Aqmescitniñ baş imamı Suin Acı köyü orta mektebiniñ talebelerinen körüşti (FOTO) - ЦРО ДУМКЦРО ДУМК

Пн

24

января

21
Джумазие'ль-ахир 
1443 | 2022
Утр.6:40
Вос.8:01
Обед.13:00
Пол.15:18
Веч.17:50
Ноч.19:10
Времена намазов
Календарь 2022

Намаз

Aqmescitniñ baş imamı Suin Acı köyü orta mektebiniñ talebelerinen körüşti (FOTO)

Опубликовано:

Aqmescitniñ baş imamı, Qırım Müftisiniñ yardımcısı Muhammed İslamov Aqmescit rayonındaki Suin Acı köyüniñ orta mektebini ziyaret etip, qırımtatar milliy sınıfında ders keçirdi.

Ders Qırım Cumhuriyeti ve Sevastopol şeeri Müftisi hacı Emirali Ablayevniñ avalesi ve Suin Acı köyü mektep müdiriniñ daveti ile keçirildi.

Körüşüv devamında Muhammed İslamov ösmürlernen bilgi almaqnıñ, ocalarğa ve ana-babalarğa nisbeten ürmet köstermekniñ müimligi aqqında tarif etti.

“Allahnıñ razılığı ana-babanıñ razılığındadır. Musulmanlar er zaman ana-babanıñ razılığını qazanmaq içün areket etip, olarnı keder etecek şeylerden saqınmalı. Çünki olarnıñ razılığı – Allahnıñ razılığıdır, olarnıñ açuvı – Rabbimizniñ açuvıdır”, – dep, qayd etti Muhammed İslamov.

Suhbet devamında Müfti yardımcısı insannıñ maneviy inkişafınıñ, eyi ahlâqnıñ ve etraftakilerge nisbeten merhametlikniñ müimligi aqqında ikâye etti.

“Cemiyet yardımlaşuvğa, merhametke muhtactır, ve biz tek bir-birimizge degil de, diger din vekillerine de ürmet ile yanaşıp, güzel örnek olmalımız. Bizim cemiyetimiz yüksek ahlâqlı, zengin medeniyetli olması içün, ilk evelâ, diniy, ahlâqiy ve medeniy seviyemizni kötermelimiz, ahlâqımızğa köre areket etmelimiz”, – dedi Muhammed İslamov. Bundan da ğayrı, o, talebelerge penitentsiar müessiseleriniñ işi aqqında tarif etti.

“Ana-babasını diñlemegen, ocanıñ sözüne qulaq asmağan balalar belâlarğa oğray. Onıñ içün büyüklerniñ sözüni diñlemek, ana-babağa qıymet bermek kerek, çünki iç bir ana-baba balasına yaramaylıq istemey”, – dedi Muhammed İslamov.

Körüşüvniñ soñunda, o, talebelerniñ ders mevzusı boyunca suallerine cevap berdi.

İleride, böyle derslerni diger orta oquv yurtlarında keçirmek planlaştırıla. Suhbetlerni pedagogik tahsili ve mektepte çalışuv tecribesi olğan imamlar keçirecek.

Qırım MDİ matbuat hızmeti