Намазнынъ сагълыкъкъа олгъан файдасы - ЦРО ДУМКЦРО ДУМК

Пятница

29

мая

6
Шевваль
1441 | 2020
Утр.3:01
Вос.4:51
Обед.12:46
Пол.16:48
Веч.20:30
Ноч.22:20
Времена намазов
Календари 2020г

Намаз

Издания Галерея

Намазнынъ сагълыкъкъа олгъан файдасы

Опубликовано:

Пейгъамберимизнинъ (с.а.в.) аяты, япкъан ибадетлери мусульманлар ичюн омюр бою орьнектир. Динимизнинъ эмирлери эр тарафтан бизни къорчаламакъта. Сагълыгъымыз бизим ичюн нимет ве эманеттир. Буны эпимиз билемиз. Иште, бу макъалемизде, Аллах Ресулининъ (с.а.в.) ёлуна уяракъ, динимизнинъ эмирлерини ерине кетиререк, берильген сагълыкъ ниметине саип чыкъмакънынъ ёлларыны, ибадетлернинъ вуджудымызгъа олгъан файдалы тесирлерини ачыкълайджакъмыз.
Ислям имандан башлана. Демек, иман, рухий тынчлыкъ – къальбимизнинъ темизлиги ве сагълыгъымыз ичюн гъает муимдир. Инсанны ичинден кемирип тургъан гъам, къасевет, фикир бошлугъы ве макъсатсызлыкъ, бизни харап бир алгъа кетиребиле. Бу меселелер инсаннынъ рухунен багълы вуджут хасталыкъларыны огренген психосоматика фенни тарафындан инджелене. Кейфсиз, къасеветли алда олгъанда, агъыр вазиетлерден сонъ, инсан сувукъланабиле, я да онда, атта, хроник хасталыкълар башламасы мумкюн. Демек, юрек ве фикир темизлиги, омюримизнинъ макъсатлы олмасы – бизим къавий сагълыгъымызнынъ себебидир.
Намаз… Шубесиз, шу ибадеттеки арекетлер мийимиз, бугъумларымыз, белькемигимиз, аш азым системасы ве дигер азаларымыз ичюн файдалыдыр. Мисаль оларакъ, руку… Рукуда, хадислерде кечкени киби, авучларымызны тизлерге къойып, сыртымызны ерге коре параллель тутмакъ керекмиз. Аякъларгъа нисбетен, белимизни 90 дередже догъурткъанда, кокюс ве белькемикте пейда олмасы ихтимал остеохондроз, спондилез ве дигер белькемик хасталыкъларына къаршы файдасы пейда ола.
Седждеге кеткенде, тизлернинъ бугъум аралары созула. Седжде алында боюн адалелери кергинлеше ве белькемигимиз бель болюгинде янбаш-сан бугъумлары арасы ачыларакъ раатлай. Седждеде, манълайымыз ерге тийгенде, мийимиз чокъча кислород ве беслейиджи мадделерни къабул эте – бу атеросклероз хасталыгъына къаршыдыр.
Къыямда 650 адалелеринден, мувазенет алыны тутмакъ ичюн, 400 данеси къулланыла. Къыямда окъулгъан суре ве аетлер афызаны эйилиштире, бу – унутмакъ, Паркинсон, Альцгеймер хасталыкъларынынъ къаршыны ала. Пейгъамберимизнинъ (с.а.в.) бойле айткъаны ривает этиле: «Духа намазы — бугъумларнынъ садакъасыдыр». Шубесиз, бу, керчектен, ойледир.
Намазнынъ кунюмизде тыб илимининъ огренгенлеринен даа нидже огреналмагъанымыз файдалары бардыр, эльбет. Динимизнинъ эмирлерине уйып, сагълыгъымызны къорчалайыкъ.

 

Алим Аметов