Пятница

18

октября

19
Сефер 
1441 | 2019
Утр.5:36
Вос.6:52
Обед.12:33
Пол.15:25
Веч.18:04
Ноч.19:20
Времена намазов
Календари 2019г

Намаз

Neşirler Galereya

Saq şeeriniñ mektep-litseyinde maneviy-ahlâqiy terbiye feni kirsetildi (FOTO)

Опубликовано: 23 January, 2019

Saq şeeriniñ Sovetler Birliginiñ qaramanı F.F. Stepanov adına mektep-litseyiniñ oquv ceryanı qırımtatar tilinde alıp barılğan sınıflarda er afta maneviy-ahlâqiy terbiye dersleri keçirile. Saq şeeriniñ imamı Mesfer Settarovnıñ sözlerine köre, tematik dersler  2 “A” sınıf talebeleri içün ötkerile. Derslerniñ formatı farqlıdır.

Mesfer Settarov: “Bu subet, oyun vastası ile yañı malümatnen tanışuv ola bile. Mevzular başlanğıç sınıf talebeleri içün keliştirilgendir. Balalar büyük meraq ile Peyğamberlerniñ ayatı aqqında ikâyelerni diñley, bundan da ğayrı, biz olarnen birlikte “İslâmda ana-babalarğa nisbeten sevgi ve ürmet” kibi mevzularnı muzakere etemiz. Bu balalar içün meraqlı ve bundan sebep olar çoq şeylerden haberdar ola, aqılında qaldıra, hususan, dinimiz boyunca bilgilerni menimsey. Bizim maqsadımız – olarğa, yahşılıqnı yaramaylıqtan farq etmege, büyüklerge ürmetnen yanaşmağa, tuvğan topraqnı sevmege, milleti ve dinine sayğınen yanaşmağa ögretmektir”, – dep ayttı.

Mezkür mektep-litseyinde maneviy-ahlâqiy dersler er cumaaqşamı künü ötkerile.

QMDİ matbuat hızmeti