Aqmescitte İslâm temelleri kurslarınıñ mezunları taqdirlendi (FOTO) - ЦРО ДУМКЦРО ДУМК

Вторник

26

октября

20
Ребиу'ль-эвель
1443 | 2021
Утр.5:47
Вос.7:04
Обед.12:32
Пол.15:14
Веч.17:50
Ноч.19:07
Времена намазов
Календарь 2021г

Намаз

Aqmescitte İslâm temelleri kurslarınıñ mezunları taqdirlendi (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresiniñ “Faydalı ilim” oqutuv-maarif merkezinde İslâm temelleri ve Quran oquvı kurslarınıñ mezunları taqdirlendi. Kurs üç yıl devam etti. Er bir talebe Qırım Müftiligi adından Quran aldı.

Qırım Müftisi adından kursnıñ mezunlarını din ocaları Ediye Muslâdinova, Feride Memetova, Gülsum Seitbekirova, Elina Velilâyeva ve Hatice Mustafayeva hayırladılar.

“Bu balalar er afta derslerimizge keldi. Pandemiya zamanında derslerimiz onlayn şekilinde keçirildi. Bugün ise, biz olarnı birinci Quranlarınen mezunlar olaraq ozğaramız. Şu Muqaddes Kitabımız Qırımda onı qorçalaycaq nesil olğanına şaat olsun! Balalıqtan qartlığına qadar Quran oquğan nesil”, – dep qayd etti tedbir teşkilâtçıları.

Kurslarnıñ talebeleri oquvlarını Qalay islâmiy ilimler medresesinde devam ettirmeleri içün temel azırladılar.

Qırım MDİ matbuat hızmeti