2021 senesi hacılığına birinci adımlar - ЦРО ДУМКЦРО ДУМК

Четверг

15

апреля

4
Рамазан
1442 | 2021
Утр.4:24
Вос.5:48
Обед.12:48
Пол.16:29
Веч.19:38
Ноч.21:02
Времена намазов
Календарь 2021г

Намаз

2021 senesi hacılığına birinci adımlar

Опубликовано:

2021 senesi, mart 31 künü Saudiye Arabistanı vaqıtınca çıqış\kiriş sıñırlanuvlarını lâğu ete ve bütün halqara uçuşlarını aça. Bu aqta İçki işler naziriniñ bildirüvine esaslanaraq, Saudiye matbuat agentligi haber ete.

Mart 31 kününden başlap, memleketniñ sıñırlarından çıqıp, qaytmağa mümkün olacaq, bundan da ğayrı, bütün ava, deñiz ve arazi sıñırlar açılacaq, halqara passajir aviataşımaları yasağı lâğu etilecek.

Saudiye Arabistanı Memleketiniñ İçki işler nazirligi hatırlatqanına köre, aynı vaqıtta, memlekette mütenasip organlarnıñ nezaretinen koronavirusnıñ darqalmaması içün qoyulğan tehlikesizlik tedbirlerine ve tertiplerine uymaq talabı yürürlikte qalacaq.

Qırımnıñ AVN-Tur hacılıq operatorı hatırlata ki, arizalarnıñ qabul etilüvi devam ete, lâkin, çıquv ve kiriş sıñırlanuvı lâğu etilgenine baqmadan, bu sene Qırım içün kvota eksilecek. AVN-Tur şirketiniñ rehberi Artur Reşitovnıñ sözlerine köre, kvotanıñ eksilmesi – memleket rehberiyetiniñ qararıdır. Onıñ bildirgenine köre, ilk evelâ 2020 senesi hacılıqqa vesiqalarnı resmiyleştirgen musulmanlarnıñ arizalarına prioritet berilecek.

“Qasevetlenmek içün sebep yoq. Yollamalar tölenildi, yerler evelden alındı, pandemiyanen bağlı vaziyet fenalaşmasa, inşallah, bu sene Qırım musulmanları hacılıqqa baracaqlar”, – dedi Artur Reşitov.

Saudiye Arabistanı Meliki Salman bin Abdulaziz El-Saud hacılıqqa barmağa istegenlerge muracaat etip, özüni ve etraftakilerni qorçalamaq içün vaktsinatsiyadan keçmelerini rica etti. Bu künleri memleketteki kütleviy matbuat vastaları melikniñ özüniñ aşlama yapqanı videosını yayınladı.

Qırım MDİ matbuat hızmeti