevastopol şeeri musulmanları diniy idaresiniñ "Elâl" sertifikatsiyası merkezi tarafından daa bir sertifikat berildi. Qırım Müftisiniñ muavini Ayder İsmailov sertifikatnı iş adamı Mamedov Aziz Alizaroviçke taqdim etti. Onıñ şirketi büyük ve kiçik baş ayvanlarnı soyıp sata. Mezbahhane Armânsk şeeri, Suvorovo köyü, Batova soq., 6 adresi boyunca yerleşe. "Sizge milletimizniñ, bütün Qırım sakinleriniñ eyiligi içün çalışmaqlar tileymiz. Allah hayır işleriñizde yardımcıñız olsun", – dedi Ayder İsmailov. Merkezniñ hadimleri şirkette talimat keçirip, ayvanlarnıñ soyuluvı, iş yeri ve donatımınıñ çalışması şartları aqqında tarif ettiler, konsultativ yardımnı kösterdiler. QMDİ "Elâl" sertifikatsiyası merkezi tarafından qoyulğan şartlarnıñ episi yerine ketirilgen soñ, iş adamına bir yılğa sertifikat berildi. Qırım MDİ matbuat hızmeti [gallery link="file" columns="4" size="medium" ids="48013,48011,48009"]

Maneviyat, icat, sport. Saqta ösmürler içün yazlıq lageri açıldı (FOTO)

Опубликовано:

Saq şeerinde "Yañı cami" camisi yanında oğlanlar içün yazlıq lageri açıldı. Saq şeeriniñ imamı Mesfer Settarovnıñ sözlerine köre, eki aftalıq lagerniñ programmasında İslâm temelleri, Quran oquvı, Muhammed Peyğamberniñ (s.a.s.) ayatını ögrenüv dersleri mevcut, bundan da ğayrı, sport yarışları, inkişaf ettirici oyunlar, kvestler ve viktorinalar olacaq. Ekskursiyalar ve intellektual piknikniñ keçirilüvi de közde tutula. "Er sabanı biz gimnastikadan başlaymız, bundan soñ balalar ocalarnen ders yapalar. Balalarğa meraqlı olsun dep, biz sport ve icat sektsiyalarnı da kirsettik. Bundan da ğayrı, biz camide beraber cemaat namazını qılamız. Sport, icat, diniy bilgiler – bular sayesinde ösmür içün yaz meraqlı ve faydalı keçe", – dedi Mesfer Settarov. Oğlanlar içün lager eki afta devam etecek, bundan soñ ise, qızlar içün lager başlaycaq. Qırım MDİ matbuat hızmeti [gallery link="file" columns="4" size="medium" ids="48212,48209,48207,48205,48203,48201,48199,48197,48195,48193,48191,48189,48187,48185,48183,48181,48179"]

Qadimiy cami suvuqlarğa azır (FOTO)

Опубликовано:

Aqmeçit (Çernomorskoye) rayonınıñ Kerleut (Vodopoynoye) köyüniñ camisinde kelecek suvuqlarğa evelden azırlıq köreler. Bu künleri mütehassıslar camide sıcaq zemin sistemasını elektrik ağına qoştılar. Sistema ta 10 yıl evelsi yapılğan edi, amma 3 fazalı sayğaç olmağanı sebebinden onı elektrik ağına qoşulması imkânsız edi, ve musulmanlar ibadetlerini suvuq binada keçirmege mecbur ediler. Bu sene Kerleut köyüniñ sakinleri ve rayonnıñ lâqayd qalmağan sakinleri 3 fazalıq sayğaçnıñ işke kirsetilüvi ve resmiyleştirilüvi içün para topladılar. Artıq suvuqlarda cami sıcaq olacaq. Hatırlatamız, camide İslâm temelleri ve Quran oquvı dersleri de alıp barıla. Kerleut köyüniñ camisi tahminen XVIII asırnıñ başında quruldı. 1929 senesiniñ soñunda, ibadetler toqtatıldı ve cami qapaldı. Bundan soñ, cami binası himiya maddeleriniñ saqlanılması içün anbar olaraq qullanıldı. 1944 senesi, qırımtatarlar Qırımdan sürgün etilgen soñ, yerli kommunistler caminiñ minaresini yıqtılar, cami yanındaki mezarlıqnı da bozdılar. 90-nci seneleri Kerleut camisi ğayrıdan çalışıp başladı, minaresi ğayrıdan quruldı, cami yerli din cemiyetine qaytarıldı. Qırım MDİ matbuat hızmeti [gallery link="file" columns="4" size="medium" ids="47972,47974,47970,47968,47966"]