Faydalı ilim - ЦРО ДУМКЦРО ДУМК

Четверг

09

апреля

16
Шабан
1441 | 2020
Утр.4:36
Вос.5:58
Обед.12:49
Пол.16:27
Веч.19:31
Ноч.20:53
Времена намазов
Календари 2020г

Намаз

Faydalı ilim - ЦРО ДУМК

Balalar – kelecekke esas yatırımdır! (FOTO)

Опубликовано:

Aqmescitte balalarnıñ diniy terbiyesine bağışlanğan "Kelecekke yatırım" serlevalı intensiv olıp keçti. Tedbirde em yaşlar, em ana olmağa azırlanğanlar, em tecribeli qadınlar iştirak etti. Tedbirde spikerler olaraq ocalar, ruhiyatçılar, Qırımnıñ diniy erbapları çıqışta bulundılar. İntensiv çerçivesinde iştirakçiler "Balalarğa musamaha duyğusınıñ aşlanuvı ve doğru diniy degerlerniñ terbiyelenüvi (diniy bayramlar misalinde)", "Dinni ögretüv vastasınen intellektniñ inkişaf ettirilmesi", "Oyun şekilinde sunnetniñ ögretilüvi", "Mültfilmler vastasınen sunnetniñ ve Peyğamberimizniñ (s.a.s.) hadisleriniñ ögretilüvi", "Diniy terbiyede yapılğan hatalar", "Qıyamet künü" mevzusını añlatqanda, balalarnıñ yaşı ve ruhiy hususiyetleriniñ köz ögüne alınuvı", "Ösmürlerniñ ana-babaları ne bilmeli?", "Bugünki künde diniy terbiyeniñ aktualligi" kibi mevzularnı muzakere ettiler. Teşkilâtçılarnıñ sözlerine köre, intensivniñ mevzusı bu saada peyda olğan sualler ve problemalar sayesinde aktualligini qazandı. "Zemaneviy ana-babalarnıñ vaqıt yetişmemezligi, tasil programmalarnıñ deñişmesi, globalizatsiyanıñ neticeleri sebebinden qorantalar farqlı problemalarğa rastkele ve olarnı aman, yerinde çezmek kerek. İşbu intensivler doğru terbiyelev usulını saylap almaq, munaqaşalarğa yol bermemek ve balalarnıñ diniy-ahlâqiy terbiyesine doğru yönelişniñ alınmasına yardım ete", – qayd ettiler teşkilâtçılar. Umumen, intensivde 40 insan iştirak etti. QMDİ matbuat hızmeti [gallery link="file" columns="4" size="medium" ids="37739,37737,37735,37733,37731,37729,37727"]

“Faydalı ilimde” balalar Dostluq baarini qarşıladılar (FOTO)

Опубликовано:

Qırım musulmanları diniy idaresiniñ "Faydalı ilim" maarif-oqutuv merkezinde mubarek "Üç aylarnıñ" başlanuvına bağışlanğan tedbir olıp keçti. Teşkilâtçılarnıñ sözlerine köre, tedbirniñ esas ğayesi – "Bütün musulmanlar ağa-qardaştır". "Bu – dostluq, qarşılıqlı ürmet, yardımlaşuv, digerğamlıq bayramıdır. "Yañı baar" leyhası çerçivesinde keçirilgen tögereklerge farqlı milletlerden balalar kele, amma episini inanç ve sevgi birleştire", –añlatalar teşkilâtçılar. Tedbir programması boyunca balalar mubarek "Üç aylar" ve dostluq aqqında şiirler oqudılar, tapmacalarnıñ cevaplarını tapmağa tırıştılar, ana-babalarınen beraber farqlı yarışlarda iştirak ettiler. Kiçkeneler ana tilde temaşa kösterdiler qırımtatar milliy "haytarma" oyunını icra ettiler, ve qırımtatar, rus, ukrain ve arap milliy urbalarını numayış ettiler. Bundan da ğayrı, tantanalı tedbir çerçivesinde "Bitamnıñ qoqlası" yarışınıñ ğalipleri taqdirlendi. Tedbir balalarnıñ ana-babaları azırlağan "Qardaşlıq sofrası" milliy yemekler sofrasınıñ qurulmasınen yekünlendi. QMDİ matbuat hızmeti [gallery link="file" columns="4" size="medium" ids="37497,37493,37491,37495,37499,37489,37487,37485,37483,37481,37479,37477,37475,37473,37471,37469,37467,37465"]

Qırım musulmanlarınıñ maneviy qıymetleriniñ saqlanıluvı ve inkişafı – tögerek masa (FOTO)

Опубликовано:

Aqmescitte Seit Settar külliyesinde İslâm temelleri ocalarınıñ er yıllıq ihtisas yükseltilüvi kursları çerçivesinde Qırım musulmanlarınıñ maneviy qıymetleriniñ saqlanıluvı ve inkişafı mevzusında tögerek masa keçirildi. Tedbirde diniy-ahlâqiy terbiyede yañı usuliyetlerniñ qullanıluvı meseleleri baqıldı. Tedbir spikerleri olaraq QMDİ "Faydalı ilim" leyhasınıñ ocaları, "Yañı baar" mektepten evel diniy inkişaf kurslarında programmalar boyunca çalışqan mütehassıslar G. Şirinskaya, E. Asanova, S.Kurt-Dede, V. Abdulvapova, E. Akmollayeva, L. Emirova, D. Ayşe i A.Kerimova oldılar. Tögerek masada nevbetteki mevzularda maruzalar oquldı: "Ahlâq terbiyesiniñ zemaneviy usulları (ve "Yañı baar" diniy inkişaf kursları çerçivesinde olarnıñ ömürge keçirilüvi)", "Camiler yanında bala lagerleriniñ teşkil etilüvi" (Qırım Cumhuriyetinde elde etilgen tecribeniñ açıqlanması), "Balalarda musamaha duyğusınıñ terbiye etilüvi ve olarğa doğru diniy degerlerini aşlav" (diniy bayramlar misalinde), "Mültfilmler vastası ile sunnetni ve Peyğamberniñ (s.a.s.) hadislerini ögretüv", "Oqutuvda (qonuşuvda) mavuzenetli yanaşma" ve "Zemaneviy balalar ve ösmürlerde kiberbağlılıqqa qarşı profilaktikanıñ psihologik ve pedagogik usulları", "İnteraktiv teatr sanalaştırıluvları vastasınen tuvğan til ve edebiyatqa sevginiñ aşlanıluvı", "Ahiretke iman" mevzusını añlatqanda, balalarnıñ yaşını ve ruhiy hususiyetlerini közge aluv" ve "Kirill elifbesini bilmegen balalarnıñ arap elifbesini menimsemesiniñ hususiyetleri". Tedbirde muzakere etilgen bütün malümatlar oquv-maarif ceryanında qullanılacaq. QMDİ matbuat hızmeti [gallery link="file" columns="4" size="medium" ids="37103,37105"]

Qırım Müftiliginde İslâm temelleri ocaları içün ihtisas yükseltilüvi kursları keçirildi (FOTO)

Опубликовано:

Aqmescitte Qırım Cumhuriyeti ve Sevastopol şeeri musulmanları diniy idaresiniñ "Faydalı ilim" maarif leyhası çerçivesinde İslâm temelleri boyunca hanım ocalar içün üç künlük ihtisas yükseltilüvi kursları olıp keçti. Forum Seit Settar külliyesinde olıp keçti. QMDİ tasil bölügi tarafından azırlanğan kurslarnıñ programmasını tecvid oqutıluvınıñ usuliyeti boyunca qısqa kurs, musulman etiketi boyunca seminarlar, psihologik treningler, maruzalar ve tögerek masalar teşkil etti. "Hanefiy mezhebinde fetva berüvniñ esas printsipleri" ve "İslâm aqaidiniñ aktual problemaları" mevzulı maruzalarnı fıqıh boyunca magistr, Qırım Müftisiniñ muavini Ayder İsmailov ve ilâhiyatçı, Qırım Müftisiniñ muavini Esadullah Bairov oqudı. "Musulman qorantasında buhranlar ve olarnıñ çezilüvi" maruzasınen "Faydalı ilim" leyhasınıñ reberi, ilâhiyatçı-ruhiyatçı Zeyneb Bairova çıqışta bulundı. Buña ilâve olaraq, ihtisas yükseltilüvi kursları çerçivesinde "Yañı usul" tögerek masası keçirildi. İşbu tögerek masada ocalar diniy maarif saasında yañı usuliyet çalışmaları ve usullarnen tanış oldılar. Umumen, ihtisas yükseltilüvi kurslarından Qırımnıñ farqlı köşelerinden kelgen 55 oca keçti. Zeyneb Bairovanıñ sözlerine köre, kurslarnıñ maqsadı – diniy bilgi seviyesini yükseltmek, Qırımda İslâm tasiliniñ seviyesini kötermek içün teşviq ve farqlı yaş gruppalarına oqutuvnıñ yañı usul ve şekillerini menimsemektir. "Biz bu 20 akademik saatqa tögerek masalarnı da kirsetip, büyük mevzu spektrini qavrap almağa tırıştıq. İşbu tedbirimizniñ esas maqsadı – diniy maarif sistemamızğa endi qoşulıp kelgen yaş mütehassıslarğa destek olmaqtır", – dep ayttı Zeyneb Bairova. Kurslarnıñ soñunda ocalar ihtisas yükseltilüvini tasdıqlağan sertifikatlar aldılar. QMDİ matbuat hızmeti [gallery link="file" columns="4" size="medium" ids="37066,37064,37080,37078,37076,37074,37072,37070,37068"]

Migrantlarğa ruhiy destek kösterüv – Rusiyede medeniy ve içtimaiy tınçlıqnıñ temelidir (FOTO)

Опубликовано:

Râzan şeerinde (Rusiye) "Halqara migratsiyanıñ zemaneviy tendentsiyaları ve onıñ Rusiyeniñ medeniy ve içtimaiy tınçlıqqa tesiri" mevzusında tögerek masa ötkerildi. Tögerek masanıñ işinde Râzan vilâyeti nazirlikleriniñ vekilleri, Râzan şeeriniñ memuriyeti, din erbapları, milliy diasporalar ve ticariy olmağan teşkilâtlarnıñ temsilcileri, Rusiye Federal ceza icra etüv hızmetine ait (FSİN) Uquq ve idarecilik akademiyası ruhiyat fakültetiniñ kursantları iştirak ettiler. Toplaşuvnı Râzan vilâyetiniñ imam-muhtasibi Raşid hazrat Bultaçeyev alıp bardı. QMDİ-niñ "Faydalı ilim" bütünqırım leyhasınıñ reberi Zeyneb Bairova "Ruhiyatıçınıñ şahsiy praktikasında migrantlar ile çalışuvda esas meseleler" serlevalı maruzasınen çıqışta bulundı. Maruzasında ilâhiyatçı ve ruhiyatçı olğan Zeyneb Bairova migrantlarnen çalışqanı zaman ruhiyatçınıñ rastkelgeni bir qaç mevzunı qayd etti. Hususan, alışqan müiten uzaq yaşağanları, yañğızlıq, mentalitetlerniñ farqlılığı ve saylav añlaşılmamazlığı aqqında tarif etti. "Misal olaraq, insan mında başqa bir regiondan, onıñ fikirine köre, vaqıtınca, kelgende, bir çoq allarda bu evliliknen neticelene, böyle vaziyette insanlar ömür arqadaşlarınıñ saylağanlarını qabul etmemezlikleri problemasına rastkeleler. Medeniyetlerara munaqaşa – insanlarnıñ ruhiyatçılarğa muracaat etkeniniñ esas sebebidir, ve biz oña neni istegenini, nasıl yaşamaq kerek olğanını, bu munaqaşanı nasıl aşmaq ve yañı qorantanıñ yañı şaraitine nasıl alışmaq kerekligini añlatıp, olarğa yardımcı olmalımız", – dep ayttı Zeyneb Bairova. Onıñ sözlerine köre, migrantlarnıñ ruhiy problemaları sırasında "analarnıñ ruhiy ceetten yanıp bitmesi" degen mesele de sıq rastkele. Bu problema alışqan müitten uzaq yaşağan, tuvğanlarınıñ desteginden marum qalğan qadınlarda peyda ola, çünki yaşağan memleketinde ömür arqadaşından ğayrı onıñ bir kimsesi yoq. Böyle qadınlar balalarnıñ terbiyesinde de çoq qıyınlıqlarğa oğray. "Buña daa soñrağa qaldırılğan ömür sindromını qoşuñız. Migrant onıñ içün yat bir ülkede, onıñ fikirince, vaqıtınca, yaşay, ve o, er şeyni kelecekke qaldıra, şimdiki yaşayını ise, qaralama olaraq qabul ete", – qayd etti ruhiyatçı. Bundan da ğayrı, Zeyneb Bairova Musulmanlarğa ruhiy destek birleşmesiniñ Qırım regional temsilciligi böyle vaziyetlerge tüşken insanlarğa faal destek köstergenini añlattı. Tögerek masa "Râzan vilâyetiniñ İslâm medeniy Merkezi" Muhtar ticariy olmağan teşkilât ve Râzan vilâyetiniñ musulmanları diniy idaresi Merkezleştirilgen diniy teşkilâtı tarafından "Al-Vasatıya – ümerennost" teşkilâtı, "Aişa" halqara qadınlar klubı ve Râzan vilâyetiniñ yerler ve informatsion siyaseti nazirliginiñ destegi ile teşkil etildi. QMDİ matbuat hızmeti [gallery link="file" columns="4" size="medium" ids="37028,37026,37024"]

Canköy rayonında Quran oquvı kursları devam ete\ (FOTO)

Опубликовано:

Canköy rayonınıñ Pobednoye köyünde Quran oquvı kursları devam ete. Kurs ocası Eldar Acibekirovnıñ sözlerine köre, altı ay devamında yaşı 35-65 arasında olğan talebeler arap elifbesini ögrendi ve Quran oqumağa başladılar. Dersler er bazar künü keçirile. QMDİ matbuat hızmeti [gallery link="file" columns="4" size="medium" ids="36887,36885"]

Qırım Müftiliginiñ vekilleri cumhuriyetniñ çeşit bölgelerinde körüşüvler keçirdi (FOTO)

Опубликовано:

Qırım Müftisiniñ muavini Raim Ğafarov Saq rayonındaki Bağay (Suvorovo) köyüniñ sakinleri ile körüşti. Körüşüv çerçivesinde açıq rey berüv usulınen din cemiyeti meydanğa ketirildi ve yerli eali arasından mollalar tayin etildi. Bundan da ğayrı, Kezlevdeki İsmailbey qasabasınıñ camisinde Qırım Cumhuriyeti ve Sevastopol şeeri musulmanları diniy idaresiniñ mollası olaraq Marlen Abkairov tayin etildi ve oña bunı belgilegen vesiqa berildi. Bundan da ğayrı, "Halq medresesi" tasil programması çerçivesinde Raim Ğafarov Seyitler qasabasınıñ talebeleri ile subet keçirdi, bundan soñ, Seyitler rayonınıñ Razlivı, Uvarovka, Zorkino ve Ohotskoye köyleriniñ camilerini teşkerüv ile ziyaret etti. Rayon imamı ve rayon din cemiyetleriniñ reisinen Seyitler rayonında cami qurucılığı içün ayırılğan topraqnıñ Qırım musulmanları diniy idaresiniñ mülkiyetine keçirilüvi meselesini muzakere etti. QMDİ matbuat hızmeti [gallery link="file" columns="4" size="medium" ids="36896,36940,36938,36936,36934,36932,36930,36928,36926,36924,36922,36920,36918,36916,36914,36912,36910,36908,36906,36904,36902,36900,36898"]

Aqmescitte İslâmda qadınnıñ emiyeti muzakere etildi (FOTO)

Опубликовано:

Qırım musulmanları diniy idaresiniñ "Faydalı ilim" oqutuv-maarif merkezinde qadınlar içün "İslâmda qadınnıñ emiyeti ve qıymeti" mevzusında seminar olıp keçti. Tedbir fevral 1 künü qayd etilgen Bütündünya hicap kününe bağışlandı. Seminarda 50-den ziyade kişi iştirak etti. Olarnıñ ögünde oqutuv merkeziniñ ocaları çıqışta bulundı. İslâm temelleri ocası Seyare Memetova qadınnıñ qıymeti, Allah qadınnı güzel yaratqanınıñ sebebi, onıñ Allahqa nisbeten vazifeleri aqqında tarif etti. Din ocası Leylâ Ümerova tesettürniñ ne olğanını, maiyeti ve añlamını, musulman qadınnıñ kiyimi nasıl olmaq kerekligini, hicapnıñ qıymetini ve savabını añlattı. Zaynab Aliyeva qırımtatar milliy urbanı taqdim etken çıqışta bulundı. O, milliy kiyimniñ tarihını ve farqlı devirlerde onıñ nasıl deñişkenini añlatqan. Tedbirniñ soñunda seminar iştirakçilerine ediyeler berildi. QMDİ matbuat hızmeti [gallery link="file" columns="4" size="medium" ids="36678,36676"]

Aqmescitte Bütündünya hicap künü qayd etildi (FOTO)

Опубликовано:

Qırım musulmanları diniy idaresinde Bütündünya hicap kününe bağışlanğan tantanalı tedbir olıp keçti. Teşkilâtçılar musafirler içün meraqlı programma azırladılar. Merasimge 14 yaşından başlap, 70 yaşına qadar 50-ge yaqın qadın-qız keldi. Müftilikniñ konferentsiya zalında hicapnıñ tarihı añlatıldı, ilâhiyatçı ve ruhiyatçı Zeyneb Bairova hicapnıñ maqsadı ve er bir musulman qadınnıñ ömürinde ne qadar müim missiyanı teşkil etkeni aqqında tarif etti. Stilist Elmaz Ametova zemaneviy musulman qadınnıñ mükemmel garderobını şekillendirmesiniñ sırlarını açtı, musulman modası aleminde muvaffaq olğan qadın insta-blogerler aqqında tarif etti ve siyaset ile medeniyette taqdirge nail olğan musulman hanımlarnıñ misallerini ketirdi. Cemaat faaliyetçisi Niyara Beyt çıqışında qorantada, evde qadınnıñ estetik medeniyetiniñ müimligini qayd etti. "Hicabımnıñ ikâyesi" fleşmobı çerçivesinde Kezlev regionından kelgen bir musafir çıqışta bulundı, o, öz ikâyesini añlattı ve İslâm temellerini ögrenmege isteginde oña kösterilgen destek içün teşekkür bildirdi. Tedbir devamında qırımtatar milliy urbası ve qırımlı musulman qadınnıñ baş kiyiminiñ deñişmesi aqqında film kösterildi, şiirler aytıldı ve diniy muzıkalı eserler yañğıradı. Bütündünya hicap künü dünyada 2013 senesinden, Qırımda ise, 2016 senesinden başlap qayd etile. Er yıl içtimaiy ağlarda "Hicabımnıñ ikâyesi" adlı fleşmoblar keçirile, mında qadınlar öz ikâyelerinen paylaşa, farqlı yarışlar, master-klasslar, musulman modasınıñ ve kosmetika saasında elâl yañılıqlarnıñ numayışı ötkerile. Tedbir iştirakçileri ve musafirleri bayram sponsorları ve yardımcıları tarafından taqdim etilgen ediyelerni aldılar. Bahşışlar kosmetologiya hızmetler ve musulman kiyimlerini almaq içün sertifikatlardan ibaret edi. QMDİ matbuat hızmeti [gallery link="file" columns="4" size="medium" ids="36604,36612,36610,36614,36608,36606,36616,36618,36620,36622,36624,36626,36628,36630,36632,36634,36644,36642,36640,36636,36638,36602"]

Qırım Müftiligi “Özüñni bil!” yañı treningge davet ete

Опубликовано:

Qırım Cumhuriyeti ve Sevastopol şeeri musulmanları diniy idaresiniñ "Altın nesil" gençler klubı 10-16 yaşlı qızlarnı "Özüñni bil!" treningler kursuna davet ete. Treninglerniñ teşkilâtçısı – Musulmanlarğa ruhiy destek birleşmesiniñ regional temsilciligidir. Kursnıñ maqsatları: - ösmürge özü aqqında bilgi qazandırmaq; - faal añnı ve irade qabiliyetleriniñ şekillenmesini teminlemek; - ösmürniñ maneviy dereceni yükseltmek; - ösmürniñ özüni añlaması ve ögrenmesi içün refleksiyanı inkişaf ettirmek; - icadiy qabiliyetlerniñ açılması içün şarait yaratmaq; - qonuşuv qabiliyetlerini mükemmelleştirmektir. Ösmürler taqımı ayda bir kere islâmiy ruhiyatçı beraberliginde tematik treninglerde iştirak etecek. Treninglerde farqlı tehnikalar qullanılacaq: * Ameliy vazifeler; * ART- terapiya; * Masal terapiyası. Kurs reberi – yüksek ihtisaslı ruhiyatçı Nadika İzmailova. Vazifeler öyle saylanıp tizildi ki, ösmür olarnıñ vastasınen özünde kendine işançnı, añlılıqnı, özüni bir şahsiyet olaraq tanımasını, etraftakilernen munasebetlerini añlı qurmasını, qararları mücibi üstüne mesüliet almaq becilikligini inkişaf ettire bilsin. "Özüñni bil!" treningi QMDİ erkânındaki "Faydalı ilim" leyhası çerçivesinde Musulmanlarğa ruhiy destek birleşmesiniñ destegi ile keçirilecek. Tafsilâtlı malümat ve yazıluv içün nevbetteki telefon vastası ile muracaat etmek mümkün: +7 (978) 047-09-14 (Viber; WhatsApp) QMDİ matbuat hızmeti

Qırım Müftiliginde 2020 senesi diniy maarif tedbirleriniñ planı muzakere etildi (FOTO)

Опубликовано:

Qırım Müftiliginde 2020 senesiniñ ilk İslâm temelleri ve Quran oquvı kursları ocalarınıñ toplaşuvı olıp keçti. Toplaşuv çerçivesinde keçken seneniñ neticeleri çıqarıldı, ocalar regionlarda yapqan işleri içün esabat berdi. Bugünki künde "Faydalı ilim" leyhasında 80 oca faaliyet köstere, afta soñu çalışqan 75 kurs devam etmekte. İslâm temelleri kursları talebeleriniñ sayısı üç biñni arttı. İslâm temelleri ocaları kelecek sene içün tedbirleniñ planını muzakere etti. Al-ı azırda "Hayrunnisa" yarışına azırlıqlar kete, yarış yanvarniñ soñunda ötkerilecek. Bundan da ğayrı, ocalar taqımı martnıñ soñunda keçirilecek Quran oquvı yarışına azırlana. Fevralde ocalar metodik azırlamalarnı ve derslik qullanmalarını taqdim etecek. Buña ilâve olaraq, toplaşuvda 2020 senesi İslâm temelleri ocalarınıñ ihtisas yükseltilüvi planı tizildi. QMDİ matbuat hızmeti [gallery link="file" columns="4" size="medium" ids="36055,36067,36065,36063,36059,36057"]

“Sağlam start” balalıqtan başlana! (FOTO)

Опубликовано:

Qırım musulmanları diniy idaresinde "Faydalı ilim" leyhası çerçivesinde balalar meselelerine bağışlanğan "Sağlam start" adında büyük ruhiyat intensivi olıp keçti. İntensivni alıp barğanlar: neyroruhiyatçı, klinika ruhiyatçısı Selime Saidiy balanıñ doğğanından başlap, üç yaşına qadar miyiniñ inkişafı mevzusını açıqladı, inkişafnıñ qıyınlıqları ve balalarnıñ yaşına köre ruhiy buhranları mevzusına toqundı; QMDİ "Faydalı ilim" leyhasınıñ reberi, ilâhiyatçı, ruhiyatçı, psihoterapevt Zeyneb Bairova bala şahısınıñ şekillenüvinde ana ve babanıñ rolü aqqında tarif etti. İntensivde Qırımnıñ farqlı köşelerinden kelgen 40-tan ziyade qadın iştirak etti. Trening 6 saattan ziyade devam etti, iştirakçiler suallerine tolu cevaplarnı ala bildi. Teşkilâtçılarnıñ sözlerine köre, ileride de böyle bir sıra intensivniñ keçirilüvi planlaştırıla. QMDİ matbuat hızmeti [gallery link="file" columns="4" size="medium" ids="35783,35781,35779,35777,35775,35773"]