Aqmeçit rayonında İslâm temelleri kurslarınıñ talebelerine Quran nushaları berildi (FOTO) - ЦРО ДУМКЦРО ДУМК

Пн

26

июля

16
Зуль-хидждже
1442 | 2021
Утр.3:31
Вос.5:12
Обед.12:54
Пол.16:53
Веч.20:27
Ноч.22:08
Времена намазов
Календарь 2021г

Намаз

Aqmeçit rayonında İslâm temelleri kurslarınıñ talebelerine Quran nushaları berildi (FOTO)

Опубликовано:

Qırımnıñ ğarbındaki Aqmeçit rayonında yerleşken Bay Qıyat (Vladimirovka) köyünde İslâm temelleri kurslarınıñ eki gruppa taleberine tantanalı şekilde Quranlar taqdim etildi. Şu talebeler artıq arap elifbesini ögrenip, Quranğa keçkenler. Endiden soñ olar Qurandan yüzüne oquycaqlar ve tecvid qaidelerini ögrenecekler.

Aqmeçit rayonınıñ baş imamı Löman Abduramanov kurs talebelerini Qırım Müftisi hacı Emirali Ablayev adından hayırladı. O, talebelerge derslerge mesüliet ve ğayret ile yanaşqanları içün, olarğa teşekkür bildirdi.

Köyde kurslarğa 14 insandan ibaret eki talebe gruppası qatnay.

“Kurslarnıñ taleberi Qırım Müftiligine Quran kibi qıymetli ediye içün teşekkürler bildirdiler. Bu – ecdatlarmız oqup turğan muqaddes kitabımızdır. Kurslarğa er zaman yañı talebeler qoşula. Biz, yaşına baqmadan, er kesni davet etemiz”, – dedi Löman Abduramanov.

Dersler aftada eki kere keçirile, kurslarnıñ ocası – “Çağıltay” yerli diniy teşkilâtnıñ ocası Edem Kilcidir.

Qırım MDİ matbuat hızmeti