Faydalı ilim - ЦРО ДУМКЦРО ДУМК

Среда

28

июля

18
Зуль-хидждже
1442 | 2021
Утр.3:34
Вос.5:14
Обед.12:54
Пол.16:52
Веч.20:25
Ноч.22:05
Времена намазов
Календарь 2021г

Намаз

Faydalı ilim - ЦРО ДУМК

Aqmescit rayonında qızlar içün yazlıq meydançığı açılacaq (FOTO)

Опубликовано:

2021 senesi, iyül 4 künü Aqmescit rayonınıñ Molodöjnoye qasabasında, camide qızlar içün musulman lageri açılacaq. Lager yarıstatsionar şekilde keçirilecek. Lager iştirakçileri aftada üç kere – salı, cuma aqşamı ve cuma ertesi künleri saat 10:00 - 13:00 arasında lagerde bulunacaq. Lagerge 6-14 yaşındaki qızlar qabul etile. Lagerniñ programmasında – İslâm tarihı ve medeniyeti, arap elifbesi ve namaz qılınması. Lagerniñ nezaretçisi – arap filologiyası ve İslâm ilâhiyatı magistri, Qalay islâmiy ilimler medresesiniñ ocası, Qırım MDİ "Faydalı ilim" diniy-maarif leyhasınıñ ocası Ayşe Duran. Lager tantanalı müitte iyül 4 künü, saat 11:00 açılacaq. Qırım MDİ matbuat hızmeti

Yaz – yañı bilgi zamanı! Qırım Müftiligi erkânında yazlıq bala meydançıqları çalışa (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresiniñ "Faydalı ilim" oquv-maarif merkezi erkânında birinci yazlıq bala meydançığı açıldı. Eki afta devamında meydançıqqa 32 bala qatnadı. Balalar, bilgi seviyelerine köre, farqlı gruppalarğa bölündi. Başlanğıç ve orta taqımdaki balalar kün boyu oqulacaq qısqa dualarnı ögrendiler. Meselâ, aştan soñra ve uyanğan soñ oqulğan dualar kibi. Üyken gruppa "Yasin" suresini tecvid üzre oqup keçtiler, ve İman esasları, İslâm temelleri, abdest, ana-babanıñ qıymeti, edep, nutuq medeniyeti ve edebi ve diger mevzularnı ögrendiler. Eki afta devamında balalar qısqa surelerni ve doğru abdest almaqnı ögrendiler. Derslerden soñ balalar vitraj boyalarnen boyalamaqnı, qurabiye ve slaym yapmağa ögrendiler, areketli oyunlar oynadılar ve, elbette, cemaat namazlarını qıldılar. Kelecek nevbet iyün 21 çalışıp başlaycaq. Hatırlatamız, yazlıq bala meydançıqları Eski Qırım, Saq ve Aqmescit şeeriniñ merkeziy camileri yanında çalışa. Qırım MDİ matbuat hızmeti [gallery link="file" columns="4" size="medium" ids="48725,48723,48721,48719,48731,48729,48727"]

Aqmescitte İslâm temelleri kurslarınıñ mezunları taqdirlendi (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresiniñ "Faydalı ilim" oqutuv-maarif merkezinde İslâm temelleri ve Quran oquvı kurslarınıñ mezunları taqdirlendi. Kurs üç yıl devam etti. Er bir talebe Qırım Müftiligi adından Quran aldı. Qırım Müftisi adından kursnıñ mezunlarını din ocaları Ediye Muslâdinova, Feride Memetova, Gülsum Seitbekirova, Elina Velilâyeva ve Hatice Mustafayeva hayırladılar. "Bu balalar er afta derslerimizge keldi. Pandemiya zamanında derslerimiz onlayn şekilinde keçirildi. Bugün ise, biz olarnı birinci Quranlarınen mezunlar olaraq ozğaramız. Şu Muqaddes Kitabımız Qırımda onı qorçalaycaq nesil olğanına şaat olsun! Balalıqtan qartlığına qadar Quran oquğan nesil", – dep qayd etti tedbir teşkilâtçıları. Kurslarnıñ talebeleri oquvlarını Qalay islâmiy ilimler medresesinde devam ettirmeleri içün temel azırladılar. Qırım MDİ matbuat hızmeti [gallery link="file" columns="4" size="medium" ids="48703,48721,48715,48713,48711,48709,48707"]

Qırım Müftiliginiñ “Faydalı ilim” mektebinde tikiş kursu yekünlendi (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresiniñ "Faydalı ilim" oqutuv-maarif merkezinde tikiş kursunıñ neticeleri çıqarıldı. Tikiş kursunıñ 18 talebesi urbalarnıñ biçilmesi, tikişi ve tasarlanması boyunca temel bilgilerni menimsediler. Bayram tedbirinde iştirakçiler işlerini numayış etti. Kurs üç yarım ay devam etti. Bu vaqıt devamında qızlar temel bilgilerni alıp, qadın ve bala urbalarını tikmege ögrendiler. Tahsil planına esasen, kurs devamında er bir talebe birer etek, anter, bluza, ştan ve picak/palto tasarlap tikmek kerek edi. Büyütyun talebeler bu vazifeni becerdiler. Kurs mezunlarını "Faydalı ilim" oqutuv-maarif merkeziniñ tahsil işleri rehberi Safiye Qurtdede ve kurs ocası Leylâ Seitmemetova hayırladılar. Olar kurs talebelerine bilgilerini mükemmelleştirmekni ve olarnı faydanen qullanmaqnı tilediler. "Musulman qadını universaldir. O, ana, ev bikesi, qadın, çalışqan insan, aşçı, animatordır. Onıñ yapqan işleri ve bilgileri aqqında çoq aytmaq mümkün. Bizim tikiş kurslarımız sayesinde qadınlarnıñ olarğa fayda berecek ünerleri arttı", - dep, qayd etti teşkilâtçılar. Tedbir devamında mezunlar tikiş kurslarını yekünlegenleri aqqında sertifikatlar aldılar. Hatırlatamız, "Faydalı ilim" oqutuv-maarif merkezinde tikiş kursları er üç ayda bir başlatıla. Nevbetteki taqım 2021 senesi, iyül 1 künü oqup başlaycaq. Qırım MDİ matbuat hızmeti [gallery link="file" columns="4" size="medium" ids="48444,48442,48440,48438,48436,48434,48432,48430,48428,48426,48424,48422,48420,48418,48416,48414,48412,48410,48408,48406,48404,48402,48400,48398,48396,48394,48392,48390"]

Eski Qırımda balalar içün yaz meydançığı açıldı (FOTO)

Опубликовано:

Eski Qırım şeerinde, Özbek han camisinde İslâm temelleri kurslarınıñ talebeleri içün yazlıq meydançığı açıldı. Derslerni din ocası Zera Osmanova alıp bara. Tedbirde 6-13 yaş arasında 20 bala iştirak ete. Meydançıqnıñ programmasında İslâm temelleri dersleri, Quran oquvı, peyğamberlerniñ ayatını ögrenüv, tarihiy mevzularda suhbetler, farqlı master-klasslar, sport yarışları, kvestler, viktorinalar ve ziyaretler bar. Balalar artıq "Qırımtatarlarnıñ medeniyeti ve turmuşı" ev-müzeyini ziyaret ettiler. Anda olar bir asır evelsi yaşağan qırımtatarlarnıñ turmuşınen tanış oldılar. Ziyaretniñ maqsadı – milletimizniñ tarihı, urf-adeti ve ananelerinen tanış etmektir. Qırım MDİ matbuat hızmeti [gallery link="file" columns="4" size="medium" ids="48230,48240,48238,48236,48234,48232"]

Qırım MDİ-niñ din ocaları 2021 senesiniñ yazına planlarını muzakere ettiler (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde Qırım MDİ qadın din ocalarınıñ toplaşuvı olıp keçti. Ocalar yaz tatili devamında işleriniñ cedvelini muzakere ettiler. Hususan, cumhuriyetniñ bütün bölgelerinde qadınlar ve balalar içün yazlıq tahsil programmaları başlana. Balalar içün dersler, umumen, yazlıq meydançıqları şekilinde ötkerilecek. Programmada master-klasslar, oyunlar ve ziyaretler mevcut. Bundan da ğayrı, ocalar iyün 19-22 künleri Saq şeerinde keçirilecek "Rusiye ve İslâm medeniyetleriniñ qarşılıqlı tesiri: qoranta ve karyera" IX bütünrusiye musulman qadınlar teşkilâtları qurultayında iştirak etmek içün azırlıq programmasını muzakere ettiler. Buña ilâve olaraq, Qırımnıñ bir qaç bölgesinde yazda qadınlar içün tematik seminarlarnıñ keçirilmesi közde tutula. Al-ı azırda Qırım Cumhuriyeti ve Sevastopol şeeri musulmanları diniy idaresi erkânında 80 qadın-qız din ocası çalışa. Qırım MDİ matbuat hızmeti [gallery link="file" columns="4" size="medium" ids="48100,48098,48096,48094,48092"]

Yaz tatilini faydalı keçirmek! (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresiniñ "Faydalı ilim" oqutuv-maarif merkezinde mektep talebeleri ve mektepten aldın balaçıqlar içün yazlıq tahsil ve eglence meydançığı işine başladı. Umumen, meydançıqqa 40 bala qatnay. Balalar "Adalet", "Büllür", "İrfan", "Birlik" taqımlarına bölünip, öz taqımları içün şiarlar saylap aldılır. Balalar içün ilk kiriş dersleri ve maruzalar artıq keçirildi. Meydançıqnıñ programmasında – saba gimnastikası, İslâm temellerini ögrenüv, Qurandaki surelerniñ ezberlenmesi, ibadetlerniñ yapıluvı, sport ve eglence tedbirleri, viktorinalar ve intellektual yarışlar. Qırım MDİ matbuat hızmeti [gallery link="file" columns="4" size="medium" ids="48077,48075,48073,48071,48069,48067"]

“Faydalı ilim” – er yaşta faydalı bilgi elde etmektir (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresiniñ "Faydalı ilim" oqutuv-maarif merkezinde İslâm temelleri ve Quran oquvı kurslarınıñ qadın gruppasınıñ mezuniyeti olıp keçti. Eki yıl devamında farqlı yaştaki qadınlar İslâm temellerini ve Quran oquvını ögrene ediler. Gruppada 22 qadın diniy bilgiler aldı. Olarğa kursnı keçkenleri aqqında sertifikat ve bahşışlar berildi. Qırım MDİ matbuat hızmeti [gallery link="file" columns="4" size="medium" ids="47718,47716,47714"]

İslâm temelleri ocaları içün ihtisas yükseltüvi (FOTO)

Опубликовано:

Aqmescitte Qırım musulmanları diniy idaresiniñ hanım ocaları içün ihtisas yükseltüvi kursu başlandı. Dersler Seit Settar külliyesinde keçirile. Eki künlük kurs programmasında diniy mevzular, hususan, İslâm aqaidi mevcuttır. Derslerni fıqıh magistri, Müfti muavini Ayder İsmailov, Müfti muavini Esadullah Bairov, ilâhiyatçı ve ruhiyatçı, Müftiyatnıñ "Faydalı ilim" diniy maarif leyhasınıñ rehberi Zeyneb Bairova ve halq ögünde açıq çıqışlar boyunca davetli lektor Zenife Seitmamut keçireler. "Faydalı ilim" diniy-maarif leyhasınıñ rehberi Zeyneb Bairova qayd etkenine köre, din ocaları daima bilgi almaq ve olğan bilgilerini mükemmelleştirmek kerek, ihtisas yükseltüvi kursları ise, bunıñ içün güzel çaredir. "İhtisas yükseltilüvi kurslarından keçken insannıñ mütehassıs olaraq qıymeti öse, – o, tek yañılıqlar aqqında haberdar olmaqtan ğayrı, özü de işbu yañılıqlarnı kirsete ve olarnı işinde qullana bile. Belli olğanı kibi, biz er yıl İslâm temelleri ocaları arasında eñ güzel metodik qullanma boyunca yarışnı keçiremiz, şu metodik qullanmalarnı Qırımdan tış, Moskvada, Qazanda ve Mordoviyada çalışqan ocalar qullana. Bu ise, Qırım musulmanları diniy idaresi ocalarınıñ yüksek professional derecesiniñ köstergiçidir", – dedi Zeyneb Bairova. İhtisas yükseltüvi kursunda 50 ziyade İslâm temelleri boyunca hanım oca keçmekte. Al-ı azırda cumhuriyetniñ regionlarında İslâm temelleri derslerini 80 hanım oca bere. Qırım MDİ matbuat hızmeti [gallery link="file" columns="4" size="medium" ids="44487,44197,44195,44193,44191,44189,44187,44185,44183,44181,44179,44177,44175,44173"]

Aqmescit rayonında İslâm temelleri kurslarınıñ mezunları tebriklendi (FOTO)

Опубликовано:

Aqmescit rayonınıñ Molodöjnoye mikrorayonı camisinde tantanalı müitte İslâm temelleri ve Quran oquvı kurslarınıñ mezunlarına Quran nushaları ediye etildi. 10 qadın ve bala tahsil programmasınıñ birinci basamağından keçip, arap elifbesi ögrendiler ve Quranğa keçtiler. Toplanğanlarnı Qırım Müftisi hacı Emirali Ablayev adından bu mubarek yolda birinci yeñişleri ile cami imamı İbraim Alidinov ve QMDİ "Faydalı ilim" diniy maarif leyhasınıñ rehberi Zeyneb Bairova hayırladılar. Olarnıñ qayd etkenine köre, bu – Quran oquvınıñ birinci başlanğıç basamağı olsa da, pek müimdir, çünki Allah Kelâmını ögrenüv yolunı aça. Dersler 2020 senesi, iyül ayında başlandı. Kurslarnıñ ekinci basamağında talebeler Quran oquvını ileriletecekler, tecvid qaidelerini ögrenecekler, sure ve ayetlerniñ manalarını ögrenecekler. Derslerni Qırım Cumhuriyeti ve Sevastopol şeeri musulmanları diniy idaresiniñ İslâm temelleri ocası Ayşe Duran alıp bara. Hatırlatamız, "Faydalı ilim" diniy maarif leyhası çerçivesinde İslâm temelleri ve Quran oquvı kursları bütün Qırım boyunca keçirile. Tafsilâtlı malümat içün yerli camilerge muracaat etiñiz. Qırım MDİ matbuat hızmeti [gallery link="file" columns="4" size="medium" ids="43738,43736,43734"]

Yañı usullar – mektepten aldın tahsilniñ yañı derecesidir (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde "Faydalı ilim" maarif leyhası çerçivesinde "Yañı maneviy-ahlâqiy usullarnıñ qullanıluvı ile Qırım musulmanlarınıñ maneviy degerlerini saqlav ve inkişaf ettirüv" mevzusında tögerek masa olıp keçti. İslâm temelleri ocalarından ibaret olğan spikerler maruzalarınen çıqışta bulundılar. Hususan, mektepten aldın balalar içün ilâve tahsilniñ emiyeti, mektepten aldın tahsil müessiselerindeki balalarnı meraqlandırmaq içün qullanılğan usullar, musulman şahısnı şekillendirmek içün, müim ber aspekt olaraq, balalarnıñ mantıqiy tefekküriniñ inkişafı, inklüziv tahsil ve onıñ diniy ve dinden uzaq müitte qullanıluvınıñ praktikası, mektepten aldın balalar içün ingliz tiliniñ qullanıluvınen İslâm medeniyetiniñ aşlanuvı ve diger mevzular muzakere etildi. Maruzalar qoşma körgezme malümatlarnen birlikte oquldı. Tögerek masanıñ ekinci qısımında iştirakçiler "Eñ faydalı metodik çalışma" başlığı astında işlengen usuliyet qullanmalarınıñ taqdimini keçirdiler. Şu işler arasında Zenura Mustafayevanıñ, Emine Ümerova ile Ayşe Adilovanıñ, Leniye Emirova ile Leylâ Ümerovanıñ leyhaları ayrıca qayd etildi. Böyle usuliyet çalışmaları ve qullanmalarnıñ taqdimi Qırım Müftiliginde er yıl Qırım MDİ ocalarınıñ pedagogik tecribesini populârlaştırmaq, ocalarnı inkişaf etmege teşviq etmek, icadiy ve professional derecelerini yükseltmek içün keçirile. "Faydalı ilim" leyhasınıñ rehberi Zeyneb Bairovanıñ sözlerine köre, metodik qullanmalar mektepten evel balalarnen ilâve çalışuv çerçivesi boyunca qullanıla. "Oqutuv-maarif merkezimizde altı yıldır mektepten aldın balalar içün "Yañı baar" leyhası çalışa. Mında balalar içün farqlı yönelişte inkişaf tögerekleri bar: drama tögeregi, ingliz tili, arap elifbesi, logoped ile hususiy meşğuliyetler ve saire. Mektepten aldın balalar içün ilâve tahsil ğayet müim. Bu olarğa tecribe qazandıra, dünyabaqışlarnı kenişlete, balalar aqranlarınen beraber oquşta güzel seviyeni köstereler", – dedi Zeyneb Bairova. Qırım Müftisiniñ muavini Esadullah Bairov ise, öz nevbetinde, qayd etti ki, Qırım müftiligi Qırımda qadınlar maarifine ve tahsilge yönelik teşebbüslerge qol tutmağa er daim azırdır. QMDİ matbuat hızmeti [gallery link="file" columns="4" size="medium" ids="43217,43247,43245,43243,43241,43239,43237,43235,43233,43231,43229,43227,43225,43223,43221,43219"]

“Faydalı ilim” mektebinde tikiş kursunıñ mezuniyeti olıp keçti (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresiniñ "Faydalı ilim" oqutuv-maarif merkezinde daa bir, nevbetteki, urbalarınıñ tasarımı ve dizaynı, tikişi kursu yekünlendi. Dört ay devamında kurs gruppası temel kursnı keçip, qadın ve bala urbalarını tikmege ögrendi. Kurs mezunlarını İslâm temelleri ocası Leylâ Seitmemetova ve "Faydalı ilim" merkeziniñ oqutuv boyunca müdir muavini Safiye Qurtdede hayırladılar. Kursnıñ yekünlengenine bağışlanğan tantanalı tedbirde bitiricilerge ögrengen bilgilerini ve qazanğan ünerlerini tasdiq etken hususiy sertifikatlar berildi. Leylâ Seitmemetovanıñ sözlerine köre, tikiş kurslarını keçmege istegenleriniñ sayısı çoq olğanı içün, kurslarnı üç ayda bir kere keçirmege qarar alındı. Qırım MDİ matbuat hızmeti [gallery link="file" columns="4" size="medium" ids="43159,43161,43157,43155,43153,43151,43149,43147,43145"]