Суббота

20

января

4
Джумадиель - уля
1439 | 2018
Утр.6:43
Вос.8:04
Обед.12:59
Пол.15:13
Веч.17:44
Ноч.19:06
Времена намазов
Календари 2018г

Намаз

Neşirler Galereya

Qırım Müftisi Sevastopol gübernatorı ile körüşti (FOTO)

Опубликовано: 21 December, 2017

Dekabrniñ 19-da Sevastopol Akimiyeti binasında Qırım Müftisi hacı Emirali Ablayev Sevastopol gübernatorı Dmitriy Ovsânnikov ile körüşti. Körüşüvde şeerniñ akimiyet vekilleri, Sevastopol müsulmanlar diniy cemiyetiniñ temsilcileri ve şeerniñ qırımtatar birleşmesiniñ azaları iştirak etti. Qırım Müftisi gübernatorğa Qırım Müftiliginiñ faaliyeti, ilerideki planları ve teşkilâtnıñ esas vazifeleri aqqında tarif etti.

Körüşüv çerçivesinde eki taraf Qırım Cumhuriyeti ve Sevastopol şeeri musulmanları Diniy idaresiniñ nezareti astında bulunğan yerli din birleşmeleriniñ faaliyetini muzakere ettiler. Hususan, ibadet binalarınıñ resmiyleştirilüvi ve diniy merkezlerniñ qurulıvı içün topraq damartalarınıñ ayırılmasıdır. Bundan da ğayrı, vefat etken insannıñ bedenini yarıp açıp baqmaq ve mevtanıñ kömülmesi içün, onıñ yaqınlarına müsulman qaideleri boyunca keçikmeden, vaqtında berilmek kibi sualler muzakere etildi. Taraflar eski ve zemaneviy qabristanlarnıñ vaziyeti ve olarnıñ qoruvı meselesi, ibadet inşaatlarınıñ resmiyleştirilmesinde akimiyetniñ desteginde zaruriyet bar olğanını qayd ettiler. Körüşüv çerçivesinde reabilitatsiyadan keçken insanlar  yaşayışlarınıñ abadanlaştırıluvı sualleri muzakere etildi.

Ovsânnikov akimiyet organları ile işbirlikniñ amelge keçirüvinde yardım etmege azır olğanını bildirdi. Gübernatornıñ sözlerine köre, 2018 senesi 90-kvartiralıq evniñ qurulması planlaştırıla. Umumen ise, mezkür kategoriya boyunca mesken nevbetinde 140 insan turmaqta. Er eki taraf da ileride işbirlik tutacağına ümütleri ile biri-birine teşekkürler bildirdiler.

QMDİ MDT hızmeti