Вс

22

апреля

7
Ша’бан
1439 | 2018
Утр.4:09
Вос.5:36
Обед.12:46
Пол.16:33
Веч.19:47
Ноч.21:13
Времена намазов
Календари 2018г

Намаз

Neşirler Galereya

Qırım Müftiligi Pâtigorsk universitetinen işbirlik tutacaq (FOTO)

Опубликовано: 21 December, 2017

Qırım Müftisiniñ muavini Ayder İsmailov “Qırımda devlet ve diniy teşkilâtlarnıñ inkişafı boyunca aktual sualler ve Rusiye Federatsiyasınıñ diger regionları ile işbirlik” konferentsiyasında iştirak etti. Konferentsiya Pâtigorsk şeeriniñ Pâtigorsk universitetinde ötkerildi.

Selamlav sözleri devamında Ayder İsmailov, konferentsiya teşkilâtçılarına davet etkenleri ve çoq asırlar devamında İslâm dini kütülgen Qırımğa büyük diqqat ayırğanları içün teşekkürler bildirdi.

 “Qırım Müftiligi daima Qırımda aliy oquv mektebi ananesi ğayrıdan tiklenilmesiniñ tarafdarı edi. Bu strategik bir sual ve, fikirimizce, mütehassıslar, milleti yaşağan yerinde Müftilikniñ nezareti astında terbiyelenmeli. Zanımca, Qırım aliy oquv yurtlarınıñ küçü ile biz bu meseleni çezermiz ve İslâm oqutuvı saasında büyük tecribesi olğan Pâtigorsk Devlet universitetinen işbirlik tutacaqmız. Biz tecribe paylaşuvı ve din erbaplarınıñ ihtisasını yükseltmek içün umumiy maarif leyhalarını ömürge keçirmege azırmız”, – dep ayttı Ayder İsmailov.

 “Qırımda devlet ve diniy teşkilâtlarnıñ inkişafı boyunca aktual sualler ve Rusiye Federatsiyasınıñ diger regionları ile işbirlik” konferentsiyasınıñ iştirakçileri devlet ve diniy teşkilâtlar arasında işbirlikniñ güzel taraflarını qayd ettiler ve işbirlik şartlarını aks etken Rezolütsiya imzaladılar. Hususan, Rusiye Federatsiyasınıñ maarif organlarına Qırım Cumhuriyetiniñ devlet ve diniy-maarif teşkilâtları ile işbirlik aqqında Añlaşmanı imzalamağa tevsiye ettiler. Vesiqada umumiy ilmiy konferentsiyalar, seminarlar, kollokviumlar, “tögerek masalar”, açıq lektsiyalar, sergiler ve ilmiy-tasil, maarif mevzusındaki diger tedbirlerniñ keçirilüvi aqqında söz yürütile. Bundan da ğayrı, Rezolütsiya boyunca çeşit regionlarda ilmiy-maarif sergiler, neşircilik leyhalarınıñ birlikte ömürge keçirilüvi, studentler ve ocalar içün ameliyat ve iş tecribesiniñ teşkil etilüvi közde tutula. Konferentsiya devamında Qırım Cumhuriyetiniñ devlet ve diniy tasil teşkilâtları Rusiyeniñ diger regionları ile işbirlik programmasınıñ işlep çıqarıluvı aqqında qarar qabul etildi. Ötkerilecek tedbirlerniñ cedveli tizildi. Bundan da ğayrı, aliy oquv yurtlarına Qırım Cumhuriyeti diniy erbapları ihtisasınıñ yükseltüvi ve İslâm tarihı ve medeniyeti boyunca yüksek seviyeli mütehassıslarnıñ azırlanuvı boyunca iş başlamağa tevsiye etildi.

QMDİ MDT hızmeti