Haberler - Page 15 of 55 - ЦРО ДУМКЦРО ДУМК | Страница 15

Четверг

16

июля

25
Зуль-къаде
1441 | 2020
Утр.3:14
Вос.5:02
Обед.12:54
Пол.16:56
Веч.20:36
Ноч.22:24
Времена намазов
Календари 2020г

Намаз

Haberler - Page 15 of 55 - ЦРО ДУМК

Qadimiy Bulğarda İslâmnıñ qabul etilüv künü qayd etildi (FOTO)

Опубликовано:

Qırım Müftisiniñ muavini Esadullah Bairov "İzge Bolgar jıyenı" bayram tedbiriniñ tantanalı açıluvı merasiminde iştirak etti. Bayram, Volga (İdil) Bulğariyanıñ İslâmnıñ resmiy olaraq qabul etilüvine bağışlandı. Tedbir, 2019 senesi iyünniñ 15-de  Bulğar qoruq-müzeyinde ötkerildi. Tantanalı merasimde Tatarstan Cumhuriyetiniñ birinci şahısları, din erbapları, Rusiye regionlarınıñ Müftileri, münitsipal teşkilâtlarnıñ başları ve digerleri iştirak etti. Bayram diniy muzıkanen başlandı, bundan soñ, TC Prezidenti Rustam Minnihanovnıñ iştiragi ile resmiy qısım açıldı. Bundan da ğayrı, toplanğanlar ögünde Tatarstan Müftisi Kamil hazrat Samigullin, MMDİ başı Talgat hazrat Tacutdin, Tatarstan Cumhuriyetiniñ mesleatçısı Mintimer Şaymiyev ve digerleri çıqışta bulundı. İslâm akademiyasında keçirilgen "tögerek masa" devamında, cumhuriyet akimiyeti ve diniy liderleri din inkişafınıñ zemaneviy tendentsiyalarını muzakere etti. Qırım Müftisiniñ muavini Esadullah Bairov qayd etkenine köre, Qırımnıñ  İslâmnen bağlı zengin tarihı olğanı içün, bu kibi tedbirler meraqlı olmaqnen birlikte, Qırımnıñ yerli musulman ealisi ve cumhuriyetniñ musafirleri içün faydalı olur. Esadullah Bairov: "Bu  - em diniy, em  tasil bilgileriniñ büyük bilgi menbaasıdır", - dep qayd etti Üyle vaqıtında Cuma cami territoriyasında cemaat namazı qılındı. İnsanlar barışıq, bereket ve muabbetlikte yaşamaları içün dua oquldı. Bulğar territoriyasında yarmalıq çalıştı, mında ustalarnıñ milliy üslüpteki işleri, suvenirler, milliy  yemekler taqdim etildi. 2005 senesinden başlap, bayram, Tatarstan Cumhuriyeti medeniyet Nazirligi, Bütündünya tatarlar kongressiniñ icadiy komiteti, TC musulmanlar diniy idaresiniñ destegi ile keçirile. QMDİ matbuat hızmeti [gallery link="file" columns="4" size="medium" ids="30223,30217,30215,30213,30211,30209,30203,30197,30199,30201,30225,30221,30219"]

Zemaneviy cemiyette imamnıñ emiyeti muzakere etildi (FOTO)

Опубликовано:

İmamlar – milletniñ diniy ananelerini saqlağan insanlardır. Olarnıñ vazifesi – musulmanlarnı barıştırmaq, olarnıñ muabbetlikte yaşamaları içün çalışmaq, insanlarğa teselli olmaq ve ümüt bermektir. Bu aqta Qırım Müftisiniñ muavini Ayder İsmailov, X Bütünrusiye tatar diniy erbapları forumınıñ "Milliy özgünlik ve din" plenar toplaşuvda bildirdi. Tedbir "Qazan Ekspo" halqara sergi merkeziniñ meydanında olıp keçti. Muzakerede, Tatarstan Cumhuriyetiniñ Prezidenti Rustam Nurgaliyeviç Minnihanov, TC Baş Naziriniñ muavini, "Milliy Şura" Bütündünya tatarlar kongressi milliy şurasınıñ reisi Vasil Şayhraziyev, Rusiye müftiler Şurası ve Rusiye Federatsiyası musulmanları diniy idaresi reisiniñ Birinci muavini Ruşan hazrat Abbâsov, Tatarstan Cumhuriyeti musulmanları diniy idaresiniñ Başı Kamil Samigullin, MDMİ Başı Talgat Tacutdin ve diger itibarlı musafirler iştirak etti. Toplanğanlarnı selâmlap, Rustam Nurgaliyeviç Minnihanov, esas vazifelerden biri – diniy ve milliy tasilni inkişaf etmek kerek olğanını  ve imamlar büyük işni eda etkenlerini, diniy vakuumnıñ peyda olmasına ve radikal ğayelerniñ inkişaf etmesine yol bermegenini qayd etti. Rustam Minnihanov: "Biz özgünligimizni, dinimizni, tilimizni ve medeniyetimizni saqlamaq kerekmiz. Bu inkişafımız içün güzel temel olur", - dep ayttı. RMŞ Başı ve RF MDİ Birinci muavini Ruşan Abbâzov öz çıqışında, aynı imam insanlarğa, assimilâtsiyağa, ölümniñ yüksek derecesine ve doğuvnıñ alçaq derecesine  yol bermegen din qaidelerini añlatqanını qayd etti. QMDİ matbuat hızmeti [gallery link="file" columns="4" size="medium" ids="30100,30098,30096,30094,30092,30090,30088,30086,30084,30082,30080,30078,30076,30074,30072,30070,30068,30066,30064,30062,30060,30058,30056"]

Qırımtatar tili – Qırım Cumhuriyetinde İslâm dinini kütmesiniñ tilidir (FOTO)

Опубликовано:

Qırımdaki diniy teşkilâtlar ve din erbapları tarafından faaliyetlerinde qırımtatar tiliniñ qullanıluvı – ananeviy tecribedir. Bu aqta, X Bütünrusiye tatar din erbapları forumınıñ muzakere meydanında Qırım Müftisiniñ muavini Ayder İsmailov bildirdi. İştirakçiler diniy teşkilâtlarnıñ işlerinde tuvğan tilniñ qullanıluvını muzakere ettiler. Ayder İsmailov: "Qırımtatarlar Vatanğa qaytqanından berli, bütün diniy merasimlerde tek qırımtatar tili qullanıla. Bu ananeviy tecribe, evel-ezelden ananeviy İslâm mektebiniñ bütün ibadetleri qırımtatar tilinde keçirilgen. 2014 senesi qırımtatar tiline devlet tili statusı berildi. Camilerde keçirilgen bütün hutbeler ve diniy merasimler qırımtatar tilinde alıp barıla", - dep ayttı. Bundan da ğayrı, Müfti muavini, Quranda Allahnıñ: "Biz, öz milletiniñ tilinde laf etken Peyğamberlerni yolladıq" buyurığını hatırlattı ve: "Demek, til – sade malümat berüv usulı degil de, bu işanuv tilidir. Dinimizniñ talaplarından biridir", - dep ilâve etti. QMDİ matbuat hızmeti [gallery link="file" columns="4" size="medium" ids="30026,30024,30022,30020,30018,30016,30014,30012,30010,30008,30006,30004,30002"]

Qazanda mekteplerde diniy tasil usuliyeti muzakere etildi (FOTO)

Опубликовано:

Qırım Müftiliginiñ eyyeti, iyün 13-15 künleri Qazanda olıp keçken, X Bütünrusiye din erbaplarınıñ forumında iştirak etti. Forumnı, devletniñ farqlı regionlarından kelgen 1200 insan ziyaret etti. Birinci kün devamında, tasil sisteması erkânında diniy tasilniñ problemleri, diniy teşkilâtlarda tatar tiliniñ qullanıluvı ve diger mevzularda muzakereler keçirildi. TC ilimler Akademiyasında muzakere meydanında din esasları saasınıñ mütehassısları çıqışlar yaptı. Olar diniy tasil sistemasında peyda olğan problemlerniñ çezilüv yolları aqqında öz fikirlerini açıqladı. Hususan, mütehassıslar, din esasları boyunca mektep olimpiadalarınıñ teşkil etilüvi ve region (rayon, şeer, köy) din erbapları ile körüşüvlerniñ teşkil etilüvi, kibi usullarnı teklif ettiler. Pedagogika ilimler namzeti, Çuvaşiya cumhuriyet institutındaki şahsnıñ maneviy-ahlâqiy inkişafı Merkeziniñ reisi Stanislav Russkovnıñ sözlerine köre, diniy derslerde devlet regionınıñ regional, milliy ve etno-medeniy hususiyetlerini köz ögüne almaq kerektir. Pedagogika ilimleri doktorı, Moskva pedagogik universitetiniñ professorı Tatyana Petrakovanıñ sözlerine köre, tasil ceryanında din erbaplarınıñ iştiragi pek müimdir. Bu  - din erbapları teşkil etecek konferentsiyalar, camiler boyunca ekskursiyalar, yarışlar, muqaddes yerlerge hacılıqnıñ teşkil etilüvidir. Professor Bütündünya tatarlar kongressine usuliyet bazası ile saytnı yapmağa tevsiye etti. İvanovsk vilâyetindeki musulmanlar diniy idaresiniñ ve tatar milliy-medeniy muhtariyetiniñ reisi Fârit Lâpin, öz nevbetinde, devlet tasili çerçivesinde şahsiy-devlet işbirliginiñ teşkil etilüvi tecribesinen paylaştı. Qırım Müftisiniñ muavini Esadullah Bairovnıñ sözlerine köre, Qırım Cumhuriyetinde tasil sistemasına maneviy-ahlâqiy terbiye dersiniñ kirsetilüvi boyunca işler alıp barıla, amma, al-azırda, leyhanıñ ömürge keçirilüvi aqqında aytmağa daa erte. Esadullah Bairov: "Mezkür tecribe bar, amma biraz başqa şekilde, misal olaraq, vatanperver ve maneviy-ahlâqiy terbiyedir. Rusiye regionlarınıñ tecribesi mezkür usul qullanılğanını köstere. Diniy tarafına kelsek, mektep, ana-babalar ve yerli din cemiyetiniñ teşebbüsi çoq müim. Olar bir fikirge kelse, sınıftan tış derslerni ve subetlerni teşkil etmek mümkündir", - dep ayttı. Tedbirniñ soñunda toplanğanlar umumiy ögretüv sistemasınıñ işlep çıqarıluvınıñ zaruriyeti aqqında bir fikirge keldiler. QMDİ matbuat hızmeti [gallery link="file" columns="4" size="medium" ids="30054,30052,30050,30048,30046,30044,30042,30040"]

“Kul Şarif”te cuma namazı (FOTO)

Опубликовано:

Qırım Müftisiniñ muavinleri Esadullah Bairov ve Ayder İsmailov H Bütünrusiye tatar din erbapları forumınıñ iştirakçileri ile birlikte tatar paytahtınıñ yüregi  - "Kul Şarif" camisinede cuma namazını qıldılar. Devletniñ çeşit köşelerinden kelgen imamlarnıñ cuma namazına Tatarstan Cumhuriyetiniñ Müftisi Kamil hazrat Samigullin yolbaşçılıq yaptı. Umumen, namazda biñden ziyade din erbapları iştirak etti.     QMDİ matbuat hızmeti [gallery link="file" columns="4" size="medium" ids="30145,30143,30141,30139"]

Cami – insanğa maneviy terbiye bergen yerdir (FOTO)

Опубликовано:

Х Bütünrusiye tatar diniy erbapları forumında, şeerlerde camilerniñ qurucılığı köntseptsiyasını deñiştirmek zaruriyeti muzakere etildi. TC musulmanları diniy idaresiniñ Reisi Kamil hazrat Samigullin bugünki künde, camige tek namaz qılmaq içün degil de, qonuşmağa ögrenmek içün kelingenini bildirdi. TC Müftisi: "Cami – tek namaz qılmaq içün yer degil, insannı maneviy ceetten terbiyelegen bir yerdir" — dep qayd etti. Rusiye Merkeziy diniy idaresiniñ Reisi Talgat Tacuddin ise, öz nevbetinde, cami – tek namaz qılmaq içün yer olmamalı, bu birlik ve dostluq merkezi vazifesini eda etmek kere olğanını qayd etti. Qırım Müftisiniñ muavini Ayder İsmailovnıñ sözlerine köre, qırımtatarlar içün cami – maneviy medeniyetini saqlağan ve Qırım musulmanlarını birleştirgen bir yerdir. Ayder İsmailov: "Caminiñ diniy missiyasından ğayrı, maneviy-ahlâqiy, terbiye, tarihiy, tasil ve maarif vazifesi bar. Qırımda bir çoq tarihiy cami, yarımadanıñ zengin İslâm tarihını temsil ete", - dep ayttı . QMDİ matbuat hızmeti  

Qırım penitentsiar sistemasınıñ müessiselerinde Oraza bayramı keçirildi (FOTO)

Опубликовано:

Qırım Müftiligi, 1-sanlı taqiqat izolâtorında ve Qırım Cumhuriyeti ve Sevastopol şeeri boyunca  1-sanlı Aqmescit tüzeltüv koloniyasında Oraza bayramına bağışlanğan bayram tedbirlerini teşkil etti. Tedbirlerniñ teşkil etilüvinde Qırım Müftisiniñ ÜFSİN ile işbirlik boyunca yardımcısı, Aqmescit ş. baş imamı Muhammed İslamov ve onıñ yardımcısı İbraim Zinetdinov faal iştirak ettiler.  "Bizim yardımcılarımız 1600 insan içün pilâv pişirdiler, bundan da ğayrı, eki müessisede 500 kg tatlılar darqatıldı", - dep ayttı Muhammed İslamov ve bayram, SİZO ve koloniyada bulunğan milleti ve dinine baqmadan, er kes içün teşkil etilgenini ilâve etti. Mahküm etilgenler ve taqiqattan keçkenlerine Qırım Müftisi hacı Emirali Ablayev adından hayırlav sözleri aytıldı, qaviy sağlıq, güzel iman ve evlerine tezce qaytıp, tuvğanları, qorantalarınen qavuşmağa tilegi seslendirildi. Muhammed İslamov: "Qırım musulmanları diniy idaresiniñ maqsadı – koloniyada bulunğanlar, taqiqattan keçken vatandaşlar kendilerini yanğız ve unutılğan olaraq duymasın, bilsinler ki, bu bayram künleri Müftilik ve bütün millet olarnen beraberdir", - dep ayttı. Bundan da ğayrı, mezkür eki müessisede taqiqattan keçkenler ve mahküm etilgenler ile birlikte cemaat namazı keçirilgeni ve dua oqulğanı aqqında ikâye etti. Muhammed İslamov, QMDİ ve Qırım Müftisi adından, QC ve Sevastopol şeeri boyunca ÜFSİN, hususan, Qırım Cumhuriyeti ve Sevastopol şeeri boyunca ÜFSİN başı general-mayor Vadim Bulgakovğa ve taqiqat izolâtorınıñ başı Sergey Berejnoyğa, Aqmescitniñ 1-sanlı Koloniya başı Dmitriy Karnauhqa ve onıñ siyaset boyunca muavini Vladislav Sidorkoğa işbirlik ve bayramnıñ teşkil etilüvinde destek köstergenleri içün teşekkürler bildirdi. ÜFSİN, öz nevbetinde, Qırım musulmanları diniy idaresine mahküm etilgenler ve taqiqattan keçkenleri arasında alıp barılğan büyük terbiye işleri içün minnetdarlıq bildirdi. Muhammed İslamov aktsiyağa qoşulğan, lâqayd qalmağan vatandaşlarnı, iş adamlarını, bahşış alğan, olarnı ketirgenlerniñ işini ayrıca qayd etti. QMDİ matbuat hızmeti [gallery link="file" columns="4" size="medium" ids="29771,29769,29767"]

Qırımda Oraza bayramı qayd etildi… Aqmescit, Bağçasaray, Qarasuvbazar! (FOTO)

Опубликовано:

Qırım musulmanları tantanalı sürette esas musulman diniy bayramlarından biri Oraza bayramını qayd ettiler. Bayram tedbirleri Qırımnıñ çeşit köşelerinde olıp keçti. Hususan, QMDİ-niñ destegi ile Qarasuvbazarda parknıñ yanında Refat Veliula adına Merkeziy camisinde bala bayramı olıp keçti. Teşkilâtçılar şeer sakinleri ve musafirleri içün büyük bayram programmasını azırladılar. Musafirler ögünde şeerniñ bala icadiy taqımları çıqışta bulundı, Bekir Adilov ve Qırım musulmanları diniy idaresiniñ "Emanet" balalar studiyasınıñ icrasında ilâhiler  yanğıradı. Bundan da ğayrı, analar ve Vatanğa bağışlanğan yırlar icra etildi. Meydançıqlarda ebru ve hna qoyuv resimleri boyunca ögretüv dersleri olıp keçti. Bundan da ğayrı, küreş, armresling, çeki sport çeşiti boyunca yarışlar ötkerildi. Balalar içün sürprizler ve bahşışlar azırlandı. Qarasuvbazar rayonınıñ imamı Siyar Abdulganiyev, bayram musafirlerini, Qırım Müftisi adından hayırlap, er bir qorantağa barışıq, merhametlik ve baht tiledi ve Qırım Müftisi adından bayram teşkilâtçılarına teşekkürnamelerni berdi. Bundan da ğayrı, o, iş adamlarına, destekleri içün minnetdarlıq bildirdi. Qarasuvbazarda bayramğa bir yarım biñ insan qoşuldı. Bağçasaraydaki Orta cami camisinde de büyük bayram olıp keçti. Teşkilâtçılar balalar ve ana-babalar içün meraqlı programmanı azırladı – viktorinalar, kvestler, bundan da ğayrı, küreş ve armresling boyunca sport yarışları, attraktsionlar, batut, hna resimleri… Balalarğa bahşışlar berildi. Bağçasaray rayonınıñ imamı Ramazan Asanovnıñ sözlerine köre, eñ müimi – yaş nesilge, maneviy qıymetliklerniñ, İslâm temelleri olğan milliy urf-adetleriniñ müimligini yetkizdirmektir. Ramazan Asanov: "Qırım Müftiligi, musulman din cemiyeti ve hayırseverlerge bayramnıñ teşkil etilüvinde destekleri içün büyük teşekkürler bildiremiz", - dep ayttı. Bayram tedbirinde 150 insan iştirak etti. Aqmescit rayonınıñ Beloye-5 qasabasınıñ camisinde ötkerilgen bayramğa da bir çoq adam qoşuldı. Mında musafirler ögünde bala icadiy taqımları çıqışlar yaptı. Milliy oyunlar, yırlar, şiirler – bunıñ episi cami erkânında çalışqan maarif işleriniñ reberi Zamira Smailova, "Ramazan" adlı yerli musulman din cemiyetiniñ reisi Asan Kürtiyev ve faaliyetçi Zair Smailovnıñ büyük işiniñ neticesidir. Animatorlarnen beraber balalar qırımtatar tilinde yırlar yırladı, ingliz tilinde şiirlerni ayttılar. Bayramda qırımtatar milliy yırları ve ilâhiler yanğıradı. Musafirler ögünde Bekir Adilov ve QMDİ "Emanet" ansambli çıqışta bulundılar. Balalar içün batutlar, salıncaqlarda oynap, labirintlerden keçmek imkânları oldı. Bayramnıñ soñunda er bir bala bahşış aldı.  QMDİ matbuat hızmeti [gallery link="file" columns="4" size="medium" ids="29761,29759,29757,29755,29753,29751,29749,29747,29745,29743,29741,29739,29737,29735,29733,29731,29729,29727,29725,29723,29721,29719,29717,29715,29713,29711,29709,29707,29705,29703,29701,29699,29697,29695,29693,29691,29689,29687,29685,29683,29681,29679,29677,29675,29673,29671,29669,29667,29665,29663,29661,29659,29657,29655,29653,29651,29649,29647,29645,29643,29641,29639,29637,29635,29633,29631,29629,29627,29625,29623,29621,29619,29617,29615,29613,29611,29609,29607,29605,29603,29601,29599,29597,29595,29593,29591,29589,29587,29585,29583,29581,29579,29577,29575,29573"]

Qırım Müftisi RF Federatsiya Şurasınıñ Reisi Valentina Matviyenko ile resmiy körüşüvde iştirak etti (FOTO)

Опубликовано:

Valentina Matviyenko Yalta şeerine, iyün 4-5 künleri keçirilecek V Halqara gumanitar Livadiya forumında iştirak etmek içün keldi.  Federatsiya Şurasınıñ Reisi milliy-medeniy cemaat teşkilâtlarınıñ vekilleri ve Qırım Cumhuriyetiniñ din erbapları ile körüşti. Bundan da ğayrı, körüşüvde Qırım Cumhuriyetiniñ Başı, QC Nazirler Şurasınıñ Reisi Sergey Aksönov, Qırım Cumhuriyeti Devlet Şurasınıñ Reisi Vladimir Konstantinov, Rusiye Parlamentiniñ Yuqarı Palatasınıñ azaları ve Rusiye FADN Başı İgor Barinov ile körüşüvlerni keçirdi. RF FŞ Reisi ile toplaşuvda tillerniñ ve urf-adetlerniñ saqlanuvına, devletniñ birligi içün farqlı konfessiyalarnıñ işbirligine büyük diqqat ayırıldı.          Qırım Müftisi haci Emirali Ablayev Qırımda musulmanlarnıñ yaşayışı aqqında ikiye eterek, beş yıl devamında hacılıqqa barğan hacılarnıñ sayısı bayağı artqanı da qayd etti.  Müfti: "2014 senesi Qırımdan 140 insan hacılıqqa barğan olsa, 2019 senesi ise muqaddes topraqlarğa 600 adam yol aldı", - dep ayttı. Bundan evel, RF hacılıq-missiyasınıñ Başı İlyas Magomed–Salamoviç Umahanov Qırım Müftisi ile keçirilgen subette, teşkilât, QMDİ içün qoşma olaraq 400 yerni ayırmaq imkânlarını baqıp çıqacağını qayd etti. Qırım musulmanlarınıñ maneviy lideri de Cumhuriyette, diniy inşaatları qurulışınıñ faalleşkeni hususında  ve bu cümleden Aqmescitteki Cuma cami aqqında da ikâye etti.. Müfti: "Biz çoqtan büyük caminiñ qurucılığını bekley edik. Bir çoq manialar ve qıyınlıqlarğa baqmadan, arzumız kerçekleşti. Aqmescitte büyük obyekt Cuma Cami külliyesiniñ inşaatı devam ete. Bu Qırım musulmanlarınıñ çoq yıllıq arzusıdır. Cami RF Prezidenti Vladimir Pütinniñ nezareti astında qurulmaqta. Cami 4 biñge yaqın musulmannı sığdıracaq ve yalıñız Aqmescitniñ degil  de, bütün Qırımnıñ timsali olacaqtır", - dep ayttı. Emirali Ablayev, Federal akimiyetke kösterilgen destek içün teşekkürler bildirdi, bundan da ğayrı, Qırım akimiyetine, hususan, Sergey Aksönovğa, añlavı ve Qırım musulmanlarınıñ ömürinde iştiragi ve diqqatı içün minnetdarlıq bildirdi. Körüşüvniñ soñunda Valentina Matviyenko bütün Qırım musulmanlarını  Oraza bayramınen hayırladı! QMDİ matbuat hızmeti [gallery link="file" columns="4" size="medium" ids="29435,29433,29431,29429,29423"]

Aqmescitte bayram namazı olıp keçti (FOTO)

Опубликовано:

İyün 4 künü saba saat 06:00 Ramazan bayramı namazı olıp keçti. Aqmescitte bayram namazını Qırım Müftisi hacı Emirali Ablayev keçirdi. Namaz, Zenaat birligi medeniyet evinde olıp keçti. Qırımnıñ çeşit köşelerinden kelgen 3 biñ musulman Aqmescitte toplaştı. Qırım musulmanlarınıñ maneviy lideri hutbe oqudı. Müfti, musulmanlarnı birlik-beraberlikke, büyüklerge ürmet köstermege ve imannı qaviyleştirmege çağırdı. Müfti: "Üzerimizde büyük mesüliet bar. Milletimizni saqlap qalmaq, balalarımıznı doğru terbiye etmek içün er kün tasil aqqında tüşünmek kerekmiz. Bilgi, tek bilgi milletimiz içün muvafaqiyetke yol açar. Biz mektepler, bala bağçalarını qurıp, balalarımıznı medeniyetimiz, tuvğan tilimizge ögretmelimiz, o vaqıt halqımıznı az sayılı millet olaraq degil de, ulu, tasilli ve ikmetli halq, dep tanıycaqlar. Bunıñ episi bizim qolumızdadır. Onıñ içün can ağırtuvları, duşmanlıqnı, narazılıqnı unutıñız. Birlik – tuvğan topraqlarımızda muvafaqiyetli kelecekniñ temeli olacaq", - dep ayttı. Bundan soñ Müfti bayram namazını keçirdi. Bayram namazı Qırımnıñ bütün camilerinde olıp keçti. Qırımnıñ merkeziy Kebir camisinde 400 insan toplandı. Mında namaznı Qırım liftisiniñ muavini Ayder İsmailov keçirdi. O, musulmanlarnı bayramnen hayırladı, qorantalarğa muabbetlik, merhametlik, milletimizge birlik, büyüklerge ürmet, muhtaclarğa ve öksüzlerge yardım qolunı uzatmağa tiledi. Oraza bayramı üç kün qayd etilecek. Bayram künleri esli başlı soy-soplarımıznı, hastalarnı ziyaret etmek, balalarnı tatlılarnen ziyafet etmek, yaqınlarımızğa bahşışlarnı ediye etmek kerektir. İyünniñ 4 Qırım Cumhuriyetinde raatlıq künü olaraq ilân etildi. Malümat: İd Al-Fitr (arap tilinde iftar bayramı, qırımtatar tilinde – Oraza bayramı) – musulmanlar içün eñ müim bayramlardan biri (Qurban bayramınen bir sırada). Oraza bayramında afu soramaq, ana-babalarnı ziyaret etmek, sadaqa bermek, mezarlıqlarğa barmaq ve merhum soy-soplarnı añmaq etmek kerektir. Adet üzre, Oraza bayramı üç kün qayd etile. Bu sene o iyün 4-6 künlerine tüşe. Qırım yarımadası ealisiniñ 20% Islâm dinini kütmekte. QMDİ matbuat hızmeti [gallery link="file" columns="4" size="medium" ids="29439,29551,29549,29547,29545,29543,29541,29539,29536,29534,29532,29530,29528,29526,29524,29522,29520,29518,29516,29514,29512,29510,29508,29506,29504,29502,29500,29498,29496,29494,29492,29489,29487,29485,29483,29481,29479,29477,29475,29473,29471,29469,29467,29465,29463,29461,29459,29457,29455,29453,29451,29449,29447,29445,29443,29441"]

Qırımda Hacılıq-2019 hacılarınıñ aşlanuvı başlana

Опубликовано:

Qırım Cumhuriyeti, Saudiya Arabistanğa yol alacaq hacılarnıñ aşlanuvı içün vaktsinalarnıñ yeterli miqdarını aldı. Hacılar aşlanuvdan iyün 10-14 ve iyün 24 - iyül 3 künleri keçirilecek. Aşlanuv, Aqmescitniñ 2-sanlı poliklinikasında Lermontov soqağı, 3a adresi boyunca, 2-ci qatta, 227-ci odasında (aşlanuv odası) keçirilecektir. Çalışqan vaqıtı bazarertesi-cuma künleri saat 08:30 - 14:00 qadardır. Yanıñızda RF pasportı olmalı. Aşlanuvdan, Hacılıqqa barmaq içün bütün vesiqalarnı toplağan hacılar keçe bile. QMDİ matbuat hızmeti

Qırımda Oraza bayramğa bağışlanğan bayram tedbirleri keçirilecek

Опубликовано:

Qırımda muqaddes, Ramazan ayınıñ yekünlengeni sebebinden bayram tedbirleri keçirilecek. Böylece, iyün 5 künü Aqmescitteki Beloye-5 qasabasınıñ camisinde bayram tedbiri saat 17:00-de başlanacaq. Musafirlerni medeniy programma ve ziyafetler bekley. İyünniñ 6-sında Bağçasarayda balalar içün bayram keçirilecek. Balalarnı farqlı viktorinalar, "Küreş" sport çeşiti boyunca yarışlar, tatlılar ve dondurma bekley. Orta Camide tedbir saat 13:00 başlanacaq. Aynı böyle bayram iyün 6 künü Bağçasaray rayonınıñ Kökköz köyünde olacaq. Balalarnı meraqlı programma bekley. İyünniñ 8-nde Aqmeçit rayonında "Hoş keldiñ, Oraza bayramı" bayramı keçirilecek. Programmada bala icadiy taqımları ile kontsert, qına qoyuv boyunca master-klass, gips şekilleriniñ boyalanuvı, küreş, armresling, animatorlar ile oyunlar, batutlar, kartingler, poni üstünde kezintiler olacaqtır. Musafirlerni pilâv ve tatlılar bekley. Bayram saba saat 10:00 stadionda başlanacaq. Bundan da ğayrı, "Büllür" Qırım musulman qadınları Birleşmesi, bayramnıñ birinci künü sağlıqları zayıf olğan  balalar içün bayramnı teşkil etece. İyün 6 künü Bağçasaray rayonınıñ Malosadovoye köyünde muhtac qorantalar içün bayram ötkerilecek. Tedbir "Ferma "İşaçok" eglence kompleksinde olacaq. Bayram tedbirleri Qırımnıñ bütün regionlarında olacaqtır. Anonslarğa diqqat etiñiz. QMDİ matbuat hızmeti