Aqmescitte "Qalpte iman ile" hatıralar kitabınıñ taqdimi ötkerilecek - ЦРО ДУМКЦРО ДУМК

Четверг

23

сентября

16
Сефер 
1443 | 2021
Утр.5:05
Вос.6:22
Обед.12:40
Пол.15:58
Веч.18:49
Ноч.20:05
Времена намазов
Календарь 2021г

Намаз

Aqmescitte “Qalpte iman ile” hatıralar kitabınıñ taqdimi ötkerilecek

Опубликовано:

Mayıs 19 künü Qırımtatar devlet akademik muzıkalı drama teatrinde Qırım Cumhuriyeti ve Sevastopol şeeri musulmanları diniy idaresi tarafından neşir etilgen “Qalpte iman ile” kitabınıñ taqdimi olıp keçecek. Hatıralardan ibaret cıyıntıqnı Zenife Ablayeva ve Gülnara İlyasova tertip ettiler.

Tedbirde Qırım Müftisi hacı Emirali Ablayev, Qırım Cumhuriyetiniñ Medeniyet nazirligi vekilleri, Aqmescit şeer ve rayon memuriyetiniñ azaları, Qırımtatar medeniy miras müzeyiniñ hadimleri, İ. Gasprinskiy adına qırımtatar kitaphanesi ve İ.Franko adına Qırım Cumhuriyet universal kitaphaneniñ vekilleri, qırımtatar gazetalarnıñ muarrirleri, QMPU ve QFU professorları ve ocaları, qırımtatar yazıcılar, şairler, cemaat faaliyetçileri iştirak etecek.

Tedbirniñ başında Qırım Cumhuriyeti ve Sevastopol şeeri musulmanları diniy idaresiniñ yapıcı studiyası tarafından azırlanğan “Hatıralar” videofilmi kösterilecek. Filmde sürgünlik şaatları öz ömür ikâyelerinen paylaşacaq, kitapnı tertip etkenler ise, kitapnı yazmaq ğayesinden başlap, kitapnıñ nasıl tertip etilgeni aqqında tarif etecekler. Soñra, teatr sanasında “Amethan Sultan” spektakliniñ “Sürgünlik” qısımı kösterilecek.

“Qalpte iman ile” malümat cıyıntığı 1944 sene, mayıs 18 künü olıp keçken qırımtatar halqınıñ dehşetli sürgünliginen tanış ete. Kitapta o vaqialar şaatlarınıñ hatıraları, qoranta albomlarından fotolar taqdim etile.

Tedbir saat 15:00 başlanacaq. Kiriş serbesttir.

Qırım MDİ matbuat hızmeti