Без рубрики - Page 2 of 3 - ЦРО ДУМКЦРО ДУМК | Страница 2

Вс

19

сентября

12
Сефер 
1443 | 2021
Утр.5:00
Вос.6:17
Обед.12:42
Пол.16:03
Веч.18:56
Ноч.20:14
Времена намазов
Календарь 2021г

Намаз

Без рубрики - Page 2 of 3 - ЦРО ДУМК

Qırımtatar halqınıñ Şurası ilk nevbette eda etilecek vazifelerni seslendirdi (FOTO)

Опубликовано:

 Müftiy muavini Ayder İsmailov, qırımtatarlar Şurasınıñ azaları olğan Lemara Selendili ve Ayder Emirov ile, "Qırımtatar halqınıñ Şurası: vazifeleri ve yapılacaq işleri" matbuat konferentsiyasında iştirak etti.   Çıqışınıñ başında Ayder İsmailov, Qırım ve Sevastopol şeeri müsulmanları Diniy İdaresi tarafından, işbu Şuranı meydanğa ketirmek teşebbüsi aqqında tavsilâtlıca ikâye etti.    Ayder İsmailov: "İnsanlar, olarğa qıyın zamanda qol uzatqan, destek köstergen birilerini qıdıra. O sebepten biz, qırımtatar halqınıñ aqsaqalları, ziyalıları ile keçirilgen uzun muzakerelerden soñra, bu adımnı atmaq qararına keldik. Çeşit saalardaki professional mütehassıslar halqnıñ arz-ümütlerini diñlep, devlet organlarını haberdar etecekler, meselelerni çezmek maqsadınen muayyen bir çıqış yolu, tevsiyelerni bildirecekler", dep qayd etti.  Müftiy muavininiñ sözlerine binaen, Qırım Cümhuriyetiniñ başlığı Sergey Aksönovnıñ tarafından tasdiqlanğan, qırımtatarlarnıñ Konsultativ Şurası, sürgün etilgen halqlarnıñ reabilitatsiyası aqqıdaki Qanunnıñ amelde al etilecegi ile meşğul olacaq.  O: "Qırım başlığı yanındaki Konsultativ Şuranıñ erkânına kirgen mütehassıslarnıñ er biri, kendisi mesül saasında, mevcut olğan qanunlarnıñ, Qırımdaki yaşayış tarzına, şaraitine uyğun bir şekilde ömürge keçirmek içün tevsiyeler berecek ve lâzim olğan programmalarnı işlep çıqaracaqlar", dep ilâve etti.  Bundan da ğayrı, Şuranıñ faaliyeti, grajdanlarnıñ akimiyet organları ile eki taraflı munasebetlerini qolaylaştıracağı ayrıca qayd etildi. "İnsanlardan kelgen sualler belgilenecek. Dört yıl devamında biz çoqtan-çoq meseleler ile qarşılaştıq – olardan bazılarını al etip oldıq, bazıları üstünde ise çalışmamız devam etmekte. Yaqında, cemaat qabulhanesini açmaq fikrine keldik. O, şimdilik daa test rejiminde çalışa. İnsanlar muracaat eteler. Olarğa bedava şekilde – bu sualnen qayda ve kimge barmaq kerekligi aqqında malümat berile. Bunıñ ile biz bir temel qoyamız. Bizge muracaat etilgen meselelerniñ arhivini tizemiz", dep ilâve ayttı Ayder İsmailov.  Matbuat konferentsiyası devamında, Şuranıñ iş gruppası, Qırımnıñ okkupatsiyası devamında natsistler tarafından yaqılğan Qırım köyleri içün tazminat almaq maqsadınen adım-adım al etilecek iş ve vazifeler belgilegeni aydınlatıldı.  Ayder İsmailov: "Biz, belli bir yol kösterecek işni başladıq. Evel, işbirlik ve tedqiqatlar keçirgen adliyecilerni davet ettik. Bundan ğayrı, bu meselede dört bölük teşkil etecegimizge qarar berdik: tarihçılardan ve sotsiologdardan ibaret olğan arhiv bölügi, ekonomist ve adliyeciler bölükleri çalışacaq", dep bildirdi. – "O zamandaki arhivlerden bütün malümatnı toplamaq kerek. Tarihçılar ve sotsiologlar ise tarihiy malümatlarnı qaplap alğan umumiy vesiqanı azırlaycaq. Onıñ esasında ekonomistler maddiy, maneviy ve atta medeniy zararnıñ kölemini bildirecek. Çünki bu yıllar devamında camiler ve medereseler, kilseler ğayıp etildi. Biz yalıñız qırımtatar köylerinden bahs etmeymiz de… Soñra ise adliyeciler, elinde olğan işbu malümat ve raqamlar ile çeşit profil komitetler ve Rusiye Federatsiyasınıñ nazirlikleri ile bağ tutacaqlar, muzakereler keçirecekler ve, neticede, tazminat soralacaq tarafqa muacaat etecekler"…  Cian cenki yıllarında Qırımnıñ natsistler  okkupatsiyası neticesinde yüz bergen zarar içün Almaniyadan tazminatnı soramaq qararı, 2018 s fevralniñ 17-de keçirilgen Nevbetten tış Qırım müsulmanlarınıñ Qurultayında alındı.  Matbuat konferentsiyası devamında qırımtatarlarnıñ Şurası erkânındaki gumanitar bölükniñ işi aqqında da söz yürütildi. QFU-ñ qırımtatar filologiyası kafedrasınıñ professorı, filologiya ilimleri doktorı Lemara Selendiliniñ ikâye etkeni kibi: "Biz şimdi, keçken 30 yıl devamında bu saada çezilmegen ve al etilmegen meselelerni közden keçirip, ilerideki 10 yılğa bir plan qurmalımız. Neticede, halqımıznıñ, Rusiye cemaatçılığı sırasında lâyıq bir yer almaq yardım olur. Biz, Rusiye ealisiniñ büyük qısmı türkler teşkil etkenini bilemiz. Müsulmanlar – ağa-qardaşlarımızdır, añlaşılğan tilimizde laf etken insanlardır. Bizim esas maqsadımız – coyulmaq degil de, ögge adım atmaq ve qırımtatarlarnıñ problemlerini Rusiye Federatsiyasınıñ grajdanları ve halq olaraq, al etmektir". Professornıñ qayd etkenine köre, eñ müim vazife – tuvğan qırımtatar tiliniñ adetlerini saqlap qalmaqtan ve funktsiyalarını ğayrıdan tiklemekten ibarettir. Bu iş  - yaş nesilniñ omuzlarına tüşe.  Lemara Selendili: "Al-azırda vazifemiz - bizim istidatlı yaşlarımıznı emigratsiyadan qorumaq ve olar içün inkişaf etmek imkânını tapmaqtır. Yaşlarımızğa iş yerlerini tapmaq meselesinde yardım etmek pek müimdir. Elbette, til ve tasil aqqında söz yürüterek, yaşlar ile bağlı olğan siyasetni ve alıp barılgan yöñelişni de közde tutmalımız. Qırımda doğğan ve kendisini millet mensüpligi ile tanıtqan yaş nesilge ümütimiz büyüktir…", dep qayd etti .  Öz nevbetinde, Ayder Emirov, Şuranıñ akimiyet ile birlikte olğan işbirlik neticesinde, ayrı diqqatnı nege ayırmaq ve nasıl adımlar atmaq kerekligi aqqında bildirdi: "…Bu cümleden, Qırımtatar sanatı müzeyiniñ binası problemini al etmektir. Hadimler, aqılğa sığmağan şaraitte çalışmaqta. İ.Gasprinskiy adına kütüphaneniñ binasını da keñişletmek, çünki fond sayısı ep arta ve şimdiki binağa sığmay. Ana tili probleması ile bağlı eñ müim sayılğan ve halqnı ayaqta tutqan  - edebiyatnıñ inkişafı -  yoq derecededir. Şimdi biz buña ciddiy baqmalımız. Adımlardan biri – qabiliyetli yaşlarımıznı, Moskva şeerindeki Edebiyat institutınına kvota boyunca yollamaqtır. İleride ciddiy icat etken yazıcılarnı elde etermiz".  Matbuat konferentsiyası devamında spikerler, qırımtatarlarnıñ Cumhuriyetniñ cemaat-siyasiy ömürinde iştirak etüvine dair suallerge de cevap berdiler.  14 insandan ibaret olğan Qırımtatar halqınıñ Şurası, Aqmescitte 2018 s. fevralniñ 17-de keçirilgen Nevbetten tış Qırım müsulmanlarınıñ Qurultayında meydanğa ketirildi. Şura azaları açıq rey berüv neticesinde saylanıldı. Olarnıñ arasında  - Qırım Müftisi Emirali Ablayev, KMPU-ñ Prezidenti Fevzi Yaqubov, Olimpiya çempionı Rustem Kazakov, İnkerman (Aqyar ş.) hastahanesiniñ baş ekimi Gayde Degirmenci, filolog ve publitsist Ayder Emirov ve digerlerdir.     QMDİ MDT matbuat merkezi [gallery link="file" columns="4" size="medium" ids="12737,12739,12735,12733,12741"]

Qırımda “İslâm bilgileriniñ esasları” kitabı neşir etildi

Опубликовано:

Qırımda Sayfetdin Yazıcınıñ "İslâm bilgileriniñ esasları" kitabı dünya yüzüni kördi. Kitapta İslâm boyunca temel bilgileri aks etile: Yaratıcı, Peyğamberler, namaz, sadaqa, oraza, hacılıq aqqında, bundan ğayrı, kitapta ahlâq ve insanlar arasındaki munasebetler aqqında malümat mevcut. Kitap oquyıcılarnıñ keniş dairesine, hususan, İslâm universitetleri ve medrese tabelelerine oquv qullanması olaraq tevsiye etile. "İslâm bilgileriniñ esasları" kitabını Diniy İdarede ( Aqmescit ş., Kurçatov soq., 4) ya da "Terciman" kitap Evinde (Aqmescit ş., Sevastopolskaya, 44) satın almaq mümkün.  Qırım MDİ MDT matbuat hızmeti

Qırım Müftiligi sağlıqları zayıf olğan balalarğa televizornı ediye etti (FOTO)

Опубликовано:

Qırım Müftiliginiñ temsilcileri esli başlı insanlarnıñ kününe bağışlanğan tedbirde iştirak ettiler. Tedbir Aqmescitniñ geriatriçesk internat-evinde olıp keçti. Merasimde sağlıqları zayıf olğan balalar masalnı kösterdiler. Balalarnı qartlar eviniñ sakinleri büyük zevq ile qarşıladı. "Zurafeniñ boyunı ne içün o qadar yüksek" ögretici numayışı seyircilerge çoq güzel teessüratlarnı bağışladı. Ve bu numayış sağlıq zayıflığı insan istidatını sıñırlatmağanınıñ tasdığıdır. Seyirciler balalarnı gürdeli elçırtmalar ile qarşılap, olarnı sanadan yibermege istemdiler. Küçük artistler İçtimaiy siyaset ve Aqmescit memuriyeti adından mukâfatnamelerge nail oldılar. Bundan da ğayrı, olar bir çoq bahşışlarnı aldılar: tatlılar, oyuncaqlar. Qırım ve Aqyar diniy idaresi balalarğa büyük plazmalı televizornı bağışladı. QMDİ diniy tedbirlerniñ teşkil olunması bölüginiñ müdiri Zenife Veli balalarğa ileride muvafaqiteler tilep, icadiy qabiliyetni inkişaf etmege ve tek yahşılıqqa inanmağa tiledi. Spektakl Qırımnıñ sağlıqları zayıf olğan insanlar teşkilâtınıñ teşebbüsi ve Qırım emek ve içtiaiy qoruv nazirliginiñ destegi ile keçirildi. QMDİ MDT matbuat hızmeti [gallery link="file" columns="4" size="medium" ids="10486,10484,10482,10480,10478,10476,10474,10472,10470,10468,10466,10464,10462,10460,10458,10456,10454"]

Boşkortostan Müftiyatı 100-yıllığını qayd etti

Опубликовано:

Ufada Boşkortostan diniy idaresiniñ 100-yıllığına bağışlanğan tantanalı tedbirler olıp keçti. Qırım musulmanları diniy idaresi ve şahsen Qırım Müftisi hacı Emirali Ablayevniñ adından cumhuriyetniñ müftiligini Qırım Müftisiniñ yardımcısı, QMDİ diniy teşkilâtlar ile işbirlik bölüginiñ reberi Raim Gafarov hayırladı. Bundan da ğayrı, o, Boşkortostan diniy erbaplarını rusiyeli ülemleriniñ alman-faşist işğalcilerine qarşı fetvanıñ 75-yıllığı ve Maryam Sultanova adına medreseniñ 20-yıllığınen hayırladı. Hayırlav sözlerinde Raim Gafarov din erbaplarınıñ er bir saada, hususan ahlâq ve insanniyetlik saasında büyük işlerini qayd etti. "Eminim ki, Riza Fahretdin, İsmail Gasprinskiy ve diger alimlerimiz bizni parlaq kelecegimiz içün çalışqan insanlar olaraq körmege istegendirler. Din erbaplarınıñ rolü ğayet büyük, hususan insaniyetlik ve ahlâq saasında", - dep ayttı Raim Gafarov. O diniy idarelerniñ yabancı radikal diniy aqıntılar ile küreşiniñ büyük emiyetini qayd etti ve Başkurdistan Müftiligine teşekkürlerini bildirdi. "Biz Qırım musulmanları pek ağır vaqıtlarnı keçtik, bizni arbiy birleşmelerge kirip, Vetanımıznı terk etmege çağıra ediler. Amma ilk evelâ Müftimizniñ büyük işi sayesinde milletimiz birleşti, bu qıyın vaqıtlarnı biz eñ güzel şekilde keçtik. Keliñiz Allahqa dua etip, bizim toprağımız, balalarımıznı cenkten, qazalardan saqlamasını sorayıq. Allah sizden razı olsun", - dep ayttı Raim Gafarov. Boşkortostan musulmanları diniy idaresi 100 yıl evel 1917 senesi inqilâp vaziyetinde meydanğa ketirildi. 1936 senesi basqılar zamamında Müftilik yoq etildi. 1992 senesi ise o ğayrıdan tiklenildi. QMDİ MDT matbuat hızmeti [gallery link="file" columns="4" size="medium" ids="10236,10234,10232,10230"]

Aqmescitteki Kalga-sultan kompleksiniñ yerinde sensatsion tapılma (FOTO)

Опубликовано:

Aqmescitteki Vorovskogo soqağında Neapol Skifskiy eteginde arheologlar qadimiy müendislik kommunikatsiyalarnı taptılar. Alimlerniñ fikirince, bu handan soñ akimiyette ekinci dereceni alğan Kalga-sultan sarayınıñ qalımtılarıdır. Qazılıp çıqılğan topraq damartalarınıñ birisinde keramik suv ağı borusı tapıldı. Alimler boru bu yerde saray yerleşkeni zamanına ait olğanında eminler. Olarnıñ fikirince, o hanlarnıñ aşhanesi ya da şimdi de çalışqan qaya tübündeki çeşmege aittir. Qırım müendislik ve pedagogika universitetiniñ tarih kafedrasınıñ müdiri Emil Seydaliyevniñ sözlerine köre, işler eki kün evel başlandı, amma artıq büyük neticeler bar. "Biz eki kün devamında çalışamız, amma artıq medeniy qatnıñ tapılmasınen maqtana bilemiz. Qurucılıq keramikasınıñ parçaları da bar: kiramet, boru, ev eşyaları, savutlarnıñ qısımlarını taptıq. Hanlıq zamanına ait aqça da tapıldı", — dep ayttı Emil Seydaliyev. Qırım Müftisiniñ muavini Ayder İsmailov qayd etti ki, Qırım Müftiligi 10 yıl devamında bu yerde arheologik işlerniñ keçirilmesi içün şefaat etip, topraqnıñ medeniy-tarihiy miras olaraq saqlanıp qalması içün küreşken edi, amma ricalarnı bir kimse eşitmedi. Tek 2014 senesinden soñ kerçek adımlar atıldı. "2000 ss. bizge bu topraqta Cuma caminiñ qurulmasını teklif etken ediler, amma mında tarihiy qalımtı olğanı içün Müftiylik teklifni red etip, başqa topraq damartasını aldı. Mında kompleks, Mengli Geray zamanında qurulğan cami bar edi. Ebet, biz bu topraqnı balansımızğa almağa isteymiz, çünki mında ibadet merkezi yerleşken edi. Bu qırımtatarlar ve diger milletlerniñ mirasıdır. Bu Qırım, asılında bütün Rusiyeniñ qıymetli tarihiy merkezidir", — dep qayd etti Ayder İsmailov. Bundan da ğayrı, o, Ruslan Balbekke arheologik işlerni o qadar faal yapmağa imkânı içün teşekkürlerini bildirdi. Devlet Dumasınıñ mebüsi Ruslan Baalbek ise qayd etti ki, bugünki künden başlap, topraqnı qorumaq içün bütün kerekli vesiqalar azırlanacaq. Onıñ sözlerine köre, esas iş merkez medeniy miras obyektlerniñ saqlanılması cedveline kirsetilgen soñ başlanacaq. Büyük tapıluvnı Kırım arheologiya institutnıñ direktorı Vadim Maykov da tafsir eti. "Qat pek qarırşıq, amma anda endi qıymetli şeyler tapıla. Olar XVII- XVIII asırnıñ başına aittir, yani saray daa turğanı vaqıtına. Onıñ içün biz merkezni cedvelge qoyacamız. Bunıñ yolu zaten belli. Qazma işlerniñ neticelerini medeniy miras Devlet Komitetine taqdim etecemiz", — dep ayttı Maykov. Kalga- Qırım hanlığında handan son akimiyette ekiminci insandır. Qırım MDİ MDT matbuat hızmeti [gallery link="file" columns="4" size="medium" ids="10026,10028,10022,10016,10014,10020,10012,10024,10030,10032,10034,10036"]

Tatarstan Qırımda cami qurmağa yardım ete! (FOTO)

Опубликовано:

Oktâbrniñ 16-nda Bağçasaray rayonı Aci-Bulat köyünde qurulayatqan cami içün qurucılıq malzemeleri qabul etildi. Tatarstan Cumhuriyeti 26 pencere ve kiriş qapını hayriye yardımı olaraq Qırımğa yolladı. İleride, daa 80 tonna maden, odun, çeşit börüler ketirilecegi beklenile. Hayriye yardımı Aznakayev münitsipal tasiliniñ başı Marsel Şaydullinniñ desteginen yollanıldı. Bunıñnen beraber, Qırım Müftiyatı ve Bağçasaray rayon reberi Refat Derdarov öz isselerini qoştılar. Yükniñ qabul etüv tedbirinde Müfti muavini Ayder İsmailov iştirak etti. Tedbirniñ başında Ayder oca dua oqudı, caminiñ qurucılığında iştirak etken er keske qaviy iman, eminlik ve sabır tiledi. Ayder İsmailov Qırım Müftiyatı adından Tatarstanlı şeriklerge teşekkürler bildirdi ve cami köy müsülmanlarını birleştirecek, dep ümüt besledi. "Köyde yañı caminiñ inşaat etilmesi - bu, yerli müsülmanlar, din cemiyeti, Müftiyat ve Bağçasaray rayon memuriyetiniñ işbirligi sayesinde oldı. Tatarstanlı dostlarımızğa teşekkürler bildiremiz, Allah qat-qat qaytarsın", - dedi Ayder oca. Tatarstan Cumhuriyetiniñ vekili İlmir Kamaletdinov añlatqanı kibi, qurucılıq malzemelerniñ bir qısımı Bağçasaraydaki 6-ncı mikrorayondaki caminiñ azbarında iftarlar içün bir binanıñ inşaatında qullanacaq. Qayd etmek kerek ki, malzemelerniñ ketirilmesinde Tatarstan Cumhuriyetiniñ "MTZ-YelAZ" ticaret evi iştirak ete. Aci-Bulat köyüniñ din cemiyeti reisi Vladimir Mujdabayev añlatqanı kibi, ileride ibadethaneniñ damı deñiştirilecek ve qubbesi qoyulacaq. "Pencereler qoyulğan soñ, içinde işler yapılacaq. Bütün işlerni Yañı yılğa qadar yekünlemege isteymiz", - dedi Vladimir Mujdabayev. V. Mujdabayev Müftiyat ve Bağçasaray rayonı memuriyetine minnetdarlıq bildirdi. QMDİ MDT matbuat hızmeti [gallery link="file" columns="4" size="medium" ids="9439,9437,9435,9433,9431,9429,9427,9425,9423,9421,9419,9417,9415,9413,9411,9409,9407,9405,9403,9401,9399,9397,9395,9393,9391,9389,9387,9385,9383,9381,9379,9377,9375,9373"]

Qırım Müftiyatında imamlarnıñ Ruslan Balbek ile körüşüv olıp keçti (FOTO)

Опубликовано:

Qırım Müftisi hacı Emirali Ablayev ve RF DD deputatı Ruslan Balbekniñ yerli regional imamlarnen ve Qırım rayonları ve şeer cemiyetleriniñ başlarınen körüşüv olıp keçti. Körüşüv devamında iştirakçiler eñ zarur ve mürekkep meselelerni köterdiler, bu cümleden, orta umumtasil mekteplerinde ve bala bağçalarında qırımtatar tiliniñ ögrenilmesi probleması da muzakere etildi. Ruslan Balbekniñ sözlerine köre, tilniñ teşviq etilip, mot olması eñ evelâ ealige bağlı. "Bir misal ketireyim, Aqmescit rayonında, rayon memuriyeti muavini Ruslan Yakubovnıñ teşebbüsinen, bala bağçalarınıñ birinde eki tilli gruppa açıldı, şu gruppağa em qırımtatar, em başqa halq vekilleriniñ ana-babaları balalarını kirsetmege tırışalar. Yani, ana-babalar evlâdları ana tilini bilmelerini isteyler ", - dedi R. Balbek. Yedi Quyu rayonınıñ imamı Rustem Memet  añlatqanı kibi, din cemiyeti ve yerli akimiyetniñ işbirligi sayesinde, Kalinovka köyüniñ yerli mektebinde qırımtatar tili ayrı bir fen olaraq ögrenile. Din erbapları müsülmanlarnıñ ayatı, rayonlarda ötkerilgen tedbir ve merasimler, meseleler etrafında söz yürüttiler. Hususan, ibadethanelerni resmiyleştirmek, kommunikatsiyalarnı keçirmek kibi problemalar eñ aktual olaraq qayd etildi. Seyitler rayonı din cemiyeti reisi Rustem Temirov bildirgeni kibi, şu qasabada cami olmağanı sebebinden müsülmanlar ibadetlerini yerine ketirip olamaylar. Rustem Temirov ya odanıñ satın alınması, ya da boş olıp turğan Medeniyet Eviniñ ibadethane sıfatında qullanmaq teklifinen bulundı. Bunıñnen beraber, sport salonını açmaq teklifi yañğıradı. R. Balbek bu meseleni nezaret astına almağa vade etti ve Müftinen beraber peyda olğan meselelerni çezmege söz berdi. QMDİ MDT matbuat hızmeti [gallery link="file" columns="4" size="medium" ids="9241,9239,9237,9235"]

Cuma caminiñ qubbeleri tiklenecek (FOTO)

Опубликовано:

Aqmescitte Cuma caminiñ inşaatı devam ete. Şimdiki vaqıtta qurucılar qubbelerni yerleştireler. Leyiha boyunca binanıñ bir dane büyük, dört dane orta kölemde, daa 28 kiçik ve azbarında daa 24 qubbesi olacaq.     QMDİ MDT matbuat hızmeti [gallery link="file" columns="4" size="medium" ids="9066,9064,9062,9060,9058,9056,9054,9052,9050,9048,9046,9044,9042,9040,9038,9036"]  

Qırım müsülmanları Bulğar islâm akademiyasında tasil alacaqlar

Опубликовано:

Qırım Müftisiniñ muavini Esadullah Bairov Bulğar islâm akademiyasınıñ açılış merasiminde iştirak etti. E. Bairovnıñ aytqanına köre, bu, em Rusiye, em de Qırım müsülmanları içün büyük bir vaqia. "Bu oquv yurtu İslâm dünyasında mevcut olğan ve ileri ketken oquv ocaqlarından artta qalmay. Ümüt etemiz ki, oquv programmaları ve mezunları al-Azhar, Karauin ve başqa universitetlerniñ mezunlrı kibi belli olurlar", - dedi Müfti muavini. Bulğan islâm akademiyası İslâm ilimleri magistrleri ve doktorlarnı azırlaycaq. Esadullah Bairovnıñ aytqanına binaen, Qırım Müftiyatı İslâm ilimleri bakalavrlarını daa yüksek tasil almaları içün şu oquv yurtqa yollaycaq. QMDİ MDT matbuat hızmeti [gallery link="file" columns="4" size="medium" ids="8397,8395,8393"]

Qırım Qurban bayramına azırlıq köre (FOTO)

Опубликовано:

Qırım camileri Qurban bayramına azırlanalar. Bağçasaray rayonı Bürlük köyünde imam Midat Tohtarovnıñ reberliginde yerli sakinler cami azbarı ve binasını tertipke ketirdiler. Esas işler endi yapıldı – çalılar pıçıldı, bağça temizlendi. Müsülmanlar qoranı boyaladılar, tereklerge ilâc septirdiler. Caminiñ binasında tamir işleri ötkerildi. İmamnıñ aytqanına köre, adamlar özleri teşebbüs kösterip, camini bayramğa azırlamağa istediler.  "Yerli müsülmanlar camini seveler. Er bayram arfesinde azbarnı cıyıştıramız, boyalaymız, aqlaymız, temizleymiz. Asılında, cami diqqatsız qalmay. Cemaatımızğa teşekkürler, diqqatlı ve çeber adamlarımızğa maşallah!", - dedi Midat Tohtarov. Talaqada ösmürler de iştirak etti. Bürlük köyündeki cami yarımadanıñ esas yolları çatışqan yerde tura. Bulğanaq, Cav Cürek köylerinde de tamam böyle azırlıq kete. Mamaşay, Gölümbey ve başqa köylerniñ ibadehaneleri tertipke ketirile. QMDİ MDT matbuat hızmeti [gallery link="file" columns="4" size="medium" ids="7711,7709,7707,7705,7703,7701,7699,7697,7695,7693,7691,7689,7687,7685,7683"]

“Faydalı ilim” mektebinde Til kursları açıla

Опубликовано:

Aqmescitteki "Faydalı ilim" mektebinde qırımtatar tili boyunca Kurslar açıla. Esas maqsad – talebelerni qırımtatarlarnıñ til edebinen tanış etmektir. Talebelerni qırımtatar tilini er künlük ayatta  qullanmağa alıştıracaqlar. Nutuq inkişafı derslerinde balalar monolog, dialog qurmaq, şiir ve masallarnı sanalaştırmaq, subet etmek, rol boyunca oqumaqnı menimseycekler. Selâmlaşuv, teşekkür sözlerini qullanıp, til qabiliyetlerini inkişaf etecekler. Oquv ile birlikte yazuv da ögretilecek. Yılnıñ soñuna qadar balalar qırımtatar tiliniñ fonetik, grammatik hususiyetleri, teşrifat qaidelerinen tanış olıp, dialog qurmağa, suallerge cevap bermege bilecekler. Dersler er cumaertesi künleri saat 10:00-dan 13:00-ke qadar Aqmescitniñ, Pobeda caddesi, 128 adresi boyunca keçirilecek. Yazılmaq içün telefon:  + 7978 835 42 78 QMDİ MDT matbuat hızmeti

Birinci sınıf talebelerine bahşış!

Опубликовано:

Avgustnıñ 28-nde saat 11:00-de Aqmescitteki Seit-Settar kompleksinde çoq balalı qorantalardan olğan birinci sınıf talebelerine bahşışlar berilecek. Tedbirni Qırım müsülmanları Diniy İdaresi, RF DD deputatı Ruslan Balbek ile birlikte azırladılar. Tedbirde Qırımnıñ çeşit regionlarından 219 bala iştirak etecegi közde tutula. QMDİ MDT matbuat hızmeti