Истихаре дуасы - ЦРО ДУМКЦРО ДУМК

Четверг

01

октября

13
Сефер 
1442 | 2020
Утр.5:15
Вос.6:31
Обед.12:37
Пол.15:47
Веч.18:33
Ноч.19:49
Времена намазов
Календари 2020г

Намаз

Издания Галерея

Истихаре дуасы

Опубликовано:

Джиддий къарарларны къабул эткенде, мисаль ичюн, эвленгенде, зенаатны я да ишни сайлагъанда, шубелер астында къаламыз. Пейгъаберимиз бу вазиетте муим къарарларны къабул эткенде, «истихаре» дуасыны окъумагъа тевсие эткен. Бу дуаны окъусакъ, Аллахнен акъыл танышкъан киби олурмыз. Пейгъамберимиз (с.а.в.) бойле деген: «Аранъыздан бири, бир ишни япмагъа истесе, фарз намазындан гъайры, къошма эки рекят намаз къылсын ве бойле айтсын:
«Аллахым! Сенинъ ильминъ иле Сенден хайыр истейим. Сенинъ къуветинъ иле Сенден кучь истейим. Манъа буюк мерхаметинъ косьтермеге риджа этем, чюнки Сенинъ кучюнъ етер, меним кучюм етмез. Сен билесинъ, мен бильмейим, Сен сакълы олгъан эр шейден Хабердарсынъ.
Аллахым! Эгер бу иш (инсан япаджакъ иши акъкъында айтмалы) меним диним, аятым, ишимнинъ чезилюви ичюн (шимди ве келеджекте) хайырлы олса, манъа оны насип эт. Манъа оны къолайлаштыр. Ве манъа бу иш ичюн разылыкъ бер. Эгер бу иш диним, аятым, ишимнинъ чезилюви ичюн хайырсыз олса, мени ондан узакълаштыр. Манъа, о, не ерде олса да, хайырны къысмет эт. Ве мени ондан разы эт».
Япкъан ишлеринъизде Аллах хайырлы тарафларны къысмет этсин ве ярдымджынъыз олсун!

Лейля Сейтмеметова