Balalarnı qayğıruv – sağlam kelecekniñ temelidir (FOTO) - ЦРО ДУМКЦРО ДУМК

Вторник

15

июня

5
Зуль-къаде
1442 | 2021
Утр.2:49
Вос.4:46
Обед.12:49
Пол.16:53
Веч.20:41
Ноч.22:38
Времена намазов
Календарь 2021г

Намаз

Balalarnı qayğıruv – sağlam kelecekniñ temelidir (FOTO)

Опубликовано:

Qırım Cumhuriyeti ve Sevastopol şeeri Müftisi fizikiy ve aqıl sağlığı sıñırlı olğan balalar içün içtimaiy reabilitatsiya bölüginiñ balalarını Halqara balalarnı qorçalav kününen hayırladı. Adet üzre bölükte bu kün eyi keyfler künü dep adlandırıla. Balalarğa bahşış olaraq oyuncaqlar ve tatlılıqlar berildi.

Teşkilâtçılar balalar içün meraqlı programmanı azırladı. Klounlar, fokus ustaları, animatorlar, oyuncılar. Balalar da, olaranıñ ana-babaları ve vekilleri de pek sevindiler.

Reabilitatsiya merkezi müdiriniñ muavini Leonid Savkin Müftilikke balalarğa er daim kösterilgen diqqatı içün teşekkür bildirdi ve “Funduq” şarqiy tatlı aşlar tükânlar ağına da, daimiy yardımları içün minnetdarlığını bildirdi. Onıñ qayd etkenine köre, balalar içün büyüklerniñ diqqatını körmek, olar tek ana-babalarınen hastalıqqa qarşı bir özleri qalmağanını duymaq pek müimdir.

Qırım Müftisiniñ muavini Raim Ğafarov Qırım Müftisi adından olarğa sağlıq ve güzel keyfler tiledi.

“Balalar – ömürimizniñ gülleridir ve biz olarnıñ kelecegi içün mesülmiz. Biz olarğa güzel amellerde örnek olmalımız, dostluq, merhametlik, yardımlaşuv, qayğıruv kibi insaniy degerlerge ürmet aşlamalımız”, – dedi Raim Ğafarov.

Bundan da ğayrı, o, bayramnı teşkil etmege yardım etken er keske, hususan, Abdurahmanov Emil Nusretoviçke teşekkürler bildirdi.

Hayriye tedbiri devamında reabilitatsiya merkeziniñ rehberleri “Biz berabermiz” ve “Dünya merhameti” hayriye teşkilâtlarına ve Qırım musulmanları diniy idaresine teşekkürnameler taqdim etti.

Qırım MDİ matbuat hızmeti