Bağçasarayda İsmail Gasprinskiyniñ 168-yıllığı qayd etildi (FOTO) - ЦРО ДУМКЦРО ДУМК

Суббота

04

декабря

29
Ребиу'ль-ахир
1443 | 2021
Утр.6:31
Вос.7:55
Обед.12:39
Пол.14:44
Веч.17:13
Ноч.18:36
Времена намазов
Календарь 2021г

Намаз

Bağçasarayda İsmail Gasprinskiyniñ 168-yıllığı qayd etildi (FOTO)

Опубликовано:

Qırım Müftiligi qırımtatar maarifçisi İsmail Gasprinskiyniñ doğğanından 168-yıllığına bağışlanğan hatıra tedbirlerinde iştirak etti, merasimler mart 20 künü Bağçasarayda olıp keçti.

Tedbirde cemaat vekilleri, Qırım başı erkânında çalışqan qırımtatar halq Şurasınıñ azaları, yerli sakinler, mektep talebeleri ve studentler iştirak etti.

İştirakçiler ulu qırımtatar maarifçisiniñ abidesi yanında dua oqudılar, çeçeklerni qoydılar, İsmail Gasprinskiy adına eV-müzeyinde “Birinci oca” adlı lektsiya oquldı, o Bağçasarayda yañı usul mektepler açılmasınıñ 135-yıllığına bağışlanğandır.

Bundan soñ iştirakçiler maarifçiniñ ömürinde is qaldırğan qırımtatar tarihı ve medeniyeti obyekleri yerleşken Bağçasaray soqaqlarını kezdiler.

Tedbirniñ soñunda Salaçıqta Zıncırlı medeseniñ yanında (Bağçasaray rayonı) yerleşken musulman mezarlığında İsmail Gasprinskiyniñ mezarına çeçekler qoyuldı.

Qırım Müftisi adından iştirakçilerni Qırım Cumhuriyetiniñ başı erkânında çalışqan qırımtatar halqı Şurasınıñ azası Zenife Ablayeva selâmladı. Onıñ qayd etkenine köre, ulu maarifçiniñ esas ğayelerinden biri – halqımıznı tasilge celp etmektir.

Tek tasilli milletniñ kelecegi bar, bütün problemler ise caillikten ve tasilniñ alçaq derecesinden kelmekte. “Biz epimiz İsmail Gasprinskiyniñ sözlerini yahşı bilemiz ve olarnı er vaqıt tekrarlaymız: “Tilde, fikirde, işte birlik”. Bunı ayatta körmege de isteymiz”, – dep ayttı Zenife Ablayeva.

O ileride tek cemaat erbaplarından degil de, Qırım ealisi tarafından da İsmail Gasprinskiyniñ ayatı nisbeten meraq doğacığına ümütler besledi.

İsmail Gasprinskiy (1851-1914) – maarifçi, cemaat erbabı, oca, cadditlik usulı ve yañı usul mektepleriniñ temelcisi, Rusiyede ilk musulman “Terciman” gazetasınıñ temel qoyucısı.

QMDİ MDT matbuat hızmeti