Ayder İsmailov: "Qırımda diniy ihtiyaclarnı yerine ketirmek içün kerekli şaraitler bar" (FOTO) - ЦРО ДУМКЦРО ДУМК

Четверг

24

июня

14
Зуль-къаде
1442 | 2021
Утр.2:50
Вос.4:47
Обед.12:50
Пол.16:55
Веч.20:44
Ноч.22:41
Времена намазов
Календарь 2021г

Намаз

 Ayder İsmailov: “Qırımda diniy ihtiyaclarnı yerine ketirmek içün kerekli şaraitler bar” (FOTO)

Опубликовано:

Qırım Müftisiniñ muavini Ayder İsmailov, MİA “Rossiya segodnâ” mültimedia matbuat merkezinde keçirilgen, “Muqayt oluñız – sekta” adlı matbuat konferentsiyasında iştirak etti.

Matbuat konferentsiyasında Aqmescit ve Qırım Yeparhiyasınıñ missioner bölüginiñ reberi protoiyerey Maksim Kondakov ve V.İ. Vernadskiy adına Tavriya Akademiyasınıñ felsefe fakültetiniñ diniy çalışmalar bölüginiñ reberi, felsefe ilimleriniñ doktorı, professor Ölga Griva iştirak etti.

Spikerler, yarımadada, Rusiyede ekstremist olaraq tanılğan sahte diniy areketler ile bağlı vaziyet aqqında tarif etti.

Hususan, cemiyet içün havflı olğan “Hizb ut-Tahrir al İslami”, “İyegova şaatları” ve diger neofit areketler aqqında söz yürütildi.

Ayder İsmailovnıñ sözlerine köre, diniy ceetten baqsaq, sahte diniy teşkilâtlarnıñ faaliyeti, cemiyet qanun ve ananelerini bozmaq,  devletniñ institutını, resmiy diniy teşkilâtlarnı yoq etmek kibi ideologik çizgilerini taşıy ve Qırım müsulmanları diniy idaresini yoq etmek ve Rusiye Federatsiyasına basqı yapmaq içün informatsion sebep meydanğa ketirmek maqsadı ile çalışa.

Ayder İsmailov: “Qanunğa köre, mezkür diniy areketlerde iştirak etmek yasaq olsa (destruktiv diniy areket – muarr.), demek, bu teşkilâtlarğa kirmemek kerek. Bu sade bir şey. Din seni bunı yapmağa çağırmay. Diniy noqtaiy nazarğa köre, mezkür destruktiv teşkilâtlarda iştirak etmek haram sayılmaqta. Em diniy, em diniy olmağan qanunlar olarnıñ faaliyetine musaviy bir derecede qıymet kese. Onıñ içün musulmanlarğa, diniy ceetten de, “Hizb ut-Tahrir”  ve diger destruktiv teşkilâtlarğa kirmege yasaqtır”, – dep qayd etti.

Bundan da ğayrı, Müfti muavini, Qırımda, umumen, Rusiye Federatsiyasında, diniy ihtiyaclarnı yerine ketirmek içün bütün kerekli şaraitler yaratılğanını ilâve etti.

Ayder İsmailov: “İslâm aqqında aytsaq, camiler, medreseler çalışa, musulman, hristian bayramları resmiy şekilde raatlıq künleri olaraq qabul etildi, Oraza tutmaq, hacılıq ibadetini yerine ketirmek mümkün. Yani problem yoq. İnsan bütün diniy ihtiyaclarını yerine ketire bile. Neticede, bir sual peyda ola: cemiyet, devlet, qanunğa qarşı ketmek içün bir sebep barmı? Tabiy ki, bir qısım aldatuv, çetel küçleriniñ tesiri, psihologik ceetten tesir etüv vastaları bar, onıñ içün ana-babalar, balaları kimnen ve nasıl vaqıt keçirgenini bilmek kerek. Bilgilerni dinni subyektiv noqta-i nazarından añlatqan insanlardan degil de, resmiy diniy teşkilâtlardan almaq kerekler”, – dep ayttı.

QMDİ MDT matbuat hızmeti