Allahnıñ qoruması – qaviy imandır (FOTO) - ЦРО ДУМКЦРО ДУМК

Пятница

26

февраля

15
Реджеб
1442 | 2021
Утр.6:00
Вос.7:16
Обед.13:01
Пол.15:56
Веч.18:37
Ноч.19:53
Времена намазов
Календарь 2021г

Намаз

Allahnıñ qoruması – qaviy imandır (FOTO)

Опубликовано:

Aqmescitniñ baş imamı, Qırım Müftisiniñ Qırım Cumhuriyeti ve Sevastopol şeeri UFSİN-i ile işbirlik boyunca yardımcısı Aqmescit şeeriniñ Merkeziy ve Kiyev rayonları ve Aqmescit rayonı boyunca profilaktik qaydda olğan vatandaşlarnen körüşti. Körüşüv Qırım MDİ ve Ceza icra etüv ve cinaiy-uquqiy tedbirlerni yerine ketirüv bölügi ile FKU Qırım Cumhuriyeti ve Sevastopol şeeri UFSİN-niñ Cinaiy-icraiy inspektsiyasınen işbirlik çerçivesinde olıp keçti.

Körüşüvde “Maneviy-ahlâqiy terbiye ve insannıñ inkişafı” mevzusında suhbet keçirildi. Suhbette qanun boyunca yaşayış tarzı şekillenmesiniñ maneviy ve ahlâqiy aspektleri muzakere etildi.

Muhammed İslamov mahküm etilgen insanlarnıñ bütün suallerine cevap berdi.

“Biz toqtamadan imanımıznıñ qaviyleşmesi oğurında çalışmaq kerekmiz, bir musulman añlamalı ki, yüregindeki imanı onı kerçek mümin ve musulman yapa. Eyi ameller yapıp, namusını samimiyliknen, eyi amellernen saqlap, yüreginde imanını qaviyleştirip, bir musulman kelecek ayatta, ahirette muvafaqiyetine temel qoya”, – qayd etti Muhammed İslamov.

Hatırlatamız ki, Qırım musulmanları diniy idaresi Rusiyeniñ Qırım Cumhuriyeti ve Sevastopol şeeri UFSİN-i ile işbirlik çerçivesinde tahqiqattan keçeyatqan, mahküm etilgen, şartlı mahküm etilgen ve profilaktik qaydda olğan musulmanlar arasında diniy mevzularda seminarlar ve profilaktik suhbetler keçire.

Mezkür tedbir sanitar-epidemiologik qaidelerine riayet etilerek keçirildi.

Qırım MDİ matbuat hızmeti