Balalıq hatıraları. Qırım Müftiliginde Halil Memedlâyev talebeleriniñ sergisi açıldı (FOTO) - ЦРО ДУМКЦРО ДУМК

Вс

26

сентября

19
Сефер 
1443 | 2021
Утр.5:09
Вос.6:25
Обед.12:39
Пол.15:54
Веч.18:43
Ноч.19:59
Времена намазов
Календарь 2021г

Намаз

Balalıq hatıraları. Qırım Müftiliginde Halil Memedlâyev talebeleriniñ sergisi açıldı (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde ressam Halil Memedlâyevniñ talebeleri yapqan işleriniñ sergisi açıldı.

Tedbirge belli ressamnıñ talebeleri, işdeşleri ve yaqınları qoşuldı. Sergide numayış etilgen işler 20-25 yıl evelsi yapıldı, olarnı ressam arhivinde büyük muqaytlıq ile saqlamaqta.

“Men talebelerim içün bir sürpriz yapmağa istedim. Olar, resim tögeregine qatnağanda, daa bala ediler, şimdi ise, yetişkin büyük insanlardır, olarnıñ da öz balaları bar”, – dep, tarif etti ressam.

Halil Memedlâyev 1990-nci seneleriniñ soñunda Büyük Onlar qasabasında ve Alabaş Qoñrat köyünde (Qurman rayonı) balalarğa tasviriy sanatnı ögrete edi.

Çoq qıyın vaqıtqa baqmadan, tasviriy sanat tögeregini teşkil etkeni, derslerni keçirip, balalarnı meraqlandırğanı ve, eñ müimi, – Vatanğa, sanatqa sevgi kibi çizgilerni aşlağanı içün talebeleri göñüllerinde ocasına teren minnetdarlıq duymaqtalar.

Tedbir musafiri, ressam İrfan Nafeyev qayd etti ki, resimlerge baqıp, olarnıñ qırımtatar balalaları tarafından sızılğanını körmek mümkün, çünki resimlerde Qırım tabiatına ve milletimizniñ urf-adetlerine hususiy munasebet sezilmekte.

“Balalarnen çalışmaq, olarnı ögretmek – qıyın ve mesülietli bir iştir. Ya balanı ilhamlandırıp, onıñ merağını işkişaf ettirmek, ya da onıñ istegini yoq etmek mümkün. Onıñ içün Halil oca çoq büyük iş yapqanı belli, onıñ saçqan urluğınıñ meyvaları bugün körünmekte”, – dedi İrfan Nafeyev.

Qırım musulmanları diniy idaresindeki işbu sergi eki afta devam etecek.

QMDİ matbuat hızmeti