Муфтият - ЦРО ДУМКЦРО ДУМК

Вс

01

ноября

15
Ребиу'ль-эвель
1442 | 2020
Утр.5:54
Вос.7:12
Обед.12:32
Пол.15:07
Веч.17:41
Ноч.18:59
Времена намазов
Календари 2020г

Намаз

Издания Галерея

Муфтият - ЦРО ДУМК

Ифтар дуасы

Опубликовано:

Бу сене мубарек Рамазан айы апрельнинъ 24-нде башланаджакъ. Мубарек Рамазан айы эр кеске хайырлы олсун, сайгъылы окъуйыджыларымыз! Бильгенимиз киби, хадисте Пейгъамберимиз бойле буюрды: «Бир мусульман ичюн эки энъ къуванчлы ань бар, бириси – ифтар заманы, экинджиси исе, – Аллахкъа къавушкъаны замандыр». Ифтар – Юдже Раббимиз дуаларымызны къабул эткен вакъыттыр. Онынъ ичюн оразамызны ачмадан эвель ифтар дуасыны окъумакъ керек. Келинъиз, бу дуанен даа якъын таныш олайыкъ: اَللّٰهُمَّ لَكَ صُمْتُ وَ بِكَ آمَنْتُ وَ عَلَيْكَ تَوَكَّلْتُ وَ عَلَى رِزْقِكَ أَفْطَرْتُ وَ صَوْمِ الْغَدِ مِنْ شَهْرِ رَمَضَانَ نَوَيْتُ فَاغْفِرْ لِي مَا قَدَّمْتُ وَ مَا أَخَّرْتُ [Аллахуммме леке сумту ве бике аменту ве алейке тевеккельту ве аля рызкъыке эфтарту ве савми’ль-гъади мин шехри рамадане невейту. Фегъфирли ма къаддемту ве ма аххарту]. Манасы: «Эй, Аллахым, Сенинъ ризанъ ичюн ораза туттым, Санъа инандым, Санъа сыгъындым, Сенинъ рызкъынънен оразамны ачтым. Ве Рамазан айындаки ярынки куннинъ оразасына ниет эттим. Меним кечмиш ве келеджек гунахларымны багъышла». Раббимиз, бутюн туткъан оразаларымызны къабул этсин, иншааллах! Къадир геджесинде дуа Севгили пейгъамберимиз Мухаммед Мустафа (салляллаху алейхи ве селлем), Къадир геджесине расткельгенде, бу дуаны окъумагъа тевсие эткен эди: اَللّٰهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي [Аллахумме иннеке афуввун тухиббу’л-афве фафу анни]. Манасы: «Аллахым, Сен афу этиджисинъ, афу этмеге севесинъ, мени афу эт». Бу дуаны чокъча окъумакъ фазилетлидир. Бу гедже мусульманлар ичюн пек муимдир. Юдже Раббимиз Къуранда, «Къадир» суресинде бойле буюра: «Къадир геджеси бинъ айдан даа да хайырлыдыр». Бу фырсаттан гузельдже файдаланып, шу геджени ибадетлернен яраштырмакъ керекмиз. Даа чокъ нафиле намазлар къылмакъ, намазларнынъ къазасыны япмакъ, Къуран-ы Керим окъумакъ, Пейгъамберимизге (с.а.с.) саляватлар кетирмек пек фазилетли ве саваплы амеллердир. Къадир геджесинде эпимизге Раббимизнинъ афу эткен къулларындан олмагъа насип олсун, иншааллах!

БЕРААТ ГЕДЖЕСИ

Опубликовано:

03.04.2020 БЕРААТ ГЕДЖЕСИ   قُلْ يَا عِبَادِيَ الَّذِينَ اَسْرَفُوا عَلَى اَنْفُسِهِمْ لَا تَقْنَطُوا مِنْ رَحْمَةِ اللّٰهِ اِنَّ اللّٰهَ يَغ-ْفِرُ الذُّنُوبَ جَمِيعاً اِنَّهُ هُوَ الْغَفُورُ الرَّحِيمُ [Къуль я ибадие’ллезине эсрафу аля энфусихим ля текънету мир рахметиллях. Иннеллахе егъфиру’з-зунубе джемиа. Иннеху хуве’ль-гъафуру’р-рахим].   Азиз муминлер! Рахмети сонъсуз, багъышлавы сынъырсыз олгъан Юдже Раббимиз окъугъаным «Зумер» суресининъ 39/53-юнджи аетинде бизлерге бу муждени бере: «Айт: «Эй, озь нефислерине къаршы адден ашкъан къулларым! Аллахнынъ рахметинден умют кесменъиз! Чюнки Аллах бутюн гунахларны багъышлай. Шубесиз, О, чокъ багъышлайыджы, чокъ мерхаметлидир». Урьметли мусульманлар! Базы дегерли вакъытлар бар ки, Юдже Раббимиз эсналарында мусульманларгъа даа зияде багъышланув ве тёвбе ичюн имкянлар бере. Бойле мубарек вакъытлардан бири – Шабан айынынъ ортасында ерлешкен Бераат геджесидир. Бу йыл апрельнинъ 7-сини 8-ине багълагъан шу гедже акъкъында Пейгъамбер Эфендимиз (с.а.с.) бир хадисинде бойле буюргъан: «Шабан айынынъ он бешинджи кунюни оразалы кечиринъиз. Геджесинде исе, ибадетке турунъыз. Чюнки, о куню, кунеш баткъаны вакъыт, Аллах Таала энъ якъын семагъа теджелли этип, танъ аткъангъа къадар: «Менден багъышланув тилеген ёкъмы, оны багъышлайым?! Менден рызыкъ истеген ёкъмы, онъа рызыкъ берейим! Мусибетке огърагъан ёкъмы, она афиет берейим, …», – буюра» (Ибн Маджe, «Икъамету’с-сaлят», 191). Мухтерем джемаат! Омюримиз – энъ къыйметли сермиямыздыр. Бераат геджеси де – аят ёлджулыгъымызнынъ энъ берекетли ерлеринден биридир. Бераат геджеси – бизлерге аятымызны янъыдан козьден кечирмек, озь-озюмизни эсапкъа чекмек ве тефеккюр этмек ичюн буюк фырсаттыр. Берат геджеси – иляхий рахметнинъ теджелли эткени куньдир. Берат геджеси – пешманлыкъ ве умют заманы, эллернинъ дуагъа, гонъюллернинъ коклерге ачылгъаны геджедир. Бу мубарек гедже бизлерге эр тюрлю гунахтан узакъ къалмагъа огрете. Аллахнынъ багъышлавына иришмеге тырышмакънен берабер афу этмек кереклигини де хатырлата. Чюнки Аллахтан афу беклеген кимсе озю де багъышлайыджы олур. Якъынларына, дин къардашларына, этрафтаки инсанларгъа нисбетен сабырлы, анълайышлы ве афу этиджи олур. Аллахнынъ разылыгъыны истеген мусульман, ич кимсени хор ве кичик корьмез. Аллахнынъ севгисине иришмек истеген мумин эр вакъыт юрегинде севги ве мерхамет ташыр. Бераат геджеси эм де гонъюллерни алмакъ, даргъынлыкъ диварларыны йыкъмакъ, кин, нефрет ве интикъам дуйгъуларыны ашмакъ куню олмалы. Сайгъылы диндашларым! Бу гедже весилесинен бир кере даа хатырлатмакъ истейим ки, инсанлыкъ ичюн ёлланылгъан хайырлы бир уммет олмакъ ёлунда эпимизге айры-айры месулиетлер юклене. Келинъиз, шу берекетли заман ичинде унуткъанымыз ве терк эткенимиз вазифелеримизни янъыдан хатырлайыкъ. Энъ якъынларымыздан башлап, этрафтаки инсанларгъа севги ве мерхаметимизни бералмасакъ, етим ве оксюзлерге, зулумгъа огърагъан къардашларымызгъа ярдым элини узатамасакъ, бунынъ ичюн тёвбе этейик. Ихмал эткен къуллугъымызны козьден кечирейик. Гонъюль дюньямызны дуа, ибадет ве тефеккюр иле гузеллештирейик. Гунахкъа ве ярамайлыкъкъа кеткен ёлларны къапатайыкъ. Эйилик укюм сюрген бир дюнья ичюн кучюмизни сарф этейик. Аллахнынъ рахмети бол олгъан бу геджени энъ гузель шекильде дегерлендирейик. Аллахкъа бойсунып ве теслим олып, гузель амеллеримизнен тёвбелеримизни ве истигъфарларымызны ялынъыз Онъа арз этейик. Хаталарымыздан, къусурларымыздан, гунахларымыздан, оларгъа бир даа къайтмамакъ узьре, юз чевирейик. Хутбени Пейгъамберимизнинъ дуасынен битирмеге истейим: «Аллахым! Гъазабынъдан разылыгъынъа, джезанъдан багъышлавынъа, Сенден кене Санъа сыгъынам. Санъа макътавларны саймакънен битирип оламам. Сен Озюнъни насыл макътагъан олсанъ, ойлесинъ» (Mуслим, «Сaлят», 222); «Аллахым, Сени анъып, зикир этмек, ниметине шукюр этмек, Санъа энъ гузель шекильде ибадет этмек ичюн бизге ярдым эт» (Эбу Давуд, «Витир», 26).

Раим Гъафаров: «Эдждатларымызнынъ бизге къалдыргъан бутюн эманетлерге саип чыкъайыкъ!»

Опубликовано:

Бугуньки субетдешимиз, миллетимизнинъ келеджеги ве бугуньки вазиети акъкъындаки фикирлеринен пайлашты… Къырым Муфтисининъ ярдымджысы Раим Гъафаров. Раим оджа, билемиз ки, имамлыкъ фаалиетинден эвель сиз тиджаретнет огърашып, фаркълы девлетлерде чалыштынъыз… Тюркиеде окъугъан вакъытларымда бир ширкетте тыш тиджарет мудири олып чалышмагъа башладым, бунынъ саесинде дюньянынъ бир чокъ ерини вазифем боюнджа зиярет эттим.. Дженюбий Африка, Алмания, Италия, Полония, Чехия, Сербия, Акърусие, Къазахистан, Катар, Дубаи киби ерлерге бармагъа къысмет олды. «Дин анълайышлары чокълашкъан бу вакъытларда озь эдждатларымызнынъ ёлуны, мезхебимизни ве Эхли Суннетни къорчаламакъ керекмиз!» Сизинъ омюр ёлунъыз диний фаалиетнен багълы олгъаныны не заман анъладынъыз? 15 яшында олгъанда, диний тасиль алмакъ ичюн, Тюркиеге кеттим, озюмни фаркълы сааларда тапмагъа тырыштым. Амма эр кеснинъ къадер адында бир баш язысы бардыр. Озюмни башкъа бир ишке атсам, аят бир сильтем берип, мени кене озь ёлума къайтара эди. Бу ёлнынъ меним ёлум олгъаныны даа зияде мында, Къырымда, анъладым, чюнки къайткъан сонъ, мында оджаларгъа, имамларгъа ихтиядж бар олгъаныны корьдим. Кендинъиз акъкъында тариф этинъиз… Не ерде догъдынъыз, тасильни къайда алдынъыз? 1982 сенеси Самаркъанд шеэринде догъдым. Бабам музыка дерси оджасы, анам ресим оджасы олып чалыштылар. 1990 сенеси Къырымгъа, къартбабаларымнынъ яшагъан Акъ-Шейх районына келип ерлештик. 1997 сенеси Муфтилигимиз тешкиль эткен имтиандан кечип, Тюркиеге окъумагъа кеттим. Анда Имам-Хатип лицейинде, ондан сонъ Иляхият факультетинде ве аспирантурада окъудым. Эвлийим, огълум бар. Омюраркъадашым да Муфтиликте чалыша. Озюмизни буюк Муфтият къорантасынынъ бир парчасы, деп саямыз. Сиз, эсасен, Къырым, Ватаннен багълы шиирлерни язасынъыз. Сизни не ильхамландыра? Энъ севимли дёртлюгинъиз бармы? Омюр бою бир чокъ ерни барып корьдим, фаркълы ерлерде яшадым ве анъладым ки, эр кеснинъ озь Ватаны бар. Къартбабаларымыз бизни бошуна мында къайтармады. Шиирлеримде, Къырымгъа севги ашламагъа тырышам. Мени, Къара денъиз, Къырымнынъ эр кошеси ильхамландыра. Бутюн сатырлар юрегимден чыкъкъаны ичюн, эписи къыйметлидир. «Диний Идаремиз, диний тасиль алмагъа истегенге эр тюрлю имкянларны тапмагъа азыр» Сиз, Къырым Муфтисининъ ярдымджысы олып, имамлар иле чалышасынъыз. Бугунь Къырымда диний маарифнинъ тенденциялары акъкъында тариф этинъиз. Муфтиятымыз бу ёлда буюк ишлер япа, бугуньде бугунь диний тасиль алмакъ ичюн, ич бир маниа ёкъ десем, янълыш олмаз. Бизим вакъытымызда бойле фырсатлар ёкъ эди. Бугунь хафиз олмакъ истесенъ, ал санъа Хафызлыкъ медресеси, имам олмакъ истесенъ, ал санъа Къалай мед-ресеси бар. Алий тасиль аладжам, десенъ, энъ гузель университетлерде окъумагъа имкянынъ бар. Ёкъ, энди яшым кечти, амма динимни, ибадетимни огренмек истейим, коюмде моллалыкъ япмагъа истейим, десенъиз, «Халкъ медресеси», бутюн джамилеримизде Къуран окъувы курслары чалыша. Къадынлар ичюн Къырымнынъ дёрт кошесинде къадын оджаларымыз дерс бере. Балачыкъларымыз ичюн «Файдалы илим» маариф лейхасы хызмет косьтере. Къырымдаки тасильнинъ йылдызы олгъан «Зынджырлы медресе» де Диний Идаремизге къайтарылды, иншаллах, заман иле бу мешур окъув юрты, эвельде олгъаны киби, тасиль ёлуны айдынлатаджакъ. Диний Идаремиз диний тасиль алмагъа истегенге эр тюрлю имкянларны тапмагъа азыр. Бугунь имам насыл олмалы? Имам сабырлы, ферасетли олмакъ керек. Имам джемаатынынъ огюнде оладжакъ, аркъасында дегиль. Ватанында миллетинен берабер олмакъ керек. Энъ муим къыйметлеримизни – динимиз, тилимиз, адетлеримизнинъ къорчаланмасы ичюн, къолундан кельгенини япмалы. Буны япкъанда, кимсенинъ лафындан къоркъмамакъ керек. Япкъан ишини де бир тек Аллах ризасы ичюн япмалы. «Имамларымыз, Къырымда эзанлар сусмасын, джамилер чалышсын, деп, эр вакъыт ог сыраларда ер алдылар» Имамлар инсанларнен чалышып насыл меселелерге расткеле? Джемаатнен чалышмакъ пек къыйын, эр кеснинъ табиаты фаркълы, эр кеснинъ сыкъынтылары бар. Аллах эписинден разы олсун. Имамлар озь вазифелерини эйи севиеде эда этмекте. Къырымда эзанлар сусмасын, джамилер чалышсын, деп, эр вакъыт ог сыраларды ер алдылар. «Къырымда озь-озюни эр джеэттен таныгъан янъы несиллер етиштиреджекмиз!» Миллетимизнинъ келеджегине даир не акъта тюшюнмели? Тарихкъа бакъынъыз, бир кунь къайтырмыз деп, уйкен несиль Къырым асретинен яшады. Авдет этип ерлештик. Эвлеримизни къурдыкъ. Балаларымыз окъуй, чалыша. Башкъа миллетлернен достане яшап, Ватанымызны эп берабер гузеллештиреджекмиз. Джамилер, мектеплер, медреселер, багъ-багъчаларны къураджакъмыз. Къырымда озь-озюни эр джеэттен таныгъан янъы несиллер етиштиреджекмиз! Миллетнинъ келеджеги маневий, медений ве маддий тарафтан зенгин олмасы ичюн, эр бир къырымтатары не япмалы? Эр кес: «Мен бугунь не япабилем, насыл файда кетиребилем», деп тюшюнмек керек. Келеджегимизнинъ гузель олмасы ичюн, бугуньки фырсатларны къулланмагъа, бугуньки кунюмизни гузеллештирмеге тырышмакъ керекмиз. Бутюн сааларда фааль олмалымыз. Окъуйыджыларымызгъа тилеклеринъиз!.. Эдждатларымызнынъ бизге къалдыргъан бутюн эманетлерге саип чыкъайыкъ! Миллетимизге сагълыкъ-селяметлик, акъыл-ферасет, эр девирни гузель этип анъламагъа тилейим. Динимизге, тилимизге, адетлеримизге, эдждатларымызнынъ бизге къалдыргъан бутюн эманетлерге саип чыкъайыкъ! Бирлик-бераберликте озь Ватанымызда яшап, инкишаф этмемизни тилейим!   ЭВЕЛИНА Аблязова

«Медресемиз эм диний, эм илим саасында энъ юксек дереджеге етмели!»,  – Эмир-Асан Умеров

Опубликовано:

Бу сене Ислям илимлери Къалай медресеси 20 йыллыгъыны къайд этти. Рубрикамызнынъ мусафири Къырымда екяне медресенинъ мудири Эмир-Асан Умеров. Эмир-Асан оджа, мудир вазифесинде насыл чалышып башладынъыз? Бу вазифеге тайин этилювинъизнен медреседе денъишмелер олдымы? Ильк оларакъ, медреседе иляхиятны битирген сонъ, 2005-2006 окъув сенеси тербиеджи ве оджа оларакъ чалыштым. Даа сонъра, окъувгъа киргенимден себеп, медреседен айырылдым. 2014 сенеси медресеге къайтып, окъув ишлери боюнджа мудир муавини оларакъ чалыштым. 2015 сенеси исе, Муфтилик тарафындан мудир оларакъ тайинлендим. Ишке башлагъан сонъ, тасильни даа юксек дереджеге котермек меселелери боюнджа чалыша эдик. Бу джерьяннынъ нетиджеси оларакъ, медресемиз орта ихтисаслы диний мусульман окъув юрту оларакъ бельгиленди, девлеттен тасиль лицензиясыны алды, Бутюнрусие мусульман диний окъутув стандартларына якъынлаштырылды, мектеп дерслери тертипке кетирилип, мустакъиль шекильде бильги алмакъ сыфатында берилип башланды. Къалай медресесинде окъумагъа истегенлер насыл талапларгъа уймакъ керек? Шимди медресемиздеки талебелернинъ сайысы 50 дживарындадыр. Янъы къабул этюв оларнынъ сайысыны 100-ге чыкъармагъа умют этемиз. Медресемизге 9 сыныфны битирген ве даа илери яшта олгъанлар къабул этиле. Яш сынъыры – 20 яшкъа къадар. Медресемизге кельген талебелернен мулякъат (собеседование) кечириле. Сагълыгъы еринде олып, аттестатындаки баалар келишкен олса, къабул этемиз. Медресемизнинъ эсас макъсады - самимиетни ашламакъ, динни севдирмек, ислямий яшайыш тарзыны менимсетмектир Сизге, эсасен, генч балалар окъумагъа келе, яни месулиетинъиз чокъ буюк. Балаларны окъуткъанда неге дикъкъат айырасынъыз? Медресенинъ эсас макъсадларындан бири – Ислям динини огретип, тасиль бермекнен берабер – талим-тербиедир. Яни самимиетни ашламакъ, динни севдирмек, гузель алышкъанлыкълар ве ислямий яшайыш тарзыны менимсетмектир. Бунъа коре, ярамай ве зарарлы адетлернинъ къаршысыны алмакъ, эр вакъыт сайгъылы ве догъру сёзлю олмакъ – талебелеримиз ичюн эсас корьгенимиз меселелердир.   Медресе мезунлары айны заманда орта мектепни битиреми? Мектеп оджалары тарафындан дерс   корьген талебелеримиз йылда эки кере мектепке барып, эр бир фенден имтианларжан кечелер, бойледже, сонъунда Майское миллий мектеби аркалы аттестатларыны алалар. Бундан да гъайры, девлет имтианларыны бермек ичюн оджалар балаларнен айрыджа чалышалар. Талебелер диний тасильни къайсы окъув юртларында девам эте? 3 йыл девам эткен тасильден сонъ, талебелеримиз алий окъув юртларына да кирмелери мумкюн. Ал-азырда мезунларымыз Къазанда ве Тюркиеде чешит иляхият факультетлеринде окъумакъталар. Сиз насыл окъув юртуны битирдинъиз? Мен де 2000 сенеси Къалай медресесини битирдим. Сонъра Баку Ислям университетининъ Закатала шубесини ве Къырым муэндислик-педагогика университетинде къырымтатар тили ве эдебияты боюнджа магистратураны екюнледим.   Медреседе омюр аркъадашынъызнен берабер чалышасынъыз. О, Сизинъ муавининъиз ола. Берабер чалышмакъ къолаймы? Къолай. Затен медресенинъ спецификасы ойле ки, меселелерни кимерде куньдюз де,  гедже де чезмек керек ола. Бойле олгъанда, Ислям динининъ де насиатларыны козь огюне алсакъ, омюр аркъадашларынынъ медресени идаре этмеси даа къолай ве догърудыр. Медресемизни, эр кес баласыны бермеге истеген бир окъув юртуна чевирмеге истеймиз!   Илериде огюнъизге насыл макъсадлар къоясынъыз? Медресемиз эм диний, эм илим саасында энъ юксек дереджеге етмели, эр кес баласыны бермеге истеген бир окъув юртуна чевирмеге истеймиз!   Къалай медресеси бугунь «Зынджырлы медресенинъ» ишини девам эте, деп айтмакъ мумкюнми? Эльбетте. Биз айны ишни япамыз. Ялынъыз бир фаркъ бар, о да – Зынджырлы медресе алий окъув юрту функциясыны аль эте эди, биз исе – орта тасиль муэссисесидир. Медреседе окъугъанларынынъ Къырымда Ислям динини огренильмеси ве халкъкъа хызмети буюктир Бу 20 йыл ичинде Къалай медресеси Къырымда Ислямнынъ даркъатылувы саасында неге иришти? Мен беллесем, медреседе окъугъанларнынъ Къырымда Ислям динини огренильмеси ве халкъкъа хызмети буюктир. Муфтилик эркянында чалышкъан имам ве дин оджаларынынъ чокъусы – медресе мезунларыдыр. Муфтилигимизнинъ арзусы – Зынджырлыда Ислям институтыны янъыдан джанландырмакътыр! Бугунь Къырымда Ислям университетининъ ачылувында ихтиядж бармы? Бар. Медресени битирип, даа темелли алий тасиль алмагъа истегенлер узакъ ерлерге барып окъумакъ меджбурлар. Олар Къырымнен алякъалы спецификаны пек бильмей къалалар. Бу да келеджекте проблемлерге ёл ача биле. Бунъа коре, бир халкъ озь келеджегини озю азырламагъа истесе, маневий тасильнинъ бутюн дереджелерини озю къурмакъ керек. Муфтилигимизнинъ чокътан берли арзусы – Зынджырлыда Ислям институтыны янъыдан джанландырмакътыр. Аллах бизге буны якъын арада насип этсин. Сизнинъ арзунъыз? Бутюн гунахларымызгъа рагъмен, Аллахнынъ мерхаметине сыгъынып, якъынларымызнен берабер Онынъ разылыгъына наиль олмакъ. Бу дюньяда исе – халкъымызгъа Ислям динине сарылып, Хакъ узьре бирлик олмакъ, динимизни джанландырмакътыр.   ЭВЕЛИНА Аблязова

Къырымда «Элял» сертификациясыны насыл алмакъ мумкюн?

Опубликовано:

Сонъки йыллар девамында «Элял» ашайтларыны сатын алгъан инсанларнынъ сайысы эп арта. Инсанлар, дикъкъатыны «Элял» сертификаты иле ашайтларгъа айыра. Амма базыда, «Элял» тамгъасы, бойле сайылмагъан махсулгъа да къоюла. «Элял» – хусусий бир анъламдыр ве Сертификатны алмакъ ичюн, базы къаиделерге уймакъ керектир.   2008 сенесинден башлап, Къырым ве Севастополь шеэри мусульманлары диний идареси эркянында «элял» махсулатларынынъ сертификациясы ве стандартизациясы болюги чалыша. Болюк, махсулатлар ишлеп чыкъарылгъан низамы, махсулатларгъа ве хызметлерге нисбетен талапларны, айваннынъ кесилюв къаиделери ве чалышкъан инсанларгъа нисбетен талапларны тешкере. Талапларгъа уйгъан ширкетлер, Къырым мусульманлары диний идаресининъ «Элял» Сертификатыны ала. Мезкюр ширкетлернинъ махсулатлары устюнде КЪМДИ логотипи къоюла. «Элял» тамгъасы иле сатылгъан ашайтлар чокъ олгъанына бакъмадан, базы махсулатлар «эляллыкъ» талапларына уймай. Базыда исе, мевджут олмагъан диний идарелер тарафындан берильген сертификатлар да къоюла.   КЪМДИ «Элял» болюгининъ мудири Ридван Максудов: «Махсулатларгъа сахте «элял» тамгъаларынынъ къоюлувындан оны ашагъан мусульманлар зарар коре. Керчек сертификатларны алгъан ширкетлерге де буюк зарар ола, чюнки олар къаиделерге бойсунып, дикъкъат иле чалышса да, муштерилернинъ сайысы азлаша. Бундан да гъайры, сахте «Элял» тамгъасыны къойгъан инсанлар да зарар коре, чюнки бу ялан ичюн олар Къыямет куню месулиетли оладжакъ», - деп айтты ве: «Элял» сертификатларыны алмагъа истеген ширкетлерге ярдым этмеге азырмыз. Бу бизим ишимиз. Эр кес Аллахтан къоркъып, онынъ разылыгъыны къазанмагъа истегинен ишини намус иле япмакъ керек», деп иляве этти.  

Эсадуллах ве Зейнеп Баировлар: аилемиз, ишимиз — бизим аят тарзымыздыр

Опубликовано:

Къорантанъызнынъ фаалиети акъкъында чокъусы окъуйыджыларымыз яхшы биледир. Амма фырсаттан файдаланып, окъуйыджыларымызны сизнен даа якъын таныш этмеге истеймиз. Эсадуллах оджа, Сиз насыл къорантада догъдынъыз? Тасильни не ерде алдынъыз?  Мен Къазахистанда Алма-Ата шеэрининъ Каскелен больгесинде 1980 сенеси догъдым. Бабам илим адамы эди, анам исе институтта месулиетли кятип вазифесинде чалышты. Мен 9 яшында олгъанда Къырымгъа кочьтик, Сары-баш коюнде ерлештик. О заман Къурманда тюрк лицейи бар эди. 10-11 сыныфларны анда битирдим, сонъра исе Къалай медресесинде де бир йыл окъуп, Тюркиеде Анкара университетининъ теология факультетинде тасилимни девам этим.Динге севгини сизге ким ашлады?  Эсадуллах оджа: Ислямгъа севги аиледен кельди. Къартбабам молла олып, арапча яза, окъуй эди. Иште, онынъ орьнегинде биринджи кере динге севги кельди. Зейнеб оджа, сизинъ балалыгъынъыз насыл кечти? Къайда окъудынъыз?  Мен Озьбекистанда 1987 сенеси догъдым. Бабам муэндис, анам спорт устасы оларакъ зенаат алды. Къырымгъа биз 1989 сенеси Къалай коюне авдет олдыкъ. Мектеп чагъындан башлап бизде дин курслары ачылды ве 7 яшында олгъанда Къуран окъув курсларына къатнамагъа башладым. Къалайда къыз медресеси ачылгъанда, мен энди 13 яшкъа кельген эдим ве оджаларымыз медресе даа ачылмаздан эвель мени ве татамны якъын койлерге оджалыкъ япмагъа ёллагъан эдилер. Тамам шу йыллары медресе ачылды ве биз къомшу койлерде эм оджалыкъ япа эдик, эм де медресеге окъумагъа кирдик. 15 яшкъа кельгенде мен энди медресени битирдим ве айны о ерде мени башта бир тербиеджи, сонъра исе оджа оларакъ чалышмагъа давет эттилер. [caption id="attachment_22885" align="alignnone" width="199"] Эсадуллах Баиров[/caption] Айны оджалыкъ фаалиетине башламагъа насыл къарар алдынъыз?  Эсадуллах Баиров: Бизим Ислям динимизде бойледир: «Бир элиф бильсенъ биле, оны башкъасына огретмек керек. Аллах акъкъында бир малюматынъ олса, оны башкъаларнен пайлашмакъ керек». Онынъ ичюн белли бир бильгилерни алгъан сонъ, оджалыкъ да онынъ артындан кельген бир нетиджедир. Чюнки огренген сонъ огретмек ваджиптир, бу мусульманнынъ борджудыр. Биз де энди бу борджны ерине кетирмеге тырышамыз. Зейнеб Баирова: Эльбетте, эр бир инсаннынъ арзусы ола. Ве шахсен мен озюмни артист оларакъ коре эдим. Амма мен озь санамны таптым. 12 яшында олгъанда биринджи кере дерске оджа оларакъ кирдим. Оджалыкъ фаалиетинъизде зорлукълар олдымы?  Зейнеб Баирова: Эбет, ишке башлагъанда базы зорлукъларгъа расткелесинъ. Амма медресе меним инсан оларакъ шекилленгенимде, аятымда динге хызмет эткенимде буюк бир роль алды. Чюнки медресе инсангъа тек илим дегиль де, бир яшайыш тарызыны огрете. Эсадуллах Баиров: Медресеге 2003 сенеси оджалыкъ япмагъа кирдим. О вакъытлары медреседе дерсликлер, программа ве дигер агъырлыкълар олгъанына бакъмадан, энъ муими - балачыкъларымыз медресеге Ислям дининден бир хабери олмайып келелер. Медреседе учь йыл девамында дин илимини огренип, коюне къайтып, энди имамлыкъ япаджакъ севиеге етишмеси - бизге буюк кучь, рух бере. Чюнки япкъан хызметлеринъ бир фидандан теречик олып, осип, мейва бермеге башлагъаныны коресинъ. Оджа ичюн энъ муими будыр. Бугунь-де-бугунь гъурурлангъан талебелер, мезунларынъыз бармы? Зейнеб оджа: Аллахкъа шукюрлер олсун, чалышкъаным энди 17 йыл олды. Бу вакъыт ичинде пек гузель бир нетиджелерге ириштик. Шимди бизим талебелеримиз дерсликлерни азырлай, терджимелер япа ве олар бизим умумий бир гъурурымыздыр. Бугунь Къырым боюнджа 80-ге якъын дин оджасы олса, оларнынъ аман-аман 99 файызы Къалай къыз медресесининъ талебелеридир. Эсадуллах оджа: Ракъамларны бельгилесек, огъланлардан 120-ге якъын имамларымыз - медресени битирген инсанлардыр. Яни Къырымда не ерге бакъсанъ, медресе битирген ве бу иште хызмет эткен имам я да къадын оджасы олмагъан бир кой ёкътыр. Аиленъизни не вакъыт къурдынъыз?  Эсадуллах оджа: Аллах ойле япты ки, яречигим янымда олгъан экен, арамызда олды-оладжакъ 50 метр бар экен. Айры бир корпусларда чалыша экенмиз. Иште, сагъ олсунлар аркъадашларымыз бираз козюмизни ачтылар. Зейнеб оджаны корьдим ве бундан сонъ бири-биримиз ичюн яратылгъанымызны анъладыкъ. Таныш-билишмемиз узун сюрьмеди, къышта таныш олсакъ, язда тоюмыз олды. 2008 сенеси биз Къалайдан Акъмесджитке къатнап башладыкъ. Муфтилик эркянында генчлернен чалышмагъа башладыкъ. Иште, 2008-2011 сенелери арасы бизим бир аягъымыз Муфтиликте, бир аягъымыз Къалайда эди. 2011 сенеси Акъмесджитке кочьтик. О заман мен басма ишлери иле мешгъуль олдым. 2013 сенеси исе Муфти бейнинъ тайининен Муфти ярдымджысы олдым. Медреседен тыш къызлар ичюн фаалиет ёкъ эди. Амма бириси буны башламакъ керек эди. Иште, Зейнеб оджаны да медреседен чыкъаргъанымызнынъ себеби бу эди. Сизинъдже, бахтлы къорантанынъ сыры недир?  Зейнеб Баирова: Аллахкъа шукюрлер олсун, 13 йыл берабермиз, Аллах назардан сакъласын. Севги дуйгъусыны Аллах Тааля инсангъа насыл берсе, оны къорчаламакъ, сакълап къалмакъ керектир. Ве бу ерде эм къадын, эм эркекнинъ пайы пек буюк. Къорантада умумий дегерликлерге дикъкъат этмек керек. Эсадуллах Баиров: Къоранта зор бир меселе, джемиетнинъ темелидир. Билемиз ки, шейтан бу мевзуда энъ буюк душман - эм апай, эм акъайгъа аягъыны тайдырмагъа чалыша. Онынъ ичюн бири-биринъизге бойле багъланмакъ керек ки, шейтанынъ аранъызгъа киреджек, сокъуладжакъ бир ери олмасын. Пейгъамберимиз айта ки, «Къадынынъызнынъ бегенмеген бир тарафлары олса, оларгъа чокъ дикъкъат этмемек керек. Гузель, кучьлю, севиледжек тарафларына бакъмакъ керек». Къач баланъыз бар?  Эсадуллах Баиров: 4 балачыгъымыз бар. Биринджи къызымыз Сурея 2006 йылнынъ баласы, мектепке 6-джы сыныфкъа къатнай. Сонъ Али 2009 сенеси догъды, шимди 3 сыныфта окъуй. Ве даа Мелике ве Айбике къызчыкъларымыз бар. Олар 2011 ве 2013 йылларнынъ балалары. [caption id="attachment_22883" align="alignnone" width="300"] Эсадуллах ве Зейнеп оджаларнынъ балалары: Сурея, Али, Мелеке, Айбике[/caption] Ишке чокъ вакъыт сарф этмек керек. Я аиленъизге, балачыкъларынъызгъа вакъыт къаламы?  Зейнеб Баирова: «Бунынъ эписи Аллахнынъ иши. Ве бизим аилемиз, ишимиз, балаларымыз бир бутюнлик киби олып къалды. Аллахкъа шукюрлер олсун, мен буны Аллахнынъ рахмети, ярдымы оларакъ корем. Къоджа ве къадынгъа бир ерде чалышмагъа агъырмы я да ёкъ? Зейнеб Баирова: Эгер бу иш аят тарзы олса, ич проблем ёкъ. Бизим аилемиз ве ишимиз исе – бу бизим аят тарзымыздыр. Балаларынъызнынъ тербиесинде энъ чокъ неге дикъкъат этесинъиз?  Зейнеб Баирова: Меним ичюн биринджиси бу оларнынъ Аллахкъа олгъан багълылыгъыдыр. Биз балаларымызгъа ябанджы тиль огрете билирмиз, чешит фенлер огрете билирмиз. Амма онынъ Аллахкъа багъы бутюнлей къорантасына багълы. Эсадуллах Баиров: Бунынънен берабер балагъа динни радикаль олмагъан шекильде огретмек керек. Балачыкъ балалыгъыны яшамакъ керек. Бирде-бир хоббинъиз бармы?  Эсадуллах Баиров: Бош вакъытта аилемизнен хобби оларакъ, Къырымнынъ гузель ерлерини кезмеге къарар алдыкъ. Зейнеб Баирова: Сонъки кере Багъчасарайгъа баргъан эдик, Коккозьге. Коккозьнинъ джамилерини кездик, койнинъ табиатыны, къобаларыны, учансувларыны кезип чыкътыкъ. Келеджекке планларынъыз, арзуларынъыз акъкъында тариф этинъиз? Эсадуллах Баиров: Планлар кене де бизим хызметимизнен багълы. Халкъымызнынъ гъайып олгъан диний, миллий къыйметлеримизни тиклемек, сакълангъанларыны исе кучьлетмек ве келеджек несильге бермектир. Эминмиз ки, илериде халкъымызны пек гузель, парлакъ келеджек беклей. Ве биз де бу ёлнынъ ёлджумыздыр. Халкъымыз тарихта къаладжакъ девирде яшай. Фикиринъиздже, шимди миллетимиз неге даа чокъ дикъкъат этмели? Неге ынтылмакъ керекмиз?  Эсадуллах оджа: Асылында, кечиджи ве эбедий къыйметликлер бар. Кечиджи къыйметликлерге де сарылмакъ керек, яни пара къазанмакъ, араба алмакъ, эв къурмакъ керек. Бу догърудыр. Амма эбедий къыйметликлер де бар, оларнынъ этрафында тюшюнмек керек, оларнынъ этрафында ишни, кучьни бирлештирмек керектир. Эльбетте, девлеттен истеген шейлеримиз чокъ, амма биз халкъ оларакъ, озь-озюмизге не япа билемиз? Мисаль ичюн, къырымтатар мектеплеримиз, сыныфларымыз бар, лякин бу къырымтатар сыныфына къатнайджакъ талебе тапылмай. Мына бу бизим дердимиздир. Зейнеб Баирова: Инсан дюньяны къуртарырым дей, лякин кенди къорантасыны къуртарып оламай. Яни биз халкънынъ умумий келеджеги акъкъында тюшюнемиз, амма янымызда олгъан озь эвлядымыз насыл бир несиль оладжагъындан хаберимиз ёкъ. Аллах биле, ярын о бириси кунь девлетимиз де ола билир. Амма бу осеяткъан несиль не къадар къырымтатар олып къаладжакъ. Шимди бизни меракъландыргъан асыл меселе будыр. Яни эр бир ана-баба, къартана ве къартбаба озь якъын чевресинде, дамла-дамла буюк бир дерьягъа акъкъан озь фаалиетини ве бу миллетке иссесини къошаджакъ озь аилесинден башлап бакъ-макъ керек.

Юность Пророка (с.а.в.)

Опубликовано:

Юность и молодые годы Пророка (салляллаху алейхи ве селлем) прошли в нравственной и физической чистоте. Он был ограждён от напастей и духовных болезней джахилии. Однажды у него спросили: — О, Ресулюллах, поклонялись ли Вы кому-нибудь, кроме Всевышнего? — Нет, — ответил он. — Вы употребляли спиртное? — Никогда. Даже в то время, когда мне ещё не были известны Книга и Ислам, я знал, что все действия людей в моём окружении являются неверием — куфром (Диярбакри, 1, 254—255). Умму Айман рассказывала: «Мушрики-курайшиты ежегодно собирались вокруг идола по имени Бубана и проводили обряды. Эбу Талиб тоже решил пойти на празднование и предложил юноше Мухаммеду присоединиться. Тот отказался, после чего попал под шквал упрёков дяди и тёток: «Мы переживаем, что ты отрицаешь наших богов, как бы ни случилось чего с тобой!». И так сильно на него надавили, что юноша согласился выйти из дома, а вскоре затерялся в толпе. Когда Мухаммед вернулся, лицо его было белым как полотно. — Что произошло с тобой? — забеспокоились тётки. — Я боюсь, как бы ко мне не притронулись джинны, — ответил он. Женщины попросили объяснить, что произошло. Мухаммед начал рассказывать: — Как только я стал приближаться к идолу, то увидел высокого мужчину в белом. Он предупреждал меня: «Ни в коем случае ко мне не прикасайся и вернись обратно домой». Это был единственный случай, когда Мухаммед оказался среди идолопоклонников, и после этого не участвовал ни в одном праздновании». Молодые годы Пророка (салляллаху алейхи ве селлем) отличались целомудренностью. Всевышний защитил его от поступков, которые могли лишить стыдливости. Когда ремонтировали постройки возле Каабы и заново отстраивали её фундамент, Мухаммед был ещё юношей и участвовал в этой работе вместе со своим дядей Аббасом. Они в жару поднимали тяжёлые булыжники, и Аббас предупредил: «Мухаммед, подними одежду повыше на плечи под камень». Юноша попытался поправить ткань, но упал. В те времена люди не придавали большого значения одежде и не стремились прикрывать тело. Однако будущий Пророк никогда не открывал свой аврет перед посторонними. Посланник Аллаха (салляллаху алейхи ве селлем) признавался: «Я всего лишь дважды попробовал совершить поступки в традиции людей джахилии, но Всевышний защитил меня. Однажды ночью я пас овец вместе с несколькими ребятами из племени курайш. Я попросил своего друга присмотреть за моей отарой и направился в Мекку, чтобы посмотреть на развлечения молодёжи. Когда я приблизился к городу, то услышал свист. Мне объяснили, что женится один мужчина. Я присел и стал смотреть в ту сторону. Именно в тот момент Всевышний навёл на меня дремоту, и я заснул, не сходя с места. Клянусь Аллахом, я проспал до самого утра, не поучаствовав ни в одном из развлечений. Затем я вернулся, и друг поинтересовался, как я провёл время. Я признался, что ничего не смог сделать, и рассказал ему о том, что со мной произошло. В следующую ночь повторилось то же самое, и я опять заснул. И с тех пор я не направлялся ни к чему плохому» (Ибн Исхак, стр. 58—59; ибн Кесир, «Эль-Бидае», 2, 292). В юности Мухаммед занимался только полезными делами. Как известно, он пас овец, чтобы помочь дяде. Позже Пророк (салляллаху алейхи ве селлем) скажет об этом: «Любой посланник Всевышнего был пастухом». — И вы тоже? — спросил асхаб-ы кирам. — Да, за определённую плату я пас овец мекканцев (Бухари, «Иджара», 2, «Энбия», 29; Ибн Мадже, «Тиджарат», 5). В 12 лет он отправился в дальнее путешествие вместе со своим дядей и вёл торговые дела (Эбу Нуайм, «Даляиль», 1, 168). Одна из богатых женщин Мекки, благочестивая Хадиже, предложила повзрослевшему Мухаммеду руководить караваном, так как увидела в нём человека правдивого, честного и умеющего вести торговлю. Все обязанности Пророк (салляллаху алейхи ве селлем) выполнял очень чётко и получал хорошую прибыль (Хаким, 3, 200 / 4834).  Будущий Пророк успешно вёл дела вместе с некоторыми людьми. Мекканский купец Саиб бин Эби Саиб рассказывал: «Однажды я подошёл к Пророку, и сахабы наперебой стали рассказывать ему обо мне хорошие вещи. Он же отметил, что знает меня лучше, чем кто бы то ни было. Я воскликнул: «Ты правду говоришь, когда-то мы были компаньонами, да ещё какими дружными! Ты не спорил и отлично улаживал конфликтные ситуации» (Эбу Давуд, «Эдеб», 17 / 4836). Абдуллах бин Эбиль Эмса рассказывал: «Я ходил с ним вместе за покупками ещё до ниспослания пророческой миссии. И как-то раз я оказался ему должен. Я попросил его подождать, пока я сбегаю домой и принесу деньги, но забыл о своём обещании. Через три дня я вдруг вспомнил и пришёл к тому месту. Пророк был верен своему слову и ждал меня. Но он не обиделся и не стал укорять, а только заметил: «Ты причинил мне неудобство, уже давно я жду тебя здесь» (Эбу Давуд, «Эдеб», 82 / 4996). Будущий Пророк был сострадательным и приходил на выручку тем, кто нуждался в помощи.      Однажды он помог торговцам, которые пришли в Мекку и продали свой товар, но не получили деньги за него. После этого случая совместно с дядей Мухаммед основал общество «Хыльфуль-фудуль», которое защищало права несчастных. После он так рассказывал об этой организации: «Вместе с дядями я был в доме Абдуллаха бин Джудана. Там проходило собрание членов этого общества. И мне так приятно было там находиться, что если бы взамен мне дали красных верблюдов или величайшие земные ценности, то я бы вовсе не обрадовался им. И если меня снова позовут помогать другим людям, то я обязательно приму это приглашение» (Ибн Кесир, «Эль-Бидая», 2, 295). Юный Мухаммед уважительно относился к семье, родственникам, соседям, помогал им во всём. В его поступках отражались проницательность и ум. Расцвет жизни он наполнил добрыми делами и составил хорошее мнение о себе.   Эрвин ДЖЕППАРОВ 

Муфтий мусульман Крыма хаджи Эмирали Аблаев

Опубликовано:

 Эмирали Сеитибраимович Аблаев родился 11 июля 1962 года в селе Дальверзин Бекабадского района Ташкентской области Узбекской ССР. В 1978 году закончил Дальверзинскую среднюю школу №11. Он рос в религиозной семье, которая, несмотря на все преграды советской атеистической власти, смогла сохранить Ислам и передать его основы своим детям. Будучи молодым Эмирали Аблаев, как и многие его сверстники крымские татары, включается в борьбу крымскотатарского народа за возвращение на свою историческую Родину. (далее…)

Заместитель Муфтия мусульман Крыма Айдер Исмаилов

Опубликовано:

Айдер Сулейманович Исмаилов родился 24 мая 1977 года в городе Маргилан Ферганской области Узбекской ССР. В 1978 году его семья переехала в Краснодар (РСФСР), а затем в 1987 в Крым. Поселилась семья Айдера Исмаилова в городе Бахчисарай. В 1994 году окончил Бахчисарайскую среднюю школу №2, а в 1995 году поступил на теологический факультет Сельджукского университета в г. Конья Турецкой Республики. Закончив в 2001 году обучение в Сельджукском университете, получил квалификацию «богослов, преподаватель основ Ислама». В том же году поступил в аспирантуру на кафедру «Исламского права» Института социальных наук Мармаринского университета г. Стамбула (Турция). В 2004 году защитил диссертацию на тему «Религиозно-правовые вопросы, возникшие в среде крымских татар и поиски путей решения» и получил ученую степень кандидата наук Исламского права (фикх). По окончанию аспирантуры вернулся в Крым и с 2004 по 2008 годы преподавал в Азовском медресе высших исламских наук при Духовном управлении мусульман Крыма. В 2008 году на IV Курултае мусульман Крыма был избран заместителем Муфтия Крыма. В 2011 году на очередной отчетно-выборной конференции общественной организации «Азизлер» был избран председателем организации. В 2013 году после V Курултая мусульман Крыма, по решению Совета Духовного управления мусульман Крыма был вновь выбран заместителем Муфтия мусульман Крыма. 06 ноября 2018 года Советом ЦРО Духовное Управление Мусульман Республики Крым и г. Севастополь Айдер Исмаилов вновь переизбран заместителем Муфтия Крыма. Айдер Исмаилов женат, воспитывает двоих сыновей и двоих дочерей.

Заместитель Муфтия мусульман Крыма хаджи Эсадуллах Баиров

Опубликовано:

Эсадуллах Талятович Баиров родился 22 сентября 1980 года в поселке Каменка, Каскеленского р-на, Алма-Атинской области, Казахской ССР. В 1989 году родители переехали в Крым, и семья Эсадуллаха поселилась в селе Сары-Баш Первомайского района. В 1997 году окончил Красногвардейский лицей и поступил на теологический факультет Анкарского университета в г. Анкара Турецкой Республики. Закончив в 2003 году обучение в Анкарском университете получил квалификацию «богослов, преподаватель исламских наук». (далее…)

СОВЕТ ДУХОВНОГО УПРАВЛЕНИЯ МУСУЛЬМАН КРЫМА (Решение №4)

Опубликовано:

15.09.2010 г. г. Симферополь На собрании Совета Духовного управления мусульман Крыма от 15.09.2010 г. были приняты следующие решения, зафиксированные в протоколе собрания под №4: (далее…)