Источник Мудрости - Страница 2 из 5 - ЦРО ДУМКЦРО ДУМК | Страница 2

Пятница

29

мая

6
Шевваль
1441 | 2020
Утр.3:01
Вос.4:51
Обед.12:46
Пол.16:48
Веч.20:30
Ноч.22:20
Времена намазов
Календари 2020г

Намаз

Издания Галерея

Источник Мудрости - Страница 2 из 5 - ЦРО ДУМК

Здравствуй, школа!

Опубликовано:

На успешность ребёнка в школе и лёгкую адаптацию влияет ряд факторов. Развитие ребёнка – это взаимодействие многих составляющих: семьи, информационной среды, окружения и познавательной активности ребёнка. К моменту поступления ребёнка в школу, у него должны быть достаточно развиты интеллектуальные, физиологические и психологические навыки. С этой задачей хорошо справляются в детских садах или центрах по подготовке к школе. Если же ребёнок не посещает такого рода заведения, вся эта ответственность остаётся на родителях. Все мы хотим воспитать успешную личность, но что мы подразумеваем под этим понятием? Чего ожидаем, отдавая ребёнка в школу? Обучения в престижном саду/школе, похвалу учителей, отличных оценок, признания в коллективе или желания ребёнка учиться? Родители успешных учеников проживают с ним всё: радость, опасения, трудности. Важно говорить с ребёнком, уметь его выслушать и помочь. Неотъемлемая часть восточной культуры и лучший семейный психолог – это круглый стол (къона). Собравшись за столом, каждый ощущает свою важность и нужность в семье. Иногда это единственное время, когда все сидят вместе. Нужно интересоваться прожитым днем, отношениями с друзьями – всё это тонкие мостики, которые держат наши отношения с ребёнком теплыми и живыми. Отбить желание учиться очень просто, а вот поддерживать познавательный интерес ребёнка требует усилий. Так, можно ввести добрую традицию: каждую неделю, например, вечером, в пятницу, выбрать наугад какую-либо страну. Почитать или посмотреть видео о ней. Изучить природу, традиции. Узнать, как будет «спасибо», «пожалуйста», «люблю» на языке этой страны. Это несложное занятие, которое объединит всю семью вокруг одного общего дела. Непринужденно что-то изучать, искать в книгах, безусловно, весело и полезно. Известно, что самооценка ребёнка формируется под влиянием оценки близких ему людей. Когда родители реально оценивают достижения ребёнка, уделяя больше внимания успехам, чем ошибкам. Это укрепляет веру ребёнка в свои силы. Такая методика называется «эффектом зелёной ручки». Доказано, что фокусируясь на успехах, ребёнку легче исправлять ошибки. Мы же привыкли всё исправлять «красной ручкой». То есть нужно не подчёркивать недостатки, а выделять то, что получилось лучше всего. Примеры этому есть и в жизни Пророка Мухаммеда (с.а.в.). Для успешного обучения в школе немаловажна и развитая самостоятельность ребёнка. Ответственность за выполненное домашнее задание, тетради в портфеле, сменную одежду должен нести сам ребёнок. Забыв один раз что-то и, понимая последствия – так, методом проб и ошибок, развивается внимательность, самостоятельность и ответственность. Период адаптации – сильный стресс для ребёнка. Поэтому нужно проявлять больше заботы, любви и внимания! Эмине Асанова

ПЕЙГЪАМБЕРИМИЗГЕ ДЖЕННЕТТЕ ЯКЪЫН ОЛМАКЪ

Опубликовано:

Ахирет куню Хазрети Адемден итибарен къыяметке къадар келеджек бутюн инсанлар, бир арагъа топланаджакъ ве эр кес, о замангъа къадар ич ис этмеген буюк бир къоркъу, дешет ве сыкъынты ичинде оладжакъ. Къыяметтеки о дешетни, къоркъуны ве пешманлыкъны яшамамакъ ичюн, бу дюньяда бизге ёл косьтерильген. Ресулюллах Эфендимиз (с.а.в.): «Шуларны япсанъыз, о дешетли куньде манъа энъ якъын инсанлардан олурсынъыз ве селяметке иришир-синъиз», – деп, буюргъан. Буларнынъ энъ муимлерини бойле сыраламакъ мумкюн: 1. Бутюн инсанлар ичюн девамлы эйилик тюшюнген бир къальпке саип олмакъ ве Суннет узьре бир аят яшамакъ. Энес бин Малик (р.а.) дей ки: Ресулюллах (с.а.в.) манъа: «Ич кимсе ичюн гонълюнъде бир ярамайлыкъ ташымайып, кунюнъни кечирип олсанъ, ойле яп!», – деп, буюрды. Сонъра да шойле девам этти: «Бу меним суннетимдендир. Ким меним суннетимни яшатса, кесен-кес мени севген. Ким де мени севсе, меннен берабер дженнетте оладжакъ» (Тирмизий, «Илим», 16/2678). 2. Етимлерни бакъмакъ. Аллах Ресули (с.а.в.) бир кунь: «Озь етимини я да башкъасына аит бир етимни имае эткен, къорчалап козеткен инсаннен мен дженнетте бойле ян-янаша булунаджакъмыз», – деп, буюргъан ве араларыны бираз ачып, ишарет пармагъынен орта пармагъыны косьтерген (Муслим, «Зухд», 42). Бу ривает о инсаннынъ дженнетте Пейгъамбер Эфендимизнен айны севиеде ола-джагъыны дегиль де, онъа не къадар якъын оладжагъыны ифаде эте. 3. Тул къалгъан бир ананынъ, етимлерини буютип етиштирмек ичюн, сыкъынтыларгъа къатланмасы. Ресулюллах Эфендимиз (с.а.в.): «Мен ве янакълары къараргъан къадын къыямет куню шу экиси (ишарет ве орта пармакъ) киби ян-янаша оладжакъмыз! О къадын ки, акъайынынъ олюми себебинен тул къалгъандыр, сою ве гузеллиги ериндедир. Бутюн буларгъа рагъмен (эвленмез) ве етимлери буюк олгъангъа я да ольгенге къадар озюни оларгъа багъышлар», – деп, буюргъан (Эбу Давуд, «Эдеб», 120-121/5149). Бу ана аятынынъ сонъуна къадар балаларынынъ ихтияджлары ве тербиелеринен мешгуль олур. Бу себептен, чокъ сыкъынты чеккени ве озюни бакъамагъаны ичюн, бедени ипраныр ве юзюнинъ ренки денъишир. 4. Балаларымызнынъ, хусусан, къыз балаларнынъ тербиесине ве етиштирильмесине эмиет бермек. Ресулюллах (с.а.в.) бойле буюргъан: «Эвинде баласынынъ тербиесинен мешгъуль олгъан мусульман къадын, дженнетте меннен берабер оладжакъ» (Суютий, «Джамиус-сагъыр», I, 104/3002). Кене Эфендимиз (с.а.в.): «Ким эки къыз баланы етишкинлик чагъына кельгенге къадар буютип, тербие этсе, къыямет куню о ве мен бойле ян-янаша оладжакъмыз», – деп буюргъан ве пармакъларыны бирлештирген (Муслим, «Бирр», 149). 5. Чокъча саляват кетирмек. Ресулюллах Эфендимиз (с.а.в.) бойле буюргъан: «Къыямет куню инсанларнынъ манъа энъ якъын олгъаны – манъа энъ чокъ саляват кетиргенлердир» (Тирмизий, «Витир», 21). 6. Пейгъамбер Эфендимизни ве якъынларыны севмек. Ресулюллах Эфендимиз (с.а.в.), бир кунь, Хазрети Хасан иле Хазрети Хусеиннинъ элинден тутып, бойле буюргъан: «Ким мени, бу экисини, буларнынъ баба ве аналарыны севсе, къыямет куню меннен берабер олур» (Тирмизий, «Менакъыб», 20/3733). 7. Дюньягъа къапылып ахиретни унутмамакъ. Хазрети Айше (р.анха) анълаткъан: Ресулюллах Эфендимиз (с.а.в.) манъа бойле буюрды: «(Дженнетте) манъа къавушмакъ истесенъ, санъа дюньядан бир ёлджунынъ азыгъы къадары етер. Сакъын зенгинлернен берабер чокъ олма! Бир урбаны, ямавы олмадан, эски оларакъ сайма!» (Тирмизий, «Либас», 38/1780). Озюнден даа зенгин кимселернен берабер чокъ олгъан инсан, олардаки зенгинликке авес этип, сыкъынтыгъа тюшер ве хузуры къачар. Онъа берильген ниметлерни кичик кореджеги ичюн шукрюни акъкъынен ерине кетиралмаз. Анджакъ, Эфендимизнинъ тевсиесине уйып, дюньялыкъ хусусында озюнден ашагъыдакилерге, дин хусусында исе, устюндекилерге бакъса, эм шукюр вазифесини даа гузель ерине кетирир, эм де динини кунь-куньден даа гузель яшамагъа башлар. 8. Аз ашамакъ ве аз къонушмакъ. Ресулюллах Эфендимиз (с.а.в.) бойле буюргъан: «Эй, Эбу Зер! Ашамакъны ве къонушмакъны азалт! Бойле япсанъ, дженнетте меннен берабер олурсынъ!» (Али Муттакъий, «Кензуль-уммаль», III, 770/8704). Аллах Ресули Эфендимизге (с.а.в.) якъын олмакъ не буюк бир ниметтир! Бу лютуфкъа наиль олмакъ ичюн, уяныкъ давранаракъ эльдеки фырсатны дегерлендирмек керек.   Мустафа Аджибекиров

Пейгъамберлер – Аллахны анълаткъан реберлердир

Опубликовано:

Аллаху Таалянынъ инсанлар ичинден сайлап чыкъаргъаны энъ тербиели, энъ ахлякълы, энъ акъыллы, энъ мерхаметли ве энъ догъру инсанлар – пейгъамберлердир. Оларнынъ эписи инсанларны Аллахкъа иман этювге давет эте эдилер. Пейгъамберлер (алейхимус-селям) ич кимсенинъ япып оламайджагъы муджизелер косьтердилер. Муджизелер пейгъамберлернинъ догърулыгъыны исбат эткен аджайип ишлердир. Муджизени корьген инсанлар Аллахнынъ бар олувына, онынъ пейгъамберине ве эндирген китабына инанмакъ кереклер. Муджизелернинъ базылары булардыр: девенинъ къаядан чыкъувы, асанынъ йылангъа чевирильмеси, олюлернинъ тирильтилюви, айнынъ экиге болюнюви, сувнынъ пармакълар арасындан чыкъувы ве башкъаларыдыр. Муджизени корьген инсанлар ичинде пейгъамберге инангъанлар олгъаны киби, пейгъамберни яланлагъанлар да бар эди. Инангъан инсанлардан Аллах разы олды, инанмагъан инсанлар исе, даа яшагъан вакъытта Аллахнынъ лянетине огърап, джеза чектилер. Аллаху Тааля Къуран-ы Керимде бойле буюра: فَكُلّاً أَخَذْنَا بِذَنْبِهِ فَمِنْهُمْ مَنْ أَرْسَلْنَا عَلَيْهِ حَاصِباً وَمِنْهُمْ مَنْ أَخَذَتْهُ الصَّيْحَةُ و َمِنْهُمْ مَنْ خَسَفْنَا بِهِ الْأَرْضَ وَمِنْهُمْ مَنْ أَغْرَقْنَا وَمَا كَانَ اللَّهُ لِيَظْلِمَهُمْ وَلَكِن كَانُوا أَنْفُسَهُمْ يَظْلِمُونَ «Олардан эр бирини, гунахы себебинден, джезаландырдыкъ. Кимининъ устюне таш савургъан рузгярлар ёлладыкъ, кимини къоркъунч бир сес якъалады, кимини ернинъ тюбюне батырдыкъ, кимини де сувда богъдыкъ. Аллах оларгъа зулум этмей, аслы, олар озьлерине зулум эте эдилер» («Анкебут» суреси, 29/40 ает). Аллаху Тааля, пейгъамберлерни ве оларгъа уйгъан инсанларны джезадан къуртарды. ثُمَّ نُنَجِّي رُسُلَنَا وَالَّذِينَ آمَنُواْ كَذَلِكَ حَقّاً عَلَيْنَا نُنْجِ الْمُؤْمِنِينَ «Биз сонъра пейгъамберлеримизни ве, айны шекильде, иман эткенлерни къуртарырмыз. Инангъанларны, узеримизге бир бордж оларакъ, къуртараджакъмыз» («Юнус» суреси, 10/103 ает). Муджизелерни косьтермек ве инанмагъанларны джезаламакъ пейгъамберлернинъ догърулыгъыны косьтере ве февкъульаде олгъан, инсанлар япамагъан бир шейнинъ Аллах тарафындан япылгъаныны бильдире. Аллаху Тааля бунынъ акъкъында бойле буюра: وَإِن يُكَذِّبُوكَ فَقَدْ كَذَّبَتْ قَبْلَهُمْ قَوْمُ نُوحٍ وَعَادٌ وَثَمُودُ ۝ وَقَوْمُ إِبْرَاهِيمَ وَقَوْمُ لُوطٍ ۝ وَأَصْحَابُ مَدْيَنَ وَكُذِّبَ مُوسَى فَأَمْلَيْتُ لِلْكَافِرِينَ ثُمَّ أَخَذْتُهُمْ فَكَيْفَ كَانَ نَكِيرِ «(Ресулим!) Эгер олар (инкярджылар) сени яланджыгъа чыкъарсалар (шуны биль ки), олардан эвель Нухнынъ къавмы, Ад, Семуд, Ибрахимнинъ къавмы, Лутнынъ къавмы ве Медйен халкъы да (пейгъамберлерини) яланладылар. Муса да яланлангъан эди. Иште, мен о кяфирлерге вакъыт бердим, сонъ оларны якъаладым. Насыл олды меним оларны ред этювим (джезаландырывум)»! («Хадж» суреси, 22/42-44 аетлери). Эвельки миллетлернинъ эляк этилюви акъкъында кельген башкъа аетлерде де Аллах бу акъикъатны белли эте. Бойле аетлер Къуран-ы Керимде пек чокъ расткеле. Муджизелернинъ Аллахнынъ бар олувына делиль олмасы, Муса (алейхис-селям) вакътындаки сиирбазларнынъ седжде этмелеринден беллидир. Муса (алейхисселям) таягъыны атып, муджизе косьтергенде, сиирбазлар онынъ адий инсан олмагъаныны анъладылар. Ве бу аджайип ишнинъ ялынъыз Аллах тарафындан яратылгъаныны бильдилер. Нетиджеде, Аллахкъа инанып, седжде эттилер. Пейгъамберлернинъ муджизелери акъкъында Къуран-ы Керимде хабер этиле. Бундан гъайры, тарих китаплары бунъа шааттыр. Ким Къуран-ы Керимге инанмаса, тарих китапларына не айтаджакъ? Тарих китапларына инанмаса, эвельки къавмларнынъ эляк этильген ерлерине, оларнынъ ташлашкъан беденлерине насыл мана береджек? Аллаху Тааля бунынъ акъкъында бойле буюра: قُلْ سِيرُوا فِي الأَرْضِ ثُمَّ انظُرُوا كَيْفَ كَانَ عَاقِبَةُ الْمُكَذِّبِينَ «Айт оларгъа: «Ер юзюнде долашынъ, сонъ (пейгъамберлерни) яланлагъанларнынъ сонъу насыл олгъанына бакъынъ» («Энам» суреси, 6/11 ает). Башкъа бир аетте: وَعَاداً وَثَمُودَ وَقَدْ تَبَيَّنَ لَكُمْ مِنْ مَسَاكِنِهِمْ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ وَكَانُوا مُسْتَبْصِرِينَ «Ад ве Семудны да (эляк эттик). Сиз ичюн, (оларнынъ башына нелер кельгенини олар) отургъан ерлеринден ап-ачыкъ анълашылмакъта. Шейтан оларгъа япкъан ишлерини гузель косьтерип, оларны догъру ёлдан чыкъарды. Албуки, бакъып, коре биледжек вазиетте эдилер» («Анкебут» суреси, 29/38 ает). وَلَقَدْ أَتَوْا عَلَى الْقَرْيَةِ الَّتِي أُمْطِرَتْ مَطَرَ السَّوْءِ أَفَلَمْ يَكُونُوا يَرَوْنَهَا بَلْ كَانُوا لَا يَرْجُونَ نُشُوراً «(Ресулим!) Ант олсун, (бу меккели путперестлер) беля ве фелякет ягъмурына тутулгъан о больгеге бардылар. Я оны корьмей эдилерми? Ёкъ, олар ольгенден сонъ, тирильмекни умют этмейлер» («Фуркъан» суреси, 25/40 ает). (Тефсирлерде бу аетте меккели мушриклернинъ тиджарет ичюн баргъанлары Шам сеферлери эснасында инкярджылыкълары ве сапыкъ ёлда инатлыкъ этювлери себебинден таш ягъмурынен эляк этильген Лут къавмынынъ къалымтыларыны корьгенлерине ве кене де ибрет алмагъанларына ишарет этильгени анълатыла). Юкъарыда орьнек оларакъ кетирильген бу аетлер шериатны къабул эткенлерге де, инкяр эткенлерге де делильдир. Муджизенинъ пейгъамберлер тарафындан япылгъаны Къуран-ы Керимде, хадис-лерде, тарих китапларында анълатыла. Биз Аллаху Тааляны танымагъа истесек, Къуран-ы Керимге бакъамыз; Аллаху Тааляны бизге анълаткъан Пейгъамберимизнинъ сёзлерине ве косьтерген муджизелерине бакъамыз; Аллаху Тааля яраткъан шу Кяинатны тедкъикъ этемиз. Бу учь хаберджи бизге Аллахны таныттыра, бизни Аллахкъа якъынлаштыра. Этрафымыз бизге Аллахны таныттыра, амма бизим ичимиз, юрегимиз, акълымыз, фытратымыз бизге нелер акъкъында хабер эте? «Акъл-ы селим» деп, айткъанымыз, «догъру тюшюнген акъыл», Аллахнынъ бар олгъаныны къабул эте. Эр бир инсан, догъгъанындан берли, Яратыджыгъа къул олгъаныны ве Онъа мухтадж олгъаныны дуя. Чюнки бу, козь огюндеки салтанатнынъ пек буюк ве пек кучьлю бир султаны олгъаныны анълай. Эр бир инсан пек яхшы анълай ки, бойле мукеммель къурулгъан бир дюньянынъ, мукеммель бир яратыджысы бар. Аллаху Тааля бойле буюра: فَأَقِمْ وَجْهَكَ لِلدِّينِ حَنِيفاً فِطْرَةَ اللَّهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللَّهِ ذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لَا يَعْلَمُونَ «(Ресулим!) Сен юзюнъни ханиф оларакъ, динге чевир. Бу – Аллахнынъ инсанларны узеринде яраткъаны фытраттыр. Аллахнынъ яратувында денъишме ёкътыр. Иште, дос-догъру дин будыр; факъат инсанларнынъ чокъусы бильмейлер» («Рум» суреси, 30/30 ает). Пейгъамберимиз (салляллаху алейхи ве селлем) бойле буюргъан: «Эр бир сабий (балачыкъ) фытрат узьре догъгъан». Аллаху Тааля бойле буюра: وَإِذْ أَخَذَ رَبُّكَ مِن بَنِي آدَمَ مِن ظُهُورِهِمْ ذُرِّيَّتَهُمْ وَأَشْهَدَهُمْ عَلَى أَنْفُسِهِمْ أَلَسْتَ بِرَبِّكُمْ قَالُوا بَلَى شَهِدْنَا أَن تَقُولُوا يَوْمَ الْقِيَامَةِ إِنَّا كُنَّا عَنْ هَذَا غَافِلِينَ «Къыямет куню, биз бундан хаберсиз эдик, демезсинъиз, дие Раббинъ, Адем огъулларындан, оларнынъ беллеринден зурриетлерини чыкъарды, оларны озьлерине шаат тутты ве деди ки: «Мен сизинъ Раббинъиз дегилимми?». (Олар да): «Эбет (бунъа) шаат олдыкъ, дедилер» («Араф» суреси, 7/172 ает). Эр бир инсан Аллахны танымакъ къабилиетинен яратылгъан. Пейгъамберлер инсанларгъа бойле сеслене эдилер: قَالَتْ رُسُلُهُمْ أَفِي اللَّهِ شَكٌّ فَاطِرِ السَّمَاوَاتِ وَالأَرْضِ يَدْعُوكُمْ لِيَغْفِرَ لَكُمْ مِنْ ذُنُوبِكُمْ وَيُؤَخِّرَكُمْ إِلَى أَجَلٍ مُّسَـمًّى قَالُوا إِنْ أَنْتُمْ إِلاَّ بَشَرٌ مِثْلُنَا تُرِيدُونَ أَنْ تَصُدُّونَا عَمَّا كَانَ يَعْبُدُ آبَآؤُنَا فَأْتُونَا بِسُلْطَانٍ مُّبِينٍ «Пейгъамберлери деди ки: «Коклерни ве ерни яраткъан Аллах акъкъында шубе бармы? Албуки, О, сизинъ гунахларынъыздан бир къысмыны багъышламакъ ве сизни муайен бир вакъыткъа къадар яшатмакъ ичюн, сизни (хакъ динге) чагъыра». Олар дедилер ки: «Сиз де бизим киби бир инсандан башкъа бир шей дегильсинъиз. Сиз бизни аталарымызнынъ табынгъан шейлеринден дёндюрмек истейсинъиз. Ойле исе, бизге ап-ачыкъ бир делиль кетиринъ»! («Ибрахим» суреси, 14/10 ает). Инсан огълу, башына бир сыкъынты кельсе, аман корьмеген, эшитмеген Раббине сыгъынмагъа башлай, джан-юректен ялвара: وَإِذَا مَسَّ النَّاسَ ضُرٌّ دَعَوْا رَبَّهُمْ مُنِيبِينَ إِلَيْهِ «Инсанларнынъ башына бирден бир сыкъынты кельсе, Рабблерине ёнелерек, Онъа ялваралар» («Рум» суцреси, 30/33 ает). قُلْ مَنْ يُنَجِّيكُمْ مِن ظُلُمَاتِ الْبَرِّ وَالْبَحْرِ تَدْعُونَهُ تَضَرُّعاً وَخُفْيَةً لَّئِنْ أَنْجَانَا مِنْ هَـذِهِ لَنَكُونَنَّ مِنَ الشَّاكِرِينَ «Айт: «Ернинъ ве денъизнинъ къаранлыкъ-ларындан (телюкелеринден) сизни ким къуртарыр ки?». (О вакъытта) Онъа гизли-гизли ялвараракъ: «Эгер бизни бундан къуртарсанъ, ант олсун, шукюр эткенлерден оладжакъмыз», – дие дуа этерсинъиз» («Энам» суреси, 6/63 ает). Бойле инсанлар бир телюкенен къаршылашкъанда, Аллахны танырлар ве анарлар, амма эр шей яхшы олгъанда, кимсеге боюн эгмеге истемез ве кимсеге шукюр этмезлер. Лякин, инсаннынъ ичи де, тышы да, азалары да, юреги де, руху да, бедени де Аллахны таныттырыр, Онынъ гузель эсери олгъаныны бильдирир. Ондан башкъасы да буны япамаз. Бойле мукеммель яратылыш анджакъ ве анджакъ коклерни ве ерни яраткъан Аллах тарафындан бар ола билир. Биз эп берабер Раббимизге шукюр оларакъ «Ихдинас-сыраталь-мустакъим» – Аллахым, бизни догъру ёлгъа ириштир», – деп, хидаетининъ девамлы олмасыны истемек керекмиз.   Рамазан АСАНОВ  

Хассане (радыяллаху анха)

Опубликовано:

«Достсыз инсан – къанатсыз къуш», – деп, айткъан эдждадымыз. Керчектен де, бу омюрде эпимизнинъ омузымызны ясланаджагъымыз, сырларымызны[1] айтаджагъымыз, шартсыз севеджегимиз бир досткъа ихтияджымыз бар. Достлукъ – севгеннинъ севильгенде озь хусусиетлерини корьмесинден ола. Биз насыл олсакъ, достларымыз, чевремиз да ойле ола. Инсаннынъ досту – санки бир  кузьгю кибидир. Пейгъамберимиз (с.а.с.) бир хадисинде бойле буюрды: «Яхшы достнен ярамай достнынъ мисали; къокъу саткъан адамнен комюр якъкъан адамгъа ошай…»[2] . Къокъу саткъан адам янында насыл олсакъ, хош къокъумагъа башласакъ, комюр якъкъан адамдан да устюмиз къокъуйджакътыр. Къургъанымыз достлукъ, бойледже, бизни я мусбет[3], я да менфий тарафкъа денъиштирмеге башлай. Керчек достлукъ эки юрек арасындаки къавий бир багъдыр. Бугуньки къараманымыз, Курейш апайлары арасында белли, Хазрети Хатидженинъ (р.а.) энъ якъын досту эди. Эвельки ады Джусаме эди. Амма Пейгъамберимиз адыны «Хассане», – деп, денъиштирди. Белли олгъаны киби, ад – инсангъа пек тесир эткен, онынъ табиатыны биле шекиллендирген бир хусустыр. Пейгъамбермимиз (с.а.с.) манасы хош олмагъан адларны денъиштире эди. Джусаме арапчадан – «тембель, юкъуджы», Хассане исе – «пек гузель» манасына келе. Айше (р.а.) анълата: «Хазрети Хатидженинъ вефатындан йыллар кечкен сонъ, бир кунь къарт бир апайчыкъ мусафирликке кельди. Пейгъамберимиз (с.а.с.): «Кимсинъ сен?» – деп сораса, «Адым Джусаме Эль Музениййе», – деп джевап берди апай. Пейгъамберимиз (с.а.с.): «Ёкъ, сен Хассанесинъ. Насылсынъ? Шимдигедже нелер яптынъ?» – деп сорады. Хассане: «Анам, бабам санъа феда олсун, эй, Аллахнынъ Пейгъамбери! Яхшым, санъа  етип кельдим», – деп, джевап берди. Хассане чыкъкъан сонъ, Хазрети Айше (р.а.) Пейгъамберимизге: «Бу апай ким эди? Не ичюн онъа о къадар урьмет косьтердинъ?», – деп, меракъланды. Пейгъамберимиз (с.а.с.): «О, Хатидженинъ якъын досту эди. Вефа[4] исе  имандандыр!» – деди». Кимериде Пейгъамберимизге (с.а.с.) бир бахшыш берильгени вакъыт, оны Хассанеге еллагъаны да ола эди. Бойледже, якъынларымызнынъ да достларыны унутмайып, оларгъа эйилик этмек гузель бир арекеттир. Аллах олардан разы олсун! [1] Сыр – тайна, секрет [2] Муслим, Бирр, 146 [3] Мусбет – положительный [4] Вефа, садакъат – верность   Эмине Асанова

Якъуб (а.с.) ве огълу Юсуф (а.с.)

Опубликовано:

Исхакъ алейхиʼс-селямнынъ огълу Якъуб (а.с.) Кенан мемлекетинде яшагъан инсанларгъа ёлланылгъан бир пейгъамбер эди. Онынъ Медъенде я да Шам топракъларында дoгъгъаны ривает этиле. Хазрети Якъуб Ийс адында къардашынен эгиз оларакъ дюньягъа кельген. О, Ийстен сонъ дюньягъа кельгени ичюн де онъа «пешинден кельген» манасында Якъуб ады берильген. «Якъуб» адынынъ башкъа бир манасы да «сафветуллах», яни «Аллах саф ве темиз къылгъан къулы». Якъубнынъ (а.с.) лагъабы исе, Исраильдир. Бу да «Аллахнынъ къулу» манасына келе. Хазрети Якъубнынъ несилинден бир чокъ пейгъамбер кельген. Хазрети Муса, Хазрети Харун, Хазрети Давуд, Хазрети Сулейман, Хазрети Зекерья, Хазрети Яхъя ве Хазрети Иса алейхимуʼс-селям (Аллахнынъ селямети оларнынъ устюнде oлсун) пейгъамберлерининъ сою Хазрети Якъубдан келе. Чюнки бабасы Исхакъ (а.с.) союндан пейгъамберлер ве укюмдарлар кельмеси ичюн дуа эткен. Ийс къардашы Якъубны куньлей эди. Анасы, эки къардаш арасында кечимсизлик oлмамасы ичюн, огълу Якъупны дайысынынъ янына ёллагъан. Дайысынынъ эки къызы бар эди. Буюгининъ ады Ляя, кучюгининъ ады Рахиль эди. Якъуб (а.с.) дайысына еди сене хызмет этти ве онынъ буюк къызы Ляя иле эвленди. Артындан еди сене даа дайысынынъ хызметинде олып, кичик къызы Рахильни де никяхлады. Якъуб (а.с.) таби олгъан шериатына коре, эки къыз къардашнен бирден эвленмеге мумкюн эди. Дайысы, къызларыны Якъубгъа бергенде, оларгъа хызмет япмалары ичюн эр бирине Зульфе ве Бельхе адларында бирер джарие де берген эди. Айырыджа, эки джарие де Якъубкъа эдие эткен эди. Хазрети Якъубнынъ Ляядан алты, джариелерден дёрт, Рахильден де эки огълу догъгъан. Рахильден узун бир вакъыт баласы олмагъан эди. Рахиль Аллах Таалягъа дуа этип ялварды ве онъа бир огъул Юсуф багъышланды. Артындан Буньямин адында экинджи огълу дюньягъа кельди. Дoгъумдан сонъ, къыркъынджы куню Рахиль вефат этти. Хазрети Юсуф дoгъгъан йылы Якъубгъа (а.с.) пейгъамберлик вазифеси берильди. Инсанларны тевхид инанчына давет этмеге башлагъанда, онъа Кен’ан дияры халкъындан чокъ кимселер иман эткен эди. Аллах Тааля ает-и керимелерде бойле буюра: «Биз онъа Исхакъ ве Якъубны багъышладыкъ ве эр бирини пейгъамбер яптыкъ. Оларгъа рахметимизден багъышлавда булундыкъ. Олар ичюн тиллерде (ве динлерде) юксек ве гузель бир нам къалдырдыкъ» («Мерьем» суреси, 19/49-50 аетлер); «(Эй, Мухаммед!) Къуветли ве басиретли къулларымыз Ибрахим, Исхакъ ве Якъубны да анъ. Биз оларны, хусусан, ахирет юртуны тюшюнген ихляслы кимселер эттик. Догърусы, олар бизим къатымызда сечильген эйи кимселердендир» («Сад» суреси, 38/45-47 аетлер). Пейгъамберимиз (с.а.в.) де бу пейгъамберлернинъ фазилети акъкъында бойле буюргъан: «Керим огълу Керим огълу Керим огълу Керим – (бу) Ибрахим огълу Исхакъ огълу Якъуб огълу Юсуфтыр» (Бухарий, «Энбия» 19, Тефсир 12/1). «Керим» сёзю – сойлу, асылзаде ве джумерт маналарыны ифаде эте. Юсуф (а.с.), эр ал ве арекетинен къардашларындан фаркълы эди. Даа кучюк яшындан берли бабасынынъ буюк севгисине наиль oлгъан эди. Чюнки Якъуб (а.с.), огълу Юсуфта озюнде олгъан хусусиетлерни коре эди. Бундан себеп онъа олгъан мейили дигер къардашлардан зияде эди. Oны чокъ севе, бутюн огъулларындан къыйметли тута ве ич янындан айырмай эди.   Къыссаларнынъ энъ гузели: Юсуф къыссасы. Юсуфнынъ (а.с.) икяеси Къуран-ы Керимде «ахсену’ль-къасас» (къыссаларнынъ, икяелернинъ энъ гузели) оларакъ ифаде этильген ве бу икяе мустакъиль бир суренен анълатылгъан. Ает-и керимеде буюрыла: «Юсуф ве къардашларында, (алмакъ) истегенлер ичюн аетлер (ибретлер) бар» («Юсуф» суреси, 12/7 ает). Юсуфнынъ (а.с.) икяеси, Аллах бильдиргенине коре, ибрет ве икмет толу бир икяедир. Юсуф икяеси ич бир китапта ве эсерде Къуран-ы Керимдеки къадар гузель ве белигъ усулнен анълатылмагъан. Убейй бин Ка’б, радыяллаху анхнынъ риваетине коре, Ресулюллах, салляллаху алейхи ве селлем, бойле буюргъан: «Къулларынъызгъа Юсуф суресини огретинъиз! Чюнки эр анги бир мусульман, oны язып аилесине ве къулуна огретсе, Аллах Тааля онынъ секерат-ы мевтини (олюм анындаки сыкъынтыларыны) къoлайлаштырыр. Ич бир мусульмангъа асет этмеге де такъат буламаз!» (Земахшери, «Кешшаф», III, 98). Юсуф (а.с.) къардашларынынъ пахыллыкъларына огърап, къуюгъа атылмакъ ве зинданда апс этильмек мусибетлерине огърагъан. Такъвасы, ихлясы нетиджесинде Аллах Тааля Юсуфкъа (а.с.) Джебраильни ёллагъан, бир чокъ лютфларда булунып, oны теселли эткен. Беляларгъа къаршы даянмакъ кучюни берген. Даа сонъра онъа къувет, шереф ве укюмдарлыкъ багъышлагъан. Озю бир чокъ сыкъынты, зулум ве эзиет корьген Юсуф (а.с.) укюмдарлыкъ йылларында зайыф, ярдымгъа мухтадж, фукъаре ве гъариплерге мерхаметнен даврангъан. Билинмели ки, ким «Юсуф» суресини oкъумагъа, юксек ве терен маналарыны тюшюнмеге девам этсе, Юсуфнынъ (а.с.) наиль олгъан севинчтен насибини алыр. «Юсуф» суреси, сайылып оламайджакъ къадар икмет ве ибретлернен толудыр. Бу суреде пейгъамберлик, къуллукъ, апсхане, тюш (руя) табири, сабыр, айрылув, ашкъ ве ашыкъ олмакъ, беля вакътында кучьлю олмакъ ве душманнынъ зарар ве зулумларына къаршы сабыр косьтерюв, имтиан, къуллукъ, нимет, джезаландыраджакъ кучь ве такъат бар экенде, багъышлав, къадынларнынъ айнеджилик ве фитнелерине баш чыкъмакъ, азизлик киби икмет толу сырлар бар. Кене бу суреде Пейгъамбер мирасчылыгъы, Аллахкъа халифе oлмакънынъ сырлары, рух ве къальп киби руханий къувет анълатыла. Бу суреде Юсуф къаршысында Зулейха нефс-и эммарени (яманлыкъны эмир эткен нефсни – эго) темсиль эте. Анджакъ, даа сонъра мусульман oла, руху тербие корип, Аллахнынъ разылыгъына ирише. Ниаетинде, руху Юсуф иле бирлеше ве Аллахкъа эришкенге къадар, чеккен сыкъынты ве белялар да оны маневий тарафтан пишкинлик севиесине кетире. Бу суренинъ энмесине себеп олгъан адисе де шу: еудий алимлер мушриклернинъ реислерине келип, шойле деген эдилер: «Мухаммедден сoранъыз, бакъайыкъ! Якъубнынъ аилеси Шамдан Мысыргъа не ичюн кочьти ве Юсуф къыссасы недир?». Мушриклернинъ реислери де Хазрет-и Пейгъамберге (с.а.в.) келип, бу мевзуларны сорагъан. Ондан сонъ «Юсуф» суреси назиль oлды. Бу суре энген девирде Ресулюллахнынъ ве муминлернинъ башларына бир чокъ беля ве сыкъынты кельген эди. Пейгъамбер (с.а.в.) Хазрет-и Хатидже анамызны ве эмджеси Эбу Талибни гъайып эткен эди. Муминлер устюндеки баскъы ве эскендже де даа зияде арткъан эди. Иште, «Кедер сенеси», деп адландырылгъан бу заманда шу суре ёлланылгъан, эм Ресулюллах (с.а.в.), эм де сахабийлернинъ бу суре иле гонъюллери раат олды. Айырыджа, бу суреде Хазрет-и Пейгъамбернинъ ёлунда кеткен, мусибет ве беляларгъа къаршы сабыр эткен муминлер ичюн гъалебе якъын олгъаны мужделенген. Аллах Тааля «Юсуф» суресининъ биринджи аетлеринде бойле буюра: «Элиф. Лям. Ра. Булар, ачыкъ ве эр шейнинъ ачыкълайыджысы олгъан Китапнынъ аетлеридир. Тюшюнип манасыны анъламанъыз ичюн, Биз оны арапча бир Къуран оларакъ эндирдик. (Эй, Мухаммед!) Биз санъа бу Къуранны вахий этмекнен, кечмиш миллетлернинъ хаберлерини санъа энъ гузель бир шекильде беян этемиз. Акъикъат шу ки, сенинъ бундан ич хаберинъ ёкъ эди» («Юсуф» суреси, 12/1-3 аетлер).   Лейля УМЕРОВА

Хурафе. Мевтанен ведалашув

Опубликовано:

«Мевтаны-анда-менда айландырып туралар. Къайсы тарафкъа башыны къоймагъа бильмейлер. Шу мевта устюнде давалашып туралар». Биринджиден, айтайыкъ ки, мевтанынъ янында талашмагъа, давалашмагъа олмай. Якъынымызны джойдыкъ, эр кес тез къызабиле, лякин ачувланмайып сабыр этмеге тырышмакъ керекмиз. Динимиз, Хазрети Пейгъамберимиз (с.а.с.) бу вакъытларда даа зияде сабыр этмемизни тевсие эте. Олюм – бир яшавдан башкъа яшавгъа кечювдир, севгенимиз янымыздан кетти, деп, инсанлыкъ алы: агълаябилемиз, амма къычырмакъ, урба йыртмакъ ве исьян этмек олмаз. Мевтанынъ янында давалашмакъ да олмаз, бири-биримизге мерхаметнен янашмамыз керек ки, Аллах да эм мевтагъа, эм бизге мерхамет этсин. Усаме бин Зейд анълата: «Пейгъамберимизге олюм алында олгъан торуныны кетирдилер. Пейгъамберимизнинъ козьлери яшарды. Буны корьген Саад бин Убаде: - Эй, Аллахнынъ Ресули, бу недир?, – деди. Пейгъамберимиз: - Бу рахметтир. Аллах оны севген къулларынынъ юрегине къойды. Аллах бир тек йымшакъ юрекли къулларына мерхамет этер, – деп, буюрды ве кедерленювнинъ, агъламакънынъ табий бир шей олгъаныны айтты» (Бухарий, Дженаиз, 33; Муслим, Дженаиз, 6). Мевтаны яткъыздырув меселесине кельгенде, динимиз боюнджа инсанынъ аятында да, олюминде де, энъ гузель ятув – сагъ тарафында олып, козьлернинъ Къыблагъа бакъаджакъ шекильдедир. Бу меселени ачыкълагъан хадислерни сыралайыкъ: «Сизден бири Къыблагъа ёнельген вакъытында, Аллахкъа ёнельген олур» (Муснед, III, 24; Эбу Давуд, «Салят», 22). Бера Ибни Азиб р.а шу шекильде деди: «Ресулюллах (салляллаху алейхи ве селлем) яткъанында, узангъанында, сагъ тарафы устюне ята ве шу шекильде дуа эте эди: «Аллахым! Озюмни Санъа теслим эттим. Юзюмни санъа чевирдим. Ишимни Санъа ысмарладым. Ризаны истеп, азабынъдан къоркып, аркъамны Санъа таяндырдым, Санъа сыгъындым. Санъа нисбетен кене Сенден башкъа сыгъынакъ ёкътыр. Эндиргенинъ китапкъа ве ёллагъанынъ пейгъамберлерге инандым» (Бухарий, Даават 5: Бухарий, Вуду 75; Муслим, Зикир 56-58; Эбу Давуд, Эдеб,. 98). Бера Ибни Азиб (р.а.) шу шекильде деди:  «Ресулюллах (саллаллаху алейхи ве селлем) манъа: «Яткъанынъда юкълайджакъ вакъытында, намаз абдести киби абдест ал, сонъ сагъ янынъ устюне ят ве шу дуаны окъу ве бу дуанынъ сёзлерини ятмадан эвель сонъки сёз яп», деп буюрды (Бухарий, Вуду 75; Муслим, Зикир 56). Айше (радиаллаху анха) шойле деди: «Ресулюллах (салляллаху алейхи ве селлем) гедже он бир рекят намаз къыла эди. Саба танъ ери агъаргъанда, кыскъаджа эки рекят намаз къылар, сонъ муэдзин келип, саба эзаныны окъугъанына къадар сагъ яны устюне ясланып узана эди» (Бухарий, Даават 5; Муслим, Мусафирин, 121-122). Бильгенинъиз киби, юкъламакъ, дин боюнджа, кичик олюм сайыла. Онынъ ичюн сагъ тарафкъа ятып, бетимизнинъ Къыблагъа къаршы олмасына эм яшагъанымызда, эм ольгенимизде дикъкъат этмек керекмиз. Хузейфе (р.а.) анълата: «Ресулюллах (салляллаху алейхи ве селлем) гедже маалинде юкъламакъ истегенде, элини янагъынынъ астына къояр, сонъра да: «Аллахым! Сенинъ адынънен олюр, Сенинъ адынънен де тирилирим», дей эди. Юкъламадан уянгъанда: «Бизни ольдюргенден сонъ, тирильткен Аллахкъа хамд олсун. Тирильтмек бир тек Онъа махсустыр», – деп, буюра эди (Бухарий, Даават 7,8,16: Муслим, Зикр 59; Эбу Давуд, Эдеб 98; Тирмизий, Эдеб 28; Ибни Мадже, Дуа 16). Онынъ ичюн эр не къадар Ватанымызда бундан себеп тартышмалар яшанса да, догърусы сагъ янда ятып, бетимизнинъ Къыблагъа бакъмасыдыр. Ляхит, деп адландыргъанымыз къабирдеки ер, къабирнинъ ичинде къыбле тарафынынъ оюлмасынен япыла ве олю, юзю къыбле тарафына келеджек шекильде сагъ тарафы устюне ерлештириле.  Яни мезарда да эр кес бу шекильде яткъыздырыла.  Онынъ ичюн эвде, ляхитте, тенеширде мевтаны бу шекильде яткъыздырмакъ догърудыр. Олюм тёшегинде джан чекишкен кимсени (онъа зорлукъ олмаса) юзю Къыблеге къаршы кельмек узере сагъ тарафкъа чевирмек суннеттир. Башыны бираз юксельтип аркъасы устюне яткъыздырмакъ да джаиздир. Олюм тёшегинде яткъан кимсеге япылмасы керек олгъан биринджи иш – телкъиндир. Телькъин - келиме-и шехадетни оледжек адамнынъ янында, явашча айтылмасыдыр. Яни, «ля иляхе илляллах» демек керек ки, сонъ нефесинде иманыны тазелеп, ахиретке мусульман олып кочьмеге насип олсун. Амма, зорламагъа керекмей. Пейгъамберимиз (алейхисселям), бу меселенен алякъалы бойле буюрдылар: «Олюм (тёшегинде) яткъанларынызгъа Аллахтан башкъа илях олмагъанынынъ телкъинини япынъыз. Бу сёзни олюм анъында айткъан ич бир мусульман ёкътыр ки, бу сёз оны, Джехеннем атешинден къуртармасын» (Муслим, Несаи). Адам, рухыны Юдже Мевлямызгъа теслим эткен сонъ, чаре олса, урбаларыны денъиштирмек керек. Чюнки, оны сонъки кере корьмеге истейджек адамлар келеджек. Эгер урбалары темиз олса, денъиштирмеге керекмей. Мевта оданынъ къайсы еринде яткъызыладжагъы, къонакъбайнынъ одасынынъ япмасына коре денъише. Муими, кельген адамлар бири-бирине эзиет этмейип, мевтанен сонъки кере корюшип, башкъаларына да ёл ачмасыдыр. Мевта къыблагъа бакъаджакъ шекильде яткъызылыр, бойле имкян олмаса, аякълары къыблагъа бакъаджакъ шекильде яткъызыла. Башынынъ астына кичкене ястычыкъ къоюла. Аллах джумлемизге кемал бир иман устюнде сонъ нефеслеримизни бермеге насип эйлесин. Аллах яр ве ярдымджынъыз олсун!   Раим ГЪАФАРОВ  

Матуридитский мезхеб

Опубликовано:

В то время как в Ираке, Имам Абуль Хасан Ашари выступил против мутазилитов и разгромил их воззрения, в это же время в другой части исламского государства, в Средней Азии (мА вара нахр), правильно изложив постулаты акыды рациональными доводами разума, соответсвующих Корану и Сунне, выступил против ереси различных течений и в защиту вероубеждения Эхлю Сунна вель Джемаа великий ханафитский Имам, Эбу Мансур Эль-Матуриди! Которого по праву прозвали ученые Имамом Прямого Пути (Имамуль Худа), А также множество других прозвищ: Носитель Знамени сунны и джемаа Рофиу аълями суннати валь джемаа), Искоренитель заблуждений и бидъа («Къалиу адалили фитнати валь бидъа»), Имам Мутакаллимов и пр.! Все это указывает на его уровень знаний, и положение среди других ученых и его вклад в ислам! Также почета ему добавляет его связь с крупным Сподвижником Пророка с.а.с., первым у кого остановился Пророк с.а.с. в Медине, Эбу Эюбом Эль Энсари р.а.! Его имя Мухаммед ибну Мухаммед ибну Махмуд Эбу Мансур Эль-Матуриди. Родился в районе Матурид близ Самарканда в 233 году по хиджре. И является так же, как и Имам Ашари из праведных предшественников (саляфу салих), о которых сказано в хадисе! Ханафитскому фикху и другим религиозным дисциплинам обучался в Самарканде. Из его учителей называют Эбу Бекра Ахмада ибн Исхака, Эбу Насра Ахмеда ибн Эль-Аббаса (известного под именем Эль-Факих Эс-Самарканди), Насра ибн Яхью Эль-Бальхи и Мухаммеда ибн Мукатиля Эр-Рази. Впоследствии Эль-Матуриди сам преподавал фикх и келям. Его цепочка знаний передается через Эбу Наср Эль-Ийяди и Эбу Бекра Ахмеда ель-Джурджани, которые учились у Эбу Сулейман Эль-Джурджани, который, в свою очередь, у Имама Мухаммеда Эш-Шейбани и Кади Эбу Юсуфа, а те были самыми крупными учениками Имама Абу Ханифы р.а., который как известно взял знания от Хаммада бин Аби Сулеймана, а тот от Ибрахима Эн-Нехаи, а тот от Алькъама бин Къайса, который, в свою очередь, был учеником величайшего сподвижника Абдуллаха бин Масъуда р.а.. Также в хадис Посланника Аллаха с.а.с., который передал Ибн Хиббан в своем «Сахихе», и сказал хадис достоверный, также это подтвердили Хафиз ибн Абдульбар, и Хафиз Зайляи, что Пророк с.а.с. сказал: «Непременно будет завоеван Константинополь, и как прекрасно войско которое его завоюет, и как прекрасен его Эмир». А как известно, Константинополь был завоеван Эмиром Мухамед Фатихом, который был матуридитом, и чье войско состояло из ашаритов и матуридитов! И достаточно величия в адрес Имама Эбу Мансура, что все ученые эхлю сунна, упоминая его, называют Имам Прямого Пути (Имумуль Худа)!   Имам Матуриди написал множество книг, из них книги по усулю, акыде, фикху, тафсиру Корана, опровержение сект. Некоторые из них:   «Те’вилят ахли сунна» — тафсир Корана. (многотомник) «Эль-Макалят» – книга по исламским течениям «Махаз аш-Шарийа» — книга по фикху. «Китаб Эль-Мелекят фи’ль-Келям» — книга по келяму. «Книга о единобожии» («Китаб Эт-Тевхид») — изложил основы правоверного суннитского мировоззрения и подверг ожесточенной критике учения различных сект. «Радду Аваиль Эль-Адилля ли-ль-Каби ве-Байану Вахми’ль Мутазиля» — критика воззрений мутазилитов. «Ар-Радду аля Усули ль-Карамита» — критика воззрений карамитов. «Радду Китабу’ль Имама ли Базир-Рафавиза» — критика воззрений шиитов.   Имам Эбу Мансур Эль-Матуриди скончался в 333 г.х.  и был похоронен в Самарканде.. И закончить хочу словами крупного шафиитского муджтахида Имама Таджуддин Эс-Субки (717-771 х/1318-1370 м), он  сказал: «Знай, что Эхлю Сунна вель Джема’а, все они сошлись на одному убеждении в том, что обязательно (для Аллаха), возможно и невозможно. Несмотря на то, что они разошлись в принципах ведущих к этому или в (не понял этого слова). Если в общем перечислить, их (Эхлю Сунна) три группы: Первая группа: Эхлуль хадис (асариты), которые опираются только на шариатские тексты; Вторая группа: люди умственного рассуждения, и мысленной деятельности. Это ашариты и ханафиты. Шейх ашаритов – Эбуль-Хасан Эль-Аш’ари и шейх ханафитов — Эбу Мансур Эль-Матуриди. И они едины в логических принципах, во всех вопросах которые зиждутся на слухе, а в слуховых принципах, на том, что разум допускает возможность этого, и только. И логических, и слуховых в остальных. И едины они во всех вопросах убеждений, кроме вопроса бытия и вопроса таклида…» (Эз-Забиди, «Итхаф Эс-Садат аль-Муттакин», 2/6).   Амет АЛИЕВ

Зуннун эль Мисрий

Опубликовано:

772 йылында мысырнынъ Ихмим шеэринде догъды. Нубе аилесинден олгъаны айтыла. Асыл ады Севбандыр. «Зуннун» (балыкъ саиби, балыкъчы) бу лагъапнынъ алмасынынъ себеби оларакъ Феридуддин Аттар шу риваетни айта: Севбан бир кунь бир гемиге мине, гемидеки бир сатыджынынъ бир муджевхери джойыла, эр кес ондан шубелене ве онынъ устюнде эзиет этмеге башлай. Ниает, Севбан даянып оламай, «Эй, Раббим, Сен билирсинъ» дегенде, денъизде чокъ сайыда балыкъ пейда ола. Эр бирининъ агъызында бирер муджевхер бардыр. Элини денъизге узатып балыкълардан бирисининъ агъзындан муджевхерни алып сатыджыгъа берген Севбангъа, бу адиседен сонъра – Зуннун, деп айтмагъа башладылар. Зуннун эль Мисрий, Меккеге ве Еменге сеяхат этти; о ерде танышкъаны Имам Малик, Суфьян бин Уейне, Лейс бин Саад ве Фудайл бин Ияз киби алимлерден хадис къабул эткени айтылмакъта. Зуннунгъа коре авам (саде мусульман) гунах ишлегени, хавас (маневияты юксек инсан) гъафлетке тюшкени ичюн тевбе этер. Аллахкъа якъын инсан эр даим Онъа якъынлашмагъа тырышыр. Ариф (Аллахны таныгъан кимсе) беден иле инсанлар арасында олса да, юрек иле эр даим Аллахны анъар, Онынъ буюклиги ичюн танышыр. Ниль озенинде сеяхат япкъан вакътында инсанлар башкъа бир гемиде гунахкяр ве залим инсанларны корип, оларнынъ озенге батмасы ичюн, Зуннундан дуа истедилер. Зуннун исе башкъа дуа этти: «Юдже Аллахым! Бу инсанларгъа дюньяда хош бир омюр насип эткенинъ киби, ахиретте де хош бир омюр насип эт», деп дуа эткендир, этрафтаки инсанлар буны корип шаштылар ве геми якъынлашкъанда, залим инсанлар Зуннунны корип агълап тевбе эттилер. Зуннуннынъ, «Ашнен толу бир мидеде икмет олмаз», деп аз ашны сечкени айтыла. Онъа коре, сема (арекетлернен Аллахны анъмакъ, тюрк халкъында пек яйгъын бир дервишлер оюныдыр) ве музыка Аллахнынъ бир ильхамы олып, юреклерни Аллахкъа чевирир. Музыканы Аллахкъа якъынлашмакъ ичюн динълеген акъикъаткъа иришир, нефис иле динълеген исе гунахкяр олур. Эр буюк инсан киби Зуннун Мисрий де пек чокъ шейлернен мешгъуль олгъан. Иероглиф языларыны окъуябильген, тыббиетнен, химия ве метафизик илимлернен мешгъуль олгъаны айтыла, бундан башкъа, бир къач эсерлернинъ муэллифи олгъаны айтылмакътадыр. Эльбет, онынъ эсерлери бизим заманымызгъа къадар сакъланып къалмады, амма не къадар маневий ве юдже бир инсан олгъаныны коремиз. Алиме Аметова

Сахур ве ифтар

Опубликовано:

Рамазан оразасынынъ куньлюк аятымызгъа къазандыргъаны муим гузелликлерден бири де сахургъа (темчитке) турмакътыр. Пейгъамбер Эфендимиз (с.а.в.) сахургъа турып аш ашамакънынъ эмиетини анълатып, сахабелерине тевсие эткендир. «Сахур ашыны ашанъыз, чюнки сахурда берекет бардыр», – деп, буюргъандыр (Бухари, Савм 20). Башкъа бир хадисте исе: «Хурма, муминнинъ не гузель сахур ашыдыр» – буюраракъ (Эбу Давуд, Сыям, 16), хурманынъ файдасына дикъкъат чеккендир. Айрыджа, сахурда ашалгъан аш, ораза тутмагъа ярдымджы олур.  Пейгъамберимиз: «Куньдюз оразасы ичюн сахур ашындан, гедже намазы ичюн де уйле юкъусындан файдаланынъыз» – деп, буюргъандыр (Ибн Мадже, Сыйам 23). Гедженинъ сонъунда, яни саба намазына якъын бир вакъытта сахур япылмасы тевсие этиле.  Зейд бин Сабит (р.а.) шойле деген: «Биз Расулюллах (с.а.в.) иле бирликте сахур ашы ашадыкъ, сонъра да саба намазыны къылдыкъ» (Бухари, Савм 19). Эхл-и китап яни еудий ве христианлар иле биз, мусульманларнынъ, оразалары  арасындаки буюк фаркълардан бири, сахур суннетидир (Муслим, Сыям 46).  Бойледже, сахургъа турып бир ютум сув иле де олса, сахур япмакъ айрыджа бир эмиет къазанмакътадыр. Сахургъа турып бир шейлер ашап ичмек шарт дегильдир. Тевсие этильгендир, берекеттир ве суннеттир. Яни сахургъа туралмагъан кимсе оразасыны тутабилир, тутмалыдыр. Ифтар – ораза муддети екюнленген сонъ ашалгъан аштыр. Ифтар ачкъанда, аджеле этмек керектир. Ресулюллах шойле буюргъандыр: «Аллах Теала шойле буюрды: «Къулларымнынъ манъа энъ севимли олгъаны, ораза ачмакъта аджеле арекет эткендир» (Тирмизи, Савм 13). Рамазанда бир оразалыгъа ифтар бермекнинъ севабы буюктир. Ифтар бермек хусусында Пейгъамберимиз шойле буюрды: «Ким бир оразалыгъа ифтар эттирсе, ораза туткъан къадар севап къазаныр. Ораза туткъаннынъ севабындан да ич бир шей эксильмез» (Тирмизи, Савм, 82). Пейгъамберимизнинъ айткъанына коре, ораза туткъаннынъ севинеджеги эки ань бардыр: «Бириджиси, ифтар эткен вакъытта севинир, дигери де Раббине къавушкъан вакъытта оразасынынъ къаршылыгъына севинир» (Бухари, Савм, 9). Ресулюллах оразасыны хурманен ача эди, эгер хурма олмаса, сувнен ача эди. Пейгъамбер Эфендимиз (с.а.в.): «Сизден биринъиз оразасыны ачаджагъында, хурма иле ачсын. Чюнки о хурма, берекетлидир. Хурма тапалмагъан, сув иле ифтар этсин, чюнки сув темиздир», – деп, буюргъандыр (Эбу Давуд, Сыйам, 21). Ресулюллах Эфендимиз, ифтар вакъты киргенде, акъшам намазыны къылмадан эвель, бир къач тазе хурма иле ифтар эте эди. Эгер тазе хурма олмаса, бир къач къуру хурма иле оразасыны ача эди. Къуру хурма да олмаса, бир къач ютум сув иче эди. Мустафа Аджибекиров

Дуада мевлюд окъулгъанда, памукъкъа къокъулы сув (одеколон) тёкюлип мусафирлерге пармакъларына тийдирмек адети неге эсаслана?

Опубликовано:

Мусульманлар арасында девам эткен гузель адетлерден бириси де мевлюддир. Догъув заманы ве ери манасына кельген мевлюд, догърусы, мевлид, Пейгъамберимизнинъ (а.с.м.) догъгъан геджеси иле багълы къулланылгъан бир сёздир. Даа сонъ Пейгъамберимизнинъ догъгъан вакътыны, устюн васыфларыны анлаткъан шиирлерге де мевлид исми берильгендир. Пейгамберимизнинъ догъгъаны Ребиульэввель айынынъ 12-джи геджесини весиле этип, догъув геджеси (мевлид) мерасимлери кечирмек Хиджретнинъ 4-джи асырындан итибарен башлангъандыр. Даа сонъ бу адет яйгынлашып, бутюн Ислям мемлекетлеринде ве, хусусан, Османлыларда девам эткендир. Бугуньки Ислям мемлекетлеринде тюрлю-тюрлю тиллерде окъулгъан мевлидлер бар. Арапча Банед Суад, Бурьде ве Хемзийе касиделери бирер мевлиддир. Тюркий тиллерде исе йигирмиден зияде мевлид язылгъандыр. Лякин буларнынъ ичинде энъ чокъ окъунгъан, Сулейман Челебининъ 1409 йылында язгъаны Весилетюн-Неджат адлы мевлид китабыдыр. Къырымда да, мираджны анълаткъан болюми «Мираджие» окъулмайып, бу мевлид окъуна. Башта бир тек Пейгъамберимизнинъ догъгъан кунюнде окъунгъан ве кечирильген мевлид мерасимлери, даа сонъ бутюн мубарек геджелерде текрарлангъан, хусусан, мемлекетимизде даа да яйгъынлашып олюм, хасталыкъ ве даа бирталай весилелернен окъутылгъандыр. Мевлид, Пейгъамберимизден учь-дёрт асыр сонъ иджад этильген Ислямий бир адет олмакънен берабер, бидъатнынъ "хасене" (гузель) къысмына кире. Мухаддис ве факих Ибни Хаджер, мевлид мерасими акъкъында шуны айта. Ибни Аббаснынъ риваетине коре, Пейгъамберимиз (а.с.м.) Мединеге хиджрет эткенинде, Ашуре куню яхудилернинъ ораза туткъанларыны огрене. Ораза тутмаларынынъ себебини соргъанында, яхудилер бу шекиль джевап бергенлер: «Бу чокъ буюк бир куньдир. Бугуньде, Аллах, Муса иле къавмини къуртарды да, Фиравуннен къавмини (сувда) богъды. Муса да бунъа шукюр оларакъ ораза тутты. Иште, биз де бу куннинъ оразасыны тутамыз». Пейгъамберимиз (а.с.м.) бунъа: «Айса, биз Мусагъа сизден даа якъынмыз», – деп, буюрди. О куньден сонъ эм озю ораза тутты ве тутулмасыны да тевсие этти» (Муслим, Сыям 127). Ибни Хаджер бундан сонъ буны айта: «Бундан анълашыла ки, бойле бир куньде мевлид геджесинде Аллахкъа шукюр этмек там ериндедир. Лякин Мевлид мерасимининъ, Пейгъамберимизнинъ догъгъан геджесине тенъ кельмеси ичюн, дикъкъат этмек керек» ( Эль-Хавий Филь-Фетева, 1/190). Бунынънен берабер, базы Ислям алимлери мевлид мерасими тертип этмеге къаршы чыкъкъан, манасыз бир иш олгъаныны айткъанлар. Кунюмизде де бу алимлернинъ талебелери бизим арамызда барлар ве мевлидке пекъ къатты суретте къаршы чыкъалар. Бидъат, диннинъ эмир этмегени шейни ибадет ниетинен япмакътыр. Ёкъса, динимиз, Къуран окъумакъны, мевлид киби иляхилерни, нашидлерни окъумакъны ясакъ этмей. Онынъ ичюн, къартбаба-къартаналарымыз эр даим мевлидны окъуй эдилер, энъ къыйын вакъытларда бу мевлид миллетимизге мусульман олгъанымызны унуттырмады. Мевлиднен алякъалы бир къач адетимиз бар, оларнынъ арасында: «Эмине Хатун» болюмини окъулгъанда, «…Сувсадым гъает арареттен къатий, сундылар бир джам толусы шербети», – денъильгенде адетимиз узьре буны темсиль этмек ичюн, шербет кетириле. Амма базы ерлерде тамам о вакъыт ичиле, базы ерлерде иляхий айтылгъандан сонъ ичиле. Айны «Эмине Хатун» болюмининъ сонъунда, Хазрети Пейгъамберимизнинъ дюньягъа кельмесине сайгъы костермек ичюн, аякъкъа туралар ве саляват кетирелер. Базы койлерде саляват кетирип отуралар, базы ерлерде «Мераба» болюми де аякъта окъула. Айны «Эмине Хатун» болюмининъ сонъунда: «Аркъамы сыгъады къувветле хеман», – окъулгъанда, апайлар бири-бирининъ аркъаларыны сыйпайлар. Сонъ вакъытларда акъайлар да сыйпамагъа башлады, бу янълыштыр, эскиден ойле шей ёкъ эди. Анда даа зияде догъув ве Хазрети Пейгъамберимизнинъ анасы анълатылгъаны ичюн, апайларынъ темсили даа догърудыр. Ве суалимизге кельдик, о да: «Эй, Азизлер» адлы болюмде: «Ол васиет ки, дерим (бизде дирхем сёзюне авушты) эр ким тута, Миск киби къокъусы джанларда тюте»… Яни бу васиетимизни туткъанларнынъ джанларындан, вуджутларындан Ресул-и Экремнинъ миск киби къокъусы дуюла деп айтылгъанда, аслында буны темсиль этмек ичюн миск айляндырыла. Мискни тапамагъанлар тазе я да къурутулгъан нане, фесильген киби къокъулы отларны сюртелер. Эски вакъытларда мевлид акъшамлары раатлангъанда, чобанлар къоюнлары отлаткъанда окъуна эди, миск сёзюни окъугъанларында атешке къокъулы от атыла эди. Даа сонъ вакъытларда миск сюрюльмеге башлады, амма эвельки йылларда миск пек тапылмагъаны ичюн, памукъкъа гузель къокъулы шейлер, атта одеколон тёкулип айляндырдыкъ. Одеколон я да парфюм къулланмакънынъ абдестке зарары ёкъ. Амма гузель къокъуларны пек севген Пейгъамберимиз (с.а.в): «Къокъуларнынъ энъ гузели мисктир», – деп буюргъан (Муслим, Эдеб 5). Онынъ ичюн кунюмизде одеколон къулланмайып, эр ерде сатылгъан мисклерни къуллансакъ, даа догъру олур. Шуны да белиртмек керек ки, базы къойлерде дуадан эвель мевлид окъула. Бу эски вакъытларда инсанлар дуагъа етишсин, деп узакътан бекленильгенлер бар исе, олар кельгендже, дюнья лафы этильмейип, онунъ ерине мевлид окъуй эдилер. Бугунь исе дуанынъ вакъты белли, кельгенлер онъа коре келелер, онынъ ичюн энъ башта дуа этилюви яни Къураннынъ окъувы даа догърудыр. Къуран – Аллаху Теалянынъ келямыдыр, эр бир арифине севаплар бардыр. Онынъ ичюн, башта «Ясин» ве «Тебареке» сурелери окъулмакъ керек. Дуада башта Къуран Хатми багъышланыр, сонъ къыркълама (чюнки о да окъулгъан «Ясин»лердир), «Кензуль арш» олсун, мевлид олсун пек къыйметли олсалар да, Къуран аетлеринден сонъ келирлер. Раим ГЪАФАРОВ

Милостыня ФИТР

Опубликовано:

Довольно часто мусульмане задаются вопросом о том, как рассчитывается милостыня фитр, что берётся за основу расчёта и как это соотносится с практикой времён Пророка Мухаммеда (да благословит его Аллах и приветствует), а также с классическим подходом исламских мезхебов? Постараемся кратко и в доступной форме разъяснить этот вопрос. Относительно милостыни фитр Ибн Аббас сказал: «Посланник Аллаха приказал нам фитр, чтобы очистить постящихся от ненужных и некрасивых поступков, и чтобы беднякам было чем поживиться» (Муснед, II, 277; V, 432). Саид эль-Худри рассказывает: «Во времена Пророка мы выплачивали фитр из продуктов питания в количестве 1 са ′. Тогда мы потребляли в пищу ячмень, изюм, финики и сыр» (Бухари, Зекят, 74). В других хадисах упоминается ещё и пшеница. Выплачивается она в количестве ½ са′. По ханефитскому мезхебу можно выплачивать деньгами, а во времена вольготной жизни даже желательно. Потому что сказано Пророком: «Избавьте их от необходимости обходить (людей со своими просьбами) в этот день» (Даракутни, II, 153). Са′ ‒ это мера объёма, в пересчёте на вес равная примерно 3 кг. Следовательно, ½ са′ ‒  это 1,5 кг. для пшеницы. По мнению ханефитов и превалирующему мнению ханбалитов, фитир можно выплатить, взяв за основу один из четырёх продуктов, упомянутых в хадисе. А по мнению шафиитов, маликитов и части ханбалитов, его можно выплатить также из продуктов, распространённых в той местности, где проживает человек, из того, чем он питается, ведь пшеница, ячмень, изюм и финики – это продукты питания, распространённые во время жизни Посланника Аллаха. Исходя из всего вышесказанного, в наше время мусульманские учёные предлагают два способа расчёта милостыни фитр. Взять общее кратное стоимости упомянутых в хадисе продуктов питания (ячмень, пшеница, изюм и финики) в количестве 3 кг. Тем самым мы избежим возникновения множества различных цифр, которые появляются в преддверии Рамазана с учётом разнообразия цен в зависимости от качества этих продуктов и создают неразбериху, порождая у мусульман сомнения. Определить среднесуточный прожиточный минимум. Однако при подсчёте, сумма денег не должна быть ниже самого дешёвого продукта, упомянутого в хадисе (например, не ниже стоимости 3 кг. ячменя). Данный вариант также соответствует иджтихаду Имама Шафии, который говорит, что каждый должен выплачивать милостыню фитр из продуктов питания, которые он обычно сам употребляет (эль-Ум, II, 59). Согласно этому методу в нашей местности допустимо выплачивать из риса, фасоли, гороха, картошки, макарон, чечевицы, сыра и т.д. При расчёте как по первому способу, так и по второму, если брать цены на продукты ниже среднего качества, т.е. почти самые дешёвые (особенно изюма и фиников, не говоря уже о сыре), то, в принципе, сумма выходит одинаковая. Согласно подсчётам Совета по Фетвам ДУМК получается 230 рублей, что и утверждено в качестве минимальной суммы фитр-садака на 2019 г. для мусульман Крыма. Также данная сумма определяет количество фидьи, которую нужно выплатить за каждый день уразы, пропущенный в Рамазан тому, кто по состоянию здоровья не может его возместить. В исламском мире также имеет место мнение, что в качестве фидьи, ну и, естественно, фитр-садака, можно взять за основу сумму денег, потраченную в среднем за сутки на еду одним человеком. Для этого мы подсчитываем расход на продукты питания за месяц, делим эту сумму на 30 дней и на количество членов семьи. Если взять установленную уже сумму 230 рублей, то для семьи из пяти человек (муж, жена и трое детей) суммой, потраченной на еду, станет 34500 рублей в месяц. Для людей со средним достатком ‒ это нормальная сумма. Однако предполагаю, что далеко не каждая семья столько расходует на питание. Но учитывая, что фитр-садака предписан людям, имеющим материальный достаток, то установленный ценз в размере 230 рублей соответствует целям и требованиям нашей религии. Не следует забывать, что это минимальная сумма для фитра и человек в зависимости от уровня достатка может, а порой и должен, скорректировать данную сумму в пользу бедных. Например, 1 кг. изюма хорошего качества будет стоить порядка 450 руб., сыра ‒ 500 руб, а фиников ‒ 750 руб. Беря в расчёт три килограмма, мы получаем сумму, которая способна действительно обрадовать малоимущую семью, и даёт почувствовать заботу со стороны единоверцев!   Айдер ИСМАИЛОВ  

Бинъ айдан даа хайырлы гедже — Къадир геджеси

Опубликовано:

Рамазан айынынъ 27-джи геджеси (июльнинъ 1-ден 2-джыге кечер геджеси) Ислямда энъ мукъаддес сайылгъан геджедир. Бу гедже инсанларгъа дюнья ве ахиретте бахтлы олмакънынъ ёлларыны косьтерген, къаранлыкълардан чыкъарып, айдынлыкъкъа къавуштыргъан мукъаддес китабымыз Къуран энмеге башлады. Бу гедженинъ фазилетини анълаткъан «Къадир» суресинде Юдже Раббимиз бойле буюра: «Биз оны (Къуранны) Къадир геджесинде эндирдик. Къадир геджеси не олгъаныны сен билесинъми? Къадир геджеси бинъ айдан хайырлыдыр. О гедже Рабблерининъ изининен мелеклер ве Рух (Джебраил) эр иш ичюн энер турарлар. О гедже селяметлик толудыр. Та танъ догъувына къадар». Риваетке коре, Пейгъамберимизге (с.а.в.) умметининъ омюри косьтерильди. Пейгъамберимиз уммети къыскъа омюринде япкъан ибадетлеринен башкъа умметлернинъ узун омюрлеринде япкъан ибадетлерине етишип оламазлар, деп, тюшюнип кедерленген эди. Аллаху Тааля да Пейгъамберимизге (с.а.в.) «Къадир» суресини эндирип, кедерини севинчке чевирди. Келинъиз, шимди «Къадир» суресининъ маналарына бакъайыкъ: Биз оны (Къуранны) Къадир геджесинде эндирдик. Къуран окъулгъан, окъумакъ иле ибадет этильген китаптыр. Къуран вахий ёлунен кельген Аллахнынъ сёзюдир. Иште, бу аетте Аллах шуны бильдире: «Биз бу мубарек китапны топтан Къадир геджесинде дюнья семасына Бейтуль-Иззеге эндирдик». Бундан сонъ Къуран 23 сенеде ает-ает, суре-суре энди. Къадир геджеси не олгъаныны сен билесинъми? Къуран, Къадир геджеси энгени ичюн, о, Аллах къатында мубарек бир гедже сайыла. Бу себептен «Духан» суресининъ 3-нджи аетинде Аллах бойле буюра: «Биз о Къуранны мубарек бир геджеде эндирдик». Къадир келимесининъ манасы – «къадри, къыймети ве шерефи юдже», демектир. Бир башкъа манасы да – такъдир геджесидир. Къадир геджеси бинъ айдан хайырлыдыр. Бинъ ай – 83 йылдан даа чокъ заман, демектир. Демек ки, бир кимсе бир Къадир геджесини ибадетнен кечирсе, 83 йылдан даа чокъ ибадет эткен киби ола. Къадир геджесининъ къайсы геджеде олгъаны акъкъында Пейгъамберимиз бойле буюргъан: «Сиз Къадир геджесини Рамазаннынъ сонъки он куню ичинде тек ракъамлы геджелерде аранъыз». Бир башкъа хадисте де Пейгъамберимиз: «Ким Къадир геджесини арамагъа истесе, оны Рамазаннынъ сонъки еди кунюнде арасын», – деп, буюргъан (Бухарий; Муслим). Пейгъамберимиз Рамазаннынъ сонъки он кунюнде эр вакъыттакинден даа чокъ ибадет этип, аиле азаларыны да ибадет ичюн уяндыра эди (Бухарий). Ислям менбалары бильдиргенине коре, Аллаху Тааля Къадир геджесини ве ондан да башкъа базы шейлерни гизли тутты. Меселя, Джума куню дуа къабул этильген саат; беш вакъыт намаз ичинде салят-ы вуста (орта намаз); Аллахнынъ исимлери ичинде Исм-и Азам; бутюн ибадетлерде Аллахнынъ ризасы; заман ичинде къыямет, аят ичинде олюм вес аире. Буларнынъ гизли тутылмасындан макъсат – муминлернинъ уяныкъ, дикъкъатлы ве даима Аллахкъа ибадет ве итаат ичинде олмаларыны темин этмектир. Муминлер бойле буюк ве мубарек геджени гъафлет ичинде кечирмемели, ибадет ве къуллукънен дегерлендирмели. Бир хадис-и шерифте Пейгъамберимиз (с.а.в.) бойле буюра: «Ким Къадир геджесини, фазилетине инанып ве севабыны тек Аллахтан умют этип, ибадет ве итаатнен кечирсе, онынъ кечкен гунахлары багъышланыр» (Бухарий). О гедже, Рабблерининъ изининен, мелеклер ве Рух (Джебраиль), эр иш ичюн энер турарлар. Джебраиль (а.с.): «Биз анджакъ Раббнинъ эмринен энемиз. Кечмишни ве келеджекни ве экиси арасындакилернинъ эписини бильмек анджакъ Аллахкъа махсус ве Раббинъ аслы да унуткъан дегиль», – деп, буюргъан («Мерьем» суреси, 19/64 ает). Иште, мелеклер бу шекильде энелер. Олар, Аллахнынъ эмрини ерине кетирмек ичюн энелер. Мелеклер ерге энгенде, муминлерге: «Къоркъманъыз, кедерленменъиз, сизге ваде этильген дженнетнен севининъ. Биз дюньяда да, ахиретте де сизинъ достларынъыздырмыз. Сизге дженнетни мужделеймиз ве сиз ичюн дженнетте джанынъызнынъ истеген эр тюрлю ниметлер бар», – дерлер («Фуссилет» суреси, 41/30-32 аетлер). Бундан да башкъа, олар, муминлер ичюн бойле дуа этерлер: «Эй, Раббимиз сенинъ рахметинъ эр шейни сарып алды. Тёвбе этип, сенинъ ёлунъа таби олгъанларны багъышла ве оларны джеэннем азабындан къорчала!» («Мумин» суреси, 40/7 ает). О гедже селяметлик толудыр. Та танънынъ догъувына къадар. Яни бу гедже танъ ери агъаргъанына къадар селяметлик, къуртулыштыр. О гедже мелеклер муминлерни селямлар. Юдже Аллах о гедже инсангъа хайыр ве селяметлик берир. Яни, акъшамдан сабагъа къадар бутюн гедже хайырлыдыр ве эр тюрлю яманлыкътан къорчалангъан. Бундан да башкъа, бутюн япылгъан ибадетлернинъ къыймети пек буюк. Бунъа коре, Къадир геджесини намаз къылып, Къуран окъуп, тёвбе, истигъфар ве дуа этип кечирмек керекмиз. Намаз борджу олгъанлар, нафиле намаз къылмадан эвель, ич олмаса, беш вакъыт къаза намазларыны къылмалары даа догъру олур. Къазалары ёкъ олса, нафиле къыларлар. Къуран-ы Керим дюньягъа энмеге башлагъан бу мубарек геджеде Къуран окъумакънынъ айры бир къыймети бар. Табиинлерден Суфьян-ы Севрий бойле деген: «Къадир геджесинде дуа ве истигъфар этмек, намаздан даа да севимлидир. Къуран окъуп, сонъра дуа этмек даа да гузельдир» («Теджрид-и сарих»). Азрет-и Айше (р.а.) Пейгъамберимизден сорагъан эди: «Эй, Аллахнынъ Ресули! Къадир геджесине расткельсем, насыл дуа этейим?». Ресулюллах (с.а.в.): «Аллахумме иннеке афуввун тухиббу'ль-афва фафуанни (Аллахым, сен чокъ афу этиджисинъ, афуны севесинъ, мени афу эт)», деп, дуа эт», – буюргъан» («Теджрид-и сарих»). Бу мубарек геджеде япылгъан дуа ве ибадетлер къабул этиле. Бу себептен бутюн гедже ибадет, зикр ве дуалар этмели. Ким бутюн гедже отурып оламаса, ич олмаса, теравихтен сонъ бир микъдар дуа этмели. Къадир геджеси Рамазаннынъ сонъуна якъынлашкъаныны хатырлата. Бу мунасебетнен, бутюн Къырым ве дюнья мусульманларынынъ Ораза байрамы хайырлы олсун. Рамазан боюнджа къазангъан яхшы ахлякъымызны бутюн йылгъа яяйыкъ. Рамазанда ораза тутып, фукъаре ве мухтаджларнынъ алыны даа да яхшы анъладыкъ, бу себептен, оларгъа нисбетен даа дикъкъатлы олып, ярдымлашайыкъ. Бундан да башкъа, бир ай боюнджа ораза тутып, ниметлернинъ къыйметини анъладыкъ. Бу себептен, бизлер бу ниметлерни бизге бутюн омюримиз боюнджа багъышлаган Аллахны да унутмайып, Онынъ оразадан башкъа эмирлерини де ерине кетирейик. Къадир геджеси япыладжакъ ибадетлеримизни Раббим къабул этсин!   Иса ВЕЛИЕВ