Faydalı ilim - Page 4 of 10 - ЦРО ДУМКЦРО ДУМК | Страница 4

Четверг

22

октября

5
Ребиу'ль-эвель
1442 | 2020
Утр.5:42
Вос.6:58
Обед.12:32
Пол.15:19
Веч.17:56
Ноч.19:13
Времена намазов
Календари 2020г

Намаз

Faydalı ilim - Page 4 of 10 - ЦРО ДУМК

Qırım Müftiligi ve Bütündünya qırımtatarlar cemiyeti qadınlar içün iftar keçirdi (FOTO)

Опубликовано:

QC ve Sevastopol şeeri QMDİ "Faydalı ilim" oquv-maarif merkezinde Qırım musulmanları diniy idaresiniñ "Dünya qırımtatarlar Dernegi (cemiyeti)" ("Dünya Kırım Tatar Derneği") ile birlikte teşkil etken tantanalı iftar keçirildi. İftarğa 70 ziyade insan qoşuldı. Olarnıñ arasında "Faydalı ilim" leyhasınıñ ocaları, Qırım Müftiliginiñ hadimleri, "Büllür" Qırım qadınları cemaat Birleşmesiniñ azaları ve diger musafirlerdir. Tedbir, Quran oquluvı ile başlandı. Bundan soñ, musafirlerni Qırım MDİ "Faydalı ilim" leyhasınıñ reberi Zeyneb Bairova selâmladı. Zeyneb Bairova: "Biz Ramazan ayını, o, epimizni birleştirgeni içün sevemiz! Ümüt etemiz ki, birleşken soñ, Allahqa daa yaqın olurmız ve Yüce Rabbimiz tarafından daa ziyade sevilecekmiz! Çünki quvet – birliktedir", – dep ayttı. "Büllür" Qırım musulman qadınları cemaat Birleşmesiniñ reberi Niyara Canbazova iftar musafirlerine hayriye aktsiyalarında ve tedbirlerde faal iştirak etkenleri içün teşekkürler bildirdi ve er keske, Allahtan rahmet ve Allah yolunda yapılğan işte tükenmez küç ve ilham tiledi. İslâm dini esasları ocası Ayşe Duran "İncitme ve incinme" mevzusındaki subetni keçirdi. Aqşam devamında şiirler oquldı, teşkilâtçılar diniy mevzuda viktorinanı keçirdi, ğaliplerge bahşışlar berildi, Qırım musulmanları diniy idaresiniñ "Emanet" bala studiyası musafirlerni, Ramazan aqqında ilâhinen, ana ve Vatan aqqında yırlarnen quvandırdı. İftar samimiy dostane müitte olıp keçti. QMDİ matbuat hızmeti [gallery link="file" columns="4" size="medium" ids="28797,28795,28793,28791,28789,28787,28785,28783,28781,28779,28777,28775,28773,28771,28769,28766,28763,28761,28759,28757,28755,28753,28751,28749,28747,28745,28743"]

Qalay medresesi “Qalay tatili”ne davet ete

Опубликовано:

İslâm ilimleri Qalay medresesinde balalar içün iyünniñ 17-den 30-na qadar "Qalay tatili" tasil-eglence bala meydançığı çalışacaq. Programmada – islâm dini esaslarınıñ ögrenilüvi ve Quran oquvı, bundan da ğayrı, eglence ve sport tedbirleri, viktorinalar ve intellektual yarışlar kirsetildi. 8-15 yaşlı balalar davet etile. Çoq balalı qorantalar ve iyünniñ 1-ne qadar balalarnı yazdırğanlar içün endirimler mevcut. Bala meydançığı Qırım Cümhuriyeti, Canköy rayonı, Mayskoye köyü, Gasprinskiy soqağı, 1 adresi boyunca çalışacaq: Malümat içün telefon: Oğlanlar bölügi:  +79780490932 Qızlar bölügi:   +79780490931 QMDİ MDT matbuat hızmeti  

“Kelinler mektebi” kursı yekünlendi (FOTO)

Опубликовано:

Qırım müsulmanları diniy idaresinde "Faydalı ilim" leyhası çerçivesinde kelecekte kelinler olacaq qızlar içün "Kelinler mektebi" kursı tantanalı müitte yekünlendi. "Kelinler mektebi"nde 16 yaşından başlap 15 qız iştirak etti. "Mektep…" çerçivesinde qızlar bir sıra trening, lektsiyalar ve seminarlar diñlediler. Kurs 8 modulden ibaret oldı. Er bir modulge qoranta uquqı ya da qoranta ruhiyatı boyunca mütehassıslar celp etildi. "Faydalı ilim" leyhasınıñ reberi, ilâhiyatçı-ruhiyatçı Zeyneb Bairovanıñ sözlerine köre, teşkilâtçılar daa çoq mevzularnı açıqlamağa tırıştılar. Zeyneb Bairova: "Kelecek ömür arqadaşlarınıñ seçilüvi, sağlam sevgi añlamı ve biri-birine nisbeten tabiy olğan munasebetler, bahtlı qorantanıñ esas qaideleri kibi mevzularğa büyük diqqat ayırıldı", – dep ayttı ve ocalar ömür arqadaşlarınıñ aqları, nikâh ve ayırılıq kibi mevzularnı da aydınlatqanlarını ilâve etti. Kursnıñ soñunda iştirakçilerge Qırım müsulmanları diniy idaresi adından tantanalı müitte bahşışlar berildi, şu cümleden, qoranta uquqı boyunca kitaplar ediye etildi. Tedbir iftarnen yekünlendi. Teşkilâtçılarnıñ sözlerine köre, "Kelinler mektebi" er sene keçirilecektir. QMDİ MDT matbuat hızmeti [gallery link="file" columns="4" size="medium" ids="28464,28462,28460"]

İslâm dini aqqında sualler ve cevaplar – Qırım MDİ leyhası

Опубликовано:

Qırım müsulmanları diniy idaresi erkânında faaliyet köstergen "Faydalı ilim" diniy-maarif leyhası Facebook  ve Instagram içtimaiy ağlarında "Sual-cevap" onlayn konsultatsiyasını devam ete. İslâm dinine ait suallerge islâm uquqı magistri, Qırım Müftisiniñ muavini Ayder İsmailov, ilâhiyatçı, Qırım Müftisiniñ muavini Esadullah Bairov, ilâhiyatçı-ruhiyatçı Zeyneb Bairova ve QMDİniñ diger din ocaları cevap bere. Sualler – diniy bilgi almaq içün, eñ güzel vastalardan biridir. Olar insanlarnıñ meraqlarını köstere ve munaqaşa içün zemin azırlay, böyle bilgilerni aqılda qaldırmaq qolaydır. Quran – aynı usulnen bilgi berüviniñ eñ güzel örnegidir, çünki ayetlerde defalarca: "Ve olar senden … aqqında soray" degen sözlerge rastkelmek mümkün. Yani sual bildirile ve soñ cevap berile. Allah: "Özüñiz bilmeseñiz, bilgenlerden sorañız", dep buyurdı  ("Nahl" suresi, 43 ayet). Suallerni bermek, muzakere etmek ve dinni ögrenmek – doğru adımdır. Qoşulıñız, sualleriñizni beriñiz. Suallerni içtimaiy ağlarda @faydalyilim adresi boyunca ve Facebook "Faydalı ilim" saifesinde bermek mümkün. QMDİ MDT matbuat hızmeti

Qırım hacıları içün kvotanıñ yarısı toldı (FOTO)

Опубликовано:

Moskvada, Federatsiya Şurasında, Rusiye Federatsiyasınıñ Federatsiya Şurası Reisiniñ muavini İlyas Magomed-Salamoviç Umahanovnıñ yolbaşçılığında Rusiye hacılıq-missiyasınıñ nevbetteki toplaşuvı olıp keçti. Hacılıq-operatorları Hacılıq-2019 senesi hacılarnıñ azırlanuvı boyunca esabat berdiler. Böylece, AVN-Tur Qırım hacılıq-operatorınıñ reisi Artur Reşitovnıñ sözlerine köre, bugünki künge qadar Qırım içün berilgen kvotanıñ (600 yer) yarısı toldı. Mekke ve Medinege barıp, hacılıq ibadetini yerine ketirmege istegenler içün arizalarnıñ qabul etilüvi devam ete. Biletlerniñ 80% satıp alındı, bundan da ğayrı, hacılar içün musafirhanelerde yerler sımarlanıldı. Al-azırda RF Çetel İşleri Nazirligi ile hacılarnıñ pasportlarınıñ yapıluvı boyunca muzakereler yapıla, hacılarnıñ tezleştirilgen şekilde biometrik pasportlarnı almaq içün añlaşmalar imzalana. Bundan da ğayrı, Qırım Cümhuriyetiniñ sağlıqsaqlav Nazirligi ile hacılarnıñ aşlanuvı boyunca añlaşma yapıldı. Aşlanuv Ramazan ayından soñ başlanacaq. 2019 senesi hacılıq mevsiminde Saudiya Arabistanı Qırallığına yolğa çıqmaq -  iyül 23 künü başlanacaq, qaytuv reysleri ise avgustnıñ ekinci yarısına planlaştırılğan.  OOO "AVN TUR" -  QMDİ MDT içün kvota 600 insandan ibaret. Qırım ve Sevastopol şeeri MDİ MDT resmiy turoperatorıdır. QMDİ MDT matbuat hızmeti [gallery link="file" columns="4" size="medium" ids="27863,27859,27861"]

Aqmescitte “Özüñni köster!” bala istidatları yarışı olıp keçti (FOTO)

Опубликовано:

Mezkür yarış, Qırım ve Sevastopol şeeri müsulmanları diniy idaresi erkânında çalışqan "Altın nesil" bala-gençler klubı ve "Büllür" Qırım qadınları cemaat birleşmesi tarafından teşkil etildi. Yarış-festivalde Qırımnıñ farqlı köşelerinden kelgen 35 bala iştirak etti. 5-14 yaşlı balalar 4 nominatsiyada – nutuq sanatı, teatr sanalaştırıluvı, ameliy-süslü sanat, intellektual ve sport yarışlarında istidatlarını numayış ettiler. "Faydalı ilim" oqutuv-maarif leyhasınıñ reberi Zeyneb Bairovanıñ sözlerine köre, Müftilik balalarnıñ oqutuvı ve inkişafına daima ayrı bir emiyetni ayıra. Balalarğa maneviy-diniy ve milliy degerliklerini aşlamaq içün farqlı tedbirlerni keçire. Zeyneb Bairova: "Bu yarış er bir balanıñ istidatları olğanını kösterdi, eñ müimi – onı vaqıtında körmek, balağa inkişaf etmege yardım etmek, özüni köstermege, bilgilerini amelge keçirmege destekçi olmaqtır", - dep qayd etti. Mütehassıs jüri iştirakçilerniñ qabiliyetine qıymet kesti. Neticede ğalebeni nevbetteki iştirakçiler qazandı: Nutuq ve teatr sanatı: Alime Ametova ve Aliye Bebişeva, Santraç yarışları: Seytumer Yakubov, Ameliy-süslü sanat: Meryem Dervişeva. Safiye Ablâzova, Saadet Abdullayeva ve Melek Anafiyeva İ.Gasprinskiy adına Mediamerkezden mahsus bahşışlar aldılar. "Seyircilerniñ ve jüri azalarınıñ alğışı"nı yarışnıñ eñ küçük iştirakçisi beş yaşlı Aybike Bairova qazandı. Festivalge 200 musafir keldi. Teşkilâtçılarnıñ sözlerine köre, istidatlar yarışı er sene keçirilecek. Teşkilâtçılar: "Şimdiden nevbetteki festivalni daa keñiş yapmağa planlaştıramız, daa çoq balalar istidatlarını köstersin, tedbir büyük meydanda qayd etilsin. Onı Bütünqırım yapayıq!", - dep ayttı. Festivalniñ soñunda balalar içün tatlı sofralar donatıldı. QMDİ MDT matbuat hızmeti [gallery link="file" columns="4" size="medium" ids="28115,28113,28111,28109,28107,28105,28103,28101,28099,28097,28095,28093,28091,28089,28087,28085,28083,28081,28079,28077,28075,28073,28071,28069,28067,28065,28063,28061,28059,28057,28055,28053,28051,28049,28047,28045,28043,28041,28039,28037,28035,28033,28031,28029,28027,28025,28023,28021,28019,28017,28015,28012,28010,28008,28006,28004,28002,28000,27998,27996,27994,27992,27990,27988,27986,27984,27982,27980,27978,27976,27974,27972,27970,27968,27966,27964,27962,27960,27958,27956,27954,27952,27950"]

Qurmanda din dersleri açılacaq

Опубликовано:

2019 senesi aprel 29 künü Qurman qasabasınıñ "Mekke-cami" camisinde qadın-qızlar içün İslâm dini esasları ve Quran oquluvı boyunca intensiv kurslar açılacaq. Derslerni Qırım müsulmanları diniy idaresiniñ ocası Hayrunissa Yağlıyeva alıp baracaq. İntensiv kurslarnıñ programmasında temel diniy bilgiler, namaz, abdest, gusulniñ alınması boyunca ameliy seminarlar ve Ramazan, orazağa bağışlanğan mahsus dersler yer alacaq. Kurslar çerçivesinde arap elifbesiniñ ögrenilüvi ve Qurannıñ doğru oquluvı da ögretilecek. Dersler er bazarertesi, çarşembe ve cuma künleri saat 15:00 - 17:00 keçirilecek. İstegen qadın-qızlar davet etile. Malümat içün telefon: +7 978 876 72 98 (Hayrunissa oca Yağlıyeva). QMDİ MDT matbuat hızmeti

Ocalar Ramazan ayına iş planlarını muzakere ettiler (FOTO)

Опубликовано:

Qırım Müftisi hacı Emirali Ablayev Qırım ve Sevastopol şeeri müsulmanları diniy idaresiniñ ocalarınen planlaştırılğan iş körüşüvini keçirdi. Müfti ocalarnen QMDİ-niñ diniy maarif bölüginiñ iç suallerini muzakere etip, olarğa işlerinde muvafaqiyetler tiledi. Körüşüv çerçivesinde ocalar faaliyetleri, Ramazan ayı devamında yapılacaq işler aqqında ikâye ettiler. Bundan da ğayrı, "Özüñni köster" bala istidatları yarışınıñ planını muzakere etildi, yarışnıñ teşkiliy komiteti tayinlendi. Tedbir, aprel 27 künü keçirilecek. Toplaşuv devamında Müfti muavini Ayder İsmailov ocalarğa "Yaşlar arasında ekstremizmniñ profilaktikası" mevzusındaki lektsiyanı oqudı. QMDİ MDT matbuat hızmeti [gallery link="file" columns="4" size="medium" ids="27158,27174,27172,27170,27168,27166,27164,27162,27160"]

Borçoqraq qasabasınıñ balalarına dinimizni ögrene (FOTO)

Опубликовано:

Aqmescitniñ Borçoqraq qasabasında İslâm temelleri kurslarınıñ birinci basamağını keçken balalarğa tantanalı müitte Quran-ı Kerim berildi. Muqaddes Kitapnı 8-15 yaşında olğan sekiz talebe aldı. Kurs ocası, Qalay medresesiniñ ocası Mavile Lümanovanıñ sözlerine köre, Borçoqraq qasabasında – bu birinci bala gruppasıdır: "Balalarnıñ közleri quvanç tolu, bir qaç ay devamında olar güzel neticelerge irişmege areket ettiler. İmtiandan muvafaqiyet ile, olar Quran oquvına keçtiler". Cami imamı Fatih Memetovnıñ sözlerine köre, sağlam cemiyet terbiyelemek içün balalarnı bilgi almağa alıştırmaq, olarnıñ maneviy-ahlâqiy terbiyesine büyük diqqat ayırmaq kerektir. Balalar, Qırım müsulmanları diniy idaresine, ana-babalarına, cami imamları Fatih Memetov ve Artur Reşitovğa, bilgi almağa yardımcı olğanları içün, teşekkürler bildirdi. QMDİ MDT matbuat hızmeti [gallery link="file" columns="4" size="medium" ids="27095,27093,27091,27089,27087,27085,27083,27081,27079"]

“Altın nesil” yañı derecege çıqa! (FOTO)

Опубликовано:

Qırım müsulmanları Diniy idaresinde "Altın nesil" bala-gençler klubınıñ iştirakçileri arasında İslâm dini temelleri boyunca bilgilerni sınamaq maqsadınen Bütünqırım yarışı keçirildi. Umumen, yarışta 17 insan iştirak etti. Olardan 10 adam finalğa çıqtı. Yarış devamında iştirakçiler İslâm dini temelleri boyunca alâ bilgilerni kösterdiler. Jüri terkibine Qırım ve Sevastopol şeeri müsulmanları Diniy idaresiniñ ocaları kirdi. Yarış programmasında balalar, vazifelerni üç raund devamında becerdiler. Hususan, testler, biri-birine uyğun olğan añlamlarnı tapmaq ve 12 kategoriya suallerine cevap bermektir. Jüri azaları finalistlerni seçtiler. Yarış finalistleri ve iştirakçileri yarlıqlar ve bahşışlar ile taqdirlendi. Şu cümleden, islâm ilimleri Qalay medresesi adından da. Yarış jüriniñ reisi Qalay medresesiniñ müdir muavini Leylâ Ümerovanıñ sözlerine köre, yıl-yıldan "Altın nesil" klubı iştirakçileriniñ sayısı ep artmaqta. Leylâ Ümerova: "Bu, birinciden, ana-babalarnıñ meraqlarını köstere. Ana-babalar, balaları dinimizniñ esaslarını bilgenini, urf-adetlerimizni kütkenini ve kelecekte qaviy maneviy-ahlâqiy temelleri olğanını isteyler", – dep ayttı. Yarışnıñ finalı bu seneniñ küzinde keçirilecek. [gallery link="file" columns="4" size="medium" ids="27005,27003,27001,26999,26997,26995,26992,26990,26988,26986,26984,26982,26980,26978,26976,26974,26972,26970,26968,26966,26964,26962,26960,26958,26956,26954,26952,26950,26948,26946,26944,26942,26940,26938,26936,26934,26932,26930,26928,26926,26924,26922,26920,26918,26916,26914,26912,26910,26908,26906,26904,26902,26900,26898,26896,26894,26892,26890,26888,26886,26884,26882,26880,26878,26876,26874,26872,26870,26868,26866,26864,26862,26860,26858,26856,26854,26852,26850"]

İslâmda bahtlı qoranta yaşayışınıñ sırları. Kelinler mektebi

Опубликовано:

Qırım ve Sevastopol şeeri müsulmanları Diniy idaresiniñ "Faydalı ilim" leyhası kelecekte kelinler olacaq qızlar içün "Kelinler mektebi" adlı kurslarnı aça. Teşkilâtçılarnıñ sözlerine köre, "Kelinler mektebi" kursı ömür yoldaşını qıdırğan, evlilikke azırlanğan, İslâmda ve ruhiyatşınaslıqta qoranta munasebetlerinen meraqlanğanlar içün çalışacaq. Bundan da ğayrı, kursnıñ programmasında qoranta azalarınıñ vazifeleri, ömür arqadaşı ve onıñ soylarınen munasebetlerniñ qurulması ve ömür yoldaşını seçkende, hata yapmamaq içün tevsiyeler berilecek. Kursnıñ programmasında nevbetteki mevzular baqılacaq: Ömür arqadaşınıñ seçilüvi – stereotipler, tahminler, şübe gruppası, ömür arqandaşlarınıñ musaviyligi aqqında. Evlilikten evel kelecek ömür arqadaşları arasındaki munasebet: başlanuvı, erkekniñ bahşışlarına nisbeten nasıl etip davranmaq, munasebetlerde elâl ve haramnıñ sıñırı. İslâmda söz kesimi ve evlilik teklifi adetleri. Toy, nikâh, şartlar. Evlenüvniñ birinci gecesi ve ömür arqadaşlarınıñ gizli munasebetleri. Ömür yoldaşınıñ soy-sopları ile munasebetler. Aqay ve apay vazifeleri Apaynıñ ömür arqadaşı olaraq baş rolü. Bahtlı qoranta yaşayışınıñ algoritmi. İslâmda ayırıluvnıñ çeşitleri. Kurs mart 27 künü 2019 senesi başlanacaq. Lektsiyalar Aqmescit ş., pr-t Pobedı, 128 adresi boyunca keçirilecek. Bedava degil. Kursqa @faydali_ilim direktinde yazılıp, qoşulmaq mümkün. QMDİ MDT matbuat hızmeti

Qırım Müftiligi ve müsulmanlarğa ruhiy destek  kösterüv Assotsiatsiyası işbirlik aqqında Añlaşma imzaladılar (FOTO)

Опубликовано:

Qırım Müftisi hacı Emirali Ablayev ve APPM reberi Aliya Ölga Pavlova Añlaşmanı imzalap, tasil, ameliy işler, imamlar ihtisasınıñ yükseltüvi saasında yapılacaq işbirlikni muzakere ettiler. Hatırlatamız, Qırımda müsulmanlarğa ruhiy destek Assotsiatsiyasınıñ temsilciligi 2018 senesiniñ iyül ayında açıldı. Birleşmeniñ maqsadı - Qırımda islâm mevzularına ait ruhiy problemlerni çezmektir. İşbirlik aqqında añlaşmanı imzalağan soñ, APPM temsilcileri QMPU-de taqdim etüv  lektsiyasını keçirdiler. Alimler, tedqiqatçılar, çalışqan ruhiyatçılar Moskva aliy oquv yurtları ve QMPU arasındaki ileride açılacaq işbirlik imkânlarını ve Qırım APPM ile işbirlikni talil ettiler. QMDİ MDT mabuat hızmeti [gallery link="file" columns="4" size="medium" ids="26637,26662,26660,26658,26651,26649,26647,26645,26643,26641,26639"]