Faydalı ilim - Page 8 of 10 - ЦРО ДУМКЦРО ДУМК | Страница 8

Суббота

04

июля

13
Зуль-къаде
1441 | 2020
Утр.2:58
Вос.4:52
Обед.12:52
Пол.16:56
Веч.20:42
Ноч.22:37
Времена намазов
Календари 2020г

Намаз

Faydalı ilim - Page 8 of 10 - ЦРО ДУМК

Aqmescitte qırımtatar qadın urbasınıñ künü qayd etilecek

Опубликовано:

Fevral 3 künü Aqmescitte qırımtatar qadın urbasınıñ künü qayd etilecek. Tedbir, fevral 1 künü qayd etilgen, Halqara hicab kününe bağışlanğandır. Tedbir teşkilâtçıları – Qırım ve Sevastopol şeeri müsulmanları Diniy idaresiniñ qoltutuvı ile "Büllür" Qırım musulman qadınları birleşmesidir. "Büllür" teşkilâtınıñ reberi Niyara Canbazovanıñ sözlerine köre, tedbir çerçivesinde qırımtatar milliy urbalarınıñ belli  ustaları, medeniyetşınaslar, ilâhiyatçılar qırımtatar qadın milliy urbalarınıñ tarihı ve musulman qaideleri boyunca qadın urbaları aqqında tarif etecekler. "Qırımtatar qadınları teşkilâtı olaraq milliy adetlerimizniñ saqlanuvı bizim içün çoq müimdir. Mütehassıslarnıñ yardımınen hicabnıñ qırımtatar versiyasını ögrenmege niyetlendik. Biz Şeriat qaidelerine uyğun olğan urbalarnı populârlaştırmağa isteymiz. Maqsadımız - zemaneviy musulman qadınları milliy urbalarnı sıqça kiysin. Bu bizim ilvanımızdır. Allah farqlı musulman milletlerni yarattı, medeniyetlerimiz biri-birinden farq etmekte. Bu pek güzeldir", - dep ayttı Niyara Canbazova. Tantanalı tedbir çerçivesinde büyük hayriye fesler yarmalığı ötkerilecek. Merasimde zemaneviy fes ustaları davet etildi. Balalar içün animatsion şou ötkerilecek. Kiriş fiyatı – 300 ruble. Balalar içün kiriş serbest olacaq. Toplanğan paralar muhtac qorantalarğa berilecektir! Tedbir fevral 3 künü, saat 10:30 "Yeşil ada" banket salonında, Ak-Meçet mkrn, Aq-Kaya soqağı, 1 adresi boyunca ötkerilece QMDİ MDT hızmeti  

Aqmescitte İslâm aqidesi boyunca seminar ötkerilecek

Опубликовано:

Qırım ve Sevastopol müsulmanları Diniy idaresinde qadınlar içün "İslâm aqidesi ve onıñ añlamasında peyda olğan problemler" seminarı ötkerilecek. Dersni İslâm aqidesi boyunca mütehassıs Esadullah Bairov keçirecek. Seminarda İslâm dini, Tevhid ve Allahqa iman meseleleri baqılacaq. Dersniñ mevzusı zemaneviy islâm cemiyeti içün pek müimdir. Seminar yanvar 17 künü saat 17:00 Aqmescit ş.,  Volodarskogo,3/Kurçatova,4 adresi boyunca,  (Kebir cami) Qırım ve Sevastopol müsulmanları Diniy idaresiniñ konferents-zalında ötkerilecek. QMDİ MDT hızmeti

Altın nesil” internet-klubı dostlarını topladı (FOTO)

Опубликовано:

Aqmescitte Qırım ve Sevastopol Diniy idaresiniñ "Altın nesil" internet-klubınıñ açıluvı olıp keçti. Klub 10-16 yaşına qadar yigirmiden ziyade gençni topladı. İnternet-klubınıñ reberleri ocalar Feride Memetova ve Ayşe Adilova balalar içün meraqlı programmanı azırladılar: gençler biri-birinen tanış oldılar, kendisi ve meraqlanğan şeyleri aqqında tarif ettiler. "Faydalı ilim" leyhasınıñ reberi Zeyneb Bairovanıñ sözlerine köre, ay devamında balalar internet-klubınıñ faaliyetinde iştirak ettiler. "Olar oqutuv videolarını çıqardı, yarışlar, kvest keçtiler. Bugün ise keçirilgen yarışlarnıñ ğalipleri belli oldı. Er bala klub iştirakçisi kartasınıñ saibi oldı", - dep ayttı Zeyneb Bairova. Tedbirniñ soñunda balalar bouling oynadılar. Hatırlatamız, "Altın nesil" internet-klubı genç müsulmanlar içün çalışmaqta! Onıñ esas maqsadı 10-16 yaşındaki balalarğa alternativ qonuşuv meydanını qurmaqtır. Mında genç qırımtatar müsulmanı şahsiyetiniñ inkişafı içün yarışlar, oyunlar işlep çıqarıldı. Bundan da ğayrı, programma boyunca iştirakçiler ayda bir kere toplaşıp, milletimizniñ tarihı ve medeniyetini ögrenecekler. QMDİ MDT hızmeti [gallery link="file" columns="4" size="medium" ids="11062,11060,11058,11056,11054,11052"]

Qırımda mektepten evel çağındaki balalarğa İslâm dini esaslarını ögretecek ilk ocalar mezun oldı

Опубликовано:

Qırım ve Sevastopol ş. musulmanları Diniy İdaresiniñ "Faydalı ilim" tasil-maarif merkezinde küçük balalarğa İslâm bilgilerini berecek ocalarnı azırlağan mahsus kurslar teşkil etildi. Kurslarnıñ endi birinci mezunları bar. Doquz ay devamında ocalar mektepten evelki devirge ait olğan pedagogika, ruhiyat, ritorika, pediatriya temellerini ve oqutuv usullarını ögrendiler. Umumen, kurs 14 fenden ibarettir. Er ay studentler kontrol ve ameliy iş becerdiler.  Oquv kursınıñ soñunda er  talebe yekünleyici kurs işini azırlap qorçaladı. Bundan soñ, mezunlar "Mektepten evel çağındaki balalar içün İslâm oqutuvı mütehassısı" ihtisası boyunca diplom aldılar. İstekliler nevbetteki kursqa davet etile. Malümat içün telefon +7978 038 1705  Qırım MDİ MDT matbuat hızmeti [gallery link="file" columns="4" size="medium" ids="10808,10810"]

Aqmescitte “Yañı baar” çeçekleri açtı (FOTO)

Опубликовано:

Aqmescitte Qırım musulmanları diniy idaresiniñ  "Faydalı ilim" leyhası çerçivesinde keçirilgen "Yañı baar" kurslarına qatnağan mektepten aldın balalar içün arap elifbesi bayramı keçirildi. 3-6 yaşındaki balalar kurslarda alğan bilgilerini numayış ettiler. Üç ay içinde olar güzel bilgilerni aldılar. Balalar arap elifbesini oqıp, Peyğamberimiz (s.a.v.) ana, Vetan aqqında şiirlerni ayttılar. Bundan da ğayrı, olar musulmannıñ ömüri aqqında bir numayışnı kösterdiler. Bayramnıñ soñunda er bir iştirakçi Qırım musulmanları diniy idaresinden mukâfatnameni aldı. "Faydalı ilim" leyhasınıñ reberi Zeyneb Bairovanıñ sözlerine köre, Aqmescitte "Yañı baar" leyhasına mektepten aldın çağında 35 bala qatnay. Qırım boyunca ise "Yañı baar" Saq rayonı ve Canköy rayonınıñ Azovskoye qasabasında çalışmaqta. Maqsadımız – kurslarnı Qırımnıñ diger rayonlarında da açmaq, balalar islâm bilgilerini alsın", - dep ayttı Zeyneb Bairova. O qayd etti ki, QMDİ küçük balalar ile çalışqan çoq küçlü ocalar bar. Bayram tedbiri tatlı "Yañı baar" tortı ile yekünlendi. QMDİ matbuat-hızmeti [gallery link="file" columns="4" size="medium" ids="10557,10547,10555,10541,10543,10491,10535,10533,10521,10519,10517,10515,10513,10511,10509,10507,10505,10503,10501,10499,10497,10495,10493,10537,10539,10523,10531,10529,10527,10525,10563,10561,10559,10549,10545,10553,10551"]

Azov medresesinde Mevlid Kandili qayd olundı (FOTO)

Опубликовано:

İslâm ilimleri Azov medresesinde Muhammed Peyğamberniñ (s.a.v.) doğğan kününe bağışlanğan tedbirler olıp keçti. Tedbir çerçivesinde medresede oquğan qız bölüginiñ talebeleri eki "Kalbi Selim" ve "Kalbi Münib" taqımlarğa bölünip, Muhammed Peyğamberge bağışlanğan eñ güzel ilâhi, şiirler oqunmasında yarıştılar. Mevlidke aydan ziyade azırlıqlar yapıldı. Bayram teşkilâtçısı ve medreseniñ qız bölügini müdiri  Alime Abdulmeinovanıñ sözlerine köre, qıyınlıqlar bar edi, amma qızlar qoyğan maqsadlarına eñ güzel şekilde iriştiler. "Qıyınlıqlarnıñ sebebi şu ki, qızlar em oqumaq, em de tedbirge azırlıqlar körmek kerek ediler. Amma olar er şeyni yapıp oldılar. Bugün biz Peyğamberimizniñ (s.a.v.) fikileri, onıñ ömüri aqqında etraftakilerine daa bir kere ayttıq. O bizim içün örnektir", - dep ayttı Alime Abdulmeinova. Çıqışlarğa Qırım musulmanları diniy idaresiniñ ocalarından teşkil olunğan jüri qıymet kesti. İslâm ilimleri ocası Meryem Bekirovanıñ sözlerine köre, talebeler yüksek seviyeli bilgilerni kösterip, diniy yırlarnı eñ güzel şekilde icra ettiler. "Qatalarğa baqmadan, yarış teşkilâtçılarnıñ işine alâ kibi qıymet kesmege mümkün. Menim istegim bu kibi yarışlar çoq olsun, olar daa çoq iştirakçilerni celp etip, Qırımnıñ başqa regionlarını da qavrap alsın", - dep ayttı Meryem Bekirova. Tedbirniñ soñunda iştirakçiler bahşışlarğa nail oldılar. Qayd etmeli ki, tedbirge islâm temeleri ve Qoran oquvı kurslarınıñ talebeleri ziyaret ettiler. Er bir musafirge gül berildi. Gül – Peyğamberniñ çeçegidir. O onı güzellikniñ timsali dep saya edi. Qayd etmelimiz ki, bayramnıñ Mevlid kandili adı eki sözden ibaret "Mevlid" – doğuv vaqıtı, "kandil" ise çıraqtır. Bayramnıñ qayd etilmesi adeti Ekinci Sultan Selim vaqıtında  keñ darqaldı. O minarelerde çıraqlarnı yaqıp, insanlarğa bayramnıñ yaqınlaşmasını haber etmege emir etken edi. QMDİ MDT matbuat hızmeti [gallery link="file" columns="4" size="medium" ids="10423,10421,10419,10417,10415,10413,10411,10409,10407,10405,10403,10401,10399,10397,10395"]

Qırımda balalar içün islâm boyunca yañı “Yañı baar” metodik qullanma neşir etildi (FOTO)

Опубликовано:

Mektepten aldın balalar içün metodik qullanma üzerinde Qırım ve Aqyar musulmanları diniy idaresiniñ "Faydalı ilim" medeniy-maarif leyhasınıñ ocaları çalıştı. Metodik qullanma eki qısımdan ibaret. Birincisi — nazariy — "Yañı baar" leyhasınen tanış ete ve mektepten aldın, başlanğıç mektep talebelerni oqumağa ögretmek içün usullarnı köstere. Mında bu saada çalışqan mütehassıslarnıñ tedqiqatları kösterile. Derslerniñ qaideleri, bundan da ğayrı sınıfnıñ donatmaları tasvir etile. Qullanmanıñ ameliy qısımında talebelerde oquşqa meraq doğurmaq ve keçken malümatlarnı menimsemek, balalarda fikir etüv qabiliyetini inkişaf etmek içün yollar kösterilgen. Bundan da ğayrı, qullanmağa balalarda doğru nefes aluv oyunları boyunca mütehassıslarnıñ tevsiyeleri kirsetilgen. İleride bu bilgiler balalarğa arap elifbesiniñ seslerini doğru telâffuz etmege yardım ete. Qullanmada 30 ders planı bar, olar kuslarnıñ esas yönelişlerini qavrap ala. Bu Rusiyede mektepten aldın balalar içün çıqıqarılğan birinci qullanmadır. Metodik qullanmanı Qırım ve Aqyar musulmanları diniy idaresinde (Aqmescit ş. Kurçatova, 4 soq.) ya da "Terciman" (Aqmescit ş. Sevastopolskaya, 44 soq.) tükânında satın almağa mümkün. MDT Qırım MDİ matbuat hızmeti [gallery link="file" columns="4" size="medium" ids="9902,9900,9898,9896,9894"]

Qırım Müftisi din ocalarınen körüşti (FOTO)

Опубликовано:

Qırım müsülmanları Diniy İdaresinde Qırım Müftisi hacı Emirali Ablayev din ocalarınen körüşüv keçirdi. Tedbirde bir çoq meseleler muzakere etildi: oquv planları, bilgilerge qıymet kesüv, yañı oquv qullanmalarınıñ neşir etilüvi ve ilâhre. Mektepteki tatil künleri devamında ötkerilmesi közde tutulğan "Altın nesil" bütün Qırım yarışınıñ finalına tedarik meselelerine büyük diqqat ayırıldı. Qırım Müftisi ocalarğa yapqan hızmetleri içün teşekkürler bildirdi ve ileride de maarif leyihalarına qol tutacağında işandırdı. "Maarif esas hızmetimizdir. Yaş nesilge daa çoq diqqat ayıracaqmız. Çünki bu, İslâm bilgileri oğrunda, cemaatımıznıñ gürlemesi maqsadında sarf etilgen bir emek", - dedi Müfti. Soñunda, Müfti efendi ocalarğa muvafaqiyetler tilep, diniy-maarif işleri tek eyilik ketirgenini qayd etti. QMDİ MDT matbuat hızmeti [gallery link="file" columns="4" size="medium" ids="9280,9278,9276,9274,9272,9270"]

Balalarıñıznıñ istidatını keşf etiñiz!

Опубликовано:

Qırım Müftiyatınıñ "Faydalı ilim" medeniy – maarif merkezi "Emanet" icadiy studiyağa balalarnı qabul ete. 7-15 yaş arasında balalar, üyken sınıf talebeleri ve studentler qoşula bileler. Derslerde balalarnıñ icadiy qabiliyetleri inkişaf etilecek. "Emanet" studiyasında: Halq ve din yırları; Nefes doğru qoymaq bilgisi; Natıq qabiliyetleriniñ inkişafı; Aktörlıq ustalığı boyunca dersler ötkerilecek. "Emanet" studiyasınıñ ocaları bala ve ösmürlerniñ gizli itidatını keşf etken programmanı işlep çıqardılar. Balalarnıñ Qırım ve ondan tış yerlerde kontsertlerde iştirak etecekleri planlaştırıla. Dersler er cumaertesi künleri saat 11:00-de ötkerilecek. Ocalar individual şekilde de çalışacaqlar. "Emanet" icadiy studiyası Aqmescit ş., Pobeda c., 128 adresi boyunca yerleşe. Malümat içün telefon: +7 (978) 837-03-61 QMDİ MDT matbuat hızmeti

“Yañı baar” yañı küz mevsimini aça!

Опубликовано:

"Yañı baar" inkişaf ettirici merkezi balalarnı davet ete. Montessori ussullarına tayanıp çalışqan merkezge 4-7 yaş arasında balalar qabul etile. Dersler aftada eki kere bazarertesi ve cumaretesi künleri saat 10:00-dan 12:00-ge qadar keçirile. Balalar arap elifbesini ögrenecekler, Peyğamberlerniñ ayat ikâyelerinen tanış olacaqlar, dualarnı ezberleycekler, didaktik oyunlarını oynap, nutuq inkişafı, edep qaideleri üzerinde çalışacaqlar. Balalar derste olğan vaqıtta anaları İslâm esasları ve Quran oquvı boyunca bilgilerini tamamlaycaqlar. Vaqıtnı faydanen keçiriñiz!  "Faydalı ilim" medeniy-maarif merkezi, Aqmescit ş.. Pobeda c., 128 Malümat içün telefon +7 978 038 17 05 QMDİ MDT matbuat hızmeti

Müftiyatta diniy tasil saasında yañı yöñelişlerni belgilediler (FOTO)

Опубликовано:

Qırım Müftiyatında İslâm esasları ve Quran oquvı boyunca qadın – qızlar ve balalar içün Kurslarnıñ ocaları toplaşuv keçirdiler. Ocalar, balalar ve hanımlarğa berilgen tasilniñ keyfiyeti, bilgi berüv usulları, kelecek yarım yılğa tedbirlerniñ cedvelini muzakere ettiler. İştirakçiler, birinci nevbette mektepten evel balalarnıñ tasili meselesinde ayrıca toqtaldılar. Böyleliknen, metodik qullanmalarnıñ üzerinde çalışacaq mahsus bölük açılacağı belli oldı. "Faydalı ilim" leyihasınıñ reberi Zeyneb Bairova añlatqanı kibi, yarımadanıñ çeşit regionlarından daa 12 oca qoşuldı. Bu kibi toplaşuvlar er ay keçirile. Qayd etmek kerek ki, Qırım Müftiyatı tarafından tasil ve maarif boyunca büyük iş alıp barıla. Qırım camilerinde qadın-qızlar, erkekler, balalar içün dersler teşkil etile. Qalay medresesiniñ mezunları ve imamlar ders bermekteler. QMDİ MDT matbuat hızmeti [gallery link="file" columns="4" size="medium" ids="8468,8466,8464,8462"]

“Faydalı ilim” yañı oquv yılını başlay

Опубликовано:

QMDİ MDT terkibinde çalışqan "Faydalı ilim" mektebi yañı oquv yılını başlay. 2017-2018 oquv yılına 8-12 yaş arasında balalar davet etile. Balalar yıl devamında tecvid qaideleri boyunca Quran oqumağa, İslâm dini esasları, Peyğamberler ayatını ögrenecekler. Dersler er cumaertesi künleri saat 10:00-dan 15:00-ke qadar meraqlı oyun şekilinde ötkerilecek. Birinci ders sentâbrniñ 9-nda saat 11:00-de olıp keçecek. Adresimiz: Aqmescit ş., Pobeda caddesi, 128. Telefon: +7978-892-07-26 QMDİ MDT matbuat hızmeti