Faydalı ilim - Page 6 of 10 - ЦРО ДУМКЦРО ДУМК | Страница 6

Четверг

16

июля

25
Зуль-къаде
1441 | 2020
Утр.3:14
Вос.5:02
Обед.12:54
Пол.16:56
Веч.20:36
Ноч.22:24
Времена намазов
Календари 2020г

Намаз

Faydalı ilim - Page 6 of 10 - ЦРО ДУМК

Qırım Müftiliginde destruktiv diniy fırqalarnıñ havfı aqqında ikâye etecekler (FOTO)

Опубликовано:

Qırım müsulmanları Diniy idaresinde destruktiv diniy fırqalarına bağışlanğan "İslâmda sektalar ve aqıntılar: tarih, alâmetler" mevzusında seminar ve lektsiyalar başlandı. Seminarlarnı Qırım Müftisiniñ muavini, islâm uquqı magistri Ayder İsmailov keçire. Diñleyicilernen keçirilgen subette Ayder İsmailov, bütün ealige, hususan, yaşlarğa, diniy aqıntılar ve destruktiv fırqalar aqqında malümat berilmesiniñ müimligini qayd etti. Bundan da ğayrı, yaşlarnıñ bu fırqalar ve aqıntılarğa celp etilüvi usullarını açıqladı. Ayder İsmailovnıñ sözlerine köre, bilhassa, yaşlar içün zemaneviy telükege bağışlanğan lektsiyalar ve seminarlarnıñ mahsus kursını işlep çıqarmaq kerektir. Nevbetteki lektsiya yanvar 30 künü QMDİ binasında keçirilecek. İlânlarnı qaçırmañız. QMDİ matbuat hızmeti

Tuvğan til, til medeniyeti ve etiketi. Qırım Müftiliginde balalar içün kurslar açıldı

Опубликовано:

Qırım müsulmanları Diniy İdaresiniñ "Faydalı ilim" medeniy-maarif merkezinde 7-8 ve 9-10 yaşındaki balalar içün qırımtatar tili kursları açıldı. Programma "Til medeniyeti. Nutuq etiketi" kursına esaslanıp tizildi. Er bir ders til boyunca malümatlar ve qonuşuv medeniyetini qavrap ala. Dersler çerçivesinde balalar insanlar arasında munasebetler, nutuq etiketiniñ qaideleri boyunca bilgi alacaq. "Til medeniyeti. Nutuq medeniyeti" programmasınıñ aktualligi şunda ki, o, balalarğa qonuşuv tehnikasını menimsemege, açıq göñüllilik, merhametlik, insanlarğa nisbeten ürmet kibi çizgilerniñ saibi olmağa ve balanıñ er taraflama inkişafına yardım etecektir.  Kurslarnıñ maqsadı – tuvğan tilniñ ögrenilüvi, kendini alıp baruv ve medeniy qonuşma qaideleriniñ menimsenilüvi ve bu bilgilerniñ farqlı şaraitlerde qullanıluvıdır. Aynı bu maqsadnen kurslarnıñ programmasına dialoglar, masallarnıñ sanalaştırıluvı, roller boyunca oquv ve diger vazifeler kirsetildi. Bunıñ episi ağzaviy ve oquv metinini añlamağa, qonuşmağa, teessüratlarnen paylaşmağa ve suallerge cevap bermege yardım eter. Dersler er bazar künü saat 9.00-dan saat 13.00 –ke qadar keçirile. QMDİ matbuat hızmeti

Borçoqraq qasabasında “Yañı Baar” kursları açıldı (FOTO)

Опубликовано:

Merasim devamında "Yañı Baar"niñ faaliyeti , bala terbiyesi ve bazı metodik çalışmaları  kösterildi. Qayd etilgenine köre, balalarnı terbiyelüvi qıyın bir ceryandır, onıñ içün diniy tasilniñ emiyeti de büyüktir. Soñra balalar içün master-klass kösterildi, öz ellerinen cami yaptılar ve analarına taqdim ettiler. Er kes memnünolıp qaldı ve merasim tatlı ziyafetnen yekünlendi. Hatırlatamız, kurslarımızğa yazılmaq içün mezkür telefon nomerası arqalı mümkün: +7 (978) 0490951 [gallery link="file" columns="4" size="medium" ids="22931,22929,22927,22925,22923,22933"]

“Faydalı ilim” mektebi erkânında “Super talebe” kursları açıldı (FOTO)

Опубликовано:

Qırım müsulmanları Diniy idaresiniñ "Faydalı ilim" diniy-maarif mektebiniñ talebeleri içün "Super talebe" kursı boyunca birinci ders keçirildi. Talebelerge zeinniñ eyileşmesi içün trening ötkerildi. Teşkilâtçılarnıñ sözlerine köre, trening çerçivesinde talebeler aqılda qaldıruv, aqıldan aluv, saqlav, unutuv, malümatnıñ azm etüvi ve qullanıluvı kibi protsesslerini ögrendiler. "Faydalı ilim" mektebinde: "Dersniñ büyük qısmı devamında talebeler vizual obrazlarnıñ yardımı ile soñu olmağan sıralarnı aqılında qaldırdılar. İnsan birden 10 obyektni aqılında qaldıra bile, talebeler ise azırlanmayıp, 30 obyektni aqılında tuttılar. Bundan da ğayrı, aqılda raqamlarnı qolay tutmaq içün, oca, talebelerni "Rum odası" printsipinen tanış etti", - dep tarif ettiler. "Super talebe" kursı 5 dersten ibaret. Dersler ücretli, "Faydalı ilim" mektebiniñ talebeleri içün endirim közde tutula. Muracaat etmek içün adres: Aqmescit ş., Barrikadnaya soq., 59. Yazılmaq içün telefon nomerası: +7978 079 7601 QMDİ matbuat hızmeti

“Borçoqraq” camisi İslâm esasları derslerine davet ete (FOTO)

Опубликовано:

Aqmescitteki Borçoqraq qasabasınıñ camisi yanında balalar içün İslâm dini esasları ve Quran oquvı dersleri alıp barıla. Al-azırda talebeler arap elifbesini ögrendi ve ecalarğa keçti. Dersler er cumaertesi künü saat 14.00 keçirilmekte. QMDİ matbuat hızmeti

Qırım Müftisi İslâm temelleri  ocalarınen iş körüşüvini keçirdi (FOTO)

Опубликовано:

Qırım müsulmanları Diniy idaresinde Qırım Müftisi hacı Emirali Ablayevniñ QMDİ ocalarınen körüşüvi keçirildi. Körüşüv çerçivesinde toplanğanları internet-resurslarınıñ qullanıluvı ile İslâm dersleri keçirilüviniñ inkişafı ve imkânları muzakere etildi. Al-azırda QMDİ yanında Qurannıñ on-layn dersleri leyhası başlandı. Yaqın zamanda on-layn din dersleriniñ keñleşüvi planlaştırıla. Müfti teşebbüske qol tuttı ve QMDİ-niñ diniy tasil bölügine teşkiliy suallerni nezaret etmege avale etti. Bundan da ğayrı,  ocalar diniy tasil saasında bilingval oquvı mevzusını muzakere ettiler. Müfti: "Yaş nesilge din ana tilinde ögretilmek kerek, çünki milletniñ maneviy mirası aynı tilde saqlanıp qaldı", dep qayd etti. QMDİ "Faydalı ilim" Merkeziniñ usuliy bölügi, ocalar içün "İslâm huquqı" boyunca keçirilgen imtiannıñ neticelerini çıqardı. Ocalar imtianda yüksek seviyeni numayış ettiler. QMDİ matbuat hızmeti [gallery link="file" columns="4" size="medium" ids="21753,21751,21749,21747,21745,21743,21741,21739,21737,21735"]

Qırımda “Altın nesil-2018” seçip aldılar (FOTO)

Опубликовано:

Aqmescitte "Altın nesil-2018" islâm intellektual yarışınıñ finalı olıp keçti. Yarışta Qırımnıñ farqlı köşelerinden kelgen "Faydalı ilim" diniy leyhası kurslarınıñ 10 talebesi iştirak etti. Yarış Qırım ve Sevastopol şeeri müsulmanları Diniy idaresiniñ desteginen keçirildi. 35 bala öz regionında saylav basamağından keçip, Aqmescitke kelip, kursını ve ocalarını temsil ettiler. 8-15 yaşındaki balalar bir qaç turdan keçip, finalda İslâm ve qırımtatar medeniyeti boyunca bilgilerini numayış ettiler.  Finalda talebeler ögünde qıyın vazifeler qoyuldı: olar İslâmnıñ farqlı 12 saası boyunca suallerge cevap bermek kerek ediler. Olarnıñ arasında: Allahqa, Peyğamberlerge, meleklerge, ahiret kününe iman, Muhammed Peyğamberniñ (s.a.s.) ömüri aqqında bilgiler, islâm medeniyeti, qırımtatar medeniyeti, tarihı ve ilâhre. Yarış neticesinde ğalebe nevbetteki iştirakçiler qazandı: 1-inci yer – Mamutova Meryem – "Altın nesil" yarışınıñ ğalibi; 2-inci yer – Mujdabayeva Salsabil; 3-inci yer – Fatime Yusupova. Ğalipler ve yarışnıñ iştirakçilerini Qırım Müftisiniñ muavini Esadullah Bairov hayırladı. O, iştirakçilerge yeñişlerinde toqtalmayıp, ileride bilgilerini ömürge keçirmege tiledi. Yarış finalistleri ve ğalipleri sponsor olğan "Hicab" müsulman tükânları ağı adından qıymetli bahşışlar ile taqdirlendi. Yarışnı  QMDİ "Emanet" studiyasınıñ ansambli ilâhiler ile yaraştırdı. Yarış, Qırım ve Sevastopol şeeri müsulmanları Diniy idaresi tarafından "Faydalı ilim" leyhası çerçivesinde teşkil etildi. QMDİ matbuat hızmeti [gallery link="file" columns="4" size="medium" ids="21067,21065,21063,21061,21059,21057,21055,21053,21051,21049,21047,21045,21043,21041,21039,21037,21035,21033,21031,21029,21027,21025,21023,21021,21019,21017,21015,21013,21011,21009,21007,21005,21003"]

Balalar içün qırımtatar tili!

Опубликовано:

Aqmescitte Qırım müsulmanları Diniy idaresiniñ "Faydalı ilim" tasil leyhası çerçivesinde qırımtatar tili kursları başlana! Kurslarğa farqlı yaştaki ve çeşit bilgi seviyesi olğan balalar qabul etile. Ocalar tarafından til ögrenilüvi boyunca meraqlı programma işlep çıqarıldı. Mında laqırdı etüv ameliyatı, grammatika qaideleriniñ ögrenilüvi, esap, bundan da ğayrı, qırımtatar tilinde mültfilmlerniñ seyir etilüvi kirmekte. Adresimiz: Aqmescit ş., Pobeda caddesi, 128, "Faydalı ilim" medeniy-maarif merkezi. Yazılmaq içün telefon: +79788354278 QMDİ matbuat hızmeti

“Faydalı ilim” yañı oquv yılını başlay!

Опубликовано:

Sentâbr 8 künü saat 11.00-de Qırım ve Sevastopol şeeri müsulmanları Diniy idaresiniñ "Faydalı ilim" mektebi yañı oquv yılını başlaycaq! "Faydalı ilim" 6 yaşından başlap 8-13 yaşına yetken balalarnı islâm mektebine davet ete. Dersler er cumaertesi künü oquv yılı devamında ötkerilecek. Bu balalar içün tecvid qaidelerine köre Quran oqumaqnı ögrenmek, Peyğamberimiz Muhammed (s.a.s.) ayatını bilmek içün güzel bir fırsattır. Bundan da ğayrı, talebeler sure ve dualarnı oquycaq ve İslâm dini temellerinen tanış olacaqlar. Balalarğa intellektniñ inkişaf etilmesi içün oyunlar ve sport yarışları işlep çıqarılğandır. Açıluv sentâbr 8 künü saat 11.00-de olacaq. "Faydalı ilim" ocaları ana-babalarnı oquv programmasınen tanış etecek ve meraqlandırğan suallerge cevap berecekler. Aqmescit ş., Pobeda caddesi, 128, "Faydalı ilim" oquv-maarif merkezi. Malümat içün telefon +79788920726 "Faydalı ilim" - tek faydalı bilgiler degil, balalarımız içün güzel müittir. QMDİ matbuat hızmeti

Müftilikniñ qadınlar leyhası Rusiyeniñ eñ güzel leyhası olaraq tanıldı! (FOTO)

Опубликовано:

Moskvada keçken “Müsulman qadınınıñ cemiyetteki içtimaiy yeri” VI Bütünrusiye qadınlar teşkilâtlarınıñ Qurultayında Qırım ve Sevastopol şeeri müsulmanları Diniy İdaresiniñ “Faydalı ilim” maarif leyhası eñ güzel leyha olaraq tanıldı. Qurultay çerçivesinde QMDİ qadınlar bölüginiñ temsilcileri "2018 s. eñ güzel müsulman qadınlar teşkilâtı" Kubogı ile taqdirlendi. Forumda Rusiyeniñ 34 regionından kelgen vekiller iştirak etti. Qırım Cümhuriyetini ilâhiyatçı-ruhiyatçı Zeyneb Bairova, İslâm dini temelleri ocası Lilâ Seitmemetova ve Qırım müsulman bloggeri Niyara Nagayeva temsil ettiler. Zeyneb Bairovanıñ sözlerine köre, Qurultaynıñ aktualligi şunda ki, bugün müsulman qadınları cemiyette faal rol oynay, içtimaiy leyhalarnı ömürge keçire, hayriye işlerinde iştirak ete, devletniñ siyasiy ayatında faal yerni alalar. Bu kibi faaliyetniñ esas maqsadı - icat, etraftakilerniñ ayatını eyileştirmek, ruhiy ve içtimaiy meselelerni çezmek, imayesiz qalğan eali tabaqalarına yardım köstermektir. Zeyneb Bairova: "Cemiyette imanlı qadın içtimaiy ceetten faal olamağanı aqqında fikir bar. Bütünrusiye qadınlar teşkilâtlarınıñ Qurultayı ise müsulman qadınınıñ cemiyetteki rolü, onıñ, devlet taqdirindeki yeri, müsulman qadınları teşkilâtlarınıñ işbirligi ve diniy cailliknen küreş aqqında muzakerelerniñ güzel meydanıdır", – dep qayd etti. Bütünrusiye müsulman qadınları teşkilâtları Qurultayınıñ programması çerçivesinde “Müsulman qadınınıñ cemiyetteki içtimaiy yeri” mevzusında ilmiy-ameliy konferentsiya, farqlı mevzularda tögerek masalar keçirildi. Hususan "Müsulman qadınınıñ içtimaiy faaliyeti ve devletniñ inkişafına qoşqan issesi", "Musulman qadını ve onıñ siyasiy faaliyeti", "Rusiye migrantları: cemaat teşkilâtlarınıñ rolü" kibi mevzular muzakere etildi. "Tögerek masalarda" iştirak etmek içün siyasiy ve içtimaiy faaliyetçiler, bundan da ğayrı, Rusiyede migrantlarnıñ işlerinen oğraşqan mütehassıslar davet etildi. Qurultaynıñ soñki künü "Bloglar – Rusiye içün içtimaiy faydalı ve vetanperverlik iştir" mevzusında konferentsiya keçirildi. Mında muvafaqiyetli müsulman bloggerleri, PR saasınıñ mütehassısları, müsulman cemaat teşkilâtlarınıñ reberleri ve faaliyetçileri iştirak etti. Konferentsiyanıñ maqsadı – müsulman yaşlarına içtimaiy ağlarnıñ tesirini ögrenmek, içtimaiy ağlarnıñ vastası ile cemiyetke fayda ketirecek işlerni tedqiq etmektir. Konfrentsiyanıñ esas maqsadlarından biri – individual bloglarnıñ vastası ve islâm cemaat teşkilâtlarınıñ yardımı ile pozitiv müsulman şahsiyetini taqdim etmektir. QMDİ matbuat hızmeti [gallery link="file" columns="4" size="medium" ids="19175,19173,19171,19167,19165,19163,19161"]

“Faydalı yaz” devam ete! (FOTO)

Опубликовано:

Qırım ve Sevastopol şeeri müsulmanları Diniy İdaresiniñ "Faydalı ilim" medeniy-maarif Merkeziniñ talebeleri oquv yılını yekünlep, sertifikatlar aldı. Bir yıl devamında 60-tan ziyade qadın Quran oquvı ve İslâm dini kurslarına qatnadı. Bugünki künge qadar olar Quran-ı Kerim oquvı, ibadet ve Peyğamberimizniñ (s.a.s.) sunneti aqqındaki bilgilerni menimsediler. Yaz mevsimi devamında dersler er bazar künü saat 10:00 - 13:00 ötkerilecek. İstegenler yaz ayları devamında da Qurannı oqumağa ögrenebile. "Faydalı yaz" gruppası avgustnıñ soñuna qadar çalışacaq. QMDİ matbuat hızmeti   [gallery link="file" columns="4" size="medium" ids="17244,17242,17240,17238,17236"]

“Faydalı ilim” mektebi mezunlarnı hayırladı (FOTO)

Опубликовано:

Qırım müsulmanları Diniy İdaresiniñ "Faydalı ilim" oqutuv-maarif merkezinde mezunlar bayramı olıp keçti. Mektepke üç yıl devamında qatnağan talebeler attestatlarnı aldı. 14 insan üç yıllıq kurslarını yekünlegeni aqqında diplomlarnı aldılar. Mezunlar bayram programmasını azırlap, bilgilerini numayış ettiler, şiirler oqudılar ve sanalıştıruvlarda iştirak ettiler. Olarnıñ ögünde "Emanet" vokal taqımı çıqışta bulundı. Aynı zamanda "Faydalı ilim" mektebinde birinci kursnı yekünlegen 18 talebeni ekinci kursqa keçkenlerinen hayırladılar. Ekinci kursta olar Quran oqumaqnı ögrenecekler. Tedbirniñ soñunda mezunlar içün iftar keçirildi. QMDİ matbuat hızmeti [gallery link="file" columns="4" size="medium" ids="16183,16181,16179,16177"]