Haberler - Page 12 of 55 - ЦРО ДУМКЦРО ДУМК | Страница 12

Пн

13

июля

22
Зуль-къаде
1441 | 2020
Утр.3:09
Вос.4:59
Обед.12:54
Пол.16:56
Веч.20:38
Ноч.22:28
Времена намазов
Календари 2020г

Намаз

Haberler - Page 12 of 55 - ЦРО ДУМК

Bahşış olaraq Quranlar! (FOTO)

Опубликовано:

Cürçi rayonınıñ Qıyat köyünde İslâm dini esasları ve Quran oquvı kurslarınıñ mezuniyet tedbiri olıp keçti. Sertifikatlarnı 20 insan elde etti. İmam Server Yağyayevniñ sözlerine köre, bu eñ büyük taqımlardan biri – kurs oquvını 10 büyük ve 10 bala yekünledi. Server Yağyayev: "Kurslar yarım yıl devam etti, yaşları 10-65 arasında olğan 20 insan programmanı soñuna qadar ögrendi. Biz olar içün pek quvanamız ve olarğa ömür boyu Qurannen ve Quran boyunca yaşamağa tileymiz", – dep ayttı . QMDİ matbuat hızmeti [gallery link="file" columns="4" size="medium" ids="31766,31764,31762,31760,31758,31756,31754,31752,31750,31748,31746,31744,31742,31740,31738,31736"]

Aqmeçit rayonında tantanalı müitte Quranlar ediye etildi (FOTO)

Опубликовано:

2019 senesi avgust 3 künü Aqmeçit rayonınıñ Yarılğaç köyünde İslâm dininiñ esasları ve Muqaddes Qurannıñ ögrenilüvi kurslarından keçken talebelerge tantanalı merasimde Quranlar ve şeadetnameler berildi. Şeadetnamelerni birden üç taqımnıñ talebeleri aldı. Kerleut köyüniñ qadınları, Mejvodnoye köyüniñ balaları ve qadınlarıdır. Cemi, 14 insandır. İslâm esasları ocası Valide Abdulvapovanıñ sözlerine köre, derslerge esli başlı qadınlar da qoşuldı. Valide oca: "Dinimizni ve Quran oqumaqnı ögrenmek – iç bir vaqıt keç degil",  – dep ayttı. Bundan da ğayrı, oca, öz tatillerini, dinimizniñ ögrenilüvine ve Quran ögrenilüvine bağışlağan balalarnıñ ana-babalarına minnetdarlığını bildirdi. Olarğa ilerilemege ve Allahnıñ yolunda inkişaf etmege tileymiz. QMDİ matbuat hızmeti [gallery link="file" columns="4" size="medium" ids="31734,31732,31730,31728,31726,31724,31722,31720,31718,31716,31714,31712,31710"]

Qırımda yañı cami açıldı (FOTO)

Опубликовано:

2019 senesi avgust 2 künü, Aqmescit civarındaki Levadki köyünde "Qadır cami" camisiniñ tantanalı açıluv tedbiri olıp keçti. Tantanalı merasimde Qırım Müftisi hacı Emirali Ablayev, Müfti muavini Ayder İsmailov, RF Devlet Dumasınıñ deputatı Ruslan Balbek, Milletlerara munasebetler ve sürgün etilgen vatandaşlarnıñ işleri boyunca Devlet komitetiniñ Reisi Lenur Abduramanov, Aqmescit rayon memuriyeti başınıñ muavini Ruslan Yakubov, Çistenkaya qasabası şurasınıñ reisi Mihail Kuleşov, yerli musulman din cemiyetiniñ vekilleri, Levadki ve etraftaki köylerniñ sakinleri iştirak etti. Musulman merasimleriniñ ananelerine köre, açıluv tedbiri Muqaddes Quran tilâvetinden başlandı. Bundan soñ, Qırım Müftisi hacı Emirali Ablayev, merasim iştirakçilerini selâmlap, toplanğanlarnı, musulmanlar içün müim olğan vaqia – caminiñ açıluvınen hayırladı ve, bu kibi vaqialar – birlik ve Allahnıñ sözünen yaşamaqnıñ yolunda daa bir adım olğanını ayrıca qayd etti. Müfti: "Bugün daa bir Allah eviniñ qapıları açıla. Bu cami Qırım içün ve epimiz içün hayırlı olsun.  Yaş nesil dinini ögrenecek. Dinimizni bilmesek, altından da cami yapsaq, onıñ ne emiyeti olur… Kerek olğanda biri-biriñizge el uzatmağa biliñiz. Birlik-beraberikten ayırılmañız. Fitne-fesatqa uymañız. Daa bir kere er kesni bu müim vaqia ile hayırlayım", - dep ayttı. Bundan da ğayrı, Müfti, akimiyet organları seviyesinde destek köstergen er keske teşekkürler bildirdi. Müfti: "Biz, cumhuriyetimizniñ akimiyeti, balalarımıznıñ ve torunlarımıznıñ güzel kelecegi oğrunda barışıq saqlağanı içün Allahqa şűkurler etmelimiz", - dep qayd etti. Qırım ve Sevastopol şeeri musulmanları diniy idaresi adından, ressam-dizayner Ervin Seytasanovnıñ "Qadır camisi" resimini ediye etti. Nutuğını devam eterek, Qırım musulmanlarınıñ maneviy lideri, böyle qısqa zaman devamında, cumhuriyette  çoq caminiñ açılğanı ve, böylece, vatandaşlarnıñ maneviy-ahlâqiy terbiyesi içün şaraitlerniñ peyda olması içün quvanç ve ğurur is etkenini bildirdi. Caminiñ açıluvında, teşkilâtçılar, keçirilgen "40 kün devamında camini ziyaret et ve bahşış olaraq ayaqmaşina al"  adlı oğlanlar içün aktsiyasına yekün çektiler. Ğalip  -  camige kelgen üç oğlan oldı. Bundan soñ tedbir musafirleri hayırlav sözlerinen çıqışta bulundı. Tedbir devamında caminiñ qurucılığında issesini qoşqan insanlar mukâfatlandırıldı. Tantanalı sözler Levadki musulman cemiyetiniñ reisi Eldar Ahtemov tarafından aytıldı. O, Qırım Müftiliginiñ reberleri ve cami qurucılığında issesini qoşqan er keske teşekkürler bildirdi. Merasimniñ tantanalı qısımını Bekir Adilovnıñ ilâhileri ve "Emanet" studiyasınıñ solistleri yaraştırdı. QMDİ din ocası Raim Ğafarov, özüniñ, mahsus "Qadır camisi"ne  bağışlanğan şiirini oqudı. Merasimniñ soñunda, cami kirişinde şeritniñ tantanalı kesilüvi oldı. Bundan soñ Qırım Müftisi hacı Emirali Ablayev cuma namazını keçirdi. Yaş nesilniñ terbiyelev meselesine diqqat ayırdı, çünki olarnıñ vazifesi – qırımtatar milletiniñ maneviy-ahlâqiy degerliklerini saqlap qalmaq ve inkişaf etmektir. Cami qurucılığı 2012 senesi başlandı. Al-azırda bu, eki minaresi olğan Qırımda yekâne camidir. Er bir minareniñ yüksekligi -  40 metrdir. QMDİ matbuat hızmeti   [gallery link="file" columns="4" size="medium" ids="31704,31702,31700,31698,31696,31694,31692,31690,31688,31686,31684,31682,31680,31678,31676,31674,31672,31670,31668,31666,31664,31662,31660,31658,31656,31654,31652,31650,31648,31646,31644,31642,31640,31638,31636,31634,31632,31630,31628,31626,31624,31622,31620,31618,31616,31614,31612,31610"]

Qırım Başı Sergey Aksönov Qırımtatar halqı Şurasınen Hanlar sarayında keçirilgen restavratsion işleriniñ ketişatını muzakere etti (FOTO)

Опубликовано:

Qırım Müftisi haci Emirali Ablayev, Qırım Cumhuriyetiniñ Başı Sergey Aksönovnen, Bağçasaray tarihiy-medeniy ve arheologik qoruq-müzeyinde qazadan qoruv ve tamir-restavratsion işleriniñ ketişatınen bağlı muşaverede iştirak etti. Qırım Başı: "Qırımtatar halqı Şurasınıñ toplaşuvları çerçivesinde qırımtatar medeniyeti ve urf-adetlerinen bağlı müim obyektlerniñ qurucılığı ve ğayrıdan tiklenilüvi ketişatını muzakere etmege añlaştıq. Bizde bir de bir abideler coyula ve restavratsion işleri qanunğa uymay, kibi fikirler olmasın dep. Ürmetli Emirali efendi ile añlaşqanımız kibi, er bir meseledeki vaziyet aydın olsun ve Şura azaları bütün ketişatlarda iştirak etsin", - dep ayttı. Muşaverede RF Devlet Dumasınıñ deputatı Ruslan Balbek, Milletlerara munasebetler ve sürgün etilgen vatandaşlarnıñ işleri boyunca Devlet komitetiniñ reisi Lenur Abduramanov ve profil nazirlikler ve komitetlerniñ reberleri iştirak etti. Qırım medeniyet naziri Arina Novoselskaya maruzanen çıqışta bulunıp, Hanlar sarayında keçirilgen işlerniñ esas noqtalarını qayd etti. Nazirniñ sözlerine köre, Hanlar sarayı, FTSP boyunca rekonstruktsiyadan keçken eñ büyük medeniy miras obyektidir. Onıñ büceti  2 mlrd rub teşkil ete. Restavratsion işlerniñ yekünlenilmesi 2022 senesine qadar planlaştıra. Sergey Aksönovnıñ fikirine köre, saraydaki rekonstruktsiya işleri yekünlengen soñ, sergi kompozitsiyalarını keñleştirmek kerek. Cumhuriyet Başı:  "Bütün tarihiy artefaktlarnı taqdim etmek kerek. Unikal eşyalar, medeniyet ve edebiyat nümüneleri – bizde kösterilecek şey çoq. Sergi noqtalarını keñleştirmek kerek", - dep qayd etti. Qırım Müftisi hacı Emirali Ablayev ise, öz nevbetinde, keçirilgen tedbirniñ müimligini ve obyektte tamir-restavratsion işleriniñ seviyesini qayd etti. Bundan da ğayrı, o, Sergey Aksönovğa, qırımtatar medeniy-tarihiy mirasnıñ saqlanıluvı meselelerinde destek köstergeni içün, teşekkürler bildirdi. Muşavere çerçivesinde, QC medeniy mirasınıñ saqlanıluvı boyunca Komitet erkânında çalışqan İlmiy-tehnikiy şurasına, Qırımtatar halqı Şurasından eki namzetni kirsetmege qarar alındı. Bundan da ğayrı, saray damı içün kirametni yapqan şirketniñ işinen tanış olacaq iş taqımı toplanılacaq. İş ketişatı aqqında vaqtında ve obyektiv malümatnıñ berilüvi içün, mahsus media aks etüv teşkil etilecek. Qazadan qoruv ve tamir-restavratsion işleri devamında Hanlar sarayı, telükesizlik talaplarını köz ögüne alaraq, turistler içün açıq olacaq. Al-azırda sarayda, 91 qadar turistik gruppalar qabul etile. Qırım MDİ matbuat hızmeti (Qırım Cumhuriyeti Başınıñ İnformatsiya İdaresi ve matbuat hızmetiniñ malümatına esaslanıp) [gallery link="file" columns="4" size="medium" ids="31605,31603,31601,31599,31597,31595,31593,31591"]

Qırım Müftiligi yañı “Yaş mimar” yarışını ilân ete

Опубликовано:

Qırım ve Sevastopol şeeri musulmanları diniy idaresi "Yaş mimar" adlı yarışnı ilân ete. Yarışta iştirak etmek içün, studentler, aliy oquv yurtlarınıñ mezunları ve çalışqan mimarlar davet etile. "Yaş mimar" yarışı caminiñ eskiz leyhalarınıñ yapıluvında ameliy bilgilerini köstermek içün güzel imkândır. Yarışnıñ maqsadı – musulman diniy binası – caminiñ qurucılığında qırımtatar üslübiniñ qullanıluvı ile köntseptsiya ve mimariy-planlaştıruv qararlarnıñ işlep çıqarıluvıdır. Yarışnıñ vazifesi: -eñ güzel caminiñ eskiz leyhasını seçip almaq; -qırımtatar mimariy usulını saqlap qalmaq ve populârlaştırmaq; -mimarlarnıñ ilerideki icadını faalleştirmektir. Vazifeler: Yarış iştirakçileri cami ve onıñ yanıdaki binalarnıñ eskiz leyhasını işlep çıqarmaq kerek. Eskiz leyha nevbetteki obyektlerni qaplap almalı: - 100-150 insanlıq cami binası; - 2000 kv. m. obyektler ve yanındaki binalar yerleşken topraqlar: abdesthane, anbar, imam evi. - camige kelgenlerniñ arabaları içün yer; - etraftaki topraqlarnıñ abadanlaştırıluvı, yeşilletüvi; - kiriş ve çıqış yolları; Eskiz leyhası nevbetteki şekilde yapıla: – baş plan (planlaştıruv qararlarnıñ sheması); – 2H1 m planşette anturaj ile perspektiv resimler; – yarış iştirakçisiniñ qararı ile grafik kompyuter programmalarında fotoresimlerniñ işlep çıqarıluvı; – yarış iştirakçisiniñ istegi ile diger informatsion malzemelerniñ yapılması; Eskiz leyhası nevbetteki noqtalarnıñ añlatıluvı ile taqdim etilmeli: – leyha müellifi; – mimariy ğaye (caminiñ qurucılığında seçip alınğan üslüpniñ añlatıluvı); – eskiz leyhada qullanılğan malzemeler; – leyha iştirakçisiniñ şahsiy istegi ile diger malümat. Yarış iştirakçilerine nisbeten talaplar. Yarışta 35 yaşına qadar studentler, aliy oquv yurtlarınıñ mezunları, çalışqan mimarlar iştirak etebile. Er iştirakçi yarışqa tek bir eskiz leyhasını taqdim etmeli.. Yarışta iştirak etmege istegenler QMDİ MDT şahsen arizanı ve qoşma malümatnı, Aqmescit ş., Kurçatov soqağı, 4. adresi boyunca yollamalı. Yarış keçirilüviniñ tertibi: – İştirakçilerniñ arizaları 01.08.2019 s.    –  16.08.2019 s. arasında qabul etile.  – Eskiz leyhaları 16.08.2019 s. –  15.09.2019 s. arasında qabul etile.          – Yarış komissiyasınıñ eñ çoq reylerini qazanğan leyha ğalip olıp çıqa. – Yarış teşkilâtçıları, komissiya azaları ya da teşkiliy suallernen ögraşqan insanlarnıñ yarışta iştirak etmege aqqı yoq. Ğaliplerniñ bahşışları: 1 yer – Mekke ve Medineniñ muqaddes topraqlarına küçük hacılıq – Ümrege tur. 2 yer – 3D printer 3 yer – renkli printer Arizalarnı nevbetteki el. poçtağa yollamaq mümkün: molodoy.arhitektor@bk.ru QMDİ matbuat hızmeti

Aqyar civarındaki Baydar köyünde cami qurulacaq (FOTO)

Опубликовано:

Qırım Müftisiniñ muavini Esadullah Bairov, Örlinoye münitsipal ortağında yerleşken Aqyar civarındaki Baydar köyünde cami qurulacaq yerde temel taşınıñ qoyuluvınen bağlı tantanalı merasimde iştirak etti. Temel taşınıñ qoyuluvınen bağlı tedbirde -  gübernator muavini Andrey Şişkin, Aqyar şeerindeki qanun çıqarıcı şurasınıñ reisi Yekaterina Altabayeva, Devlet Dumasınıñ deputatı Ruslan Balbek, Aqyar parlamentiniñ deputatı Vâçeslav Aksenov, Aqyar memuriyeti ve şeerniñ ananeviy din vekilleri iştirak etti. Tedbirniñ itibarlı musafirleri arasında islâm biznesi Halqara Birleşmesiniñ Prezidenti Marat Kabayev ve Birleşmeniñ Qırım bölüginiñ Başı Ramil Ahmerov bulundı. Selâmlav sözlerinde Esadullah Bairov, qurucılıqnı başlamaq içün kerekli vesiqalarnı resmiyleştirmege yardım etken er keske teşekkürler bildirdi. Bundan da ğayrı, Müfti muavini, köy sakinlerini ve tedbir musafirlerini, Baydar musulmanları aman-aman 30 yıl devamında beklegen bu müim vaqia ile hayırladı. Esadullah Bairov: "Bu künge yetmek içün uzun yoldan keçtik. Allah, bu işni soñuna qadar yekünlemege yardım etsin, bu meydanda musulmanlarnı birleştirecek cami qurulsın. Er birimiz, kim olğanımıznı, bu dünyağa kelgenimizniñ maqsadı ne olğanını, kim olacağımıznı ve ileride bizni ne beklegenini tüşünmek kerekmiz. Bunıñ episi er birimizge, milletimizniñ ve, umumen, Qırımnıñ yaşayışında din, siyaset ve medeniyet saasındaki faalligimiznen bağlıdır", - dep ayttı. Müfti muavini, yerli sakinlerni, yerli din cemiyetine qurucılıq işlerinde destek köstermege çağırdı ve: "İnşallah, qurulacaq cami cemaatnen tolu olsun. Unutmañız ki, cami tek imamnıñ degil de, bütün milletimizniñ emanetidir. Camige kelseñiz, balalarıñız, torunlarıñız da kelecek. O zaman cami fayda ketirecek", - dep ilâve etti. Nutuğında Esadullah Bairov, Qırım, bütün tarihı boyunca, Rusiye Federatsiyasınıñ regionları arasında farqlı din ve millet vekilleri arasında güzel, barışıq, dostane munasebetlernen ayırılıp turğanını  qayd etti ve: "Ecdatlarımız qaldırğan büyük tecribemiz bar ve bu tecribeni balalarımız da menimsey, inşallah, ileride de öyle olacaq", — dep ayttı. Kelecek caminiñ yerinde Müfti muavini musulmanlar içün cuma namazını keçirdi. Qurucılıq meydanı – 25 ga topraqta yerleşecek. Cami birden 250 insannı sığdırabilecek ve eki qat basamağından,  qadınlar ve erkekler içün ibadet bölüklerinden, abdesthaneden ve minareden ibaret olacaq. Leyha boyunc bina, ananeviy usulda, kiramet damınen yapılıp, milliy örneklernen bezetilgendir. Cami sadaqa paralarına qurulacaq. İnşaat içün 15 mln civarında para lâzimdir. Bugünki künde din cemiyetiniñ qollarında 900 biñ ruble miqdarıda sadaqa paraları bar. Musulmanlarğa yardımnı, RF Devlet Dumasınıñ deputatı Ruslan Balbek, İslâm biznesi Halqara birleşmesiniñ Prezidenti Marat Kabayev ve Birleşmeniñ Qırım bölüginiñ Başı Ramil Ahmerov destek kösterdiler. İşni bir yarım yıl içinde yekünlemege planlaştıralar. "Avdet" yerli musulman teşkilâtınıñ vekilleri, Baydar ve etraftaki köylerniñ sakinleri içün bayram teşkil etti. Musafirler ögünde oyun taqımı  qırımtatar milliy oyunını icra etti. Bayram olıp keçti. İleride ise qurucılıqnıñ birinci basamağıdır. QMDİ matbuat hızmeti [gallery link="file" columns="4" size="medium" ids="31550,31552,31542,31540,31538,31532,31530,31534,31546,31514,31512,31516,31518,31536,31520,31528,31526,31524,31522,31548,31544,31554,31556,31558"]

Qırımdan hacılar hacılıqqa yol aldı (FOTO)

Опубликовано:

Qırım musulmanlarınıñ nevbetteki eki taqımı hacılıq ibadetini yerine ketirmek içün, Mekkege yol aldı. Qırım hacılarını qorantaları, tuvğanları, dostları ozğardı. Qırım Müftisiniñ muavini Ayder İsmailov, ögüt sözlerini aytıp, eyi yolculıq tiledi. Ayder İsmailov: "Allah yolda yardımcıñız olsun, siz ise öz nevbetiñizde biri-biriñizge destek kösteriñiz, reberleriñizni diñleñiz, er kes içün nümüne oluñız. Biz er biriñiz içün devlet, millet, vatandaşlarımız ve sizniñ tuvğanlarıñız ögünde mesülietlimiz, onıñ içün özüñizge muqayt oluñız. Allah sizge hacılıqnı itibarnen keçmege yardım etsin. Bizim sizge olğan tilegimiz – muqaddes topraqlarda milletimiz, Vatanımız içün dua etiñiz. Allah sizniñ dualarıñıznı ve ibadetleriñizni qabul etsin", - dep ayttı. Qırım, 100 insandan ibaret olğan hacılarnıñ eki taqımını yolğa ozğardı. Hacılar Aqmescitten Krasnodarğa avtobusnen kettiler. Andan ise Dubaige uçıp ketecekler ve oñaytlı avtobuslarnen Mekkege yol alacaqlar. Hacılarnıñ soñki taqımı Qırımdan hacılıqqa avgustnıñ başında ketecek. QMDİ matbuat hızmeti [gallery link="file" columns="4" size="medium" ids="31507,31505,31503,31501,31499,31497,31495,31493,31491,31489,31487,31485,31483,31481,31479,31477,31475,31473,31471,31469,31467,31465,31463,31461,31459,31457"]

“Musulman qadınlarınıñ liderlik mektebi” (FOTO)

Опубликовано:

Qırımnıñ Bağçasaray rayonında endi üçünci kere "Musulman qadınlarınıñ liderlik mektebi" adlı üç künlük seminar olıp keçti. Mezkür tedbir, ve Qırım Cumhuriyeti ve Sevastopol şeeri musulmanları diniy idaresiniñ "Büllür" Qırım qadınları Cemaat Birleşüvi teşebbüsi ile keçirile. Bu sefer Bağçasaray rayonınıñ güzel manzaralı yerinde, orta asırlıq Manğup-Qaleniñ yanında ötkerildi. "Musulman qadınlarınıñ liderlik mektebi"niñ teşkilâtçılarıdan biri Zeyneb Bairovanıñ sözlerine köre, bu sene tek Qırımdan degil de, Rusiyede musulman qadınları arasında lider olaraq sayılğan qadınlar iştirak etti. Bundan da ğayrı, yıl-yıldan mektep inkişaf ete, bu sene teşkilâtçılar, iştirakçiler içün daa oñaytlı şaraitlerni teşkil etkenleri bildirildi. Programma üç künden ibarettir. Şahsiy inkişaf, maneviy-ahlâqiy lektsiyalardan ğayrı, iştirakçiler farqlı ögretüv derslerinde iştirak etti. Böyle ders, davet etilgen spikerlerden  ruhiyatçı Maryam Bariyeva tarafından teşkil etildi. Ruhiyatçı, insannıñ özü yapqan qoqlalarğa baqıp, adamnıñ ruhiy portretini tizmege mümkün olğanını tarif etti. İştirakçiler içün de, kendisinde yañı qabiliyetni açmaq maqsadınen daa bir imkândır. Qazan şeerinden kelgen spiker -  marketolog ve biznes-trener Leysan Bariyeva, kendi tecribesinen paylaşmaq içün keldi. O, şahsiy biznesni nasıl etip başlamaq, para qazanmaq ve muvafaqiyetlerge nasıl etip irişmek mevzusını açıqladı. "Büllür" Birleşüviniñ reberi Niyara Canbazovanıñ sözlerine köre, "Liderlik mektebi" qadınlar içün qısqa zamanğa olsa da, qasevetlerini biraz unutmaq, maneviy ceetten daa bir basamaq zenginleşmek ve yañı mearetlerni ögrenmege güzel imkândır. Bundan da ğayrı, iştirakçiler içün eglence-bilgi arttırıcı programma, bu cümleden, Qırımnıñ diqqatqa lâyıq yerlerge ve İslâm medeniyetiniñ abidelerine ekskursiyalar teşkil etildi. Liderlik mektebinde, cemiyette ve şahsiy işlerinde öz liderlik çizgilerini inkişaf etmege maqsad qoyğan qızlar iştirak etti. Olar, bilgilerini ömürge keçirmek içün, energiya, faydalı tevsiye ve, eñ esası, ruhiy destek alıp, evlerine qayttılar. QMDİ matbuat hızmeti [gallery link="file" columns="4" size="medium" ids="31445,31443,31441,31439,31437,31435,31433,31431,31429"]

Rusiye İslâm institutı Qırımdan studentlerini davet ete!

Опубликовано:

Qırım abituriyetleriniñ diqqatına! Rusiye İslâm İnstitutı 2019/2020 oquv yılına abituriyentlerni nevbetteki fakultetlerge davet ete:   İlâhiyat (bakalavr, magistratura); Tilşinaslıq (bakalavr, magistratura); Jurnalistika (bakalavr). Oquv ceryanınıñ bölükleri – kündüzgi ve ğıyabiy. İlâhiyat boyunca, oquv devamında zemaneviy tehnologiyalar vastası ile uzaqtan tasil almaq imkân bar. Oquvnı yekünlegen soñ, devlet nümünesi boyunca diplom berile. Diger yerlerden kelgen studentlerge yataqhanede yer ayırıla. Qırım sakinleri içün imtian 05.08.2019 s. Aqmescit ş., Kurçatov soqağı, 4 adresi boyunca keçirilecek. Tavsilâtlı malümat http://kazanriu.ru saytında aydanlatıla. QMDİ matbuat hızmeti

“Faydalı ilim” ile Qırım seyahatı! (FOTO)

Опубликовано:

Cürçi qasabasınıñ orta mektebi ve rayonnıñ Krestyanovka, Ostrovskoye köyleriniñ talebeleri Bağçasaray şeeri ve Manğup-Qale adlı orta asırlıq şeer-qaleni ziyaret etti. Kezinti, Qırım MDİ "Faydalı ilim" diniy-maarif leyhası çerçivesinde yerli musulman din cemiyeti ve "Faydalı ilim" ocaları tarafından teşkil etildi. Balalarnı baqqan büyüklernen beraber 41 insan, Hansaraynı ziyaret etti, dağlarğa köterildi, Manğup-Qale boyunca kezdi, katamaran ile gölni aylanıp keçtiler. Ekskursiya alıp barıcıları, Qırım hanlığı ve qadimiy Manğup kermanınıñ tarihı aqqında tarif etti, bir çoq suallerge cevap berdi. Teşkilâtçılar: "Biz balalarnıñ tatili meraqlı ve faydalı olsun, dep tırışamız. İleride, Qırımnıñ diqqatqa lâyıq olğan yerlerde ekskursiyanı teşkil etmege isteymiz", – dep ayttı. QMDİ matbuat hızmeti [gallery link="file" columns="4" size="medium" ids="31354,31352,31350,31348,31346,31344,31342,31340,31338,31336,31334,31332,31330,31328,31326,31324,31322,31320,31318"]

Qırım hacıları içün hacılıq boyunca seminar keçirildi (FOTO)

Опубликовано:

İyülniñ 18-nde Aqmescitte, bu sene hacılıqqa baracaqlar içün seminar keçirildi. Aqmescitniñ merkeziy Kebir camisinde 300 yaqın insan toplaştı. Hacılar ögünde Qırım Müftisi hacı Emirali Ablayev çıqışta bulundı. O, musulmanlarğa hacılıqnı yahşı keçip, tuvğanlarına sağ-selâmet qaytmasını tiledi. Bundan da ğayrı, Müfti, musulmanlarnı birlik, muabbet, biri-birine nisbeten diqqatlı olmağa ve er bir vaziyette yardım etmekni tiledi. Qırım Müftisi: "Fitne-fesat çıqarıp, doğru yolnı şaşırğanlardan çetleşiñiz. Qırımdan tış siz Cumhuriyetimizni, milletimizni temsil eteceksiñiz. Bayrağımıznı ğurur ile köteriñiz, milletimizniñ lâyıq evlâdları oluñız. Dünya bizni, dinini, Vatanını ve milletini sevgen aqiqiy musulmanlar olaraq bilsin. Mekke ve Medineniñ muqaddes topraqlarında milletimiz, Vatanımız ve Qırımımız içün dua etmege unutmañız", – dep ayttı. Bundan da ğayrı, Müfti, Qırım musulmanları içün hacılıqnı teşkil etmege destek köstergenlerge, ayrıca, Cumhuriyet reberligine, profil nazirlikler ve komitetlerge teşekkürler bildirdi. Aqmescit şeerindeki Rusiye Çetel İşleri Nazirligi temsilcisiniñ vazifesini eda etken Artöm Berezovskiy hacılıqnıñ muvafaqiyetli olıp keçmesini tiledi. Artöm Berezovskiy: "Eminim, yıl-yıldan müessiseara seviyesinde añlaşıp, bu kibi müsbet tedbirlerniñ teşkil etilüvine destek kösterecemiz. Men Çetel İşleri Nazirligi tarafından er taraflama destek köstermege azırım", – dep ayttı  "Rospotrebnadzor" temsilcisi Sergey Tsıganov hacılarğa nisbeten olğan tibbiy-sanitar talaplar aqqında tarif etti. Bu cümleden, mıtlaqa yapılacaq aşlanuv aqqında, olğan hastalıq ve diagnoz aqqındaki spravka ve lâzim olğan ilâclar cedvelini tasdiqlağan sertifikat mevcut olmalı. Bundan da ğayrı, Sergey Tsıganov, hacılarğa Saudiya Arabistanına alıp kirmege yasaq olğan ilâclarnıñ cedvelinen tanış olmağa tevsiye etti ve: "Unutmañız ki, yolculıqtan qaytqan soñ, 21 kün devamında sağlığıñızğa muqayt olmaq kerek. Alıñız olmasa, öksürük, burun tımavı, içiñiz bozulsa, mıtlaqa ekimge muracaat etmek kerek. Hacılıq devamında, deve sütüni, qaynatılmağan suv içmeñiz, alışmağanıñız yemeklerni aşamañız. Hacılıqnı güzel şekilde keçirip, sağ-selâmet olıp qaytıñız", – dep, ilâve etti. Hacılarğa yolculıqqa eyi tarzda azırlanmaq, vesiqalarnı teşkermek ve devletten çıqmağa yasaqnıñ sebebi olabilecek devlet borclarınıñ barlığını/yoqluğını (kredit, para cezası) teşkermege tevsiye etildi. Seminar devamında QMDİ MDT İslâm ilimleri ocaları, hıcılıq nasıl qısımlardan ibaret olğanını ve neler yapmaq kereklegini añlattılar. Musulmanlarğa, yolğa nasıl etip azırlanmaq ve bütün dünyadan kelgen millionlarnen insanlar bulunğan hacılıqta neler yapmaq/yapmamaq kerekligi aqqında malümat berildi. AVN-Tur hacılıq-operatorınıñ reberi ise, bütün vesiqalarnıñ mevcutlığı aqqında hatırlattı. Qırımdan hacılar iyül 26 künü yolğa çıqacaqlar. Taqımlar 49-50 insandan, şu cümleden, tibbiyet hadimlerinden ve taqım reberlerinden ibaret olacaq. QMDİ matbuat hızmeti [gallery link="file" columns="4" size="medium" ids="31225,31223,31221,31219,31217,31215,31213,31211,31209,31207,31205,31203,31201,31199,31197,31195,31193,31191,31189,31187,31185,31183,31181,31179,31177,31175,31173,31171,31169,31167,31165,31163,31161,31159"]

Zıncırlı medrese maneviyat ve maarif merkezi şanını qaytarmalı (FOTO)

Опубликовано:

Qırım Müftisi ve milletlerara munasebetler ve sürgün etilgen vatandaşlarnıñ işleri boyunca Devlet komitetiniñ reisi Lenur Abduramanov, "Zıncırlı medrese" külliyesiniñ topraqlarını, bu cümleden, Qırım musulmanları diniy idaresine berilgen obyektlerini ziyaret etti. Mezkür obyektler uzun vaqıt devamında vazifesi boyunca qullanılmağanı sebebinden, ayrı binalarda tamir işlerini yapmaq, müendis-kommunikatsion ağlarını tamir etmek ve medrese yanındaki topraqlarnı abadanlaştırmaq kerektir. Hatırlatamız, "Zıncırlı medrese" diniy külliyesiniñ topraqlarında sovetler zamanında ruhiy-nevrologik dispanser yerleşken edi. Bir sıra binalar hastahaneniñ ihtiyaclarına uyğun yapıldı. Qırım Müftisiniñ sözlerine köre, er obyekt mütehassıslar tarafından ögrenilecek ve ileride ğayrıdan tiklenüv işlerini yapmaq içün ekspertiza keçirilecek: "İş pek çoq. Eminim, yerli cumhuriyet akimiyet vekilleri, Bağçasaray tarihiy-medeniy ve arheologik müzey-qoruğınıñ reberligi ile birlikte biz külliyeniñ evelki tarihiy körünüşini ğayrıdan tiklermiz ve, o, kendi çoqasırlıq vazifesini – ananeviy diniy tasil ve maneviy maarif funktsiyasını becermege devam etecek". Hatırlatamız, 2019 senesi mayıs 17 künü Qırım Cumhuriyeti Nazirler Şurasınıñ 584-R Emiri ile Bağçasaray şeeriniñ Basenko soqağı, 57 adresi boyunca yerleşken "Zıncırlı medrese" diniy-medeniy külliyesiniñ mülkü Qırım ve Sevastopol şeeri musulmanları diniy idaresine qullanuvğa berildi. Qırım Müftisi Qırım Başı Sergey Aksönov, QC medeniyet Naziri Arina Novoselskaya ve "Bağçasaray tarihiy-medeniy ve arheologik müzey-qoruqqa" mezkür mülkni QMDİ MDT bedava qullanuvğa berilüvinen bağlı tedbirlerde iştirak etkenleri içün teşekkürler bildirdi. "Zıncırlı medrese" aliy İslâm tasil yurtu Mengli Geray hanı tarafından 1500 senesi quruldı ve Rusiyede saqlanıp qalğan eñ qadimiy İslâm maneviy oquv yurtu sayıla. "Zıncırlı medrese"de bütün musulman dünyasında belli olğan qırımtatar maneviy elita terbiye etildi. Medresede diniy derslerden ğayrı, logika, arap filologiyası, felsefe, uquq, ritorika, esap, astronomiya ve diger dersler oquldı. Medrese topraqlarında cami, onıñ qurucınıñ, meşur din erbapları ve ziyalılarnıñ mezarları yerleşken edi. XIX asırnıñ 70-nci seneleri mında belli qırımtatar erbabı İsmail Gasprinskiy çalıştı, rus tili derslerini berdi. O, külliye topraqlarında defn etildi. QMDİ matbuat hızmeti [gallery link="file" columns="4" size="medium" ids="31148,31146,31144,31142,31140,31138,31136,31134,31132,31130,31128,31126,31124,31122,31120,31118,31116,31114,31112,31110,31108,31106,31104,31102"]