Cürçi rayonınıñ Qıyat köyünde İslâm dini esasları ve Quran oquvı kurslarınıñ mezuniyet tedbiri olıp keçti.
Sertifikatlarnı 20 insan elde etti. İmam Server Yağyayevniñ sözlerine köre, bu eñ büyük taqımlardan biri – kurs oquvını 10 büyük ve 10 bala yekünledi.
Server Yağyayev: “Kurslar yarım yıl devam etti, yaşları 10-65 arasında olğan 20 insan programmanı soñuna qadar ögrendi. Biz olar içün pek quvanamız ve olarğa ömür boyu Qurannen ve Quran boyunca yaşamağa tileymiz”, – dep ayttı .
QMDİ matbuat hızmeti
