Aqyar gubernatorı Qırım Müftiliginiñ işine yüksek qıymet kesti (FOTO) - ЦРО ДУМКЦРО ДУМК

Четверг

29

июля

19
Зуль-хидждже
1442 | 2021
Утр.3:36
Вос.5:15
Обед.12:54
Пол.16:52
Веч.20:23
Ноч.22:03
Времена намазов
Календарь 2021г

Намаз

Aqyar gubernatorı Qırım Müftiliginiñ işine yüksek qıymet kesti (FOTO)

Опубликовано:

Aqyar (Sevastopol) şeeriniñ gubernatorı Mihail Razvojayev Qırım Cumhuriyeti ve Sevastopol şeeri Müftisi hacı Emirali Ablayevge koronavirus hastalığınıñ darqaluvı zamanında Qırım musulmanları diniy idaresiniñ işni effektiv şekilde teşkil etkeni içün teşekkür bildirdi.

“Bizim bir çoq birlike yapqanımız leyhalar bar, gençlerimiz pek güzel, biz umumiy noqtalar tapamız. Pandemiya zamanında tez toparlanıp, areketke keçerek, er bir problemanı beraberce yeñe bilecegimizni köstergeniñiz içün sağ oluñız. Qısqa müddet içinde işni yüksek seviyede teşkil etkeniñiz de ürmetke lâyıqtır. Sizge, yaqınlarıñızğa ve qorantalarıñızğa sağlıq tileyim, ve, Pütin aytqanı kibi, keliñiz, eyi işlerde yarışayıq”, – dedi Mihail Razvojayev.

Aqyar gubernatorı Halqara konferentsiyanıñ iştirakçilerini qahraman şeerinen, onıñ şanlı tarihınen tanış olmağa davet etti.

Qırım MDİ matbuat hızmeti