Haberler - Page 11 of 55 - ЦРО ДУМКЦРО ДУМК | Страница 11

Пн

13

июля

22
Зуль-къаде
1441 | 2020
Утр.3:09
Вос.4:59
Обед.12:54
Пол.16:56
Веч.20:38
Ноч.22:28
Времена намазов
Календари 2020г

Намаз

Haberler - Page 11 of 55 - ЦРО ДУМК

UFSİN idaresindeki müessiselerde Qurban bayramı qayd etildi (FOTO)

Опубликовано:

Qurban bayramı munasebeti ile, 1-sanlı taqiqat izolâtorı ve Qırım Cumhuriyeti ve Sevastopol şeeri boyunca Rusiye UFSİN 1-sanlı koloniyasını, Aqmescit ş. imamı Muhammed İslamov ve onıñ yardımcısı İbraim Zinedinov ziyaret ettiler. Imam, musulmanlarnı bayramnen hayırladı ve er keske sağlıq, sabır ve tez vaqıtta yaqınları ile qavuşmaqnı tiledi. Ziyaret çerçivesinde bayram namazı qılındı, tatlı sofra donatıldı. Muhammed İslamov: “Yoldan tayğanlarğa yardım köstermek – bizim borcumızdır. Fikirimizce, bu insanlarnı, problemleri ve dertleri ile yüz-yüzge, yanğız qaldırmaq olmaz. Qırım musulmanları diniy idaresi, 12 yıldan berli bu vaziyette bulunğan musulmanlarğa destek köstere. İleride de yardım etmege devam etecekmiz”, – dep ayttı. Bundan da ğayrı, bayram tedbirini teşkil etmege yardımda bulunĝan er keske – Qırım Cumhuriyeti ve Sevastopol şeeri boyunca UFSİN reberlerine, iş adamlarına teşekkürler bildirildi. QMDİ matbuat hızmeti [gallery link="file" columns="4" size="medium" ids="32643,32641,32639"]  

Bahşışlar, tatlılar, kontsert! Aqmescit civarında Qurban bayramı qayd etildi (FOTO)

Опубликовано:

Aqmescitniñ Beloye-5 qasabasında Qurban bayramına bağışlanğan büyük bayram keçirildi. Tedbir teşkilâtçıları – Qırım Müftiliginiñ destegi ile yerli din cemiyeti ve Beloye-5 qasabasınıñ cemaat taqımı, bayram musafirleri içün meraqlı programmanı teşkil ettiler. Bala icadiy taqımlarınıñ çıqışları, bahşışlar ile yarışlar, "Nesil" oyun amsambliniñ çıqışları oldı. Balalarnı animatorlar eglendirdi, öz oyun istidadını Alâdin Memetov numayış etti, Bekir Adilov ilâhilerni icra etti. Balalar içün tatlı sofralar donatıldı, esli başlı adamlarğa bahşışlar berildi. Tasviriy sanat tögereginiñ iştirakçileri öz qollarınen yapqan işlerni kösterdiler. Bayram tedbiri çerçivesinde, rayonnıñ faal sakinlerine mukâfatlar ve fahriy yarlıqlar berildi. Bundan da ğayrı, bahşışlarnı icadiy taqımlarnıñ iştirakçileri de aldı. Beloye-5 cemaat taqımınıñ başı Zair Smailovnıñ sözlerine köre, bayramğa 250 insan keldi, musafirler içün eki, 100-kilolıq qazan pilâv pişirildi. Zair Smailov: "Qasabamıznıñ sakinleri, din cemiyeti ve cemaat taqımınıñ er bir muracaatına seslene. Maqsadımız – birlik ve biri-birimizge destek köstermektir, ve, tabiy ki, balalarnıñ samimiy quvançıdır", - dep ayttı. QMDİ matbuat hızmeti [gallery link="file" columns="4" size="medium" ids="32728"]

Cürçi rayonı  – dostluq ve birlik müitinde bayram (FOTO)

Опубликовано:

Cürçi rayonınıñ memuriyeti, Gvardeyskoye köyüniñ sakinleri ve Qırım Cumhuriyeti ve Sevastopol şeeri musulmanları diniy idaresiniñ "Aqçora" musulman din teşkilâtına, Qurban bayramını teşkil etmege yardım köstergenleri içün teşekkürler bildire. Bayram tedbirini, rayonnıñ yerli icadiy taqımlarınıñ icrasındaki qırımtatar yırları yaraştırdı. Musafirlerni pilâvnen siyladılar, bayramnıñ küçük musafirlerine ise tatlı bahşışlar berildi. "Küreş" milliy sport yarışlarınıñ ğalipleri qıymetli bahşışlarğa nail oldı. Ananeviy "canlı" bahşışnı (qoynı) ğalip Nazim Davletşayev omuzlarına köterdi. Rayon memuriyetiniñ teşekkürnamesinde: "Bütün musulmanlarnı bu bereketli ve quvanç tolu bayramnen hayırlaymız. Bizim eyi işlerimiz ise dinlerara ve bütün milletler arasındaki birlikni qaviyleştirir", dep aytıla. QMDİ matbuat hızmeti [gallery link="file" columns="4" size="medium" ids="32737,32745,32741,32735,32739"]

Mekkede 2019 senesi  hacılığınıñ birinci neticeleri çıqarıldı (FOTO)

Опубликовано:

Mekkede, Rusiyeniñ SAQ-daki baş konsulı Bagavudin Aliyev ve RF Hacılıq-missiyasınıñ reberi Magomed Gamzayevniñ yolbaşçılığında, RF Hacılıq missiyasınıñ muşaveresi olıp keçti. Qırım musulmanları diniy idaresi tarafından AVN-Tur Qırım hacılıq-operatorınıñ reberi Artur Reşitov iştirak etti. Muşavere çerçivesinde iştirakçiler, 2019 senesi  hacılığınıñ neticelerini muzakere etti, 2020 senesi keçirilecek hacılıqqa dair olğan tekliflerini seslendirdiler. Artur Reşitov: "Allahqa şükürler olsun, 2019 senesi hacılıq daa güzel olıp keçe. Bütün qaydlar köz ögüne alındı ve ileride biz, buña köre, hacılıq teşkil etüviniñ seviyesini daa eyileştirmege tırışacaqmız", - dep ayttı. QMDİ matbuat hızmeti [gallery link="file" columns="4" size="medium" ids="32656,32654,32652,32650"]

Aqmescitte Qurban bayramı qayd etildi (FOTO)

Опубликовано:

Qırım paytahtınıñ, Aqmescit şeeriniñ merkezinde, Trenöv adına raatlıq yerinde üç biñ insan toplandı, insanlar tuvğanları, soy-sopları, dostları ve qomşularınen birlikte bayramnı er kesnen paylaşmaq içün keldiler. Bayram teşkilâtçıları – Qırım ve Sevastopol şeeri musulmanları diniy idaresi, Milletlerara munasebetler ve sürgün etilgen vatandaşlarınıñ işleri boyunca Devlet komiteti ve şeer memuriyetidir. Qırım musulmanlarını ve bayram musafirlerini Qırım Müftisi hacı Emirali Ablayev hayırladı ve: "Bu - dostluq, sayğı ve biri-birini af etüv bayramıdır. Vatanğa qaytqanımızğa ve diger din ve millet vekillerinen qomşu olıp yaşağanımızğa 30 yıl toldı. Öz tamırlarımızğa, medeniyetimizge ürmet ile yanaşsaq, başqaları da bizge nisbeten ürmetnen davranacaq. İslâm – merhametlik, dostluq ve barışıq dinidir. Balalarımız, torunlarımız ileride de bu qaidelerge riayet etip yaşamaları içün Allahqa dua etem. Bu tedbirni teşkil etken er kesge teşekkürler bildirem. Birlik-beraberlik ve dostluq içinde yaşağanımıznı, er evge merhametlik, bereket, tuvğan topraqta güllemege, Qırım sakinlerine stabillik, dostluq ve biri-birine nisbeten ürmet ile yanaşmağa tileyim", - dep ayttı. Bayramnıñ hususiy bir yañılığı – qırımtatar milliy urbalarındaki yaş yigitler oldı. Olar, eski adetke köre, bayram musafirlerine büyük gügümlerdenden şerbet ikram etti. Ayrı meydanda sport yarışları olıp keçti. Farqlı ağırlıq kategoriyalarğa ait küreşçiler bayramnıñ esas bahşışı – qoy içün küreştiler. Ğalipke bahşış sanada ediye etildi. Qalğan sportçılar kuboklar, vıpleller, hatıra bahşışlarını aldılar. Meydanda büyük yarmalıq çalıştı, mında bayram musafirleri ameliy sanat ve milliy el işlerine ait mahsullarnı alabildiler. Eñ küçük musafirlerni ise animatorlar eglendirdi. Şarqiy yemekleriniñ ustaları, 100 kilo çekimdeki beş büyük qazan pilâv pişirdi ve bayram musafirlerine darqattı. Bayram devamında musafirler ögünde Qırımtatar yır ve oyun "Haytarma" ansambliniñ artistleri çıqışta bulundı, "Ateş" oyun taqımı oyunlarınen quvandırdı, Halisa Ablayeva, Raziye Seytablayeva ve Ernest Emirasanovnıñ çıqışları er kesni ayrette qaldırdı. QMDİ matbuat hızmeti [gallery link="file" columns="4" size="medium" ids="32572,32574,32576,32570,32568,32566,32564,32562,32560,32558,32556,32554,32552,32550,32548,32546,32544,32542,32540,32538,32536,32534,32532,32530,32528,32526,32524,32522,32520,32518,32516,32514,32512,32510,32508,32506,32504,32502,32500,32498,32496,32494,32492,32490,32488,32486,32484,32482,32480,32478,32476,32474,32472,32470,32468,32466,32464,32462,32460,32458,32456,32454,32452,32450"]

Qırım Müftiligi qırımtatar tili kurslarına davet ete

Опубликовано:

Qırım Cumhuriyeti ve Sevastopol şeeri musulmanları diniy idaresi bedava keçirilecek qırımtatar tili kurslarına davet ete. Derslerge qırımtatar tilini bilmegen, serbest laf etmek içün bilgi seviyesini arttırmağa, qırımtatar tilinde oqumağa ve yazmağa ögrenmek istegen er kes davet etile. Nevbetteki kurs 2019 senesiniñ sentâbr 10 künü açılacaq. Dersler salı ve cumaaqşamı künleri saat 17:00 keçirilecek. Kurs programması 3, 5 ay devam etecek. Derslerni qırımtatar tili ve edebiyatı ocası Tamila Abduveliyeva alıp baracaq. Birinci ders 2019 senesiniñ sentâbr 10 künü saat 17:00 başlanacaq. Adresimiz: Aqmescit şeeri, Kurçatov soq., 4 (QMDİ konferents-zalı). Yazılmaq içün telefon nomeraları: +7 978 0741847; + 7 (978) 8958393. QMDİ matbuat hızmeti

Qurban bayramı! Qırım musulmanları birlik ve dostluq içün dua ettiler (FOTO)

Опубликовано:

2019 senesi avgust 11 künü Qırımnıñ bütün camilerinde Qurban  bayramına bağışlanğan bayram namazı olıp keçti. Aqmescitteki Medeniyet ve zenaat birligi Eviniñ salonında keçirilgen namazdan evel Qırım Müftisi hacı Emirali Ablayev, musulmanlarnı birlikke, dostane munasebetlerge ve biri-birine destek olmağa çağırdı. Müfti: "Er kün öz-özümizge bir sual bermek kerekmiz – yanımda olğan insanlar içün ne yaptım? Oña nasıl yardım ettim, destek kösterdim? Er kün böyle olmalı. İnsan daima destekni is etmeli.  Qıyın künler olsa, derdi ile yüz-yüzge yañğız qalmaycağından emin olmalı. Qurban bayramı bu aqta güzel hatırlatuvdır. Qorantalarıñızğa sağlıq, barışıq ve bereket tileymiz. Eyilik yapıñız ve o, sizge qat-qat qaytır", - dep ayttı. Mahsus ayırılğan yerlerde qurbanlar çalındı, qurban eti dinine baqmadan muhtac olğanlarğa, çoq balalı qorantalarğa, soy-soplarğa, yaqınlarğa, dostlarğa ve, qomşularğa dağıtıldı. Bayram künleri üyken soy-soplarnı ziyaret etile, musafirlikke barıla, balalarğa tatlı ziyafet teşkil etile. 2019 senesi Qırım musulmanları Qurban bayramını avgust 11-14 künleri qayd ete.  QMDİ matbuat hızmeti [gallery link="file" columns="4" size="medium" ids="32446,32444,32442,32440,32438,32436,32434,32432,32430,32428,32426,32424,32422,32420,32418,32416,32414,32412,32410,32408,32406,32404,32402,32400,32398,32396,32394,32392,32390,32388,32386"]

Aqmescitniñ kiriş yolunda hilâl şekilindeki  işaret yerleştirilecek (FOTO)

Опубликовано:

Qırım Müftisi hacı Emirali Ablayev, "Dünya – Tañrınıñ ediyesi"  Qırım Dinlerara Keñeşiniñ toplaşuvında iştirak etti. Muşavere çerçivesinde Keñeş azaları, ileride keçirilecek, ealini cedvelge aluv meselesini ve Hoşkeldi, Boğurça qasabaları sakinleriniñ, Qarasuvbazar tarafından Aqmescitke kiriş yolunda diniy işaret qoymaq teklifini muzakere ettiler. Keñeş azaları, bir rey ile işaretniñ qoyuluvına qol tuttılar ve diniy timsaller, Qırımdaki halqlar arasında sayğı ve dostluq kibi munasebetlerniñ pekitilüvine hızmet etkenini qayd ettiler. Bugünki künde mezkür işaretniñ leyhası bar. O, metsenatlarnıñ destegi ile azırlanıp yerleştirilecek. Qırım Müftisi, Dinlerara Keñeşiniñ azalarına, köstergenleri destek ve ürmet içün teşekkürler bildirdi. Hilâl şekilindeki işaret, qırımtatarlar  toplu şekilde yaşağan qasabada, haçnıñ qarşısında yolnıñ diger tarafında yerleştirilecek, yanındaki yer ise abadanlaştırılacaq ve yeşertilecek. QMDİ matbuat hızmeti [gallery link="file" columns="4" size="medium" ids="32298,32294,32292,32296"]

Aqmescitte balalar içün qırımtatar tili kursları açılacaq!

Опубликовано:

Aqmescitte Qırım musulmanları diniy idaresiniñ "Faydalı ilim" tasil leyhası çerçivesinde, balalar içün qırımtatar tili kursları açılacaq! Aşıqıñız! Adresimiz: Aqmescit ş., Pobeda caddesi, 128, "Faydalı ilim" medeniy-maarif merkezi. Malümat içün telefon: +79788354278, +7 (978) 065-19-88 QMDİ matbuat hızmeti

“Allah iç bir vaqıt qorantadan ve Vatandan ayırmasın”, – Qırım Müftisi Resul Velilâyevnen körüşti (FOTO)

Опубликовано:

Qırım musulmanları diniy idaresinde, Müfti hacı Emirali Ablayev ve iş adamı, metsenat Resul Velilâyevniñ körüşüvi olıp keçti. Müfti, Resul Velilâyevni, Qırımğa qaytıp, qorantasınen qavuşqanı ile hayırladı. Qırım Müftisi: "Din erbabı olaraq insanlarğa yardım etmek – vazifemizdir. Biz,  senin, tuvğanlarıňen beraber quvanıp, aramızda körgenimizge sevinemiz. İşleriñniñ devam etilmesini biz de körmek isteymiz, millet de onı körsin, eşitsin.", - dep ayttı. Resul Velilâyev, öz nevbetinde, destek içün teşekkürler bildirdi. Resul Velilâyev: "O qıyın künler devamında menim içün dua etkenler çoq sağ olsun. Sizge, ürmetli Müfti efendi, ayrı teşekkürler. Siziñ muracaatıñız sayesinde sıñırlama tedbiri deñiştirildi ve men Qırımğa qaytıp, qorantamnen qavuşmağa imkânını elde ettim. Epimiz milletimiz içün çalışmaq kerekmiz", - dep ayttı. Resul Velilâyev Qırımda iş adamı, metsenat olaraq belli. O, yerli edebiyatçılarğa, mektep talebelerine ve studentlerge destek köstergen Bekir Çoban-zade adına Hayriye Fondınıñ tesisçisidir. Bundan da ğayrı, Velilâyev bir sıra medeniy ve içtimaiy leyhalarnıñ investorıdır. Onıñ destegi ile Qarasubazarnıñ merkeziy camisi quruldı, medeniyet merkezi ve kitaphaneniñ qurulması planlaştırıla. İleride, iş adamı ve metsenatnıñ  niyetleri büyüktir. QMDİ matbuat hızmeti [gallery link="file" columns="4" size="medium" ids="32113,32119,32117,32115"]

İslâm ilimleri Qalay medresesi abituriyentlerni davet ete!

Опубликовано:

Qırım ve Sevastopol şeeri musulmanları diniy idaresi İslâm ilimleri Qalay medresesine oquvğa davet ete: - Erkekler ve qadınlar bölügine 9 ve 11 sınıfnı bitirgen talebeler qabul etile; - Hafizler bölügine 5 sınıfnı bitirgen talebeler davet etile. Bütün bölüklerde oquv müddeti 3 yıldır. 11 sınıf abituriyentlerine 2-yıllıq tezleştirilgen oquv ceryanından keçmek imkânı teklif etile. Medreseniñ erkekler ve qadınlar bölüginiñ mezunları, orta mektep programmasını keçken soñ, tolu orta tasil ve orta professional diniy tasil alğanı aqqında diplom ala. Medresede tasil aluv, qaluv ve yemek bedavadır. Medresege, kiriş subeti  şekilinde olıp keçken qabul etüv -  2019 senesiniñ avgust 1-24 künleri arasında keçirilmekte. Subetke kelgende, abituriyent yanına baalar ile attestat ya da tabel almalı. Subetten keçken studentler nevbetteki vesiqalarnı taqdim etmeli: Baalar ile attestatnıñ (tabel) tıpqısı (kopiyası); 086-u şekilindeki tibbiiy spravka ; Alınğan aşlamalar cedveliniñ tıpqısı; Flüorografiyanıñ keçüvi aqqında kâğıt qaydı; Pasportnıñ (doğuv aqqında şeadetnameniñ) tıpqısı; Ana ya da baba (qanuniy temsilciler) pasportınıñ tıpqısı; Tibbiy polisniñ tıpqısı; SNİLS tıpqısı; 3х4 şekilindeki 6 renkli foto (matovoye foto) Adres: 296173, Qırım Cumhuriyeti, Canköy rayonı, Mayskoye köyü, Gasprinskiy soqağı, 1. Telefonlar: +79788995467 (erkekler bölügi), +79780490931 (qadınlar bölügi), +79788516353 (hafızlar bölügi) sayt: qmdi.org/qalay-medrese/ , e-mail: amedrese@mail.ru

Qırım Müftiligi erkânında “Genç bloger mektebi” açıldı (FOTO)

Опубликовано:

Qırım musulmanları diniy idaresi erkânında "Faydalı ilim" diniy-maarif leyhası tarafından "Genç bloger mektebi" açıldı.  Kurslarğa yaşı 10-16 civarında olğnlar davet etile. Teşkilâtçılarnıñ sözlerine köre, birinci kiriş dersi olıp keçti. Mektepke 10 insan qoşuldı. Teşkilâtçılar: "Birinci derste gençler blog alıp barılmasınıñ esas añlamlarınen, blognıñ meraqlı ve faydalı olması içün, onı nasıl etip alıp barmaq kerekligi ve foto ve video çekimleriniñ esaslarınen tanış oldılar", – dep ayttı. Nevbetteki körüşüv avgustnıñ 4-nde, bazar künü ötkerilecek. Körüşüvniñ mevzusı: "Jurnalistikanıñ esasları", İnstagramda blognıñ populârlaştırıluvı, Storislerde Top-5 ğayeleri, video işlevi ve montajı boyunca ögretüv dersidir. Avgustnıñ 10-da – "Genç bloger mektebi"  iştirakçileri videoçeküv esaslarını ögrenecekler. Avgust 18 künü keçirilecek körüşüvniñ mevzusı: "Musulman qadını ve bloging"dir. Programmada ögretüv dersi, muzakereler ve "Genç bloger mektebiniñ" diñleyicisi olğanı aqqında  sertifikatnıñ taqdim etilmesidir. Qoşulmağa daa imkânıñız bar. Malümat içün telefon: + 7 978 863 95 66 QMDİ matbuat hızmeti [gallery link="file" columns="4" size="medium" ids="31777,31783,31781,31779"]