Haberler - Page 18 of 55 - ЦРО ДУМКЦРО ДУМК | Страница 18

Четверг

09

июля

18
Зуль-къаде
1441 | 2020
Утр.3:04
Вос.4:56
Обед.12:53
Пол.16:56
Веч.20:40
Ноч.22:32
Времена намазов
Календари 2020г

Намаз

Haberler - Page 18 of 55 - ЦРО ДУМК

Aqmescitte uruşlarda elâk olğan UİS hadimleriniñ hatırasına turnir keçirildi (FOTO)

Опубликовано:

Qırım Cümhuriyetiniñ cıyma taqımlarınıñ sport idmanları Merkezinde "Unutmamalı…" adlı karate-do boyunca hatıra turniri keçirildi. Yarışlar Ekinci cian cenkinde elâk olğan cinaiy-icra sistemasınıñ hadimlerine bağışlanğandır. Yarışnıñ teşkilâtçıları – Qırım Cümhuriyeti ve Sevastopol şeeri boyunca Rusiye ÜFSİN ve Qırım Cümhuriyet karate-do Federatsiyasıdır. Turnirniñ esas maqsadı – sportnıñ populârlaştırıluvı ve Qırım yaşlarınıñ sport ceetinden terbiyelenüvi. Turnirge farqlı yaştaki sportçılar  -  eñ küçügi – 5 yaşında, büyükler ise 18+ yaş kategoriyasında qoşuldı. Umumen, turnirde 250 sportçı iştirak etti. Yarış ğaliplerini Aqmescit şeeriniñ baş imamı, Qırım Müftisiniñ Qırım Cumhuriyeti ve Sevastopol şeerinde Rusiye FSİN  işbirligi boyunca yardımcısı Muhammed İslamov hayırladı. Selâmlav sözlerinde o, yaşlar sportqa büyük diqqat ayırmaq kerek olğanını ve sport -  bala terbiyesiniñ temellerinden biri olmaq kerekligini qayd etti. Muhammed İslamov:. "Sport yaramay alışqanlıqlarnen küreşmege yardım ete, insannı bir tertipke çeke, er bir balanıñ ömür maqsadlarını qoymağa yardım ete, bala, ösmürler, yigit ve qızlarnı sağlam ayat tarzına alıştıra", - dep qayd etti Yarış iştirakçileri öz-özlerini nezaret etüv, israrlıq kibi çizgilerni kösterip, yüksek seviyede sport ustalığını numayış ettiler. Yarışnıñ ğalipleri ve prizörları şeadetnameler, medaller ve qıymetli bahşışlar ile mukâfatlandırıldı. QMDİ MDT matbuat hızmeti [gallery link="file" columns="4" size="medium" ids="27628,27626,27624,27622"]

Qurmanda din dersleri açılacaq

Опубликовано:

2019 senesi aprel 29 künü Qurman qasabasınıñ "Mekke-cami" camisinde qadın-qızlar içün İslâm dini esasları ve Quran oquluvı boyunca intensiv kurslar açılacaq. Derslerni Qırım müsulmanları diniy idaresiniñ ocası Hayrunissa Yağlıyeva alıp baracaq. İntensiv kurslarnıñ programmasında temel diniy bilgiler, namaz, abdest, gusulniñ alınması boyunca ameliy seminarlar ve Ramazan, orazağa bağışlanğan mahsus dersler yer alacaq. Kurslar çerçivesinde arap elifbesiniñ ögrenilüvi ve Qurannıñ doğru oquluvı da ögretilecek. Dersler er bazarertesi, çarşembe ve cuma künleri saat 15:00 - 17:00 keçirilecek. İstegen qadın-qızlar davet etile. Malümat içün telefon: +7 978 876 72 98 (Hayrunissa oca Yağlıyeva). QMDİ MDT matbuat hızmeti

Beloye-5 qasabasında islâm dini esasları kursları açıldı (FOTO)

Опубликовано:

Aqmescitte Beloye-5 qasabasınıñ camisinde erkekler içün İslâm dini esasları ve Quran oquvı kursları açıldı. Derslerni Qırım müsulmanları diniy idaresiniñ ocası Remzi Kurtdede alıp bara. Kurslar devamında iştirakçiler temel diniy bilgilernen bir arada namaznıñ doğru yapıluvı, abdest, gusul alınması kibi ameliy bilgilerni de alacaqlar. Bundan da ğayrı, iştirakçiler arap elifbesini, Qurannı doğru oqumağa ögrenecekler. Dersler er cuma künü saat 11:00 - 12:30 qadar devam etecek QMDİ MDT matbuat hızmeti [gallery link="file" columns="4" size="medium" ids="27608,27614,27612,27610"]

Qurannı ögrenmek iç bir vaqıt keç degil (FOTO)

Опубликовано:

Qırım ve Sevastopol şeeri müsulmanları diniy idaresiniñ destegi ile Qurman rayonınıñ Küleç Meçit köyüniñ camisinde Quran oquluvı boyunca erkekler gruppasında imtian olıp keçti. Qırım Müftisi hacı Emirali Ablayev adından talebelerni Müfti yardımcısı Raim Gafarov selâmladı. O, kurslarğa farqlı yaştaki insanlar qoşulğanını, olarnıñ arasında eñ yaşlı – Cafer Seydametov (63 yaşında) ve İlyas Zaredinov (60 yaşında) olğanını qayd etti. Olar qısqa müddet içinde Quran oqumağa ve tecvid qaidelerini ögrendiler. Bütün gruppağa qıymetli bahşışlar berildi. QMDİ MDT matbuat hızmeti [gallery link="file" columns="4" size="medium" ids="27638,27636,27634,27632,27630"]

Qırım Müftiligi ananeviy islâm qıymetlerine bağışlanğan halqara konferentsiyasında iştirak etti (FOTO)

Опубликовано:

Qırım Müftisiniñ muavini Esadullah Bairov "Milletlerara barışıq, adalet ve inkişafnı temin etken ananeviy islâm qıymetleri" ilmiy-ameliy konferentsiyasında iştirak etti. Tedbir aprel 18-19 künleri Tomsk şeerinde keçirildi. Forumda Rusiye regionlarından kelgen belli musulman din erbapları, Rusiye ve çetel ekspertleri, ilim, tasil ve medeniyet mütehassısları iştirak etti. Esadullah Bairovnıñ sözlerine köre, konferentsiyanıñ esas maqsadı – farqlı medeniyetleriniñ işbirligi ve çoq din vekilleri yaşağan devletleriniñ adaletli ve barışıqnıñ temin etilüvinde ananeviy islâm qıymetleriniñ rolü. "Qırımda çoq millet ve din vekilleri yaşağanı içün bu mevzunı bizim mevzumız dep adlandırmaq mümkün. İslâm – barışıq dini ve o narazılıqlarnı degil de, dostane munasebetlerni teşviq ete. Qırımda iç bir vaqıt diniy narazılıqlar olmadı, aksine, farqlı din ve millet vekilleri arasında güzel munasebetler üküm sürmekte. Körgenimiz kibi, bugün bu farqlılıq bölünüvniñ degil de, milletler birleşkeniniñ temeli oldı", - dep ayttı Esadullah Bairov. İlmiy-ameliy konferentsiyası çerçivesinde iştirakçiler, musulman din cemiyetleri, NKO, devlet ve yerli akimiyet organlarınıñ işbirlik mehanizmlerini ögrendi, bundan da ğayrı, maneviy qıymetleriniñ ekstremizmnen küreşüvde qullanıluvınıñ perspektivalarını muzakere etti. Qoşma tedbir olaraq "Ananeviy islâmnıñ maneviy qıymetleri Merkeziy Asiyanıñ halqara iqtisadiy birleşüviniñ müim faktorı" muzakere tögerek masası keçirildi. Konferentsiya iştirakçileri yaşlar ve cemaat vekilleri ile körüşüvde iştirak etti. Rusiye regionları ve Asiya devletleriniñ Müftileri Sibir musulman din cemiyetleriniñ vekilleri ile Tomsk cuma camisinde cuma namazında iştirak etti. QMDİ MDT matbuat hızmeti [gallery link="file" columns="4" size="medium" ids="27552,27549"]

Qırım Müftisi: “Tek tasili ve bilgisi olğan halq ileriley ve fayda ketirebile”.

Опубликовано:

Qırım Müftisi hacı Emirali Ablayev: "İçtimaiy dialog – çoq taraflı inkişafnıñ temeli. Rusiye ve arap dünyası – dialogdan işbirlikke ve stabil dünyağa doğru" konferentsiyasında iştirak etti. Konferentsiya V yubiley Yalta halqara iqtisadiy forumı çerçivesinde olıp keçti. Tedbir adet üzre "Mriya Rezort" ötelinde aprel 18-20 künleri keçirildi. Konferentsiyada siyasiy ve cemaat erbapları, jurnalistler, Mısır, Saudiya Arabistan, Oman, Livan, İrak, Birleşme Arap Emirlikleri ve Suriyeden kelgen iş adamları iştirak etti. Qırım Müftisi çıqışında, qırımtatarlar ve Rusiye müsulmanlarınıñ, umumen, dünya müsulmanlarınıñ üzülmez bağını ayırıca qayd etti ve: "Qırımtatarlar Vatanğa qaytqanına otuz yıl toldı. Bugün yarımadada 350 cami çalışa, ezanlar oqula, mektepler, bala bağçaları qurula, öz universitetimiz, medresemiz bar. Şimdilik esas maqsadımız – Vatanımızda diger din vekilleri ile barışıqta yaşamaq ve inkişaf etmektir. Buña irişmek içün yaşlarımığa güzel tasilni bermek kerekmiz. Tek tasili ve bilgisi olğan halq ileriley ve fayda ketirebile. Bu aqta bizim ulu maarifçiimiz İsmail Gasprinskiy aytqan edi", - dep qayd etti. Müfti Qırım Başına, Qırımda barışıqnı qurmağa yardım etkeni ve bir çoq meselelerni çezmege yardım etkeni içün teşekkürler bildirdi. Bundan da ğayrı, iştirakçiler ögünde Rusiye Müftiler Şurasınıñ reisi, Müfti Şeyh Ravil Gaynutdinov, Palestina ve İyerusalimniñ Üyken Müftisi Muhammad Huseyni, BAE, Livan, İrak, Suriyeden kelgen iş adamları ve jurnalistler çıqışta bulundılar. Malümat: Yalta halqara iqtisadiy forumı – iqtisadiyat saasında er senelik tedbirdir. Forumnıñ teşkilâtçıları: Qırım Cumhuriyetiniñ akimiyeti, Rusiye Prezidenti Memuriyetiniñ destegi ile "Yalta halqara iqtisadiy Forumı" Fondu. V Yalta Halqara iqtisadiy forumı Qırımda aprel 17-20 künleri olıp keçe. Forumnıñ baş mevzusı: "Barışıq. Rusiye. Qırım. Yañı devir". Forum programması boyunca 40 tematik muzakere, eki plenar toplaşuv, "Sanktsiyalar dünyası. Global talaplar" konferentsiyasınıñ keçirilüvi közde tutula. YAMEF işinde 3 biñ insan iştirak ete, şu cümleden siyasetçiler, bütün dünyadan kelgen ekspert birleşmesiniñ vekilleridir. QMDİ MDT matbuat hızmeti [gallery link="file" columns="4" size="medium" ids="27534,27530,27528,27526,27524,27522,27520,27518,27516,27514,27512,27510,27508,27506,27504,27502,27500,27498,27496,27494,27492,27490,27488,27486,27484,27482,27480,27478,27476,27474,27472,27470,27468"]

Qırımnı ilk sefer İyerusalim ve Palestina Müftisi ziyaret etti (FOTO)

Опубликовано:

Qırım Müftisi haci Emirali Ablayev, Qırım Cumhuriyetiniñ Başı Sergey Aksönov, Rusiye Müftiler Keñeşiniñ Reisi Müfti Şeyh Ravil Gaynutdin ve İyerusalim ve Palestinanıñ Baş Müftisi Muhammad Huseyn ile körüşüvde iştirak etti. Körüşüv, V Yalta iqtisadiy Forumı çerçivesinde olıp keçti. Körüşüv devamında Rusiye Müftileri Keñeşiniñ Reisi, Qırım Başı Sergey Aksönovğa Cuma caminiñ qurucılığı içün teşekkürler bildirdi. Rusiye Müftileri Keñeşiniñ Reisi: "Qırım müsulmanlarına ayırğan diqqatıñız içün büyük teşekkürler bildirem. Biz, Müfti hacı Emirali Ablayevnen birlikte Aqmescitteki Cuma caminiñ inşaatı yerini ziyaret ettik. Qurucılıqnı nezaret etkeniñiz ve idare etkeniñiz içün, çoq sağ oluñız", - dep ayttı. Sergey Aksönov ise, öz nevbetinde, diniy liderlerniñ, milletlerara ve dinlerara munasebetlerine isse qoşqanları içün büyük  sayğı muammelesinde bulunğanını ve ananeviy İslâm – Qırımnıñ maneviy mirasınıñ ayırılmaz parçası ve Rusiye medeniyeti kodınıñ temeli olğanını qayd etti. Qırım Başı: "Qırım müsulmanları, Cümhuriyetniñ iqtisadiy ve medeniy inkişafına büyük issesini qoşalar. Prezidentimiz Vladimir Vladimiroviç Putin sayesinde regionda ve, umumen, Rusiyede dinlerara ve milletlerara barışıqqa büyük diqqat ayırıla. Bu temel olmadan müsbet inkişaf, iqtisadiy deñişmeler olmaz. Maneviy liderlerge forumda iştirak etkenleri içün teşekkürler bildirem", - dep ayttı. Bundan da ğayrı, tedbir çerçivesinde İyerusalim ve Palestinanıñ Baş Müftisi Muhammad Huseyn, Palestina Prezidenti Mahmud Abbasnıñ selâmlarını bildirdi ve: "Qırım Rusiyeniñ yetekçi regionlarından biridir. Mında müsulman infrastrukturasınıñ inkişafı körüne. Rusiye, hususan, Qırımda bulunıp biz köremiz ki, müsulmanlarnıñ aqları diger din vekillerinen musaviy bir şekilde amelge keçirile. Forumğa davetiñiz içün çoq sağ oluñız. Bu rus-arap munasebetleriniñ qaviyleşmesine siltem olur", - dep ayttı. Öz nevbetinde, Qırım Müftisi hacı Emirali Ablayev, Qırım müsulmanlarınıñ yaşayışları aqqında ikâye eterek, Qırım Cümhuriyetinde, milletlerara ve dinlerara munasebetler ep qaviyleşkenini qayd eti. Qırım müsulmanlarınıñ inkişafı ve diniy ihtiyaclarını yerine ketirmek içün, kerekli şaraitler bar, yarımadada islâm dininiñ inkişafı ve islâm medeniyetiniñ saqlanıluvı içün işler alıp barıla. Malümat: Yalta halqara iqtisadiy forumı – iqtisadiyat saasında er yıl keçirilgen tedbirdir. Forumnıñ teşkilâtçıları: Qırım Cümhuriyetiniñ Ükümeti, Rusiye Prezidenti Memuriyetiniñ destegi ile "Yalta halqara iqtisadiy Forumı" Fondu. V Yalta Halqara iqtisadiy forumı Qırımda, aprel 17-20 künleri keçirildi. Forumnıñ baş mevzusı: "Barışıq. Rusiye. Qırım. Yañı devir". Forum programması boyunca 40 tematik toplaşuvlar, eki plenar toplaşuv , "Sanktsiyalar dünyası. Global talaplar" konferentsiyasınıñ keçirilüvi közde tutula. YAMEF işinde 3 biñ insan iştirak ete, şu cümleden, siyasetçiler, bütün dünyadan kelgen ekspert birleşmesiniñ vekilleridir.  QMDİ MDT (Malümat İDARESİ VE Qırım Cumhuriyeti Başınıñ matbuat merkeziniñ malümatına esaslanıp) [gallery link="file" columns="4" size="medium" ids="27458,27466,27464,27462,27460"]

 Muqaddes Ramazan ayında bölünüvge yol bermeyik

Опубликовано:

Ramazan ayı ve orazanıñ arfesinde Qırımda qanundan tış faaliyet köstergen diniy strukturalar ve fırqalar, Ramazan ayınıñ başlanuvı aqqında yañlış malümatnı darqata. Bu ise Qırımnıñ musulman ümmeti arasında sahte bölünüvler yapıla. Qırım Müftiligi müsulmanlarnı, internette ve açıq menbalarda olğan Ramazan ayınıñ başlanuvı ve soñu, bayram künü aqqındaki  doğru malümattan faydalanmağa çağıra. Bu sene Ramazan ayı mayıs 6 künü başlana. Qırım müsulmanları diniy idaresi fitir sadaqasını eñ az 230 ruble miqdarında belgiledi. Orazanıñ soñunda Oraza bayramı qayd etilecek. Bayramnıñ birinci künü – iyünniñ 4, bayram üç kün devam etecek. İyün 4 künü Qırımnıñ bütün camilerinde bayram namazı saba saat 06:00 qılınacaq. Ramazan ayında suhur ve iftar vaqıtları, namaz vaqıtları Qırım Müftiliginiñ resmiy saytında, "Hidayet" gazetasında ve Qırım camilerinde mevcut. QMDİ MDT matbuat hızmetiс

İftar. Orazalılarnı aşatmaq – sevaptır!

Опубликовано:

2019 senesi mayısnıñ 6-da müsulmanlar içün eñ qıymetli sayılğan Ramazan ayı başlana. Bir ay devamında musulmanlar künniñ yarıq qısımında aş, suv ve cinsiy munasebetlerden vazgeçeler. Er yıl Qırım müsulmanları Diniy idaresi Ramazan ayı devamında müsulmanlar içün iftarlarnı keçire. İftarlar er kün berile. İftar bermek niyetlengenler tolusınen ya da qısmen iftarnı keçire bileler. İftarlarnıñ keçirilüvine qoşulmağa istegenler Qırım müsulmanları Diniy idaresine muracaat etebileler: Aqmescit ş., Kurçatov soq., 4, ya da nevbetteki telefon nomeraları boyunca bağlanmaq mümkün: +7978 765 2070 Ridvan Maksudov, +7978 867 7849 Remzi Kurtdede. QMDİ MDT matbuat hızmeti

Qırım Müftiligi fıtır sadaqasınıñ miqdarını belgiledi

Опубликовано:

Qırım ve Sevastopol şeeri müsulmanları Diniy idaresi bu sene fıtır sadaqasınıñ miqdarını 230 ruble olaraq belgiledi. Bu berilmesi şart olğan sadaqa, fuqareler, hastalar ve yetimler arasında darqatıla. Onı bayram namazından evel bermek kerektir. Qırım Müftiligi, "Merhametlik" aktsiyası çerçivesinde müsulmanlarnı fıtır sadaqasını ağır hasta balalarnıñ tedaviylenüvi içün bermege çağıra. 2009 senesinden başlap 2018 senesiniñ avgust ayına qadar "Merhametlik" aktsiyası çerçivesinde 17 million ruble toplanıldı. Paralarnıñ çoqusı ağır hastalıqları olğan balalarnıñ tedaviylenüvine berildi. QMDİ MDT matbuat hızmeti

“Temizlik – imannıñ yarısıdır” (FOTO)

Опубликовано:

Aqmescitteki Borçoqraq qasabasınıñ camisinde yerli müsulman din cemiyetiniñ teşebbüsi ile talaqa işleri keçirildi. Çağıruvğa Borçoqraq qasabasınıñ yerli cemaatı seslendi. Cemaat yardımı ile araba qapıları yañılandı, terekler boyalandı, camige alıp kelgen yollar temizlendi, tereklerniñ pıtaqları kesildi, meyva terekleri ve çeçekler saçıldı. Cami imamı Fatih Memetovnıñ sözlerine köre, cami toprağında talaqa işleri sıq-sıq keçirile. Bu sefer Ramazan ayına azırlıqlar çerçivesinde ötkerildi. "Muhammed Peyğamber (s.a.s) dedi ki, "Temizlik – imannıñ yarısıdır". İnsannıñ temizligi er taraflama olmalı – em tış, em de içki temizliktir. Bunıñ içün Allahtan büyük mukâfat olacaq". QMDİ MDT matbuat hızmeti [gallery link="file" columns="4" size="medium" ids="27300,27304,27302"]  

Muqaddes Şaban ayı başlandı

Опубликовано:

Qırım müsulmanları diniy idaresi, musulmanlarnı muqaddes Şaban ayınıñ başlanuvı ile hayırlay. Şaban – ay taqviminiñ sekizinci ayıdır. Ondan soñ Ramazan ayı başlana. Şaban – temizlenüv ayıdır. Onıñ emiyeti aqqında Muhammed Peyğamber (s.a.s.) böyle dedi: "Şaban ayınıñ diger aylarğa köre üstünligi, menim başqa peyğamberlerge nisbeten üstünligim kibidir". Şaban ayınıñ qıymeti Beraat gecesinden ibaret. Hadislerge köre, bu gece, pahıllıq-hased ve etne etkenler, alkogol içkenler, soy-soplar ile bağlarnı üzgenler, ana-babasınıñ sözünden çıqqanlar, cemiyetni qanun-qaidelerini bozğan, kibir ve zina yapqanlardan başqa, müsulmanlarnıñ günahları afu etile. Bundan da ğayrı, Şaban ayında oraza tutula. Oraza tutmaq farz degildir, amma müsulmanlarnı maddiy ve maneviy ceetten Ramazan ayına azırlay. Hadislerde böyle deñile: "Şaban ayınıñ başı, ortası ve soñunda üçer kün oraza tutqanlarğa, Allah yetmiş peyğamberniñ  sevabını yazdıracaq, onıñ derecesi ise, Allahqa 70 yıl devamında ibadet etken qulnıñ derecesine qadar yükselecek. Bu sene ölse, şehit olıp ketecek". "Allah, Şaban ayınıñ birinci ve soñki cumaaqşamı künü oraza tutqannı cennetke kirsetmege söz berdi". Ürmetli vatandaşlar, dindaşlar! Bu ayda yapılğan hayırlı işlerniñ sevabı qat-qat üstün berile ve maniasız qabul etile. Allah ibadetlerimizni qabul etsin! QMDİ MDTmatbuat hızmeti