«Baht ve mananı eyilikte qıdırmaq», – talebelerge ruh qaviyligi aqqında tarif etildi (FOTO) - ЦРО ДУМКЦРО ДУМК

Среда

04

августа

25
Зуль-хидждже
1442 | 2021
Утр.3:47
Вос.5:22
Обед.12:54
Пол.16:49
Веч.20:16
Ноч.21:51
Времена намазов
Календарь 2021г

Намаз

«Baht ve mananı eyilikte qıdırmaq», – talebelerge ruh qaviyligi aqqında tarif etildi (FOTO)

Опубликовано:

Qırım Cumhuriyeti ve Sevastopol şeeri Müftisiniñ muavini Raim Ğafarov Aqmescit avtonaqliye tehnikumınıñ studentlerinen ananeviy körüşüvni keçirdi. Körüşüv devamında “Ömür imtianları. Baht ve mananı eyilikte qıdırmaq. Menfiy alışqanlıqlardan (içki ve afyonjılıqtan) uzaqlaştırmaq” ve “Sadıqlıq ve işançlıq – insan içün eñ emiyetli çizgilerdendir” mevzuları muzakere etildi. Suhbette Raim Ğafarov dinniñ insanda musamaha, vatandaşlıq mevamı, şevqat, merhametlik, gumanizm ve vatanperverlik çizgilerini terbiye etkenine diqqat ayırdı. Yaş nesil İslâm esasında zemaneviy ayatqa, hususan, iqtisadiyatqa, siyasetke, uquqqa, ahlâqqa, medeniyetke nasıl alışacağı aqqında tarif etti.

“Tek yaşlar degil de, büyük nesil de göñülden tüşe. Bir çoq kişi ayat olarğa manasız körüngeninden şikâyet ete. Şu sebepten er şey yahşı degen duyğunı bergen, amma, asılında felâketke alıp barğan bağlılıqlarqa qarşı küreşmeyler. Şu vaziyette din ve Allahnıñ sözü insannı qurtara bile”, – dedi Raim Ğafarov.

Qırım Müftiligi artıq bir qaç yıl devamında Aqmescit avtonaqliye tehnikumınen işbirlikte çalışa. Körüşüvlerde yaşlar diniy erbaplarğa olarnı meraqlandırğan suallerni bere ve aktual mevzularnı muzakere eteler. Aqmescit avtonaqliye talebeleri ile körüşüvler eki ayda bir kere keçirile.

Qırım MDİ matbuat hızmeti