Aqmescitte İslâm temelleri boyunca eñ eyi ocalarnı taqdirlediler (FOTO) - ЦРО ДУМКЦРО ДУМК

Пятница

04

декабря

18
Ребиу'ль-ахир
1442 | 2020
Утр.6:31
Вос.7:55
Обед.12:39
Пол.14:44
Веч.17:13
Ноч.18:36
Времена намазов
Календари 2020г

Намаз

Aqmescitte İslâm temelleri boyunca eñ eyi ocalarnı taqdirlediler (FOTO)

Опубликовано:

Aqmescitte “Eñ eyi metodik qullanma” yarışında ğalip çıqqan din ocalarını taqdirlediler. 

Yarış, yanvar ayında Qırım müsülmanları Diniy İdaresiniñ “Faydalı ilim” mektebi ocaları arasında ilân etilgen edi. Müftiyat hadimleri ve ocalardan ibaret olğan jüri azalarına din mevzusınen bağlı çeşit işler taqdim etildi. Bularnıñ arasında elifbe, oyun qullanmaları, kitap ve bulmaçalar kibi qullanmalar bar edi.

Ocalarnıñ işleri dört çeşitke bölündi: körgezme vastaları, bulmaça ve rebuslar, arap tili ve tecvid boyunca qullanmalar. Tedbirni “Faydalı ilim”niñ alâ oquğan talebesi Qurandan sure oqup, açtı.Soñra, ocalarnı Qırım Müftisi hacı Emirali Ablayev hayırladı. Ocalarğa muvafaqiyetler tilep, balalar ile alıp barılğan işke daima destekçi olacağını bildirdi.

Tedbir devamında din ocaları balalarnıñ kiçik yaştan oqumaları ne qadar müim olğanını añlattılar, diniy ders boyunca master-klass ötkerdiler ve mektepten evel balalarnıñ terbiyesi kursları aqqında film kösterdiler

Ğaliplerni bir qaç kategoriya boyunca mukâfatlandırılar. Böyle etip, Zinura Mustafayeva eñ kreativ iş içün taqdirlendi, Elmaz Çahmarova er taraflama funktsional işini azırlap, ğalebe qazandı. “Büllür” cemaat Birleşmesi ve Haci İhsan adına Qalay medresesi öz  ğaliplerini belgilediler. Bahşışlarnı Qırım Müftisi hacı Emirali Ablayev ve muavini Ayder İsmailov taqdim ettiler.

Tedbir musafirleri ögünde “Faydalı ilim” mektebiniñ talebeleri çıqışta bulundılar. Olar, Qurandan surelerni oqup, bilgilerini numayış ettiler. Merasim duanen yekünlendi. “Faydalı ilim” leyihasınıñ reberi Zeyneb Bairovanıñ bildirgenine köre, bütün qullanmalar oquv programmasına kirsetilecek.

QMDİ MDT matbuat hızmeti