Aqmescit şeeri ve rayonınıñ iş adamları elâllıq sertifikatlarını aldılar (FOTO) - ЦРО ДУМКЦРО ДУМК

Пн

21

июня

11
Зуль-къаде
1442 | 2021
Утр.2:49
Вос.4:46
Обед.12:50
Пол.16:55
Веч.20:43
Ноч.22:41
Времена намазов
Календарь 2021г

Намаз

Aqmescit şeeri ve rayonınıñ iş adamları elâllıq sertifikatlarını aldılar (FOTO)

Опубликовано:

Qırım Müftisi hacı Emirali Ablayev qırımlı iş adamı Server Bekmambetovğa “Elâl” sertifikatını berdi. O, iş adamını hayırlap, şirketine muvafaqiyetli çalışmalar tiledi.

Qırım Cumhuriyeti ve Sevastopol şeeri musulmanları diniy idaresiniñ “Elâl” sertifikatsiya Merkezi komissiyasınıñ teşkerüvinden keçken şirket kiçik ve büyük baş ayvanlarnı kesüv hızmetini bere. Mezbahhane Aqmescit rayonınıñ Miñlerçik (Juravlövka) köyünde, Rımareva soq., 40 adresi boyunca yerleşe.

Bundan evel sertifikatnı Aqmescitte, Urkusta soq., 161 adresi boyunca çalışqan “Osman” qavehanesiniñ saibi Enver Abibullayev aldı. Qırım MDİ “Elâl” sertifikatsiya merkeziniñ vesiqasını oña Qırım Müftisiniñ muavini Ayder İsmailov taqdim etti.

Qırım MDİ matbuat hızmeti