Aqmescit iş adamları elâllıq sertifikatlarını aldı (FOTO) - ЦРО ДУМКЦРО ДУМК

Вс

26

сентября

19
Сефер 
1443 | 2021
Утр.5:09
Вос.6:25
Обед.12:39
Пол.15:54
Веч.18:43
Ноч.19:59
Времена намазов
Календарь 2021г

Намаз

Aqmescit iş adamları elâllıq sertifikatlarını aldı (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresiniñ “Elâl” sertifikatsiyası merkezi aşayt mahsulatlarını azırlap satqan iş adamlarına elâllıq sertifikatlarnı berdi.

Böylece, Qırım MDİ “Elâl” sertifikatsiyası merkeziniñ teşkerüvinden iş adamı Emil Abduramanov keçti. Onıñ şirketi “Biskvitnıy”, “Napoleon”, “Grafskiye razvalinı”, “Medovik” tortlarını, çiz-keyklerni ve diger tatlılıqlarnı pişire (Aqmescit şeeri, Kovılnaya soq., 88-A).

Buña ilâve olaraq, elâllıq sertifikatını “Şaurma№1 doner” şirketi aldı. (İP Dilâver Seytâyev, Aqmescit ş., Generala Rodionova soq., 1).

İş adamlarnı elâllıq sertifikatlarını alğanları munasebetinen Qırım Müftisiniñ muavini Ayder İsmailov hayırladı. O, iş adamlarına hayırlı ve semereli çalışmalar tiledi.

“Elâllık” sertifikatını elde etkeniñiz istihsalıñıznı mükemmelleştirgeniñizni ve şeriatnıñ yüksek talaplarına uyğanıñıznı köstere. Siz tek cumhuriyet musulmanlarına degil de, yarımadamıznıñ sakinleri ve musafirleri içün hayırlı iş beceresiñiz”, – dedi Ayder İsmailov.

İhtar: “Elâl” sertifikatı – Qırım Cumhuriyeti ve Sevastopol şeeri musulmanları diniy idaresi tarafından berilgen vesiqa olıp, mahsulatnıñ terkibinde musulmanlar içün yasaq olğan maddeler olmağanını ve mahsulat musulman qanunları boyunca azırlanğanını tasdıqlay.

“Elâl” sertifikatı bir yıl devamında keçerlidir, şu müddetten bitken soñ onı devam ettirmek mümkündir.

Bugünki künde Qırımda 60 yaqın şirket elâl mahsulatlarını azırlap sata.

Qırım MDİ matbuat hızmeti