QC Devlet Şurasınıñ vitse-spikeri Qırımtatar halq Şurasınıñ azaları ile körüşti - ЦРО ДУМКЦРО ДУМК

Суббота

04

июля

13
Зуль-къаде
1441 | 2020
Утр.2:58
Вос.4:52
Обед.12:52
Пол.16:56
Веч.20:42
Ноч.22:37
Времена намазов
Календари 2020г

Намаз

QC Devlet Şurasınıñ vitse-spikeri Qırımtatar halq Şurasınıñ azaları ile körüşti

Опубликовано:

Qırım müsulmanları Diniy idaresinde QC Devlet komiteti başınıñ muavini Edip Gafarov ve Qırım başı yanındaki Qırımtatar halq Şurasınıñ vekilleri ile körüşüv keçirildi.

Devlet Komiteti vitse-spikeri vazifesine Edip Gafarov 2018 senesi iyülniñ 30-da tayin etildi. Bundan evel o, Qırım Devlet şurasınıñ milletlerara munasebetler Komitetiniñ başı vazifesini eda etti.

Körüşüv devamında Edip Gafarov Şura ile problemler ve acele sürette al etilüvinde ihtiyacı bar olğan meselelerni muzakere etti. Hususan, qırımtatar toplu yaşağan mesken yerlerniñ suv, gaz, elektroenergiya ile temin etilüvi, evler ve yollarnıñ quruluvı – bu sıradandır.

Edip Gafarov: “Eminim, qırımtatar halqı Şurası ile işbirlik vetandaşlarımıznıñ içtimaiy-iqtisadiy suallerini operativ şekilde qabul etmege ve olarnı çezmege yardım eter”, dep ayttı.

Bundan da ğayrı, o, vetandaşlarımız, Devlet Şurası milletlerara komiteti ve diger komitetlerge, vetandaşlıq qanuncılığına ait olğan teklifleri ile muracaat etebilgenlerini qayd etti.

QMDİ matbuat hızmeti