Пятница

18

октября

19
Сефер 
1441 | 2019
Утр.5:36
Вос.6:52
Обед.12:33
Пол.15:25
Веч.18:04
Ноч.19:20
Времена намазов
Календари 2019г

Намаз

Neşirler Galereya

Yañı camide Oraza bayramı! (FOTO)

Опубликовано: 30 June, 2017

Oraza bayramınıñ ekinci künü Aqmescit civarındaki Levadki köyündeki Qadir camisinde yerli sakinler içün bayram merasimi teşkil etildi.

Yañı camide qayd etilgen birinci bayramnı yerli sakinler büyük eyecannen qarşılap aldılar. Bayram yüksek seviyede olıp keçti: “Nefes” ve “Nesil” taqımlarınıñ icrasında milliy oyunlar, “Emanet” icadiy gruppasınıñ çıqışları, İslâm dininiñ güzelligini aydınlatqan yarış ve viktorinalar bir kimseni lâqayd qaldırmadı.

Balalar büyük isteknen iştirak ettiler, eñ faal iştirakçiler bahşışlar qazandılar. Bayramnıñ soñunda kâğıttan şou kösterildi. Musafirlerni lezzetli pilâvnen sıyladılar.

Bayramda Qırım Müftisiniñ muavini Ayder İsmailov iştirak etti. O, dindaşlarğa quvanç tilep, yañı cami maneviy ve medeniy merkezge çevirilecegine ümüt besledi. Bu bayram er kesniñ hatırasında qalacağı iç şübe yoq, dep ayttı.

 “Büllür” cemaat teşkilâtı “Emanet” gruppasınıñ reberi Reyane Mustafayeva, “İlham” ansmblniñ reberi Bekir Adilov, Boğurça qasabası Medeniyet Eviniñ müdiri Marlen Osmanov, “Nefes” ansamblniñ reberi Elvira Beşhadem, “Nesil” ansmablniñ ocası Ernest Prtıhov, balalar ve olarnıñ ana-babalarına teşekkürler bildire.

 Destek köstrgen sponsorlar, yerli din cemiyeti, Qadir camisiniñ imamı Nişan ocağa ayrı minnetdarlıq bildirile.

QMDİ MDT matbuat hızmeti