Aqmescitte, Qırımdaki milletlerara ve dinlerara munasebetlerniñ inkişafı aqqında ikâye ettiler (FOTO) - ЦРО ДУМКЦРО ДУМК

Четверг

24

июня

14
Зуль-къаде
1442 | 2021
Утр.2:50
Вос.4:47
Обед.12:50
Пол.16:55
Веч.20:44
Ноч.22:41
Времена намазов
Календарь 2021г

Намаз

 Aqmescitte, Qırımdaki milletlerara ve dinlerara munasebetlerniñ inkişafı aqqında ikâye ettiler (FOTO)

Опубликовано:

Qırım Müftisiniñ mesül kâtibi Ayder Acimambetov Qırım Cümhuriyetinde milletlerara ve dinlerara munasebetlerniñ inkişafına bağışlanğan matbuat konferentsiyasında iştirak etti. Tedbir mart 20 künü Aqmescitte  Cümhuriyet matbuat merkezinde olıp keçti.

Ayder Acimambetov, bugünki künde Qırım Müftiligi tarafından musulman diniy komplekslerniñ QMDİ-niñ mülkiyetine keçirilüvi, yañı camilerniñ qurucılığı içün topraqnıñ resmiyleştirilüvi boyunca keçirilgen işler aqqında tarif etti.  Ayder Acimambetov: “Qırımda camiler, medreseler çafaaliyet köstere, diniy kurslar çalışa”, – dep qayd etti.

Bundan da ğayrı, o, qoştı ki, Qırımda diniy timsallerniñ qoyulması meselesiniñ çezilüv yolları tapılğanını ilâve etti.

QMDİ mesül kâtibi: “Qırım başı Sergey Aksönov, Qırım Müftisi, Aqmescit ve Qırım Yeparhiyasınıñ temsilcileri arasında bir sıra körüşüvler keçirildi ve umumiy çıqış yolu tapıldı. Endiden başlap haçlarnıñ yanında islâm diniy timsalleri qoyulacaqtır. Bu meselede artıq problemler peyda olmaz”, – dep ayttı.

Bundan da ğayrı, o, Aqmescitte Cuma cami diniy kompleksinde  keçirilgen işler aqqında  ve al-azırda iç bezetüvi boyunca işler alıp barılğanı aqqında malümat bildirdi,

Ayder Acimambetov: “Bu pek ciddiy ve büyük iştir. Bezetüv işleri qırımtatar urf-adetleri ve dizaynde milliy özgünlik hususiyetleriniñ köz ögüne alıp keçirilecek”, – dep qay     d etti.

Yarımadada milletlerara ve dinlerara vaziyet hususında, QMDİ mesül kâtibi,  farqlı devletlerde yüz bergen (Yañı Zelandiya, Norvegiya) havflı islamofob tendentsiyalarğa baqmadan, Qırımda asırlar devamında farqlı din ve millet vekilleri arasında güzel munasebetler saqlanılğanını qayd etti.

Ayder Acimambetov: “Qırım bir çoq devletler içün nümüne ola bile, biz bütün dünyağa barışıqnı nasıl etip saqlamaq kerek olğanı aqqında ikâye etebilemiz”, – dep qayd etti.

Matbuat konfentsiyasında Qırım müendislik ve pedagogika universitetiniñ Prezidenti, tehnika ilimleri doktorı, Qırım ilimler akademiyasınıñ azası, Qırım Cümhuriyetiniñ şerefli vatandaşı Fevzi Yakubov, milletlerara munasebetler ve sürgün etilgen grajdanlarnıñ işleri boyunca Devdet komitetiniñ reisi Lenur Abduramanov, Qırımnıñ iç siyaseti, malümatı ve bağı naziri Sergey Zırânov, Aqmescit ve Qırım yeparhiyasınıñ protoiyereyniñ kâtibi Aleksandr Yakuşeçkin iştirak ettiler.

QMDİ matbuat hızmeti